رواية فصلية بديلة ( شموخ ) الجزء الثاني الفصل الثامن والعشرون بقلم ام ملكوت
:- وصلنه ونزلت وانه شايله البدله شوي حتى لا تطلع رجليهه والزلم منا كلهه نزلت تهوس لمحمد وتركصله دخلتهم لغرفه انتظار العرسان نزعتهه
:- وصلنه ونزلت وانه شايله البدله شوي حتى لا تطلع رجليهه والزلم منا كلهه نزلت تهوس لمحمد وتركصله دخلتهم لغرفه انتظار العرسان نزعتهه
الكبوس عدلت تسريحتهه وبقينه واكفين شفتهم واحد يباوع للثاني وكل شوي رافع ايدهه بايسهه
حسيت روحي عضمه ببلعومهم عاد عفتهم وحدهم بالغرفه وطلعت وكفت بالباب شافني احسان من بره واجه علي وهو يكول..
_هاا شموخه شتسوين بره ماتدخلين للقاعه
_منتظره يصيحولنه حتى اجهز البنيه
_جا ليش ماتدخلين للغرفه يمهم
_يمعود توه خاطبين شكو داخله يمهم كاطعه رزقهم
_وشسوي بيك يمي بعد اختك
_خاف تحتاجين شي وحتى لا تضلين وحدج خاف كلشي يصير
_لا كلشي مايصيرلي وحدي ووكفتك هنا وياي راح تجيبلي العين والمشاكل فروح احسلك
_شسالفه ياهو اليحجي مثلا اقاربنه يدرونه اصدقاء واولاد عم والغريب يحسبنه متزوجين
_هلووو باحلامك اخلي احد يشوفك زوج الي
_ليش لهل درجه انه مو بعينج وماستاهلج...
_لا لاني انه ماستاهلك انت المفروض تلكه بنيه تحبك وتصونك العمر كله ماتستاهل تضيع حياتك ومستقبلك علمود وحده مثلي كل قطره حب ما بكلبهه
_معقوله بعمرج مافكرتي تحبيني
_ابد
_يله ميخالف مو مهم تحبيني المهم تتقبليني وخلي الحب والزواج وكلشي علي ومو المهم تحبيني لان الحب البكلبي الج يكفينه ثنينه طول العمر
_احسان
_هاا علت كلبي
_شكم مره فتحت هل موضوع وكتلك سده وافقد الامل منه وانت باقي لحد هسه تفتحه وياي
_ماكدر اسد الموضوع او انهي هل حب البكلبي احبج ويكفيني ان احاول اضهرلج هل حب بكل وقت على امل ان يجي ذاك اليوم يلي رح تتقبليني بي وتقبلين اطلب ايدج
_وانه كتلك ورح ارجع اكلك مستحيل احبك واتقبلك غير اخ وابن عم وصديق واتمنى لو ماتفتح الموضوع وياي بعد لان ماريد اتضايق وماخذ راحتي بالتصرف وياي
_يله ميخالف رح احجي بهل موضوع بس بالمناسبات يعني بكل عرس او بكل مره يزيد اعجابي وحبي الج
_هففف الحجي ضايع وياك خلي ادخل احسلي
_لا لا تعاي ابقي بمكانج وانه رايح عنج بس لا تعتبرين روحتي انسحاب واستسلام عنج تذكري بكل مناسبه اذكرج بهل موضوع
_الى متى مثلا
_الى ما لا نهايه
هزيت راسي باسف ورحت للغرفه دكيت الباب ودخلت لكيته متمدد عل قنفه ومخلي راسه بحضنهه وهيه وجهه احمر من الحمره والخجل
وهوه كذلك توتر وحس بخجل ..ولو هوه انه من يمي استحيت بس حاولت اتلافه الموقف تافافت بصوت عالي واجيت عليهه وانه احجي واطلع كريم الاساس من جنطتي ..
_شلون بيك محمد ماصبرت منا لوره الحفله واخذ راحتك وياهه احسن خربت حمرتهه ولو حقك اليشوف هل جمال والبراءه شلون يكدر يصبر وماياخذ مقبلاته ..
باوعولي بخجل وضحكوا ثنينهم كعدت يمهه عدلت مكياجهه ورجعت حددت شفتهه على حداد
الكوافيره وخليت نفس الحمره تقريبا بس طلعت حلوه مانشزت .. ابتسمت برضى وكمت من يمهم وانه اكلهه ..
_حبي عبير اتصلي باخوج خلي يجيبلي ريانه حتى ادخل للقاعه لان راح يصيحولكم
_تمام حبي ..
كعدت عل كرسي ورجع محمد تمدد بحضنهه اليشوفه يكول جان يكرب وضهره متكسر صفنت عليهم وحسيت بشعور حلو فعلا بعض الاشخاص
يحلون الحب بعين البشر من كثر وفاءهم .. صليت على محمد وكلت ماشاءالله لا افطن عليهم نوب وينحسدون .. اندك باب الغرفه وكمت فتحته وصار
بوجهي راهب وهوه شايل ريانه وايدهه مليانه فلوس فتحت عيوني بتعجب وكلت وانه اخذهه من ايده..
_هاي شنو ولج ماما قاطه العالم وجايه راح تشتغلين نصابه يا امي
_لا شسالفه طفله هيه وينهه وين النصب بس نكدر نكول كسبت رزقهه من خدودهه
_ياا ولج ماما انطيتي خدودج مقابل فلوس ..
حجيتهه ودكيت على صدري ادريهه تحب هاي الحركه ماتت ضحك وشمرت روحهه بحضني ضحكوا الكل والتفتت على عبير لمن كالت ..
_هههه دعوفي البنيه لج شموخ شلجيتي وياهه بعد عوزج تطلعيهه رقاصه ويكوكون عليهه فلوس
_خيه كلشي يصير اوهوس انه من ناحيه البنيات ماريدهه تتعود على هيج من الصغر
_لا ماتتعود لا تبالغين بعدهه صغيره وماتفتهم ..
ابتسمت وباوعت لراهب وهوه صافن علينه ومبتسم شالت ريانه حمره من الفلوس وانطتهه اله وهي تكول..
_بابي هاك ..
فتحت عيوني مصدومه من كلمتهه وهوه باوعلهه مبتسم ورفع عيونه باوعلي تلافيت الموقف وكتله بسرعه موضحه سوء الفهم..
_احم هيه هاي سولتهه كلما شافت رجال كلتله بابي
_ميخالف خلي تصيحلي بابي يجعلني ابوهه صدك ..
اختفت الابتسامه عن وجهي لمن حجه هيج وصفنت بي وهوه بقه لحظات صافن بعيوني بحب فزيت على همس محمد ويه عبير وسمعته يسالهه
"اكو شي بيناتهم" لزمت كلبي خوف بس لا يفهمنه غلط تالي وتصير مشكله رجعت انظاري لراهب وكتله بتوتر..
_من رخصتكم رايحه انه ادخل يم البنات
_اي تفضلي مرخوصه..
عبرت من يمه وارتطم كتفي بكتفه وهو واكف بالباب ولا ابتعد حتى عكدت حواجبي باستغراب واحس كلبي رجعتله حاله الرجفه والخفقان مثل
الصبح دخلت للقاعه ورحت كبل لغرفه التبديل بقيت واكفه اخذ نفس اهدي بروحي وريانه تباوعلي وتندهلي خايفه علي بلعت ريجي بصعوبه
وكلت خلي اطلع الهي روحي ويه البنات لا ابقى واتخربط هنا وحدي .. نزعت الجبه والحجاب عدلت نفسي وانه اديه ترجف مثل حال كلبي نزلت
على ريانه لزمت ايدهه وطلعنه شفت جنانه من بعيد ورحتلهه حضنتني وبادلتهه الحضن صارلي فتره لا شايفتهه ولا جايه البيتنه ولو افضل لو
ماتجيلنه بعد حتى لا يتجرأ مرتضى ويختلي بيهه وتنجر وراه .. عاتبتهه وشفت التعب بعيونهه ظنيت ان صايره مشكله بينهه وبين مرتضى او مسويله
سالفه وياهه بس ماسالتهه الوقت والمكان مو مناسب .. كعدنه شويه تالي دخلوا العرسان وصاروا يركصون على اغنيه اليسا شويه تالي اشرتلي امي
عل علبه مال حلقات كمت طلعتهه من جنطتي انطيت ريانه لجنان ورحتلهم قدمتلهم الحلقات وكال محمد بتساؤل..
_اكول شموخ الحلقه البسهه الهه باليمنى باليسرى
_حاليا هيه تلبسهه الك باليسرى وانت تلبسهه باليمنى ولمن تتزوجون انشاءالله تحولوهن على الايد الثانيه
_هاا اوكي انطيني الحلقه
_تفضل يبعد كلهم
_يبعد حيلي انتي ..
ابتسمت وعبير حجت من يمهه..
_ها ها عيني جا تغزلوا بيه انه العروس بدال ماتتغزلون ببعضكم اييه الج الله يروحي حماتج ماتحبج
_هههه شلون مانحبج شعدنه غيرج احنه وشكم عبير جنتنه
_فديت طولج يروحي
_فديت هل وجه الحلو
_هههه يله هسه انت استاذ محمد تغزل لا تضل صافن بوجهي
_انه اتغزل بالفعل مو بالكلام تردين ارجعج لغرفه الانتظار..
غمزلهه وفهمنه قصده ضحكت وضربته على رجله بخجل لبسوا الحلقات والذهب وباسهه براسهه تالي من كالت ام الدي جي بوسهه ماقصر تغزل بيهه
بالفعل مثلما كال والكل صار يصفكلهم شغلتلهم اغنيه اجمل اثنين وكاموا لزم اديهه وركصوا سويه على انغام الاغنيه بعدهه جابوا الكيكه ٣ طوابق
ولزموا السيف او نكول السجينه الطويله وكطعوا الكيكه اجت اخت راهب الجبيره خلتلهم قطعه بالصحن وشوكتين مديت ايدي اخذت وحده من الشوكات وخليت بس وحده همه عرسان بعد ليش الشوكتين وحده كافيه عليهم واحد وكل الثاني وشربوا عصير اجت
النادلات اخذن الكيكه من المكان وصرت اركص انه وياهم وامي لحدما تعبنه رجعوا كعدوا بمكانهم تالي سلم عليهه وطلع محمد يم الزلم حتى ناخذ
راحتنه بالركص .. شغلوا الاغاني وشدت اسراء الشال على خصري انطتني السيف مالت الكيكه وكالت جملتهه القديمه..
_يلا يا ود انت وريني الشطاره
ضحكت وسحبتهه هيه وبان وجنان واختهن الوسطانيه يلي عمرهه بال٤٠ بقت بس واكفه وتصفك وانه واسراء وبان ذبينه لحم بالوسطه
واركص واتمايل ويه السيف ..تالي كومنه العروس خليناهه بالوسطه تركص وصرنه نفتر عليهه ماسكين الايادي ونغني ويه ريمكس اغنيه"عليك عيوني تاخذني"
وكلهه تغني وياهه بصوت عالي ..خلصت الاغنيه وهيه تعبت رجعناهه للكوشه ورجعت السيف عل ميز وكعدنه انه والبنات هلكانين بقينه نسولف
وباوعت لجنانه اشرتلي بشكو ضحكت لان عفتهه وكعدت يم البنات اشرتلهه تجي يمي واجت كعدت لزمت ايدهه والتفتت على اسراء وبان كتلهن...
_هاي بنت عمي وخالتي وصديقه طفولتي جنان
_تشرفنه بيج حبيبتي
جنان ؛ الي الشرف يروحي
اسراء ؛ انه اخت العروس الاكبر منهه وبان اختهه الاصغر اخر العنكود
جنان ؛ اهلا بيجن عمري
_تذكرين لمن ضعت من اهلي بعمر ال١٥ بانفجار كربلاء
جنان ؛ اي
_ همه الناس الجنت كاعده عدهم الشهرين المرت واحتووني بيتهم وفتحولي حضنهم
جنان ؛ لا صدك
_اي والله
جنان ؛ يعني البنات خوات راهب الجنتي تحلمين بي
اسراء ؛ بشرفج تحجين صدك
_فلشج كون اليسمعج يكول جنت احلم بلقائي بي ماجني مره شفته بمنامي
جنان ؛ ها العفو خاني التعبير
اسراء ؛ من لسانج لبواب السما
_كعدي راحه اسرااء منين طلعتيلي صفح انتي وعبيرو تردن تشبكني باخوجن
جنان ؛ اي شكو بيهه مدام خواته يردنج اله هاي من محبتهن الج ولان يعرفن ان بس هوه المناسب الج وبس انتي تستاهلي
اسراء ؛ لا عاب لسانج احجيلهه قنعيهه بلكي تفتهم منج وتحن على كلب اخوي الصارله سنين متولع بيهه
جنان ؛ جا هوه يحبهه شنو
_لاا جنان شسالفه بنات سدن الموضوع تره تضايقت
اسراء ؛ اي والله ياخيه من جانت عدنه لهسه وهوه يحبهه شكد لحت عليه امي ينساهه ويحب غيرهه
بس هوه ابد مرات يحجي ويكول ادري بيهه متزوجه هسه ومخلفه بس رغم هل شي ماكدر ينساهه
جنان ؛ الحب الاولي مو بسهوله ينسي ويضل جرح بكلب الانسان طول العمر..
:-صفنت بكلامهن على راهب وحبه الي وتذكرت لمن لكيت اهلي واخذني الهم و اعترفلي واحنه بطريقنه للمستشفى .. معقوله بعده يحبني صدك ومانساني
مثلما تكول اسراء بس اشو لمن التقينه ماسوه رده فعل ولا حاول يحجي وياي ويسالني عن حالي واذا جنت تزوجت لو بعدني .. رغم كتله انساني وهل
مشاعر المؤقته تروح ويه الوقت بس طلعت مشاعره مو مؤقته اتجاهي ولا شي يكدر ينساه ويشمره بعيد عن كلبه يعني شنو طلعت المشاعر
متبادله ..تنهدت بحيره وتوه ياله خطر ببالي سبب تجاهله الي قبل ايام لمن عرف عندي بنيه وظن اني متزوجه اثاري قرر فعلا ينساني هل مره ويترك
حبي .. ولو بعد احسن لو نساني واعتبرني متزوجه وترك حبه يلي ماراح يستفاد منه شي غير الانتظار والالم لان من سابع المستحيلات ممكن
انجمع على مخده وحده ويه رجال ثاني الخسيس ثائر خله عندي عقده من الزلم وحبهم وكلشي ولو فكرت اقبل بمشاعر راهب فما راح اكدر اتقبله
واجرح مشاعر احسان يلي صارله سنين يحبني وينتظر على امل اتقبل حبه الي اووف اووف الانسان دائما يطيح باكثر المواقف اليكرهه وانه
هل موقف مافاركني كل هل سنين من كثر كرهي اله .. هزيت راسي بحيره وفزيت من صفنتي لمن كامت امي وحجت للنسوان يتقدمن عل طاولات
حتى يجيبلوهن العشه كمنه كلمن لبست عبايتهه وحجابهه و اخذتلهه كرسي على نفس الطاوله وريانه بحضني جابوا العاملين مالت القاعه الاكل
بسفريات على عربانه ووزعوا للنسوان بالبدايه تالي جابولنه احنه جان البلم بي ٣ شياش كباب وكم قطعه تكه وخيار وطماطه وطرشي وبطل لبن
وصمونه مكبوسه بجيس وو ..الاكل طالع يشهي عاد نسيت الرجيم و سمينه بالله مدينه ايدنه ناكل فتحت وجبه الاطفال لريانه وصرت
اوكلهه واوكل نفسي وعطر راهب اللاطش بيهه سطرني ينعس الواحد من جماله عبالك مخدر مو عطر .. كملنه عشه ورحنه انه والبنات لغرفه
الانتظار وجان بره مغسله غسلنه وعدلنه مكياجنه ورجعنه دخلنه ركصن بنات عماتي شويه وكعدن واحنه ماكمنه بعد ركصنه لان البنات تعبن وانه
انسطرت من العطر ودي يخلولي مخده هسه واذب روحي نايمه انه وبنيتي .. وره ساعه تقريبا كالوا خلص الوقت ولازم نرجع حضرنه روحنه ودخل
محمد اخذ عبير ورحت وياهم انه وريانه لازمين الفستان ركبنه بسياره بابا بس ماساق هوه راهب اخذ عنه السواقه واحنه كاعدين وره لان سيارته اخذهه رجل بان واخذ بيهه خواتهه وبقيه النسوان
رجعن توزعن عل كوسترات همزين مارحت وياهن جان اختنكت انه وريانه وشلون احب الزحمه انه .. حركوا السيارات وصارت عبالك زفه ثانيه دك وركص..
اخذوا معازيمنه لبيت اهلي ومعازيم خالتي رجاء جابولهن كيه واجن ورانه لبيت راهب وصلنه ونزلنه فتح راهب باب البيت ودخلنه عبير انه ومحمد
للصاله كعد سولف شويه وياهه واحنه طلعنه من يمهم رحنه للمطبخ انه والبنات وكعدنه نسولف تالي سالت بان عن زواجهه وحجتلي قصتهه ويه راهب
وشلون شلع كلبهم ياله انطاهه لاوس تعجبت من تصرف راهب وياهم واستغربته عاد هوه مو من النوع اليمانع الحب الا اذا جان مجروح منهم وطلع
فعلا هيج بس تالي حنيته على اخته خلته يوافق وينطيهه اله .. قاطع سالفتنه راهب لمن تحمحم التفتت وشفته باب المطبخ اشر للبنيه الغريبه
الكاعده ويانه ويلي فهمت انهه ضحيه بقضيه من قضاياه وجايبهه هنا لبينما يضمن سلامتهه ويضمنلهه بيت من اقاربهه يستقبلونهه وتبقى
عدهم منا لتتزوج بس اشو هذا اشرلهه وكامتله بسرعه وهيه مبتسمه وكف حجه وياهه وهمه واحد يباوع بوجه الثاني ماكدرت اسمع شحجو وتضايقت
وشفتهه مو حلوه ان يوكفون بهل قرب ويحجون حتى لو جانت صغيره بعمر ال١٧ سنه تبقى بنيه
شابه وغريبه عنه بقه بالي يمهم مدري شمالني كلساع التفت اباوعلهم وارجع ادور ضهري شفت اسراء تباوعلي بترقب وسالتهه..
_اكول هاي البنيه ماعدهه اقارب ليمته رح تبقى هنا
_بعد خيه على مايحاجي خوالهه ويتحاكمون عمامهه ياله يرجعهه
_هاا
_بس اول ماجابهه للبيت وسالناه منو هيه تدرين شكال
_شكال
_كال حبيبتي وخاطفهه من اهلهه لان درو بينه ورادو يكتلونهه
_وصدك هيه هيج
_بعد الله اعلم هوه كال عمامهه كاعد يتحاكمون والا يضمن سلامتهه ياله ترجع فمعقوله لان صدك رادوا يكتلوهه او لغير شي ماعرف
_ جا خوب يتزوجهه شمنتظر لحد هسه وليش يريد يرجعهه اذا خطفهه وحاكم عمامهه
_على كولتج بعد الله اعلم يجوز حجه هيج لان القضيه سريه ومايريد نساله هواي اساله
_اي يمكن هيج ..
اجت البنيه كعدت بمكانهه ووجهه مستبشر استغربت وسالتهه اسراء شنو راد راهب وكالت بخجل..
_هاا هيج سالفه بيناتنه منعني من ان احجيهه
_هممم..
باوعتلهه بشك اسراء ورجعت باوعتلي رفعت اكتافهه بعدم معرفه وبقيت صافنه عليهه ماعرف بس مارتاحيتلهه ولا حبيتهه لهل بنيه اجت خالتي
وفاء كالت ان محمد يصيحلي اخذت ريانه ورحتله للصاله شفته واكف يعدل بقميصه تافافت وطلعت كلينكس من جنطتي واجيت يمه مسحت الستره ورقبته ووجهه من اللماعي والمكياج اخذ الكلينكس كمل مسح وجهه وكال..
_يله خلينه نروح عيب من الجماعه وتاخر الوقت
_اي ماعندي شي جنت منتظرتك تشبع من الحلقومه
_ههه ماينشبع منهه الحلقومه هاي ..
خله ايده على كتفهه وضرب راسه براسهه وهمه مبتسمين ضحكت عليهم و هزيت راسي تنهدت وطلعت من الصاله سلمت على البنات ودعتهن
واخذت ارقامهن اهم شي وطلعت للحديقه لكيت محمد يسولف ويه راهب وزوج اسراء وكفت يم محمد وسلمت على زوج اسراء رد السلام وسال عن حالي بحكم ان يعرفني من زمان وكال
محمد يله نروح مشينه للسياره ردت اصعد وسمعت راهب سوه بسبس التفتت عبالي يصيح لبزونه مدري يصيحلي اصلا استغربت..
اثاري جان يصيح لريانه باوعتله وراحتله تركض شالهه وهوه يضحك باسهه بخدودهه وطلع جكليتات من جيبه خلاهن بجنطه الفستان مالتهه واجه باتجاهي وهوه يكول..
_ديري بالج عليهه لان لاحظت عليهه تختنك لمن تركض
_شنوو ريانه اختنكت يمته وليش مادري
_لا ماختنكت بس يضيق تنفسهه ليش عدهه مشكله هيه
_اي عدهه ربو قصبي وراثي
_لااا
_اي والله ومداريتهه مثل رمش العين اقل حركه زايده لو نفاذ بطاقتهه تختنك علي
_اوو وشلون هاي الخنكه دائما تجيلهه لو شنو
_لا بس كل سنه بفصل الربيع ومرات اذا بجت او ركضت هواي تختنك والحك عليهه بالبخاخ
_خطيه والله ضوجتيني حرام هل ترافه يصير بيهه هيج
_جا شنسوي بعد قدر الله وماشاء فعل
_الحمدلله على كل حال ديري بالج عليهه بعد واذا ماعندج شخص يعتني بيهه تكدرين تجيبيهه وياج للدوام اخليهه يمي حتى لا تلتهين بيهه عن شغلج
_لا مشكور وماقصرت عندي امي وابوي هناك واخوتي يعتنون بيهه ويعرفولهه
_اي للاحتياط كتلج اذا ماعندج احد جيبيهه اعتبريهه رخصه مني
_تمام شكرا الك سيدي
_خليهه بس بالدوام السيدي صيحيلي باسمي عادي لمن نكون بره
_تمام انطيني ريانه من ايدك اكيد تعبتك اليوم وشكرا لانك اعتنيت بيهه عني سويت فضل علي والا جان بقيت محتاره وين وعدمن اخليهه بهل هوسه
_لا ولو انه هم تونست وياهه شغلتني عن هواي اشخاص مايستاهلون اخلي بالي وياهم
_هاا
_اي والله يله صعدي لا تاخرين اخوج اكيد تعبان هسه
_اي والله يله تصبح على خير
_اجمعين هلا بيج ..
اخذت ريان وصعدت بالسياره كعدتهه بحضني ومحمد بعده واكف على جهه سلموا على راهب وتشكروا منه هواي تالي صعدوا بالسياره التفت علي بابا مقلص عيونه بشك وكال..
_شموخه بابا شنو بينج وبين راهب
_ياا بابا شسالفه مابيناتنه شي جنه واكفين نسولف على مرض ريانه لان لاحظ عليهه تختنك لمن تركض لو تضحك
_جا بابا ليش خليتيهه عنده خاف زعجته للرجال
_لا على كولته بالعكس خلته ينشغل وياهه عن هواي ناس ماتستاهل يبقي باله وياهم فماكو مشكله يعني وهوه اصلا كلي خليهه يمي مارجعهه الا هسه
_وهاي من الضهر لهسه عنده هاا
_اي والله بس من دخلت للقاعه اخذتهه منه تالي رجعت يمه من طلعنه وهيه مكيفه عليه بله عليك حفيدتك كلما شافت رجال كالتله بابي وضلت تبوس بي صايره مستهتره
_لااا حفيدتي على جدهه تحب الكلوبهم طيبه ولو فعلا مثلما تكولين جان ماتضايق من مرتضى لمن يشيلهه
_اي هم صدك بس شقصدك بابا يعني مرتضى كلبه مو طيب
_لا طيب بس مو حنون عليهه وهيه تعرف اليحن عليهه والمايحن
_هااا تفهم حفيدتك اكثر مني طلعت
_جا شلون الا صدك على طاري مرتضى عندي موضوع مهم وياج بعدين
_شنو هوه
_سر بعدين تعرفينه اريد اسوي شي وتساعديني بي
_هاا تمام الله اليستر من التريد تسوي فجاتا
_هههه لا تخافين فركه اذن هاي لا اكثر
_هاي شنو
_اي بويه ..
تنهد وضرب كف ايده على رجله ودار عل جامه صافن بالشوارع وهمه يبين بعيونه استغربت حاله
بابا هاي ولزمت كلبي قلقه كلت الله اليستر شمسوي مرتضى وهيج متضايق ابوي منه ويريد يسويله فركه اذن ....
.
.
:- صبح بارد ودنيا مغيمه مثل روحي والصخونه والكحه بعدهه ملازمتني كاعد بمكتبي اشتغل مثل اي يوم اندك الباب وكلت تفضل دخلت ورفعت راسي اشوف منو شفتهه شموخ لو مدري شصار بكلبي حسيته رجع لنقطه الصفر ورغم محاولات ان انساهه وابتعد رجعت النبض لكلبي بفوتتهه هاي علي للمكتب ..
تحمحمت وكتلهه وانه ارجع عيني عل ملف..
_تفضلي شموخ رايده شي
_سيدي اريد اخذ اجازه لباجر لان عندي تحضيرات وشغل بالبيت للخطوبه مالت محمد وعبير
_تمام انطينياهه اوقعهه وادزهه للعميد
_تمام تفضل سيدي ..
اخذتهه منهه وهيه صافنه بيه بتساؤل بكلبهه حجي بس ماكدرت تحجي من شافتني رجعت اشتغل دكت تحيه وطلعت بتردد..
شمرت القلم بعدما طلعت
ورجعت ضهري عل كرسي لزمت كلبي ياذيني معتصر كلما اتجاهلهه واشوفهه هيج تباوعلي لو تريد تحجي وياي وتتردد روحي تتاذه عليهه واتمنى لو تعرفنه بضروف احسن من هاي والتقينه قبل سنين قبل لا تزوج وتشوف حياتهه ..
تافافت ونفضتهه من بالي رجعت كملت شغلي وطلعت للعميد سلمته اجازه شموخ واخذت اجازه انه هم من الدائره حتى اكون حاضر بخطوبه اختي وافتح بيتي
للمعازيم واقاربنه وكعدت هل يومين بالبيت وهم كلت فرد مره حتى تروح الفلاونزه لان من وراهه صرت ماعرف اركز بالشغل..
كاعد بالديوان وحدي
جكارتي بحلكي والجداحه بيدي صافن عليهه وافكر.. حاولت بهاي الايام انساهه حاولت ابتعد عنهه وحتى عيني ماوجهه الهه بس عبث لمن صرت اتجاهلهه ونويت انساهه صارت تطلعلي بكل مكان وتحاول تحجي وياي وانه احتار ان حجيت وياهه وباوعت بعيونها ارجع لنقطه الصفر يلي بعدني مامعديهه وان تجاهلتهه فاكون ضفت بانزين لنار كلبي وتزيد اكثر..
احتاريت وماكدرت اميز الصح من الغلط شوشت عقلي وكلبي صرت ماعرف شسوي بشموخ يلي صارت مثل الجمره بكلبي لا اكدر اشيلهه ولا اكدر اخليهه بالحالتين بنارهه انه محترك ..
وخاصه كلامهه عن زوجهه يلي ماعرف اذا جانت تحبه تذمه بس الاعرفه لمن سالتهه اسراء اذا جانت تحبه او لا حسيت بهل جمره حركتني زايد وماتحملت اسمع الجواب منهه مباشرتا..
رفعت راسي باوعت بعيونهه من المرايه الكبالي محاول افهم اذا هيه تحبه فعلا او لا بس ماشفت شي جانت عيونهه طبيعيه لمن جابوا سيرته مالمعت بحب لو شاطت بغضب حسبتهه معتبرته زوجهه وتحترمه كزوج او هيج شي بس رغم هذا ضاقت الدنيا بعيني وضجت من الموضوع كله ..
لزمت بريك موكف السياره كبال الصالون وانه فكري كله يكلي انهه تحبه باوعتلهه من المرايه ودرت عيني عنهه وكتلهن ينزلن قبلما تحجي لان مجرد فكره ان شموخ تحب زوجهه جانت اصعب وامر من فكره زواجهه نفسه وصار عندي فضول اشوف هل شخص المحظوظ واعرف شنو المميز بي حتى تقبل تتزوجه وهي كارهه الزواج جانت..
نزلتهن من السياره وشخطتهه راجع للبيت وصلت ودخلت بوجهي للحمام سبحت بماي بارد لان مليت من هل صخونه يلي كاعد تضرب على راسي وعيوني ومامخليتني اشوف دربي ..
نشفت وصحت لامي جابتلي ملابسي لان دخلت بالحمام الخارجي جابتلياهن لبست وطلعت لغرفتي طفيت البنكه الجانت مشعوله دائما حتى بوقت البرد
لان ماحب الخنكه ..
تمددت عل جربايه وخليت معصم ايدي على عيوني رغم جسمي كب نار وبروده العظام مسيطره علي بس ماتحركت من مكاني لا لبست
ملابس هواي ولا تغطيت وكأني كرهت نفسي وحبيت اعاقبهه على الكاعد يسوي بيهه كلبي وحبي لشموخ ..
كلهه فتره ساعتين غفيت بيهه
بدون ماحس كعدتني امي حتى اجهز نفسي لان راح يجون المعازيم..
كمت غسلت وجهي لبست ترواكه اخذت نقالي وباكيت الجكاير ورحت للديوان احس الصخونه اختفت جنت ناوي اعاقب روحي مساع بس تحول العقاب لدوه داويت المرض بالمرض..
جابتلي امي كلاص جاي وكعدت ادخن واشرب جكاره ..
فزيت من صفنتي على صوت دك الباب مالت الشارع طلعت فتحته شفتهن خواتي الكبار وازواجهن سلمت عليهم استقبلتهم بالديوان ورحت جبت المايات والجايات
من امي وكعدنه نسولف على الوظائف والشعب واسعار الدولار الصاعده هنااك واجوا بقيه المعازيم من جيرانه بكربلا واقاربنه من بعيد وصديقات امي وعبير مو هواي جم واحد بس
ترخصت من الجماعه اخذت فلوس وطلعت اشتريت خروف على كدهم وفواكه وكونيه تمن وشعريه وهل مواد مالت الطبخ وعصاير ولبن
دفعت الحساب صعدت سيارتي ورجعت للبيت سلمتهن بيد اختي الجبيره لان عدهه خبره بالطبخ
واكلهه طيب ورجلهه هوه ذب ح الخروف وصاروا النسابه يساعدون بالطبخ خوش زلم ومايوم طلعت منهم الزاحله ولان محترمهم ومقدر ضروفهم وماشافوا تخيز مني صاروا همه كذلك يحترمون خواتي وماينقصون عليهن بشي ودائما
احترام الزلمه لمرته ينزرع من خلال اهلهه اذا جانوا اهل البنيه محترمين يحترمهه زوجهه واذا جانو هتليه وسرسريه ماتنشرى المره بدينار واهلي تربوا عل احترام ونسابتي تعودوا عليه من اول يوم الهم ويه كل اخت من خواتي الحمدلله..
المهم رجعت كعدت بالديوان فتره واجاله مسج من عبير استغربت ودخلت للمحادثه اشوف شنو دازه وشفتهه كاتبتلي..
💬ابو معاذ انطيني بشارتي
💬اي خير انشاءالله
💬كل الخير حبيبي
💬انطقيهه
💬شموخ طلعت مطلقه من رجلهه
💬لا صدك من شوكت هل حجي
💬 اي والله قبل ٣ سنوات ونص وتدري اصلا شلون تزوجته
💬شلون
💬 طلع مسويلهه سحر ومخليهه قابله بي حتى يستغل شغلهه كمحققه بالمستقبل بس تالي لمن راح مفعوله رجع عقلهه لراسهه وطلع محتال ونصاب اصلا
💬هاي شنو هل كلاوات معقوله زلمه يسوي سحر
💬اي والله حتى احنه انصدمنه بس حسب كلامهه يعني ان فعلا هيج جانت نيته
💬زين شنو اسمه بله
💬يمكن كالت ثائر بس ماعرف ابوه بعدين اسالهه واردلك خبر
💬تمام
💬اي ماكتلي شلونهه معنوياتك من سمعت بهل خبر
💬عادي شنو يعني قابل بيمن راح يفيدني خبرج
💬ليش مارجع عندك الامل بيهه
💬لا بعد صارت مره متزوجه وعدهه طفلتهه شكو يصير عندي امل بيهه
💬تحجي صدك
💬قابل مجذب عليج من قبل
💬تمام كسرت ام حماسي عبالي راح تفرح وتجي تتقدملهه
💬 روحي كملي شغلج خويه روحي
💬هففف تمام رايحه شكد خبيث
💬هاي ليش
💬احسن يله باي
💬هههه خبال اي والله روحي باي..
ختمت الرساله بسمايل ضايج وراحت زفرت براحه واحس ماي ثلج نزل على كلبي من هل خبر ماحسبته مجرد بشاره وانما احس عبالك ردت
الروح بيه استبشرت ملامحي وابتسمت لمن تذكرتهه من كالت للبنات يسدن موضوعه حتى لا يتعكر مزاجهه اثاري طلع واضح من البدايه انهه
كارهته ومستحيل تكدر تبقى عايشه ويه شخص تكرهه .. ارتخت ضيقه صدري وارتاحيت واخذني واهسي بالسوالف لحدما صار وقت الغده وكالتلي
امي اخذه الهن عاد اتصلت على اسراء بحجه الغده وحتى اسمع اخبارهه .. رن النقال شويه وردت علي اسراء بحماس..
_هاا رهبانو ليش اتصلت تريد تتاكد من الخبر
_ههه لا بس ردت اكلجن لا توصن غده من المطعم لان طابخين بالبيت وهسه راح اجيبه الجن
_همم متاكد بس علمود الغده اتصلت
_خويه ادري مرات اجذب عليجن بس هذا ما يعني كلما احجي شي تتاكدن منه مره ثانيه
_هههه لا بس احسك فرحان وماتريد تبين فرحتك النه
_على شنو افرح مثلا
_خويه انه اختك واعرف كلبك كل هل سنين منو رايد ومتمني ومدام صحتلك فرصه اغتنمهه قبلما غيرك ياخذهه مره ثانيه ولا تحاول تجذب علي
وتكلي مطلقه وعدهه بنيه ماتفيدني وماريدهه اعرفك لو حبيت تغاضيت عن هل اشياء واحنه وامي شنريد من الدنيا غير ان نشوفك مرتاح وسعيد ويه التحبهه
_والله مادري ياخويه تعرفينهه انتي من غير شي كارهه الزواج جانت مو نوب عاشت تجربه سيئه بي
_خليهه على خواتك وحاول انت تبينلهه انك بعدك تحبهه بس لا تعترف وتشردهه تره اليدفع المره للرجال هوه فضولهه فبينلهه حبك بس لا تعترف
ابد مره ماشيهه ومره تجاهلهه خليهه تنشغل بيك وبتصرفاتك خليهه هيه تحبك بدال ما تعترفلهه وتطالب ان تتقبلك لان هل طريقه ماتفيدك وبعدين تعرف ان كلامي صح
_الله كريم بعد خويه احاول وياهه ونشوف تاليهه ويه شموخنه
_هههه يمه فديتكم هيج واشوفكم كاعدين ايد بايد عل كوشه وتلبسون الحلقات وامي تهوسلكم حبهه ولا تخاف من امهه الله مجرد كلام وصار كلبي يرفرف شحال لو صارت صدك
_هههه يبعد اخوج وشيباته انتي عمي الخوات الخبلات والسبورت رزق
_هههه خلينه خبلات ولا حيايه ونكرص بحبيبه كلبك
_على كولتج
_هههه يله خلي اروح يمهه ام خدود كاعد تباوعلي وشحلاتهه طالعه نوب المفلوكه هنيال الينام بحضنهه الليله
_لجج اسراااء
_ههههه يله سكتت حرام و عيب نستحرم احنه
_هههه يل راح اجيبلكم الغده انه وكليلهه هالله هالله بالوزن لا تاكل هواي وراهه تدريبات
_انشاءالله اوصلهه كلامك بس منو طبخ
_اختنه العوده ياهو بعد والنسابه تساعدوا وياهه
_بعد عيني نسابتي الكفو
_ههه يله روحي خلي اجهز السياره
_يله تمام باي حبيبي ابو معاذ
_الله وياج خويه..
سديت الاتصال منهه وانه كلبي انسحل من كالت هنيال الينام بحضنهه الليله خرب لشتج اسراء على هل سالفه من غير شي انه محترك كلبي عليهه
وتجين تولعينه زايد بهل كلمتين الله يصبرني وماباوعلهه اذا هيج لان الشيطان زايرني زايرني الليله الله يلعنه.. رجعت النقال بجيبي ودخلت للمطبخ اخذت سفريات الاكل من اختي خليتهن
بالسياره وصعدت اخذت نفس وطرت بيهه للصالون وانه مشغل اغنيه "يا جميلتي"
وانه اسوق السياره على انغام الاغنيه ورسمهه ببالي لحدما وصلت رمشت عليهن ونزلت طلعت الغده وفتحت الباب اسراء انطيته الهه باوعتلي وهيه مبتسمه وكالت..
_ شلونهه المعنويات هسه
_ههه فول يبعد اخيج بس خلي حجي مساع بيناتنه
_هههه طبعا بيناتنه وماكول لاحد بس عبير لانهه خطيه هيه هم تريد تجمعكم
_تمام هسه بيش ساعه تكملن
_بعد من نكمل احنه نراسلك تجيلنه ومن تجي رمشلنه
_هاذهو يله رايح انه ديري بالج عليهن
_انشاءلله اخليهه بعيوني لحسن الگمر شموخه..
ابتسمت وتشردت بعيوني عنهه مامتعود وحده من خواتي تحجي وياي بهل طريقه وبهيج موضوع اشرتلهه سلام بيدي وصعدت بالسياره راجع للبيت ..
نزلت وكعدت تغديت ويه النسابه وشربنه جاي خليتهم ينامولهم ساعتين على ما يصير وقت الروحه وانه رحت لغرفتي سبحت ونشفت طلعت بدلت ملابسي شسورت شعري رشيت عطري المعتاد " GLINT " اجن خواتي دكن الباب ودخلن كعدن عل جربايه واجيت يمهن وانه احجي ويه زينب
اختي الجبيره..
_هلا خويه نورتن الغرفه
_بنورك حبيبي شلونك
_عايش والحمدلله انتن شلونجن رجولتجن شلونهم وياجن
_زينين ياخويه وياهه وياهه الزلمه كل يوم اله شكل ولون نتحملهم ومن الله الفرج لان يتعبون خطيه
_ونعم بالله على كولتج هوه الزلمه يطلع يشتغل ويتعب ويصير ضغط وكود عليه بره ومحد يدري
باليصير وياه وواجب المره تخفف عليه بكلمه حلوه وملاكات طيبه وانتن تعرفن بعد رجولتجن شنو يردون وشيحبون
_اي والله ياخويه ابو معاذ وياهم ومامقصرين بشي عليهم كاعد نزيف الضحكه حتى لو تعبانين بسبيل ان مايهج من البيت لو طنكرنه
_ههه خويه الدنيا مخلصه مو مال واحد يطنكر تره واذا تضوجن حاولن تحاجيهم بلطف وتطلعون تمشون تره حبسه البيت تخنك وتتعب النفس همين
_ايي والله الدنيا مخلصه ويرادلك بعد انت وامي شخص يونسكم ويملي بيتكم وايامكم بعد شهر انشاءلله تروح عبير لبيت رجلهه وتبقون وحدكم انتو منو الكم
_انه موجود يم امي انشاءلله وماقصر عليهه بشي
_وانت ياخويه شجم دوب راح تبقى بلا زواج عمرك ٣٤ سنه صار وانت لا خاطب ولا متزوج اذا
عندك وحده ببالك احجيلنه احجي لامي ونروح كلنه نخطبهه الك بس لا تضل هيج العمر كله
_الله كريم خويه بعدني حاليا انه من اشوف بنت الحلال التناسبني اخليكم اول الناس تدرون
_مو امي خطيه كلما صار لو سمعت بعرس احد تكول بعد وليدي راهب يمته يعرس وافرح بجهاله وانت تدري بوضعهه ياخويه خوفي من ان تروح من هل دنيا وماشايفه اطفالك
_ لا انشاءلله عمرهه طويل وانشاءلله ماطول عليهه بس خل اشوف دربي هل فتره الجايه وانه اخذ قراري
_يعني ناويهه
_انشاءلله
_اي بيهه الخير انشاءلله يله كمل كشختك ولو ماتحتاج كشخه اخونه هيبته مزينته
_بعد روحي والله
_اخذ راحتك حبيبي
_تفضلي خويه..
كامن رادن يطلعن وباوعتلي بان اشرتلهه تجي خلتهن يطلعن واجت كعدت عل جربايه مقابيلي لزمت ايدهه وكتلهه..
_شلونج خويه اوس شلونه وياج
_زينين الحمدلله بعد شوفه عينك كاضيهه بالتدريب للغروب ياله يرجع
_اي تحملي بس هل سنه والسنه ونص وترجعون لبيتكم ولوضعكم المستقر اذا الله راد
_بس خويه مامرتاحه وياه بنات بالتدريب ....
.
.
#يتبع......
#شموخ♧ #بارت_30
هلو بنواتي عذروني تاخرت عليكم بتنزيل البارت لان صار عندي ظرف +اتمنى تستمتعون بالقراءه +ولا تنسوا التصويت والتفاعل الحلو مثلكم //
••انت فقط من يُزاحم قلبي، يعادي الكل،
ينافس الأشخاص، يستحل المقام الأول دائمًا🌻
بقلمي :#Om_Malakut
#شموخ♧ #آل_رهبان ✨️🖤
_________
:-كامن رادن يطلعن وباوعتلي بان اشرتلهه تبقى وهيه خلتهن يطلعن واجت كعدت عل جربايه مقابيلي لزمت ايدهه وكتلهه..
_شلونج خويه اوس شلونه وياج
_زينين الحمدلله بعد شوفه عينك كاضيهه بالتدريب للغروب ياله يجي
_اي تحملي بس هل سنه والسنه ونص وترجعون لبيتكم ولوضعكم المستقر اذا الله راد
_بس خويه مامرتاحه وياه بنات بالتدريب ..
_هههه وهسه انتي عيونج مدمعه وتفكرين من وره البنات
_لاا بس اخاف عليه بنات الحرام مو قليلات
_ليش شفتي عليه شي
_لا ابد
_جا تطمني ياخويه انه اعرفه لاوس وادريه ابن حلال ومايوم طخ بنات الحرام ولا بنظره حتى
وقبلما تصيرين انتي حلاله وتدخلين حياته بعد تردينه يروح يصاحب هسه عليج وانتي عنده وماليه عينه وبيته
_اي هم صح بس مو بيدي اضل اوهوس
_لا لا عوفي الوهواس هذا تره مايجي من وراه غير خراب بيوت رجلج يحبج ولو ماعرفه خوش رجال وثبتلي وفاءه ماجان شلتج وانطيتج اله بعد كل هل سنين المرت
_انشاءلله خويه راح اعوف هل وهواس واخليهه على الله وعلى حجيك بعد
_خلي عندج ثقه بي تره اوس كدهه واخذي كلامي وعد بالنسبه الج تره الرجال لو شاف مرته ماتوثق بي هوه كذلك مايصير يثق بيهه ولا ياخذ راحته وياهه
_ تمام اذا هيج
_ههه يله محتاجه شي ثاني
_لا خويه تسلم ربي يديمك النه
_يبعد اخوج شلي انه بالدنيا غير اشوفج وخواتج سعيدات ومرتاحات بحياتجن
_بعد عمري الله يفرحك ويجمعك بعزيزه كلبك
_هاي ياهي ولج
_كلبك خلي يكلك ياهيه وانه خلي اروح يم البنات
_ههه يله روحي خويه روحي
_هههه ..
ضحكت وطلعت من الغرفه ابتسمت وهزيت راسي بحيره طلعت اسراء وعبير حاجيات للدنيا كلهه مو بس لامي ..كمت كملت كشختي على كولت زينب وطلعت للصاله يمهن وهنه مخبوصات يسولفن عن فلان وفلتان لحدما مر الوقت اتصلت علي اسراء معناهه خلصن اخذت سويج السياره وباكيت جكايري تركته بالبيت ماحتاجه بعد النفسيه مفوله حتى الفلاونزه طارت صرت صل..
كتلهم يجهزون نفسهم والدجاجه وطلعت من البيت رحت للصالون رمشت عليهن وطلعت شموخ باوعتلهه لو احس كلبي رجف حجت وياي مدري شني وانطتني بتهه اكتفيت بكلمتين وهزيت راسي اخذت الطفله شلتهه على ايدي بستهه وهيه حضنت رقبتي عبالك تعرفني من زمان شميت بيهه ريحه امهه تمعنت بملامحهه وحسيتهه تشبهه لشموخ كلش بوستهه من خديداتهه وبقت هيه تلعب بسلسال رقبتي مركزه وياه طلعن البنات شايلات بدله عبير ابتعدت عن طريقهن فتحن الباب وصعدنهه وانه صعدت ريانه يمي بالصدر حجت شموخ حتى تأخذهه وحسيت صوتهه صارقريب اذني..
التفتت قصدا وانه احجي وياهه وصار وجهي مقابيل وجهه احس روحي اشتعلت واحتركت بنار جهنم الحمره يلي ملونه شفايفهه
بس سرعان مارجعت عيني بعينهه هيه تحجي بهدوء وانه روحي مشتعله عليهه استوعبت الموقف ورجعت لمكانهه كعدت باوعتلهه من الجامه خرب لشتج على هل جمال طالعه جمره حمره نفسهه الجاويه كلبي ..
اشو انه كلت هيج لو تخربطت البنيه مدري من الموقف مدري من عيني حركتهه بس لا عيني عين
محب ماتحسد ..
التفتت عليهه وشفتهه شلون تتصبب عرك من جبينهه واطرافهه ترجف كلش خفت عليهه وبالي ضل يمهه صفيت السياره على
صفحه وبقيت صافن عليهه بترقب اخذت الجكليته اكلتهه ويا جعلني هاي الجكليته كون .. المهم من بعدما اخذتهه وشربت ماي هدات رجفتهه بس سالتهه للاحتياط اذا تريد اخذهه للمستشفى عرفت سكرهه انخفض لان دورات تصير بيه هل حاله من اتمرض ..
شفتهه صارت طبيعيه ورجعت
حركت السياره وصلنه للبيت ودخلن هنه وانه اخذت ريان ودخلت للديوانيه وياهو اليسلم علي من الماشايفه صار سنين يكلي هاي بنتك ماشاءلله طالعه عليك.. خرب شرفهم اي والله شلون ومن يا ناحيه تشبهني مادري بس يله اعتبرهه مجامله لطيفه وتقبلتهه وفعلا بكل مره اباوعلهه بيهه وتجي تبوسني لو تحضني اتمنى
لو هيه بنتي انه وشموخ وطالعه من صلبي ولو يكفيهه العز انهه بنت شموخ حتى لو مو بنتي صارت اعز من جهالي بالمستقبل
لو صار عندي ..
بقينه كاعدين شويه تالي رحت جبت الشيخ وطبعا ريانه وياي اليوم كله مافاركتهه خليتهه مثل الورده بجيبي وافتر بيهه
وهي تمليني بريحه امهه .. اجت الزفه وعقدلهم الشيخ وطلعوا للقاعه واحنه بقاعه ثانيه الزلم كلمن يسولف بحده وانه ملتهي
ويه ريانه العب باصابيعهه بس قاطعنه لمن اجه واحد ماعرفه من طرف محمد سلم علي وكال وهوه يباوع لريانه..
_انطينياهه عنك اكيد تعبتك
_ليش شتصير منهه
_انه ابن عم العريس احسان
_هلا بيك بس امهه امنتهه عندي مايحتاج تاخذهه
_منو #شموخ امنتهه عندك
_اي بس منا زلم ماكو داعي تجيب اسمهه يمهم بصوت عالي
_العفو منك بس #بت_عمي هيه #وعرضي واخاف عليهه وعلى بتهه اكثر من الغريب
_وانه مو غريب
_ليش بله شتصير منهم
_ #مدربهه لشموخ واخو العروس انه ويلقبوني #ابو_معاذ لو ماسامع بيه
_هلا بيك والنعم منك بس
_بدون بس خويه البنيه امهه امنتهه عندي وماسلمهه غير لامهه ..
صفن بوجهي بعصبيه تالي هز راسه وراح يمشي بنتر هزيت راسي باسف ورجعت كعدت وخليت #ريان بحضني وتحت انظاره العبهه واضحكهه وهوه
يباوع حسيت سالفته مو خاليه وبيهه ان جيته هاي حتى ياخذ البنيه وياخوفي يطلع البالي صدك اله اكوم الدنيا ماكعدهه لو حاول شخص ياخذهه لشموخ مني مره ثانيه ..
فتره واتصلت علي عبير استغربت ورديت عليهه وكالت ان شموخ تريد بتهه كتلهه جاي وسديت الاتصال شلت ريانه على كتفي
وطلعت من القاعه لغرفه الانتظار البقت بيهه عبير دكيت الباب وفتحته الي شموخ ابتسمت لا اراديا وهيه تلبكت اخذت البنيه من ايدي واستلمتهه تحجي عليهه بقيت صافن على حجاياتهه ومبتسم وكلبي كلي بعد هاي هيه نفذ الصبر وصار لازم نتقدم خطوه اتجاهه وخلينه نبدي هل خطوه
🌺
بكلمتين بسيطه وهادفه لمن كتلهه (جعلني ابوهه )صدك بقت صافنه وترمش بعيونهه مامستوعبه ضحكت خفيف تالي طلعت من يمنه وعند مانطيتنهه مجال رغم تعتبر تصجيمه بس ب بنيه صافيه ..دحك كتفهه بكتفي وراحت دخلت جوه وهي تباوع بتوتر ابتسمت وطلعت من يمهم وفعلا قررت ماتركهه بحال سبيلهه واخذ بنصيحه اسراء واخليهه هيه التعترفلي قبلما اعترفلهه انه حتى لا ترفضني وتشرد مني مثل اخر مره .. جريت نفس براحه
مليت ريتي بي ورجعت للقاعه وهيج يكون خلصت الخطوبه وختمناهه بالسالفه الكسرت خاطري ويلي تخص مرض ريانه كلش ضجت عليهه طفله هيه
وينهه وين الربو هاي راح تنحرم من احلى شي بطفولتهه وهوه الركض واللعب وادعي ربي كون ماتتعقد من هل مرض هذا وتنحرم من طفولتهه ومن هواي اشياء تحبهه...
.
.
:- فتحت عيوني على كوابيسي المعتاده باوعت للساعه بعيون ذبلانه ومغوشه ركزت فتره يلا وضحت الصوره عندي شفتهه ب٧ الصبح اجه على
