رواية من قلب العتيك الفصل الثاني بقلم جمانه السعيدي
علي...طلعت من البيت وصلت الراس الشارع وكفت
مااعرف وين اروح
اي مكان اروحله قريب راح يدورون عليه
اذا مو اهلي عمامي
مستحيل راح اخلص
اني مجنت ناوي اضربه هيج بس هو الي استفزني
اهل امي قريبين بس ماكدر اروحلهم مراح يكدرون يحموني اذا صار شي
اصلا مابقي بيتهم غير بيبي وخالي
خالي عنده ضعف أعصاب مايكدر يسند نفسه
وووووو اروح ياربي
شفت امي طلعت من بيتنا ودكت الباب على جوارينا عدهم سياره تكسي
اكيد تريد تنقل ابوي للمستشفى
بقيت وأكف واراقب من بعيد
طلعو ابوي دخلو بالتكسي اخذو للمستشفى
وين اروح ياربي شلون اب ضالم
مصمم يضيعنا واحد واحد
بقيت امشي مااعرف وين اروح وشلون راح اخلص
من هاي الورطه الي وكعت نفسي بيها
اذكرت ابن عم ابوي هذا انسان مختلف كليا عن ابوي
شايل محنه وطيبه مو طبيعيه
بيته بغير قضاء بنفس المحافظه بس بغير قضاء
تقريبا ساعتين بلسياره
اروحله منا لمن اشوف حل الهاي المشكله
على الاقل ااكون بعيد عن اهلي
رحت للكراج ماكو عبريه
بقيت كاعد بلكوستر اكثر من ساعه
كل الي يصعد يباوع عليه شكلي مخربط وبملابس الشغل
الحد ما قبطت الكوستر بالف ياعلي
الطريق كله افكر لو مات ابوي شراح يخلصني
ااكيد عمامي مراح يسكتون
والحكومه راح ادور عليه ضاع مستقبلي
شسوي هو إنسان لا يطاق
هو جبرني اضربه مصمم يستفزني وياخذ تعبي
وصلت للمنطقه الي بيها بيت عمي سلمان طبعا اني بعمري مجايهم
جمانه السعيدي
بس اسمع عمي يحجي عن منطقتهم
نزلت وبديت اسئل
وين بيت سلمان العتاك عمي يشتغل عتاك
يشتري العتيك ويبيعه
عنده حصان وعربانه يشتغل بيهن
مزوج بس رب العالمين مارزقه بااطفال
ياسبحان الله ملاك مو رجال شكد انسان محترم وبسيط
عكس ابوي تماما
ابوي بهذا طبعه عنده عشره
وهذا الانسان الطيب ماعنده اطفال
كلشي بي حكمه من رب العالمين
الحمد لله على كل حال
امشي واسئل محد يعرفه الدنيا صارت ليل
وقلت الناس بلشارع حتى مااعرف اسئل منو عنه
اذا ماعرفت بيته وين شلون وين اروح
ابات بلشارع اليله شلون بيه
اكو دكان زغير كاعده بي مره جبيره بلعمر
علي...شلونك خاله
...هله خاله هله بيك
علي...اريد اسئلج هم تعرفين وين بيت سلمان العتاك
...سلمان العتاك
علي...اي اني أقاربه واجيت من بعيد وتيهت بيتهم
...اوكف خل اسئلهم بلبيت وارجعلك
ايجوز يعرفونه
دخلت المره اني بقيت واكف برا
شويه طلعت وياها رجال جبير
...هااا عمي الله يساعدك
علي...يساعد بختك
...تفضل تعشى ويانا هله بيك
علي...لا الف رحمه على والديك تسلم
....سلمان العتاك موهنا الشارع بس اني راح ادليك علي
تطلع من هذا الشارع تمشي عدل بعدين تمشي يمين
تمشي اربع فروع وتدخل بلفرع الخامس
ادخل بلشارع تلكا رابط الحصان برا بلشارع
علي....تسلم الف رحمه على والديك
علي رجعت امشي بس المسافه بعيده
تقريبا نص ساعه يله وصلت بس دخلت للشارع
وشفت الحصان اطمنت واخيرا وصلت
تعبت كلش تعبت طالع من الاذان الصبح
اشتغل عماله ومن رجعت للبيت حتى ارتاح صارت عركتي ويااا ابوي اخذت نص حيلي
والنوب الطريق
وصار اكثر من ساعه ادور على بيت عمي
دكيت الباب زوجته كالت منو
علي....اني علي خاله
نجيه.....ياعلي فتحت الباب هيه ما تعرفني
لان ما تجينا بس للمناسبات
مره ضعيفه طويله لابس دشداشه طويله ولا بسه شيله
عمرها تقريبا ٤٥
علي...عمي سلمان هنا
نجيه.....اي موجود انت منو
علي....علي مزبان
نجيه....اوكفلي شويه
دخلت وطلع عمي يركض عليه هله هله بلعزيز ابن العزيز
شلون وصلت هله بيك تفضل
علي...الله يسلمك ويحفظك انشاء الله
جمانه السعيدي
دخلت للبيت هلكد ما تعبان اريد بس الزم الكاع
سلمان...شلونك الاهل شلونهم
علي...الحمد لله زينيين
سلمان....نجيه عشى عشى
نجيه....صار
علي...شلونك عمي
سلمان...بخير ولله الحمد
سلمان.....كون واحد من أهلك صار بي شي انت ما متعود تجينا هيج على غفله
علي....الصراحه اني ضربت ابوي وشردت
سلمان...لا لا ليش بويه
علي...خل ارتاح واججيلك كلشي صار وياي
سلمان...عشى نجيه بسرعه
جمانه السعيدي
على...طلعت غسلت وجهي ودخلت صحيات
لحكني عمي انطاني دشداشه من دشاديشه
دخلت سبحت ولبستها كلش جبيره عليه
حسيت نفسي شويه ارتاحيت
كعدت جابتلي نجيه العشى تعشيت وكملت
جابولي جاي كعدت نجيه وعمي كبالي يردون يعرفون شنو القصه
علي....مليت صدك ياعمي مليت امي كبرت وضهرها انكسر على مكينة الخياط
وهو على نفس طبيعته ما تغير عمره فوك الخمسين
وهو على نفس سوالفه
كمنا نكره البيت من ورا
سلمان...غير ابوكم اتحملو
علي...مانربد منه شي بس يكفينا شره
راتبه اله كلشي ماتربد منه بس يسكت ويعوفنا بحالنا
مشاكله ما تخلص
اني اشتغل وانطي الامي شغلي اساعدها
تعبت من الخياط وهو راتبه الحبايبه
هسه غير يسكت ويحترم نفسه
لا تعال انطيني شغلك اصرفه على ونستي
ماقبلت ضربني وغلط عليه
تالي شافني انطيت الامي فلوس شغلي
كام ضربها يريد ياخذهن منها
ماكدرت اسكت دفعته عنها وضربته بذكرك على راسه
سلمان....انا ابوك مات
علي...مااعرف اخذو للمستشفى
سلمان....يابويه خاف يموت ولك هاي عمله جبيره
علي...مقصدي اااذي بس ماكدرت الزم نفسي
ولله هذا العمر كله خلصنا غلط وحجي واهاين
وساكتين
كافي بعد مااكدر اتحمل اكثر
سلمان....باجر اذا مااجانا خبر من اهلك
كول بعده عايش
علي....اني بعد ماارجع البيتنا اريد اشوفلي شغل واشتغل
وادورلي سكن
سلمان....لا مايصير تحجي هيج هذا بيتك
واحنا اهلك وإنشاء الله يصير صلح
بينك وبين اهلك
تبقى هنا معزز مكرم نخليك فوك راسنا كل العله بيك
تونسنا اني وخالتك وتحد مكابل الثاني
تونسنا وترد الوحشه علينا
علي....نمت اني بلاستقبال وهما جوه بغرفتهم
بيتهم عباره عن غرفتين ووحده للخطار
ووحده ينامون بيها
ومطبخ مرتين زغير وحوش جبير
كعدت الصبح على صوت عمي طلع برا يغسل
كعدت صبحت علي وغسلت تريكنا كلنا سوه
بيض سلك وجاي وخبز
خالتي نجيه دخلت تعجن وتنظف
وعمي لبس ملابس الشغل يريد يطلع على باب الله
علي...عمي تطلع للشغل
عمي...اي يابة اطلع على باب الله
علي...واني شعندي باقي بلبيت اروح وياك
عمي...ليش تعب نفسك ابقى نام وارتاح بلبيت
علي...شبعت نوم اطلع وياك مااتحمل ابقى بلبيت
عمي...بكيفك
نزعت الدادشه ولبست ملابسي لكيت خاله نجاة غاسلتهن
طلع عمي شد العربانه على الحصان وصعد واني صعدت كعدت بصفه
وبدينا نفتر بلشوارع ونصيح
عتيك للبيع عتيك للبيع
خبز يابس للبيع
اذا اشترينا اي شغله من اي بيت اني انزل اشيلها واخليها بلعربانه
واذا خبز يابس انزل اخلي بالميزان اوزنه واخلي بلعربانه
بطريق الرجعه للبيت الضهر
سلمان...باجر اني اروح الاهلك
علي....ليش تريد ادليهم على مكاني
سلمان....لا بس اشوف شنو الوضع وارجع
علي...عمي اذا متعاجز مني اروح اشوف غير مكان
سلمان...صدك تحجي اني اتعتجز منك
انت وليدي صدك افرح اذا بقيت وياي
بس اشوف شنو الوضع هناك وارجع بنفس اليوم
علي....بس اريدك اطمن امي عليه
سلمان....صار سهله
