رواية قلب خديجة الفصل الثاني 2 بقلم اميرة خالد

داليا 

بصيت لها تصدقي ان انا غلطانه اني وقفت جنبك وسابتها ومشيت 

وضحكت خديجه

وفي الحمام ماهر كان بيغسل وشه مطرح الروج 

ومنه بتظبط الميك اب بتاعها وكمان هدومها 

ماهر 

بهدوء ينفع اللي انتي عملتيه ده 

منه بابتسامه وعينيها في المرايه عملت ايه انا كل اللي انا عملته ان انت وحشتني وقربت منك فين المشكله 

ماهر 

انتي فعلا مجنونه ودي اكتر حاجه مخلياني حبك 

منه 

عشان تعرف بس 

ماهر 

طيب يا ستي انا لازم اخرج دلوقتي زمان خديجه قالبه الدنيا 

منه 

طيب يا حبيبي بس اعمل حسابك ان هنتقابل في الشقه بكره وما فيش هروب فاهم ولا لا 

ماهر بسها من خدها طيب يا مجنونه وخرج 

وخديجه كانت لسه هتدخل الفيلا شافت ماهر خارج كل ده يا حبيبي 

ماهر 

معلش يا حبيبتي اصله كان معاه مشكله وحليتها المهم هنطفي التورته امتى 

خديجه دلوقتي حالا

وثاني يوم في الشركه خديجه كانت قاعده متعصبه يعني ايه التسيب ده والورقه ده ما يتمضيش عليه لغايه دلوقتي 

السكرتيره والله يا خديجه هانم انا دخلت الورق ده كذا مره لماهر بيه لكن ما كانش بيرضى يمضي وكان على طول بيخرج بيسيب الشركه وحضرتك ما كنتش فاضيه بسبب سفرك للجمارك لبورسعيد 

خديجه طب سيب الورق وتعالي كمان شويه خديه 

وخرجت السكرتيره وخديجه كلام السكرتيره بيرن وفي ودانها يعني ايه وماهر بيروح فين وفتحت الملف وبدات تقرا في الورق قبل ما تمضي فيه لكن ما قدرتش تكمل وقفت وراحت على مكتب ماهر 

اما عند ماهر كان بيتكلم في التليفون خلاص يا حبيبتي هاجي لك كمان شويه المهم انتي اسبقيني على الشقه فاهمه ولا لا 

ردت منه اكيد يا حبيبي المهم انت ما تتاخرش عشان عايزاك في موضوع مهم قوي 

ضحك ماهر بقوه حاضر يا ستي المهم تبطلي شقاوه وفضل يتكلم 

وكل ده كانت سمعاه خديجه ومصدومه ورجعت مكتبها وهي تايهه ودموعها على خدها ومش مصدقه ان ماهر يعمل معاها كده وفضلت تعيط من وجع قلبها لكن افتكرت مقابلته مع حبيبته ديت ووقفت ومسحت دموعها وخرجت من الشركه متجاهله كلام السكرتيره وركبت العربيه مستنيه خروج ماهر 

وبعد دقائق فعلا ماهر خرج وركب العربيه بتاعته واتحرك وخديجه مشيت وراه بالعربيه لغايه ما وقف قدام العماره اللي فيها شقتهم القديمه اللي كانت شهده على حبهم وماهر نازل من العربيه وطلع العماره 

وخديجه فضلت في العربيه شويه ودموعها على خدها وبصت على المفاتيح بتاعتها وطلعت مفتاح الشقه ونزلت من العربيه وطلعت العماره وهي بتكذب نفسها 

ووصلت عند باب الشقه وحطه المفتاح وفتحت الباب بالراحه ودخلت وهي بتقول مستحيل ماهر يعمل فيا كده دي اكيد مفاجاه من مفاجاته وفعلا لقت السفره متزينه وفي ورد وشموع انا كنت عارفه ماهر مستحيل يخوني ولسه بتمسح دموعها سمعت صوت ضحكه وقلبها وقع في رجليها ومشيت بالراحه ناحيه اوضه النوم 

وفتحت الباب ووقفت مشلوله حرفيا لسانها مش قادر ينطق ولا رجليها قادره تتحرك وهي شايفه جوزها في السرير نايم مع واحده وبيقول لها كلام حب من اللي بيقوله لها وحاولي تستجمع شجاعتها بصعوبه رفعت ايديها وسقفت 

ماهر لف وشه واتصدم من وجود خديجه على الباب والصدمه الاكبر كانت لخديجه وهي شايفه ان البنت اللي اعتبروها بنتهم هي اللي نايمه في حضن جوزها دلوقتي 

وقف ماهر بسرعه وهو بيلبس القميص واقرب منها اسمعني يا خديجه انتي اكيد فاهمه الموضوع غلط 

خديجه بسخريه بجد فاهماه غلط طب قول لي ازاي وشده القميص باماره البوسه ديت ولا ريحتها اللي على جسمك فهمني بس ابقى فاهماه غلط ازاي وانا لاقياك في اوضه النوم بتاعتي وعلى سريري بتخوني 

ماهر سكت 

منه قامت وهي بتلبس الروب ما تهدي شويه في ايه هو عمل جريمه على فكره الموضوع عادي بس انتي اللي مكبراه 

خديجه بصيت لها بصدمه من بجاحتها وقالت فعلا معك حق انا عامله ده كله ليه 

وبصت لماهر يلا يا حبيبي روح كمل خيانتك وتعالى لي على البيت عشان تحكي لي اللي انت عملته كله 

وبصت لمنه انتي عبيطه يا بنت ولا بتستعبطي 

منه قعدت على الكرسي وهستعبط ليه الموضوع عادي جدا واحد ومراته وفي السرير فين المشكله 

اتصدمت خديجه وماهر مسك ايديها بسرعه لا والله الكلام ده ما حصلش يا خديجه انا ما اتجوزتهاش 

خديجه بصت له بقرف يعني كمان مش متجوزه 

ماهر بتوتر لا متجوزه بس عرفي 

خديجه لسه هتتكلم 

منه وقفت ممكن بقى تهدي وتخلينا نتكلم زي الناس العاقله هو بيحبني وانتي قصرتي معاه يبقى فين المشكله وثانيا مش يمكن انا اللي اجيب له العيل اللي نفسه فيه 

خديجه بقوه تصدقي معاكي حق فعلا وانا اسفه اني عطلتكم وخرجت بسرعه وقفلت الباب الشقه بقوه 

ماهر قرب من منه ايه اللي انتي قلتيه ده انتي فاهمه ممكن يحصل لي ايه من ورا كلامك ده 

منه 

بسخريه مالك كده عامل زي الفار المبلول كده قصادها ومش قادر تتكلم وتقول ان انا مراتك 

ماهر 

يا غبيه انا مش بتكلم على كده انتي ناسيه ان كل حاجه تحت ده هي وباسمها يعني انا هطلع من الموضوع ده ولا حاجه ولو طلبت الطلاق ساعتها مش هيبقى حيلتي حاجه 

منه انت بتتكلم جد 

ماهر 

وهو بيقعد على السرير طبعا بكلم جد 

منه 

يبقى ما قدامناش غير حل واحد انها تمضي لك على تنازل بكل املاكها 

ماهر 

وازاي هيحصل كده بعد اللي حصل ده اكيد خديجه مش هتخليني اقرب منها ولا من الفيلا 

منه ابتسمت بشر انا اقول لك هنعمل ايه بس تسمع كلامي ماهر قولي وقالت منه الخطه 

اما عند خديجه فكانت في العربيه مش عارفه تعمل ايه ودموعها على خدها ومش مصدقه اللي حصل كله وتليفونها رن باسم داليا وبصت للاسم وابتسمت بسخريه ومسحت دموعها ومشيت بالعربيه 

اما عند ماهر لا طبعا انا مش هعمل كده في خديجه وانا هروح لها وهتاسف لها وهي اكيد هتسامحني 

منه بابتسامه متاكد انها تسامحك اصل انا لو مكانها مستحيل اسامحك بالعكس هرميك في الشارع عشان تعرف قيمتي كويس 

ماهر الكلام بدا يدخل دماغه وان خديجه ممكن تعمل كده قام كمل لبسه واخذ مفاتيحه التليفون ونزل 

وبعد وقت وفي الفيلا خديجه كانت قاعده في الارض بعد ما كسرت الاوضه كلها وقطعت هدوم ماهر وهي قلبها وجعها مش مصدقه انه عمل فيها كده 

الباب اتفتح ودخل ماهر وهو مصدوم من شكل الاوضه وجري عليها انتى كويسه يا خديجه فيك حاجه 

لرفعت راسها وشاورت له على قلبها ده مكسور ينفع ترجعه زي الاول 

ماهر اسمعيني يا خديجه انا عارف ان انا غلطت واللي عملته ده غلط بس صدقيني انا عمري ما حبيت في الدنيا دي غيرك 

خديجه 

مسحت دموعها بجد يا ماهر انت بتحبني انا وبس 

ماهر 

طبعا يا حبيبتي ويا عمري كمان انا ما اقدرش اعيش يوم من غيرك انا ممكن يجرى لي حاجه لو بعدت عن حضنك وقرب منها وشالها وهي لفت ايديها على حوالي رقبته ودفنت راسها في رقبته وماهر راح بيها ناحيه السرير وقرب منها بكل حب وحنيه وهي دموعها على خدها ونفسها اللي شافته ده يكون حلم لكن ماهر قدر ينسيها كل حاجه وتاهت في مشاعرها وحبها لماهر 

اما في شقه داليا منه كانت قاعده قصاد امها شفتي صاحبتك عملت ايه 

داليا ايه اللي حصل 

منه حكيت لها كل اللي حصل 

داليا 

طب وماهر رفض ليه ده كده عايز يضيع كل حاجه