رواية غيرة اختي الفصل الثاني بقلم جمانه السعيدي
غادة...استمرت علاقتنا اني وزيد ااكثر شي رسائل بلتليفون
واذا يجي للبيت افتح الباب حتى اشوفه طلب مني هواي نطلع نلتقي برا
بس رفظت لان صعب اطلع من البيت وخاصه بدت
فترة العطله قبل الامتحانات
اني السنه سادس ادبي
واذا اريد اطلع امي تكول اخذي اختج وياج
لو امي تطلع وياي
خلصناها مكالمات ورسائل
مجنت اشوفه متلهف عليه مثل لهفتي علي
بس مراهقه وحبيته وتعلقت بي
اول انسان احبه واتعلق بي بهاي الطريقه
زيد...احنا لازم ننهي هاي العلاقه
غاده...ليش اني زعجتك ضوتجك بشي
زيد...لا اني كلما اشوف حسين احس بلذنب اني جاي اخون الصداقه بينا
غاده....ليش تخون الصداقه احنا ماصار بينا شي
ولا تجاوزنا الحدود
بعدين انت تحبني واكيد هذا الحب نهايته زواج
زيد...منو ضامن الظروف
شمعرفج باجر شراح يصير
غاده...انت تحبني لو لا
زيد...اي احبج بس بعد هواي لمن اتخرج
هاي سالفة الزواج بعيده
غاده...اني مستعده انتظرك العمر كله
زيد...لا اني افضل ننهي هاي العلاقه ماعندي استعداد اخسر صديق عمري
غاده...لا عفيه شلون تعوفني بعد ما تعلقت بيك
زيد....لا اضغطين عليه عوفي كلشي للظروف
اذا اني وياج مقسومين واحد للثاني
راح نرجع نلتقي
غاده...عافني زيد وبطل يراسلني حتى جياته البيتنا صارت
قليله ااكثر شي حسين يروح عليهم
جمانه السعيدي
شكد اتصل واراسله ومايرد عليه
فات شهر واني ابد ما شايفته ولا اعرف اي شي عنه
وهذا الشهر المفروض اني اقرا بي استعد للامتحانات
بس خلص واني بس افكر بزيد
ليش عافني معقوله ما يحبني مثل مااني احبه
ماكدرت اجاوب بلامتحانات طلعت راسبه باربع مواد
والمواد الي نجحت بيهن درجاتي بلخمسين
اهلي من شافو النتيجه تخبلو عليه ليش هيج
ليش مستواج نزل بلامتحانات
اما هبه نزلت عليه حجي ورزايل
هبه...كله هذا من ورا زيد شحصلتي منه ولج ضاعت عليج سنه حرامات
غاده...مو بيدي اذا هو عافني بايام الامتحانات
اتخربطت كل اوضاعي
هبه...خلي يفيدج الحب راح اضيعين مستقبلج
بليل دزيلته رساله
غاده...اني رسبت بسببك
بعد انقطاع شهر كامل وهو مايرد على رسايلي
رد عليه
زيد...رسبتي
غاده...من شفته رد عليه فرحت
اي رسبت بسببك
زيد...اني شعليه قابل شغلتج عن دراستي
اصلا مجنت احجي وياج لازم اطلعين اعلى معدل
غاده...ليش ما تفتهم انت من عفتني اتخربطت احوالي
كمت مااكدر اقرا
زيد....انتي كسلانه وما يعجبج تقرين
لا تحمليني نتيجة فشلج
غاده...لا تعوفني واني راح اطلع اعلى معدل
زيد...واذا عرف حسين شراح اكوله
غاده..محد راح يعرف اصلا بلبيت بس هبه تعرف بحبنا
زيد...اي هسه بس تصير مشكله بينج وبينها
تفضح كلشي
غاده...لا مراح تحجي اني متاكده
زيد... يله سنه مو مهم اهم شي السنه تجي اطلعين معدل محترم
غاده...اذا انت وياي اطلع معدل
رجعت علاقتنا اني وزيد ورجع يجي للبيت
واشوفه وبليل نتراسل بلتليفون
تقريبا اربع أشهر ورجع يحجي بنفس الاسطوانه
اني خجلان من حسين وشلون اذا عرف اني عندي علاقه باخته شراح اكول
غاده...احطبني من اهلي بس خطبه حتى إذا حجينا سوه
محد يعترض
زيد...لا مستحيل مااكدر ابد ما مستعد الهيج خطوه
غاده....شلون حيرتني لا تقبل تخطب ولا تقبل تستمر بهاي العلافه
احنا مجاي نسوي شي غلط
مجرد مسجات بلتليفون
زيد....شلون مجاي نسوي شي غلط
هاي العلاقه كلها غلط لازم كل واحد يشوف حياته
تركني زيد هلمره شهرين ونص
شكد ادز رسايل ميجاوب الحد ماايست منه
كلت خلاص هو مايريدني ليش الح علي
رجع بعد كل هاي الفتره دزلي رساله
مشتاقلج مااطلعين من عقلي افكر بيج لليل نهار
غاده...اني قريت الرساله ماصدكت عيوني
رجعت قريتها عشر مرات
اخذت التليفون ورحت الهبه
غاده...يحبني ولج يحبني يكول مشتاقلج
هبه...يضحك عليج لو يحبج ماصبر شهرين ونص ما يحجي وياج
جان اتخبل عليج
غاده...ولي انتي كلشي ما تعرفين من الحب
لو ما يحبني ومايكدر على بعدي مجان دزلي هيج رساله
كتبتله واني هم مشتاقتلك وزعلانه منك
شلون تعوفني كل هذا الوقت
زيد...جان عندي ضروف حكمت عليه ابتعد عنج
بس صدكي شما ابتعد عنج تبقين حبيبتي
غاده...انت حبيب كلبي
زيد....اريد اشوفج ضروري لأن مشتاقلج حتلو خمس دقايق
غاده...خل اشوف شلون لازم أدبر حجه اطلع بيها من البيت
بقيت افكر شلون اطلع من البيت
غاده...ماما اليوم عيد ميلاد صديقتي وعزمتني
امي...اخذي هبه وروحي
غاده...يمه ترا اني مو زغيره وبعدين مراح اتاخر
امي.. اخذي هبه وياج
غاده...هبه تتعيقل عليه مااتاخر صدكي ارجع بسرعه
جمانه السعيدي
بعد إلحاح مني على امي استمر يوم كامل قبلت
اطلع بس بشرط مااتاخر
لبست نفنوف كلش حلو وحجاب وجنطه حذاء عالي
حتى ابين راقيه
مكياج وعطر انتظرت ابوي وحسين يطلعون من البيت
وطلعت جان الموعد بحديقه عامه
وصلت قبل لا يوصل زيد
تقريبا خمس دقايق ووصل
زيد...هلو حبيبي هاي شنو الجمال
غاده....اي هذا الجمال وانت ما معبرني
زيد...اني حريص عليج وحريص على علاقتي بحسين
لازم احافظ عليج لان احبج
غاده...انت لو بس الله يهديك وتجي تخطبتي
اهلي كلهم يحبونك
زيد...بس اتخرج اجي اطلب ايدج اتفقنا
غاده...اتفقنا
زيد ...تعالي ناخذ صوره حتى كلما اشتاقلح اشوفها
غاده...كعد بصفي واخذنا صوره
رجعت للبيت واني طايره مو امشي على الكاع
من بعدها بدا المدرسه من جديد
والتهينا هو بجامعته واني بدراستي نتراسل
بليل كل كم يوم
من بعدها رجع كال اني لازم انهي هاي العلاقه
واعوف كلشي للضروف
احس نفسي جاي اضحك عليج واخون صديقي
شكد توسلت بي بس ماقبل هلمره عافني اربع أشهر
حتى سؤال ما يسئل عني
ولا يوصل البيتنا
هبه كلما يعوفني تتشمت بيه
هبه.. هاا مو كتلج ما يحبج
غاده...لا يحبني ويخاف على صداقته ويا حسين لاتخرب بسببي
هبه...ولج انتي شكد غبيه ياحسين يابطيخ
لو يحبج جان خلق معجزه حتى تكونون سوه
غاده...لا يحبني واني متاكده من حبه
انتي بس اطلعي من هاي السالفه وهيه ترهم
حاولت إلهي نفسي بلقرايه هاي السنه لازم انجح
بعد ماكو اي عذر
كلما افتح الكتاب تصير صورته كدام عيني
عقلي مجاي بجمع افكار
راح يضيع مستقبلي بسببه
مجاي اكدر انسى واتخطى هاي العلاقه
باايام الامتحانات رجع يتواصل وياي من جديد
ومثل كل مره مشتاقلج وماكدرت انساج
التهيت ويا وأخذ فكري من جديد وصخمت ولطمت الدنيا من جدبد
هاي السنه هبه هم سادس علمي
جنت اشوفها تقرأ واحاول اجبر نفسي اقرا مثلها
بس بدون فايده
نص الامتحانات ما جاوبت على الاسئله
هلمره مستحيل انجح اني جاي اضيع نفسي
بس شسوي احبه ومتعلقه بي وهو هم يحبني بس ضروفه صعبه
لا اني متاكده من حبه اليه
بقا معلقني بي بس بدون اي تأكيد على حبه
لا هو مستمر وياي ولا عافني بحالي
طبعا جاي يلعب باعصابي لان متأكد من حبي اله
يحس اني مضمونه شما بعد عني ورجع باقيه بمكاني انتظره
والغلط مني مو منه
طلعت النتائج هبه ناجحه ونتيجه عاليه
واني راسبه
هلمره اهلي سمعوني حجي وغلط واهاين
ما تنحجي دراجاتي حيل نازله
حتلو امتحن دور ثاني هم معدلي يطلع كلش قليل
ااكثر وحده اتشمت بيه هبه
لان تعرف اني ليش رسبت
بداو اهلي يجهزون هبه للدوام طلع قبولها بنفس الجامعه ويا حسين وزيد
بعد ما رسبت للسنه الثانيه
هلمره اني مراح اكدر اروح وارجع المدرسه قدمت خارجي
هذا اخر جنص اليه لازم انجح
نجحت هبه وصارت جامعيه اهلي جابولها تليفون هديه
واني باقيه على تليفون امي
جمانه السعيدي
بعد دوامها بكم شهر بديت الاحظ هبه بليل تكعد تراسل
تقريبا ليليه تكعد على التليفون اكثر من ساعه
قبل لا تنام
وما تقبل أقرب على تليفونها ولا حتى الزمه
اما اني اراسل زيد ومايرد عليه
دزيتله رساله لان جنت مقهوره منه يعوفني بدون مبرر
ويرجع يمتى ما يعجبه
غاده.. زيد .ليش ماترد مو شلعت كلبي
اذا ماتريدني كووول
مارد عليه اصلا ما قرأ الرساله
اتصل علي مايجاوب
اباوع هبه تراسل وتضحك
غاده.....هااا هباوي شكووو مبين اكو حب بلموضوع
هبه...اي حب هذا
غاده...منو هذا الي جاي تراسلينه والضحكه شاكه الحلك
هبه...صديقتي
غاده....خل اشوف
هبه...لا هاي شغلات خاصه
غاده....اتمنى توكعين بلحب حتى اتشمت بيج مثل ما جنتي تتشمتين بيه
هبه.. اني مو غبيه مثلج
غاده....زيد مجاي يرد عليه ولا يقرأ الرسايل
هبه....لان ما يحبج
غاده...لا يحبني بس يخاف على علاقته ويا حسين
هو اكدلي هذا الكلام
هبه....الله يهديكم
غاده...خل ادزله رساله من تليفونج ايجوز يجاوب
هبه...لا ممنوع كلشي ولا تليفوني
غاده...بس اطمن علي شبيج صار اكثر من شهر
لايرد على مكالماتي ولا على الرسايل
هبه....تليفوني خط أحمر مراح اسمحلج تتواصلين ويا زيد من تليفوني
غاده...شكد خبيثه الخاطر الله
يمكن لو اموت كدامج ما تساعديني
هبه.... موتي مالي علاقه بيج
