رواية شيخ العرب واليتيمة الفصل الثاني 2 بقلم هويدا زغلول

وانا حاسه ان هي تاخده مني

عرفان

بجول لك ايه يا شوقيه بطلي حديثك الماسخ اللي انت بتتكلمي فيه ده مش وجتو اطلعي نادي جوزك بسرعه خليه ينزل لي في مشكله ولازم يجي يحلها حالا

شوقيه

هو ده وجته كلام انت بتجوله انا بجول لك ان بيتي ممكن يتخرب وكل ده من تحت راس مرتك

عرفان

بجول لك ايه يا شوقيه اطلعي من الشويه دول مش وجته ومراتي ملهاش صالح في اللي حصل وعلى ما اظن انت اللي طلبتي منها ان هي تدور له على عروسه ومحدش ضرب جوزك على يده ان يتجوزها ويلا نجري روحي نادي زهران انا مش فاضي لك

شوقيه بغيظ

ماشي يا عرفان بس اعمل حسابك زين ان حديثي انا وانت ما خلصش ولازم نكمله بعدين

وبعدها بتروح جايمه وبتروح مخبطه على زهران وهو لما بتخبط وبتفتح ليها قمر اللي اول لما بتشوفها بتجول بدلع

قمر 

معجول اللي انا شايفاه ده اماااااا شوقيه طالعه ليا لحد هنا

شوقيه بغيظ

اما في عينك يا بت انتي اعملي حسابك زين ان انت لو فتحتي خشمك وجلتيها تاني هتزعلي مني جامد انا مش ام حد اني

قمر

يا ساتر يا رب هو انا لحجت اجول حاجه بس انت داخلة عليا كده ليه هو انا عملت لك ايه

شوقيه بتزقها من قدام الباب وبتدخل وهي بتبص حواليها بغيظ وبتجول

شوقيه

ابعدي من وشي كده ونادي زهران انا عاوزاه حالا لاما والله العظيم ما تعرفي انا هعمل فيكي ايه

و بيخرج زهران من الحمام وساعتها بيجول بحده

زهران

واه ايه اللي بيحصل هنا ومالكم صوتكم عالي كيف الغجر ليه

وساعتها بتجرب قمر من زهران وبتجول بدلع

قمر 

والله يا سيد الرجال اني ما عملت حاجه انا مش عارفه اما شوقيه اللي مزعلها مني

شوقيه بغيظ

برده هتجولي ايه اما بجول لك ايه يا زهران لو مش عاوز مشاكل بيناتنا خلي مرتك تحفظ لسانها وتبطل تجول اما دي لاما والله وجتها محدش يلومني في اللي انا هعمله

زهران

في ايه يا شوقيه مالك انت مكبره الموضوع ليه كل الحكايه ان قمر بتحترمك علشان اكده

شوقيه

هو الاحترام لازم بيكون باما يعني قصر الكلام تناديني باي حاجه الا الكلمه دي علشان وجتها بيركب لي الف عفريت لما بسمعها مني

زهران

حاضر يا شوقيه لو ده هيريحك بس خير كنت جايه هنا عاوزاني في حاجه

شوقيه بغيظ

اخوي عرفان تحت وجال ان انت لازم تنزل له علشان في مشكله ولازم تجي تحلها

زهران

هو اخوك ده مش عارف اني لسه متجوز جديد ولازم اخذ وجتي في الجواز انا مش فاهم وما فيش حاجه تتصلح ولا تتحل بوجودي يعني

شوقيه

مالك يا سيد الرجال هو انت مش واخد بالك ان انت متجوز بجالك اكثر من اسبوع معجول مزهجتش وعلى ما اظن مصالحك محدش هيشوفها غيرك ولا ايه

قمر بدلع

عادي يعني كل الحكايه اني مريحاه علشانك ده مش عاوز يهملني لوحدي ولا ايه يا سيد زهران

زهران بتوتر وهو بيبص لشوقيه اللي عيونها بتطلع نار وهاين عليها تولع في الاوضه كلها

خلاص يا شوقيه انزلي وانا جاي وراكي طوالي هغير جلابياتي وهتلاقيني وراكي على طول

شوقيه بغيظ

ماشي يا زهران ويا ريت ما تتاخرش على الراجل اللي تحت اصل مش معجول هتسيبه كتير اكده

وبعدها بتروح نازله وزهران بيلبس هدومه ولسه جاي علشان ينزل بتوقفه قمر وبتجول

جمر

استنى بس يا كبير رايح فين انا هاجي اوصلك لحد الباب

زهران

واه واه حديث ايه اللي انت بتجوليه ده هو انت اتجننتي عاد عاوزه تخرجي جدام راجل غريب وانت فاكره ان انا هسمح بحاجه زي كده وان راجل غريب يشوفك

قمر

اخص عليك يا زهران معجول حديثك اللي انت بتجوله ده طب مرتك الاولى شافته واقفه تتحدث وياه ولا هو حلال ليها وحرام ليا

زهران بضيق

اللي متعرفيهوش ان عرفان اخو شوقيه وهي عارفه زين ان لو في حد غريب مستحيل تخرج وانتي المفروض تفهمي اكده انتي كمان عشان انا مش ازعل منيكي

قمر

وانا يا عمري ما يجي لي نوم ولا حاجه يوم يعدي وانا مزعلاك مني واللي تامر بيه يتنفذ بالامر

ولسه جاي زهران عشان يتحدث بيلاقي باب بيخبط

شوقيه

هو انت نسيت نفسك ولا ايه يا زهران اكيد يعني اخوي مش هيفضل مستنيك اليوم كله وراه مشاغل كتير

واول لما زهران بيلاقي كده بيخرج بسرعه وساعتها شوقيه بتقرب  من قمر وبتجول بغيظ

شوقيه

انتي لو مش ضبطتي نفسك وبطلتي شغل الدلع الماسخ اللي انت بتتدلعيه على زهران وملكيش صالح بيه بجد هزعلك مني

قمر

والله يا حبيبتي زهران مبسوط اكده ولو انتي مش عاجبك الوضع روحي جوليله بس على ما اظن هيزعلك جامد وبالذات زهران مبيحبش شغل الحريم اللي بتتدخل في اللي ملهاش فيه وعلى ما اظن ان هو جوزي وادلع فيه على راحتي واللي مش عاجبه يعمل زينا

شوقيه

اني هعرفك كيف تتحدثي وياي كيف وان ما خليتك اقل من الخدامه اهنه ما ابجاش شوقيه

قمر

احلمي زين الحلم مش بفلوس وبالذات كلها ايام وحلم زهران يتحقق واكون اني ست البيت ووقتها هنشوف مين اللي هيبجى الخدام وبالذات انتي شايفه من ساعه ما دخلت الجصر وزهران هاين عليه ان هو ميسيبنيش خالص

واول لما شوقيه بتسمع كده بتروح وبتنزل

وفي الوقت ده زهران كان واقف مع عرفان اللي هو قام واقف وجال بحده

زهران

ازاي حديثك اللي انت بتجوله ده انت بتهزر يا عرفان وازاي ولد المخاريب يعملوا كده في ارض زهران هم مش عارفين واقفين جدام مين

عرفان

اني اول لما عرفت باللي حصل جيت لك على طول علشان نشوف حل باللي بيحصل وبصراحه كده شكلهم ناويين على مشاكل وبالذات اتحدثت وياهم بالمعروف عشان يخرجوا منها بس هم رافضين خالص

زهران

هي بجة كده علشان انا غبت عليهم اسبوع يعملوا اكده ما ابجاش زهران ان خليتهم يندموا على اللي هم عملوه ده

ولسه جاي عشان يخرج بتوقفه شوقيه وبتقول

شوقيه

استنى يا زهران جبل ما تمشي ولا تروح لاي مكان اطلع للحلوه اللي انت متجوزها خليها تنزل وتشوف شغل الجصر كفايه عليها دلع ماسخ اكده

زهران

انت اتجننتي وياكي وانت مفكره ان انا هسمحلك تعملي فيها اكده مين دي اللي انت عوزاها تشوف شغل الجصر مش مكفياكي الخدم اللي في السرايا عوزه ايه من قمر

شوقيه

يعني ايه حديثك اللي انت بتجوله ده المفروض لسه صبيه وتنزل تشوف بدل ما تعودها على الدلع الماسخ ده وتشوف حاجتنا واهو هتخاف عليها احسن من الغريب

زهران

ومن امتى الحديث ده بجول لك يا شوقيه الكلمه اللي انا هجولها مش عاوزها تتكرر تاني انتي من ساعه ما دخلتي الجصر هنا وانت بتلاقي اللي يخدمك وزي ما هنيتك وما خليتكيش تعملي مستحيل اعمل ده في جمر سمعتي ويا ريت مالكيش صالح بيها عشان لو عرفت ان انتي زعلتيها ولا عملتي حاجه وقتها محدش هيزعل غيرك

عرفان

اهدى يا زهران الموضوع مش مستاهل كل ده هي غيره نسوان مش اكتر وانت يا شوقيه انت اكبر من كده يا ريت تبطلي حديثك ده وتشوف ايه اللي بيفرح جوزك وتعمليه

بيروح واخد زهران وبيروح ماشي

واول لما بيمشوا شوقيه بتروح عند نرجس وبتروح داخله

نرجس بقلق

خبريني عنك يا شوقيه انتي كويسه يا خابتي مالك جايه اكده خايفه وجلقانه اوعي يكون زهران مزعلك في حاجه

شوقيه بغيظ

ولا عاش ولا كان اللي يزعلني هو انتي مش عارفه شوقيه زين ولا ايه على العموم انا جايه عشان اقول لك انا فتحت اخويا على موضوع الجواز وهبدا اشوف له عروسه زينه ليه

اول لما نرجس بتسمع كده بتروح واقفه وحاطه ايديها على قلبها وبتقول بحده

نرجس

اتجننتي اياك تجوزي مين هو في حد قال لك اشتغلي خطبه ولا حد قال لك ان اخوك محتاج جواز على ما اظن بيته واولاده مكفينه ولا ايه

شوقيه

ولاد ايه يا حبيبتي اللي انتي بتتكلمي عنهم هو انت ناسيه ان خلفك كلها بنات والمفروض اخوي يتجوز ويخلف واد يشيل اسمه في الدنيا واني على مصلحه اخويا ومش معقول كل المال والجاه يروح لحد غريب في الاخر

نرجس

حرام عليك يا شوقيه اللي انتي بتعمليه ده انت ليه عوزه تخربي بيتي اكده اني عملت لك ايه علشان تعملي فيني اكده

شوقيه

والله يا حبيبتي جولي لنفسك لما جبتي لي عقربه للبيت اللي كل يوم بتحسسني اني هخرج من البيت جبل اليوم اللي بعده وانا مستحيل اعيش اللي بيحصل ده لوحدي لازم تجربيه معايا عشان كده لازم اشوف لاخوي واحدة زينه وعلشان بحبك جيت اخبرك على اللي هيحصل بعدين

وبتروح مخلصه كلامها وبتروح ماشيه ونرجس تفضل قاعده مكانها وبتفضل تعيط ومش عارفه تتصرف ازاي

هو في الوقت ده عندي ليله بتكون قاعده وبتلاقي عمها داخل واول لما بتشوفه بتجول بضيق

ليله

خير يا عمي انت قبل ما تجول اي حاجه انا مخلصه كل شغل البيت وعملت الوكل كمان لو حابب

احط لك هجوم حالا

وساعتها بيقرب العم وبيحط ايده على راسها وبيقوب

العم

مش عاوز منك حاجه الايام دي انا هجول اللي انت عاوزاه كله جوليه واني هعمله ليكي

واول لما ليله بتسمع كده بتستغرب

ليله

هو انت كويس يا عمي اوعى تكون تعبان ولا فيك حاجه

العم

ليه يا بنيتي بتجولي كده لو انت زعلانه على اللي حصل انسي كل الحكايه الجسوة اللي كنت بعاملك بيها علشان اربيكي واعرفك الاصول زين

والكل يشهد بيكي وباخلاقك

ليله

ممم انا هعمل اللي انا مصدجه الحنيه اللي نزلت فجاه دي واقطع دراعي من اهنه ان مفيش حاجه مخبيها عني

العم

حاجه ايه يا بت انتي لا طبعا ما فيش جديد ربنا اللي يعلم انا بحبك زي ولادي بالظبط

وبالذات اني حاسس ان الفتره الاخيره كنت بعاملك وحش عشان اكده جيت اصالحك

ليله

يا رب تفضل هادي يا عمي بجد انت ما تعرفش انا مبسوطه جده ايه لما جيت وتحدثت وياي كده وحسيت ان ابوي الي جدامي

العم

هو انا ليا بركه الا انت يا بنيتي بجول لك ايه صحيح نسيت اجول لك ان صالح اللي بشتغل عنده شافك وطلب يدك مني وجلت ايه

اول لما ليله بتسمع كده بتروح واقفه بسرعه وبتجول

ليله

حديث ايه اللي انت بتتحدثه صالح مين ده ان شاء الله اللي انت عاوزني اتجوزه وانت مش عارف ان صالح ده كل اللي في البلد كلها بتتحدث عنه وبيجولوا ان شغله كله مشبوه وغير كده مراته الثلاثه اللي متجوزهم لا طبعا انا مستحيل اوافق بالكلام ده

اول لما ليله بتقول كده بيروح مجرب منها العم وبيمسكها من دراعها جامد

العم

انت اتجننتي ولا ايه وانت مفكره ان انا هسمع كلامك اللي ما تعرفيهوش ان البنت ملهاش كلمه في البلد هتتحوزي صالح ورجلك فوق ركبتك انا مستحيل اضيع القرشينات اللي انا هاخدهم منه واعملي حسابك ان هو جاي يقعد يشرب الشاي معانا يعني ظبطي نفسك لحد ما يجي

هو بيروح سايبها وبيخرج وليله تفضل قاعده مكانها وبتفضل تعيط وبعدها بتمسح دموعها بعنف وبتروح واخده بعضها وبتروح عند قمر

اللي اول لما بتشوفها بتقول بخضه

قمر

واه واه ايه اللي بيحصل اوعى يكون عمك مد ايده عليكي تاني والله لو ده حصل انا مش هعديها له بالساهل

ليله بدموع

يعني بجد تعبت من اللي بيحصل من ساعه ما ابوي راح هو اللي بيتحكم فينا ويا ريت بيعاملنا زين

جمر

طب هدي حالك وجولي لي ايه اللي حصل وليه بتعيطي بالشكل ده

ليله

هجولك وبعدها بتجول ليها على كل حاجه ولما بتخلص كلامها بتجول اني عندي استعداد اموت حالي ولا اني اتجوز لو ايه حصل

قمر وهي بتاخدها في حضنها وبتقول

قمر

هدي حالك اني مستحيل اسمح بالكلام ده واول لما زهران يجي انا هتحدث وياه ولو كده هتقعدي معانا في الجصر

ليله

لا بالله عليك اني مش هرضى ليكي بمشاكل اني هحاول اتحدث مع عمي وربنا يهديه ويصرف نظر عن الموضوع ده

قمرر

تبجي عبيطه لو عمك عمل حاجه من الكلام اللي انت بتجوليه ده اني اصلا كنت فتحت زهران في الموضوع ده جبل اكده وهو معترضش

وبالعكس كان مبسوط ان انت هتيجي وتقعدي معانا

في الوقت ده بيدخل زهران واول لما بيشوف ليله بيجول

زهران

مرحبا انا بجول الجصر منور ليه بس مالك اكده يا ليله انت كنت بتعيطي جولي لي ايه اللي مزعلك وحجك هيجيلك وانت قاعده

قمر

انا هجولك يا زهران على كل حاجه وبعدها جمر بتجول له يا زهران على اللي حصل

زهران

وعمتي ده جنان ده كلها ما فيش سيره غير على صالح وقد ايه عيشته حرام في حرام متجلجيش يا ليله انا هجدر اوقفه عند حدوده واعملي حسابك من اليوم بيتك هو ده

وبتجي شوقيه وبتقول بحده

شوقيه

حديث ايه اللي انت بتتحدثه ده يا زهران واحنا هنفتح البيت فندق اياك ولا ايه كل من هب ودب يجي يقعد فيه

زهران

قمر خدي ليله واطلعي اقعدوا فوق في الاوضه لحد ما اخلي حد من الخدم يوضب الاوضه اللي هتقعد فيها ليله

وفعلا قمر بتروح واخده ليله وبيطلعوا على فوق وساعتها زهران بيجرب من شوقيه اللي اول لما بتشوف منظره تبلع ريقها بخوف

زهران

اخر مره تعارضيني في حاجه اجولها علشان لو حصل وعملتيها ساعتها مترجعيش تندمي على اللي هيحصل

 الفصل الثالث من هنا