رواية نوح مريض بالتوحد الجزء الثاني الفصل الثاني بقلم ياسر عوده
سمح الدكتور ل بسمه وابوها انهم يدخلوا ل نوح ، وابتدى عم صلاح يتكلم وقال : حمدالله على السلامه ياااا ، صحيح اسمك ايه ؟
نوح سكت مهو مش فاكر ، سعتها بسمه بصت لابوها وقالت : عنده فقدان ذاكره يا حج .
عم صلاح : اه صحيح معلش ، طيب انت منين ؟
وطبعا نوح ساكت متكلمش .
بسمه : عنده فقدان ذاكره يا حج .
عم صلاح : اه معلش مخدتش بالى ، طيب انت مين عمل فيك كده ؟
وطبعا نوح ساكت مش لازم اقول يعنى افهموها بقى .
بسمه : عنده فقدان ذاكره يا حج ، تحب اجبلك مصحف احلفلك عليه علشان تصدق .
عم صلاح : يوووه معلش بنسى يا بسمه .
بسمه وهى مبتسمه : مهو كده يبقى انت كمان عندك فقدان ذاكره يا حج .
عم صلاح : لحظى ان كلامك جارح ، وبعدين انا عوزه يتكلم واسمع صوته .
بسمه بصت ل نوح وقالت : بص يااااا اقولك انا هسميك يوسف على اسم اخويا الله يرحمه ، بص يا يوسفانا عارفه انك مش فاهم انت هنا فين وليه ومش فاكر حاجه بس انا مش عوزاك تقلق ، انا اسمى بسمه وده بابا عمك صلاح ، احنا لقناك فى الطريق وكنت مضروب ومتعور والضرب أثر على الذاكره وانت مش فاكر حاجه بس ماتقلقش مع الوقت هترجعلك الذاكره .
بصت بسمه لابوها وقالت : مش هينفع نسيبه يا حج هيتبهدل ، ايه رأيك ناخد يوسف معانا لغايه لما يتحسن وترجعله الذاكره .
عم رصلاح ابتسم وقال :ده كنت اللى بفكر فيه .
بسمه : ربنا يخليك يا حج .
عم صلاح بص ل يوسف وقاله : قولى يا يوسف مش فاكر اوصاف اللى ضربوك .
بسمه بصت لابوها باستغراب وقالتله : تانى يا حاج ، والله العظيم عنده فدان ذاكره ، اقولك خليك يا حج اسأله انت برحتك هروح انا اخلص اجراءات المستشفى .
بعد عمل المحضر استلم عم صلاح نوح على مسؤليته نظرا لظروفه الصحيه ، وراح نوح معاهم والاول اعرفكم على عم صلاح صاحب مركز كبير لصيانه السيارات وبنته بسمه اللى كانت بتدير المركز من الناحيه الاداريه .
عم صلاح ادى ل نوح شقه فى بيته يعيش بيها بس كان بياكل مع عم صلاح وبسمه وطبعا كل ده لانهم كانوا شيفين فيه يوسف ابن عم صلاح اللى مات .
وعلشان ميبقاش نوح لوحده فى البيت كانوا بيخدوه معاهم المركز وهنا نوح انتبه للفنيين وهما بيصلحوا العربيات وزى ما احنا عرفين نوح شخص ذكى جدا وشغل الصيانه محتاجه قدر من الذكاء علشان كده نوح حب الشغلانه وطلب انه يتعلم صيانه السيارات .
فى الاول عم صلاح وافق علشان يشغله بس ومكنش مستنى منه يتعلم الشغلانه بجد بس اتفاجيء بسرعه تعلم نوح اللى مش بس اتعلم الشغلانه كان افضل واحد موجود بيشتغلها فى المركز كله .
نسيب نوح مع عم صلاح وبسمه واللى كل يوم كان بيثبت انه شخص مميز ونروح لقصر المهدى نشوف اللى بيحصل هناك .
لما ابتدى المرض يأثر على عيون ويبان عليها ورفضها تتابع مع اى دكتور لانها استسلمت للامر الواقع بس فى يوم جه اسامه للقصر وطلب من عيون تجهز علشان هتخرج معاه .
عيون : اخرج فين يا اسامه انا مش قادره اتحرك .
اسامه : هنروح لدكتور مصرى شغال فى امريكا وكان عامل جوله فى العالم وجه هنا مصر وانا حجزت عنده عوزه يكشف عليكى الدكتور ده غير اى حد ممكن تقبليه .
عيون : انا مش رايحه فى حته ، خلاص انسى يا اسامه انا قابله بنصيبى وراضيه بيه .
اسامه : بصى انا بقالى شهر متتبع الدكتور ده وهنرح يعنى هنروح ومفيش نقاش ولو مجتيش بالذوق هخدك بعربيه اسعاف .
عيون : هو انت رخمم فى كل احوالك .
ابتسم اسامه : اه واخلصى علشان مش عاوز نتأخر .
مع الحاح اسامه وافقت عيون وراحت للدكتور اللى بعد ما كشف وشاف التحاليل قال : انتى قولتي ان الدكتور بتاعك قالك قدامك ست شهور ، وانا حابب اقولك ان مفيش حد فى العالم ده يقدر يحدد معاد موت حد .
عيون : انا كنت متابعه مع دكتور كبير وهو قال .......... وهنا قاطعها الدكتور وقال : بصى يا مدام عيون انتى فعلامريضه ودى حاجه منقدرش ننكرها بس السؤال على اى اساس الدكتور بتاعك قالك قدامك 6 شهور دى حاجه مستحيل تتحدد .
عيون : يعنى انا مش هموت ؟
ابتسم الدكتور :مين قال كده ، هو فى حد مش هيموت ؟
عيون : اقصد مش هموت فى المعاد اللى حدده الدكتور بتاعى .
ابتسم الدكتور وقال : الموت ملهوش معاد ، يعنى انا وانتى منضمنش هنعيش لمده ساعه كمان او لاء ، ويمكن الدكتور بتاعك يموت قبلك ، ومعلش انتى ممكن تموتى دلوقتى وممكن تموتى بعد سنه او اتنين او عشره ، دى مش ممكن حد من البشر يحددها لانها فوق علمنا انتى فهمتى اقصد ايه .
عيون : انا كده اتلغبطت ، هو فى حد فى حلتى وعاش اكتر من 6 شهور .
الدكتور : انا اعرف ناس فى نفس حالتك وعيشين بقالهم خمس سنين ومحدش عارف هيعيشوا قد ايه .
ابتسمت عيون وحست بالامل من كلام الدكتور .
الدكتور : بصى يامدام عيون انا هكتبلك على علاج مختلف عن الدكتور بتاعك ، واهمحاجه الحاله النفسيه ، اهمجزء فى العلاج الحاله النفسيه ، وبعدين عمر الانسان مش بيتقاس بعدد الايام والسنين بيتقاس بعدد ساعات السعاده والفرحه اللى عاشها ، عوزك تنسى كل اللى قاله الدكتور بتاعك ووضبى على العلاج وعيشى حياتك ومتفكريش غير فى سعدتك وبس .
كلام الدكتور قلب حياه عيون نهائى خلها تشوف الموضوع بشكل مختلف ولما روحت وقعدت وفكرت حست قد ايه انها غلطت باللى عملته مع جوزها نوح ولازم تحاول تصلح غلطها .
طلبت عيون من ابن عمها اسامه يحاول يعرفلها نوح فين ، واسامه وعدها بانه هيعمل كل اللازم ، وبعد يومين جه اسامه لعيون وقالها ان هو قدر يتواصل مع حد من الشرطه واستعلموا عن نوح وعرفوا انه خرج من انجلترا ووصل مصر فعلا من اكتر من شهر بس ميعرفوش اكتر من كده وميعرفوش نوح فين .
قلقت عيون على نوح ومكنتش عارفه تعمل ايه ، حست بالذنب من اللى عملته ، رغم انها كانت تقصدخير بس غياب نوح كل الفتره ديه اكيد مش خير خالص .
بعد مرور اربع شهور من الحادثه بتاعت نوح اصبح نوح فرد من عيله عم صلاح ، مش بس كده كان هو اللى ماسك حسابات مركز الصيانه هو محاسب بالفطره ده غير شغله كفنى ومميزاته الكتير اللى بتظهر مع الوقت وحتى بسمه مبقتش بتبصله كيوسف اخوها لاء هى بقت معجبه بيه فعلا وحتى عم صلاح كان عاوز يوسف يفضل معاه للابد وعلشان كده فاتح بسمه فى موضوع جوازها من يوسف .
قعد عم صلاح مع بسمه وقالها : بصى يا بنتى انا عارف ظروف يوسف وانه مريض وكمان فاقد للذاكره بس ده ميمنعش انى فكرت فيه يبقى جوز بنتى وابنى .
بسمه بشيء من الكسوف : مرض يوسف ميعبهوش يا بابا انا وانت فهمين ده كويس ، وكمان يوسف اذكى من ناس كتير تانيه طبيعيه ، وانا مش هخبى عليك انا فعلا يوسف عجبنى .
تبسم عم صلاح وقال : طيب حلو خير ، خلاص انتى موفقه وانا هفاتح يوسف .
بسمه : بس هو هيقول علينا ايه لما انت اللى تفتحه فى جوازه منى ؟
عم صلاح : مش هيقول حاجه ، يوسف خجول ويمكن عاوز يتجوزك بس محرج يتكلم ، والله انا هفتحه لو ليه غرض يبقى خير وبركه ملهوش هيفضل ابننا .
بسمه : اللى تشوفه يا بابا .
فعلا متأخرش عم صلاح وقعد مع نوح وعرض عليه انه يتجوز بنته بسمه ونوح كان بيحب عم صلاح وبسمه وعلشان كده وافق لان مفيش حاجه تخليه يرفض جوازه منها .
اتكتب الكتاب وحصلت الدخله وعاش نوح مع مراته بسمه فى سعاده لمده ثلاث شهور .
فى يوم صحيت بسمه بدرى وحست بتعب ، كان عندها اعراض حمل وهى حست بده وعلشان كده قبل ما تقول لنوح اى حاجه حبت تتأكد وعلشان كده خرجت الصبح بدرى تعمل تحاليل وسابت نوح يصحى برحته .
راحت بسمه وعملت التحاليل وعرضتها على دكتور اللى بشرها بانها فعلا حامل وروحت بسرعه على البيت علشان تقول لجوزها على الخبر الحلو ده .
لما وصلت بسمه البيت ملقتش نوح واستغربت وسعتها اتصلت على تليفونه بس لقته سيبه فى البيت واتصلت على ابوها تسأله على نوح بس قالها انه مجاش المركز ، وسعتها قالتله انها حامل وفرح عم صلاح بس فضل السؤال اللى محيرهم فين نوح .
لو عوزين نعرف فين نوح لازم نكون معاه لما صحى من النوم ، نوح قبل ما يصحى كان بيحلم حلم غريب كان بيحلم انه فى بيت غريب ومعاه طفله صغيره حطتها على رجليه وقدامه وحده بتزعقله وتقوله انه مايقدرش يعتمد على نفسه ، نوح مكنش عارف مين الطفله فى الاول ولا مين الست اللى بتزعقله دى بس بعد كده افتكر ايوه الطفله تبقى حور بنته حببته واللى بتزعق تبقى عيون مراته وحب عمره وسعتها صحى نوح من النوم مفزوع وهو بينادى على عيون وحور ، لما صحى نوح كان حاسس بصداع شديد وافتكر الحلم كله وافتكر هو يبقى مين وكان عايش فين ورجع مصر ليه .
خرج نوح بسرعه علشان يروح لمراته عيون ولبنته حور وعلشان كده راح قصر المهدى .
وصل نوح لقصر المهدى ، ولما دخل القصر وشافته عيون مكنتش مصدقه عنيها وصرخت باسمه وجريت عليه وحضنته بشده ، عيون كان بقالها فتره كبير بتدور عليه لغايه لما فقدت الامل ، عيونمكنتش بتقوله وهى بتحضنه غير انا اسفه انا اسفه انت وحشتنى اوى .
نوح كان بحضن مراته بس عقله مكنش معاها ، كان سامع اعتذارها بس حاسس نه هو اللى غلط وخان ، مردش باى كلمه كان بيفكر فى ما بعد السلام هيكون رد فعل عيون ايه لما تعرف انه اتجوز عليها .
بعد ما لحظه اللقاء انتهت وسلم نوح على بنته اللى كانت وحشاه اوى طبعا وسلم على المهدى وقعد نوح مع عيون وحكى وقال : لما نوح جه لمصر وحظه وحش ان سواق التاكسى حب يسرقه واتصل بحد وضربو نوح وبعد كده دخلت المستشفى وحصلى فقدان ذاكره .
نوح مكنش فاكر حاجه مش فاكر هو اسمه ايه ولا كان رايح فين ومكنش معايا حاجه تثبت شخصيتى الحرامى سرق كل حاجه .
اللى ودى نوح المستشفى راجل طيب اسمه عم صلاح وبنته اسمها بسمه وهما اللى اعتنوا بنوح طول الوقت .
الدموع ملت عيون نوح وهو بيقول : نوح اسف مش هيقدر يخبى على عيون حاجه ، نوح اتجوز بسمه وهو مكنش فاكر ، نوح اسف ، نوح اسف ، نوح اسف .
عيون مكنتش متخيله اللى سمعته ، مكنتش قدره تستوعب ان نوح اتجوز عليها وبقاله فتره فى حضن مراته التانيه ، بسمه مقدرتش تستحمل الكلام وحست بدوخه واغمى عليها .
وصلت عربيه الاسعاف ونقلت عيون للمستشفى ، الحاله كانت خطيره ، اكبر خطر ممكن تتعرضه عيون انها تتعرض لانفعالات وده اللى كان محذرها منه الدكتور وفعلا هو ده اللى حصل عيون انفعلت من اللى سمعته من نوح وسعتها جسمها مستحملش وانهار .
اتنقلت عيون لغرفه العنايه المركزه ، واسامه طلب الدكتور من بره وفعلا جاب الدكتور فى طياره خاصه علشان يتابع حاله عيون ، والصدمه كانت كلها فى نوح اللى عرف بمرض عيون ومكنش قادر يستوعب اللى بيحصل لدرجه انه حصلتله حاله تشنج شديده واغمى عليه هو كمان من الصدمه .
الوضع كان سيء جدا جدا ، نوح دخل فى غيبوبه هو كمان ومكنش المهدى او اسامه فهمين حاجه من اللى بيحصل ، مكنوش موجودين لما نوح اتكلم مع عيون ، ومفهموش سبب انهيار عيون ، ونوح هو كمان زود الموضوع باللى حصله ودخوله فى غيبوبه وكان تفسير الدكتور لحاله نوح انه بيهرب من وضع اصعب من قدرته على تحمله وعلشان كده لجأ للغيبوبه للهروب من الوضع الحالى ورفضه للوضع كله .
استمر نوح فى الغيبوبه اسبوع تقريبا ، وكل ده بسمه وعم صلاح ميعرفوش حاجه عنه نهائى ، وكل يوم بيلفوا عليه فى المستشفيات والاقسام يمكن يعرفوا مكانوا ، بس هيعرفوا مكانه ازاى وهما اصل بيدوروا على يوسف ومفيش اسم يوسف نهائى .
فى الفتره اللى نوح كان فى الغيبوبه كانت عيون بتراجع حسابتها ، كانت خلاص ايقنت انها بتموت وكانت مستعده لده رغم محاولات اسامه وابوها انهم يرسلوها لاى دوله بالعالم للعلاج ولكن هى رفضت بشكل قاطع .
لما فاق نوح واتحسنت حالته وقعد مع عيون طلبت منه احضار زوجته التانيه لانها عوزه تشفها .
بمجرد خروج نوح من المستشفى راح لمراته بسمه وقعد معاها وطبعا لما شفته قبلته بالاحضان واللهفه وقعد معاها وحكى لها كل اللى هي متعرفهوش عنه وسعاتها قالها : نوح اسف يا بسمه بس نوحمتجوز عيون وهى محتجاه دلوقتى ونوح لازم يسيب بسمه .
فى الوقت ده بسمه صرحت نوح بانها حامل والموضوع ده عقد الامر اكتر واكتر .
راحت بسمه مع نوح علشان تقابل عيون زى ما عيون طلبت ، ومكنتش متخيله ايه اللى هيحصل .
اول لما بسمه شافت عيون وحالتها شفقت عليها وفى اللحظه ديه كان عندها استعدادتسيب نوح لو ده هيحسن احولها بس مكنتش متخيله بسمه ان عيون طلباها علشان حاجه مختلفه خالص ، كانت طلباها علشان توصيها على نوح وعلى بنتها حور خصوصا ان نوح قال ل عيون ان بسمه حامل وقالت عيون ل بسمه : عرفه انا كنت بكره اسم بسمه علشان كان فى وحده بالاسم ده كانت عوزه تفرق بينى وبين نوح ، بس مكنتش اعرف ان اللى هتتجوز جوزى بردو اسمها بسمه .
موقف فى منتهى الصعوبه ، متقدرش تحدد مين فيهم اللى عنده الحق ، وبتختفى الصوره فى اللحظه ديه .
بعد مرور اكتر من ثلاثه سنوات نلاقى نفسنا جوه قصر المهدى ، حور قدمنا كبرت شويه وكانت قاعده مع عمها اسامه اللى بيلعب معاها ومع جدها المهدى ، وهناك احتفال بيتحضرله ، تورته عيد ميلاد مكتوب عليها اسم عيون ، والكل اتلم حول التورته وابتدى نوح ينادى على عيون علشان تيجى تطفى الشمع .
جت عيون اللى عمرها ثلاثه سنوات مهى تبقى بنت نوح وبسمه ، وطبعا شيلاها بسمه وقبل ما يطفوا الشمع راحت بسمه وجبت صوره عيون اللى ماتت من اكتر من ثلاثه سنين وطفوا الشمع .
المهدى اللى طلب من نوح يقعد معاه وقاله : شكرا يا نوح انك جيت مع الاولاد علشان تحتفلوا بعيد ميلاد عيون هنا ، وكمان شكرا انك سبت حور تعيش معايا .
نوح : نوح ميقدرش يزعل ابو عيون ، وكمان حور بتقعد مع نوح يومين الجمعه والسبت فى الاسبوع وبتبات مع نوح وبسمه وعيون وده كفايه على نوح .
المهدى بص نحيه بسمه اللى كانت بتلعب مع عيون الصغيره وحور وبعدين قال ل نوح : بسمه بنت بنت اصول فعلا .
ساعتها قال اسامه : هو نوح كده حظه حلو مع الحريم ، خد عيون ودلوقتى بسمه اللى يشوفك يقول عليك غلبان بس انت مش سهل خالص يا نوح .
نوح : نوح خايف من حسد اسامه عليه .
ابتسم الجميع وانتهى المشهد على حفل عيد ميلاد عيون .
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
