رواية سواد الاثمد الفصل الواحد والثلاثون بقلم نورس
شفت شبير نازل الدرج لابس بنطرون وقميص وسترته بأيده مدنك يعدل بساعته وخواته تلگوه من جوة يهلهلن
ظلمت الدنيا بعيني گمت ما أشوف أحد گدامي
ولا مركزة بصوت الهلاهل والجهال جوة يصفگون
ولا صوت در الأجت وراي وهي تنهده بأسمي توگفني
بس هيهات شتريد تسوي
صرت أربط كُلشي بعقلي من البداية
تصرفاتها هي وأخوها وياي حتى محطوا عينهم بعيني
هذا هو هسه گدام عيني كاشخ ومتحضر لعروسته
وهذن خواته گبالي فرحانات إله ومتشمتات بية
هسه يلا طخت براسي نظراتهن أول مدخلت للبيت
أثاري شماتة ..
عضيت شفتي وانحبست الدموع بعيوني بلا متنزل
لزمت بالحايط وسندت نص جسمي عليه أباوعله
هي لحظات من رفع راسه وصارت عيني متشكلة عليه
جان عاگد حاجبه والخلقة مگلوبة وجهه ميگصه السيف
وصل لنهاية الدرج وخواته سحبنه وصارن يرگصن ويصفگن وهو بنصهن متضايق يأشر بيده ماريد
أخته لزمت ايده رفعتها تريده يتحرك وهو معاند
اجت بنت هيام الصغيرة چلبت برجله دنك عليها شالها من الگاع ضحكلها ودنك يبوس خدها اجت عينه بعيني
غابت ضحكته وتبدلت نظراته نزلها من ايده بسرعة
فزيت من مكاني وانداريت أشرد سرّع مشيته قاصدني
تعدى خواته وهن يباوعله مستغربات واجاني بهمة يريد يلزمني
انجريت من عكسي من ورى ومرة خلتني بظهرها
- لا تنتر عليَّ شبيرر تاما أدوس راسك مو انا الينصاح بوجهي
- انطينياها ما أسويلها شي بس بعدي غاد
- ما أخليها هساع ترد لأمها وخررر هيج
لازمتني حيل من ايدي ودفعته تريد تمشي مخلاها
لزمني من ايدي الثانية جرني منها حيل
كلمة منه وكلمة منها صارت هوسة وطلع صوتهم وخواته لازماته يحجن وياه يتوسلنه حتى يعوفني
8 تعليق
صابرين :- ولك خوية عوف البت شرايد منها عمامنا منتظرتك ولج سهاد احجيلج چلمة وياه
جرني من متني حيل يمشي فلتت ايدي من ايد عمة ودموعي تنزل وهي تصيح وراه وهو ممعبرها
وهذن خواته گامن يتلاطمن ورانا ويحجن وياه ميرد
- حاجيه عممة حاجيه شلون بينا والعالم مناطرته بمضيف عمي
شيخة :- خليه يولي خليييه اخيچن تسودن وما ضل عگل براسو انا هساع أخابر چبيرو يصگرو تايرد عگله لراسو هالمسودن هاذ
فوتني لوحدة من الغرف وهن وراه صاح بيهن مخلاهن يدخلن
حجيت أتوسله وأبجي
نزلت للگاع ملامحي جامدة أحاول أستوعب الصار
باوعت للغرفة داير مدايري
اجيت بس أدرس والله ..
رفعت ايدي لصدري لزمت مكان گلبي دگاته ممنتظمة
لساني انربط حتى مگدرت أنطق حجاية بس خوفتي ورجفتي ساعتها جانت تسولف حالي
رجعت بجسمي للحايط واني گاعدة انتچيت ليورى
جانت دموعي تنزل بدون أي صوت بيني وبين نفسي
ما أعرف شگد مر من الوقت واني على حالي
رفعت راسي ليفوك وايدي على عيوني وأشهك
والله لو أعرف هالموضوع يهمك مجان سكتت وروح بابا لو جايني وسائلني جان حجيتلك كُلشي
مو تدريني ما أضم حجاية عليك ليش هيج سويت ؟
منو بس گلي منو القشمروك بيها وخلوك تنگلب عليَّ
يا شماتة خواتك بية يا شماتتهن بية اي والله
آخ گلبي يا يمة ..
شهگت حيل أحس الشهگة تطلع من روحي
بابا يا حبيبي صرت معلگة مثل قضيتي الضلت معلگة سنين وية عبد الكريم قضية خاسرة مكتوبلها النهاية بإنتحارك وجنون بان وكسرتي وحيرة ماما بيناتنا
ولا كأني زوجته ولا عبالك بعدني على ذمته راحوا خطبوله وداسوني كأني شيء مهمش عابر بحياته
وهو ..
عضيت ايدي حيل ااخ مني ومن گلبي
لج ماما وينج ولج ماما الحگيني حرگوا گلبي
اختنگت حيل لزمت طرف ملابسي عصرتهن حيل چن بيهن أعصر بروحي رفعت ايدي سديت حلگي بعكسي
أبجي بكل حيلي وشهگتي أحسها تريد تشلع صدري
بعز إنهياري وهدوء المكان داير مدايري انفتح الباب
حسيت بخياله يخيم على جسمي صرت أشهك منتظرة الضربة تجيني من أي صفحة بجسمي
بس طيّر كل أفكاري من لزم رجلي المثنية ومدها للگاع نزل لمستواي وتمدد خلى راسه على رجلي
45 تعليق
وخرت ايدي أباوعله راسه صار بحضني
مسحت دموعي بطرف رداني وباوعتله مغمض عيونه ساكت بلا ميحجي أي شي وياي عبالك فاصل بغير عالم
رفعت ايدي ماريد أطخه أبجي وأكتم بصوتي بالگوة
- بس اسمعيني دحگي بوجهي بس تاحجي وياج والله ما رايد وروح أمي ما رايدها ولا جان عندي علم بكل هالهوسة مال خطبة
خليت ايدي على صدره أدفع بيه اريده يبعد وهو مكمل
گال :- عزموا من وراي ولد القنادر سووها عناد والله چيف گتلهم ماريدن هوسة
- وخر
- والله ما رايد ولج والله صار أيام نوم مثل العالم ما نايم وانا أتذكر شهگتج
صحت :- گتلك وخررر
- دحگي لجج بالقرآن ترى مسودن وأسودنج انتِ وياهم وياي مو انا الينضحك عليه هم ضاملهم ضمة وانتِ تتكسفين على روحج وترديلي رضيتي والما رضيتي
- ماريد مارريد حرام عليك عوفني
- اششش لج اشش
نتر بية وشال تليفونه وهو يدك رد ورفعه لأذنه
شبير :- ها سلام .. وإذا ما صيح ؟ طبو ألف وجع .. هم وبسطالي عمامك .. رجلي بيهم ديلا
سد الخط وشمر التليفون عنه بعصبية يتنفس سريع
ما رد عليَّ حجيت أترجاه ودموعي تنزل
- شُبير وخر والله بعد ما أجي لهنا روح سوي شتريد سوي اخطب تزوج بس خلي أروح لماما بعد متشوف وجهي والله بس لتسويلي شي
شبير :- ثولة ثووولة انتِ ؟ عش ما تفهميني يولي ??
شال راسه من حضني يباوعلي ويأشر على روحهِ
- انا ولجج أسويلج شي ؟؟ نورجان انا ؟
شهگت وضميت وجهي :- سويتها وضربتني قبل
- جنت حيوان ما براسي عگل من الكلام الوصلني وانا بدوامي
- هنتني وما خليتلي إعتبار گدام أحد شردت وخليتني ملطشة إلهم وحدي أسمع لكلامهم وتجاوزهم
- اللي يدوسلج على طرف لو يزل وياج بچلمة بعد انا أتصدالو وأعرف شلون أردو
- كسرتني شُبير أذيت گلبي
حجيتها لزم ايدي يبوس بيها
- لخاطرج والله لخاطرج طاوعتهم تاما عيونج الحلوة
تبجي وانتِ تسمعين كلامهم لصمتهم بهالعقد وفنو اللي يفتح حلگو بحجاية وياج بعد تاطر راسو بالگاع
حجيت أتوسله :- شُبير لا تحرك گلبي گول أسمها غادة مو ؟ غادة ؟؟ أدري بخواتك رادنها إلك
مسح وجهه بحيرة وهو يدير عيونه عني
- فترة بس والله فتررة وأفسخ العقد ما أخليها على ذمتّيِّ
عضيت شفتي بقهر ودموعي تنزل جمر على خدي
- يا شماتتهن بية يا شماتتهن ااخ يا يمة آخ يا گلبي
- محد يگربج ومحد تتشمت بيج انلصمن وفضت ما عولت بس يخلص العقد خليتهم وراي واجيتج بساع
يحجي ويحاول يلزم وجهي واني أدير بيه أصده عني
رفعت ايدي أوخر ايده عن وجهي صارت عيني على حلقته
طارت آخر ذرة عقل براسي من شفتها صرت أبجي وأصرخ بوجهه بإنهيار أريده يوخر مني وأدفع بيه
- لابس حلقة يالكذااب كُلشي تحجيه كذب كل كلامك بنج حتى تسكتني بيه وتضحك بيه عليَّ مثل كل مررة
- ماريدها هالحلقة ولا إلي نفس بصاحبتها ونعلعلة شرفي لو دحگت بوجها وانتِ على ذمتي
- وخررر مني وخرر ماريد أسمعلك بعد
- يووولي ماريدها افهميني نورجان والله ما رايدها وروح أمي هاج دحگي
حجاها ونزع الحلقة من ايده بحرگة وشمرها
- ماريد أصدك كُلشي مرايدة بس أرجع لماما خليني أروح عليك الله
وگف يصيح متخبل ميقبل أطلع من الغرفة
- ما ترجعين ما تررجعين أمج ميبسة راسها ما ترضى تردج إلي
شيخة :- تسودنت عالبنية شبلاك خلها ترد لأمها
گمت بسرعة وگفت بظهرها چلبت بيها حيل
- انا أحاجيها بس حسك ولد عمومتك برة خليتهم يتراگعون راس براس هيج تعطيهم ظهرك وتمشي ولكك
- عش تعزمون بلا ما تنطوني خبر ؟ مو گتلكم ما رايد هوسة مو گلت ماريد أحد يدري بس بيناتنا عش تشهرون بكيفكم ؟؟
11 تعليق
- شنهو بعد عمتك بايگلك بوگة لو ناهب تاما تريد أحد يدري بالخطبة بعدين انتَ ما رايد بنت عمك رايدة اول فرحتها عش تريد تكسرها خلها تعزم شرايد منها
هز راسه :- خوش خلها تفرح زين وباجر انا اعرف شغلي وياها هي وأهلها
- هذا اخوج تحاجيه تگليلو بعد ما يريد يكمل بالزواج ما دام كسر بكلامو وياي ودگتو السودة وياي بهاليوم
طلع من الغرفة يعارك اللي يطلع بوجهه يريد ياكلّه بشر
وعمة يمي تحاجيني تطمن بية واني منهارة ما على لساني غير رجعوني لأمي
اندارت صاحت من الباب عالبنات يجيبولها تليفونها
در على مسافة على كرسيها تباوعلي وساكتة
راحت دلال بنت سهاد ركضت لغرفة عمة ورجعت
انطتها التليفون تتصل على علي حتى يجي يرجعني
بس سهاد ما سكتت وگفت يم الدرج تباوعله
سهاد :- ما تستحي انتَ ما تخجل خليت وجوهنا تذب ألوان ببيت عمي شتگول علينا الوادم وهاي الناس الغربة ؟
- صدي عني سهاد لا أذبلي حجاية أطشرچن هساع
- عش رفعة هالخشم شنو مالك رداد ؟ گنالك طلك بت شدن ما رضيت ما هوتلك الشغلة گلك عمي سلطان تعقد على غادة وتحطها شرچ على حرمتك تسد حلگك وتنچب بعد ما دامك رضيت وهالزواج تكمل بيه وانتَ الممنون مو عايفلك عشيرة بگفى ظهرك وطالع
هيام :- هو هم عايزلو يخربنا وية عمومتي هساع بس يجي أبو علي شيفكك من لسانو عالعملتو والجرى بالعقد
شبير :- تسواچن يولي بزرة البغدادية عاد حجيهن طك بطك ما عدهن نفاقچن وحجيجن بالظهر
فتحت عيونها كل حيلها :- هاي المن الحجي ولك إلي شبير إلي انااا تگلي تنافقين وتخليني وية هالبزر هاي ؟؟ تسمعيه عمه شيگول لو لا ؟
گام انطاهن ظهره وصعد فوك بلا ميرد
صارت سهاد تغلط عليه محترك گلبها وخواته الباقيات يهدن بيها وعمة شيخة تحجي عليها حتى تهدأ
جانت شايطة منه نار نارر وعيونها عينًا عيون عمو تيم من يفتحها بياضها صافي وواضح حيل
متخبلة منه لأن طالع بسرعة بلا ميلبس غادة الذهب وهي صايرة بالوجه نسوان عمومتهم والگرايب ضالات يحجن عليهم هناك وهسه هنا زاد عليها كلامه
- تشعوطت منو عمة تشعوطت وجهي صار هاگدو جدام النسوان ومرة عمي أكلت وجهي بالملامة شگلك انتِ السعيتي بخطوبتهم وهو ما راضي
- ما راضي شنو جابرينو طاگينو على ايدو تايروح يعقد مو لعب جهال هو يجي خالو من بغداد وخليه يگضبو يعگلو
گامت تبجي وتحجي بحرگة :- ايه اييه حاجي خالي انا جزت منو بعد ولا إلي ايد بهالزواجة كلها ماريدن أتخارب وية العالم من حدر راس شبير تالي وكت اسعى وأركضلو هين وهين تالي انا اطلع بالوجه الأسود
هيام :- عش هالحجي سهاد وشنو شبير غريب هم اخيج ترى
7 تعليق
- وانتِ ما سمعتيه شلون يحاجيني وينتر بوجهي شنو بگدو انا ؟ غير الحجي البلعتو ببيت عمي أبو مظفر گوة عليَّ سكتت وحك الله بس أخونا هو الغلط راكبو من راسو لحدر جدامو بيا عين بعد تا أحجي وأرادد ؟؟
صابرين :- هساع يجي أبو علي وهو يحاجيه يخليه يحب راسج ويتعذر منج لا تكدرين خاطرج ما تعرفين شبير قابل ؟
10 تعليق
هيام ردتها :- صوت عالي وگلب خالي الله وكيلج
ضلت ساكتة بس الوجه ميتفسر وتباوعلي خازرتني
صرت بظهر عمة شيخة ماريد أشوف وجه وحدة بيهن
اندارت الهن :- وينو هو تيم ياهو جابجن ؟
6 تعليق
سهاد :- ضل تيم يم بيت عمي تايحاجيهم ويتعذر أجى من بغداد ووصل بساعة العقد هم تلگيهم أكلوا وجهو بالحجي
سكتت شوي وگالت :- علي هين اندهوه عش ما يرد على تليفوني
هيام :- يمان جابنا عمة وعلي ضل يم أبوه هناك
صاحت على بنت سهاد تصيح لأخوها من برة راحت تركض
ايد لزمتني من ورى انداريت شفتها در وراي
در الزهراء :- والله محد راضي لا عمتي شيخة ولا أبوي خابروه وهو ببغداد حتى ما يدري وانتِ خوب سمعتي عماتي حتى عمي شبير بنفسو ما قانع بهالخطبة
دنگت راسي مختنگة وهي تحاجيني بصوت ناصي
فات يمان وگف بالباب سكتت وعافتني
- وينكم تطافرتوا من ردتكم
يمان :- گولي عمة
حجاها واجت عينه على در مدنگة راسها وهو يفر بالسويچ مال سيارة بيده عيونه بينها وبين الموجودين
35 تعليق
- اخذ حرمة خالك شبير لبيت أبو مؤتمن وردلي بساع
- تأمرين أمر
سوالي مجال حتى امشي گدامه رجعتني عمة
- لا لاا يولي اگفي تا أروحن وياج إلي حجي وية أمج
مردت أسمع حجاية مشيت بسرعة صعدت لغرفة ماما
فتحت الباب وسديته وراي باوعت بس بان گاعدة
على حالها العفتها بيه فارشة فراشها بالگاع وبيدها الفون منتچية بظهرها عالحايط رفعتلي بس عيونها
من شافت حالتي أول كلمة گالتها
شهربان :- دريتي مو ؟
مشيت گعدت يمها مدنگة أنتف بطرف ملابسي بعدم تركيز وعيوني مغوشة من گد الدموع المتجمعة بيها
- شفته بان شفته لابس الحلقة وكاشخ إلها
- خليه خيولي هو أول وتالي حيطلگج يخطب يتزوج طبه مرض
متحملت نزلت دموعي بحرگة جرتني لحضنها
تحجي وياي :- تبجين عليه ولج ؟ هو هذا يستاهل دموعج ؟ يستاهل وحدة مثلج ؟
- خواته يباوعلي شمتانات بية ماخذاتني بالعين الصغيرة لأن مالي أبو يهلهلن وأخته تهوسله بنت الشيخ لأبن الشيخ ليگول اني جابوني من بيت رعيان مال غنم
- هن گالنها قبل لماما منوالف الغريبة افتهمي انتِ مو منهم نورجان وبعمرج مراح تصيرين وحدة منهم وبيهم
غصيت بنص كلامي مگدرت أكمل
تحسرت وضمتني أكثر إلها واني أشهك بحضنها
- كافي نورجان .. نونو حبيبتي .. فدوة لوجهج لتأذيني عليج .. كافي عليَّ ضاعت وحدة من ايدي
حجتها ونبرتها اختنگت شلت راسي من حضنها أمسح بدموعي
- أريد أنام حتى أنسى مرايدة أفكر بعد تعبت والله تعب گلبي من البجي
سوتلي مجال تمددت رفعت الچرچف غطتني صارت دموعي تكت عالمخدة بصوت ناصي
مدت ايدها تمسح بدموعي وتوخر بشعري عن وجهي
بين النايمة والگاعدة دا أفتح بعيوني وأسمع أصوات عبالك يم راسي
صوت سوالف شي داخل بشي لحد مصحيت وركزت
بان نايمة صفح بصفي وانتبهت للتليفون بيدها
تحركت من مكاني نمت على ظهري عيني صارت عالسگف وأسمع صوتهن يتجادلن قريب من الغرفة
شيخة :- هو هم ما بيدو شي سديتوها بوجهو من كل صفحة انتِ من جهة وعمامو من جهة كلها تزگح بيه تايطلك ما جان بيدو شي يعملو
- يطلك لعد ويسد الموضوع اروح أحاجيه ينطيني گفى ظهره ولا عبالك واگفة دا أحجي وياه وكلام الله حيل نزل من عيني مو شلون مچان
- لا تظلمين حظج أم بان والله هو هم يحبج ويحترمج وگدرج جبير عندو
- لا واضح هواي يحترمني كم أسبوع بأسبوع خاله يدز وراه ديحاجيه عالطلاك وهو مختفي ساعة عنده شغل ساعة مدري وين ما عنده وكت يجيله ساعة لبيت خاله بس عنده وكت يروح يخطب ويمّشي على بنت عمه
- نورجان يريدها ما يرضى يطلك
- واني شنو أمشي بمزاجه ؟ رضى والما رضى غصبًا ما عليه يطلگها شنو عايفها معلگة لا للسما ولا للگاع ؟ مو راح خطب ؟ شيريد بنورجان بعد ؟؟
- ناوي يردها ما حاجي بالطلاك أبد
- بكل عقله يحجي هذا ؟ يريدني ارجعها إله وبذمته مرة ثانية ؟ يحلم نورجان ترجعله والله خليه يشيلها من راسه
سهاد :- شتردينو الدور يعوف بنت عمو لخاطر ترضين ترديلو حرمتو ؟
- مگلت يعوفها يابة سبع سعادات وزواجة الدهر بس نورجان يشيلها من راسه بعد ولا يتأمل بيها زايد
- وشنهو لبالج احنا كاتلين روحنا على بنتج لو جيتنا هاي لسواد عيونها ؟ والله لو ما أخوي أعمى گلب من عين باجر أخليه يعرس على بنت عمو تايكسر عيونجن
- يكسر عيوننا عليمن دادة شايف كل الخير يتزوج الثانية والثالثة والرابعة هي بنتي بعد متريده
شيخة :- لا تصعبيها أم بان
- خلي روحج بمكاني أحلفج بالله لو بنتج وصاير وياها هالشكل حترضين ترجعيها إله على شرچ ؟
سهاد :- ايه هم عايزو تايروح يطلك بنت عمو لخاطر ترديلو الصفيرة العندج خايبة بفردة نعال ما أشتريجن كبرنا راسجن زايد .. امشي عمة
سهاد من حجت هيج عمة شيخة گامت تحجي عليها وتصيح حتى تسكت وراها اختفى صوتهن
انفتح الباب ورجع انسد فاتت ماما تروح وتجي بالغرفة محترك گلبها أسمع صوتها وهي تاكل بروحها بصوت ناصي
سديت عيوني بتعب وغلبني النوم للمرة الثانية
فزيت مرة لخ على واحد يسولف بصوت ناصي
شدن :- رحت حاجيته ممنطيني وجه النوب وهو أبو الراهي انتَ أحسن بسمع منك تعال بسرعة خلصني وخلص هالبنية الله يخليك مرضن وكلام الله مرضن بي من البجي والقهر
جانت تحجي وتجر النفس عرفتها دتبجي
سكتت شوية تسمع الطرف الثاني آخر حجاية گالتها أنتظرك ونهت المكالمة
متحملت أسمع صوتها وهي دتبجي بصوت ناصي حتى لا تسمّعنا
گمت من مكاني مشيت لجهة الجرباية
- ماما
- لا ماما لا يعيوني شذنبج انتِ بكل الصار صرتي بيد ناس ما خافت الله بيج ولا صانت الأمانة
- ماريده بعد والله ولا أبجي شوفي
گمت ورفعت ايدي أمسح بدموعي گدامها ويرجعن ينزلن غصب عني
جرت ايدي تمنعني
- لا تكابرين على حزنج ماما ابجي وازعلي وانطي لحزنج حقه حتى تفرغين اللي بداخلج وما تبقين مكسورة وضامة كسرتج بگلبج
12 تعليق
أخذتني لصدرها :- ابجي حقج محد يلومج سنتين عشرة عمر مو يوم ويومين
دنگت باست راسي :- بس يجي فدار وكُلشي ينتهي وتخلصين وتلتفتين لروحج خليه يروح يخطب بنت عمه بنت خاله شعدنه يمه هم إلج يوم ويجيج ابن الحلال اليدك بابج ويختارج مثل ما انتِ
27 تعليق
سكتت على كلامها وهي تسولف تهدأني كلامها وصوتها الهادئ زرع السكينة بگلبي وخلاني أنام براحة بعد يوم طويل من البجي والنحيب
الصبح من گعدت جانت ما هي بالفراش
گمت لحيلي أوخر بشعري عن وجهي راسي مصدع
بان :- لك درد رررد الله ياخذك ان شاء الله
8 تعليق
تروح وتجي بالغرفة بيدها التليفون
أخذته أباوع بيه واجهة المحادثة جانت لحساب وهمي دازلها مقطع بدون أي كلام رأسًا عرفته عبد
فتحت المقطع جان لشابة بغرفة نوم گاعدة على سرير وبحضنها طفلة صغيرة ظهرها صاير لجهة التصوير تناغيلها والطفلة تضحك بصوت يفزله الگلب
26 تعليق
وجه البنية ممبين من رگبتها ونازل واللي يصورهم گاعد على مسافة منهم متعمد يصور بهالطريقة
ثواني وخلص الفيديو رفعت راسي لگيتها تباوعلي عيونها مدمعة
- شفتي شلون ديحرك بگلبي
- هاي مرته ؟
- ما أدري بس مو صوت يسر هذا متأكدة
- ألو ألووو لك احجي بس احجي رد عليَّ هي أغبررر لتدز شي بعد سمعتني لو لا لتدز ما تهمني بعد لا انتَ ولا بنتك اني تطلگت منك خلصت منك ومن كُلشي يربطني بيك افهمها هاي حتى بنتك ما أريدها دمك يمشي بيها أكررره شكو شي منك وبيه ذكرك ..
18 تعليق
انسد الخط بوجها قبل لا تنهي كلامها وهي تصرخ
شالت التليفون وشمرته گعدت للگاع روحها مفرفحة
گعدت يمها أحاجيها مترد جربتها لصدري وهي تبجي
أخذتلها بالربع ساعة على بجية وحدة لحد مسكتت من وحدها
- بان حبيبتي اروح أصيح لماما تجيلج ؟
ما ردت مسحت دموعها وگامت تفتر بالغرفة تفتح بالمجرات راحت يم ميز تواليت تدور بالغراض
سألتها :- شتدورين ؟
ما حجت مشت للكنتور فتحته صعدت عليه مدت ايدها للخانة الفوك جرت فايلات وأوراق نثرتهن عالچرباية
واجت تگلب بيهن وتدور بين الجناسي والمستمسكات
لحد مصارت بيدها جنسيتها والجواز
- بان
رفعت راسها تباوعلي :- ما أعوفها إله والله آخذها من عيونه هاي بنتي اني مو بنته
- شبيج تخبلتي شتردين تسوين
ترجع بالأوراق بسرعة جرت منهن بس التريده
- لو أعرف يصير بيها موتي ألحگه يعني ألحگه
- بان أحاجيج
جريت ايدها نترني :- شتردين نورجان شترردين ؟ بنتي دتكبر بحضن الكل إلا حضني گلبي محترك أشعوط من جوة بس أفكر بيها وهي بعيدة عني
- وشبيدج تسوين يعني من تلحگيهم هم من جانوا هنا شرطة وعمو تيم واگفله وگفة وبالقانون وهم ما گدروا يرجعوها إلج مدامها متسجلة بأسم مرته
- أسوي كُلشي أسوي لو أعرف أكتله وأخلص من ذكره وآخذها وأشرد من الدنيا كلها لج نورجان ..
غصت بحجيها وكملت :- لج لجج تعرفين شنو يعني روح طالعة من روحج وانباگت منج ؟ شغلة تخصج انتِ مالتج انوخذت منج غصب أموت أمووت والله باليوم ألف موتة عليها ما أتحمل بعد أبقى هنا هواي صبرت
- وين ترحين وهناك أصلًا منو إلج شلون راح تدبريها
- وتعوفينا مرة ثانية بان ؟
خلت عينها بعيني :- تعاي وياي
مدت ايدها بين الأوراق تدور شي ورفعته بوجهي
- شوفي هذا جوازج تعاي نروح اني وياج ونخلص مناه انتِ هم ما إلج شي يربطج بهالمكان بعد طلاك وحتتطلگين
باوعتلها بحيرة :- لعد وماما ؟
- ماما اختارت حياتها مو صغيرة حتى أگولها شتسوي مدامها مرتاحة بقرارها وعيشتها وية فدار اني ما بيدي شي أسويه إلها آخذج ونروح بس اني وياج هناك نشوف حياتنا وبس أرجع ريحانة ندور شغل ونشتغل سوية ونعيش بعيد عنهم كلهم
- اني مدا أجبرج اني دا أخيرج تردين تبقين ابقي بس لتضلين تبجين كل يوم والثاني من ورى شبير ومشاكل أهله وعمامه وياجن انتِ وماما بيج وبلياج اني رايحة
گامت ترجع الأوراق لمكانهن واني أحس روحي مختنگة حيل دا أگوم أريد أطلع لزمتني من ايدي
بان :- نورجان أحلفج بروحه لبابا متجيبين طاري لأحد على روحتي لهناك حتى لماما لتسولفين شي بس تعرف راح تبلغهم وتقوم القيامة عليَّ وانتِ أعرف شحيصير
- ما أحجي
عفتها وطلعت من الغرفة نزلت جوة ضاك النفس بصدري
طلعت للحديقة أشتم هوا رحت ورى البيت بالحديقة الخلفية بعيد عن العيون وگعدت للگاع أفكر بكلامها
شلون نعوفها وهي سوت وتحملت اللي تحملته علمود اني وبان نعيش بأمان ؟
مسحت وجهي دخيلك يا ربي دليني عالطريق الصحيح
بزحمة أفكاري وهدوء المكان داير مدايري سمعت صوت
رفعت راسي بفزة أحاول اتأكد صوت اثنين يتهامسن بيهن
ومن ركزت صار صوتهن قريب مني كلامهن يوصلني
- وانا شدراني تاخذ منو لو ما تاخذ
- لنج غبرة وثولة عجل انا شوصيتج ؟ مو گتلج خلي عينج عليها
- ما جاي تاخذ انا أگلج ما تاخذ دحگيها جنها صل تتطافر هين وهين
- اي هاي شابة صغيرة بعدها بحيلها لا لبالج مثل سناء بآخر أيامها وتطيح بساع
- ااخ يرادلها بخت ولج وتلحك سناء وتخلصني منها ومن بزرتها بليلة وحدة
- گولي خلصتي منها وراها بعد اثنين گاعدات على گلبج
- والله لاهججهن بنفس الحال الأجن بيه ولفن علينا مذلولات وواطيات الراس مالهن معين بس ادعي تاخلص من الطرگاعة الچبيرة
- ايييه آمين شنريد قابل
نبرة صوتها عالية وحادة بسرعة تميزها بس الثانية معرفتها يتهامسن همس گوة الصوت يوصلني
اختفى صوتهن وتبعها صوت باب وهو ينسد
گمت من مكاني اباوع مديت راسي من ورى الحايط
ماكو أحد وباب المطبخ الخلفي اللي يطل عالحديقة مسدود
نكتت ملابسي من التراب ودخلت جوة بوجهي للمطبخ
باوعت للوجوه لگيتها زوجة عمو فدار واگفة باوعتلي ورجعت اندارت تكمل سالفتها وية بنتها هديل
وعلى جهة واگفة هاجر تغسل بالمواعين ويمها كوثر
شدن :- هاي هنا واني صعدت أدورجن فوك
- هياني حبيبتي
باست خدي لزمت وجهي تباوع بعيوني
- شوفي شلون عيونج مورمة صارت تخوف اكلي دنحطلها كمادات باردة حتى يخف الورم
هزيت راسي مشت عالكاونتر تحضر بالمواعين
التفتت :- صيحي لبان وياج حاجيها نورجان دتنزل تتريك صار كم يوم حابسة روحها فوك حتى مدا أشوفها مثل البشر خبلها هالموبايل المگابلته
واني أصعد الدرج انقهرت على ماما شلون شايلة همنا ودتفكر بينا واحنا نريد نشرد من وراها
سويت مثل مگالتلي ونزلت اني وبان گعدنا نتريك
اجت كوثر يم ماما :- عمة بقى چاي ؟قِصٌصٌ مَآيِّ هِوِبَِّس
- اي اخذيه الكتلي مليان
فرحة :- المن رايدتو ؟
- لمآب راد استكان
أخذت قوري الچاي ووگفت دتصب
ردتها أمها :- خليه هذا سويلو جديد
شدن :- مبيه شي توني سويته
- خير ان شاء الله شعندو مو وكت جيتو عجب جاي
-يجوز علمود سالفة عقد شبير شوفيه بالصالة گاعد ينده عليجن
حجاها وسحب كرسي گعد عاف عكازته يمه
طلعت بسرعة وراها هديل ورشا
- وين صار الچاي كوثر
- هذا بس شوي تايفور
- المن مو هذا عالطبلة بس جيبيلي استكان .. مديلي شو مرة أبوي
ناوشته ماما الكتلي جابتله اخته استكان صب لنفسه وگعد يشرب واني وهاجر وحدة تباوع للثانية ونتبسم
اجت رشا :- أم بان عمي يريدج
گامت طلعت وياها من المطبخ
وگفت يم بان اللي على وضعها من أول مگعدت
- كملتي آخذ ماعونج ؟
باوعتلي أشرتلي اخذيه بدون متحجي ومآب عينه مشالها عنها من أول مگعد وهي مو يمه بالها طاير
مشيت للسنك هاجر واگفة قريبة مني انتبهت إلها هم مركزة بنظرها عليهم وعينها بمآب وين ديباوع
گامت بان من مكانها طلعت وعين مآب اندارت وياها
- حجيت لمن مليت رحتلهم للبيت بالليل منطاني كلمة تشفي الگلب اني أحجي وعمته تحجي وخواته من جهة وهو ولا عبالك
- وتيم وين عنو ؟
- تيم هم لگيته شايش عليه الرجال متخبل منه لحد منطانا ظهره وعاف البيت شيسويله قابل هم مل من الحجي من رجعت للبيت دز وراي عمته وأخته وهم وصيتها من تگعد وية شبير تحاجيه تقنعه ديطلك
گعدت يمه :- فدوة فدار خليه ينسد هالموضوع على خير ونخلص معايزين مشاكل حاجيه واخصمها وياه
- انا ما مسودني بس شلون ما منطي خبر لا إلي ولا لأخوه شنهو رجل كرسي ؟ مالو جبير يشور عليه گبل لا يخطي هيج خطوة ؟؟
- عقد صغير مو ؟ غير أمة محمد كلها مگلوبة البارحة ببيت عمه وانا آخر من يعلم أخوه من دمو ولحمو ما يدري بالخطبة إلا گبل چم ساعة وين صارت هاي ؟
- ما عازمين هم ناس تسمع من ناس وصارت هوسة
هز راسه :- هين دخليني أشوفو لا ما كسرت راسو اليابس هالطايح الحظ تاشوف شلون يطلع عن شوري خاف گبل جنت وياه وناوي أردلو حرمتو هساع انا الما راح أرضى نورجان ترجعلو
شدن :- حتى تلومني بعد من مرضيت أرجعها إله واني مدا أحجي لأن أكرهه بس انسان ما عنده كلمة والبارحة نحجي وياه ممنطينا وجه فوگاها هو المراضي شلون عرفنا بالعقد يريد يبقيه بينهم حتى شوكت مراد يفسخ من هاي ويرجع الهاي باليعجبه
شدن :- حتى تلومني بعد من مرضيت أرجعها إله واني مدا أحجي لأن أكرهه بس انسان ما عنده كلمة والبارحة نحجي وياه ممنطينا وجه فوگاها هو المراضي شلون عرفنا بالعقد يريد يبقيه بينهم حتى شوكت مراد يفسخ من هاي ويرجع الهاي باليعجبه
1 تعليق
- خيولي مو بكيفو انا أحجي وياه انتِ لا تدوخين راسج بعد بهالسالفة يمي
- اي عفية من البارحة عيني ملايحها النوم والنبي خلصني وخلص هالبنية
- يمي گتلج بسچ لا تشيلين هم
حجاها وصارت عينه عليَّ گلي :- راضية بحجي أمج ؟
هزيت راسي أشرلي بيده أجيله تقربت باس راسي ضل محاوط كتفي بأيد وحده صارت گدامه بان
واگفة على مسافة من عدنا تسمع للحجي بدون لتعلق
جر نفس طويل وگال :- خليني بس أرتاح هالساعتين وأروح لبيتهم تا أگعد أخصمها وياه
راح عمو فدار العصر لبيت عمو تيم وماما منتظرته على أعصابها نزلت جوة بوجهي للمطبخ دا أشرب مَي
صارن گدامي بنات عمو فدار كوثر بيدها الموبايل وهديل يمها مشغلات مقطع أسمع منه صوت الهلاهل
كوثر أول مشافتني طفته وارتبكت
هديل :- عش طفيتيه
غمزتلها وأشرتلها عليَّ اندارت هديل شافتني واگفة
جرت الموبايل من ايدها :- خليها تشوف وإذا ما شافتو رجال ماخذ بنت عمو بالحلال لا عيب ولا حرام
تگلها :- دحگيهم شحلاتهم تگول أول فرحتو مو هيج
6 تعليق
مشيت وگفت گدامها
نورجان :- عادي أشوفه ؟
4 تعليق
ضلت ساكتة مدتلي الموبايل گدامي
گلبي يدك يدك ايدي بيها رجفة خفيفة لازمة الموبايل برهاوة شفته مصوراته أول مدخل عليها واجى وگف يمها والچُكليت ينطش من كل جهة فوگاهم
هي وجها جان يضحك الگاع مسايعتها من الفرح وجانت طالعة حلوة فستانها وشكلها وهي صاحبة جسم شوي مليان وبيضة جسمها مصبوب صب عالفستان
- ها ؟
نورجان :- اخذيني وياج
19 تعليق
هزت راسها بعدم فهم :- مو الصبح گتيلي اختاري ترحين وياي لو تردين تبقين ؟ أريد أروح ماريد أبقى
1 تعليق
باوعتلي للحظات مركزة بوجهي قبل لتحجي
بان :- شبيج انتِ صاير شي
- بان حتاخذيني لو لا ؟
باوعت منا ومنا وجرتني من ايدي وهي تهمس
5 تعليق
- اي ايي آخذج بس صوتج لا واحد يسمع
- أحس نار اشتعلت بگلبي والله ما أتحمل ماا أتحمل أشوفه وية وحدة ثانية خاصة غادة
- هم بعدج تترجين منه شي بهالزواج ؟
- مو بيدي بان لا تلوميني اني من أحجي محد يفهمني شُبير من جنتي انتِ وماما مموجودات هو السد مكانجن عندي هو صرت أشوفه أهلي
مسحت دموعي وأحجي من بين شهگاتي :- حبيته اي حبيته شنو كفرت ؟ شمدريني راح نوصل هالمواصيل
- زواجكم بدا بغلط وجره غلط وكملته غلطة أكبر بموافقتج وموافقة ماما
7 تعليق
گال :- ماكو ما موجود من طلعتو من البيت أمس محد مدحگو لهساع
شدن :- تلگاه ببيت المزرعة هو جان دينام هناك ذيج الفترة
- خابرت الحارس گال ما جاي لهنا ورحت لبيتو بابو مقفول يدري بروحو مسويله سالفة بگد راسو راح ضم روحو تاما يگابلني
- يعني وين يروح
2 تعليق
- شمدريني طبو وجع وين ما ولى أخوتو هم ثايلين عليه يدورون هنا وهناك
- عجيب أمره هالولد عجيييب
- انا ما أگدر أضل لباجر هين عندي شغل من الصبح هساع طالع تا أوصل گبل بوكت
رجع بنفس الليلة لبغداد ...
وكت النومة ماما گلتلي عمو فدار موصي مؤتمن ديروح للإدارة مال مدرستي ويفهمهم ظرفي لأن الإمتحانات اسبوع الجاي حرامات تضيع مني سنة كاملة
والتهيت بآخر أيام أدرس اتحضر لإمتحاناتي وكوثر وماما وياي يساعدوني باللي يعرفوله
5 تعليق
گعدت الصبح لبست القميص والصدرية ورفعت شعري كعكة وبان گاعدة عالحافة مال چرباية وبيدها كتابي
تراجعلي قبل الأمتحان تسألني واني وأجاوبها
وصل إشعار على الموبايل عافت الكتاب بسرعة وگامت تشوف
شفتها إلتهت أخذت الكتاب ونزلت صار گدامي مآب
مآب :- يلا يول صار ساعة علي واگفلج بالباب
عقدت حواجبي :- صدك ؟ أشو ما رمش مثل كل مرة
3 تعليق
لبست حذائي وطلعت مستعجلة حتى ماما مودعتها
دا أمشي بالگراج مدنگة راسي بكتابي وممركزة بالداير مدايري رفعت عيني شفته واگف گدامي ايده بجيوب البنطرون
جرني من ايدي على جهة من الحديقة بعيدة عن الأنظار
عاف ايدي ضميت كتابي لصدري ما أباوعله
تنهد تنهيدة طويلة وهو يباوعلي
گال :- وتالي نورجان ؟
- شنو
- ليمت نضل على هالحال
- طلك ونخلص بسرعة
- ول تردين تسودنيني انتِ طلاگيش هاذ ؟ ما أطلك
- ما أرجعلك لتتأمل زايد
مد ايده لزم حنكي رفع راسي صارت عيني بعينه
- انتِ رايدتني لو لا ؟
- لا وحتى لو أريد ماما وبان ميقبلن
- يول أمج ودهيرة شعليهن انتِ مالج رأي ؟
- لا
- غمج اي والله عجل وين شخصيتج
- ما عندي شخصية
- يا بختي اي والله
- والله ماما گالت بس تتطلگين يشوفج ابن الحلال ويجي يدك بابج
عضيت شفتي عصرت كتابي أكثر لصدري وهو خازرني
- يعني مو قصدي والله بس انتَ مو رجل أحلامي
طلع جگارة خلاها بين شفايفه وهو يحجي
- أيبااا وشنو مواصفات رجل أحلامج بالله
- أريد واحد تركي عيونه زرك وبشرته برونز
- هسع أتصلخ وأصعد للسطح أتزورك جوة الشمس وأنزل بعدد ؟
- لا ميقبلون والله حتى عمو فدار
سحب نفس من الجگارة وذبه من صدره
- بس انطيني چلمة منج واگفي وياي خاطر من أسولف وياهم ويشوفونج شلون رايدتني أعرف شلون أسكتهم
- ومنو گلك اني رايدتك
- أجيبلج حصان
سكتت شوية گتله :- كذاب
- والله أجيبلج يرخص لهالعيون انتِ مو تحبين الأحصنة ؟
بان :- متشوفها حبتك
التفتنا اثنينا على صوتها بفزة مآب وراها غص بالضحك
صاح :- بالگصة
واگفة ورانا على مسافة بسيطة
شبير :- هاي صار چم يوم مخلصة بطاريتها ما ينسمعلها صوت ياهو شحنها ؟
- صار كم يوم كلما تسمع بخالك جاي للغربية تضم راسك مثل البزون شوكت تصير زلمة وتگعد وياه
مآب :- يولي الشردة ثلثين المراجل
- انتَ اسكت أعرف انتوا مدستريها بينكم كلما يجي أبوك تخابره حتى يطفر عود صايرين لواتة بروس الزواج
- متخوف چلبي
7 تعليق
- أطلع چلب ابن چلب إذا ما فينت حظج
- تهدد مو ؟ دخلي يجي خالك مرة اللخ إلا أگوله على سوالفك انتَ وهذا المسكرب وأخليه يزين شواربكم بالقندرة
تخبل عليها راد يلوحها صار بوجهه مآب يمنعه وغمزله حتى يسكت
- دتعاي شو بس گربي عندي لا لبالج انا مثلهم أگول مريضة وحرمة خطية وروح أبوي أگضبج أكسرج تكسر هين
- اوي خفت
- سهلة اني إلكم وانتَ صير زلمة وطلك لا تضل تتختل بيها مثل بزون المطابخ
12 ت
- غضب الله على راسج من بنية
شبير :- هجامة البيوت مفرق الجماعات حسبي الله ونعم الوكيل عليج قريتي براسها وگلبتيها عليَّ
16 تع
- حسبي الله على راسك
اجتني تستعجلني وانطتني المقلمة طلعت ناسيتها
1 تعليق
- علي رمش اطلعي واگفيلج بالباب
نورجان :- هسه اجى ؟
باوعت لمآب دار وجهه عني لغير جهة چنه مسمع
أخذت أقلامي منها عفتهم وطلعت بسرعة
...《 شدن 》...
واني دا أنزل الدرج صاروا بوجهي مآب وبان وهم ديفوتون للبيت من برة ويتلاغون بيناتهم
صرت قريبة منهم صار صوتهم يوصلني
مآب :- انا گوة لازگهم سوة وانتِ تجين بچلمتين تهدمين البنيتو
- ومنو العاتب عليك تصير مصلح إجتماعي اطلع منها
8 تعليق
- يول عاجبج حالهم ؟ واحد نفسو بالثاني وكل واحد صاير بكتر ليمت ؟
- ابن عمتك هو الكبرها ووصلنا لهالحال فوك سوايته الغبرة وفضيحته لأختي بدال لا يجي يتعذر راح خطب بنت عمه بكل صلافة
- والله العظيم عقد مؤقت تايسكت العمام رادوا يخابرون على عمتج الجبيرة تاتجي يطلگون نورجان وتاخذها وياها وعلى آخر لحظة عمهم الجبير سلطان گلو يبقي أختج على ذمتو ومحد يجيب طاريها شرط يعقد على غادة
11 تعليق
- وبنت عمه شذنبها إذا متعرف بكل هذا ؟
2 تعليق
- تعرف تعررف لا تخافين تدري بشبير مالو نفس بيها وقبل بالعقد حتى يخلص من حجيهم ويرد نورجان
- القاضي راضي شعلينا بعد هي القبلت على روحها هيج زواج تتحمل شما يجيها
- يتزوج ميتزوج بعد ميخصنا نورجان متريده بعد يحلم ابن عمتك ماما ترجعها إله بلغه هالحجي وبدال لا تشيشه اگعد انصحه خليه يستعجل بالطلاك
3 تعليق
- يول انتِ عش هيج گلبج أسود بدال لا تجمعيهم تسعين على خرابها
- أحلفك بالله لو وحدة من خواتك زوجها ضربها وطعن بشرفها وفضحها گدام أهله وبدال لا يصلح غلطته گام خطب وحدة ثانية وما يقبل يطلك شتسوي ساعتها راح ترضاها على أختك وتسكت ؟
حك طرف حاجبه :- حك الله لا والله ما أسكت وما أردها إلو
3 تعليق
- لعد اللي مترضونه على خواتكم لا ترضوه على بنات الناس لو شفتونا بلا رجال وسند گلتوا ندوس عليهن شنسوي يسكتن ومحد يحجي
- استغفر الله هسع عش هالتهتر هاذ منيلج هالحجي
2 تعليق
- إذا هيج لعد حاجيه لشبير واقنعه انتَ أقرب واحد إله بدال لا ضال يگمز لهنا بالختلات
شدن :- شبير هنا ؟
انداروا اثنينهم شافوني بعدني واگفة عالدرج
- جان هنا قبل شوي وراح
جان عبالي بعده موجود دا أحجي وياه ملحگت عليه
حجتلي بان عالكلام الدار بينهم ومن رجعت نورجان هم سألتها شيريد منها وضل الموضوع ياكل براسي لليل
وكت النومة متمددة بفراشي وتذكرت شغلة
فزيت فتحت التيبلام وباوعتلهن
- بان ماما گاعدة ؟
بان :- اممم
- همام مراسل عالفيس دا أگول شعندج وياه
- ماكو شي راسل الصبح ديسأل علينا
- يا عيني ومنين اجت هالحنية فجأة
رجعت تمددت :- همام ونسمة اعزليهم من ذيج الصفحة يوم مالهم علاقة باللي ديسووه سالم وسجودة
- مگلنا شي بس استغربت شلون هيج خطرنا على باله فجأة
- يسأل مبيها شي انتِ ليضل بالج
سكتت شوية وصاحت :- خرررب نورجان موتيني نامي عدل
تأفأفت وگعدت لحيلها
فتحتلها ايدي :- تعالي حبيبتي
اجت يمي عالچرباية وبان تصنف عليها
- بعد خلي تلوليلج
- تغارين
ابتسمت حضنتني حيل ضميتها لصدري وغطيتها
مر كم يوم طلع صدك كلام بان لاحظت شبير يجي يم ولد خاله يگعدون ويسهرون سوية الليل كله
وباليوم اللي يجي خاله للغربية يختفي ووين ميسألون عليه يگولون مموجود وفدار متخبل منه بس يريد يلگفه
صادف يوم ثنين بالليل الولد گاعدين بالحديقة
شبير ومؤتمن ومآب واثنين من ولد عمومتهم
1 تعليق
على گعدتهم وصوت ضحكهم انفتح الباب مال گراج وفاتت سيارة فدار كبس عليهم وهم گاعدين
نزل عليهم سلم وعيونه على شبير اللي ميخلي عينه بعين خاله اجى ديگوم أشرله
فدار :- ضل گاعد ضل عندي حجي طويل وياك هين بس اصبرلي
حجاها وفات للبيت ضلوا مآب وشبير واحد يباوع للثاني
مجانوا متوقعين يجي بنص الأسبوع عساس بنهايته
ولد عمامهم الأثنين راحوا والولد فاتوا للصالة گعدوا
ومآب يحجي وية شبير :- يول گوم اطفر ما دامو صعد فوك
مؤتمن :- اذا انتَ ازلمة لا تگوم اگعد واجهو بالحجي وذب هالحمل من صدرك واخلص
شبير :- جزعت روحي بالله الكريم خليه يجي يحجي العندو وانا هم أذب الحجي العندي شمسوي قابل ؟ مرتي ورايد أردها
8 تعليق
- دضل عجل اليوم رزالتك تصير جدام خلك الله دحك حتى الكلفة صار شكثر محد مدحك وجها اليوم نزلت تاتشوفك شلون تترزل صورة وصوت
حجاها واثنينهم صارت عينهم على بان الواگفة يم الباب ومكتفة ايديها لصدرها بلا صوت
بان :- انتَ جلدك يحكك ينرادلك مكينة حتى تجر عدل
فتح عيونه :- لا يول عش هيج فوك ما أجمع راسين بالحلال تا آخذ حسنات
2 تعليق
بان :- لتخاف مراح يغطن على كل سيئاتك
4 تعليقات مع تفاعُلات
عض شفته يكتم ضحكته وضل ساكت
شوي ونزل فدار مغير ملابسه الأجى بيهم گعد رجع ظهره عالتخم بتعب وصاح للبنات
فدار :- كوثر بابا سويلنا چاي
راحت بسرعة للمطبخ أمها وأختها ونسوان أخوانها كلهن موجودات واني وبناتي واگفات على جهة والولد گاعدين
باوع لشبير وجر نفس طويل :- اي بالله سولف تا أسمعك
شبير :- شسولف
- والله بكفيك منين تبدي على خطوبتك من ورى ظهري وانا آخر من يعلم لو على طفرتك كلما اجيت أنشد عنك
- صارت بساع بساع ما لحگت أبلغكم انتَ وتيم
- من يمتى انتَ تطلع عن شوري ؟ ولك انتَ من دون أخوتك كله شتريد وشتأمر حاسبك حسبة مآب عندي فد يوم اجيتني بشغلة ورديتك ؟ حتى ورى سوايتك بنورجان صرت وياك وگتلك انا أحاجي أمها تا ترد حرمتك إلك هساع ورى سوايتك المصخمة بيا وجه أگلها رديها إلو ؟
جابت كوثر الچاي أخذها مؤتمن من ايدها وزعلهم
2 تعليق
مد ايده خاط الإستكان وشرب منه شوية
صاح بيه :- احجي لا تسكت .. من يمتى چلمة سلطان صارت تمشي عليكم وانا حاطيني على كتر هيج ولك تصغرنا انا وأخوك جدامهم ؟
3 تعليق
- خالي رحمة لأهلك شصغرك گتلك سالفة صارت بساع حجوا بيها مناه ثاني يوم صار العقد وكلها فترة وأطلگها ما تضل على ذمتي
- ياهي التطلگها ؟
- غادة غير
- هاه ولعب جهال هو أعقد مناه وأطلك مناه
1 تعليق
- كلشي سويتو تا أرد نورجان وأخلصها من الحجي ماريد شي بعد
- گتلك انا أردها إلك عش تروح تتصرف من راسك ؟ احجي گلت لو ما گلت ؟؟
هز راسه :- گلت بس عمامي جان عندهم غير راي انتَ گلي بالله شسوي ؟!
- طلك نورجان وروح ولي طبك مرض شتريد تسوي سوي صار الراي لسلطان وعمامو الدور
- ما أطلك
شال النفاضة :- شبيررر لا تطلعني عن طوري ترى روحي صايرة بخشمي وجاي من درب طويل طالت السالفة ومصخت طلك واحترم نفسك
- ما أطلك
اجى يگومله فز مؤتمن بوجه أبوه يمنعه يهديه واحنا ايدنا على گلوبنا لا يتعاركون وشبير على گعدته
شدن :- ترى خاف قبل جانت إلي نية ولو واحد بالمية أرجعها إلك هسه ورى مصارت بذمتك مرة ثانية تحلم ترجعلك
هديل :- موش انتِ أبوي ماخذج الثانية على أمي لو حلال عليجن حرام على غيرجن
22 تعليق
- اني وأبوج شي مختلف لتقارنين بين وضعنا ووضع شبير ونورجان
3 تعليق
- حلوة الدور باليعجبهن يرضن وما يرضن
- انتِ لتتدخلين مو يمج الحجي
فدار صاح :- هاه هاااه جدامي وتتگاونن !
3 تعليق
فرحة :- حاجيها ابتر لسانها راسهن كبران عطيتهن عين زايدة وهالتشوف شلون تعلي حسها وترادد
رديتها :- إلصمي بنتج ومحد راح يرادد
رجع صاح بينا :- بسسس ويامن أحجي ؟
سكتنا كلنا بس ضلينا واحد يخازر بالثاني
أشر لشبير :- گوم امشينا برة عندي حجايتين وياك
2 تعليق
طلعوا اثنينهم والولد يحجون علينا ويلومونا
مؤتمن :- وكتو هالحجي يمة ؟
- انا بس لو أعرف أبوك شنو مسگي تايعگدن لسانو هالعگدة ومخليتو ما يدحك جدامو
بان :- والله هالسوالف لليحجي بيها لا نعرف بسحر ولا بسگية عينا بعين رب العالمين من هيج مدا يگعد حظنا وياجن
- هاه المسودنة طلعلج حس والله وكت بزر مثلج بطول زري تگف بوجهي وتراددني بس ااخ غم العشك الأغبر يعمي الگلوب
مآب :- يممممة
7 تعليق
- خاب وغمة شبلاكم انتوا تتراجفون عليهن جنكم أبيكم
هديل :- هسه عاد على حورهن لو يسون والله ما أفك حلگي شو لا أخلاق لا عافية مثل البنات كل وحدة معلولة بعلة شكل لا إلهن أصل وزلم حوك التطلع وراهن تانگول ماخذيهن على سمعة أهلهن إلمن متكاتلين عليهن
7 تعليق
- احنا صح معدنا زلم بظهرنا بس ماما أخذت دور الرجال بحياتنا وحفت بأديها ورجليها حتى تعيشنا أحسن عيشة وتربينا أحسن تربية ..
ابتسمت لكلامها واني مدنگة راسي لا يشوفوني بس بسرعة غابت ابتسامتي لمن كملت كلامها وگالت
بان :- بس انتن عدجن كومة مال زلم بالبيت وهم ما گدروا يضبوچن عدل
وية حجايتها فدار فات من الباب صارت حجايتها ترس أذنه
2 تعليق
وقبل لا يوصلها سبقه مؤتمن وگمز عليها جرها من شعرها يجيبها مناه ويوديها مناه
41 تعليق
دا أمشيلهم صاح بية فدار وصار بوجهي مانعني
صرت أبجي وأتوسله حتى يخليه يعوفها ما تحرك من مكانه ولازم بأيدي عن لا أروحلهم
5 تعليق
ومؤتمن يصفك بيها راشديات ويصيح عليها وهي بس الدموع تكت بلا صوت مآب متخبل اندار على أبوه
31 تعليق
- يابة احجي وياه
1 تعليق
رده :- خليه خلو يربيها صايرة فد نوب أدبسز ما تحشم أحد
طلع مؤتمن جداحته من جيبه وشغلها يقربها من وجها
مؤتمن :- أچويلج هاللسان تايبطل تهتر ؟
3 تعليق
- وخرر
صاح بيها ويقرب النار منها :- تعيديها بعدد وتتجاوزين عالأكبر منج ؟؟
10 تعليق
- وخررر وخرها لتقرب النارر وخرها شعررري ماما شعري إلحگيني راح يحرگني راح يحرررك شعري
16 تعليق
فز گلبي لصوتها وهي تصرخ بين اديه مثل الحمامة المفرفحة حتى هو بسرعة عافها من شاف رد فعلها
11 تعليق
- صيري عاقلة بعد لا تعيديها
2 تعليق
عافتهم وصعدت فوك بسرعة وأخوه يلوم بيه
مآب :- صدك تحجي هو هيج ؟
- خليها تتربى تاما تعيدها نوبة الأخرى
اندار لأخته :- وانتِ هم لا لبالج ساكتلج وراضي على كلامج كفي لسانج لحلگج لا تخلني أتفرعن عليجن وحدة وحدة بسچن مگاون ماريد أعيد الحجي
10 تعليق
فدار عاف ايدي باوعت أحس الگاع صارت تفتر بية
1 تعليق
گعدت عالتخم اجتني نورجان تركض
نورجان :- شبيج ماما
2 تعليق
- مبية شي روحيلها روحي وراها لتسوي بروحها شي
صعدت ورى أختها وفدار يم راسي
- شبيج دختي ؟
- ما يكرهها هو هالتشوفيه حرگها صدك ؟ بس راد يخوفها تاتجوز من الغلط
5 تعليق
صعدتلهن فوك صارت بوجهي نورجان دتطلع من الغرفة
- ها شلونها ؟
- نامت بس بچت هواي وأحاجيها مترد لحد مغفت من وحدها
1 تعليق
دخلت للغرفة أشوفها لگيتها بفراشها وجها أحمر وعلى خدودها آثار دموع دنگت بست راسها وغطيتها
4 تعليق
بليلتها حلمت بكابوس اني على نومتي عالچرباية وبناتي نايمات بفراشهن بالگاع المكان أظلم وباب الغرفة جان مفتوح شوي ويجي من برة ضوة خفيف
ومن الفتحة فاتت حية سودة تزحف بالغرفة بأتجاه البنات أصرخ ومحد يسمعني أريد بس أتحرك من مكاني وأنزل من الچرباية مگدرت عبالك رجلي متبنجة
الحية وصلت يم بناتي بنفس اللحظة فزيت من النوم
صرت أتنفس سريع وأمسح وجهي بإرهاق
شغلت التيبلام باوعت للغرفة اني على نفس وضعيتي والبنات على نومتهن بس باب الغرفة جان مفتوح شوي
رجعت أباوع للبنات ركزت زين بان مموجودة
1 تعليق
واني دا أحجي بيني وبين نفسي فاتت لغرفة
- وين جنتي ؟
بان :- بالحمام
7 تعليق
سدت الباب وفاتت رجعت لفراشها رحت قفلت الباب بالمفتاح جريت مخدة ونمت يمهن بالگاع
الصبح گاعدة نورجان دتتريك قبل لتروح لإمتحانها
واني گاعدة وياها بغير نفس بس أشرب چاي
اجانا صوت مؤتمن وزوجته يتجادلون بينهم بس هو الله يسلمه صوته عالي ما عنده هدوء كله صياح
اسمعه يگلها :- شجاب القلم عالبدلة مو گايلج ألف مررة تتأكدين من الجيوب گبل لا تغسلين الملابس ؟ بالله هسع هاي شلون أداوم بيها بعد انعدمت
💚
رشا :- وشنو انا جديدة قابل تاتعلمني شغلي
- عجل شوصل القلم بالغسل شوصلو
وأخته ترده :- يلا حصل خير جايز ساهية وما منتبها تصير
گامت نورجان تغسل واني غسلت المواعين ملاتنا بسرعة قليلات مياخذن وقت نشفت ايدي وطلعت
وهم بعدهم على لغوة وحدة
مؤتمن :- ديلا استلم حتى البيرية زاتتها بالغسالة
- يااا والله ما مخليتها عزلتها على صفحة هي والرتب والأسم
مشى وگف گدام المراية بالممر يلبس بيها متصير
شمرها من ايده يصيح :- صغرت يولي صغررت متنلبس بعد ارتاحيتي هساع ؟
بان :- انتَ راسك كبران شعليها هي
باوعلها بخزرة جانت گاعدة عالباية الأخيرة مال درج تباوعلهم سكت عنها روحه صايرة بخشمه
ندستني نورجان :- ماما هذا القلم مالتي
- ها
- القلم هذا اللي الجان وية ملابس مؤتمن مالتي
- منو يگول ؟
- متأكدة والله قبل لا أنزل جنت أدور عليه بين أقلامي
باوعت ليفوك عالدرج ما هي اختفت
عضيت شفتي :- اشتعلتي بان
اتصل علي وراحت نورجان لأمتحانها طلعت وراها وية مجاي أرجع أفوت للبيت فات وراي مؤتمن يدردم
- ويگلك عش تنفعل نعلعلاه من يوم أگشرر
جانوا فدار ومآب بالصالة گاعدين ديتابعون اخبار
فدار :- شبيك تتگاون وية روحك
- التاير مال سيارة فش
- اي دغيرو صعبة يعني
- تأخرت يابة مناك سالفة الملابس هساع التاير بيا خيسة طامس حظي اليوم
مآب ضحك :- تعيش وتاكل غيرها
- دنچب انتَ
على صوته بالضحك فدار انطاه سويچ سيارته ديروح لدوامه شو شوي وهم رجع متخبل علينا
شمرله خشبة صغيرة مدگوك بيها بسامير
- دحك شووف شمخلين جوة التايرات
- مال سيارتي ؟
- راحن كلهن فشن
مآب :- ههههههههههههههههه رووح دك فواين اليوم
طلعوا كلهم يشوفون وگفت بالباب أباوعلهم
دفر الدعامية مال سيارة أبوه برجله حيل
صاح بيه :- ومررض شبلاك تزاگط جنك ثور
- هسع شلون أروح للدوام
- هو شجاب الخشب أصلًا جوة التايرات
- يابة إذا ما طلعت هاي سلبوح سيان وراها أنا معتب
- ياهي ؟
- بان البلوة ياهي غيرها
مآب :- هاه هااه حدك لا كل فاينة وصحتوا بان
- هي هي انا أگلك تاترجعها إلي شلون صفگتها أمس
3 تعليق
- انا متمدد بالصالة من البارحة ما دحگتها نزلت من وكت ما صعدت معليها البنية شوف يجوز الجهال يلعبون ومخليها هين
- انا متمدد بالصالة من البارحة ما دحگتها نزلت من وكت ما صعدت معليها البنية شوف يجوز الجهال يلعبون ومخليها هين
فدار :- يلا يابة ميخالف اخذ السويچ مال السيارة الثانية وألحك لدوامك ودنج تأكد خاف هم الجهال مخليلهم خشبة حدر التايرات
1 تعليق
حجى كلمته الأخيرة وهو يباوعلي عرفته ديبسمرني
درت وجهي ودخلت للبيت اني هم مشفتها نزلت أبد شوكت لحگت تسوي كل هذا ؟!..
2 تعليق
صعدتلها فوك جانت بالغرفة دخلت وسديت الباب
- انتِ مفششة التايرات ؟
رفعت راسها :- شنو
- لا تستثولين بان گولي اي لو لا
دارت وجها عني وردت :- لا
- وبدلة مؤتمن منو مخربها ومخلي قلم الحبر وية ملابسه ؟
- شدراني
- القلم مال نورجان ترى
- استغفر الله يا ربي
- يعني مو انتِ المخليته
- بالغلط فلت من ايدي ووگع بالغسالة
- احلفي ؟
- بكيفج لتصدگين
عضيت ايدي :- وكلام الله حتموتيني انتِ ناقصة عمر
2 تعليق
طلعلتي ملابس ودخلت للحمام أسبح علمود أتنشط اليوم دا أحس بجسمي راهي حيل گوة أجر بروحي
4 تعليق
طلعت بان ما هي بالغرفة نشفت شعري بسرعة مشطته وضفرته وجهي تعبان صار كم يوم خليت شوي ميكب خفيف بس أرجعله الحياة رشيت عطر وگمت نزلت
1 تعليق
صرت أدورها بالبيت أخاف لا أغفل عنها وتسويلها شي
مشيت للمطبخ فارغ دا أطلع ووگفت
سمعت صوتها هي ومآب جاي من الحديقة
تقربت من الباب الخلفي مفتوح شوي وصوتهم مسموع
- فواينج هاي مو
- أهووو وخر ابني مالي خلك
- احلفي بروح أبوج مو انتِ العاملتها
غص صوتها صارت تبجي وتحجي :- عيشني نفس الشعور فرفحني أخوك البارحة جني أشوف عبد گدامي
صوتها يكسر الگلب گوة تداري بصوتها حتى لا ينسمع وتبطل بجي بس غصتها باقية بصدرها
- بسچ لا تبجين
- مراح أسامحه والله ولا أبريه الذمة لأخوك
- خيولي لا تبريه هو أول تالي للنار
- تصنف عليَّ حضرتك ؟
ضحك :- والله مو عليج خليه يولي يندارلج فدوة هو وأبوي طبك
- اني من أهلك إلا أتبرى منك
ضحك بصوت عالي وابتعد صوتهم اثنينهم
جريت كرسي گعدت ايدي على راسي
شنو جان معيشها من خوف حتى هيج خافت وصرخت
9 تعليق
بان أعرفها مو من أي شي تبجي وتخاف
بس البارحة جانت خايفة من صدك تريد بس تخلص روحها من ايد مؤتمن أثاريها تتذكر طليقها
مسحت وجهي بتعب ورفعت راسي جانت هاجر واگفة عالطباخ حتى محسيت عليها من دخلت
2 تعليق
باوعت للحديقة من الباب شفت الحية السودة نفسها زحفت من برة ودخلت للمطبخ صارت ورى الكاونتر
7 تعليق
صارت هي عيطة وهي گمزة وأجر بهاجر
شدن :- اطلعي اطلعي مناه
والبنية جفلت على صوتي :- شكو شكوو
- حييية امشي اطلعي
طلعنا بسرعة ايدنا على گلوبنا فدار ومآب أجوا من الصالة يتراكضون على صوتي والبنات إلتمن علينا
2 تعليق
- شبيكم شصاير
هاجر :- عمة شدن شافت حية تدخل للمطبخ
زوجة فدار شهگت ولطمت على صدرها
فرحة :- يممة منين اجت الحية
1 تعليق
باوعت لفدار ألهث بفزع :- دخلت من الحديقة وصارت ورى الأثاث حية سودة كُلش كبيرة دخلت...
سكتت فحطانة
فدار :- بسج جري نفس جيبيلي گلاص مَي كوثر
صحت بخوف :- لتررحين للمطبخ بعدها هناك عوفيه ماريد المَي
ضلينا برة وفدار ومآب صاروا بالمطبخ خابروا مناك على سلام أخو شبير اجاهم بسرعة حركوا الكاونتر وكل الأثاث اللي بالمطبخ حتى يدوروها ما لگوا شي
ساعتين احنا مخبوصين على هالحال
طلع ينكت بأيده :- ماكو شي يولي
- شفتها والله
- يجوز فاتت وطلعت بس المطبخ هساع فارغ ما بيه شي كملن شغلجن لا تخافن ماكو شي
طلعوا للصالة وفرحة اندارتلي
- شدعي عليج على هالهبطة الهبطتي بيها گلوبنا
1 تعليق
هديل :- امشي رشا تانگضي الغدة هم يلا فات الوكت
بس والله شفتها وهي تدخل للمطبخ ضليت اليوم كله أضرب أخماس بأسداس حتى المطبخ موصلته بعد ولا خليت بناتي يفوتن لهناك اني متأكدة موجودة مطلعت
واللي مهسترني هي نفسها الحية الشفتها بحلمي البارحة .. نفسها عينًا الشكل واللون
24 تعليق
للمغرب صعدت اجيب أوراق لفدار من غرفتي
واني دا أنزل الدرج أكو ممر طويل تمشيه يلا توصل للصالة سمعت صوت مؤتمن وزوجته واگفين ديحجون
لا جانت بنيتي أسمعهم ولا أريد أتنصت بس اجى اسم نورجان بكلامهم خلاني اوگف بمكاني غصب عني
2 تعليق
جانت تبجي وتحاجيه وهو يردها بصوت ناصي
رشا :- شنو مگعدها بسدك وتتضاحك وياها شفتها راح تتطلك گلت ايه فرصة انا آخذها هم حلوة وهم صغيرة تاتجيبلك الولد الما حصلتو مني
1 تعليق
- شتلوصين انتِ يولي ؟ انا نورجان أدحگلها مثل ما أدحك لكوثر حاسبها حسبة اختي الصغيرة شنو آخذها شنو ولد كبري عگلج رشا لا تطلعيني عن طوري
- شفتك والله شفتك گريب منها وهي عوزها بس تگعد بحضنك وتتضاحكون انتَ وياها ومحد يمكم
- يا محمد عرربي يا أمة الأسلام شفتيني اختليت بيها بغرفة ؟ غير گاعدين كلنا بالصالة بنت الأوادم
- لا تچذب دحگت بس انتَ وياها گاعدين
- والله العظيم أبوي جان گاعد وگام وراها اجت كوثر گعدت تدرسها وانا گمت منهن عش تلوصين من كيفج ؟
- ما أرتاحلها هالبنية ما أرتاحلها درب أمها ما تاخذ إلا متزوج
7 تعليق
- عيب هالحجي شمسويتلج المرة
- والله عجل چذب هاك شوف أمهن مطلگة وأخذت عمي وأختها ذيج تطلگت وتحوم على مآب وهساع هاي هم تتطلك وبدت تفتر عليك
- رشاا لا تسودنيني شتحجين انتِ يولي شتحجييين
كملت طريقي واني فكري شارد وملامحي باهتة من السمعته انطيت الأوراق لفدار وايدي ترجف
انتبهلي :- شبلاج ؟
هزيت راسي ماكو شي بلا ما أنطق حرف
جسمي كزبر من السمعته رحت أدور نورجان لگيتها برة بالحديقة ويمها البنات متجمعات برة
أشرتلها بيدي تجيني گامت وصلت يمي
نورجان :- ها حبيبتي
- ويامن جنتي گاعدة بالصالة قبل شوي ؟
- اني وكوثر جانت تدرسني
- ومؤتمن ؟
- اي جان گاعد شوي عالتلفزيون من شافنا ندرس طفاه وگام
- هم حجيتي وياه ؟
ضلت ساكتة تباوعلي بعدم فهم
هزيتها :- متحجين
- يعني شنو شحجي وياه ؟
ضليت ساكتة وهي مستغربة
گالت :- ماما شبيج صاير شي ترى وترتيني بأسئلتج
عفت كتفها مررت ايدي بين شعري بحيرة تعوذت الشيطان طمنتها ماكو شي وفتت جوة
انطيت الموضوع أكبر من حجمه اني أعرف بنتي شنو بس كلام رشا نرفزني وحز بداخلي بعدين گلت سالفة عابرة وحدة تغار على زوجها شأتوقع منها يعني ؟
صعدت لغرفتي أخذت علاج ومددت أريد انام راسي مسطور اليوم كله من سالفة الحية لحد قبل شوي
3 تعليق
ضليت أتگلب فترة بمكاني وما أدري شوكت غفيت
فزيت عرگانة أجر النفس وألهث ليگول جنت بسباق
مسحت وجهي مدنگة راسي خرب روحه من حلم
3 تعليق
سمعت صوت وحدة تون وتبجي عقدت حواجبي
صوتها قريب مني حيل فزيت من مكاني بسرعة مخروعة فتحت الضوة وباوعت داير مدايري بالغرفة
گاعدة للگاع بزاوية الغرفة ظهرها عليَّ ومگرفصة على نفسها ضامة راسها فز گلبي لصوتها وشهگتها
4 تعليق
تقربت منها واني أحاجيها :- نورجان شبيج
مديت ايدي اريد ألزم كتفها وقبل لا ألوحها انداريت بفزة على باب الغرفة وهو ينفتح مدتلي راسها
نورجان :- ها هاي انتِ گاعدة ؟
صرت أباوع عليها وأرجع أباوع عالمكان الجانت گاعدة بيه بعدم فهم فاتت وسدت الباب تباوعلي
8 تعليق
نورجان :- عمو تيم يسلم عليج اجى قبل ساعة هو وشُبير وراحوا مقبل أحد يگعدج
ما انطيت ردة فعل وهي تحجي باوعتلي مستغربة
- ماما شبيج ؟
- مبية شي حبيبتي دايخة شوي
- امشي ننزل ناكل اني وبان متعشينا انتظرناج
تعشينا جوة اكلت لگمتين وگمت أسوي چاي راسي انسطر
6 تعليق
بان گامت ونورجان عالسنك تغسل المواعين ويمها كوثر يسولفن واني اسألها على إمتحاناتها
- شوكت آخر إمتحان عندج ؟
نورجان :- عگب باجر
- خلصت ان شاء الله اتعبي بس هاليومين دتخلصين
كوثر :- يمممة هذا صوت مآب
نفضت ايدها وطلعت تهرول واحنا طلعنا وراها للصالة
شفناه لازم هاجر من طرف ثوبها بنص الصالة ويعت بيها يصرخ وهي دموعها تنزل بخوف
مآب :- احجي لا تطلعيني عن طوري شعندج ماخذتو
فدار واگف گلها :- احجي بابا عش ماخذة الباكيت لا تخافين
- ما ماخذتو والله
مآب صاح بيها :- لا تچذبين يوول احجي الصدك لا تخليني أمد ايدي
گلها :- يعني انتِ الجنتي تبوگينو ذيج الأيام من أجي
- لا مو هي اني جنت آخذه
انداروا على الصوت بان جانت واگفة تقربت من فدار
8 تعليق
شمرت الجداحة عالطبلة :- هاك شوف حتى الجداحة عندي معليها هاجر اني گتلها تجيبلي الباكيت
فرحة :- يمة يمة يمة عفية بنت لا تهيد لا تگعد جان طاحت براس هالمسيچينة وينج وين الجگاير انتِ
عض شفته يريد ياكلها أكل بسنونه دنگت راسي ولزمت بين عيوني مغمضة بدوخة فزيت على صوت صرختها
لگيت فدار لازمها من شعرها تقربت منه أمنعه
9 تعليق
شدن :- لا فدارر فدوة ..
10 تعليق
لزم ايدي ودفعني عنهم صاح
- ابعدي غادد حدج لا توصلين هين واصلة ليجاي منها
حجاها ويأشرلي على خشمه لزمها يجر بيها برة الصالة
- فدوة فدار الله يخليك متعيدها بعد والله
- روحي هيج گتلج لا تتدخلين خليني انا أعررف شلون أربيها هالأدبسز وخررري هيج
32 تعليق
دفعني عنهم وطلع يسحل بيها من الصالة مآب لحگه يحجي وياه يهديه وزوجته تشحن بيه زايد
تصيح :- ايييه حيل ربيها هالطايحة الحظ هاي والله لو وحدة من بناتو عاملتها تايگص راسها ويچوي لسانها هذا التشرب بيه الجگاير
8 تعليق
گعدت عالتخم بالصالة بقلة حيلة أبجي وأسمع صوتهم وصياحهم جاي من فوك دنگت راسي وسديت أذني
8 تعليق
انتهيت بجي بمكاني نورجان اجتني تركض تبجي
2 تعليق
- حاچيه ماما عليج الله خليه يعوفها ديضربها بالحزام عليج الله گوميلهم مآب ميگدر يصعدلهم
36 تعليق
طفرت من مكاني صعدت الدرج بسرعة رحت للغرفة الجاي منها الصوت بناته جانن واگفات
فتحت الباب قافله من جوة دگيته حيل أبجي وأتوسله ديعوفها ما رد عليَّ اسمع بس صوت بچيها وصياح فدار
5 تعليق
انهاريت يم الباب واني أسمع صوتها لزمتني بنته
كوثر :- كافي عمة راح تموتين
- خابريهم خابري الولد عليج الله حيموتها
رشا :- ما يأذيها أم بان والله بس تا يأدبها هذا طبع عمي
5 تعليق
صحت بيها :- مريضة مرررريضة يا بشر لا تموت بيده
اختفى صوتهم سمعت صوت القفل وهو ينفتح
فتح الباب وطلع وجهه أحمر رجع سده وقفله بالمفتاح
لزمت ايده :- لا فدار عليك الله خلي أشوفها
1 تعليق
دفع ايدي وصاح بية حتى أوخر جرتني بنته وتغمزلي حتى أسكت لأن واصلة حدها وياه وعلى ساعة ينفجر بالكل
1 تعليق
أخذ المفتاح ونزل جوة نزلت وراه أحاجيه ما يرد
لا فادت التواسيل ولا البجي گعدت عالدرج مدنگة راسي وضل مآب يحجي وية أبوه بالصالة ديطلعها
12 تعليق
وهو يرده :- خليها تا تتربى
3 تعليق
قفل عليها وما طلعها من الغرفة مرت يمكن بالربع ساعة هدأ وضع البيت واني على گعدتي عالدرج ونورجان يمي
سمعت صوت جاي من برة فاتوا تيم وشيخة للبيت
سلموا وبوجهم للصالة أسمعه يحاجي بخاله
تيم الله :- وينها هي بس اندهوها تاشوفها
- عوفها ختولي
رد عليه مآب :- فوك أبو علي حابسها بالغرفة وقافل عليها الباب
- صدك تحجي تچذب هي هاي سواية ؟
فدار :- فد وحدة أدبسز خلها تتربى
5 تعليق
- دنطيني المفتاح شو انطيني
- ما تطلعها
- آخذها وياي ما أخليها هين انطيني المفتاح وينو
13 تعليق
طلع المفتاح من جيبه شمره عليه لگفه تيم منه
- اخذها لا تخليني أدحك خلقتها ما دامني هين ما مسؤول عن تصرفاتي
5 تعليق
جان عصبي ويحجي بحرگة طلع تيم من الصالة وصعد الدرج وأسمع شيخة تحاجي بفدار وتلوم بيه عالسواه
شيخة :- ما مرجية منك يابو مؤتمن بالله هي هاي سواية جاهل هي حتى لو غلطت أصيح عليها أرزلها موش تطگها بالحزام
9 تعليق
- جزعتني بالله الكريم بنية لا تهيد لا تركد كل سالفة تسويها أكبر من أختها مرضت أمها والله مرضتها
شوي ونزل تيم وراه بان لازمة بعكس ايده
أباوعلها الوجه صاير قطعة حمرة والشهگة بصدرها دموعها تارسة عينها بدون متنزل ولا تباوع لأحد
مشوا للصالة چلبت بشيخة جرتها المرة لحضنها
بان :- اخذيني وياج ماريد أبقى هنا اخذوني وياكم حبابة
نزلت دموعي على حالها والرجفة البصوتها
- هو هيج ؟ سودنتوها عمي سودنتوها
فدار :- لا تخاف تسودنك وتسودن عشيرة وراها
- مريضة خالي البنية مررريضة چم مرة نحجيها
- أصحى مني ومنك وداعتك بس هذا التهتر قلة تربية شافت كلما تسويلها فاينة نسكتلها ومحد يحاسبها تفرعنت بالزايد تريد اللي يربيها
4 تعليق
- لا إله إلا الله شحجي وياك بعد
اندار لنورجان :- امشي بابا نورجان جيبي ملابسها
1 تعليق
راحت صعدت تركض وهم واگفين يحجون
مآب واگف قريب منها يباوع لحالها هم ما بيده شي يسويه أسمعه يحجايها ويسأل بيها
مآب :- شبلاها رجلج ؟
أخته ردت عليه بصوت ناصي متريد تسمع أحد
- دحگتو يطگها بالحزام على رجولها
14 تعليق
گام ياكل بشفته بقهر وهي خانسة يم شيخة مالها صوت
نزلت نورجان جابت جنطة صغيرة بيها ملابسها انطتها لتيم أخذوها وطلعوا محجيت شي ولا اعترضت
13 تعليق
طشوا كل اللي بالبيت وفدار طلع من البيت ومرته وبنته بدن يشمرن حجي تجاوزتهن وصعدت فوك
مالي كل قابلية أسمع شي بعد اجت وراي نورجان
سألتها :- تيم وعمته شدراهم بالصار ؟
- اني خابرت عمو تيم ديجي يخلصها خفت ليسويلها شي
جريتها لحضني بست راسها ..
مرن يومين اني وفدار متصادمنا بعد لا اني حاجيته ولا هو تنازل وحجى وياي اني فوك وهو ينام جوة
9 تعليق
وبان آخذ أخبارها من شيخة ماخذة مني موقف ومتحجي وياي شلون ممنعته يضربها بيومها
- اني خابرت عمو تيم ديجي يخلصها خفت ليسويلها شي
جريتها لحضني بست راسها ..
ما خليت ببالي أهم شي هي مرتاحة هناك
33 تعليق
صادف يوم خميس آخر يوم امتحان لنورجان ضلت تنام بغرفة هاجر حيسهرن سوة لأن خلصت
واني دخلت لغرفتي وسديت الباب بدلت ملابسي لبست ثوب خفيف للنوم أرتاح بيه قللت الأضوية وتمددت
وبان آخذ أخبارها من شيخة ماخذة مني موقف ومتحجي وياي شلون ممنعته يضربها بيومها
ما خليت ببالي أهم شي هي مرتاحة هناك
4 تعليق
خليت إضاءة صفرة مشتغلة بالغرفة وعقلي يدور ويراجع كُلشي صار بآخر كم يوم
بآخر يومين دا أحس بروحي تعبانة حيل وهاي عود اني مدا أتحرك لو أشتغل شي وزادها عليَّ المشاكل
وعلاقتي الباردة وية فدار ..
12 تعليق
جان مجاز هالأسبوع كله وعلى نهايته بيوم الجمعة بالليل عود يرجع لبغداد ويبدي بدوامه السبت
عيوني تغمض وتفتح بنعاس النوم بعيني
مدري شلون لمحت الحية طلعت بسرعة من جوة الچرباية وزحفت للكنتور دخلت بين ملابسي
1 تعليق
تهسترت فزيت مخروعة أعيط طلعت من الغرفة بسرعة مثل المخبلة إلتموا على صوتي وطلعوا من غرفهم
فدار صعدلي ليفوك ويسأل شكو لازمني بس يريد يفهم مني واني منهارة أبجي وأحجي ما ينفهم مني كلمة
گتله :- الحية بالغرفة گتلك دخلت للبيت مصدگتني
باوعلي بحيرة
دياخذني للغرفة فزيت :- ما أفوت والله ما أدخل للغرفة بعد مدامها هنا
- وين شفتيها ؟
- دخلت للكنتور بين الملابس
طب للغرفة والبنات نزلني جوة للصالة مآب هم گعد من نومته وطلع يسأل أسمع صوته برة الصالة يحاجي أمه
- شصاير شبيها أم بان
- يماه استخفت المرة والله ما ضل عگل براسها اخذها مني حرمة أبوك تسودنت
- عيب هالحجي يمة
- والله عجل مچذبة تگوم وتگعد تصيح حية وينها الحية ؟ وينها محد مدحگها بس هي
سكتها وديفوت للصالة شافني ودار وجها بسرعة طلع
جنت منهارة والرعبة بعدها بگلبي نورجان يمي وهاجر انطتني مَي شربت شوية اريد بس أجر نفس
- ماكو يولي ماكو شي نكتت الغرفة نكت
- بالكنتور وكلام الله اني شفتها بعيني
أخذله صفنة بوجهي
- يول ماخذة دواچ اليوم ؟
نزلت دموعي بقهر
- ممصدگني يربي ممصدگني أگولك شفتها دخلت بين ملابسي
تقرب مني دنك باس راسي ويحاجيني يهدي بية
- تصير يا عيني انا هم من أتعب من الشغل أگوم أشبچ شي بشي وانتِ گتيلي عالحلم مالتج ضلت خوفتها بگلبج من ذاك اليوم وصارت تتراوالج
- مدا يتراوالي متأكدة
- اششش كافي سدي الموضوع ريحي روحج واصعدي نامي بعدين تعاي هاي شلون نزلتي هيج جدامهم ؟
باوعت لملابسي جان الثوب اللابسته قصير ونص ردن زندي كله طالع من هيج طلع مآب بسرعة من شافني مجنت مركزة طلعت من الغرفة عقل مضال براسي
- تصير يا عيني انا هم من أتعب من الشغل أگوم أشبچ شي بشي وانتِ گتيلي عالحلم مالتج ضلت خوفتها بگلبج من ذاك اليوم وصارت تتراوالج
- مدا يتراوالي متأكدة
مقبلت أرجع لغرفتي رحت يم البنات بغرفة هاجر جابتلي نورجان ملابس بدلت ملابسي وبعدنا گاعدين
سمعنا صوت صراخ من جوة نزلت بسرعة أشوف
جانت فرحة گاعدة تصرخ بالگاع مؤتمن وشبير واگفين على جهة وفدار واگف يحاجي بيها حتى تسكت
أثناء مصارت الحادثة واصلة مكالمة لموبايل فدار من رقم غريب وصوت رجال شمرله تهديد وسد الخط وجايب طاري سالم وستار رأسًا حط براسه سجودة
شمر التليفون على شبير
فدار :- هذا باجر تشوفلي صاحب الرقم تطلعو إلي لو جان جوة الگاع سمعت لو لا ؟ وهاي البربوك انا اشوف شغلي وياها بس أرد باجر لبغداد
- يبووووو انهجم بيتج يفرحة تعزيتي وتصخمتي راحوا زلمتج وودلج
1 تعليق
صاح بيها :- بسسسس مو هذا جدامج ما بيه شي احمدي ربج بدال النواحة الناصبتها هساع
تبدلت نظراتها شاطت من شافتني وگامتلي تريد تهجم عليَّ وصاروا گدامها منعوها توصلني
- كلو منهن هجامات البيوووت .. حسبي الله ونعم الوكيل عليجن .. حسسسبي الله ونعم الوكيل راح تكتلن ولدي .. ما ترتاحن إلا تموتلي واحد منهم امشششن اطلعن من بيوتنا هجمتنها هجم من الله لا يوفقجن ولا يباوع لحالجن ...
19 تعليق
شهگت من كل گلبها تدعي :- كون من شوغة گلبي بهالساع لشوغتج يشدن الله يفرفحج مثل ما فرفحتينا
بهالليل الله ينكبج ببزرتج مثل ما زرعتي الخوفة بگلبي على بزري
18 تعليق
گاموا يحجون عليها وهي مستمرة ابتعدت من الصالة گعدت على جهة أصفّن ودعواتها توصلني
شدن :- اخذها شُبير
عقد حاجبه ممفتهم گتله :- اخذ نورجان وياك لتبقيها هنا بعد اخذها وروح
35 تعليقًا مع تفاعُلات
اندار يباوعلها وهي تهز براسها ما تقبل
- لا ما أروح وياه
- اخذها واطلعوا شُبير معليك بيها
باوعلي متردد گال :- امشي انتِ هم ويانا ارتاحي هناك چم يوم
- معليك بية بس اخذ نورجان واطلع خلصني لتخليها تجي هنا بعد
- خليهم ملابسها اني أخليهم يجيبوهن إلها باجر بس أخذها مناه
صاحت :- لا ما أروح والله ما أروح ما أعوفها
أخذها من ايدها وطلع يمشي بيها وهي عينها عليَّ
- ماما مريضة شُبير شلون أعوفها وحدها ؟
4 تعليق
أخذها وطلعوا من البيت گدام عيوني
... 《 شهربان 》 ...
عيني بالموبايل أباوع للصورة الدزها إلي
4 تعليق
شلون أوصل لنورجان بهالساعة ؟ شلون أخليها تجي لهنا وبيا حجة ؟؟ لو أخابرها تطلعلي مناك ونروح ؟!
والله حيرة يا ربي ..
أفتر بالحديقة أروح وأجي وأحجي وية نفسي
انفتح الباب مال گراج وفاتت سيارة شبير
ركزت انتبهت لنورجان يمه بالصدر نزلوا اثنينهم
مشيتلها بسرعة جانت تبجي وحالتها حالة
حضنتني بسرعة تشهك بجي وعيني على شبير
- لا لاا مو هو
- لعد شبيج ليش اجيتي لهنا ؟
- يوول فوتن جوة ويامن أحجي
فتنا جوة بغرفة عمة شيخة وشبير حجى الصار
فتحت عيوني وانداريت لنورجان
- رجعتيله ؟؟؟
ضلت ساكتة منزلة راسها
گالت :- ماما گالتله يجيبني لهنا
- شلون قبلت ترجعج شلوون
شبير :- ومرررض بهالصوت شتردين من عدنا عناد بيج رديتها إلي وطلاك ما أطلك بالله تاشوف شتعملين
طلع بسرعة باله بسالفة التهديد
طلعت وراه للحديقة مخنوگة وهذا طلاك هم محيطلك عبالي تخلص نورجان منه ومن أسمه قبل لنسافر
اجت وراي لزمتها وجريتها على صفحة بعيدة من البيت
- جبتي وياج ملابس ؟
- لا طلعنا بسرعة گالت ماما باجر تدزهم
- ماكو باجر نورجان الليلة حنطلع
ضلت صافنة بوجهي :- وين ؟
- لمطار بغداد همام ينتظرنا هناك جهزلنا جوازات مزورة ورتبلنا الأمور راح يطلع باجر لتركيا ونسافر وياه بنفس الطيارة
نمنا ليلتها بغرفة در عيني ملاحها النوم جنت بس منتظرة الكل ينام حتى أتحرك
الساعة عبرت التلاثة الفجر گمت من مكاني
ندست نورجان بيدي همستلها :- نمتي ؟
- گاعدة
- گومي بسرعة لحد يحس
جريت الجنطة مالتي من جوة الچرباية مال در گمنا تسحبنا من الغرفة نمشي على أطراف أصابيعنا
گلبي يدك بس صوت أنفاسنا ينسمع طلعنا للحديقة
دنگت ألبس بحذائي برة وهي واگفة گدامي
أسمع بس صوت جر النفس رفعت راسي بسرعة لگيتها تبجي
- شبيج والله خبلتيني
نورجان :- ما أگدر أروح وياج بان ما أگدر أعوف ماما وحدها
2 تعليق
- مو وحدها هواي ناس داير مدايرها
- لا محد إلها هنا وإذا احنا درنا وجهنا ورحنا اثنينا راح تموت ورانا ياكلونها أكل بالحجي والملامة والله
3 تعليق
ضليت صافنة بوجها :- يعني شنو ؟
- روحي انتِ اني باقية هنا
7 تعليق
طلعت الباب الخارجي مال بيت وصرت بالشارع بقيت أمشي لحد مطلعت من الشارع البيه بيوتهم للشارع العام
الشوارع ظلمة وسيارات قليلة تتخاطف الخوفة بگلبي
تنفسي سريع وبطني تمغصني من الدا أسويه
ضليت فترة على وگفتي ماكو تكاسي ضليت أمشي بحدود الساعة ما أدري وين ولا أندل مكان هنا
لحد مبدت الشمس تطلع والدنيا تضوي زادت الحركة بالشارع سيارات تروح وتجي أجرت تكسي ومشت
طالعة لبغداد ...
دموعي گامت تنزل السايق يباوعلي بالمراية معلق شي
هاي هي ؟ .. عفتيهن وراج ورحتي ؟ .. ماما رحت حتى مودعتها ولا شفتها .. ينطيج گلبج تديريلهن ظهرج وترحين بان ؟؟ .. شفتيهن شلون مكسورات وراج
11 تعليق
لزمت صدري مختنگة حيل وجع ووجع فضيع
بقت السيارة تمشي بينا بالنص ساعة لحد موگفنا يم سيطرة نزل السايق الجامة وسلم عالضابط
گله :- أوراقك
طلعله الأوراق من الچكمچة وانداهن إله يباوع بيهن وعينه عليَّ أخذهن ورجع سأله
- شايلة الهوية ؟
طلعلته الجنسية مالتي مديتها للسايق انطاها إله
ضل يباوع بيها ساكت عاقد حواجبه وجهه ميگصه السيف حجى بعنترة وية السايق
- البنية شتعودلك ؟
- گرايبي من بعيد
رجعله الجنسية تنفست براحة گلت همزين حنطلع
شو هذا ضرب عالبنيد مال سيارة بيده
صاح :- اطبك....................
شكرا لزيارتكم عالم روايات سكيرهوم
