رواية انت البارود وانا النار الفصل الثالث والثلاثون بقلم شمس
﷽
﴿وَلَسَوْفَ يُعْطِيكَ رَبُّكَ فَتَرْضَىٰ﴾
أسـمع غصـتـك مـن تضحـك وي فـلان °
وأنـا بعـينـي دمـعه شـويه وابجـيهـا!:
تهـت بيـن الـكرامه وزت الشيـطـان...
رجـلي ليـاهو منهـم راح امـشيـها...
الـكرامه تگـلي اوكـف...!
والـرجيـم يـكول دوس على كـرامه وروح حاجيها..
اجـذب روحـي واكـولـن والله مامجـروح...
وانـا جـروحـي حـايـر ويـن اوديـهـا...!
𖤓 ───── 𖤓
يمامه...
كلبي تكطع تكطـع وماكدر اضل واكفه بمكاني بسرعه نزلن دموعي ونقهرت معقوله ضرغام خاني؟ معقوله ضرغام باع الحب والعشره بس كل هذني أريد جوابهن كلهن هسـه سد المكالمة.
دخل لكاني واكفه وامسح بدموعي..
ضرغام: شبيچ واكفـه هنا
سئلته بدون انتضار
يمامه: منـووو ويامن جنت تحجي بنص أليالييي ويامن جاي تخابررر وتريد تروحلها باجرررر
ضرغام: شلج علاقه لاسويلنا مشكله بنص الليـل وبلبله وصياحنه يطلع بنص الليـل.
يمامه: شلون مايخصنييييي بنص ألليل تخابرررر بنات شبيك ضرغام هاي انـااا يمامهههه شنوو هاي سوالف هذا تصرف يليق بيك كـ شيخخ تخوف بيههه وبيتي
ضرغام: يمامه لاتخليني صبـري يخلص منج كوه لازم روحي عنچ بألف ياعـلي مهدي روحي عليچ
يمـامه: ضررررغام حاجينييي لاتخبلنييييي منووو هاي تريد تروح ألها باجر كليييييي انااااا مو غريبه انا مرتككك والي حق عليكككك
صاح عليه بصوت..
ضرغام: صرتي غريبه من يوم طلعتي من دون علمي
يمامه: ضل ضللل ذكرني بيها وعيرني بيهااا طبعا ماعندك بعد شي تعيرنيي بي اهلي خلصو وهسه كـلييي والله مايتعده اليل ضرغام لاتاذينيييي كليي
رفع عينه عليه وصوته صار أبرد..
ضرغام: كتلج شي مايخصـج انا ماتحكمني مره
يمامه: يخصنيييي شلون ما يخصنيي تخابر بنيه بنص الليل وتكلها لاتجبنيييي وتريدني أسكت جا انا ابجي عادي وهيه لاااا يهون عليك دموعي عادي عندك بس دموعها لا تجرحك مايهون عليكككك
ضرغام: وانتي تطلعين من البيت بدون علمي وتريدين أحاسبچ لو أسكت كلمن يعرف حدوده أحسن
يمامه: تدري شنو مشكلتك يا ضرغام؟ مو لأنك شيخ مشكلتك لأنك متعود الكل يخاف منك ويگول حاضر ونعم وانت ماتحسب حساب احد كافي مليتتت انـااا
ضرغام: وانتي جايه تريدين تصيرين أول وحدة تكسر هالشي مثلا؟ لو تكسرين قواعدي وتعلميني شلون اتصرررف
يمامة: إذا الحق وياي، إي كل مره تمد ايدك عليه وتكتل من تعصب تتغير وهسه جايتك وسمعتك تخابرررر
ضرغام: مو كلشي ما ترضين بيه يصير ممنوع
رديت عليه وماسكتت وكلت هاي مره ماسكت
يمامه: وانتتتت كذالك ماتمشيني بشورك بعد اذا رجلي يطب ويخابـرررر نسوان ويريد يروح لبيتهننن
تغيرت ملامحه وقاطعني...
ضرغام: ديري بالج على حچيچجججج ولجججججج لاتخليني افقدددد اعصابييييي وامد ايدي عليج
يمـامه: أنت تريدني أكون مرتك بس من يصير الأمر والطاعة و من يصير حقي أعرف وأعاتب، تكلي أنـا الشيخ لا يا ضرغام، الشيخ يبقى شيخ
تغيّرت ملامح ضرغام فوراً، وعصبته الكلمة أكثر..
ضرغام: شيختي؟!
هسه تذكرتي حضرتج انـا شيخ من طلعتي بدون علمي مافكرتي بسمعتييييي وشيختي
ضليت ساكتهه وعفته وصعدت فوك ماعرف شسوي. ماريد افكر هذا تفكير انـو ضرغام يخوني ضرغام مو هيچ. أعرفه، أعرف طبعه، وأعرف شلون يحبني. معقولة كل هالسنين أكون ما عرفته
بس إذا ما يخوني منو هاي البنية وليش تخابره وليش ما يريد يكلي منو هيه
حطيت إيدي على گلبي، أحس نبضاته تعلى من الخوف.
لا يمامة، لا تظلمينه يمكن أكو سبب... أكيد أكو سبب.
ضرغام مهما عصب، مهما قسى، ما يسويها بيه
ماتوصل مره الخيانه ضرغام لا تطلع مثل ما أتخيلك لا تخليني أكرهك بعد ما حبيتك لهالدرجة ياربي فدوه لاتختبرني والله خلص صبري
صعد ضـرغام وفتح الباب وكال بكل برود ولاهتم
ردي...
ضرغام: باچر تجي البنية ويا أمها للبيت.
يمامة: شنووو؟
ضرغام: سمعتيني باچر تجي هي وأمها، وأريدچ تستقبلينهن مثل ما يليق بالشيخ وبيته ماريد تقصير
يمامة:آنَاااا أستقبلهن كل عقـلك انت
ضرغام: إي أنتي شني ناقصچ ايد رجـل؟
يمامة: لا
رفع ضرغام عينه إلي بعصبيه وخزرني
ضرغام: شگلتييي
يمامة: گلت لا. ما أستقبلهن ماستقبل وحده تخابر زلم بنص أليالي
ضرغام: يمامة. لا تخليني أندمچ على هالكلمة هي وأمها ضيوف وراح يدخلن من الباب ومدام انتي بهذا البيت وتكولين بيتي شيخة هالبيت فعلاً
تعرفين شلون تستقبلين ضيوف زوجها
يمامة:شيخة البيت؟ إذا أنًااا شيخه فبيتي مو مكان تجيب له نسوان وتطلب مني أفتحلهن الباب
ضرغام: باچر أشوفچ تستقبلينهن ولا أريد أسمع منج اي كلمه ثانية
يمامه: جاوبني تزوجت عليه حته تكسر عيني جاوبنييييي
ضرغام: مو كلشي تفكرين بي صح لاتخلين ألشيطان يلعب يراسچ
يمامه: وانت كل حجيك واسلوبك ومخابرتك الهاا بنص. الليل تخليني افكـر هيچ
عافني ونزل رحت صليـت ودعيت الله يبرد كلبي
ياربي انت ربي وانٕا عبدك يالله انا عبدك رحم بحالي ياربي مو لان انـا استاهل بس لانك انت رحيم كريم يالله طفي نار الي بكلـبي
كعدت ألصـبح ولكيت صوت أيـه ركضت بساع نـزلت مخترعه..
ايـه: ها صباح النور
يمامه: شبيج ايه اكو شي ليش جايه؟
ايـه: ماكو شي لاتخافيني بس ضرغام طلب مني أجي
يمامه: من شوكت اجيتي
ايـه: من٨ انـا هنـا الصبح وانتضرج تكعدين خلي أيهاب يمج انـا جاي اطبـخ الوكت بـ10فايت
يمامه: ماعرف شلون اخذتني نومه نمت متاخره
ايـه: لاتخافين يمامه ماكو شي من الـي بالج والله حته انـا مصدومه بس هاي اهلنا تموت وتخلينا هيج
يمامه: ايـه ضرغام اذا جاب البنيه وامها شي اكيد عندج علم فـ انا اطلع
ايـه: راح يجيبهن أي
يمامه: تحجينننن صدكككك؟ والله اطلع من ألبيتتتت ورقه طلاكي توصلنيييي ظاهر اخـوج مايحترم أي عباله اسكتتت والله بالله اطردهنننن
ايـه: سكتي ولج راح من زمان وع جيه هسه هوه كومي يله من دوانيه شيلي فراش ضرغام لايجن شيكولن ضرغام ينام وحده مو يم مرته
يمامه: والله اطررردهـننن.
انفتح الباب ركضت لشباك الديوانيه لكيت ضرغام فاتح الباب وره بنات أثنين دخل هوه اول واحد وحجه ايَه..
ضرغام: روحي دخليهن بعد اخوچ ومثل مافهمتچ بت الشيخ انتـي لحد مانفهم ألسالفه مثل مالچ حصه الهن حصه بهل شيخه
تقدمت اله..
يمامه: هسه انزع المستـحه واطردهنننن بيتيي هذا مدام امك كالت كَلشي الچ والله اطردهن
ضرغام: هيج انتي مره تهينين ضيوفي وتطلبين منهم يطلعون وبنص بيـتي والله خوش تحترميني
يمامة: أنـاااا ما أريدهم ببيتي
هنا انفجر ضرغام:
ضرغام: يمامةكااااافـيييي
اشر لدرج
ضرغام: اصعدي فوك.
يمامة:ما أصعد.
ضرغام: لا تخليني أعيد كلامي وامد ايدي عليج جرني وهنه جاي يدخلن قبل لايشوفني صعدني ضرغام فوك وفتح باب الغرفه
ضرغام: انتيييي شنيييي كليلييي انـاااا ماامشي اله بدك كليلييي تـعال اكتلني تعاللل مد ايدك عليـه انا ماحترم انـااا اجذذذذب ع رجلي وفوك كل هذا ماسمع كلمتههه كليليييييي انـاا امشي بالكتللللل.
ضليت ساكته وارجف من كلامه وخايفه يمد ايده عليـه
1 تعليق
ضرغام: باوعي والچ بالله وبالله كاض روحي عنج بالف ياعليييي جذبتيييي وانتي طالعه وتكليلي انضـف.
وجذبتي بموضوع ابوي وتكليلي لادور ع كاتل ابوك وتتعب وجذبج عبر حده والله اذا كتلتج محد يخصلج من جوه ايـدي انتي شنيييييي اله بالكتل تمشينييي وتسمعين كلمتييييي
ايـه: خويه انزل بس صوتك لايعله كدامهن
فتح الباب ضرغام
شمر العباية جان لابسها والعكال وضل بس بـل دشداشه
ضرغام: ايـه استقباللل ماينقص منه شي فاهمتني لو لا طركاعه عليه ابوي مات وخلاني اعيش كلشي وحـددي راح اموووت هسه انـااا راح اموووت من القهر وتفكير مادري شسوي وشكول للعالم يعني ماجاي تحس بيههه وتزودها عليه
شك دشداشه من القوله جـان لابسها
ضرغام: شيخ انـااا شيخ والي الف حسـاب وعائلتييي سمعتها اهم من كلشي وطاحت فوك راسي مصيبه أنـااا عندي سالفة لازم أحلها، وعندي بيت لازم أحافظ عليه، وعندي اسم وسمعة مو مستعد أخليها تصير حچي على كل لسان ويجيبون طـاري أبـووووي
يمامة: وسمعتك أهم مني ومن مشاكلناااا
ضرغام:لا تتكلبين الحچي! أنتي جزء من سمعتي،وإنتييي شيخة هالبيت. إذا أنتي تطردين ناسي وخطاريييي من الباب والناس تشوف وتسمع، باچر شراح ينحچي؟ شراح يكولون عن بيت الشيخ هيچ تنزلين راسي وسمعتي الله يخليچ حسييي بيه
يمامه: وانـا ماعاجبني اتصرف هيج بس انتَ بكل مره تجررر بيه وتعصب وتمد ايدك عليه واسگت وهسه مره بنص بيتي وتطلع مرتك
ضرغام: أكو أشياء إذا انحچت بوقتها، تخرب أكثر مما تصلح. وإنتي لازم تثقين بيه
يمامة:شلون أثق وأنت مخلي كلشي لغز
ضرغام:خلي اللغز لغز هسه.بس لا تخليني اعصب ومد ايدي عليج وانـا كاض روحي بالف ياعلي بجذبج
أنـا مو خايف منچ، ولا خايف من سؤالچ. أنـا خايف من الناس. من الحچي اللي ينتشر أسرع من النار. اليوم يشوفون داخلات بيتي، باچر تصير السالفة عشرة سوالف ولازم اصدكـهن بيهنن مثل مايكولن حته ماينزل راسي
عافني ونزل ماعرف شضام الي القدر والله ماعرف محد يقبل يحجي ويفهمني الي جاي يصـيرر
نزلت جوه وهنه بديوانيـه وضرغام سد باب المنور وقافلـه حته ماروح واسمع ضليت ادك برجلي وماعرف شسوي وشلون أتصرف ايـه تدري بكلشي وصافنه صفنه توديها وصفنه جيبها
ايـه: أدري بيچ خايفه بس صدگي ضرغام مو يحبها ولامرته ولا ع ذمته ولا أي شي
يمامه: آية لا تخليني أعصب عليج واشيل بخاطري منچ إذا تعرفين شي احچي
ايـه: ماكدر
يمامه: يعني أنـا شنوووو غريبة كاعد يمهم بالديوان، وأنا هنا، ومحد يحچيلي بشي كلشي يصير من ورا ظهري وأنا آخر وحدة تدريي لافصيله لاصخام ياهيييي
آية: يمامة مو كلشي ينحچى هسه وداعت أبني خلي نتاكد اول شي ع كيفج
كملت الطبـخ وحضرت كلشي بقه بس اصبه سويت البن وزلاطه وخليت فواكه وحلويات كلشي جايب ضرغام ماكو أي نقص.
فتح الباب ضرغام وصاح ايـه تجي وخليت أيهاب يمي وراحت خليته بحضني وكعدت أبجي وابجي وانـا اشوف ضرغام مبتعد عني ومايحجيلي أي شي
كله من وره عمته وسـاره الي حجتله مرتك طالعه.
ايـه.
بعد ماحجالي ضرغام ع سالفه صدمـني. وخلاني حايره طلب ماحجي حته سـالم وقنعت سالم اروح اشوف ضرغام وقبل يمامه مخلصتها عرك وي ضرغام وحقها مالومها زوجها وجايب بنيه شابه بالبيت بس ضرغام اذا احد جذب عليه يعاقبه وعاقبها هيچ.
صاحلي ضرغام ودخلت ل صاله وهم قفل الباب حته لاتسمع يمامـه.
ايـه: خويه خطيه
ضرغام: ايـه اروحلچ فدوه بعد اخوج ترا عقل ماضل براسي خلينا نحجي وعوفيها كاعده وحدها اعرفها بس افتح الباب تجي تسمع
دخلت لديوان وسلمت عليهن
الام: هلابيچ حبيبه ايـه يمه فدوه رحتلچ انتي واخوج نفس عيون أبوكم
ضليت مبتسمه وساكته وباوعت لبنيـه عيونها رصاصي وختلف عنه جذريأ مااصدك هاي أختـي من ابوي وماعرفن صدك لو جذب. ولو امي جانت عايشه هسـه
جان طكتها جلطه قبل لاتعرف ان الشيخ أيهـاب متزوج ثانيه وعده بنيه منها والمره ماخذها مطلكـه
شلون جانت عايشه وليش هستوهن طلعن ماندري وهسه راح نتاكد اكثر ألبنـيه جانت أصغر مني ب٣ سنوات.
ضرغام: أي حجيه احجي كلشي مره ثانيه من حق ايـه تعرف ونتاكد مره ثانيه انـا مو اجذبكم لا استغفرالله بس ابوي ولا مره شفته طالع من البيت من جنت صغير وبات بره البيت معقوله عنده بنيه وماتكفل بكل بفلوسها؟ وماوصه عليها احد والله انـا هسه مستحي ماعرف شحجي وشكول
ألام: والله ياوليـدي انا حجيتلك كلشي انـا جنت متزوجه ظلم اهلي زوجوني الـه. وابوك هوه طلكني منه لان صارت مشاكل ولان انـا اعتبر من خواله اجه وكـلي.
الشيخ إيـهاب: ياحرمه انتي تنخيتي بشاربي وانـا اتكفلج واطلكج منه
وانـا ضليت ابجي وكتلهم ماريده افضحكم بين عشاير وفعلا يايمه طلكني ابوك اهـلي شمروني وطردني ابوي لان ماعنده بنيه تطلك بس انـا خواتي شافن ضيم ماطلكن اخذني ابوك لان هوه تكفل بيه وابوي يكله انت طلكتها انت تتكفل بيها.
اخذني ابوك وخلاني بيـت جان مايجيني بس يتسوك ألي ويـروح ماكدر يطب ويطلـع عليه ومنا ألناس والعالم اجه بيـوم الظهر
الشيخ ايهـاب: انا عندي مره وبيت بس انتي صرتي بامانتي وانا مادري اموت أعيش اطلب منج طلب
المره: اطلب شيـخ عمرك طويل أنشالله الله يخليك خيمه ألي.
الشيخ إيـهاب: اعقد عليج بس علمود ادخل واطلع حلال كدام الله والنـاس
وانا رضيت وعقدنا لان خفت من اهلي لو اخواني يكتلوني ع اقل انا مرت الشيخ وهوه يحميني.
ضرغام: زين وشوكت صرتي حامل؟ اذا مجرد عقد.
الام: يمـه امهات كبل مانعرف نحسب ونسـوي صارت ليله وبساعتها صـرت حامل بس من كتله انا حامل ماطول ومات حته ماشافها وضل مايعرف شيحجي وشلون انا صرت حامل
ضرغام: حجيه زين ليش ماجيتي اول ماتوفه؟ منو تكفل بيج؟
الام: وين اجي اعرف ب اخو محسن شراني وانت جنت صغيـر وين اروحن ضليت اخيط ملابس وابيع كبه واسوي اكل ولملمت روحي
بس بعد البنيه كبـرت وانـا خافن من طليقي مافاكني يكلي ارجعج صارله سنين يكلي ارجعج مدام مات إيهاب محد يرحمج مني وانـا اخافن ع اخيتك وين تروح من بعدي. وانت اخوها والها حق بهذا البيت الي يلمها من بعدي يايمه وانت الشيخ وانت تحكم بعد
ضرغام: الله يخليها ويحفظها الچ
الميـت مانكدر نساله ابوي مات وراح سره ويـا
بس اذا انتي صدك مرت ابـوي وهاي بته اكيد عندج عقد زواچ يثبت هذا ألشي مو لان انـا اشك بيج حشاج لكن حتى اعرف شلون احط الامور بمكانها الصحيح وماينجاب طاري ابوي ب عنده بنيه مو شرعيـه.
بالنسبه للبنيه اذا هيه فعلا بت أبوي فـ البيت بيتها ومكانها ع راسي وعزيزه ومايصير تنهان ولاتنحط بموقـف مالها ذنب بي اعتبرها مثل ماعتبر ايـه وانـا اخوها ويوصل الها ويحاجيها احشن رجليه حش
الام: والله هيه تحبك دوم احجيلها عنك واكلها عندج ضرغام من تضيك بيج الدنيـا ترحين أله لان اعرفن ابنك شيخ واصيل وطالع عليه وهاي اختك يايمه لاتكسرها
بجيت البنيه وتباوع ضرغام حجيت انـا
ايـه: ماعرفت شنو اسمها
الام: هبـه يمها هبـه
ايـه: هبـه انـا اختج وضرغام اخوج والله ألبيت بيتج وضرغام هم متزوج ومرته بس تعرفج شي اكيد راح تحبج اكثر من عدنه
هبـه: انـا اسفه خاف ماتصدك مرتك بيه وتصير مشاكل خويه والله هسه نطلع من البيت انـا وامي
ضرغام: منو كال الج تعتذرين
هبـه: بس أنا وامي
قاطعها ضرغام.
ضرغام: ماكو بس انتي دخلتي بيت ضرغام بيتج هذا هم وحقج
سكتت ماردت عليه
ضرغام: هذا بيت ابوج مثل ماهو بيتي وانتي اذا عندج كلمه تحجينها تحجينها بدون ماتخافين من أحـد
هبـه: خفت اسويلك مشاكل وي زوجتك
ضرغام: لاتعتذرين عن شي انتي ماغلطتي بي انـا اعرف شلون اتصرف واعرف شلون احفظ مقام الضيف ومقام اهل البيت بنفس الوكت.
حضنت الام بتها وباستها وكلتها كعدي يمه هذا بيت اخوج ورجعت حاجت ضرغام
الام: انت يمكن بعدك ماصدك انـا مرت ابوك
ضرغام: انـا كلت تشرفنا وهاي كلمه مارجع بيها
الام: يعني صدكتنـي
ضرغام: انـا صدكت الكلام الي سمعته منچ بس مثل ماكتلج بنتج لازم دلليل يرفع راس ابوي وراسي وراسها.
وهسه كعدو خلي نحضر الأكل وتاكلن وترتاحـن.
هبـه: ماكـو اشكال ماشفناها مرتك بس لاسوينه مشكله الكم
ضرغام: مشكلتي انـا احلها لاتخافين عليه بعدج متعرفين اخوج يـاهو وانتي حجيه سامحينـي اذا كلامي جان مؤذي بس هاي ألبنيه اختي وابوي اذا خلى وراه بنيه ف انـا مسؤول عنها قبل أي احد.
لام: يعني اذا اروحن بيتي ماخذها
ضرغام: لا حجيه ماكو طلعه وين صاير هذا الحجي مكانها يمي وانـا مسؤل عنها واريد عقد زواج مالتج أنتي وابـوي.
الام: اخذني بليل واراويك ياهن.
طلع ضرغام وانـا باوعت وطلعت دخلنا مطبخ يمامه بس شافت ضرغام مسحت دموعها وكامت
ضرغام: حضري الاكل وصبي غده
انطتني أيهـاب وكامت تحضر الاكل وضرغام جاي يعاقبها.
. يمـامـه.
حضرت الاكل ألهم وده الصينيـه وراح
صبيت الي ولـ ايـه وضرغام رجع يمنا بالمطبخ
ماسئلت ولاحاجيته بعد خلصت طاقتي بالحجي ضلينه نتغده بس صوت المواعين تنسـمع ولسه ماشايفتهن انـا وماعرف شي عنهن
صعد ضرغام وحجه
ضرغام: انـا صاعد لديوانيـه ماترحين وماتوصلين فاهمتني؟ وهاي مره ثالثه اذا جذبتي بيها عليه ورحتي صدگي يخرب كلشي واذيج.
ضليت ساكته ماحجيت شي صعد وايـه هم ساكته
ايـه: انـا كايمه اجيب مواعينهن
جابت ايـه مواعين وسوت ألهن جاي وانـا بالمطبخ انضف ع فد وكفه حته تعبت من ألشغـل.
ايـه: صعدي فوك ارتاحي نامي وانـا يمهن جوه.
يمامه: هوه اخوج مخليني خدامه ب المطبخ ولنسوان غربه عادي
ايـه: لاتحجين هيج والله تعذرينه من تعرفين الوضـع.
يمامه: أنشـالله فعلاً مثل ماتكولين انـا اريد اعجن حته العصر اخبز طلعت العجيـن وعجنت وأيه رحت غرفه امها تنوم ب ابنها كملت العجين وعفته صعدت لكيت ضرغام نايم دخلت ع كيف اخذت ملابس ودخلت أسبح سبحت وخلصت رحت ل جربايه نمت بـطرف ألثاني وضليت أبجي اعرفن بضرغام نايم لان ماحس ولافز عليه امسح بدموعي وغفيت فزيت لگيت ضرغام حاضني مخلي ايـده ع كتفي ونايم مخلي وجهه بضهري بست ايده الي مخليها عليه ودرت عليـه كوه درت لان جان حاضني حيل درت عليه واتمنيته مايكعد ويضل هيج ليش دومك تحرمني من حضنك ليش تعذبني مو كتلك شماصار بيني وبينك ابقه بحضنك وتبقه بحضـني.
شويه وفز باوعـلي وبساع وخـر ايده عني
ماعرف شلون اجرأت وبسته وهوه هم بادلـني البوسه وضليت أبوس بي ماوخرت وخرني هوه وكام وكلـي
ضرغام: ألبوسه ماتمسح خطائج ولاشي سويتي مو تجين تبوسيني وعبالج انسه جذبج ودخل لحـمام. وعافني مسحت حلكييي حيل من بوسته وبدلت طلع من الحمام بدل وانـا كاعده ع جربايه
يمامه: اريد اخبز اريد اطلع بره
ضرغام: ماطلعين كتلج
يمامه: اريد اخبززززز همه ياهممم هذول ماتخليني اشوفهنن
ضرغام: انـا اصعدلج تنور وخبزي فوك بسطح
يمامه: خوووش خووووش خدامه يمك مخلينييي بالشمس
ضرغام: لاتخبزين خبز ماكو انـا اجيب وياي
يمامه: بيتي لو بيتهن؟ شنو ماتخيلينيي اوصل وامشي براحتي
اخذ العكال لبسه ولبس العبايه مالته وطلع العطر يرش وفتح المحابس اخذ محبس وسبحه لونها ازرك زركه جانت تخبل ونزل وعافني
نزلت وره قبل لايطلع باوعلي
ضرغام: انـا اجيب خبز وياي لاتخبزين
وفتح الباب وسده ضلن نسوان ب الديوانيه والهن الحديقه والحمام البره وانـا فاصلني عنهن المنـور.
دخلت يم ايـه لكيتها كاعده تمشط جانت تسبح وكاعده بغرفه امها.
يمامه: جا ماصعدين بغرفتج
ايـه: والله مابيه حيل إيهاب يتعبني اصعد وانزل هنا ع ريحه امي وغراض امي هم ارتاحـن.
يمامه: ماراح اخبز لان اخوج مايقبل اطلع
ايـه: يله بعد أحسن ارتاحي بس نسوي العشه انـا وياج.
يمامه: شنو الوضـع ايـه ماتحجيلي.
ايـه: ثقي بيـه صدكي ماكـو شي ثقي بيه ومالج دخل
كمت من يمها طلعت الدجاج وسويت تمن وروبـه.
وهم حضرت العشـه وكملت وتعشن وانـا بالمطبخ ضرغام ضل يمهن وره شويه وطلـع وكلي صعدي فوك من اجي الكاج فوك.
. ايـه.
منا لليل اخذ ضرغام ام هبـه حته نعرف شنحجي ونتاكد ضليت يم ألبنيه
هبـه: هنيالج ع ضرغام اخو ونعم ألاخ
ايـه: اخوج هم هوه أنشالله
هبـه: ومرته ليش ماجاي اشوفنها
ايـه: حكم ضرغام بعد هههههههه الله لايراويج يا بعصبيته
هبـه: ضرغام ماعتقد يطرد أحد وانـا متاكده هم راح يحمينـي مثل م ابو حمه امـي
ايـه: بامانه ضرغام انتي لاتخافين
هبـه: مرت ضرغام شنو اخذها عن حب لو هيچ
ايـه: حب من الصغر من الطفوله حبـته وحباها واخذها
هبـه: خاف يتزوج عليها ترا زلم موش أمـان
ايـه: لا هيه تثق بي وتسمع كلمته اصلا من حجايه وحدة واصلا مالكت عليه شي حته تعوفه لو يتزوج عليها
هبـه: أي خيه صح هوه زواج ثقه
ضلينه ننتظرهم واجو
ايـه: ها خويه شنو صار
كعدت المره وحجت
ام هبـه: جا شنهي صار راويته عقـد زواج مال أبـوچ وتاكد بقه بس بيان هبـه مالكيته
ضرغام: نروح لمستشفى نقدم راحن او ضاعن ونطلعهن خويه صدكي انـا ثاق بيج بس لازم أراويهن لعشيره
ام هبـه: هايه اختك يابيان ولاده تحجي عنه جنك مامصدككك
ضرغام: انـا ماكلت مامصدك بس ترضين يكولون ع بنتج مو شرعيه لو شي؟ اذا ترضينها انـا مارضاها هاي اختي وماقبل واحد يمسها بشي لاتصعبونها عليه
كامته هبـه وهيه تبجي حضنت ضرغام وضرغام ماعرف شلون يتصرف وشلون يخلي ايده عليها ويحضنها لحد الان شايفها غريبه انـا متاكده
هبـه: هاي هيه خويه سوي ألي تريده بس اريدن اشبكك اخر مـره حته احسن صدك انته اخوي وعندي حزام ظهر ماتقبل واحد يمسني
ادري بيك ماتعتبرني اختك لسه
ضرغام: لا بويه صدك جذب بامانتي انتي هاي هيه والله مستحي منچ اعذريني ماعرف شسوي حته اختي ايـه ماحاضنها انـا.
ام هبـه:فدوه رحنالك ياسندنا انشـالله تكسر عين كل شخص يجيب طاريها لـ هبـه وانـا مستعده اجيب عقد زواجي واخلي كدام كل واحد يفك حلكـه.
ضرغام: انشالله خير صباح ربـاح يله نامن
هبـه: ضضرغام عادي ماتقفل الباب اريد ادخل لمطبخ خاف اسبح لان حمام ايـه كالت جوه
ضرغام: اسفه خويه ألبيت بيتج شي اكيد اعذريني هاي هيه
عفناها وطلعنا رحت غرفه امي واجه ضرغام وراي.
ايـه: هيه صـدك مرت ابوي بس انـا شاكه يخويه ب هبـه ماعرف احسنها من زوجها اول معقوله خويه معقوله ابوي يدري بيها بته ومايكل اي شخص عندي بنيه خويه صح تممو زواجهم بس ابـوي مو غشيم وانـا متاكده عرف هاي موش بته.
ضرغام: والله ياخويـه محتار وماكدر أسوي شي بس معقوله البنيه شبكتني وتعتبرني موش أخوهـا؟ ومنا يمامـه ماعرفن شلون اكلها ماراح تصدك وكثرت مشاكلـنا هسه صاعد افهمها ڪلشـي.
ايـه: لاتشيل هم خويه الله موجود يله اصعد لمريتك وفهمها كلشي خطيه لاتمد ايدك عليها
ضرغام:والله مامد ايدي بس هيه تجبرني ايـه
صعد ضـرغام وانـا ضليت انوم ابـني
. يمامه.
ضوجني من كلي صعدي فوك
صعدت انـا دخلت غرفه ايـه نمت مو بغرفتي ماعرف شكد مر الوكت وانـا بساع نمت لان صداع براسي كضني وبس نوم يفيدني
صعدت فزيت الساعـه بـ1 بليل لكيتها حاره واصب عرك كمت حته اروح غرفتي ولكيت باب ع نص مفـتوح وضرغام نايم ع جربايه ومتغطي ونايـم.
وألبنـيه يمه ونازعه الحجاب للافها شعرها بخاولي ولابسه دشداشه دلع وضرغام ضال ب الفانيله ونايـم.
امسح بعيوني راسي ماكدر اشوف ولا ارفعه
مشيتت والكاها تتقرب عليه تريد تبوسـه ضليت واكفه حته صدك اكتلها واكتل روحي واكتل ضرغام
نزلت ع خده وباسته وكضت شفايفه بَ ايدها وضرغام حسباله انـا مارفع عيونه ولا وخر ايدهه من عيونه
دفرت الباب وصحتت
يمامه: ولجججججج ححححيوووووووووووانههههههههه طابه لغرفتي تتحرشينننن برجلييييييييي
كبل وخر ضرغام ايده عن عيونه وانصدم بوجودهااا ويمكن جان كاعد وحسباله انـا ألي رجعت بسته.
يمامه: هسه هم كلييي سكتييييي ولكمممم كبال عينيييي كباللل عينييييييي تبوسسسسس بيك وبشفتك تريد تبوووسكككك اشكككك هدومييييييي
شكيت ملابسي واصرخ وبنيه ساكته وتباوع ضرغام
البنيه: لاتصدكها ضرغام انـا شفتك نايم وحدك و
ماعفتها تحجي وركضت عليها كضيتها من شعرها امشعها تمشع
يمامه: ولججج حقيرهههه ولجججججج كَٕو...... ولجججججج اليوم محد ياخذج منـييييييي لو مو ضرغام
ركض ضرغام يحاول يوخرني من شعرها بس انا كطعت شعرها بايدها
ركضت ايـه وامها صعدن فوك
الام: ولجججججج هدي بتي ولج يرعنه يثولههههه
ضرغام: جانتتتتتت تسوي بتچ بغرفتي وبهيج ملابسسسسسس حجيهههه صدك تحجينننن صدككك لاتكليلي اخوهاااا اسبببب حته ابوي هسه من كبره
يصيح عليه ضرغام ويحجي وي امها وانـا فاقده ب اجر بشعرهااااا ماتكدر تقاومني لان لفيت شعرها بايدي
سبحني ضرغام وايـه توخر شعرها من ايدي
يمامه: ولككك هدددنييي ولك عووووفنيييييي ياخاينننننن ولك الشيخ انتتت ولك شيخخخخ انت
امداك وامده شيختككككك طم روحككك ع هذا العاااار ولج عاهرررررره
سبحني وطلعني من الغرفة وصرت كبال الدرج
ضرغام: كاااافييييي نفضحناااا بهل لليل هذااا كـاااافيييييي ولج خلي افهمچ لاتماديننن يمامه لا اكسر سنونج بحلكچ
يمامه: ولككك وخررررر هدنييييييييي حاسب ورحك شيخخخخخ ومدخل بنات يمك يبوسن بيكككك ليش والله لان الشيخ ضرغام خوش شيخ ويحل مشاكل عالـم ويتكفل بيهم هيه هاي شيختكككككك
امداك وامده شيختك وامده كل عكـال بديوان يرضه بهيججججج ظلممممممم
ضرغام: جاوزتييييييييي هوايييي وانـا كايلج امشيج مثل ساعه وماجاي تمشيني عدل
راد يصم حلكي دفعته
يمامه: ولككك وخررررر لاتبيععععع شـرف براسيييييي عود هوه شيخ وشريف تفـووو عليك وع شيختك
ماحس اله اشتعل خدي نار من راجدي طكني يـاه ورجع عصرني بايده وركعني راجدي مره ثانية وانا اصرخ واجت ايـه تركض
ايـه؛ولك خووويه عوفهااا عوفهاااا
ضرغام: انعل ابوج لابو خلفچ ولجججج تفلين عليـه ياحقيره
يمامه: هدنييييي عووفنييييي اخخخخ ايدييييي وخر عنييييي
ضليت ادفع بي كوه وهوه يضربني راجديات ويلزمني مايخليني انزل وماحس اله اندفـعت وطحت من الدرج من طابق ثاني وماحسيت بشي بـعد.
. ايـه.
طاحت يمامه من الدرج وانـا صرختتتت ونزف خشمها وحلكها دم ولجججج يمهههه ماتتت مااااتت يمامه ولك ضرغام يمامههههه.
