رواية انت البارود وانا النار الفصل الخامس والثلاثون بقلم شمس
﷽
﴿وَلَسَوْفَ يُعْطِيكَ رَبُّكَ فَتَرْضَىٰ﴾
گـل الصـار بيـه حيـل ويـاي...
مستـاهـل بعد اكثـر واكثـر...
جيـه مـا عرفـت حساب دنياي؟
اضـوي لغـد غيـري خاف يعثر؟
❀༉‧₊˚.━━━━.˚₊‧༉❀
يمامه
دفعني ضرغام من ملابسي حيل وشمرني طحت بالكـاع وقفل الباب ادك ع الباب محد يفتحه وحجي وعالم وناس كلها التمـت اخر شي سمعت صوت طلقه وكلها صـرررختتتتتتت اريد اكـوم ع حيلي ماكدر من الرهبه والخوف اخوي اخوي ورجلي بره منو منووو طاحت بي طلقه ضليت كـاعده بالكاع وصرخت بعلو صوتي وماهتميت اي واحد بره
يـمامه: ولكككككك خـوووووويهههههه يمااااا اخخخخخخ راحوووو أهلي ولكمم بوووووياااااا
ضرغام يمااااا ضرغام حاجيـنيييييييييي
أنفتح الباب وانـا مثل مسودنه صرت ماسمع ولا اشوف اي شي كدامي بس اصرخ
يمـامه: يماااا خسرتهم يمااا اسعدددد ضررررغاممم يمااا شبيكمممم
كضني ضرغام
ضرغام:كوميليييي ولج سمعيني مابيه شيييي هاي انـا كدامج
يمامه: اخووي ضرغام وووين اسعد لاتهد حيلييي والله لاتفجعني بشييي لاجذب عليه ابوس ايدك وينننن اخوي
ضرغام: يممم الشيوخ برررره والله وداعتـج ماكووو شييي ماطاحتتت الطلقه باحد والله ماكو شي بسس ناس من عشرتين أجت من عدنه ومن غير حموله
كومني ضرغام بس انـا رجليه يرجفننن كضيت بجتفه
يمامه: ضضرغام صدري يوجعني ذبحنييي
ضرغام: عسه الوجع كله بيه كوميلي فدوه اروحلـج
اسمعهم يحجـون وانا بعدني بره
:: اطـلع وين ضيمت روحك ضرغام شنهييييي ماكو الك صداد رداد بعد ماعدنه حجي وياك نحجي وي عمك
:: راح راح مرته عفيفه يسترهاا عـود شيخ بيته بدون شرف مانريده شيخ
شيوخنا الي وي ضرغام ردت عليه
:: ولك احتـرممم نفسك يازعطـوط انـا وتحجي كبالي هيج مو اكض تفكتك اكسرهاااا كبالك ولو يجي جد جدك مايخلصك منيييي
:: طم عارك لاتطلعععع من البيت ضرغام طم عارك
يمامه: يحجـون عليه ضرغام يحجووونن عليه
ضرغام: خليهم يحچون.
يـمامه: يحچون بشرفي يا ضرغام ليش
اخذني ضرغام يمشيني كوه يدخلني للـبيت كعدني بديوانيـه وانا كوه امشي وكاضه بي
يمـامه: يحچون بشرفي وعبالك ماعندي أهـل ضرغام ياهووو جاب طارييي ضرغام والله مامسووويه شي
ضـرغام: عندج اخـوان وعندج رجـال وحك هوه علي اخذ بحقچ بس حسي بيه الحجي جاي أسمعه وناس جاي تشمتتت بيه اريد اعرففف شيردددون
يمامه: لاتروح ضرغام لاتتعوفنييييي خايفه نكسر ظهري والله كسرووو ظهري
ضـرغام: وإذا واحد مد لسانه عليـچ مرة ثانية على شرفج والله أخليه يندم على اليوم اللي فتح بيه حلگه عوفيني خلي اطـلع افرك حلكهممم
وانـا ماهده وابجي شبكني وضمني ع صدره حيل وانـا كاعده وابجي وهوه حاضني واكف
ضرغام: لاتبـچين يا بعد روحي إنتِ ما مسوية شي وذمتج نظيفة. خلي راسج مرفوع مو مرت ضرغام الي تنزل رأسها
يـمامه: ضرغام حچوا عليك من وراي من وراييي عذبتك هووواي انـا انـا الله ياخذني ويخلصك
رفع وجهي بايده وخله عيني بعينه.
ضـرغام: شنو عيدي شكلتـي
يـمامه: حچوا عليك... گالوا شلون شيخ ياخذ وحدة ويحچون عليه ويكولون جبتلك العار
ضرغام ظل ساكت لحظة وبعدين مسح دموعي بإيده
ضـرغام: يمامة اسمعيني زين يابعد رويحتي مرت الشيخ ما تنزل راسها
يـمامه: بس انـا خايفة والله
ضرغام: خلي راسج عالي أبـويه
يمامه: ضرغام
ضـرغام: عالي گلتلج لا تنزلييين راسج لا إلهم ولا لغيرهم إنتِ مرتي واسمج من اسمي واللي يحچي عليج يحچي عليّ
باسني من راسي وكلي...
ضـرغام: إنتِ مرت ضرغام ومرت الشيخ ما تنزل راسهاطلع ضـرغام
وانـا ضليت ابجي دموعي ماتوكف
انـا شسويت حتى تحچون عليّ هيچ شسويت الهمم اتهموني بشي ما سويته، وطعنوا بشرفي وعبالك شرف الإنسان كلمة تحجيها وتنتهي
بس هم ما يعرفون
إن الحجايه اللي گالوها يمكن بالنسبة إلهم مجرد حچي بس بالنسبة إليّ هيه شرفي وسمعتي
ليش المظلوم دائماً ينحط بموقف الدفاع
شنو ذنبي حتى ينحط اسمي بهالحچي شنو سويت انـا حته من حبيت ضرغام حبيته وبكلبي خوفه وماتعدديت حدودي ويـا ومن اتزوجت هم مارتاحيت وتعذبت كلمه ضرغام ترن باذني مرت الشيخ ما تنزل راسها ضليت انتضر وانتضر اله ان دخلي أسعد وكال بساع كومي طلعي الشيوخ راح تدخل لديـوان.
كمت ورحت لمطبخ وطفيت ضوه حته اشوفن شيوخ هواي وترسو البيت يدخل يصلي ع محمد وال محمد
واكو يدخلون نار وشرار اخر واحد دخل ضرغام واسعد يمهم وسالم دخل وي ضرغام
اتصلن عليه بنات بس ماجاوبت أي وحده رحت تقربت ع الممر حته اسمهم شنو يحجـون.
شيـخ: ضرغام، السالفة ما عادت بيناتنا كلها درت كل الديره عرفت تعرف ديرتنا مابيها غريب كلها عمك خالك
ضرغام: أدري ادري من جلب خيـون طشر الخبر وجلب مالته معتز
الشيخ: عشيرة حچت عليك والناس كلها جاي تحجي بمضيف والديوان وإنتَ شيخ وما يصير تسكت حقهم يردون تبرير ويعرفون شيخهم يردون لو طم العار وتسكت
سالم تحرك من مكانه بعصبيه..
سـالم: عمي انتبه لحچيك كلتوو نحجي بالبيتتت ونحلهااا ونفضهاا بين طرفين بس جاي دوس ع عرضهه
كمل الشيخ ولا اهتم حجي سالم
الشيخ: إحنا مو جايين نضغط عليك بس السالفة كبرت جماعتك يريدون جواب والعشيرة الثانية تريد تعرف موقفك شنو راح تسوي الولد جاي يحلف ويـكول انـا عندي علاقه وي.......
ضرغام: دير بالك تكمل لااعترف بعكالك واهينك كدام يسوه ومايسوه.
الشيخ: هسه مو وقت نزيد النار البنية انظلمت وإذا ما عندهم دليل محد إله حق يحچي عليها ترا اول شي هذول اخوانهـا ثاني شي هيه مرت الشيخ
رد عليه الشيخ..
الشيخ: إحنا نحچي عن وضع ضرغام هو شيخ وورا ظهره عشيرة وتريد تبريررر
ضرغام: وانـا أعرف وراي عشيرة اعرف موش تعلمني شسوي
الشيخ: جا برر لو طمون عاركم واحنه وراكم نسدها محد يدري
رد شيخ الي من حموله ضـرغام..
الشيـخ: عمي بالعباسس اكض تفكتي واوكف براس الشارع الي يجيب طاري مرت شيـخ ويفك حلكه اترسه نعـ........... كافي تحجون ع شرف بنيههه والله ارميكمم
ألشيخ: ماعدكم احترام خابرت محسن وهوه يـجي شني نحجي وياك انت تريد تسود وجهنا كدام عالمممم
ضرغام: باجر يجي محسن واليوم يجي غيره وأنا ما عندي شي أخاف منه وحجايتي نفسها
واللي يريد مني تبرير انـا أسأله سؤال واحد وين الدليل جايبين الي واحد ملطلط يكلي عندي علاقه وي حرمتككككككك.....
سكتو كلهم
ضـرغام: جيبولي دليل واحد على اللي حچيتوه عن مرتي وبعدها خلي العشيرة كلها تجي تحاسبني ومافك حلكي واحجي
:: وإذا العشيرة طلبت منك موقف انت شنهي عبالك لعبه والله بيت خيون مايعوفن شيخه الك لو تموت بعد وتطلع نخله براسك
ضرغام رد عليهم بدون تردد
ضـرغام: موقفي معروف حرمتي ما عليها شي
واللي يتهمها يجيب دليله ويجي كبالي يحجي
:: ضرغام انـا أنصحك ياشيخ وتريد تصدك بكيفك
رفع ضرغام عينه إله
ضرغام: انصحني
:: الشيخ خيون مو سهل
شيخ ثاني دخل بالحچي
:: وشراني وما يعوف السالفة إذا دخل بيها
رد عليه بعد
:: إي والله خيون إذا حط شي براسه ما يعوفه إلا ياخذ يريده
:: فلا تستهين بيه يمكن اليوم ساكت بس باچر إذا دخل بالسالفة ما راح تصير مثل ما تتصور
كلهم يحچون وعبالك يريدون يخوفوه
ضـرغام: خلصتو؟
:: شنو
ضـرغام: خلصتوا من تخويفي بخيون خيون شيخ وأنا أعرف مقامه وإذا عنده حچي يجي ويحچي بوجهي وإذا عنده حق ياخذه وإذا ما عنده حق ولا داليا لا خيون ولا غير خيون يخليني أظلم حرمتي حتى أرضي الناس
:: متـاكد ياشيخ...
ضـرغام: إذا خليت خوفي من خيون يخليني أتخلى عنها شنو بقى من رجولتي؟
خيون يجي محسن يجي العشيرة كلها تجي إذا تريد
انـا موجود وهذا بيتي وهذاك ديواني اللي يريد يخوفني بخيون ف مايعرفني عـدل بعده انا تربات ابوي وتربات ديوان واعرف الحك من الباطل
وانا إذا أريد أخلي خيون يرجف أعرف شلون
بس ما أريدها توصل لهالمرحلة
يمـامه...
ضلو يحجـون وانـا حالي يرثه لها من الضيم والبجي وعيوني الي مانشفن من دموع راحو جماعه خيون وبقه بديوان بس ضرغام وشكم شيخ ويا
الشيخ: شنو يردون جماعه خيون يسوون بعد اتهموها بشرفها كدام العشيره كلهاومعتز يحلف ويگول جانت بيناتهم علاقة شنو هذا مال حجي شيخ؟ مال شيخ جبير
الشيخ الثاني: هوه سوه هاي سالفه كلها حته ياخذ كرسي ضرغام يريد يطيحه من المشيخة وما لگه غير العرض حتى يفتح اله بـاب
سالم : يعني شرف أختنا صار لعبة حتى يوصلون للشيخه والله عمي خوش صارت شيخه تنوخذ على حساب شرف والله من رخصتكم انـا ماحترم خيون والله اسحه من شواربه..
الشيخ: ضرغام فهمني عـدل شنو سالفه مرت الابو
بده ضرغام يحجي كلشي وهيه صدك مرت ابو بس البنيه مو اخته وكل هاي لعبه منهن حته ام هبـه تطمع ب الفلوس والملاك ويرتفع صيتها
وهبـه جان غايتها تسوي مكسوره وضرغام يعرف مو اخته ويستر عليها وتحبه
كاعدين واجاهم اتصال وكف گلبي.....
اجاهم خبر من الشيوخ انو عدهم دليل عليه انـا واحد وباجر يسمعو ل ضرغام وجماعته
هنا احس رجليه ضلن يرجفن وماكدرت اربط الاحداث يادليل انـا شسوووويت شمسويه عتفهم وصعدت غرفتي كعدت وامشع بشعري اريد اتذكررر شمسويه اريد اتذكر شي شي يخص مسره
ذكرت من شفت رسايل معتز ومسره
ومن ابن جيرانه هدد مسره بصورها بوكتها جانو أخواني بالسجـن؟؟؟
اي اي بس ضرغام عرف ودره بوكتها رديت عليه وحجيت وضرغام كلي مو من حقج هيج تتصرفين
واتذكر رجع اتصل الولد مره ثانيه وماحجيت كل بشر حته مسره ماحجيت الها انقهرتتت بوكتها لان ضرغام عيرني وكلي كافي الملم وراچ اذكر اتصل ولد مره ثانيه اي انـا جاووووبته كتله ليش تسوييي هيج وتحجي وي ألشيخ وكلي عندي صور اختج مصلخه شنو نسيتي مو هذيج مره ماتخأفين وكتله ماخافن وامسح صور ماتخوفني بيك خير اوكف بوجه ابوي وضرغام خلي يفصمون ظهرك فصم
بس ماحجيت أي شخص لا ضرغام ولا حته رنـا ضل هذا شي بكلبيي لان جنت بدايه علاقه وي ضرغام وماردت نخرب ويضوج مني.
معقوله عنده تسجيلاًت صوتي؟؟؟؟
لالا لا مرت وصارلها هواي مستحيل حافض صوتي لسه لا ضرغام يدري حجيت ويا مره وحده وعصب شلون سمع صوتي كتله خفت لان اخواني بالسجن
بس ما يدري انـا تصلت مره ثانيه حته اعرف مسح صور لا ومن كتله ليش وصلت حجي ضرغام ياربي لا
استرني ياربي والله مامسويه شي والله ماعندي علاقه ويااا
دخل ضرغام
ضرغام: رادو يحاجونج اخوانج كالو خاف نايمه وراحو
مارديت عليه وبس ابجي
ضرغام: لاتبجيـن فدوه اروحلج انـا اعرفج ماعندج علاقه حته بالماضي بس وياي
ضليت مدنكه راسي وابجي واسب روحي ومسره اوف يامسره متي ومشاكلج وراي ماخلصننننن
كمت وشفت ضرغام ملابسه تراب وايده حمره ماعرف اوصف حالته بنص لليله تغير كمت عدلت ملابسـه ونزعته العبايه جان لابسها ونزع ملابسه ضل ب الفالينـه وكعد ع جربايه اخذت ملابس خليتهن بالحمام ورجعت اله كعدت بصفه وخليت راسي ع كتفه
يمـامه: ضرغام حبيبي باجر لاتتعارك وي خيون
ضرغام: هسه صرتِ توصيني انتي
يمـامه: إي لأن أعرفك من تعصب ما تشوف گدامك
ضرغام: وأنتِ من تعصبين شتسوين
سكتت
طكني براسه يتحرك وأنا نايمه ع جتفه وابجي
دار وجهه عليه وصرنه قربين واحد ع الثاني وانفاسنه مسموعـه خليت راسي ع راسه وغمضت عيوني
ضرغام: كومي نامي وارتاحي خلي هالليلة تمر وباچر لكل حادث حچي
باوعتله وخرت راسي من يمه وكمت
يمـامه: ماتريدني يمك انـا ماعندي احد غيرك ضايعه محد يلمني ولاواحد يخفف عني
ضرغام: لا تفسرينها هيچ.
انـا أريدچ أكثر مما تتصورين بس هسه عقلي بالديرة بالديوان وبالحچي اللي راح يطلع باچر خيون الكلب يكلي عندي دلليل ع مرتكككك شوفيني ساكت بس كلبي موجر ماعرف شسووووي اول مره انحط بهيج موقف ولج خيون وباجر يجي عمي محسنن كلها تلتم عليه
1 تعليق
يمـامه: ضرغام اسمعني
ضرغام: يمامة! گلتلچ كومي نامي
يمـامه: ليش تعصب عليّ
ضرغام: باچر كلها عليّ تصير باچر إذا طلع واحد گال عنده دليل انـا اللي أوكف كدامهم إذا الشيخ حچى انـا أرد إذا الديرة حچت انـا أتحمل اتحمل يسوه ومايسوه من گلب خيون ومعتزززز اذا حاولوا ينزعون المشيخة انـا أتصرف
بجيت ورحت من طرف ثاني مال جربايه حقه والله حقه انا عبث ع الكل ضرغام من شافني لسـه ماشاف الخير خسر ابو وخسر امه من وره اهلي
وهسه راح يخسر شيخته وصيته وسمعته من وراي
اجاني
ضرغام: مو عليچ أعصب لاتبجين والله مو عليج بس هسه فدوة إلچ لا تزيدين عليّ
يمـامه: يعني صدگ ما شاك بيّه
رفع عينه إلي وحجه..
ضرغام: لو عندي ذرة شك بيچ جان ما خليتچ تنامين هسه مرتاحة يمي بس لاتظمين عليه شي وتخليني كدامهم اطرش
بجيت مسح دموعي وحجه
ضرغام: ليش تبجين
يمـامه: أخاف أخليك تخسر المشيخة بسببي
ضرغام تغير وجهه
ضرغام: لا تعيدينها المشيخة ما تنخسر بسببچ والله وبعدين إذا المشيخة تريدني أسكت على ظلم مرتي حتى أحافظ عليها خليها تروح
سكتت رجع حجه
ضرغام: يمامةإنتِ حاجية ويا واحد بصوت وانـا ما أدري هذا خيون يكلي عدنه دلليل
يمـامه: لااا ويامن يعني
ضرغام: انـا ما أتهمچ ولا دا أگول سويتي شي غلط.
يمامة: والله ماكو شي.
ضرغام انفعل:
ضرغام: يمامة گلتلچ لا تنكرين ابن جيران حجيتي ويا مره تذكرين
يمـامه: ماعرفه ولاتواصلت ويا بعـد
ضرغام: إذا أكو حچي احچيلي هسه بيني وبينچ
لا تخلين باچر يطلع كدام الشيوخ وطلعيني جذاب وانا أوكف ما أعرف شنو السالفة
يمامة انـا ما أريد أسمعها من الشيوخ إذا أكو شي خلي أسمعه منچ يله حبيبتي
يمـامه: وداعتك ماااككو شي
ضرغام: ما راح أجبرچ هسه بس باچر إذا انفتح الموضوع كدام الشيوخ لا تكولين انـا ما حذرتچ وتكولين صيحت عليه جاي احاجيج باسلوب زين مو بصياح وتكولين صيح عليه
عافني وكام طفه الضوه ولف راسه وانطاني ظهره ونام
وأنا خايفه وكلبي يدك بسرعه ماكدر احجي وافتح ع روحي باب
منا لصبح شفت ضرغام جاي يبدل ويريد طلع نزلت وره
يمـامه: اسويلك ريوك
ضرغام: سم ماريد طالع انـا ألباب ماينفتح أي واحد لووو تعرفينننننننن ابوج يطلع من كبره ماتفتحي
مارديت عليه عرفته متعصب طلع وسديت ألباب
وخايفه اتصلت ع بنات وكالن راحو اخوانج لديوان.
انتضرت ساعه ساعتين واندك الـباب.
قاسم: انـا عمج فتحيليييييي ألباااااااببب ولج يمامه
فتحت الباب عمي مامنه ضرر زعلت فايده هذا عمي مايوم أذاني اول مافتحت باب دخل
وركعني راجدي حسيت ذاني ضلت تصوفر
قاسم: نزلتي راسنه ككككدام الديرة كلها
صار اسمچ على كل لسان والشيوخ تحچي والرجال تحچي يااااعا......... اختج ماااتت وضل عارها وعارججججج مافكرتييييي ب اخوانج نعله ع اخوانججججج مافكرتي برجلج بسمعتججججج
يمامه: انـا مااافكرتتتت جاااا مافكررررت انت من غطيت جريمه أبوي من قتل الشيخ إيهاب مافكرتتتت بسمعتناااا تردون الشرف يبدي منيييي
قاسم: إحنا سمعنا صوتچ ياعاهره لسانج طولان وأنتي تحجين شدافعينن سمعناچ تحچين ويا ابن الجيران
يمامه: أدافـععععع شرررفيي هذا دافع وابرررر مثل مابررتو جريمتكممم لو طكني هم ادافع
قاسم: وسمعناچ تكولين له امسح الصور ما تخوفني هاااا هم دفاع عن أختچ هاي حجااااايه ولج ضرغام. سد حلكهممم وكلهممم صوت جذب وهواي ناس صارت ويا وبس هواي صارتتتت ضدههه
و خليتي ضرغام يوكككف بالديوان حتى يغطي على سوالفچ شتحجين أنتيييي
يمـامه: اناااا ماخنتتتتتت ضرغام
قاسم: خـر.... خنتيه لو لا. بس أعرف إن تصرفتي تصرف وحدة ما تحسب حساب لاسم رجلها وصدكي انـا اطم عارج قبل لايطم عارج هوه
كضني من شعري ودخلني للبيت
قاسم: لبسي شي وامشييي
يمـامه: ماطلع من البيت مايقبل ضرغام
قاسم: ولج ضرغام اذا اجاج مايرحمج هسه
ذكرت ضرغام وعصبيته ويمكن يموتني صدك اروح يم أخواني لبست ملابسي وعبايتي وطلعت
ويا وصلني بيتنا ونزل وياي شافني بنات
رنا: يمه شبيج خدج احمر
يمامه: وين اخواني
رنا: ماجو بعدهم بديـوان
دخل قاسم وكضني من حجابي وشعري ورنا تصرخ عليه وهوه يكلها اطم عارهااااا والله اطمه
يمـامه: اخخخخخ رأسيييييي والله ماسوووويت شي والله مووو انااا مرحومه والله هيه مرحومه مسره
شمرني بالغرفه وتفل عليه وقفل الباب
قاسم: انـا هناا خلي اشوف وحده طلعها من الغرفه تضل بالغرفه
ايه: شنهييي عمي تحبسها بالغرفه مالهااا اخوان وتحاسبها انت
قاسم: اكوووو حق واكو الله والله وصه عاهره تنجرم وتنكتل هاي كًح....
ايـه: عرفت الله هسه ماعرفتوووو الله خوش والله جا من كتلتوووو ابوي وسكتو الله وين جان هااااا كلي الله هم كال ساكت عن الحق شيطان اخررس وانت سكتتتت على موت ابوووووي هسه صاى بيكم خيررررر تحجون.......
اسمعهم يحجون وانا ابجي وافكر بضرغام شيسوي بيه ضرغام وشنو صار الله ياخذني وراج يامسره ماحبيتي بس معتز حبيتي شكثررررررر
وعمي يصيح منا وره سـاعه اجو اخواني
وقاسم يكلهم
قاسم: جبتهاااا هنا جبتهااا عاهره كحـ..... جبتها غسلو عاركم يله غسلوووو عاركممم وأنا عمكم وراكم واكلهم انـا انـا كتلتها واخذ دمها الهم ولكم موش زلم اذا ماطميتو عااااار نسوااان لبسو شيل وكعدووو يم نسوانكم ولكم كون ماجتلونه انا اچتلها بيدي وارفع راسي وراس شيخ.....
أسعد: ياهوووو كلك طلعهااا من بيتتتت رجلهاااا منووو سمحلككك
قاسم: ولكمم دايحينننن انـا عمكممم طايحين الحض والله اغسل عارها انـا فشلت وجهنا كدام الشيوخ وفشلت رجلهااا تردون ضرغام يغسل عاركم لو انتو
سالم: إنت شنو جاي تحجي تريدنا نكتل أختنا على حچي ناس وسمعتك
قاسم: تفـووو عليكم يوميه تطلع الكم خيسه انـا مارضه يكولون بيت يعقوب هيج والله اماخلي ديره تحجي واكتلها
أسعد: خلي الديرة تگول وتحجيييييي أختنا مو ذبيحة حتى نرضي الديرة وشكم زعطوط ونكس
قاسم: خلي يجي عارر يطمهااا
سالم: لا تتفلسف علينا بضرغام إنت مو أعرف بيه من مرته
أسعد: افتح الباببببببب عنهاااااااا هاي صارلي ساعه محترمك وساكتتتت وكلت عمي وساكتتتت اشوفك شوكت تخلص حجي بس صارلك ساعه تمسح شرف اختي وهيه بت اخوك وهسه راويني عرض جتافك وافتح الباب وروح مدام انـا ورجلها نشم الهوه انت اخر واحد اله حق يحجي وياهـا
قاسم: اسعد شكككككلتتتت ولك شكلتتت عيدددد شكلتتت حقير
اسعد: جاي اكلك اطلع بحترامك وراويني عرض جتافك لا اهيـنك كدام نسوان
قاسم: الباب ماينفتح وشسوي سوي افرك حلكك والله الك
يمامه..
ثواني وحسيت باب يريد ينشلع ويندفع وأنا ماحجيت ولا انطيت اي دره فعل لو يجون ويكتلوني هواي أحسن من الضيم شويه وكسر الباب اسعد وقاسم يريد يطب يكتلني وسالم كاضه وقاسم يفشر علينه ويتفل كعدت غطيت ذاني واجن يمي بنات يحجن يسولفن بس انا عبالك جثه يمهن مارد ولايهمني أي شـي
سمعنا سالم يكول
سالم: وخررررررر عمي كافييييي الباب يندك خلينيييي اشوف ياهو والله اذا مسيت يمامه ايدك تكضه بيها اكسرهاا الك
وره شويه وسمعت صوت ضرغام دخل وعمي بس شاف ضرغام راح يحجي ويـا وأنا ع حطتي بالغرفه
بس كلهم ماخوفونـي غير ضرغام بس سمعت اسمه وعرفته هنـأ حسيت كلبي راح يوكف من الخوف.
ضرغام: اول شي موش من حق أي واحد يحاسبها ويطلعها من بيتي وهيه مرتي وسويتها ياقاسم سويتها وطبيت لبيتي ودست عتبت بابـي واخذت حرمتي وهيه بنص بيتي
قاسم: انا عمهاااا ولك عمهااا وعارك اطعمه سمعت
ضرغام: حلكك افركـه اذا جبت طاري مرتي خلها بالك اذا اكو واحد يحاسبها انـا وبسسسسسس سمعتوووو لو لااا لا عم ولا حته أخوووو مدام انـا زوجها محد اله حق عليها ولايطكهاا..
قاسم: شيخ ع عيني وراسي بسسس نزل راسنا كدام الشيوخ شنهي عبالك سكتت سالفه سمعو صوتهااا مرتك ماراح طش سالفه ماراح يكولون هيج لكو دليل
ضرغام: انـاااااا أحاسبها مو إنت ومو إخوانها ومو الشيوخ شكم مره اعيد الحجييييي انـا رجلها وأنا صاحب القرار ببيتي
وإنتوا هم اسمعوني زين أختكم على راسي بس هي مرتي ما أقبل أحد يقرر عنها بغيابي
اسعد: عمي غلطان يطلعها بدون علمك وضـرغام الي صار اليوم ماعرف والله عقلييييي راح يوووكف اريدها تحجيييييي ياصورررر
يصرخون وأنا بالغرفه ماجاوب ع اي احد
رد ضرغام
ضرغام: مرتي وترجع وياي بدون حجي وسؤال كوه واكف ع اعصابي انـا هسه اسعد لانخرب اكثر
قاسم اعترض
: بعدك تريد تاخذها؟ بعد ما سمعت الحچي وصخمتك وجهك
ضرغام التف إله ونبرته صارت باردة
ضرغام: انـا ما ناقشت وياك سالفتها هسه ولاعفت سالفه بدون شي
وأي شي عندي وياها أحچي بيه بين أربع جدران مو كدامكمم
كومتني ايـه ولبستني عبايتي وأنا ماحجيت أي شي لبستها وطلـعت كدامه حجه قاسم.
قاسم: لاتنسه هاي عاهره سوتت وجهك اليوم
ضرغام: ما نسيت ولا كلمة نسيتها امشي
شد ع ايدي حيل من جوه عبايه وأنا ارجف من فوك ليجوه سمعت اسعد يكول
اسعد: ماطلععع شطلع ناس اكلت وجهناااا رنا شطلعععع وين اروححح
وصلنا لسياره ركبت بس عبرنا بيت اهلي حجيت
يمامه: ضرغام
ضرغام: مو هسه
يمامه: حبيبي والله
ضرغام: يمامة بسسسسسس لاتحجيننننننن
يمامه: ضرغام خليني افهمك لاتصيح وتعصب
ضرغام: ما أريد توضيح هسه خلي نوصل للبيت وبعدين أحچي وياچ
يمامه: بس
ضرغام: گلتلچ لا تحچيننننننن
آناااا من الصبح ساكت ساكت على كلشي بالف ياعلي ساكتتتت موتجين هسه تفتحين وياي الحچي بالسيارة.
يمامه: بس بس لاتصيح والله اخافن كلبي يوجعني اخاف
ضرغام: واناااااااا شسوي هسه؟ أضحك
أسمع صوت مرتي ويا رجل وأسمع حچي عن صور وبنص الشيوخ فتحوهاااا بوجهي تريديني أبقى هادي واكلج عفيه عاشتتتتتت ايدج وايدددد اختج
بجيت وضليت ابجي
ضرغام: لا تبچين... مو وكت البچي هسه خلي نوصل للبيت هناك بيني وبينچ تحچين كلشي كلشييييييي
وصلنا للبيت نزلت وهوه يصف ب السيـاره كعدت بالديوانيه وعبايتي حجابي ع راسي فتحت بس حجاب ودخل اول شي سوه سد باب ديوانيه ونزع العبايه ويكول
ضرغام: الله يلعنك ياشيطان رجيم ان اصابتكم مصيبه قل ان الله وان اليه راجعون
يحجي هيج وأنا خايفه احس يكلي تحضري لموتج اعدامج
ضرغام: گلتلچ احچي يله احجييييييييييي
يمامة: هو ابن الجيران جان يهدد أختي تتتذكر من حجيت وياك رجعت حاجيته مره ثانيه بس حته اتاكد حذفهن لو لا
هنا ضرغام نفجر....
ضرغام: شلون تحچين وياه ولج انـا مو كتلج سالفه يميييي ولج ليش ماتحترمينيييييييييي كدام عالم
شلون تحجين وياااا وتگولين له امسح الصور ولج عايفتنييي مثل اطرش بالزفه ولج شني انـا مو رجال ماعندي غيررره
يمامة:ضرغام والله ما صار شي والله حاجيته خفت ع اخواني
ضرغام: لا تحلفين ولجججج بره منج الله
ضرب إيده على صدره بكل قوته
ضرغام: شلون ضميتي عليه ولج البارحه انـا شكتلجججججج
يحجي وهوا واكف كبالي وأنا كاعده ابجي
ضرغام: ولج كتلج اكو شيييي ضامته عنيييي ولج بنص حضنييي وتحلفين تكولين ماكوووو شيييي ولج خلتيني بين شيوخخخخ مثل اخرس ومطفيييييييي ولـج كوه لزكتهاااا ومالزكتتتتت ليش حاجينييييي ليش كل مره اسمع حجي من غيرجججججججج
يحجي وانا ابجي...
ضرغام: يله تعبتيني تعبتيني كليليييي احجيلي كلشي احجييييي لافرك حلكج احجيييييي احجيلييي كلشي من بدايه
يمامه: والله ماكو شيييي والله ماصارررر شي
ضرغام: مسجل صوتج وحافضه يمهه ههههه ولج احاجيج بسلوب عدل جذبين عليه احاجيج بصياح ترجفيننننننن وتسكتينننن وانا مثل اطرش ماعرف شحجييييييي شكلهمممم
فشلتينـي يمامه كدام الشيوخ نزلتي راسي خلف الله عليج هذا الاسم آناااا شايله من سنين وأحافظ عليه بكلمة وبموقف واليوم صاروا يحچون على مرتي وأنا كلشي مادري ولج خيوووووون خيوووون يكلهمم هاا نوب وي ابن جيران ولج اكسرررر راسج هسه اكسررررررره
كمت وأنا ابجي احجي ويا..
يمامه: يحجون بشرفي فوك كلشي جاي تتهمني
ضرغام: ولججججججج صمييييي حلكججججج صميييييي ماتعرفين تحجيننن صمييييييي حلكجججججججج امشـي امشيييي حضري ملابسججج
يمامه: ضرغام لااا ضرغام اسعد يمووتنيييي والله وعمي يموتني ضرغام والله ماسويت شيييي والله ابوس ايديكمم لاتاذونيييي
ضرغام: نزلتي راس اخوانج اليوم وتعرفين يدورون علينه زله احـنه.
يمامه: لاا لاا والله يكتلنيييي أسعد والله مايرحمونيييي ضرغام
ضرغام: خليتي اخوج مايطلع من بيت مو حقه يمدح بيجججج وكلها تحجي بيج اليووم صرتي بحلك الوادم ولج انـا ماكدرت اسكت حلوكهم بس مايهمني حجيهم
بس اريد اعرف ليش جذبيننننننننننننن عللللليه
يمامه؛ لا ضرغام والله ماجذبت ضرغام
صرخ بيه
ضرغام: اذا ماحضرتي ملابسج ورحتي اهلچ هسه اطلكج بـ ثلاثه
بجيتتت بجيتت ع صدره وابجي واشهك...
يمامه: لاتخسرونييييي روحي شسوي كلي شسووييي ولك اموت روحي ترتاحون اموتتت روحي ويخلص عاركم كلي شسوووي شنوووووو ذنبي شسويت انا شسويت غير ردت احافظ على اختي ماردت يصير شي ولك شسووووي ليش كلكم ضدددددي مره وحدة مره وحدة نصفووووو وياااااي ياربي مره وحدة بس
وخرنيييي من يمه ورجع حجه بصوت يخوف
ضرغام: ترحين اهلج؟ لو اطلكج بـ ثلاثه؟
ياترى شنو راح يصير بعد وي يمامه وشنو منتضر هل بنيه الي ماشافت راحه من حياتها هذا البارت جانت كوه تحجي الي واني اسمعها شي مو سهل والعاشته بساعته مو سهل الله يكون بعونها
