رواية قاتلة ابي الفصل السابع والثلاثون بقلم بنت الشيخ ترابية
بعد سالفة المحكمة بأسبوع
ايهم حاول ويايه وحاول يحجيني بس ماكدر وفشل
وانا فشلت مو بس هوَ
واليوم يجون بيت اهل فهد خطابة لزينب
وبيتنا مخبوص وهي مخبوصه
وتصيح تاليتي اوافق ع واحد لونه لاهو اخضر ولاهو اصفر
موتتنا وبالاخص انا لانو ماكدر احجي شلعت گلبي
بعد ساعه يوصلون صعدت ابدل
لبست فستان اسود تفصال بسيط لانو هي حتلبس ملون مو حلو ناخذ مكانها
شعري فتحته وقرصته
وداللبس بالأكسسوارات ودخل ايهم
ايهم: الله الله هذا كله راح ينزل جوه
ضحكت
ايهم: شنو هاي؟ شنو هذا الجمال شنو هل النزاكه يول
اجه يمي لزم ايدي وباسها
وشابكهم وباس اصبع اصبع
ايهم: وربي انتي ساحرتني مو طبيعيه
فحطت ع طريقة كلامه بس ياريت لو اكدر احجي
دنكت.. رفع راسي بيده وكال
: اكو واحد يحب وصغ الاظافر؟
ترى انا احب الوصغ مالتهن لانو اظافرج؟
شني ساحرتني احجي؟ لا تستحين بويه؟
ضحكت وحضنته
بالاسبوع هذا رغم ويايه وسندي ولزك بيه
صرنا روح بروح سويه
بس ماتقربلي رغم انا زوجته شرعًا وقانونًا
حضن ميحضني واذا احضنه يبتعد
شفته يتحرك ومو مرتاح ابتعدت عن حضنه
ورجعت اكمل تجهيزي هو شمر تلفونه وطلع من الغرفة
لو بس اعرف ليش هيج يسوي؟
شنو الفائدة
اندفرت الباب حيل انخلست بمكاني
دخل جعفر ولابس بنطرون اسود وبدي اسود
ورافعين شعره ولابس ساعه وعطره وراه
يخبل ابو كرش .. ابد مايشبه حنان بس وكح ع امه
جعفر « بعصبيه»: تنو « شنو» يتول «يكول» عمو ايهم امك سافغت؟
هزيت راسي
جعفر: تلتم تلتم حقغاء
وطلع من الغرفة يصيح ويبجي
بعده صغير كُلش
عنده لدغه بالراء وصعب بالنطق
اجتني رقية
رقية: خو ماسوالج شي؟
هزيت راسي
رقية: شلع گلبي الادبسز وين راح يا الله
وطلعت تركض
تفتر وراه خطيه.. كملت ونزلت من الدرج وحجيه نوفه تهلهل
نوفه: وگبرتي وصرتي مره ام بيت وعندج رچل؟
يابعد هلي اهلج يمن اغديلج سبع فدوات
رحت بوستها وحضنتها وكعدت يمها
نص ساعه واندكت الباب زينب عثرت بالقنفه و وكعت بالكاع كومناها وطلعت افتح الباب الهم
خوله: اللهم صلي على محمد وآل محمد.. صلو على النبي يمه قبل لا تدخلون
صلو على النبي .. سلمو عليه وانا اهز براسي وابوسهم
كوثر: لعد ليش متحجي هاي وتسلم شنو عود شخصيه
گرصتها حجيه خوله ودخلنا جوه
سلمنا وكعدنا
: انا حجيه خوله بيبيته لفهد ام امه
وهاي امه مريم .. وهاي اخته الصغيرة كوثر
وهاي الچبيرة رحمة
نوفه: على راسي شلون جمال يحفظهم الرحمن بحق حبيبه محمد
مريم: يابعد عيني .. ايي وين جنتنه فهد صارله ثلاث اشهر گالب علينا بس كال مانكدر عندهم مشاكل
خنشوفها وينها
كامت رقية وكل رقة وادب
ودخلت زينب وبيدها صينية وكولا وعصائر وابتسامه خفيفه .. ماعرفتها
بالعادة زينب كفشه وكله دشاديش لو تطلع بالشارع يخلوها يم الجسر ..
زينب بهدوء: سلام عليكم
وعليكم السلام ورحمه الله وبركاته
وخاله مريم تباوعلها ومبتسمه كصتها كص وتصلي ع النبي
رادت تكعد يمي صاحتها خاله مريم
مريم: تعالي يمي تعالي
راحت كعدت يمها وخاله مريم بوستها
رحمة: شنو هل الجمال؟ والله فشله اخوي الاخضر ياخذ هجي جمال
مريم: يا شبي اخضر؟
خوله: خاب اسكتي ذاك اسمر مو اخضر وملامحه حلوه وهي احلى وربي يهنيهم بزواجهم
زينب: تسلمين حجيه
خوله: گولي بيبي مو غريبه انتي
زينب ضحكت: تسلمين بيبي
مريم: اي نحجي باللي جايين عليه
احنا جايين نطلب ايد بنتكم زينب لابني فهد ع سنة الله ورسوله وبكلشي جاهزين وحاضرين
اطلبوا واحنا ننفذ
نوفه: يبعد امچ وين نلگي احسن منكم وشنطلب منكم فوك ما انطيتونا فهد الورده
بس عندي طلب صغير وياريت تنفذوه
مريم: اطلب حجيه وعيونا الكم
نوفه: بس اريد اطلب دلال لزينب لانو يتيمه وهاي فلذة روحي وخايفة عليها ماتدبر حياتها عدل لانو فاهيه
مريم: افا لا توصين حريص شدعوه وحده من بناتي قبل لتصير چنتي
انتبهت لزينب صارت حمره ع زركه مدري اختنكت البت ..
جانت امنيتي احس بهذا الاحساس لكن زواجي صار بشهود غريبين وبدون اهل بس علمود ناخذ راحتنا ونتعالج ..
طلبوها وع اساس ثلاث ايام ونرجع الخبر
طلعو
وكفت زينب يم الدرج ولزمت المحچر وصاحت
: مواااااااافقة
وصعدت تركض
اسراء: احنا شلون بمحاسن
ضحكت
وصعدت حتى ابدل
احس بتعب مو طبيعي
جسمي يوجعني ومكسر
انسد باب الحمام بقوة .. اريد اصيح ايهم ماكدر
فكرت بيها كلت احتمال هو بالحمام
فتحت الكنتور داطلع ملابس رجع الباب انركع حيل
رحت يم باب الحمام اريد افتحه دخل ايهم
ايهم: شنو شبيج؟
بقيت واكفه بمكاني
حسيت اليده مال الباب بدت تنزل وحدها بيدي
بسرعه سحبت ايدي ورحت وره ايهم وحضنته حيل وارجف .. بعدني شوي راح فتح باب الحمام ورجعلي
ايهم: ماكو شي حبيبي تعالي
حضني بس جان اكو خيال اسود او ضباب اسود يم الباب مال الحمام ..
ايهم: كافي يلا روحي بدلي عندي موضوع وياج
اخذت ملابسي وطلعت لغرفة زينب ابدل
اخاف ادخل للحمام وايهم مكال شي
زينب: ها يحلو مطرود؟
هزيت راسي بـ لا
زينب: خايبه شوكت تحجين متكليلي شوكت
ابتسمت وبدلت وطلعت من غرفتها ورحت لغرفتي
جان متمدد اول مادخلت كعد عدل
ايهم: تعالي
رحت يمه كعدني بحضنه وباسني براسي وراها حمحم
: شوفي هند .. بما انو حنان خلصنا منها
وسليل راحت وانتهت الروايه .. انا قررت اعيد زواجنا
يعني مشيه وخطبه وحنه وعرس كله من جديد وكأنو اول مره نتزوج .. ونطلع شهر عسل للخارج وتطلعين لبيتي منبقى هنا
ابتسمت وهزيت راسي
: بس كل هذا اسوي بعد شغله وحده
اشرت اله بمعنى شنو؟
: اذا تساعديني هلمره هم علمود اعالجج وترجعين مثل قبل .. لانو هل المره ساحريج ونحتاج جلسات .. ومحتاجين دكتور نفسي هم ف تساعديني؟
هزيت راسي واخذت تلفونه وكتبت بيأس
: بس انا حالتي تختلف سحر ومرض نفسي
مستحيل اتعالج بسهوله وسرعه.. احتمال مخبله هم
الي تشوف ظل اسود بكل مكان والي تشوف اشياء
ميشوفوها الباقي شنو معناها؟
صاحيه مثلا؟
اكتبلك انا هسه وداشوف خيال يم الحمام بس اغلس لانو ادري جوابكم راح يكون ماكو شي
ف الي بيه مو بس مرض نفسي وسحر
الي بيه اكثر من هيج
ايهم: لا كل الي بيج بسبب السحر والمرض النفسي الي تحجين عنه انتي هذا كله بسبب الاحداث الي صارت بداعش وقتل ابوج واخوج وتأثير الصدمه وخلصنا منه
كل الي بيج هسه مجرد عمل شيطاني وراح نخلص منه
مثل المرض النفسي
كتبت : تقنعني هسه انا مو مريضه؟
تقنعني انو انا فقط نافخين بوجهي؟
ايهم: الي نفخ بوجهج شنو شكله؟
كتبت: خيال اسود وعيون حمر بس مو واضحات كلش
ايهم: وشوكت نفخ؟
كتبت: بالليل بوقتها
ايهم: هذا الوسواس الخناس تعرفي؟
: اي اعرفه بس مايجي من سحر هذا
ايهم: الوسواس الخناس من الشياطين والسحر عمل والعمل شيطاني يكون ف بكل سهوله وسلاسه
نكدر نسحب الوسواس ببساطه بعمل شيطاني
ونكتب اسم المطلوب وتنتهي
الشيطان من النار والعمل بالنار ف ماكو شي اسمه مايجي ولا يصير .. هو بني ادم وانسحل بالسحر
الوسواس ماينسحل؟
: ايهم موجود هو هسه يم الحمام
رفعت عيني وشفته الخيال بالزاويه وايهم يباوع وياي ويهز راسه ادري ماشاف شي بس مجرد يطمن
ايهم: انا يمج لتخافين يلا نامي
تمددت على ايده وحاولت اغفى بس مختنكه وحاره
حس عليه هو وخر الغطى مني .... : نامي
.
كاعده افكر بالموضوع
هو اكبر مني بهواي .. بس ليش اختارني؟
معقوله بعد الزواج يطلعن بنات عمه صفح وعمته
ويطلعن يحبنه ويزهگني بعيشتي
ترى هو لونه اسمر ع اخضر شيحبن بيه؟
دافكر بيه واجاني مسج فتحت التلفون من الواتس
من الاشعارات قريته
فهد : نايمه لو كاعده؟
رجف گلبي ..
مو وكتك روح نام شعندك مراسل؟
رديت : لا كاعده ليش؟
وطلعت من الواتس .. دقيقتين واجتني رساله
فهد : مو هوايَ تفكير ثلاث ايام؟
رديت : لازم نفكر بالموضوع الزواج مو سهل
فهد : بس احنا متفقين من زمان والمفروض هسه احنل متزوجين الا السبب من الاوضاع الي صارت ..
دزيت : ايي بس توصل للجـد شويه الموضوع يختلف ويحتاج تفكير ..
حاولت اغير الموضوع
: انت ليش مانايم ليهسه؟
فهد : نمت بس فاقد جوعان وكعدني اجيب اكل
: الف عافيه عليه
فهد : راح اجي افتحيلي الباب
: تمام
خليت شال ع راسي ونزلت
هسه وي حظي ينزل ايهم
ولو عادي البيت بيتهم .. ماطافر ع السطوح
اندكت الباب دكه خفيفه طلعت بالطرمه
زينب : منو؟
سمعته يستغفر .. مو وكتي والله يذبحني هسه
فتحت الباب وخزرني ودخل
فهد : هو شنو منو؟
زينب : شبيك؟
سمعت صوت من فوك رفعنا راسنا شفنا ايهم فاتح الشباك وبيده جكاره ويباوع
ايهم: ماتكدر تتحمل ثلاث ايام؟
فهد: اجيت حتى اطلع من الوحوش الي هناك
مو بشر طناطله
ايهم: ادخل للصاله وهسه انزلك
دخل فهد للصاله كعد ونزل ايهم
زينب: يلا انا اترخص
مسيت عليهم ودخلت للغرفة
خلصني منه امعطك ايهم .. لو شوي باقيه يمه يتخيلني لحمه والسيد فهد يهجم
سديت الشباك وطفيت الاضويه ونمت
.
فاقد : خايبين وحق مكه المايسكت اخلي رجلي بحلكه
جعفر: شريف
زين: چا فهد وين؟
جعفر: تزحزح يم حبيبته لبيتهم
فاقد: وهسه يگضه ايهم لان موجود
زين: جوعان
فاقد: فهد جاب اكل سموم وماتسممت روحو اتزقنبو
زين: هذا شبي؟
جعفر بهمس : هدى رفضت يروحلها
زين: طياح حظ تزوج وخلصنا
جعفر: امشي لا يسمعك ويكسر راسنا
فاقد : معليك انتَ بس الزمه وباجر ابلغ ايهم واجي هذا الڪـ *** ماخذ راحته هو انا منتظره صارلي سنين والله لعلمه واربي من جديد مايطلع علي شارب
