رواية انت البارود وانا النار الفصل السابع والثلاثون بقلم شمس
﷽
﴿وَلَسَوْفَ يُعْطِيكَ رَبُّكَ فَتَرْضَىٰ﴾
جا هيـج بسهـوله انطـيتو بيـه...
حجيكـم والزمـن صـارن عليـه...
هلـي هيـج المواقف تالي تنباع...
بـاول مـوقـف ضـحيتـو بـيـه...
انا ماعنده امـه ودمعته اسلاح...
ليـش طـيبه صـارت مصـيديـه.....
ليش الطيـبه صارت بـس اذيـه...
جا خلولكم خط رجعه مو هيج...
شنو ذنبي وعشت دور الضحيه...
مانـاطـق بكلـمه وجـارح انسـان....
بـس جـروحي صارت مـنطقـيه....
وعلي بعد مـثلي بلدنيـا تنـسوه....
بعـد بلـصوره مانـوكف سويـه...
بشـدتكم واوكف وانـا ملجوم...
اخ المسـتحـه شمـسوي بيـه....
احسب بلاصابع عندي خوان...
وشفتـكم بلاصابع مو سويه...
مو مالت عتب هـاي القـضيه...
يرجع حيلي اذا اكو الله موجود...
واعاملهـم مثـل نفـس بيـه...
୨୧ ───────── ୨୧
اسعد
تنسين عندج اخوان وعندج بيت أهل انا متبري منج ماعندي اخت من أليـوم....
ما أدري شلون أگدر أوصف ذيج اللحظة وشنو اذكر
من كالها إليّ انـا متبري منج حسّيت الدنيا كلها سكتت حجاها وطلع وعافني طلع وره ضرغام وانـا بحاله صدمه
ضرغام: خلصتي صيـاح ولطم لو بعدج
يمامـه: ولك انت شنهيييي من بشـرررررررررر الله واڪبر
ضرغام: لاتنتضرين مني أوسيج انتي دمرتينا وشهرتينـا نزلتي راسنا بين الشيوخ لا تلومين أخوج إذا تبره منج ولا تلوميني إذا بطلت أصدگ أي كلمة تطلع منج لان أنتي بعيني وحده جذابـه
عافني وطلع وانـا ضليت أبجي ومالي طاقه بعد كوم اكض ب الحايط وامشيت دخلت لحمام الجـوه سبحت وابجي وانـا دموعي قبل الماي تنزل طلعت من الحمـام وضرغام نازل مبدل وركضت وره
يمامه: وووين رايـح
ضرغام:عندي شـغل
طلع ضـرغام ومنا للعصر هوه ماجاي اتصلت ع رنـا وانـا ابجـي واحجي الها ع أسعد شلـون تبره مني وهيه تواسيني
رنـا: يابعد روحي لاتبجين ولج والله مقـهور عذري والله عالم اڪلت وجوهم ولج خيه
ضلت حته هيه تبجي وانـا ابجي وياها وكوه تطلع مني الحجايه
يمامه: ولججج انا شنهييي ذنبيييي كليلي شنو ذنـبي خيـه بياذنـب يتبره مني ولج رنـا مابقـالي احـد حته ضرغام ولج ماله علاقة بيه
رنـا: إي أعذريهـم أخوانج ورجلج يشوفون السالفة من جهة ثانية خايفين على اسمهم وعليج وع سمعتج
والشيوخ؟
كلهم جاي يحاسبوج على شي إنتي ما سويتيه المن ساڪتـه خيه ألمـن
يمامة: ما يهمني خلي يحاسبوني خلي يڪتلوني ماحجي ولج ماحجـي
رنـا: يمامه يعنييي اله تطلڪين وينهجم بيتج
يمامه: ما أگدر رنـا حتى لو ماتت تبقى أختي واخوانـي يمامه شنهي حال أخواني من يعرفون مسره هيج والله مايرحمونا لا انـا وياج لان ندري
رنـا: أنـا فاهمتچ خيـه والله بس أخاف يوم يجي وتندمين لأنج خليتي الكل يكرهچ ومسره هيه جابت هذا الشي بروحها لاتنسين مسره اغتصبت باردتهـا
يمامه: أي ولج ييي ياصخام وجـهييييي ادري والله اخواني تعبتتت
رنـا: أخـاف ضرغام يطلڪج يمامه أحجي فتيتي كلبي وكلب يحبونچ
تعبت انـا مابيدي شـي مابيدي شي منا لليـل اجه ضـرغام بليل نزع العبايه والعڪال وصعد قبل لايصعد حجه
ضرغام: عندج غرفه تناميـن بيها اذا رحتي نمتي بغير غـرفه اڪسر رجليج وصعد
دخلت للمطبخ اڪلت سويت ألي لفـه صغيره وصعدت وره ضرغام لڪيته هستوه طالع من الحمام بـدل وخله الخاولي ع ركبته وڪعد ع الجربايه وكض التلفون واتصل ع واحـد وضلو يحچون وانـا كاعده ابدل واسمعهم.
ضرغام إي انتظر يجون الشيوخ؟..
ماعرف شرد عليه شخص ثانـي وڪال
ضرغام: إي خلي يجون ياخذون شيخه انـا حجيت وياهم اليوم
خلي الشيوخ يجون معززين مڪرمين واڪعد وياهم وأحچي بنفسي إذا يريدون يعرفون السبب انـا أكلهم ماريدها
سكت يسمع الطرف الثاني
وبعدين رد بعصبيه...
ضرغام: لا ما أغير رأيي أعوفها بعد ماريدها وحته من الديره اشـيل
سڪت يسمع طرف الثاني
ونوب حجه ضرغام
ضرغام: زين اعتمد عليڪ انـا من يوصلون دزلي خبر باجر
سد الخط وانـا حجيت اريد افهم السالفه شـنو
يـمامه: ضـرغام
ضـرغام: شتردين
يـمامه:عود صدڪ تريد تعوف الشيخة من وراي ومن وره سالفه الي صـارت
ضرغام: إي سمعتي زين عندج ذان تسـمع
يمامه: يعني صدگ تريد تطلگني من تعوف الشيـخه
ضرغام: لا تخلطين الحچي انـا گلت أريد أعوف الشيخة ماڪلت اريد اطلكچ جذبين عينك عينك
يمـامه: شغيرڪ ياضرغام شغيرڪ
ضـرغام: انتي تغيرتي موش نفسج البنـت حبيتها وترفع راسي حرامات انتي بت شيخ يعقـوب والله حرامات
يمـامه: انـا تڪلي هيج يعني
ضرغام: جـا ومنو نزل راسي بين الشيوخ منو خلاني أسمع حچي ما ينسمع وخلتيني ماعرف احجي وافڪ حلكي بين الوادم شما احجي ماكدر اسد سالفه
كعدت يمه على الجربايه وحجيت
يمامه: زين شراح تسوي هسه
ضرغام: أعوف الشيخة ويمڪن نشيل من الديره
يمـامه: يعني كلشي ينتهي وشيختك واسمك من ابوك وتعرف محد يستاهل شيخه غيرك هنا
تقرب عليه ڪلش. بوجهه لدرجه خشمه طڪ بخشمي وحجه
ضرغام: إنتي اللي بيدج إذا ينتهي لو لا هاي النـار شڪبرها كله بايدج بحجايه منچ طفين ڪلشي
عندج فرصة أخيرة احچيلي الصدگ يمامة
بچيت وضليت مخليه وجهي بوجهه واهز براسي لا
دار وصار حلڪه ب اذني وشاورني بصوت ناصي
ضـرغام: لاتخافين منـي
شبڪبته وبجيت وهمست بصوت ناصي يم أذنه
يمامه: ماريد اخسرنك والله
ضرغام: چـا لاتخسريني بسكوتچ
يحجي بصوت ناصي ويهمس وانـا احس روحي ذبت بين احضانـه وصوته بس شويه وتغير ڪل الاموازين
بچيت وضليت مخليه وجهي بوجهه واهز براسي لا
دار وصار حلڪه ب اذني وشاورني بصوت ناصي
ضـرغام: لاتخافين منـي
شبڪبته وبجيت وهمست بصوت ناصي يم أذنه
يمامه: ماريد اخسرنك والله
ضرغام: چـا لاتخسريني بسكوتچ
يحجي بصوت ناصي ويهمس وانـا احس روحي ذبت بين احضانـه وصوته بس شويه وتغير ڪل الاموازين
وحجه بصوت يخوفني اڪثر.
ضـرغام: عندج وڪت لحد ما يوصلون الشيوخ باجر فكري واحجيلي وبرريلي عملتج
ڪام من الجربايه وكضيت ايده بساع وكفت ويا
يمامه: واذا ماحجيت شنو يصير باجـر
ضرغام: إذا ما حچيتي راح تخلين أخوج يتبره منج والشيوخ يحكمون عليج وانـأ اعوف الشيخة باچر
شهگت وزادت دموعـي بزايد وحجيت...
يمـامه: لا تكولها والله ماريدن اسوي بيڪم هيج والله
ضـرغام: هاي الحقيقة جاي احجيها الج انـا تعبت وماعرف شلون اتصرف ويـاچ وماريد امدن ايدي عليج بعد اڪثر
وخر عني ودار من الصفحه الثانيه مال جربايه ولف راسه ونـام ماڪدرت ابتعد عن ضرغام اڪثر بزايد نمت ويا ع الجربايه وصرت بصفه ڪلش وهوه داير ظهره خليت ايدي فوكه وحضنته وخليـت راسي وره ضهره وهوه ع حطته ماتحرك ولاوخرني ولا ابتعد وهيج نمـت ع ريحته وغفيت لان هوه يمـي
فزيت ألصبح لڪيت ضـرغام داير عليـه وشابڪني بكل قوته بحيث مغطي وجهي كله بايده ڪوه افتح عيوني وهوه نايـم حاضني حيل عبالڪ يگلي شكد تعبنا حته ننام هاي نومه وتصيرين الي بس انـا جاي اخرب ڪلشي شكد اتمنى هسـه توكف الدنيا واضلن هيج بحضنه حركت راسي وهوه بساع ڪمز وشافني كاعده حسيته انصدم بساع وخر اديه عني حجيت بساع
يمامه: چنت حاضني وإنتَ نايم جنت بحضنڪ انـا
ضـرغام: أنتي نمتي يمي موش انـا
يمامه: انـا حضنتك من ظهرك بس أشو فزيت لڪيت روحي بحضنك
حسيته خجل أي والله اول مره اشوفن ضـرغام يخجل لان متعارڪين مايردني اعرف حاضني ونايم افتر يلبس ب الفالينه مالته ع الجربايـه وهوه يلبس حجه
ضـرغام: بعد لاتعيدنها
يمامه: امم
ضـرغام: مـوش عرسان جدد احنه
ضليت اضحك أي والله لان كاعده من الصبح نسيت ڪل همي
ضرغام: شبيج تضحكين
يمامه: عليك.
ضرغام: عليّ شنو ولج
يمـامه: البارحة تريد تعوف الشيخة واليوم من گعدت لزگت بيّه تدري شلون جنت حاضني خانكني خنكه
ضـرغام: لا تستفزيني من الصبح واسوي شي مايعجبچ
يمـامه: جنت حاضنييي حضنه نوب شنهي اريد اتنفس ماڪو
بسـاع انجريت وخلاني جوه وصار عينه بعيني ويباوعلي
ضـرغام: ها خنستي وصرتي دجاجـه جنت حاضنچ حيل مو
يمـامه: وخر ضـرغام اختنك هيج محد ڪلك احضنيييي شسويلك انـا أذا انت تحضن بي
وانـا بعدني جاي أحجي وبا............ ڪلش قوويه ضليت احرك براسي وهوه يب......... حسيت صدڪ اختنكت من بو....... ضليت اطك بي حته يوخر وخر وحجه
ضـرغام: هسه تردين أحجيلچ شـلون جنتي جوه أيدي
يمـامه: ضرررغاااام وخرررررررر
ڪام ضـرغام وحجه...
ضـرغام: من يوم تزوجنا لهسه، ما گدرت أتهنى وياچ
قهرتني ڪلش هاي حجايه وكمت وره وحجيت
يمـامه: يعني انت مامرتاح ويـاي؟
ضـرغام: ماذڪر من تزوجنا لسه حجيتي حجايه وحده حلوه ڪله مشاكل وعـرڪ مايوم تهنينه انتي ماتعرفين غير المشاڪل دم ابوج يمشي بيج بعد دورين مشاكل مثله
يمـامه: انـا مادور مشاڪل والله
ضـرغام:يمـامه انـااريد أگعد وياج بدون ما أفكر ومنو راح يحچي علينا وشراح يصير وشڪد جذبتي وشوكت جذبين
بقيت ساكتة ورجع حجه...
ضـرغام: أريد مرتي الـي مو كل يوميه مشڪله وسالفه
ذڪرت كل عذاب عشته هنا من بدايه زواجنـه وشلون امه اذتني وشلون هوه اذاني وندمني ع ڪل جذبه جنت ضامتها اخافن عليه وحرمني من اخواني سنه
يمـامه: من تزوجتك انـا هم ما تهنيت وشفت الويل وياڪ لايوم حضنتك ولايوم شميت ريحتك وانت حلالي
سكت مارد عليه ...
بس ما گلتلك يوم أنتَ ما خليتني أتهنى شسوي وضعنا وقسمتنـا هيچ
أبتعد وراح لڪنتور طلع اله ملابس يسبح وحجه
ضـرغام: لا تسوينها يمامة
يمـامه: شسوي؟
ضـرغام: لا تخلين كل حچي أڪولنه يتحول ضدي
ضحكت من ضيم ڪلبي...
يمـامه: انـاما حولت شي ضدك إنتَ بنفسك گلت
لو تحبني مثل محبتي الڪ ما گلتلي من تزوجنا لهسه ما تهنيت وياي وعبالڪ انا رايده هيچ
ظل يباوعلي وبعدين كال بعصبية.....
ضـرغام:تريدين الصدگ إي ما تهنيت لأن كلشي صار فوڪ راسي وكل مرة أحاول أحل سالفه إنتِ تسدين الباب بوجهي وهاي اليوم انـا رايح واعوفن الشيخه وأسمي واسم الشيخ إيهاب راح خسرتوني ابوي وخسرت هسه البخت
يمامه: ماردتتت هذا الشييي انـا محد گلك عوف البخت انت شيخخخ فاهم انت شيـخخخ
ضـرغام: جنت شيخ واليوم راح اطلع لاعڪال ولا أي شي وانطيها لغييري
يمـامه: انته شيخ شيخخخخ
ضـرغام: كتلج مو شيخ لا تعيدينها
تقربت عليه وصرت بصفه وحجيت...
يمـامه: انته شيخ ضرغام لاعبالك بهل سهوله تعوف ألشيخه
ضـرغام: لا انـا مو شيخ ولا أريد هالشيخة ولا أريد هالحچي كله
يمامة: بس الناس تشوفك شيخ وانت شيخهم
ضـرغام: يمامة لا تجبريني أگول كلام ما يعجبج
يمـامه: ڪول شتريد ڪول صدك شيخ وماخليك تطلـع بدون عڪال وعبايتك
دخل سبح وانـا حضرت اله العڪال والعبايه والسبحه والمحبس وخليتهن اله ع الجربايـه انتضرته يطلع من حمام بدلت انـا هـم وطلع هوه شاف الغراض
حجيت بساع انـا قبل لايحجي بشي....
يمـامه: ضرغام البس العگال والعباية حضرتهن الڪ
ضـرغام: يمامة لا تجبريني أعصب بيه مڪفيني
يمـامه: ضرغام إنت شيخ فاهم انت شيخخنا وشيخ هاي العشيـره
ضـرغام: لا تكولين شيخ كاااافي
يمـامه: انته شيخ شئت لو ما شئت بس البسها
وروح وبعدين سوي اللي تريده
حاولت اقنعه يلبسهن ويطلع بيهن لان هوه ألشيخ وشكد تعب حته يوصل هاي مرحله بس راح يخسر هسه ڪلشي والشيخه تروح شخص مايعرف الحق من الباطل بس مافاد ڪلشي وي ضرغام
عافني وبدل ومالبسهن
ركضت وراه انـا ومنزلتهن واصيح عليه دموعي بعيني....
يمـامه: تعالللل البسهننن والله ماتطلعع بدونهنننن ضرغام
ع أثر حجينه انـا ويا جوه سمعنا ألباب تفلش وصوت أسعد يصيح ضرررررغاااام
انصـدم ضرغام وانـا هم وڪف كلبي
يمـامه: هذا صووووت اسعد ضرغام صووووت اسعد
ضرغام: ميليي بله عن دربـي خلي اشوفن شنهي
فتح الباب ضرغام ودخل أسعد هايچ ويتعارڪون بالحديقـه ركضت انـا واسعد ماينفهم منه شي بس يصيح ويصـرخ
اسـعد: ولڪ معتبرككككك صاحبييييي واخووويي وتشمر عليه حجي البارحههه وتخابرررر تعوف ألشيخههه شنهيييي تريد تفضحنيي انـا بنص الديـوان
ضـرغام مافاهم أي شي وانا مافهمت شيييي ابتعد ضـرغام عن أسعد واسعد يريدد يضرب ضـرغام ركضت وكضيت ايد اسعد وهوه يدفعني وصاح بيه ضـرغام واصوتنا تعالت بنص الحديقـه
ضـرغام: وخخخخري يمااامهههه
اسعد: يمامة ما حچتلك ع اساس
ضرغام: شنو اللي ما حچتلي انتت شبيڪ واكف تصيححح وتهددد وتكلي مشمررر حجي انـا الشيخه اريد اعوفنهااا لان اختڪ ماتقبل تفك حلڪهـا وتحچي
يتعارڪون واحد يصيح ع الثاني وانـا حرت اوكف منو بس اسعد شلون شلون عرف ب مسره ففزني صوت أسعد
أسعد: وانتيي شلووون ضمييننن عليه هيججج شيييي شني مو رجال انـا شنيييي معتبرتنيييييي ولج
سطرني راجدي فر وجهي فـر والله وخدي اشتعل نـار جرني ضرغام وخلاني وره ضهره
ضـرغام: لا تمد إيدك عليها!
أسعد: لا تتدخل هاي السالفة مو إلك اختيييييي عسه ماموتهااا هسه ولج ضمممينن عليهه ولجج مافكرتننن بيهه
ضرغام قرب منه وصوته صار مخيف من العصبيه ودفعه من صدره وحجه.
ضـرغام: ولڪ ڪافييييي احترم نفسڪ هاي مرتي وهذا بيتي وانااا مسؤل عنها شنهي طڪهااا جدامي
اسعد يريد يوصلني ويگطعني بسنونه وضرغام مخليني وره ضهره ومايخلي اسعد يجيني وانا ماهامني شي بس شلون اسعد عرف وعباله ضـرغام يدري وساكت
ضرغام: ما تطك مرتي جاي اكلكككك لا ببيتها ولا ببيتك طڪها ولا بأي مكان هاي مرتي وهاي ام بيتي وإنتَ إذا عندك حچي احجي بس ماترفع ايدڪ
اسعد: انتت تدرررري موووو هاي مرتك كايتلڪ وماتكلوليييي ولك تدررييي وتشمتت بيه وراح تعوف الشيخه مننن وراناااا يمـامه ولج تحجين رجلج وماتحجينننن اخووووجججج
صيح ضرغام وخفت يتعارڪونن وانا بس ابجي مافكيت حلكي
ضرغام: اطلع من بيتي إذا ما تعرف تحچيييييي خبصتنييي ب السر ياسررررر هذاااا
ركضت من وره ضهر ضـرغام ورحت يم اسعد وحجيت بصوت عالي
يمـامه: ڪاااافيييييي ضـرغام مايعرففففف ماحجيتلهههه سوي بيه ڪلشييي بس صدكنييي ضرغام مايعرررف
ضلو ثنينهم يباعون الي وضرغام مصدوم واسعد عيونه تجدح
اسعد: مالج مڪان هنااا بعددد مالج مكانن تطلكيننن
يمـامه: انـا احبههه ضـرغام رجليييي وابو بيتييي ماتحرك وياك عتبت ألباب ماعوفنه أسعددد ضرغام مايدري والله مايدري وحككك العباس مايدري
كضيت ايده اسعد ثنينهن وابجي واحجي حسيت حمل نزال عني من عرف أسعد
يمـامه: صدڪنييييي مايعرففف والله مايعرففف خطيه تعبنا ل ضـرغام موتنـااا
ضرغام: جاي يصيرررر؟
تردون تموتوني انتوو ولڪمم احجوو شنهييي صـايررر انـا رايـح انطي الشيخه اذا تعرف شي يحل سمعتناا ويطلع اختك من هاي سالفه ڪـلييي
اسعد: طبي جوه يمـامه
يمـامه: لالا فدوه لاتجيبون سيره اختيييي لا فدوههه
صرخ بيه ضرغام
ضـرغام: ولجج دخلللييييييييييي
دخلنـي وضلو بره يسولفون واخر شي ركضت لديوانيـه فتحت ألشباك اريد اسممعهن يحجون لايجيبون طاري اختي بديوان وتنفضح بزايد ياربي سمعت ضرغام يڪول
ضرغام: اذكرو محاسن موتاڪم اسعد نروح للولد ونسحه ونجيبه لديوان ونريد نعرف ليش رجع هسه فتح موضوع ويطلععع يمامـههه من السالفههه
اسعد: امشينـاا ضرغام امشينااا وحك علي اذا جابو طارينا انعل ابهاتهم
يمـامه: ضـرغام لاتجيب طاري أختي فدوه رحتلگ ابوس ايدك ضرغام
رفع راسي وحجه
ضـرغام: من شوكت انا اجيب اعراض العالم بديوان يمام بس صدكي راح اخذ حكچ واجيبه بين ديوان واريدن اشوفن ياهو نبش بالموضوع واخلي يگول تسجيل قديم وانا هدتتهن سهله
يمـامه: دير بالك ع أسعد مايحمل هم بعد من يحجون ع اختي والله ينجلط لاتنفتح هاي سالفه
ضرغام: ماتنفتح بس ميلي عن دربي
طلعو ضرغام واسعد وانـا ماعرف حسّيت أخذوا وياهم روحي ضلّيت بمكاني، أباوع للباب اللي انسد وراهم وأنتظر يرجعون بأي لحظة ويكولولي إن اللي صار وانحلت بدون ماينزل راس اخواني والسر بعده مدفون والشيوخ اتمنى ماعرفو وماكلهم الولد إنا اغتصبت اختها بالي يم ضـرغام على مصيبه نزلت ع راسهم، على سمعتهم، على مكانتهم بين الزلم
خصوصًا ضرغام وهوه شيخ ويرفع راسه بيه وانـا مرته وعرضه مالي حل غير الانتضار والستر الله يستر حاشه الله يفضح عبده.
اخذت تلفوني وبساع اتصلت ع رنـا وكتلها شلون دره اسعد اذا اكو احد غيرنا يعرف معناها السر نفضح
رنـا: انـا حجيتله لان شكك بيه وعارڪني وراد يطلكج من ضرغام ويكعدج يمنه وشبعين القهر والضيم لان مايحاجونج اخوانج وكتله اختك هيج وهيچ واناجنت شاهده بدكتوره
يمـامه: گلش غلطتي رنـا غلطتي يوم حجيتي شلون تحجين
رنـا: جا اخلي بيتج ينهجم؟ وسمعتج تروح اذا ماتفكرين بيها انـا اريدلج الزينه ماريدلج العوجه ماريدج تطلڪين وانتي عاشگته ماماخذته ع كره وتردين تخلصين منه انتي تحبين ضرغام
يمـامه: رنـا والله ماشفتيهم شلون تعارگو ضرغام واسعد واسعد ضل يجاوز ع ضرغام
رنـا: وين راحو همه هسه
يمـامه: ماعرفن طلعووو مادري ماددري
رنـا: گافي بسج اوكفي ع حيلج يمـامه شدي حيلج يـلة ومن يجي رجلج حاجي بحجايه عدله وشوفي شصار لاتخافين
يمـامه: سسالم سالم شكال؟
رنـا: ماعرف حجاله أسعد وهم تعارڪو وطلـعو بس سالم ماراح وياهم ماعرف كبو كب البيت اشتعل من العرك والله لو شوفين إيهاب وادم كلبو الدنيا من البجي من يسمعون الصياح
يمـامه: يله رنـا گاتبه ربج يصير الله ڪريم خلي اكومن
وصدك سديت الخط وگمت سويت الغده وضليت ادك ع ضرغام ويرفضني ادك ويرفضني اخر شي دزلي رساله
ضـرغام: ڪاعد يم ألشيوخ لاتتصلين لا أجي اعلكچ من ذاناتج
يمـامه: الله يساعدگ
هز راسه ودخل بديوانيه رحت جبت اله المـاي البارد وسويت اله عصير برتقال وخليت فوكه ثلج وخليتهن. بصينيه ورحت خليتهن ڪدامه
اخذهن وشرب لان باردات وحجه
ضـرغام: ڪعدي كبالي
كعدت كبـاله واهز برچلـي.
ضـرغام: الولد ألي مسوي عملته ألسوده وي اختچ راح يطلع من الديـره واختج ماجبنه طاريها ولاحته هوه لان شماڪان ميته الها حرمه
يمـامه: رحمه واللديك لانگ ماذكرت مسره صار بيها هيچ
ضـرغام: لاتقاطعيني
سكتتورجع ڪمل.
ضـرغام: الولد ساگت ومامفكر يندك بيكم ويرجع يفتح الماضي لان هوه الغلطان بس ڪذالك الصوت مالتج جان يمه وهم ماجان مفڪر يستغلكم بي
بس هبـه وامها شلون طاحن بالولد وشلون عرفنه ولڪنه هاي شاطرتهن الشيطان يتعلم منهن
هنه ألي راحن وفتحن مواضيع قديمـه وڪالن اله اذا تعرف شي عن مرت ضـرغام نزل سمعتها واحنه بظهرك مايلوحك طشار وفعلا اخذ بحجيهم وصار ألي صار
وهبه وامها سون هيج حته مافضحهن واڪولن هبه مو اختي
من ڪال هيج ماعرف شحجي وشلون اوصف الصدمه وشلون خططن وسون هيج صدك الشيطان يتعلم منهن حجيت
يمـامه: حسبي الله ونعم الوكيل بيهن
ضـرغام: وحكچ انتي ينوخذ يجن هنا ويعتذرن منچ
يمـامه: شڪرا ياشيخ
ضـرغام: الولد جان شاد ظهره هم بخيـون حته يسڪطني ويسڪط عيلتي وعباله خيون انطي الشيخه وانزل راسـي. ومايكدر يكول سالفه الاغتصاب لان اذا خيون ڪال محد يقبل بي شيخ وهوه يعرف ومغطي ع سالفه والولد مايكدر يفك حلكه ويحجها لان يعرف مايصبح عليه صبح ويڪتلونه بمكانه
يعني أي انـا شيخ وباقي شيـخ.
ضليت كاعده اجذب اذا اڪولن مافرحانـه وبس اهز براسي واسمعه شيڪول
ضـرغام: الناس تحچي وتسكت لاتشيلن هَم الشيوخ يجتمعون ويفترگون. والشيخة بقت على راسي، وأتحملها بس إنتي محسوبه علـيه ومرتي وانـا أسف جن غلطت وياج واتهمتچ.
اذكرت من أتهمني عندي علاقه وي الولد ڪمت من يمه بساع وحضرت الغده صبيت بس اله وكله وحده ماريدن اكعد ويا ماعرف ليش. اتغده ونـام بديوانيه دخلت حته اطفي عليه الكلوبات حجه
ضـرغام: زعلانه يعني مو كتلچ اجيبهن واخليهن يتعذرن منج
ماجاوبته طفيت الضوه وطلعت من ألديوانيـه صعدت فوك بغرفتي اتصلت ع رنـا وحجينه
رنـا: زين ليش مبتعده عن الزلمه جا
يمـامه: اتذكر من عباله انـا خنته وانـا قبل لا اصير ع ذمته منعني اطلع لسوك وي اخواني وماطلعت لان شافني مره وماقبل
رنـا: هم حقه انتي جبتي الشك روحج
يمـامه: همم مارضه
رنـا: جا شتردين زلمه يبوس اديج وراسج حته ترضين هوه مو زين واعتذرلچ وانتي دستي بطنه
يمـامه: بعدين احاجيج
سديت الخط منها اذا مايبوس ايدي وراسي ف لا ارضه عليه شلون راد مني اعتذر من هبه وامها .
دخلت سبحت وخلـصت ونزلت العصر لڪيته بره بالحديقه ويرش ب الزرع ولان حديقتنا گلش جبيره اكو مخلين ڪعده مثل الشعبيه ومسكوفه يعني بالاخير عبالك غرفه بس مفتوحه وبيها كعدات وانـا دائما انضفها بس الزرع ع ضرغام يرش ب الحشيش والزرع دار وجه ولكاني بره وحجه
ضرغام: انـا ماطلع أليوم راح اضلن يمج
يمـامه: أي ضل شعلي
ضرغام: ااه؟
رحت وكعدت وجان حوالي المغرب يعني
جان ضرغام لابس بس فالينه وبجامه البيـضه ويرش سد الماي ودخل وانـا ضليت بره وره شويه وطلع جايب ألي واله عصير برتقال ومخليهن بصينيه وڪعدت بصفي
ضرغام: هذا ألج شربي عصرته بأيدي هم
اخذته منه وضليت اشرب وهوه هم يشـرب خله ايده وره الظهري والكعده الشعبيه وانـا هم بصفه
ضرغام: بعدج زعلانة
يمامه: أي
رفع حاجبه.
ضـرغام: شكد؟
يمـامه:زعلانه من ڪالو الك شيوخ طلكها حسيتك تريد صدك طلكني
ضـرغام: أي اعرف هيج فكرتي
يمـامه: حقي افڪر هيج
ضـرغام: يمـامه انـا زلمه ومن أگول كلمة وأنا معصّب، مو معناها ڪلشي اكوله صح
وإذا جرحتج وانقهرتي بسبب هاي الحجايه انـا أعرف شلون أصلح جرحي
سويت حركات الطفال واريد اعرف شلون
يمـامه: شلون تراضيني؟
ابتسم إلي وڪال
ضـرغام: خليها عليّ وصلنا هيچ مانوصل لصلح
يمـامه:ـ لا، أريد أعرف بله شلون
ضل ساگت صافنه وهوه صافن هوه غلط وانا غلطتي اڪبر غلطت لان سككتت لو ما رنـا حجت جان اليوم ضـرغام عايف الشيخه وانا ساكته ويضل يفكر وحقه حجيت
يمـامه: مشتاكتلك
ضـرغام: مشتاكتلي؟
هزيت راسي مرة ثانية.
ـ إي
ابتسم ابتسامة هادئة
ضـرغام:ـ هاي شلون تجي زعلانه ومشتاگه
نزلت عيوني بخجل وستحيت
يمـامه:ـ ما أدري
ضرغام مد إيده إلي حته يحضني
ضـرغام:ـ تعالي.
يمـامه:ـ بعدني زعلانة
ضـرغام:ـ تعالي وانتي زعلانة عادي لا تسوين روحج بريئة وياي
تقربت وجرني بحضنه ويشم بشعري حيل وانـا وجهي صار بركبته وحضنته وضليت هيج ونوب نمت ع ڪتفه وهوه كاعد ونحجي
يمـامه:ـ من تعصب، أخاف منك
ضـرغام:ـ منّي؟
هزيت راسي
يمـامه:ـ مو خوف... يعني... أخاف من حچيك وصياحك
ضرغام: مانطي بيج صدڪيني لاانطي بيج كدام غريب ولاقريب أليوم طلعتچ من ألسالفه ونعل ابهاتهم الج
يمـامه:ـ يمكن لأنك تشفق عليّ وتگول خطيه
تغيرت ملامحه فورًا وعصر زندي حيل وكرصني وانا نايمه ع جتفه وڪال
ضـرغام:ـ لا تعيدينهااا
يمـامه:ـ شنو؟
ضـرغام:ـ كلمة شفقه انـا ما أشفق عليج انـا أحبچ.
كمنه انـا ويا وتعشينه وصلينه وخلصنا ڪلشي وصعدت فوڪ هوه بعده كال اقفل البيبان واصعـد
رحت لبست الدشداشة المزنده ع ڪولته ودخل عليـه جان الڪلوب مشتغل وهاي فضيحه من ڪد ماخفيفه
يمـامه:ضـرغام غيرر دك باب طفييي الضوه
ضـرغام: تستحين مني؟
هزيت راسي
إي
ضـرغام: بعدج؟
يمـامه:ـ إي.
ضرغام ضحك بهدوء.
ضـرغام:ـبعد كل هاللي صار، وبعدج تستحين مني
يمـامه: شلون لا أستحي وإنتَ تباوع طفييي الضوه الله عليڪ
ضـرغام:ما گلت شي بس اباوع
بساع ركضت لضوه وطفيته ضل الڪلوب الخفيف ونمت ع الجربايه لفيت روحي لان ملابسه خفيفه
يمـامه:بس شفتني شلون ماستحي
ضـرغام:إي شفتج
وضل يضحك عليه شلون مغطيه روحـي
ضـرغام: شنو بردانـه
يمـامه:لا
ضـرغام: خليج هيج دائما
يمـامه:ششلون يعني
ضـرغام:أحب أشوفج تستحين مني
ڪعد يمي وبـاسني وباس ايدي وانا كذالك بسته وضيعت ويا وبلمساته الحنونه وشكد خاف عليه
ضليت حاضنته ونايمه ودموعي تصب ع خـدي وانـا اتذكر شكد راحن سنين من عمرنـا واحنـه كضيناها بس قهر ومشاگل رجعت حضنته وبسته وهوه نايـم مايدري بروحه وحاضني صارت ألساعـه بَ2الفچر وحسيت طابوكات تشمر ع شباك غرفتنا كانما واحد بحديقتنا ويشمر ع غرفتنا فز ضرغام بساع مخترع غطانـي ب الحاف بساع علمود جسمي وبساع وخرت لبست ملابسي أريدن اشوفن شگو نزل ضرغام قبلي مختـرع وهوه يصيح عليه لاتنزلللليييننن
نزلت وانا خايفه ياربي بردنـا وسلامـه طلع ضرغام وانـا بعدني بالممر أمشي وانصـدم بالي أسمعه صـوت ومنو وصريخ مـنو وسمعت صـوت راجدي الي وصلني صوته وانـا واگفه بعدني ماطالعه.....
حبيبات گلبي عذرني على تأخير بس والله ضرفي صعب كلش وكوه كدرت اكتب البارت الكم خالي بعده ترابه ترف وبعدنه مامتخطين الي صار كسرتنه الجبيره واتمنى تفتهمون ضرف الي بي كل بشر يمر بهيج ضرف والله يخلي الكم اعزاز كلبكم ولايراويكم مكروهم محبتكم شمس السعد...
شكرا لزيارتكم عالم روايات سكيرهوم
