رواية الميراث واللعنة الفصل الثالث والاخير
بعد لما اغمي عليا وفوقت حاولت أفتح عيني بالعافية ولقيت نفسي على الأرض وفضلت أبص حواليا ولقيت ورقة الطلاق جنبي
سهر
هو إيه اللي سمير عمله فيا ده معقول يطلقني ده أنا كنت طول عمري بحبه وبعمل له كل اللي هو عايزه وكنت معادية إخواتي بسببه ووقفت في وش كل واحد كان بيحذرني منه وفي الآخر يعمل فيا كده أنا مش عارفة أعمل إيه دلوقتي ولا أروح فين وأجي منين يا رب أنا عملت إيه في نفسي عشان يحصل لي كل ده
وفضلت أعيط وأنا ماسكة الورقة ومش قادرة أصدق اللي حصل وعند ناهد ومحمود جوزها
ناهد
يعني برضه مش ناوي تاخد الفلوس يا محمود
محمود
إنتي عارفة موقفي يا ناهد وأنا مش هينفع آخد الفلوس دي منك لأني مقدرش آخد فلوس من مراتي
ناهد
وأنا إيه وفلوسي إيه يا محمود هو مش أنا وإنت واحد برضو وفلوسي هي فلوسك
محمود
معلش يا ناهد إنتي عارفة إن كرامتي فوق كل شيء وأنا ما أقدرش آخد حاجة متعبتش فيها
ناهد
خلاص يا محمود اللي إنت عايزه يا حبيبي اعمله انا مش هضغط عليك
محمود
أنا عارف إن إنتي عايزة تساعديني وعارف إن إنتي عايزة توقفي معايا بس أنا يا حبيبتي مبسوط كده وبعدين دي فلوسك وشوفي إنتي نفسك تجيبي إيه وهاتيه وما تشغليش بالك بيا وبعدين أنا قولت لك قبل كده أنا الحمد لله مكفيكي وعمري ما خليتك محتاجة حاجة
ناهد
لا طبعا يا حبيبي إنت عمرك ما حرمتني من حاجة بس أنا بس بقول يعني أنك تكبر شغلك
محمود
لا أنا كده تمام ولو احتاجت يا ستي في أي وقت هبقى أقول لك
ناهد
ماشي يا محمود اللي يريحك
وفجأة تليفونها رن وكنت أنا اللي بتصل بيها
ناهد بقلق
في إيه يا سهر مالك يا حبيبتي بتعيطي كده ليه
سهر
الحقيني يا ناهد أنا عايزاكي تيجي لي دلوقتي حالا
ناهد
في إيه بس يا بنتي إيه اللي حصل احكي لي
سهر
لما تيجي هحكي لك كل حاجة تعالي لي بسرعه عشان أنا محتاجالك أوي
ناهد
طيب طيب أنا هاجي لك دلوقتي اقفلي وأنا هاجي لك حالا
وقفلت معايا ومحمود قلق وقالها
محمود
ايه ده هو في إيه يا ناهد اختك مالها
ناهد
مش عارفة يا محمود سهر مالها عمالة بتعيط كده وحاسة إن في حاجة أنا هروح لها
محمود
طيب تحبي أجي أوصلك ولا حاجة
ناهد
لا لا خليك إنت أنا هروح أشوف مالها لأنها شكلها تعبانة قوي وبتعيط جامد
محمود
طيب لما توصلي عندها ابقي طمنيني عليها
ناهد
ماشي حاضر
وبعدها ناهد نزلت من عندها وبسرعه وصلت عندي ودخلت لقتني قاعدة على الأرض وبعيط
ناهد
ايه ده سهر في إيه يا سهر مالم عامله كده ليه
بصيت لها وأنا دموعي بتنزل أكتر وقولت لها
سهر
شوفتي الندل عمل فيا إيه يا ناهد الواطي الجبان
ناهد
هو مين ده يا سهر
سهر
سمير جوزي تصوري إنه أخد الفلوس اللي أنا كنت جايباها له من القرض اللي أنا هدفعه وبعدين سابني وطلقني غيابي وبعت لي ورقة طلاقي
ناهد
انتي بتقولي ايه طلقك طيب وايه حكاية انك اخدتي قرض ده وليه أصلا أمال الورث بتاعك راح فين
سهر
ما هو كان واخده قبل كده عشان يعمل مشروع وقال لي إن الشنطة اتسرقت منه وبعد كده خلاني أجيب له قرض وبعدين خد الفلوس وراح طلقني
ناهد
وإنتي يا فالحه لما هو قال لك إن الفلوس اتسرقت منه صدقتيه إنتي طيبة قوي يا سهر والله
سهر
أمال كنت عايزاني أعمل إيه يعني يا ناهد أنا كنت فاكرة إن سمير بيحبني زي ما انا بحبه وإنه مستحيل يعمل فيا كده
ناهد
أكيد هو سرقك في المرتين يا هبلة وإنتي إزاي تعملي كده وتروحي تجيبي قرض على نفسك والقرض ده بكام بقا أن شاء الله
سهر
القرض بمبلغ كبير قوي يا ناهد وأنا مش عارفة أعمل إيه ولا هسده إزاي
ناهد
انا مش عارفة اقولك إيه بس إنتي لازم تتصرفي وتبلغي عنه ضرورى
سهر
أبلغ عنه ازاي وهو ما لوش دعوة بحاجة القرض انا جبته علي نفسي باسمي
ناهد
معقولة يعمل فيكي كل ده بعد كل اللي إنتي عملتيه عشانه ده إنتي كنتي بتتخانقي معانا لما كنا بنقول لك إنه إنسان وحش ونجيب سيرته بحاجة
سهر
أنا ندمت يا ناهد ندمت والله حقك عليا ما تزعليش مني أنا عارفة إني كنت باجي عليكي كتير إنتي وأسماء بس والله أنا مش عارفة أعمل إيه دلوقتي
ناهد
طيب اهدي يا حبيبتي وإن شاء الله ربنا هيحلها وما تزعليش ولا تخافي من حاجة وإحنا مش هنسيب حقك يضيع أبدا
وفي بيت اسماء رجع إسلام جوزها من عند اخته وكان باين على وشه إنه متضايق ومخنوق ولقي اسماء قاعدة مستنياه ولما شافته قامت من مكانها
أسماء
إنت كنت فين يا إسلام وسايبني من الصبح وما قولتليش إنت ناوي تعمل معايا إيه انا عايزة اعرف انا مصيري إيه
إسلام
بقول لك إيه يا أسماء أنا مش عايز أشوف وشك قدامي ومش عايز أتكلم معاكي ولا كلمة وابعدي عني وسبيني لوحدي
أسماء
هو في إيه بس يا إسلام طب خلينا نتكلم مع بعض يمكن نفهم بعض ونعرف هنوصل لايه
إسلام
مفيش كلام بيني وبينك لو سمحتي ابعدي عني وملكيش دعوة بيا أنا محتاج أقعد لوحدي شويه
أسماء
حاضر يا إسلام أنا هسيبك ولو عايزني امشي دلوقتي همشي وأسيب لك البيت
إسلام
ما تمشيش وخليكي قاعدة هنا إنتي هتمشي تروحي فين
أسماء
يعني إنت عايز إيه يا إسلام عايزني أمشي ولا هتطلقني ولا مش هتطلقني ولا إيه بالظبط
إسلام
انا لسه بشوف أنا هعمل معاكي إيه ولو سمحتي من هنا لحد ما قرر مش عايز أشوفك قدامي خالص
وبعدها سابها ودخل أوضته وقفل على نفسه وبعد شوية جات له رسالة جديدة وصلت له ولما فتحها اتصدم لما لقى صور اسماء اتبعتت له
إسلام
يا ابن الكلب بقى توصل بيك الجرأة إنه تبعت لي الصور دي طيب والله لاوريك وأخليك تندم على اللي عملته
وقعد شوية وبعدها نزل لتحت عند أمه وهو داخل من الصالة سمع امه بتتكلم مع مدحت في التليفون
الحما
أيوه كده يا مدحت عفارم عليك إنت كده عملت اللي أنا عايزاه بس أنا ما سمعتش لا صوت خناق ولا حاجة إنت مش بتقول إنك لسه باعت له الصور مش سامعاهم بيتخانقوا على حاجة فوق
مدحت
عيب عليك يا ست الكل الصور وصلت له وهو شافها كمان بس هو ما ردش عليا
الحماا
أنا مش عارفة الواد ده إيه هو مش ناوي يطلقها ولا إيه
مدحت
إنتي اطمني أنا عملت بالاتفاق اللي إحنا اتفقنا عليه وكل حاجة وصلت له زي ما طلبتي
الحما
ايوه صح انت عملت باتفاقي معاك بالظبط فاكر لما جيت لك محل الموبايلات
#فلاش بااااك
الحما
ازيك يا مدحت عامل ايه يا واد بقولك ايه أنا عايزاك في خدمة
مدحت
خدمة إيه يا ست الكل اؤمريني
الحما
انا عايزاك تكلم مراتي ابني وتاخد منها صور ليها وبعد كده تهددها بالصور وتاخد منها الفلوس بتاعة ورثها
مدحت
إزاي الكلام ده مش هينفع وبعدين أحسن تبلغ عني ولا حاجه لا يا حجه انا مليش في الليله دي
الحما
لا مش هتبلغ عنك متخافش وبعدين ايه اللي ملكش في الليله دي هو انت فاكرني يا واد مش عارفه انت بتعمل ايه بالهكر اللي بتعمله في تليفونات البنات
مدحت
انتي عرفتي الكلام ده منين بس
الحما
عرفت من مكام ماعرفت وبعدين هي هتكلمك عادي وإنت كمان كلمها عادي وعايزاك تهددها بالصور وتاخد منها فلوس الورث وخلاص كده
مدحت
يعني إنتي متأكدة انها هتوافق
الحما
أيوه متأكدة وبعدين انت وشطارتك وساعتها لما تتكلم معاها هي هتتجاوب معاك
مدحت
بس أنا قلقان من الموضوع ده
الحما
قلقان من إيه يا واد مفيش حاجة تقلق إنت بس اعمل اللي أنا بقول لك عليه بالضبط
مدحت
ماشي وانا تحت امرك حاضر
#بااااك
وبعد لما اسلام سمع الكلام اللي امه قالته لمدحت في التليفون وفجأة دخل عليها
إسلام
بقى إنتي اللي عملتي ده كله في مراتي حرام عليكي ليه كده يا أمي ليه تعملي كده
الحما بصدمه
اسلام ااا هو انت هنا ااا استنى بس يا إسلام واسمعني الأول انا هاقولك ايه
إسلام
إنتي لا يمكن تكوني أم أنا مش عارف إزاي تعملي في ابنك كده وفي مراته أنا مش مصدق اللي أنا سمعته حرام عليكي يا أمي حرام عليكي
الحما
يا ابني أنا بس كنت عايزة مصلحتك وكنت عايزة أخلصك منها دي بت فقر وانا من يوم لما هي دخلت البيت وانا مش طيقاها
إسلام
تقومي تدمري حياتي وتخلي مراتي تتبهدل بسببك إنتي مش عارفه إنتي عملتي فيا وفيها ايه ليه كده
الحما
طيب اسمع بس يا اسلام
إسلام
أنتي عندك ايه عايزة تقوليه تاني بعد اللي سمعته انا من النهارده مش هقعد في البيت ده
الحما
يعني إيه هتسيبني وتمشي يا إسلام
إسلام
أيوه هسيب لك البيت وأمشي ومش هقعد معاكي هنا ولا دقيقة واحدة انا هاخد مراتي ونروح نعيش في مكان تاني
وبعدها خرج إسلام من البيت وبعدها عدت الايام وانا كنت بحاول أرجع أعيش حياتي لحد في يوم لقيت المحامي بتاع العيله جاي عندي
المحامي
البقاء لله يا مدام سهر الاستاذ سمير اتوفى في حادثة وأنا جاي أبلغ حضرتك إن فيه إجراءات لازم تتعمل علشان تروحي تستلمي الفلوس اللي موجودة في البنك لأنها ورثك من المرحوم
سهر بصدمه
انت بتقول ايه يا متر سمير مات
المحامي
أيوه يا مدام سهر وربنا يرحمه ويصبرك
وبعد لما مشي فضلت قاعدة لوحدي وأنا مش عارفة أفرح ولا أزعل ولا حتى أصدق وبعدها كلمت ناهد
ناهد
ألو ايه يا سهر في مالك كده صوتك غريب هو في حاجة حصلت تاني ولا إيه
سهر
سمير مات يا ناهد جالي خبر إنه اتوفى في حادثة وأنا المفروض أروح أستلم الفلوس اللي في البنك اكيد دي الفلوس اللي هو سرقها مني
ناهد
شوفتي ربنا جاب لك حقك إزاي يا سهر مش انا قولت لك ان ربنا مش هيسيب حقك يضيع
سهر
بس أنا ما كنتش أتصور إن ده اللي يحصل يا ناهد وما كنتش عايزاه يموت أنا كنت عايزة ربنا ينتقم منه بس
ناهد
إنتي لسه بتحني ليه بعد كل اللي عمله فيكي خلاص بقى انسيه هو كده خلاص مات أهو وفلوسك هترجع لك والفلوس دي طبعا اللي هو كان واخدها منك إنتي بقا تروحي تاخديها وترجعيها للبنك عشان ما يبقاش عليكي حاجة وتبدأي حياتك من جديد
سهر
أيوه أنا فعلا هعمل كده عشان أنا مش عارفة أنام وأنا عليا فلوس للبنك وخايفة في أي وقت يجوا ياخدوني بسبب القرض ده وأنا عايزة أخلص من كل ده وأعيش من غير خوفوولا قلق
ناهد
وده أحسن قرار هتعمليه يا سهر انا عايزاكي تقفلي الصفحة دي خالص وتبدائي من جديد وربنا يعوضك عن كل اللي شوفتيه
وبعدها بدأت أركز في حياتي وشغلي وبحاول أصلح كل حاجة اتكسرت جوايا
وعند إسلام كان قاعد مع أسماء
إسلام
إحنا هنمشي من البيت ده يا اسماء هنروح نعيش برة انا لقيت شقة في مكان كويس
أسماء
ليه يا إسلام هو في إيه وعايزنا نمشي من هنا ليه
إسلام
بقولك ايه من غير كلام كتير انتي تسمعي الكلام وتلمي حاجتنا من سكات عشان انا مش هفضل هنا تاني
أسماء
طب وإنت سامحتني يا إسلام
إسلام
سامحتك عشان عرفت إن اللي حصل كان غصب عنك انت اه غلطتي بس برضو الغلط اللي انتي عملتيه عملتيه ساعة شيطان
أسماء
ربنا يخليك يا حبيبي والله أنا فعلا ما كنتش عارفة إيه اللي حصل لي ده وكان غصب عني صدقني حقك عليا انا اسفه
إسلام
خلاص يا أسماء خلاص ننسى اللي حصل ونبدأ من جديد بس أوعديني إنك ما تعمليش أي حاجة غلط تاني
أسماء
والله العظيم يا إسلام عمري ما هعمل حاجه وهنسى كل حاجة ومش هعمل أي حاجة غلط تاني وهحافظ عليك وعلى بيتنا
وبعدها فعلا لموا حاجتهم وخرجوا من البيت وعند مظحت في المحل الحكومه راحت له
الظابط
انت مدحت محروس
مدحت بارتباك
ااا ايوه يا باشا انا مدحت هو في حاجة ولا ايه
الظابط
اه انت مطلوب القبض عليك بتهمة استغلال المحل بتاعك في تهكير موبايلات الستات والاطلاع علي اسرارهم
مدحت
ايه الكلام ده يا باشا ده كدب محصلش كده أبدا
الظابط
بقولك ايه ياض انت تعالي معانا من غير شوشرة يلا قدامي
واتقبض علي مدحت ودخل السجن
وأنا بدأت أركز في شغلي وأحاول أرجع أقف على رجلي من تاني بعد ما رجعت الفلوس للبنك ومبقاش عليا حاجه
وناهد ومحمود كانت ناهد فرحانه لما عرفت إنها حامل
ناهد
أنا حامل يا محمود الحمد لله اخيرا ربنا هيرزقنا بالطفل اللي كان نفسنا فيه
محمود
بجد يا ناهد الف مبروك يا حبيبتي وربنا يتمم لنا على خير يا ناهد ويخليكي ليا وما يحرمنيش منك أبدا
ناهد
ويخليك ليا يا حبيبي متعرفش انا فرحانه اد ايه اانا لازم اكلم اخواتي وافرحهم بالخبر ده
محمود
طبعا يا حبيبتي لازم تكلميهم واعزميهم عندنا كمان ونتجمع كلنا مع بعض
وفعلا بعدها اتجمعنا كلنا في بيت ناهد اختي وبقينا فرحانين واحنا كلنا خايفين علي بعض
تمت بحمد الله
