رواية ابويا جوزني عرفي الفصل الثالث والاخير
مازن كان واقف عند الشباك بيبص على البحر وبعدها لف ناحية نادين وقال لها
مازن
اعملي حسابك ان احنا هننزل النهارده عشان نتغدى في المطعم اللي تحت وبعد كده لو حبيتي نتمشى شوية
وبعدها نزلوا المطعم هما الاتنين ومكانش في غيرهم ونادين بصت له باستغراب
نادين
هو أنا مستغربة حاجة هو ليه الفندق ده كبير كده ومش شايفة حد خالص غيرنا
مازن
علشان أنا لما بكون جاي هنا مش بحب يكون في حد موجود وبفضل المكان كله ليا
نادين بصت حواليها وقالت
نادين
يا سلام وليه بقى إن شاء الله
مازن
ما انا قولت لك هو إنتي إيه ما بتفهميش
نادين
لا بفهم طبعا بس اللي إنت بتعمله ده غلط يعني إزاي يبقى عندك فندق طويل وعريض زي ده وتفضيه عشان حضرتك تقعد تاكل براحتك
مازن
بقول لك أنا كده وما بحبش حد يسألني كتير عن حالي أنا بحب أعمل اللي أنا عايزه وقولت لك لما بنزل هنا بيكون المطعم كله فاضي ومابيخلوش أي جيست هنا خلاص فهمتي كده
نادين
فهمت بس ليه الملل ده وإنت مش حاسس إن الدنيا كده ملل
مازن
ملل إزاي يعني
نادين
أنا حاسة إن الساحل هنا هادي زيادة عن اللزوم ومافيش روح ومافيش ناس وإنت عايز تبقى لوحدك طيب تبقي فسحة إزاي
مازن
أمال إنتي عايزة إيه بالظبط
نادين
إيه رأيك لو نروح إسكندرية
مازن باستغراب
إسكندرية إسكندرية إيه دي اللي بتاعة الناس الفلاحين دي
نادين
يا سلام يا سلام ومالهم بقى الناس الفلاحين إن شاء الله على فكرة دول بني آدمين وربنا خلقنا كلنا سواسيه وبلاش العنتزة دي
مازن
بقول لك إيه إنتي هتقعدي تاكلي وإنتي ساكتة ولا لأ
نادين
لا مش هسكت وهتقوم دلوقتي توديني إسكندرية
مازن
إنتي مجنونة
نادين
أيوه مجنونة يلا بينا نطلع على إسكندرية ده أنا هناك بقى هاكلك أكل عمرك ما أكلته هو انت أكلت كشري قبل كده
مازن
لا ما أكلتش كشري قبل كده
نادين
خلاص تعالى بقى وأنا هأكلك الكشري اللي على حق
مازن
إنتي باين عليكي مجنونة ولا إيه أنا بقول لك أنا بحب آكل في هدوء
نادين
وأنا ما بحبش آكل في هدوء وبحب اللمة والهيصة يلا بينا
مازن بص لها شوية وهو مستغرب من إصرارها وبعدها مسك مفاتيح العربية وقال
مازن
طيب يلا يا ست علي إسكندرية نشوف آخرتها معاكي إيه
وبعدها خرجوا من الفندق وركبوا العربية وبعد شويه وصلوا إسكندرية ونزلوا عند الكورنيش ونادين كانت فرحانة وهي بتبص للناس والبحر
نادين
شوفت الناس ماشية إزاي وحلوين إزاي مع بعض مش عمال تقول لي الساحل الساحل والدنيا هوس هوس لا هنا أحلى
مازن
أنا مش عارف أنا إزاي ماشي وراكي كده
نادين ضحكت
عشان إنت نفسك تعمل كده بس بتتكبر وعامل نفسك انك عايز تعيش لوحدك وأنا بقى هعلمك يعني إيه تعيش وسط الناس
مازن
طيب هنروح فين دلوقتي
نادين
هنروح عند بتاع الكشري
مازن باستغراب
بتاع الكشري
نادين
أيوه تعالى نروح مطعم كشري
وفعلا دخلوا المطعم وقعدوا وطلبت نادين الأكل وبعد شوية وصل الكشري وبدأ مازن ياكل وهو في الأول كان متردد وبعد كام معلقة بص لها وقال
مازن
ايه ده تصدقي طلع طعمه حلو
نادين
مش أنا قولت لك
مازن
لا فعلا هو طعمه حلو قوي
نادين
طيب أنا كنت عايزة أتكلم معاك في موضوع
مازن
خير
نادين
إنت ليه بتعامل مامتك بالطريقة اللي بتعاملها بيها دي
مازن
ليه هي اشتكت لك من حاجة ولا إيه
نادين
لا هو انا شايفه بعيني ومش المفروض إن دي والدتك والمفروض عليك إنك تعاملها معاملة كويسة وتحترم خوفها عليك بدل ما كل شويه تزعلها
مازن
وأنا مش بحب حد يقولي اعمل ايه ومعملش ايه لان دماغي كده
نادين
لا بس إنت لازم تتغير ما ينفعش تفضل كده على طول
مازن
هو أنا إيه اللي بيخليني أسمعك وإيه اللي بيخليني أمشي وراكي أنا مش عارف بجد
نادين
عشان إنت عايز تتغير بس إنت اللي مكابر
وبتعاند
مازن سكت وبص ناحية البحر من بعيد وكلامها فضل في دماغه وبعد شوية نادين ابتسمت وقالت
نادين
إيه رأيك نروح ناكل آيس كريم
مازن
كمان آيس كريم
نادين
أيوه آيس كريم أمال إيه هي إسكندرية دي تحلى من غير أكل الآيس كريم تعالى تعالى
مازن
إنتي مش بتتعبي أبدا
نادين
ولا هتعب ولا حاجة يلا بينا
وفي الوقت ده كانت أميرة في بيتها ولقت تليفونها بيرن فردت وقالت
أميرة
ألو ايه الأخبار يا حمدي
حمدي
يا مدام أميرة الباشا في إسكندرية
أميرة
في إسكندرية وإيه اللي وده إسكندرية بقا
حمدي
مش عارف بس هو في إسكندرية وبيتفسح هو والهانم اللي معاه
أميرة بعصبية
آه هي البنت المعفنة اللي هو اتجوزها دي خلاص بقت هانم طيب طيب يا حمدي اقفل إنت دلوقتي
حمدي
حاضر يا مدام أميرة
وقفلت أميرة المكالمة وبصت قدامها بغضب وقالت لنفسها
أميرة
ولا عال بقا بتتفسح في إسكندرية ماشي يا مازن أنا وإنت والزمن طويل أما وريتك ماأبقاش أنا اميرة
وبعدها قامت من مكانها وهي مصممة إنها تروح وراه إسكندرية وتعرف هو بيعمل إيه هناك وازاي البنت دي بدأت تأثر عليه كده
ومازن كان ماشي مع نادين على الكورنيش وبياكلوا آيس كريم
نادين
ايه رايك بقا في الجو ده عرفت بقا إن الدنيا مش كلها شغل وفلوس
مازن بص لها وابتسم ابتسامة خفيفة وقال
مازن
واضح إن الرحلة دي مش ناويه تخلص
نادين
تخلص ده إيه دي احنا لسه البداية
مازن بص لها وسكت ومبقاش عارف هو ليه بيعمل معاها كده وبعد لما خلص مازن ونادين يومهم في إسكندرية رجعوا الفندق اللي كانوا حاجزين فيه وقعدوا شوية في الكافيه ومازن لاقي أميرة رايحه عليه وبص لها باستغراب
مازن
إيه ده إنتي إيه اللي جابك هنا يا عمتي
أميرة
إنت اللي ايه جابك إسكندرية يا حبيبي بعد ماكنت في الساحل
مازن
وانتي عرفتي إني كنت في الساحل كمان وجيتي ورايا هنا إسكندرية
أميرة
أبدا يا حبيبي أصل أنا كنت جاية بالصدفة ولقيتك هنا في إسكندرية
مازن
لقيتيني هنا ولا الناس اللي إنتي مشياهم ورايا هما اللي قالوا لك إني هنا يا أميرة
هانم
أميرة بتوتر
ناس مين يا مازن إنت بتتكلم عن إيه بالظبط
مازن
الناس اللي إنتي مشياهم ورايا وبيبلغوكي بكل خطوة بعملها ولا إنتي فاكراني نايم على وداني المهم انك إنتي عارفاني كويس وعارفة إني لما بشك في حاجة بعرف أوصلها
أميرة
اسمع يا مازن أنا مش جاية هنا عشان أعمل معاك مشكلة أنا عايزاك تدخلني في موضوع الصفقة الجديدة وتديني حقي
مازن
إنتي عايزة الصفقة ليه يا عمتي وبعدين إنتي رحتي الشركة ورحتي لمدير الحسابات عشان تشوفي الحسابات وعلى فكرة أنا رفدته
أميرة
وأنا مالي يا مازن ما ترفده ولا تعمل اللي انت عايزة انا مالي بكل ده أنا بتكلم معاك في موضوع تاني خالص
مازن
وإنتي بقا عمالة بتلفي وبتدوري على إيه يا عمتي إنتي عايزة إيه بالظبط
أميرة
عايزة حقي يا حبيبي مش أكتر
مازن
حقك في إيه
أميرة
حقي في ورث أبوك هو مش ابوك ده برضو يبقا أخويا
مازن
لا بس إنتي مالكيش حاجة لأن أنا ابنه وأنا اللي ورثت كل حاجة عنه وهو اللي كاتب لي كل حاجه
أميرة
بس أنا كان ليا برضو نصيب مع أخويا ومش معنى إنك ابنه إنك تاخد كل حاجة وتنساني
مازن
نصيب إيه اللي إنتي بتتكلمي عنه وبعدين ده إنتي كل طلباتك مجابة وكل شهر بيوصلك مبلغ محترم من غير ما تطلبي حتى إنتي عايزة إيه تاني
أميرة
عايزة نصيبي في الشركة يا مازن عايزة يبقى ليا كلمة واسم مش مجرد مبلغ بتبعتهولي كل شهر
مازن
بس إنتي مالكيش نصيب عندي يا عمتي
أميرة
بقى كده يا مازن بقى دي آخرتها بعد كل اللي عملتهولك
مازن
أيوه يا عمتي وأنا مش هتكلم تاني في الموضوع ده ويا ريت ماتجيش ورايا ولا تتكلمي معايا فيه تاني وتبطلي تخلي رجالتك يمشوا ورايا ويراقبوني إنتي سامعة
أميرة
بقى كده طيب ماشي يا مازن براحتك
وسابتهم أميرة ومشيت وهي متضايقة ونادين بصت لمازن وقالت
نادين
هي الست دي عمتك بجد
مازن
أيوه هي
نادين
يعني هي دي اللي كانت بتقومك على مامتك مش كده
مازن باستغراب
إنتي عرفتي الموضوع ده منين
نادين
عرفت وخلاص واكيد انت عرفت دلوقتي هي كانت بتعمل كده ليه وأظن إنها بانت على حقيقتها لما جات لك هنا وفضلت تطالبك بحقها
مازن
إنتي قصدك إيه
نادين
قصدي إن عمتك أصلا عايزة تخرب حياتك واللي هي بتعمله ده مستحيل تكون بتعمله عشان مصلحتك ومستحيل تكون خايفة عليك بالشكل اللي كانت بتقولهولك
مازن سكت شوية وبص قدامه ومردش عليها
نادين
يا مازن لازم تعرف عدوك من حبيبك ولازم تعرف إن مهما حصل مامتك هي أكتر واحدة هتخاف عليك ومحدش هيخاف عليك قدها فبلاش اللي إنت بتعمله معاها وخلي معاملتك ليها كويسة لأنها فعلا تستحق منك الاحترام والاهتمام
مازن فضل ساكت وكلامها اثر فيه بس ماحبش يبين لها أي حاجة وبعد شوية بص لها وقال
مازن
اعملي حسابك إن إحنا هنسافر بكرة على مصر أنا لازم أرجع وأشوف الدنيا في الشركة وصلت لإيه
وتاني يوم صحيوا بدري وجهزوا شنطهم ونزلوا من الفندق وبعدها وصل نادين الفيلا وراح مازن على الشركة لأنه كان عايز يراجع الشغل ويعرف آخر التطورات ونادين راحت لتهاني وقعدت جنبها وهي بتبص لها بابتسامة
نادين
عامله ايه علي فكرة أنا اتكلمت مع مازن وحاسة إنه بدأ يتغير اوي
تهاني
أنا مش عارفة يا بنتي هو بيعاملني كده ليه والله أنا مش وحشة يا نادين وأنا طول عمري مش بتمني له غير الخير وكنت مستنية منه بس كلمة حلوة تحسسني إن كل اللي عملته عشانه ما راحش هدر
نادين
أنا عارفة يا طنط إن حضرتك مش وحشة خالص بس هو معقد شوية وبعدين هو فهم خلاص ان عمته هي اللي كانت بتلعب في دماغه وأنا لما قابلتها في إسكندرية فهمت حاجات كتير
تهاني باستغراب
وهي اميرة راحت اسكندريه تعمل ايه هناك
نادين
جات له هناك وكانت عايزة تاخد منه نصيب في الشركة وتصوري إنها كانت بتراقبه وعرفت إنه راح إسكندرية معايا
تهاني
نصيب إيه أميرة أصلا مالهاش حاجة وأبو مازن الله يرحمه كتب كل أملاكه باسم ابنه وهو اللي ورث كل حاجة عنه
نادين
لا دي طلعت طمعانة في كل حاجة
تهاني
أيوه يا نادين وأنا كنت حاسة من زمان إن الموضوع مش مجرد خوف منها على مازن
نادين
طب وبعدين هنعمل إيه يا طنط
تهاني
مش عارفة يا بنتي بس ربنا يسترها
نادين
علي العموم ما تقلقيش أكيد مازن دلوقتي راح الشركة عشان يشوف الدنيا فيها إيه وأنا واثقة إنه هيعرف يتصرف ولما يرجع هنتكلم معاه ونشوف هنعمل إيه
وفضلوا قاعدين بيتكلموا وبعد شويه وفجأة سمعوا صوت ضرب نار جاي من برة ونادين اتخضت وجريت ناحية الباب وتهاني جريت وراها ولما خرجوا لقوا مازن واقع على الأرض وسايح في دمه وصرخت نادين وهي بتجري عليه
نادين
ده مازن يا طنط مازن رد عليا بسرعة حد يتصل بالإسعاف
تهاني بتسرخ
ابني يا مازن افتح عينك يا حبيبي بالله عليك
وبعد شويه وصلت الإسعاف ونقلوا مازن للمستشفى وفضلت نادين وتهاني خايفين عليه لحد ما خرج الدكتور واتكلم معاهم
الدكتور
اطمنوا إن شاء الله حالته هتتحسن وإحنا سيطرنا على الوضع وهو محتاج رعاية ومتابعة وهيفضل تحت الملاحظة
نادين
طيب إحنا عايزين نشوفه يا دكتور ارجوك
الدكتور
مش هينفع دلوقتي لأنه هيبات الليلة تحت الملاحظة وبكرة الصبح تقدروا تطمنوا عليه
وبعدها نادين وتهاني خرجوا من المستشفى ونادين قالت
نادين
تفتكري مين اللي عمل فيه كده يا طنط
تهاني
مفيش غيرها يا بنتي أميرة هي أكيد اللي ورا اللي حصل وأنا عمري ما ارتحت لتصرفاتها
نادين
معقولة تكون هي اللي عملت كده وهي اللي كانت بتمثل قدامه إنها بتحبه وإنها اللي ربته بعد وفاة أبوه
تهاني
اسكتي يا نادين دي واحدة محدش عارف هي بتفكر في إيه دي عقربه
نادين
طب إحنا هنعمل إيه دلوقتي
تهاني
هنروح لها ونشوف هي عملت إيه وأنا متأكدة إن ليها يد في اللي حصل لابني
وراحت نادين وتهاني عند الفيلا بتاعت أميرة ووقفوا بره الباب وفجأة سمعوا صوتها وهي بتتكلم في التليفون
أميرة
بقول لك إنت أخدت حقك خلاص اختفي بقى وما تقلقش لأن مازن خلاص بعد لما خليتك تقتله مش هيقدر يقف في طريقي تاني وأنا لما آخد اللي أنا عايزاه هديك اللي اتفقنا عليه اقفل دلوقتي
نادين بصت لتهاني بصدمة وقالت
نادين
إنتي سمعتي اللي أنا سمعته
تهاني
أيوه سمعته ولازم نبلغ عنها فورا
وفعلا اتصلوا بالشرطة وبلغوا عنها بكل اللي سمعوه وبعدها اتقبض على أميرة واعترفت انها اللي حاولت تقتل مازن بسبب طماعها فيه
وبعدها نادين وتهاني راحوا المستشفى دخلوا الأوضة ولاقوا مازن راقد وتعبان
نادين
حمد لله على السلامة يا مازن إنت عامل إيه دلوقتي طمني عليك
مازن
الله يسلمك يا نادين أنا كويس الحمد لله
وبص ناحية أمه لقاها بتعيط وقال لها
مازن
بتعيطي ليه يا ماما أنا مش عايزك تعيطي انا كويس قدامك اهو
تهاني بصدمة
إنت قولت ماما
مازن
أيوه قولت ماما متستغربيش يا أمي
تهاني
بجد يا مازن أنا مش قادرة أصدق إنك إنت بقيت بتقول لي الكلمة دي إنت ما تعرفش أنا كنت مستنية الكلمة دي منك من زمان إزاي
مازن
أنا عرفت دلوقتي قيمة الكلمة دي يا ماما ومش هحرمك منها تاني
تهاني حضنته وهي بتعيط من الفرحة وبعدها قال لنادين
مازن
وطبعا نادين بقى ليها عندي كلام تاني
نادين
كلام إيه
مازن
اني عايزك في حياتي لانك انتي اللي عرفتي تغيريني للاحسن وعشان كده انا هتجوزك رسمي يا نادين وهتبقى مراتي علي سنة الله ورسوله ايه رأيك يا امي
تهاني
راي ايه بس انا موافقه طبعا الف مبروك
وربنا يسعدكم
ونادين بصت لمازن وهي مبتسمة وقالت
نادين
وأنا كمان موافقة بس بشرط
مازن
شرط إيه
نادين
تبطل العند والغرور اللي كانوا هيتعبوك وتسمع كلام مامتك وتحافظ عليها
مازن ضحك
حاضر يا ست نادين انتي تؤمري بس ياريت إنتي كمان تبطلي تديلي أوامر علطول
نادين
لا طبعا مش هبطل ابطل إزاي
وفضلوا يضحكوا وبعد فترة خرج مازن من المستشفى ورجع بيته ولما استقرت حالته كتب كتابه على نادين وعملها لها فرح كبير وكانت تهاني أكتر واحدة فرحانة وهي شايفة ابنها أخيرا رجع لها زي ما كانت بتتمنى ومازن كان واقف جنب نادين وهو بيبص لها بحب
تمت بحمد الله
