رواية قاتلة ابي الفصل السابع والاربعون بقلم بنت الشيخ ترابية
في مُقدمة كل موضو؏ عنوانٍ
وفي كُل موضوع بداية ..
ولڪُل بَداية نهايةّ..
.................
شهل
كعدنا سولفنا وشويه خابرنا اهلي وراها تمددنا
اني اقره الكتاب ولباب تگلب بالتلفون
صافنه اقره وماحس الا لباب طفرت وكفت ع حيلها
لطمت وصاحت... : لج الحكيييي
كمت يمها ولزمتها ماتحجي بس تلطم
اخذت التلفون منها جان رقم ع الواتساب
دازلها صوري وفيديوهات الرقص مالتي
وكاتبلها .. :
منتظرها تتزوج اختج العسل حتى انطيهن هديه للحلو
لطمت وصاحت... : لج الحكيييي
كمت يمها ولزمتها ماتحجي بس تلطم
اخذت التلفون منها جان رقم ع الواتساب
دازلها صوري وفيديوهات الرقص مالتي
وكاتبلها .. :
منتظرها تتزوج اختج العسل حتى انطيهن هديه للحلو
لطمت ع خدي وصفگتها راجدي ودفعتها وهي تبجي
: كله بسببج كتلج لا تصووووورين وتبقين صور بخـ**
لباب: والله ماجنت اعرف راح يصير هيج والله
شهل: وين اروح وين انطي وجهي يا الله دخيلك
شمرت التلفون بالكاع وبقيت افتر
اروح وارجع اريدلي حل فكره صخام لطام ماكو
صوري كلهم يمه وكل صوري فضايح
لانو الملابس فضيحه وحدها .. اباوعلها تبجي
وكل نظره مني مبين منها مال الزمها واحركها
لانو كلت الها ديري بالج واحذفي وهي عاندت
اخر شي كعدت بالكاع وحضنت نفسي وبجيت
شهل: ياربي دخيلك ساعدني ياالله
لو وصلن الصور لابوي وعمي يذبحوني
ممسويه غلط والله ممسويه غلط وعمري مسويت حرام ولا باوعت بنظره حرام .. ياربي دخيلك
اجت يمي لزمت ايدي دفعتها ورجعت لزمتها
لباب .. بدموع: كله بسببي اعرف واني اعتذر والله
اني احلها معليج بيها انسيها والله اني احلها
باوعتلها وخزرتها
شهل: حلو تروحين لفاقد يساعدج حتى تساعدوني ونوب اصغر بعينه ويكرهني مووووو؟
لج بابا انتي طفله يعني مفاهمه الي سويتي شنو؟
لباب: والله اني احلها معليج انتي والله
شهل: عندج 24 ساعة الصور تنحذف والموضوع ينسد نهائي مفهووووووم
هزت راسها دفعتها ورحت بفراشي
اقره سور قرآنية وابجي
....................
اسراء
طلعت الممرضة لو فاقد تخبل
فاقد: من اكوووول صاير شي كولو اييييي
يعني بسببي صارت عميييه موووو؟
هاي هي بسببي رااااحت عيووونها ياااااالله
وكام يضرب ع راسه
دخلوا الدكاترة يركضون انطوه ابره واحنا طلعنا
ايهم: استغفر الله واتوب اليه
جعفر: روحلها
هز راسه بتعب وراح وصل يم الباب تنهد وباوعلي
مسح عيونه ودخل ..
................
هنادي
كعدت بظلام وشي لافين بيه عيوني
رجلي احسها ثگيله وكأنو مجبسه
وايدي كذلك بركبتي .. اريد افتح عيوني ماكدر
دوخة قوية لعبان نفس من الاوكسجين
ضعف عام ومسطورة من المعقمات
راسي يون من صوت الاجهزة
تحركت حسيت بصونده جوايه
حسيت روحي اشتعلت شنو هاي؟
ليش صووونده؟ شبيه انا؟
دخلت الممرضه وطلبت منها ايهم
كلت الها شنو السبب ولافين عيني كالت من الضوة
هزيت راسي وسمعت صوت الباب انسد
دخل الدكتور وتحمد على السلامة
فتح الشاش وكال لا تفتحين عينج ابقي مغمضه
فتح الشاش وبقيت مغمضه
شغل مادري شنو بيده وماعرف شنو سوه وكال
: هسه انتي مغمضه تمام ... جاي تحسين بالضوه الي على عيونج؟ او تشوفي
ارتعبت من هيج كال لانو مشفت شي
هنادي: لاا دكتووغ ماكو ضوه
سمعته تنهد گلبي وجعني
: شكو شبيه؟
الدكتور: مابيج بنيتي بس ابقي مغمضه
ولا تفتحين وانا ابلغ زوجج
طلع من الغرفة وبقيت مغمضه
منتظره ايهم مشتاقه اشوفه
تأخر عليه وحسيت الباب انفتح
ابتسمت براحه لانو حسيت بيه دخل
ماشفته بس حسيت بوجوده
صار هدوء .. ماحسيت الا بأيد لزمت ايدي .. فزيت
ايهم: اسم الله اسم الله .. هذا انـه ايهم ..
ضحكت .. انداريت على جهته .. : اريد افتح عيني
ايهم: شكلج الدكتور؟
هنادي: لا تفتحين عينج علمود الضوه
ايهم: وهسه؟
هنادي: اريد افتحها ومشتاقتلك اريد اشوفك
ذب حسره وهمس
ايهم: الحياة تجارب والانسان لازم يشارك بيها
ويعيشها هي وحلاوتها ومرورتها .. تنهد وكمل
التجارب نوعين .. اكو نوع زين واكو نوع شين
بس النوع الشين هذا بيه سبب من الله
والسبب هذا خير الج بالمستقبل
فَ كلشي يجينا بقضاء وقدر هلا بيه ..
هنادي: مافهمت ادخل بالموضوع؟
ايهم: شوفي ابويه .. سكت ورجع گال
الحادث جان كلش قوي ومأثر عليكم ثنينكم
فاقد مسوي عمليه لكل جسمه وانتي ...
: دحجي يا ايهم
ايهم: شبكية العين تأثرت
: اي؟ بس هاي؟
ايهم: وانصابيتي بالعمى
سحب ايده مني وصار يذب حسره وره الثانيه
وانا مثل الجمدت لا بيه احجي ولا بيه استوعب
يعني هسه انا عميه؟ .. ويعني ماكدر اشوف؟
ماكدر اعيش مثل الباقي؟ فقدت حاسه من حواسي يعني سهله؟
سكتنا لبعض من الدقايق وراها حجيت
هنادي: ماكو علاج؟ عمليه شي ثاني؟
ايهم: اكو عمليه كبرى يا تنجح يا تفشل وبالعراق ميسووها ولازم نطلع للخارج
هنادي: ايي خلي نطلع الله يخليك ايهم الله يخليك
وبجيت وفتحت عيني ماشوف غير الظلام
صرت ابجي اكثر واكثر وهو كام وحضني
حسيت بيه يبجي .. من حسيت بيه يبجي
سكتت وبقيت حاضنه صدره وراسي ع قلبه
اسمع دگات قلبه سريعه
ويبجي بخنكه وصمت .. بس الشهكه واضحه
جان ببالي من اكعد اشوفه هو اول
بس ماكدرت ..
حسيت جسمي تشنج وراسي هم
وماحسيت ع شي وراها
........................
اسراء
دخلت وره ايهم وشفته حاضنها ويبجي
وهي نايمه بين ايديه ..
اسراء: عرفت؟
ايهم: تگلي مشتاقتلك واريد اشوفك
اسراء: وشصار
ايهم: بجت ونامت من العلاج
اسراء: وانت؟
ايهم: انه ميت
سكتت لانو شجاوبه منهار اكثر منها
حضنها اكثر وصار يلعب بشعرها ويبوس عيونها
تركتهم وطلعت .. صار الانهيار الثاني بوجهي .. ماهر
اسراء: هاا حبيبي
يباوع لباب الغرفة ويحجي
ماهر: شسوت من عرفت بنفسها ...
وماكمل دنك راسه ومسح عيونه بطرف اصبعه
اسراء: بجت ونامت
ماهر: اريد اشوفها اسراء اريد ابوسها واحضنها واشمها
اسراء: ايهم يمها من تكعد روحلها
هز راسه واخذت ايده بيدي وامشي ويمشي ورايه
مثل الطفل مدنك راسه ويبجي .. دخلت لغرفة فاقد
جان كاعد يلعب باصابعه وهم مدنك صافن
باوعلي جعفر هز راسه بيأس وكال
جعفر: ادري لخاطر القيم سويتو حادث الاكل شعليه؟
اسراء: ليش شكو؟
جعفر: اكله اكل يكلي وروح امي ماكل
اسراء: يااا شنو هذا الحجي فاقد شكلنا احنا
رفع راسه باوعلي ورجع دنك
جعفر: ادري جهال فاقد مدنك ومسويلي شرنوفه
وماهر يمشي وره اسراء ويبجي ولازم ايدها
وايهم حاضن نفسه وكاعد بالكاع توحد
ماتكلولي شبيكم
ترك الاكل وطلع بره
رحت وراه
جان داير وجهه على الزاويه واجتافه تهتز
رحت يمه وهمستله
اسراء: تحشش عليهم وانت اسوء
اندارلي مسح عيونه وضحك
جعفر: لا مابيه شي بس هذول طناطله
اسراء: واضح من عيونك مابيك شي
جعفر: شبيدي اسراء شبيدي
اشوف فاقد بهذا الوضع فوك قهره لو اشوف ايهم الي مثل ابوي احتواني احتواء مكسور ويبجي؟
لو هنادي الي جانت كلما اروحله تكلي هلا بعيوني
صعبه وحق الحق
اسراء: اكلك لعد انا شكول؟
انت لو تعرف شصاير بحياتي تبوس الكاع وتلحسها
يلا امشي خلي ندخل يمهم يمعود محتاجين سند هذول
دخل كدامي ودخلت وراه جان فاقد متمدد ومغمض عينه وماهر كاعد وصافن بالكاع ويدخن ..
جعفر: مو زين تد
بعده ممكمل وكال فاقد
فاقد: عوفه انه ماكدر ادخن فَ استنشق
جعفر: چا شلفايده اخذ جكاره ورث
وهز ايده وكعد
ماهر: ما تروحين تشوفين ايهم خاف وكع
هزيت راسي وطلعت منهم رحت لغرفة هنادي
جانت نايمه وهو نايم يمها وحاضنها
طلعت صارت بوجهي الممرضه
اسراء: بلا زحمه ممكن تبلغين الدكاتره والبقيه
خلوهم ساعه بعد ولا تدخلون لانو بوضع حرج وهي مرتاحه بحضنه
باوعتلي بنظره مبين فهمتني غلط
اسراء: لا لاا بس من عرفت انهارت وصارت تبجي
وهو بقى يمها حتى ما تبجي وتأذي نفسها
الممرضة: تمام قلبي هسه ابلغهم
بس خلي ادخل العلاج يمها
اسراء: تمام اخذي راحتج
رجعت يم الشباب باوعلي ماهر
اسراء: نايمين
هز راسه و ورث جكارتين سويه
..................
شهل
الليل كله مانمت ولباب نفس الشي
بس كل وحده بفراشها وبعالمها
كل وحده بينا تفكر بشي ممكن يحل المشكله ع خير
سمعت صوت رسالة بتلفون لباب
انداريت شفتها من ترانيم
ترانيم: الفجر نرجع للبيت اقفلو الباب
وخلو المفتاح ع الدنگه
هذا هم حظي جانت ناقصه وكملت بوجودهم
معقوله فاقد راح يعرف
واذا عرف شنو ممكن يسوي؟
يتقبلني ويبقى يحبني لو لا؟
هم يبتعد عني؟ هم يكرهني؟
يا الله التفكير ..
مانمت ومن الضوجه طلعت اسوي لگيمات
وفكره تجيبني وفكره تاخذني
داسوي لگيمات واجت لباب تمشي خلت التلفون بيدي وراحت .. باوعت لكيت فاقد على الخط
رفعت التلفون همس
: اااخ يا انفاسچ
شهل: شلونك؟
فاقد: الحمدلله وانتي؟
شهل: الحمدلله تمام، شنو سبب اتصالك بنص الليل؟
فاقد: تعبان وحسيت براحتي بصوتچ وخابرت
شهل: فاقد اني ماحب هيج امور ولا احب العلاقات لانو محرمة .. ف اريد حبي يكون يا اما حلال او انفصال
همس بصوت خااافت وذااايب
فاقد: اي ياعيني بس هل اليومين واطلع واخطب
شهل: تمام ، متنام؟
فاقد: لا بعدني شويه وانام عوفي الخط مفتوح ولتحجين
شهل: ليش؟
فاقد: اريد اسمع بس انفاسچ اسكتي
سكتت وهو كل شوي متنهد ومستغفر عطت بيه
شهل: ادري مجبوور؟
فاقد: اي والله علمود راحتي مجبور
شوي وگال ... يلا اروح انه انام اهم شي سمعت صوتج ارتاحيت شويه من الضغط الي عليه وانتي نامي وارتاحي ..
شهل: تمام تصبح ع خير
فاقد: تلاگي شهلتي
سديت الخط ونسيت اللگيمات طلعتهم يابسات
يلا بقت عليچن هو حظي اخضر اليوم
خلصت اللگيمات وسويت چاي وطلعت بالطارمه على الصبه .. الاتراك يكعدون بالطرمه ويمهم حديقه وصوت عصافير وضوء قمر ،، واني كاعده بطرمه مال بيت مابيه سگف وكاعده ع الصبه وصوت الصراصير بأذني والتنور بصفي ..
الحمدلله والشكر غيري يتمنون العيشه الي بيها اني
سمعت صوت تلفون لباب يدك بالمطبخ دخلت جبته
ترانيم ...
فتحت الخط
ترانيم:وينچن ميتات عدلات اتصل وماتردن
شهل: هااا يالمسيحيه تحجين عراقي قُح
ترانيم: عمتي عتقول جهزو چاي وحليب حار لعمي
شهل: اعتبري تم
ترانيم: وجبنالك اشياء كثيرة
شهل: تمام خير ان شاءالله
حجينا شويه وراحت
ترانيم مرت عمي مسيحية ومن جانت طفلة
جانت عايشة بالموصل فَ لهجتها وطريقة كلامها المكسر هذا السبب مالته ..
دخلت وسويت چاي جديد مبين واصلين
لانو طلبوا چاي
سويته ورحت لغرفتي تمددت
.....................
هنادي
نايمه وفزيت وشفت الظلام .. گمت اصيح مثل المخبله
خفت حيل من الظلام خفت يجيني الوسواس
حسيت بأحد حضني حيل
ويمسد ع راسي ويهمس بـ: اشششش انه يمچ
