رواية مأمورية خارج السيطرة الفصل الرابع 4 بقلم ياسمين رمضان

بتعمل نفسها بتطلع الفلوس لكن طلعت رذاذ الفلفل ورشطو علي عينوو وبتجري بسرعة لكن وقفت مرة وحدة و لقت ٣ شباب ظهرو قدامها ولفو حواليها.. ليندا لسة هترش علي واحد منهم لكن شاب منهم مسكها وحط السك*ينة علي رقبتها ليندا عيونها برقت جامد من الخضة و الخوف..

مرة واحده لقت الشابين ال قدامها اتحدفو لبعيد من قوة الضر*بة وظهر قدامها وهو عيونو كلها شرار.

ليندا بصدمة و ذهول قالت بصوت ضعيف....

_عمررر..

الشاب وهو ماسك ليندا محاوط ايدو الي فيها السك*ينة علي رقبتها قال بتهديد...

_ لو حاولت بس تقرب هخلص عليها وعليك ارجع ورا وامشي احسنلك بدل ما تحصلها ومش هرحمك علي عملتو فيهم دا.

الشابين كانو واقعين علي الأرض من قوة ضر*بة عمر ومش عارفين يقومو.. والراجل الآخر هرب لما شاف عمر بيضر*ب الشابين..

أما عمر بصلو وعينو بتطق بشرار قا*تل وهو بيقرب ببطء وحذر وقال..

_ الي انت عايزه هتاخده بس ارمي السك*ينة من ايدك دي مش هتبقى سرقة و قت*ل كمان.

رد الشاب..

_ بلاش جو دا معايا لا انا عجنه وخبزه كويس.

ليندا وشها شحب من الخوف في لحظة ممكن ينهي حياتها و عيونها علي عمر ال شاور ليها بإشارة باصابعه لتحت علي كوتشي  وهز بكف ايدو برفق، ليندا فهمت قصدو  وحاولت تتمالك نفسها عشان تنفذ الخطة ال قالها عمر بالاشارة بس خافت.

عمر قال بخبث ومكر شديد للشاب وارتسمت علي وجه ابتسامتة الجانبية المعتادة...

_ تب هو في حد عاقل زيك يق*تل بنت زي دي يعني هضيع نفسك علشان واحدة بتسر*قها وتاخد منها كام مثلا ٢٠٠ جنيه او ٥٠٠ جنيه وتيلفون أعقلها كدا يعم وخلينا نتقاسم سوي معاها وغمزلوو ...

الشاب فكر في كلامو وكان لسة هيوافق....

ليندا انفجرت من الكلام الي قاله عنها و وشها احمر بشدة ومرة واحده نفذت الخطة و داست برجليها علي رجل الشاب بقوة و خبطت راسها من ورا في وجهه وبعدت بسرعة وقفت علي جنب اما عمر مسك الشاب وركلو علي الارض بعن*ف الشاب اتالم بشدة مقدرش يقوم، عمر ميل لعندو وقال بصوت خافت ورا إعصار جحيمي ..

_ الخوف و الرجفة ال زرعتو جواها تمنو غالي اوي.

بصلها عمر لقاها ماسكة رقبتها من الخوف.

ورجع كمل كلامو للشاب وقال..

_ انت النهاردة مش هيكون ليك وجود...

الشاب ملحقش حتي يتنفس عمر فضل يضر*بو بدون رحمه،

ليندا بخوف و ذعر من وجهه ال قلب لوحش مفتر*س،

وقربت ليه وحاولت تبعدو قبل ما يخلص عليه وقالت...

ارجوك ياعمر سيبو متعملش كدا خلي القانون يحاسبوو مش انت هضيع حياتك عشان واحد زيه فووووق ياعمر....

عمر كان معمي و وقف اول ما سمع خطوات بتجري بسرعة ورا مرة واحدة لف بجسمو وشاف الشابين ال ضر*بهم بيجرو جامد عليه وقبل ما يهجمو بسرعة فائقة شال ليندا من خصرها وقال بسرعة..

_ اضر*بيهم برجلك حالا .

ليندا من صدمتها فضلت تصرخ وهي بتضر*بهم برجليها جات في أول شاب في بطنه بعنف والشاب التاني في وجهه وعمر فضل يشدها يمين ويسار لتتمكن من ضر*بهم .

الشابين صرخو من الالم وسمعو اصوات عربية الشرطة وهي متجهه عليهم معرفوش يهربو..

عمر نزل ليندا علي الارض وبعد عنها شوية و شافو ٢ ظباط نزلوا من العربية ومعاهم ٣ عساكر وقفو قدام عمر وادو التحية.

عمر بجمود وشاور ليهم يقبضو عليهم وقال..

 _شيل العيال دي و خلي النقيب ايمن يهتم بيهم لحد ما اشوف هعمل فيهم اي.

الظابط مازن أمر العساكر يمسكو الشابين ويحطوهم في البوكس واخدوهم .

الظابط الآخر وجه كلامو ل عمر وقال...

_ احنا مسكنا الراجل ال كان بيهرب يافندم العسكري لحقو وحاطينو في البوكس.

عمر / تمام يا هشام ممتاز عاش يا رجالة.

ليندا واقفة ساكتة و مستغربة من الي بيقولو....

الظابط مازن / هنعمل اي يا فندم في الواد الي علي الارض دا متبهدل كلو كد*مات  ..

عمر ببرود/ عالجو ..

الظباط فهموا لهجتو كويس و شالو وحطو مع الباقي و ادو التحية ليه ومشيو ...

أما ليندا كانت لسة هتمشي لقت ال مسك دراعها ولفها لعندو.

ليندا بغضب/ سيب ايدي متمسكنيش كدا .

عمر بصلها بحده وقال..

_ امشي معايا من سكات ..

لسه هتتكلم لقت الي بيسحبها من دراعها وراه بدون ما يهتم لصوتها العالي... لحد ما وصلو لشارع العمومي ال كانت واقفة فيه ليندا و وقفو عند عربية عمر بتحديد.

ليندا بغضب /انت ازاي تسحبني كدا وراك فكرني كلب بتجرو معاك.

عمر ببردو / دا الكلب بيفهم عنك.

ليندا بديق / مسمحلكش تغلط فيا.

عمر ببرود / انا قولت حاجة غلط انتي قولتي كلب ف صححتلك المعلومة الناقصة.

ليندا كانت هتمشي من الاهانة ال مش قادرة تستحملها ...

لكن وقفت علي صوتو وهو بيتكلم وقال ببرود اكتر..

_ ممكن افهم اي العصبيه دي كلها دا المفروض تشكريني مش تبقي مديقة مني علي الأقل لو مكنتش وصلت في انسب وقت كنتي خلاص في وسط النجوم الي فوق...

ليندا بصدمة / انت بتتريق علي ال كان ممكن يحصلي منهم.

رد عمر بحده..

_ لانك غبية بتروحي مع اي حد بدون ما تفكري عقلك كان فين ها اي حد هيقولك تعالي تروحي كدا وخلاص  انتي مش صغيرة علي كدا يا ليندا انتي كبيرة و واعيه...

ليندا بتفسير / انت كنت بتراقبني ولا اي ...

عمر خبط برجلو في العربية جامد، ليندا اتنفضدت وبعدت و عمر مسح وشو بعصبية مكتومة وقال...

_ دا ال يهمك من كل الي بقولو انتي في اي هنا ..

وحط ايدو علي دماغها..

ليندا بمزحه ساخرة...

_في ريحة شامبو بطعم الفانيليا هههههه..

عمر اتشل وكان هيجيلو انهيار عصبي وقال بصوت جهوري ...

_ اركبيييي هوصلك عشان انا خلاص مش قادر استحملك اكتر من كدا.

ليندا باستفزار / اوامر يا سيادة المقدم..

وركبت وكل دا تحت نظرات عمر عليها ال مش فاهم تغيرها وكان هيتجنن وركب جنبها بغضب شديد من تعبيرات وشها المستفزة..

                    **ـــــــــــــــــــــــ**

في الطريق كانو ساكتين وتيلفون عمر رن كان المتصل ايمن فتح عمر المكالمة قال..

_ خير يا ايمن في حاجة..

ايمن باستغراب/ حضرتك يا فندم كنت هتتصل عليا زي ما قولت لللل... قاطعو عمر وهو مغمض عينو بشده من النسيان..

_ اه كنت هكلمك بس انشغلت المهم افتح محضر عندك للعيال ال عندك دي بتهمة السرقة ومحاولة قت*ل باسم ليندا عز الدين واتوصي بيهم كويس يا  ايمن لحد ما اشوفك بكرا أن شاء الله.

ايمن / تمام يافندم هنفذ حالا هي انسة ليندا بخير بسال حضرتك لو عوزتني معاك..

عمر بهدوء وهو عينو علي ليندا وقال بسخرية...

_ بخير.. و يا عالم المره الجاية هتجبلنا اي جديد..

ليندا بصتلو بغيظ ولفت وشها لقدام.

ايمن بتفهم/ تمام يا افندم هروح انفذ ال طلبتو مني.

عمر قفل معاه وحط تيلفونو جنبو وقال ليها بخبث...

_ فاهمك بس عامل نفسي مش واخد بالي..

ليندا بصتلو بعدم فهم وقالت..

_ تقصد اي يا سيادة المقدم..

عمر بصلها بمكر وقال....

العصبية والقلبان دا عشان الكلام ال قولتو وهو ماسكك عشان كدة انفجرتي و روحتي ضر*بتي مش دا ال مديقك..

ليندا وشها احمر من الخجل وفي ثواني اتكلمت وقالت...

_ انت عايز توصل ل اي ...

عمر وهو باصصلها باستمتاع وهو دا الي عايز يشوفو  و قال..

_ مفكرتيش مثلا اي سبب كلامي دا لو حد تاني كان فهم عنك..

ليندا بغيظ / ازاي تتجرأ اصلا تقول كدا عني  اي فكرني كيس شيبسي هتتقاسموو عليه ..

عمر ابتسم وقال...

_لما شاورتلك عشان تضر*بي معرفتيش تعملي حاجة عشان كدا كنت لازم اخليكي تعملي ال عملتي فهمتي بقا..

سكتت وبصتلو وقالت بإحراج...

_يعني انت مكنتش تقصد ال قولتو دا افتكرتك بتكلم بجد لكن قولت كدا عشان تخليني اتشجع وانا بغبائي اتعصبت عليك ينهار عليا.... وضر*بت رأسها بندم..

عمر / اول مره تقولي كلمة صح يا ليندا...

ليندا بغيظ / لا بقولك ايه انا اقول علي نفسي ال أنا عايزاه لكن انت لا و اه صحيح انت كنت بتراقبني ليه..

عمر وهو مركز علي طريق وقال ببرود..

_ مين انتي عشان اراقبك حظك الحلو اني كنت واقف شوية قبل ما اروح ولحسن حظك لقيتك واقفة  كنت همشي لان مش ناقص اشوفك لكن وقفت لما لقيت البنت جاتلك وانتي مشيتي معاها عملت مكالمه بسرعة للقسم عندي عشان يجو باقصي سرعة بس انا مشيت روحت لعندك قبلهم لقيتهم محاوطينك والباقي انتي عارفه...

ليندا  اديقت الاول من اول كلام بس سكتت معرفتش تقول اي دي ٣ مره ينقذها...

عمر ابتسم بخبث وبصلها وقال..

_ها سامع قولي..

ليندا  بصتلو بإحراج وهي مكسوفة من نظراتو الي بتوترها وقالت بصوت هادئ..

_ شكرا..

ابتسم عمر علي شكلها و هي محرجة منو وركز علي طريق ..

وبعد دقائق من الصمت قالو بصوت واحد.

_ اسف، اسفه..

عيونهم اتقابلو وضحكو لأول مرة لبعض.

ليندا بضحكة/ انا حاسة اني لازم اسجل اللحظة دي المقدم عمر العاصي بيضحك لا لا استحالة.

عمر ببرود/ متعوديش نفسك علي كدا.

ليندا بحسرة/ ياخسارة ملحقتش افرح.

عمر / بتتاسفي علي أي بقا..

ليندا بتنهيده / اني ضايقتك مني في الوقت المفروض اسمع نصيحتك بس الغضب كان عامي عيني.

عمر بهدوء/ مش عايزك تروحي للهلاك بايدك فكري قبل ما تعملي الحاجة كان ممكن تخلي حد يجي معاكي لو مكنتش موجود وقتها كنتي عملتي اي.

ليندا باحراج/ معاك حق انا بس بضعف قدام اي حد بيطلب مني مساعدة.

عمر بتفهم/ المساعدة واجب على الكل ودي حاجة كويسة بس لازم العقل يشتغل الاول الضعف هو السبب في  اي حاجة ممكن تجرالك..

ليندا هزت راسها بتفهم وخدت بالها من كف ايدو الي متعور ...

ليندا / انت عندك جروح في ايدك ازاي ثابت كدة ومش بتتوجع..

عمر بجمود وهو عينو علي جروح ايدو وقال ...

دي حاجة بسيطة عن ال بيحصل متاخديش في بالك ..

ليندا استغربت تغير ملامحو المفاجئة بسبب غير معروف...و وصل قدام بيتها وقال...

_ وصلنا...

ليندا بلطف / مينفعش تمشي كدا لازم اعالجلك الجروح دي مينفعش .

عمر بنفي / مش مهم يلا اطلعي علشان امشي..

ليندا بعند/ مش هطلع .

عمر بنفاذ صبر / متعنديش معايا يلا انتي مش قدي....

ليندا بعند اكبر/ انا اعند منك حتي لو هتعمل اي..

عمر بصلها بمكر و قال... 

_ تمام انتي ادري انزلي ..

ليندا بانتصار/ شوفت بقا ..

ونزلت وقفت  تستناه  و هو نزل وعلي وجهه ابتسامته المعتادة الي وراها خبث كبير. 

قفل العربية  وقف قدامها وقال بمكر شديد...

_ حلوة القطة ال هناك دي .

ليندا وهي مبتسمة التفتت الناحية التانية عشان تشوف القطة بس ملقتش حاجة ومرة لوحدة لقت نفسها في الهواء ، ليندا شهقت بصدمة ووضعت ايديها علي فمها وبصتلو باحراج وشها احمر من الخجل وقالت بصوت واطي وبحده..

_ نزلني يا عمر ميصحش كدا نزلني ...

عمر بابتسامة خبث وقال..

_ مش قولتي بلسانك انا اعند منك حتي لو هتعمل اي اديني اهو عملت...

عقدت حاجبيها بديق من تصرفو ، اما هو بصلها في عينها البني الواسعة ال بتسحرو ورموشها الكثيفة وقال وهو بيغمزلها...

_ انتي مش قد عمر العاصي يا ليندا ...

ليندا تواعدت ليه في سرها وهتندموا.

وطلع بيها علي فوق...

                           **ـــــــــــــــ**

الظلام كان مغطي الغرفة بالكامل قاعد وقدامو شاشة كبيرة شايفهم وهما واقفين مع بعض وابتسم بشر ...

_ ٢٢ قريبا...

الفصل الخامس من هنا