رواية اسيرة عشقه القاسي الفصل الرابع 4 بقلم جنات واسراء ابراهيم

اتفاجأ جاسر برفيف وهي بتضربه بالقلم علي وسط وسط الجامعة كلها 

جاسر بحدة :

انتي ايه اللي عملتيه ده ؟

رفيف بصوت عالي وقوي :

عملت اللي زيك يستحقه .....لتكون فاكر لما تدور تقول في الجامعة كلها اني ماشية معاك تبقي كدة راجل واني هضطر وقتها اوافق امشي معاك ...لا تبقي غلطان عشان انا مبيتلويش دراعي ولما رفضتك وهزقتك عشان طلبت مني تصاحبني كان عندي حق عشان انت مش راجل وانا مش بتاعة صحوبية يا بابا .....واعتبر القلم ده عشان فكرت تجيب سيرتي في الجامعة انت فاهم ولاخر مرة  انا هحذرك تفكر تقرب مني او تتعرضلي 

جاسر مقدرش ينطق وهو شايف الكل بيتفرج عليه وبيضحكو عشان علمت رفيف عليه بالقلم ورفيف بصتله باحتقار وسابته ومشيت عند زينب اللي كانت متفاجئة باللي عملته 

زينب بصدمة واعجاب :

يخربيت سنينك ..ايه اللي عملتيه ده ؟ ده انتي نفختيه 

رفيف بثقة وبرود:

يستاهل عشان هو اصلا مش راجل واهو اخد نصيبه 

زينب بحماس:

لا وانتي ادتيله نصيبه ايه عنب .....اهو كدة الجامعة كلها عرفت انك بريئة من كلامه وانه عيل كداب بس بصراحة خايفة منن رد فعله ده عيل رخم اصلا 

رفيف بضيق :

يعمل اللي يعمله ...يبقي يوريني هيقدر يوريني وشه ازاي اصلا ده لو بيحس ....المهم يلا نروح علي المحاضرة زمانها بدأت 

زينب بحماس :

طب ياختي يلا عشان بعد كدة هروح معاكي البيت ...انا قولت لامي هقعد معاكي شوية انتي والبت ندي 

رفيف بفرحة :

ايوة بقي اخيرا هنقعد قاعدة حلوة زي زمان بس استني صحيح ...البت ندي مش هتيجي اكيد اصل خالتها جت من برة وخلاص استقرت معاهم 

زينب بتكشيرة :

يا خسارة والله دمها خفيف وبحب اقعد معاها .....يلا مش مهم تتعوض بقي مرة تانية بس قوليلي اهم حاجة اخوكي الهيركل ده مش هيجي بدري صح ....احسن انا بخاف منه وربنا 

رفيف بضحك :

لا تقلقي ....ادهم مش بيجي الا متإخر بليل وبابا كمان بيجي بليل 

زينب براحة :

خلاص اشطا هروح معاكي يا روفي 

رفيف سرحت في مراد لان دي كلمته علطول لما كان بينادي عليها وهما صغيرين وابتسمت وقتها بتلقائية 

زينب بخبث :

اللي واخد عقلك يا حبيبتي يتهنابه

رفيف بتوتر :

بت انتي امشي قدامي مش وقته تحفيل عليا يلا هنتأخر عالمحاضرة

.......................................

كانت واقفة لورين في مكتب مراد بتفرك ايديها بتوتر وهي باصة في الارض ومراد قاعد علي مكتبه بهيبته اللي بتفرض نفسها 

مراد بجدية:

طبعا انتي عارفة انا عاوز اتكلم معاكي في ايه ؟

لورين بحزن :

ايوة يا مراد عارفة وعارفة اني غلطت في حق العيلة بس انا 

مراد بمقاطعة بجدية :

انتي مش بس غلطتي يا لورين في حق العيلة انتي غلطتي اهم حاجة في حق نفسك ....قبلتي تتجوزي بالطريقة دي وكأنك معيوبة وبتداري علي فضيحتها وانا لازم الولك ده عشان اعرفك ان اللي بتتجوز من ورا اهلها مش بتكون غير كدة 

لورين بدموع وندم:

انا عارفة ده كويس بس انا عملت كدة لاني وثقت فيه ...صدقت انه بيحبني وانه مستحيل انكم توافقو عليه عشان خاطر هو اقل مستوي مننا وهو اقنعني ان ده الحل الوحيد ومكنتش اعرف نيته الحقيقة من ناحيتي يا مراد صدقني 

مراد بجدية:

انا عارف انك مكنتيش عارفة نيته من ناحيتك بس تخيلي لو مكنش حازم كلمني وقالي انك طلعتي شقة غريبة مع شاب وجينا انقذناكي منه كان ممكن يعمل فيكي ايه ؟

لورين بصدمة :

هو حازم بيراقبني ؟

مراد بهدوء :

حازم عارف كويس اوي انك طيبة ورقيقة وممكن تقعي في مشكلة وعشان كدة كان مخلي حد واخد باله منك علطول والحمد لله انه عمل كدة عشان لو ده محصلش الله اعلم كنا هنوصل لفين 

لورين بخنقة:

انا غلطت وبعترف اني غلطت بس خلاص لو سمحت متحسسنين يالذنب اكتر من كدة 

مراد وهو بيقوم من مكانه :

بالعكس انا مش بحسسك بالذنب انا يا لورين بفهمك انتي ايه كويس اوي .....انتي غالية اوي يا لورين واللي بيحبك بجد هياخد بالله مننك وهيحافظ عليكي وعلي شكلك وسط اهله ومش هيطلب منك ابدا انك تقللي من نفسك وانا عارف ومتأكد انك اتعلمتي من غلطك 

لورين بابتسامة حزينة :

متشكرة اوي يا مراد  

مراد بابتسامة :

انا عاوز اقولك حاجة اخيرة يا لورين .....انا عندي استعداد اوافق علي حد يكون اقل من مستوانا زي ما بتقولي ....بس يكون كويس واخلاقه كويسة وبيحبك بجد مش طمعان فيكي ....لاازم تحطي الكلام ده في راسك كويس اوي فاهماني ؟

لورين بابتسامة :

فهمت يا مراد فهمت كويس 

مراد بابتسامة :

يلا انتبهي لدراستك بقي وانسي اي حاجة حصلت ومش هفكرك لو حصل اي حاجة قوليلي علطول متخافيش من اي حاجة وانا هتصرف 

أبتسمت لورين بطاعة وخرجت وكان متابعها مراد براحة لانه قفل الموضوع ده خلاص وقرر ياخد باله كويس اوي من عيلته اليومين دول

.....................................

كان ادهم في مكتبه وباين عليه الضيق وانه مش طايق نفسه لحد ما الباب خبط ودخل سيف صاحبه

سيف بابتسامة :

ادهم باشا .... اخبارك ايه يا حبيبي 

ادهم بابتسامة وهو بيقوم :

سيف باشا الحمد لله انت اخبارك ايه .... عاش من شافك يا راجل 

سيف بابتسامة :

انا موجود اهو وكنتت حاي وقاصدك في خدمة صغيرة كدة 

ادهم برفعة حاحب :

اه قول كدة بقي ...الزيارة مش عشان تسلم عليا دي عشان مصلحة ....ماشي يا باشا قول 

سيف بضحك:

خليها عليك بقي ومتقلقش كدة كدة هتنقل هنا انا قدمت طلب ...زهقت من قبلي بقي وعاوز ارجع تاني اعيش هنا 

ادهم بفرحة :

يا راااجل  خير ما عملت والله يا باشا ....يلا اؤمرني بقي خدمة ايه اللي عاوزها 

سييف بجدية  :

في بنت انا معرفش غير اسمها والبنت دي انا قالب عليها الدنيا وبصراحة قولت محدش هيقدر يساعدني الاقيها غيرك 

ادهم باستغراب :

ماشي ...بس اعرف عملت ايه عشان تقلب عليها الدنيا كدة 

سيف بغموض:

لا هي من ناحية عملت فعملت كتير اوي ....بصراحة كدة هي تبقي بنت عمي الله يرحمه .....فجأة بعد وفاه عمي من  12 سنة امها اخدتها ومشيت ومنعرفش اي حاجة عنهم وبابا حاول كتير يوصلهم ومعرفش لحد من قريب جالي اخبارية ان حد شاف مرات عمي هنا فقولت اجيلك يقي تدور معايا عليها 

ادهم بتفكير وشك :

والله هو تمام يا سيف بس في حاجة ناقصة في الموضوع بصراحة .....يعني مرات عمك هتاخد بنتها وتهرب ليه بعد موت عمك ؟ اكيد في حاجة غلط يعني عالاقل هتسال عن ورثها لو هي وحشة وطماعة 

سيف بتفكير :

عندك حق وانا كمان استغربت بس لما سألت بابا قالي ان مرات عمي بتكرهه من زمان من قبل ما تتجوز  عمي لانهم كانو جيران  وان لما عمي مات هي قررت تحرق قلبه وتحرمه من بنت اخوه الوحيدة 

  

ادهم بعدم اقتناع :

بصراحة مش داخلة دماغي القصة دي يا سيف حاسس ان ابوك مخبي عليك حاجة بس المهم اننا نلاقيها ووقتها هنفهم كل حاجة 

سيف بتفكير :

عندك حق ...المهم هتساعدني يا صاحبي 

ادهم وهو بيمسك القلم :

قولي اسمها واللي تعرفه عنها  

سيف بجدية :

مرات عمي اسمها نجاة السيد علي وبنت عمي اسمها زينب ودلوقتي تلاقي بقي عندها 23 لاني لما هربت مرات عمي كان بنتها عندها 11 سنة تقريبا واللي قالي انه شافهم كان في مدينة نصر يعني تبع القسم بتاعك هنا .....عاوزك بقي تساعدني 

ادهم بجدية:

متقلقش هعمل اللي عليا وادور عليهم وان شاء الله خير 

سيف بود وهو بيقوم وبيسلم علي ادهم :

تسلم يا باشا ربنا يوفقك 

ادهم وهو بيمد ايديه :

سيف باشا احنا اصحاب متشيلش هم 

........................................

كانت قاعدة رفيف مع زينب بيضحكو ويهزرو لحد ما الباب خبط 

رفيف بحماس :

اراهنك انها البت ندي ....اكيد مقدرتش متجيش بعد ما عرفت اننا متجمعين انا وانتي 

زينب بفرحة :

ياريت والله القاعدة ناقصاها 

وفعلا فتحت رفيف الباب وكانت ندي اللي دخلت ومعاها ازازة بيبسيي 

ندي بحماس وفرحة:

يصراحة مقدرتش مجيش فقولتلها سوري يا خالتو دول صديقاتي الصدوقة مقدرش اسيبهم قاعدين من غيري 

ضحكت زينب ورفيف عليها وقعدو ثلاثتهم يتكلمو 

زينب بحماس :

طب تعالي بقي احكيلك رفيف عملت ايه انهاردة في الجامعة .....دي ضربت الواد جاسر بالقلم وسط الجامعة كلها 

ندي بشهقة وصدمة :

يخربيتك يا اسماعيل عملت ايه في الواد 

ضحكو كلهم سوا ورفيف ردت بغرور  :

عيب عليكي ده انا علمت عليه عشان يعرف بس كدة هو بيلعب علي مين ....كان فاكر هياخد  بونط علي قفايا ابن الذين بس ايه نفخته 

ندي بابتسامة شريرة :

ايوة نحن نختلف عن الاخرون خالص ...يلا ابن حلال ويستاهل ....وانتي يا زينب ايه اخبارك مع امك طمنينا 

زينب بتنهيدة وحزن:

متفكرنيش يا ندي ....امي انا مبقتش قادرة افهمها ولا استوعب كمية خوفها عليا دي ازاي .....وكل ما أحاول افهم تقفل الموضوع وتقولي بعدين هتفهمي واسمعي الكلام وانتتي ساكتة ومش برضه اضغط عليها عشان فعلا هي باين عليها الخوف اوي 

رفيف بقلق :

طب خلاص يا زينب انتي نتخاوليش تضغطي عليها شكلها في حاجة هي مخبياها واكيد لما يجي الوقت هتقولك 

زينب بتنهيدة :

وانا في ايدي ايه غير اني اسكت يا رفيف ....انا بس اللي مضايقني الضغط عليا والخوف بزيادة ....متخرجيش متعمليش ولو خرجت تمسكلي الساعة ....دي لولا انها عارفاكم كويس مكنتش وافقت اني اجي هنا ابدا 

ندي بهزار :

ياختي احمدي ربنا انها بتخاف عليكي ......بت يا زينب ليكون يا بت زي موضوعي كدة وفي واحد خلل بيحبك حب هوس وامك بتحميكي منه ماهي شوطة في البلد

ضحكو كلهم علي كلام ندي وردت رفيف بثقة :

ياختي انتي هتخوفي البت هي ناقصة ....وبعدين الخلل ده ميجيش غير للخلل يا ندي وانتي ما شاء الله عليكي مناخوليا من يومك 

ندي بصتلها بغيظ وهجمت عليها وعضتها 

رفيف بوجع:

اه يا ندي يا بنت العضاضة طب ماشي وربنا لاوريكي 

وفضلو هما التلاتة يتكلمو لحد ما فون ندي رن برقم غريب فمسكت الفون بأستغراب 

ندي بفضول :

 استنو يا عيال ...ده رقم غريب اما ارد اشوف مين 

رفيف بضحك:

احنا اللي عيال ؟ ده انتي عيلة بالنسبالنا يا بنتي ومصاحبينك شفقة

ندي.بغيظ :

طب ماشي يا رفيف الكلب انتي استني عليا اما اشوف مين اللاول 

وفتحت ندي الخط وهي بتتصنع الجدية:

الو سلام عليكم مين ؟

عدي بابتسامة :

انا قتيل العيون القمر يا ندي قلبي

ندي بتكشيرة:

افندم ؟ مين حضرتك وتعرف اسمي منين ؟ 

عدي بلهفة:

 لحقت تنسي صوتي يا جميل ....اخس عليكي ده انا حتي قولتلك اني قدرك

ندي قلبها اتقبض ورفيف وزينب متابعينها بقلق :

انت عاوز مني ايه يا جدع انت ....هو انت محرمتش من المرة اللي فاتت ولا ايه ؟ ولا السجن وحشك 

عدي ببرود :

وماله ...السجن في عشقك جنة يا ندوش ولا تكوني فاكرة ان الظابط ده هيقدر يبعندك عني تبقي غلطانة....ايه يعني علقة وعدت بس برضه مش هسيبك 

ندي بدموع بتلمع في عنيها :

خلي عندك نخوة قولتلك اني بكرهك ومش عاوزاك خلي عندك دم بقي يا اخي وسيبني في حالي 

عدي بثقة :

انا مش هسيبك في حالك الا لو بقيتي مراتي وخلي الكلمتين دول حلقة في ودنك 

قفلت ندي الخط في وشه وبقت تعيط ورفيف وزينب يهدو فيها بعد ما سمعو منها كل حاجة 

رفيف بسرعة:

متخافيش يا ندي ..انا هكلم ادهم وهو يتصرف 

ندي برفض :

لا يا رفيف اللي زي ده مش بيخاف حتي من الحكومة فهمتي ؟ماهو ادهم اخر مرة مسكو وبهدله وبرضه مخافش ولسة مصمم ....بصو انا همشي معلش انا محتاجة ابقي لوحدي 

وقامت ندي وسابتهم وخرجت بس اول ما فتحت الباب لقت ادهم في وشها كان لسة جاي واول ما شاف شكلها كدة قلبه اتقبض 

....................................

كان داخل مازن العيادة بتاعته وكان باين عليه الضيق وهمس اول ما شافته قامت بتلقائية 

مازن بجدية:

السلام عليكم ....ازيك يا همس 

همس بجدية:

الحمد لله يا دكتور ...اتفضل انا عقمت الاوضة وجاهزة 

مازن بتنهيدة :

طب تمام لو سمحتي لو ممكن  تعمليلي قهوة لو مش هتعبك 

همس بجدية :

حاضر يا دكتور  بعد اذنك 

شوية وجت همس بالقهوة وحطتها قدام مازن عالترابيزة 

همس بهدوء:

اتفضل قهوتك يا دكتور 

مازن باستغراب :

مالك يا همس ...انتي في حاجة مضايقاكي ؟ 

همس بصتله بعتاب وردت بهدوء:

لا يا دكتور مفيش حاجة ...بعداذنك عشان اراجع الكشوفات

مازن بيوقفها بصوته:

استني بس ...انتي متغيرة ...يعني مش زي عادتك دايما بتضحكي وبتهزري في ايه فهميني ؟

همس بتصنع الجدية :

قولت لحضرتك مفيش ومش كل يوم هتيجي تلاقيني كدة لاني بني ادمة مش روبوت ....المهم بس يكون مشوار امبارح عدي علي خير 

مازن باستغراب :

اه الحمد لله 

همس بهدوء:

تمام يا دكتور بعد اذنك ....اما تبقي جاهز رن الجرس عشان ابدأ ادخلك المرضي 

مازن باستغراب :

تمام يا همس اتفضلي 

خرجت همس وفعلا بدأت تدخل الكشوفات لمازن لحد ما خلاص قرب يخلص فخرج عشان يصلي المغرب وسمع ست بتكلم همس فاتصدم 

الست بود :

انتي عاملة ايه انهاردة يا بنتي كويسة بعد اللي حصل امبارح ده ؟

همس بهدوء :

الحمد لله يا طنط كويسة ومتشكرة اوي ليكم ...معرفكش لولا انكم كنتو موجودين كان ايه اللي حصل الحمد لله 

الست بابتسامة :

الحمد لله يا بنتي ....المهم انتي حاولي متتأخريش هنا في العيادة وامشي بدري شوية عشان محدش يتعرضلك زي ما حصل امبارح لولا ستر ربنا 

همس كانت هتتكلم بس اتفاجأت بصوت مازن اللي بيكلم الست 

مازن بجدية وقلق:

هو ايه اللي حصل امبارح يا حجة معلش ؟

الست باسف :

ده امبارح والانسة ندي مروحة طلع عليها شاب واتعرضلها وقال ايه عاوز رقمها وهي صرخت ولولا اننا من المنطقة هنا وانا عارفاه الواد ده خليت ابني يبهدله ويببعده عنها وهي يعيني كانت خايفة ومنهارة امبارح 

مازن قبض علي ايديه بغضب وحاول يتمالك اعصابه :

همس تعالي جوة حالا 

دخلت همس اللاوضة ووقتها مازن اتكلم بعصبية:

انتي ليه مقولتليش ؟ وليه مكلمتنيش امبارح لما حصل كل ده ؟

همس بخزلان :

حضرتك قولت ان عندك مشوار ضروري ومشيت وانا محبتش ازعجك وبعدين اصحاب المنطقة قامو بالواجب والموضوع انتهي 

مازن باسف :

يعني انا السبب مش كدة ؟ لو مكنتش سيبتك ومشيت امبارح مكنش حصل كل ده 

همس بضيق وجمود :

حضرتك مش ملزم من ناحيتي باي حاجة وطبيعي هتسيبني وتروح لبنت عمك لان هي من دمك واولي باهتمامك وانا قولت لحضرتك اني اتصرفت لان دي طبيعة شغلي وانا لازم اتعامل وابقي مستعدة لاي موقف اتعرضله 

مازن بجدية واندفاع:

انا اسف يا همس .....وانتي مش مجرد ممرضة هنا وانتي عارفة كويس اني بعتبرك اختي 

همس بوجع :

عارفة يا دكتور مازن ومتشكرة اوي لموقفك ومفيش داعي للاعتذار ...استأذنك اخرج لشغلي 

مازن بجدية :

طب اعنلي حسابك من انهادرة انا هوصلك بيتك ومش هتمشي لوحدك تاني 

همس كانت هتعترض بس وقفها مازن باشارة من ايديه :

من غير كلام كتير انا قولت اللي عندي ...يلا روحي شوفي شغلك واعملي حسابك هروحك في طريقي 

خرجت همس ووقف مازن ينفخ بغضب من نفسه لانه السبب في اللي همس اتعرضتله 

......................................

كان ادهم قاعد في شقة ندي وباصص قدامه وغضبه باين عليه بعد ما سمع كل اللي حصل من ندي 

وكلام عدي ليها ومسعود ابوها قلقان اوي 

ادهم بهدوء ظاهري :

انا مش عاوزك تخافي ابدا 

ندي بانهيار :

انت قولتلي كدة اخر مرة ووعدتني وبرضه اتعرضلي تاني ...طبعا اكيد انت مش فارقلك عشان شايفني مش كويسة 

ادهم قلبه وجعه علي شكلها واللي رد عليها مسعود ابوها 

مسعود باستغراب:

ايه يابنتي الكلام اللي بتقوليه ده ؟ وادهم هيشوفك كدة ليه ....ده هو اكتر واحد عارف اخلاقك كويس

ندي بحرقة وهي بتبص لادهم :

معرفش يا بابا اسأله هو مش انا 

مسعود بقلق :

طمني يا ادهم يا بني الواد ده فعلا هيقدر يضايق بنتي تااني ؟

ادهم بثقة :

متقلقش يا عمي المرادي مش هيتعرض لندي تاني وانا بنفسي هتأكد من ده 

كريمة بلعفة وقلق :

لا يا مسعود انا مش مرتاحة للموضوع ده ...انا خايفة علي بنتي ....المرة اللي فاتت وربنا سترها عليها والمرادي يكملها يهددها في التليفون ؟ لا انا مش مستغنية عن بنتي ...انا مش هستني اما يخطفها ويعمل فيها حاجة 

مسعود بحيرة وضيق :

طب عاوزاني اعمل ايه يا كريمة يعني ؟ اروح اتخانق معاه عشان يضربني بحاجة واقع فيها 

ندي بلهفة ودموع:

لا يا بابا بعد الشر عليك والنبي اوعي تعمل كدة 

مسعود بتفكير :

خلاص يبقي مفيش غير حل واحد ومعنديش غيره وهو ده اللي هيحصل عشان يبقي قلبي مرتاح ومطمن علي بنتي 

كريمة بلهفة:

طب ما تقول يا مسعود ساكت ليه يا اخويا ....لو بنتي هتبقي في امان يبقي خلاص اعملو علطول

مسعود بتلقائية :

مفيش غير ان عمر ابن اختك يكتب علي ندي ووقتها الواد ده هيفهم انها خلاص بقت متجوزة ويشوف حد تاني يرمي بلاه عليه 

ادهم ملامحه اتشنجت وبص لندي اللي بصتله بتلقائية ومتكلمتش 

كريمة بفرحة :

يسلم لسانك يا مسعود ....والله حل ممتاز وانا متأكدة ان عمر ابن اختي هيصون ندي ويحميها 

ادهم باعتراض :

بعد اذنك يا عم مسعود  بس انت ايش ضمنك انه برضه ميفضلش وراها حتي بعد ما تتجوز اللي زي ده بيبقي كل اللي همه انه ميطلعش خسران وانه يمتلك اللي عاوزه وخلااص ....بصراحة انا مش موافق علي القرار ده ابدا 

مسعود بقلق وتفكير :

يعني هو في حل غيره يابني وقولنا لا ؟ انا كل اللي يهمني بنتي 

ادهم بسرعة:

بص يا عم مسعود سيبني اتصرف المرادي ولو حصل واتعرضلها الواد تاني وقتها اعمل اللي انت شايفه صح بس اديني فرصة لو سمحت 

مسعود بتفكير :

ماشي يابني اللي انت شايفه 

كريمة بتدخل :

طب ما يمكن ندي موافقة يا مسعود علي عمر وتبقي اتحلت لوحدها ومش مضطرين يعني لاي حل تاني 

مسعود بتنهيدة :

انتي ايه رأيك يا ندي يابنتي ؟ نكتب كتابك علي عمر وكدة كدة هو كان ملمحلي علي ارتباطه بيكي

ادهم قبض علي ايديه بغضب وهو باصص لندي بتحذير وهي بصتله بتوتر واتفاجأ وقتها ادهم بردها 

................................... 

كانت رايحة جاية رفيف في اوضتها وهي مخنوقة اوي بسبب اهمال مراد ليها ومعاملته ليها اللي مش مبينة حتي هي تفرق معاه ولا لا ....كل اللي بيعمله هو كلام وبس وياريته كلام صريح ....كانت ماسكة تليفونها اللي بيرن باسمه للمرة العاشرة وهي مبتردش لحد ما جاتلها رسالة بصوته 

مراد بتحذير :

لو مفتحتيش عليا يا رفيف صدقيني هتلاقيني قدامك ومش هيهمني حد وانتي عارفاني كويس 

نفخت بضيق فرن تاني والمرادي ردت :

نعم عاوز ايه يا مراد 

مراد بابتسامة :

شوفتي لما بتسمعي الكلام بتبقي حلوة ازاي 

رفيف بضيق :

ايوة برضه مقولتليش عاوز ايه ؟ 

مراد بابتسامة :

لما  اعرف زعلانة مني في ايه ؟

رفيف بسخرية:

لا وهزعل ليه يعني ولا انت عملت ايه ...اصلا انا بالنسبالك ايه يا مراد عشان يحق ليا ازعل ولا لا ....شوفت انت وصلتني لايه ؟

مراد بغموض :

مننا قولتلك انتي ايه بالنسبالي يا رفيف اخر مرة ولا نسيتي 

رفيف بانفعال:

انت هتجنني يا مراد ....انتت قولت كلام عام ....كلاام بسمعه من اي حد لكن انت قاصد تهرب من سؤالي وعشان كدة يا مراد خلاص انا قررت اني مش هفضل في انتظار كتير 

مراد بجمود:

وانتي بتسمعي الكلام ده من مين بقي ان شاء الله ؟

 

رفيف بصدمة وغيظ:

هو انت سامع نفسك ..انت اصلا في ايه ولا في ايه بس ....مراد اقفل انا بجد مش طايقاك 

مراد بتنهيدة :

رفيف انتي تاعبة نفسك ليه ؟ انتي عارفة كويس اوي تصرفاتي دي بناء علي ايه ...وعارفة اني مش هسمح انك تقربيي من اي حد انا بس محتاج وقت عشان اتأكد اني صح 

رفيف بصدمة وتهتهة :

محتاج وقت تتأكد انك صح ؟ انت بجد قولت كدة ؟ انت خايف يكون قرارك غلط وتكون اتسرعت عشان كدة عاوز وقت ؟ 

مراد بسرعة:

لا يا رفيف ...انتي فهمتي غلط صدقيني انا 

رفيف بحزن:

الظاهر ان بابا كان عنده حق لما قالي امك هتبقي سبب وجعي وانك عمرك ما هتحبني بس انا اللي كنت غبية ومصدقتش ووثقت في شوية مشاعر كدابة 

مراد بلهفة وسرعة:

لا يا ندي ....ابوكي بيكرهني وعشان كدة عاوزك انتي كمان تكرهيني ....عاوزك تبعدي عني فبيكرهك فيا وهو ده اللي بقولك عليه انا عاوز اتأكد اني هقدر اواجهه بعد كل اللي عمله ....رفيف انتي بجد حاجة كبيرة اوي عندي وانا من غيرك مش هقدر اعيش ولا اكمل 

رفيف ببحة حزن :

انت قولت كل حاجة الا حاجة واحدة يا مراد كانت هتحسم كل ده ....تقريبا هو ده كان قصدك انك بتحاول تجاهد نفسك عشان تقدر تنطقها وانا اللي غبية و مكنتش فاهمة ده 

مراد باندفاع :

تتجوزيني يا رفيف ؟.....