رواية ماخفي كان أكبر الفصل الرابع بقلم جمانه السعيدي
ميار....شكد ضجت ليش نور هيج اسوي وياي
اني شايله اغلب الشغل عنها
اجي قبلها وانظف المكان وارتبه واشتغل اكثر من شغلها
وما مئذيتها ولا احاول اقلل من شغلها
ليش تكرهني هيج ومحاربتني
اني شسويت الها
ااكيد تغار لان اني اشتغل احسن منها وصبحي
يمدح بشغلي ولأن سيف يجي علمودي ومحد معبرها
هنا ولا احد يسئل عنها
الغيره كتلتها تريد بس ازيحني من هذا المكان
حتى ترجع اسيطر من جديد
ثاني يوم وصلت نفس الموعد اجا صبحي
ميار.....صباح الخير
صبحي ...صباح الخير
وهو يفتح الباب ويدخل قبلي
ميار...استاذ انت صدكتني
صبحي....مااريد حجي بهذا الموضوع
ميار....اذا ماتريدني هنا اني ممكن اعوف المكان
صبحي....لا ما تعوفين المكان
اني اكدر اميز الزين من الموزين واعرف حركات نور
بس اريد تلتزمين بلشغل منا لمن احصل واحد أو وحده تساعدج
ميار...انشاء الله
نظفت المكان وستلمت طلبية الحلويات
رتبت المكان
شويه واجا سيف
كنت لازمه خاولي وجاي اللمع بلجام
بس شفت سيف شمرت الخاولي وكلت
ميار....اووووف استغفر الله ربي واتوب اليه
سيف....على كيفج عيني على كيفج
البارحه جان سويت حادث بسببج
ميار...ادخل بلمفيد شتريد
سيف...مو كتلج جان متت بسببج
ميار.. كلمن يموت بيومه اني شنو دخلي
سيف...اي اني اكولج شنو دخلج
هلكد ماافكر بيج جان سويت حادث
ميار.....هاي السوالف روح سولفهن على وحده غيره
اذا ما تشتري تفضل الله وياك
سيف....انتي شنو ماعندج احساس مو كتلج احبج
على فكره اني مااكول احبج بسهوله الاي وحده
بس انتي غير
مجاي اطلعين من دماغي شتتي حياتي لعبتي بيه طوبه
احبج يابت الناس احبج
ميار...شنو المطلوب مني فهمني
سيف...المطلوب ناخذ فرصه تعارف حتى اتقدملج
ميار...ومنو كالك اني اقبل بيك
سيف...هااا ما تقبلين بيه ليش عيوني اعور
مو حلو فكر شبيه
ميار.. اهووو زودت بلكلام هوواي اطلع من رخصتك
سيف...مااطلع منا اذا ما تقبلين نتعرف اني وياج
على الاقل اريد رقم تليفونج
ميار....راح اتصل على الشرطه
سيف...يله اتصلي اكوللهم احبها وشالعه كلبي
وتلعب بااعصابي
جمانه السعيدي
ميار....عفته ودخلت على استاذ صبحي
ميار...استاذ ممكن تجي تشوف هذا البرا شيريد بلضبط
لان تعبت ويااا
صبحي....شيريد شي ما عدنا
ميار...انت شوفه واني راح انتظرك هنا
طلع صبحي
صبحي....هلو عمو تفضل بيش اخدمك
سيف...عمو ممكن تتوسطلي يم ميار اني احبها وهيه
رافضتني
صبحي...هذا المكان مو للحب هذا مكان عمل
تكدر تروح بيت اهلها وتطلب ايدها منهم
ممكن تتفضل لان جاي تعطلنا عن الشغل
ميار...طلع سيف شفته من الجام
رجعت المكاني
صبحي...ناس ماعدها شغل وعمل اني بعمره كنت اشتغل
بلمعمل لليل نهار واطلع شغل عشر عمال
وهذا جاي يدور حبيات
ميار.....هلكد مافارغ وماعنده شغل وعمل ولا اكو مسؤليه
بركبته باقي يدور هيج سوالف
يريد بس يكسب التحدي بااي شكل
اليوم الثالث والاخير سيف ما مستعد يخسر كدام جماعته
ساعه ورجع عليه
بس شفته.. كلت استغفر الله ربي واتوب اليه
سيف...شبيج اريد اشتري اني زبون بهذا المكان من زمان
ميار..تفضل شرايد
سيف....اريد اطلب ايدج من اهلج
ميار....وبعدين
سيف.....نزوج
ميار....اني مااريد ازوج
سيف...بس اني اريد ازوج اريد انقذج من هذا الوضع
ميار...اني شكيتلك
سيف...احبج ولج احبج اموت عليج
ليش تشلعين كلبي
ميار.....انت شنو قصتك
سيف...قصتي بالمختصر احبج ا...ح...ب...ج
اموت على ربج الي خلقج
انطيني فرصه واذا ما اقتنعتي كلمن يروح بطريقه
بشرفج واحد مثلي صار ٣ ايام عايف حياته
وشغله ومكابلج وكاعد
لو كلبج من حجر جان حن عليه
ميار...ماانكر مشاعري بدت تتاثر بكلامه واسلوبه الحلو
وهذا الإلحاح العجيب
كنت اكول مستحيل واحد مثله فلوس وحياة حلوه
شايف وعايف يسوي هيج اذا ما يحبني
من صدك شنو الي جابره يذل نفسه وهو اذا يأشر بايده
ابدال الوحده عشره
يمكن صدك يحبني ليش يقبل احجي علي واهينه
وبعده متمسك بيه بهذا الشكل
جمانه السعيدي
سيف...هااا شكلتي
ميار....طلعه ماكوو مااطلع وياك لو تكون اخر واحد بلدنيا
اذا انت صادق بكلامك
بيت اهلي مفتوح تفضل احجي ويا امي
غير هذا الكلام ماكووو
سيف...هيج كبل قبل لا نتعرف
اني عندي كلام هواي اريد احجي اللج
اريد احجيلج كلشي عن حياتي قبل لا نرتبط
خاف بعدين تكولين ضحك عليه
ايجوز اكو اشياء بحياتي ما تعجبج مايصير كبل نرتبط
ميار...ماعندي غير هذا الكلام تفضل الله وياك
اذا ما يعجبك كلامي بعد لا تشوفني وجهك
جمانه السعيدي
سيف....ليش هيج
ميار.. ماعندي غير هذا الكلام تفضل
تعب من الكلام ومحاولة اقناعي اطلع ويااا
مجاي يكدر يأثر عليه وهذا آخر يوم راح يخسر الرهان
طلع زعلان من المحل
بقيت طول النهار افكر بي
افكر بكلامه هلكد ما يجي للمحل ويسمعني كلام حلو
عقلي وكلبي اتاثرن بكلامه
ودي اطلع ويااا بس مااكدر اخاف منه
خل اشوف اذا يحبني صدك
راح يجي يطلب ايدي من امي
بوقتها عمري ١٩ سنه وماعندي اي تجارب سابقه
ولا اعرف اجذب ولا اعرف اضحك على احد
يمكن لو وحده غيري جان عاشت براسه
خلته يصرف عليها
بس اني مااكدر اسوي هيج اله نرتبط رسمي
بقيت طول النهار افكر بي وكلبي يسترجع كلماته
ونضراته والحاحه عليه
بس عقلي يكول لا لا لا تصدكينه
اذا ما يجي يطلب ايدج
شويه واجتني باقة ورد توصيل عليها مكتوب
سيف احبج
اخذتها وضحكت
معقوله الشي الي جاي يصير وياي
سيف ابن الحسب والنسب الي كل البنات تركض ورا
هو يركض وراي
ليش اقلل من نفسي اني شنو ناقصني عن البنات
حلوه ومؤدبه وشريفه
ايجوز شاف بيه شي ماشافه بلبنات
من طلعت بعد ما خلص دوامي
لكيته منتظرني برا بس شافني طلعت نزل من السياره
سيف...ميار ميارر
ميار...نعم خير شكو
سيف...اوصلج للبيت
ميار...شكرا مااصعد ويا احد غريب
سيف....بس احنا انشاء الله راح نكون نسايب
ميار...اذا صرنا نسايب نحجي غير حجي
عفته وصعدت بلخط وهو بقا واكف وعينه وراي
انتهى اليوم الثالث وسيف خسر النحدي
اصدقائه بدو يضحون علي
اول مره يخسر رهان
جان يحس بهزيمه وحده فكر مثلي على شنو شايفه نفسها
شلون يخسر الرهان بسببي
اني سيف وحده مثل هاي تصعب عليه
بس ولله مااعوفها اله اخذ منها الشي الي اريده
واشمرها شمرت الجلب
اني اخسر رهان دخلت بي بسبب وحده مثل هاي
ميار....كل اليل اخترع قصص حب بيني وبين سيف
واتخيل هو عايش حب افلاطوني بسببي
وليل ما ينامه بس يفكر بيه
ذابح نفسه عليه ساعه افكر ااكول ليش ماانطي فرصه
واشوف مشاعره شنو
اذا صدك يحبني ويجي يطلب ايدي
راح يتعدل مستوانا المعيشي
وارجع اكمل دراستي واعيش حياة مريحه
ليش ماانطي فرصه
نكعد نحجي اني ويااا قابل شراح يصير يعني
ليش اضيع هيج فرصه ما تتعوض من ايدي
ولأن اني مااعرف بسالفة الرهان
وجنت اعتقد هو فعلا يحبني ويريدني
قررت اذا رجع باجر اجا للمحل اقبل نتعرف اني وياا
ومااضيع هيج فرصه من ايدي
ثاني يوم لبست ثوب حلو اول مره البسه
ومكياج وخليت عطر يخبل عدلت حجابي وطلعت
وصلت للمحل وبديت شغلي مثل كل يوم
وبقيت انتظره
عيني على الباب
كلما ينفتح الباب اطفر ااكول هو اجا
بس ماكووو
اكيد ضاج مني ومن اسلوبي الخايس ونهزم
شنو قحط بنات يكدر يحصل احلى مني
اني غبيه وضيعت هيج فرصه من ايدي
خلص النهار وسيف ماكووووو
اكيد مل مني وبعد ما يجي هنا
ضيعت فرصة العمر من ايدي
