رواية انجدني من الغرق الفصل الرابع بقلم امل بكر
-اي الاخبار كنتو بتحكو في اي ؟!
-تقصدي علي ابن صحبتك ؟!!
بابتسامه ،
-ايوه
-قوليلو يبعد عني علشان انا بكره نفسي لما بيكلمني بس
-لي بس كده انتي مش شايفه نظرات البنات علشان هو واقف جمبك انتي
بصيت حواليا فعلاً كانت عينهم عليه وفي البعض عيونهم عليا اتكلمت ،
-براحتهم خليهم معجبين بيه انما انا لاء
-اوف ياليال انتي عنديه اوي بشكل فظيع مالك الله
-ماما لو فضلتي تتكلمي في السيره دي انا همشي حالاً
قاطعنا صوت طنط نڤين وهي بتقرب مني وبتبوسني في خدي ،
-مرات ابني اخبارها اي
كنت هرد عليها بخنقه ولكن ماما برقتلي ،
-بخير ياطنط كل سنه وانتي طيبه
-وانتي بخير ياحبيبتي
وجهت كلامها لماما بضحكه ،
-بقولك اي يا زينب احنا لازم نبخر الاولاد للعين كلها عليهم انهارده
ماما ضحكت معاها واكدت كلامها وانا قلبت عيني بملل
فضلنا واقفين وانا زهقت رجلي وجعاني طنط تڤين قربت عليا ومسكتني من كف ايدي
-تعالي اعرفك علي صحباتي
ملحقتش انطق ولقتها جراني وراها حد ندهلها انشغلت معاه وانا مشيت بسرعه من جمبها وروحت لماما الي واقفه مع مجموعه ستات اخر اناقه
قربت من ودنها بسبب الموسيقي وقولت ،
-ماما انا هروح مش مستحمله الجو ده
-طيب طيب انا هقعد شويه
-ماشي
جريت بسرعه لبره وانا بتنفس بارتياح وكأني هربت من الوحوش كنت هروح مشي لبيتنا ولكني شهقت بخضه من الي نده اسمي
لفيت وكان طارق ،
-اي ياحبيبتي طلعتي لي ؟!
قفلت عيني بعصبيه وقولت بانفعال ،
-انا مش حبيبتك ياريت تفهم ده تمام وسيبني في حالي لاني علي اخري
كان هيلمس شعري ولكني رجعت لورا ،
-اوعك تلمسني اديني حذرتك انا مبحبش الحركات دي ولا بقبلها
غمزلي وهو بيقول ،
-اه انتي عايزه لما تبقي خطيبتي يعني علشان الناس مش كده
رفعت كتافي ،
-انت بتقول اي !! انا اصلاً مش هبقي ولا هيحصل اني هبقي خطيبتك
-بس متقوليش كده انا عارف حركات البنات التقلانه دي
-بقولك اي ابعد بقي والا والله هصوت واقول عليك واحد سافل وكلام مش حلو بالمره
ضحك وهو بيحط ايده علي قلبه،
-كوكي كل الي جوه عارفين انك هتبقي خطيبتي
اتنفست بزهق وقولت اتكلم بزوق يمكن يفهم ،
-ممكن ياطارق تسبني بقي امشي عايزه اتخمد
-ماشي بس لينا قعده تانيه ياروحي
خلص كلامه ودخل اخيراً وانا اتنفست بارتياح ومشيت خطوتين عدت من جمبي عربيه فيها شابين كانو بيقولو كلام ولكني تجاهلت ومشيت بسرعه وكنت خلاص هقرب علي الفيلا
ولكنه قطع الطريق عليا بالعربيه ونزل واحد منها وهو بيقرب ،
-اي ياحلوه تقلانه ومخلينا ماشين وراكي
ضحك واحد في العربيه ،
-اركبي اركبي رايحين مكان هيعجبك اكيد
خلص كلامه وهو بيبصلي من فوق لتحت وهنا كنت حاسه نفسي بيروح ومش عارفه اتصرف
قولت بثبات ورا توتر،
-ابعد عن طريقي انت متعرفش انا بنت مين
ضحك بسخريه وقال ،
-بنت مين يعني اركبي اركبي وبلاش كلام كتير
بصيت بأمل علي العربيه الي جايه علينا وقفت قدامها بسرعه وقولت ،
-اقف اقف
فرمل وفتح الباب وطلع وانا بصيت بدهشه وقولت ،
-صالح !!
ملامحه اتغيرت للضيق لما شافني ونفخ وقرب عليا واظنه مأخدش باله من الي قاطعين عليا الطريق
-عايزه اي !!!!
بصيت علي الشاب الي واقف ،
-ده بيضايقني وماشي ورايا وو
مكملتش كلامي شهقت لما الشاب شدني من دراعي ،
-متفكريش اننا هنسيبك اركبي ياحلوه ده شكله محترم ملهوش في كده
خلص كلامه وهو بيبص لصالح متوقعتش ان صالح يضايق اوي كده شال ايده الي عليا ومسكه من هدومه ،
-عيد كلامك تاني بقي كده مش هتسيب مين ياحبيبي؟!!!
الشاب التاني نزل من العربيه بس صاحبه شاورله بخوف ،
-خلاص خلاص مكناش نعرف انها تخصك سيبني بقي
صالح زقه وهو ركب عربيته ومشا بسرعه رهيبه
حطيت ايدي علي قلبي بخوف وبصتله
-شكراً بجد
بصلي وقال ،
-انتي بتعملي اي هنا عايزه اي ؟!!!
رفعت كتافي ،
-انا عايشه هنا في الفيلا دي
خلصت كلامي وانا بشاور ورا ولكنه ملفش وقال ببرود ،
-طب ابعدي بقي من قدامي خليني امشي
باستغراب من ضيقه مني ممكن علشان تصرفي معا امبارح !!
انفعلت لما افتكرت ،
-انت بتتكلم معايا كده لي اصلاً الله
-انا سكتلك امبارح ومش هسكت تاني
-يامامي خوفتني هتعملي اي يعني معلش !!
شاورلي وكأني حشره ،
-ابعدي من وشي مش فاضيلك
بعصبيه قربت منه ومسكته من دراعه،
-انت ازاي تكلمي انا كده !!
شد ايده مني وبصلي ،
-ابعدي من وشي مش هقولها تاني
فتح الباب وقبل لما يركب بصلي وقالي ،
-ده مش لبس يتلبس الا بقي لو حابه المعاكسه
فتحت بوقي بصدمه من وقحته وضربت العربيه برجلي بنرفزه ومشيت ولكني سمعته بيتمتم
“””””””””””””””””””””””””””””””””””””””
مسحت علي وشي بعصبيه بصيت عليها في المرايه وهي ماشيه بنت غريبه منرفزه هبله وو
استغفر الله بسببها هاخد ذنب
دورت العربيه وصلت ودخلت الفيلا طلعت اوضي غيرت هدومي ونزلت علشان العشا بعد لما اكلنا انا وامي وبابا وكارما
قعدنا في الصالون كلنا كنت تعبان وطالع انام ولكني افتكرت البنت صاحبه كارما
بصوت واطي ،
-تعالي عايزك نتكلم
كارما ،
-طيب
طلعنا نتكلم في الجنينه ،
-خير في اي ياصالح ؟!!
-البنت صاحبتك بتاعت امبارح ال..
قاطعتني،
-ليال ..مالها
بصتلها وانا عاقد حواجبي ،
-تعرفيها منين ؟!!
-من الچيم وبقي بينا كلام لي بتسأل ؟!
-امم طب اقطعي علاقتك بيها
بصتلي بدهشه من كلامي لاول مره ادخل واقولها متكلميش شخص ،
-لي ياصالح كده هو في حاجه حصلت امبارح
“بصتلها شويه ولفيت وشي ..اكيد متعرفش حاجه وانا مش عايز اشغل دماغها بالكلام ده ”
-مفيش ياكارما انا اكبر منك وفاهم عنك وبقولك اقطعي علاقتك مع البنت دي
كملت كلامي وانا بشاور بايدي باستغراب ،
-وبعدين دي مش شبهك لي بتكلميها !!
اتكلمت باستغراب ،
-تقصد يعني علشان مش محجبه
هزيت راسي ،
-يعني ..هي كلها علي بعضها مش شبهك
-انت برده الي بتقول كده الله يهديها ممكن بكره تبقي احسن مني ومنك
كنت هقولها فعلاً ولكن هزيت راسي برفض دي عيلتها تجار مخـ.درات !!!! استحاله اختي تمشي معها
-لا ياكارما انا قولت كلمه في حاجات انا عارفها مينفعش اقولهالك اسمعي الكلام
بتزمر قالت ،
-يوووه ياصالح انتي مالك اتغيرت لي ؟!!
قولت بهدوء وانا بضبطب علي كتفها ،
-اسمعي الكلام ياحبيبتي انا افهم عنك
-هي والله نضيفه انت بس بتقول كده علشان متعرفهاش وبعدين من امتي وانت بتاخد بالشكل ياصالح
رجعت شعري لورا بصتلها وقولت ،
-عيلتها تجار مخـ.درات ياكارما
حطت ايديها علي بوقها بصدمه ،
-لا لا اكيد انت فهمت غلط
هزيت راسي ،
-افهم غلط اي بس!! …اخوها قالي بنفسه
-اكيد هي متعرفش
بصتلها بحزن علي زعلها ،
-هي كمان كانت امبارح واقفه وعارفه
سكتت شويه بصدمه بعدين قالت ،
-يعني ابوها كان ممسوك بسبب كده ؟!!
هزيت راسي
-وانت طلعته!!!
-لا انتي عارفه انا مش بحل اي نوع من القاضيا دي
-يعني رفض !.
-بالظبط وهي اضيقت جداً واسلوبها شبه الطفله زعقت وضربتني في صدري وانا مشيت ولا سألت عنها
بصتلي وضحكت غصب عنها ،
-مدت ايديها عليك !!
-بالنسبالها ضربه بس عادي يعني كأن دبانه خبطت فيا
اتكلمت بجديه ،
-بس انا حاسه ان ليال ملهاش في كده
-ليها او لاء ملناش فيه ابعدي عنها وكده خلاص
-انا اسفه اني ورطك في حاجه زي كده
-خير بينتعلم
-بتفكر في اي ؟!
-مش عارف حاسس المفروض نبلغ عنهم
بتردد ،
-مش عارفه دي خطوه مش سهله ممكن تدخل في مشاكل كده
-ايوه بس ناس كتير بتدمر بسبب الهباب ده
-عندك حق موضوع صعب الصراحه بس الله يكشفهم قريب وياخده جزائهم
-يارب ..انا هطلع انام ورايا شغل بكره الصبح
قامت هي كمان وقالت بابتسامه،
-انا فخوره بيك ياحبيبي وبإنك معملتش حاجه تغصب ربنا
-ادعيلي بالثبات ياكارما
-اللهم يامثبت القلوب ثبت قلبك علي الهدايه
بوست راسها ،
-يارب ياحبيبتي
“””””””””””””””””””””””””””””””””””””””
غيرت هدومي بكل نرفزه سيبت شعري مفروض ونزلت علشان اشرب دخلت المطبخ شربت وكنت هطلع بس سمعت وبابا بيتكلم في الموبايل في اوضه مكتبه
وقفت وانا بسمعه بيقول ،
-ايوا ياأسامه عملت اي في حوار المحامي الي قولتك عليه بتاع الصبح ؟!!!
سكت ثانيه يسمع وبعدين قال ،
-كنت عارف انه محامي ماشي علي المسطره أتأكد خليك حواليه علشان لو فكر يعمل حركه غلط
اتكلم من تاني بنبره ضيق ،
-اسامه مش عايز توقعاتك ..خليك حواليه ولو تعرف تقرب منه وتفهم دماغه
-يلا مع السلامه
جريت اطلع علي السلم وقفني صوت بابا
-ليال !..
“””””””””””””””””””””””””””””””””””””””
