رواية قاتلة ابي الفصل الخمسون بقلم بنت الشيخ ترابية
في تُركيا
دق الباب اكتر من دقة وحدة قمت فتحتوا
شفت رجال بس مش كبير بالعمر كتير
ريناد: تفضل اخي بدك شي؟
: ممكن احجي وياج بموضوع لو سمحتي؟
ريناد: أه انت عراقي ، اي تفضل بشو فيني اساعدك
: ندخل جوه واحجيلج الموضوع
أمي كانت خارج البيت ف سمحتلو يدخل لجوه
دخل وقعد ع الكرسي وطلبت منو يحكيلي شو بدو لانو مو حلوه بحقي يدخل رجال غريب على بيتي
ريناد: تفضل احكيلي وياريت تسرُع أمي هلأ بتوصل
: تعرفين رجل اسمه ايهم ***
انصدمت شو عرفو بأستاذ ايهم
هون بتركيا مافي حدا بيعرفو وحتى صاحب العمارة مابيعرف اسمو بيعرفو بأسم ادهم
ريناد: مين هاد وانت مين؟
: انا اقاربه واريد اوصل اله لانو ماعرف وين ساكن ساعديني ماعندي غيرج بتركيا يكدر يساعدني
ريناد: وانت من وين عرفت مكاني وبتعرفني اصلا انا مابعرفك
: اعرفج من ايهم
ياريت لو تساعديني
بلش يتوسل فيني وانا نوعًا ماوثقت فيه
لانو محدا يعرف استاذ ايهم المسؤول عني انا وامي
ف قلتلو عايش بالعراق بس وين مابعرف
هز راسو تشكر مني وطلع سكرت الباب وراه
ورحت لغرفتي اخذت تلفوني واتصلت ع استاذ ايهم
رن وجاوبني
ايهم: اهلاً ريناد عسى ماشر؟
ريناد: اهلا فيك ، استاذ ايهم قبل دقائق اجه ع بيتي رجال .... وحكيتلو كل الموضوع
ايهم: اي زين سويتي اعرفه هذا
مشكورة بوية بس لا تفتحين الباب لاحد غير امج تمام
ريناد: تكرم عينك ..
هلأ بحس حالي مرتاحه
واجت أمي كمان حكيت الها ع الموضوع وع تصرفي وقالت منيح انك عملتي هيك ...
..................
شهل
كعدت وكعدت يمي ومخنزره بوجهي
يمكن شافتني وخفت حيل منها عيونها دم
ابتهال: منو هذا؟
فتحت عيني بصدمه
يعني شافته !!!!!!!!
: ماما خليني احجيلج وافهمج وبعدين حكمي
هزت راسها بس ماتباوعلي عينها بالكاع وعاضه شفتها
حجيتلها الموضوع من اول ماشفته احد اللحظه الي شافتنا بيها
ابتهال: يعني الثلاثاء يخطبج؟
هزيت راسي
ابتهال: واذا ماخطب وطلع صايع؟
شهل: لا يوم حتى هو كال ماريد علاقه الثلاثاء اخطبج واسجلج بأسمي لانو اريد اسافر اسبوعين وانشغل
هزت راسها وكالت ... : ننتظر ونشوف بس اذا طلع صايع الله كريم وقتها
هزيت راسي وهي كامت لغرفتها
امي متفهمه حيل رغم فطاريتها بس ذكيه جدًا وتلكفها وماتعبر عليها ورغم عصبيتها بس تسكت وتفهم وبعدين تحكم وهذا الشي الي شجعني ع انو احجيلها
بس رغم هذا كله خفت لتكول لابويه
وابويه من النوع المُتشدد ونوب ينهي الموضوع بالرفض
................
هنادي
كعدنا الصبح انا وايهم
سبحت وبدلت ونزلت قبله لانو اندليت الطريق
لزمتني زينب وساكته محاجيه شي
نزل ايهم وصبح عليهم وكال
: رجعوا؟
زينب: اي رجعوا قبل ساعتين
: وهسه شلونها؟
زينب: سقطت الطفل
ايهم بقى يتحسر ويستغفر
تلمست الميز وهو انطاني ايده لزمتها وضغطت عليها
هنادي: ربك كريم هو ماراد الها الطفل
همهم ايهم
دخل ماهر
ماهر: لكيت دكتور بلبنان خوش دكتور سألت عنه معروف بس هو عراقي
ايهم: يعني نحجز؟
ماهر: ياريت تحجزون بأسرع وقت
محد حجه بعد والكل التهى بشغله
اسراء ماشفتها ولا سمعت صوتها بعد
مَرت 4 ايام
الوضع هو هو ماتغير مع اسراء
وتحلف متسوي طفل لانو تكول انا منحوسه
حجزنا وطيارتنا بعد ساعة لـ لبنان
وزينب رجعت لبيت زوجها لانو فهد رجع
واسراء صعدت ودعتني ونزلت
وماهر بقى ويانا وحجيه نوفه بجت وتدعيلي
ايهم: جاهزة نروح؟
هزيت راسي ولزم ايدي وطلعنا
ماهر وكف بالباب منعنا من الطلعة
حضني وبجه ..
ماهر: خايف عليچ،، ربي يردج سالمه الي بعيونچ
هنادي: ان شاءالله حبيبي، دير بالك ع اسراء
ماهر: بعيني بس رجعيلي سالمة
بوسته وطلعنا صعدنا بالسيارة
اول ما صعدت نمت ...
.....................
: مايضبط السحر مايضبط لاعبه بالماي
: لا والله مامتقربه لغراضچ
: هذذااااااا ريحته غريبة شنوووووو هذا
: ماعرف عاااااد لتلحين
جانت شرطية واكفة حارس علينا عاطت بينا
: شو انتن ماتسكتن؟ وعلي بن ابي طالب اذا سمعت صوتچن اشيلجن وارگعجن بالكاع ومايطلع اسمي ميسون اذا ما كتلتجن ادبسزيات
بقت حنان تخزر بيه وانا ابتعدت عنها
من ذاك اليوم وانا مبتعده كل البعد
وانا الي غيرت الماي مال السحر
حتى ماتهجم بيوت العالم بسبب حقدها وانانيتها
................
كعدني ايهم وكال وصلنا للمطار نزلي
نزلت و وكفت انتظره اجع ولزم ايدي ومشينا
دخلنا لمكان حسيته مستشفى من كد ريحة المعقمات
والبرودة .. كال ايهم هذا المطار
بقينا نمشي وتالي اخذنا جنطنا وكعدنا ننتظر
ماجان اكو هواي حسب ماكال الا القليل من الناس
ف بسرعه وصل السره النا وصعدنا بالطيارة
سدولي الحزام وايهم رفع ايدي وباسها
ايهم: مهما يصير ابقى وياج وعيونج
بست ايده وغمضت ..
يصير عندي لعبان نفس من الطيارة ،،
وصرنا بالجو
.....................
اسراء
بعد الي صارلي حلفت ما اسوي جهال حسيت نفسي منحوسة للحظة مو طبيعية
الي صارلي او الي ديصيرلي ديخوفني اكثر
الي صار ويايه بالمطبخ ما انعاد ابد
ولا حسيت بشي ولا شفت شي نهائي
فزيت من صفنتي ع صوته
ماهر: ها ضلعي شلونك
ابتسمت وهزيتله راسي
ماهر: عليمن صافن الحلو؟
اسراء: شوف القمر شكد حلو
ماهر: ياقمر منهن الـ يمي لو الفوك؟
اسراء: ماهر الي فوك يمعود
ماهر: مو حلو اليمي احلى يُبا تعالي خلي اشعرلج
فر الكرسي بأتجاهه وتحمحم وطلع تلفونه
وبلش يحجي
ماهر: وعَن جَمالكِ أتكلم
وعَن حُسنكِ أتبهجُ
ليتنا كُنا صُغارًا جَدًا
حتى في فَعل الحرامُ لنا العُذر
لا تخَافي فقط حُضنًا يوسد أعماقي
وفقط صوتًا يَهزُ عُرشي
وأخيرًا لمسةً تُغير.. وتُحطم كبريائي...
صفكت بخفه
اسراء: واو،، منو علمك؟
ماهر: رحت لايهم كلت اله انطيني فد غزل اقراه براس مرتي تالي الليل وانطاني هذا وكتبته
اسراء: وليش متكتب من وحدك؟
ماهر: وابو فاضل تكعدين جوه الجسر شسالفة
وهز ايده وضحك وضحكت ع ضحكته
اسراء: اكو وحده اعرفها خلي احجيلك عنها
عدل كعدته وانتبهلي
اسراء: امها تصير بنت عم خالتي
وابوها ابن عم امها،، اختها تزوجت ابن خالتها وهو متزوج ثنين وثنينهم بنات عمه وعنده جهال
قاطعني ودنك راسه
وهمس: بطتكم تبط بطن بطتنا
مثل ما بطتنا تبط بطن بطتكم
اسراء: ماهر اسمع وبلا سخافة رجاءًا
هز راسه ورجعت تسلسلت بالكلام وهو يستمع لحد ما اخر شي خدر جسمي وحسيت نفسي راح انام
ماهر: المعنى الحقيقي لـَ اتركو الجاهل يحجي لحد ماينام وننتهي
كام شالني ع الجرباية غطاني ويلعب بشعري لحد ما نمت
................
ايهم: جاهزه؟
هنادي: خايفة
ايهم: ابرة مخدر تنهيج،، جاهزة؟
هزيت راسي وكلت : جاهزه مادام حشوف ايهمي
تقرب وحضني حيل وسمعت الممرضة تكول
الممرضة: مو مشكلة بأخر العملية اذا بدكن؟
وضحكت ضحك ايهم وكال: شوكت تبلش
الممرضة: رح يجي الدكتور وندخلها ع صالة العمليات
رجع حضني من خصري وكال
: اريد الذيبة البداخلج تطلع بهذا الوقت الصعب تمام
هزيت راسي وباسني من راسي وخدي
وبقى حاضني لحد ماسمعنا صوت الدكتور ودخلونا لصالة العمليات
حسيت بأبرة البنج وجهاز الاوكسجين ع وجهي
........................................................................
هُنالك بداية لكُل شيء
وهُنالك نهاية ايضًا
