رواية خطوات الخطيئة الفصل الخامس بقلم سولييه نصار
-ششش بس اسكت ...
قالتها شيماء وهي حاسة بالر.عب ...لو اتكشفت هتتفـ ضح ...هي عمرها ما حبت كرم هي حبت حسن وعشان حبته هي ادتله كل حاجة من غير تفكير لكن طلع انسان و اطي واتخلى عنها. هي خافت تتفـ.ضح عشان كده قررت تلعب اللعبة دي عشان تستر نفسها
فلاش باك .....
-مش كل ما اهلنا يزعلونا يا شيماء نعمل كده ..
قالها كرم بضـ يق وهو واقف قدام باب الشقة اللي شيماء أجرتها ....اتصلت بيه شوقية وقالت إن منصور ابو شيماء اتخا.نق معاها وضر.بها وهي سابت البيت وكانت خايفة منصور يتعصب ويعمل حاجة فملقيتش الا كرم تدخله في الموضوع ...هو انسان أمين وبيعتبر شيماء أخته
-يعني هو عادي يمد أيديه عليا ...أنا مبقتش عيلة صغيرة ...
قالتها بضـ يق وبعدين قالت :
-أتفضل ادخل مش هنتكلم على الباب كده ...
كان متضا.يق ومش حابب يدخل لانه عارف أن أفنان هتتضا.يق وهتنكد عليه ...هي فاكرة أن فيه حاجة بينهم لكنه مشافش شيماء الا أخته ...عمره ما شافها غير كده ...أتردد شوية بس بعدها دخل .....
........
-هجبلك حاجة تشربها ...
قالتها شيماء بلطف لما قعد كرم ...
-مفيش داعي يا شيماء روحي البسي عشان نرجع لأهلك وجودك هنا لوحدك غلـ.ط وميصحش ...يالا هنمشي دلوقتي
كان عايز يقول إنه عايز يطلع ويستناها بره بس خاف أنها تزعل أو تفهمه غلط
ابتسمت هي بخبـ.ث وقالت :
-أنا هاجي معاك يا كرم مش هعند بس اشرب حاجة الأول بليز ...
-ماشي يا شيماء بس بسرعة الله يخليكي ...
.....
بعد شوية جات بكوبايتين عصير مانجا وقالت وهي بتقدم ليه كوبايته :
-عارفاك بتحبها ....
ابتسم وقال.:
-تسلمي يارب ...
وبعدين بدأ يشرب ...حس بطعم غريب شوية بس كمل شرب ومحبش يكسفها مكانش مدي اي خو انة ...كان واثق فيها جدا ....
لما شرب ابتسمت وهي شايفاه وبيمسك رأسه وحاسس بالدوار قربت منه وقعدت جمبه وهي بتمسك رأسه وبتقول :
-كرم أنت كويس. ...
عينيه كان مزغللة ..حاسس ان فيه حاجة مش طبيعي ....لمست شيماء شعره بلطف وابتسمت وهي بتقرب منه اكتر ...
-شيماء بتعملي ايه ؟
قالها وهو حاسس انه معندوش طاقة يبعدها وبعدها فقد الوعي تقريبا....اول ما أتطمنت أنه فقد الوعي قدرت تشده للاوضة وهي بتنهت من المجهود اللي علمته وبعدين في الاوضة بدأت ترسم مسرحيتها بمهارة
باك ..
طلعت من شرودها فقال :
-أنا بس حابب اوريكي فيديو لطيف ...
وبعدين مسك موبايله وفتحته فاتصدمت وهي شايفة اللي حصل يومها بالضبط ...ازاي حطتله حاجة في العصير وازاي قربت منه وازاي شدته وهو اصلا مش داري ....
بصتله بصدمة فقال :
-أنتي عبيـ طة يعني فاكراني ليه هديكي شقتي تقعدي فيها وتقولي ليهم انك اجرتيها وكمان أنا اللي قولتلك على فكرة انك تغر.ي اكرم بس انتي قولتي انه بيحب مراته ومش بيشوفك بالطريقة دي فاقترحت انك تخد.ريه وصدقيني أنا زارع كاميرات في كل مكان في شقتي يعني انتي وقعـ تي في الفخ يا حلوة ودلوقتي لتد.فعي أو افضـ.حك !
.........
مر يومين
كان حسن قاعد في شقته ماسك سيجارته لما لقى رسالة تحويل على أنستا باي بنص المبلغ اللي طلبه ورسالة من شيماء على الواتس بتقوله أنها قدرت تتصرف في دوول بس لما باعت الخاتمين اللي معاها وبعدين هتتصرف وتجيب الباقي ....
........
كان فاضل يوم واحد على كتب الكتاب كان كرم بيحاول يتصل بيا بس انا كنت بتجا.هل كل مكالماته .... مفروض بكرة يكون كتب كتابه وطلاقي منه حاول كتير يخليني أتراجع بس انا رفضت مكنتش هدي لخا.ين اي فرصة ...ده كان قراري...
نفخ كرم بضيق وهو بيرمي التليفون وحاسس بو.جع في قلبه ...هو خـ.سرها للأبد فجأة جات رسالة على الواتس فمسك موبايله بلهفة عشان كان فاكر أفنان ....بس الرقم كان غريب ...فتح الرسالة بحيرة شديدة ولقى فيديو وتحتيه رسالة طويلة :
-أنا صحيح وا.طي يا كرم بس انا عندي شوية ضميري يخليني ارفض اني اشوفك بتتدبس مع واحدة زي دي ...واحدة أنا اصلا اللي غلطت معاها وعشان تستر على نفسها وقعتك انت ...صحيح ده كانت فكرتي أنا عشان ابتز.ها واخد منها فلوس ...بس بما اني اخدت منها فلوس حتى لو نص المبلغ مش مهم ...أنا كده كده مسافر وحابب انك قبل ما تتدبس تشوف الفيديو ده واللي هيوضحلك كل حاجة ....
فتح كرم الفيديو بصد.مة واللي شافه كان زي خبـ.طة في الراس
شكرا لزيارتكم عالم روايات سكيرهوم
