رواية ما ذنبي انا الفصل السادس 6 بقلم أحلام السعدي

ولو أن الحياةَ تَبْقَىْ لحيٍ لعدَدنا أضَلَّنا الشُّجعانا وإِذا لم يكنْ من الموتِ بدٌ فمن العجزِ أن تموتَ جبانا

ــــــــــــــــــــــــــــــــــــــــــــــــــــــــــــ

صارت شفتي قريبة من شفتة .

شكد حاولت ارجعة الوعية..وادفع بي بس صخر...

دايبوسني بس دفعتة بسرعة.

.....مراد انت شبيك. تخبلت.اني وين وانت وين. اني مخطوبه. تعرف شنو مخطوبه.

رجع الوعية... وباوعلي ونصدم من نفسة. ولتفت للجهة الثانية وخلة ايدة عالشفته. وراح بسرعة..اسف.اسف .وسد الباب .

باوعت عالباب.وجنت مصدومة منة . مراد الي يضحك هواية وياية. هيج يسوي ويايه.

صحت من شرودي عالصوت الحية.عمة ملاك..

ملاك....لج شويدن تعالي.

كلت يبووو شتريد مني. الا تخليني اموت الف موتة يلة تعوفني.

ملاك....شويدن.

...صحت بصوت.اي اي عمة جيت.

ملاك....وعم عمة تعالي.

.حجيت بكلبي وجع انشالله وزقنبوت. شوكت اخلص من هذا السجن.

طلعت عدلت حجابي .

رحت للصالة وهستوها داتححي وياية .دخل آصف وجة مكلوب مدري شبي .

ملاك....ها آصف.شبيك.

باوع علية ورجع باوع عالعمتي.

آصف.... انتي يبنيه. روحي صيحي كل الي بابيت..

باوعت علية دااحجي بس خنزر علية.سكتت ورحت صحتهم كلهم .

رتيل....خير ياآصف شبيك .

أدم....شبيك خير.

آصف....عمي ثابت .

ماما هالة ....بخوف.يمة شبي ثابت وليدي كول آصف .

آصف.....يمة .اهدي.

ضربت نفسها وتصيح شبي. والكل يكول شبي لآصف.

سكت وكال. سوا حادث. وخابرو اهله وكالو تعالو اخذو جثته.

صارت صياح وعياط وكلهم يبجون.واكثر وحدة امه  والعم مالك .

نقهرت هواية عليها..كومناها.وصاح العم مالك .كومو خلي نروح يمهم كومو.

لبسو عباياتهم. وراحو العم مالك  وأدم ورتيل وولدها.وام العم مالك. بسيارة الاولة.

صحت قبل لاتروح شمايل.شمايل.

شمايل....خير شادن .بسرعة كولي داينتضرنة آصف ومراد.

.....شمايل عليج الله خلي  اروح وياكم.

شمايل ..لحضة خلي اصيح آصف.

صاحتة وكالتلة تريد تروح ..باوع علية . وكال لا تبقين هنا.ادري بيج تريدين تشردين.

باوعت علية بقهر  وكتلة .يعني بس اني ضليت بالبيت خلي اجي وياكم. مااشرد لاتخاف.

آصف....يلة شمايل هتوف.عمة حوراء (ام هتوف).

راح بدون مايحجي وياية..باوعت علية شمايل وكالت..شسوي  هو مايقبل اسفة حبيبتي ادري بآصف يعاند. مااكدر احجي ويا يعاند اكثر.

....لا عادي حبيبتي . خلص روحي دايتضرج..

نزلت هتوف ونزلت ام هتوف.. لابسة عبايتهة وكالت يلة شمايل.مراد .راح يكلب الدنيا اذ مطلعنة..

راحو وبقة البيت خالي.مابي اي احد حتة . .والله خفت مع كلت لازم انهزم اليوم.س باوعت  من الشباك.لكيت الحرس موجودين بكثرة مكدر اطلع يشوفوني .

رحت للغرفة مالتي .وسمعت صوت فهد. يبجي.

يااا عزة آصف ماماخذ فهد ويا . ياربي شسوي .

رحت وبلعت ريكي لمن داادخل للغرفة آصف .

لكيتها مامتغيرة نفس الشي هم صبغها اسود ونفس كلشي مامتغيرة من شهرين.

كلت بهدوء لا حبيبي لاتبجي ياروحي .

هو بسرعة رفع ايدة يريدني اشيلة. بس خفت لاآصف يجي..نوب كلت لا شيجيبة .

هو جان دائما بهل شهرين اشوفة واضحك ويا.بس ماالزمة ولا حتة ابوسة.

عاد بتسم واني بتسمت علية. وبستة. .ياربي شلون جمال.

رحت طلعت شوربة  وحميتلهيا.وكعتة ياكل .

اكل وخلص رحت لغرفة آصف طلعتلة ملابس. ولبستة.طلعن كلش حلوات علية. .فددوة.

كعدت بال3ساعات.واني العبة ويضحك وياية. بتسمت لانة ماستغرب مني.

رحت كلت لاازم اتصل علة آصف. يجي ياخذ ابننة .

كلت اصلا ماكو تلفون هنا ارضي.ومبايلاتهم كلهم اخذوهن . كلت خلي احجي وية الحرس .

فتحت الباب... .كلهم باوعو علية.خفت منهم يخوفون .

الحارس....اسفة ياانسة بس استاذ آصف منع تطلعين من البيت.

بلعت ريكي...وباوعتله بستهزاء.حجيت بعصبية ادري اعرف عندك رقم  آصف .

الحارس....نعم ياانسة .

.....دك علية..ونطينيا.

الحارس ...بس.

..... بس شنو شبيك. هسه اني خوما مهزومه. كتلك اريد احجي ويا.

باوع عليه واتصل.

هستوة دايدك . جتي سيارة باوعت عليها.وضليت صافنة عليها.

الحارس....جا الاستاذ آصف.

باوعت علة حارس ودخلت بسرعة للبيت. واني ابلع ريكي .هسة شكلة اكلة دخلت لغرفتك.. واخذت العب بفهد.وغيرتلة ملابسة .ووكلتة .. شبيج ووجع لعد شسوي بله.

بعدين اني شكو خايفه..خلي يولي.

جنت شاردة.ودخل بساع . جان شكلة مبين تعبان كلش .

باوع علية بعصبية .شطلعج من الباب. وليش تحجين وية الحارس.

بلعت ريكي وكتلة.ججنت.بس اني . جنت.دااريد اتصل .عليك .

آصف...بعصبية...وليش تريدين تتصلين.

....مو .مو .والله .فهد .

سكتني وكال بعصبية وبخوف..فهد بي شي .وينة.

راح دايصعد للدرج ..وكتلة هو موجود بالصالة .

بااوع علية وراح بسرعة للصالة.. لكينا دايلعب بالالعابة.ويضحك .

راح بسرعة شالة وباسة .

آصف. بحدة .....منو جابة هنا.

......بخوف.انيي جبتتة .لان جاان يبجي ومجان اكو احد هنا لههذا اني شلتة ..

آصف ....من شوكت كعد.

....من رحتو كعد

آصف....اكل .

.....بهدوء...اي  وكلتة شوربة وغيرتلة ملابسة..

باوع علية.... ورجع باوع علة فهد.

فهد مد ايد يريدني اشيلة .

باوع آصف علية وعقد حواجبة .

آصف جان شايلة كام يبجي يريدني اني اشيلة.

باوعت علة فهد..واني افرك ايدي.ورجعت باوعت علة آصف.جان يباوع علية بعصبية.

آصف...بحدة...اخذي هسة مالي خلكة ولا خلكج. وحسابج بعدين عالدخلة  غرفتي وشيلة فهد.

لزمتة وشلتة واني اباوع علة آصف .فوكاها يعني اللله ياخذك كول امين.

شويه وسكت فهم.

راح صعد ابو وصل للدرجة الخامسة ورجع باوعلي.كال بعد ساعتين كعديني .

باوعت علية وعقدت حواجبي.

آصف.... شبيج دااحجي وياج.

ماحجيت ويا شي

راح بدون ميحجي .

والله يربي. مو عندك منبه خوب احسن مااكعدك انت اكعد عالموبايلك.

صارت ساعتين ونيمت فهد صعدتة.وصلت للطابق الثالث.

دكيت الباب واني شايلة فهد واني الهث.لان صعب بلكوة صعدت الدرج ونوب فهد ثكيل..اللهم مصلي علة محمد وال محمد.

دكيتها مرة ثانية .

آصف. بصوت عالي بعصبية .لاتضلين دكين الباب كعدت ..

كلت بهدوء ..لاتصيح فهد نام تعال اخذة .

آصف....دخلي .مالي خلك اكوم.

نصدمت منة اول مرة يكلي دخلي  للغرفة. مع انو مايقبل جان اخطي  خطوة للطابق الثالث.

صحاني من شرودي .حجة بعصبية .لج ادخلي.

.(.كلت بكلبي انت ابد ماعندك منطق بالحجي. .يعني بس مرة وحدة احجي زين وياية مايصير شكد حقير)

فتحت الباب لكيتة مرتجي عالجرباية وملابس فانيلة .

حجيت بكلبي.(.انت ماتستحي ونبي.نزلت راسي شنو داعي لهل حركه هاي مالتك .)

آصف....دخلي  خلي فهد بسريرة.

دخلت بس  خايفة كلش منة  وخاصتة يراقبني من دخلت....ابد منزل عيونة عني .وكأني بلحضه راح اكتل فههد.

بلعت ريكي .وخليت فهد عالسرير.

جان لسا يراقبني شسوي حجيت بخوف.وين المميه.

آصف...بهدوء...بالميز الاول يم المراية .

باوعت علية ....اكدر اخذها .

باوع علية وحجة بستهزاء. روحي .

(.شكد كرهتة.لمن حجة هيج. .بس كتمت غيضي.)

رحت فتحتة ولكيت المميه..نزلت سويتله الحليب..

.وصعت فوك.

عجيب امري اني شعليه. بسخطيه طفل هسه جوعان.

دكيت الباب .

آصف....دخلي .

لكيتة عالنفس الكعدة .

رحت  يم السرير ونطيتهيا.

جان السرير قريب كلش من سرير آصف.... احس عيون مراقبتني.توترت من عيونة.

كام صار قريب علية .تلبخطت كلش بس اريد اطلع من غرفتة.

شجابني لهنا اني.

بس رتاحيت لمن شفتة داياخذ القميص وبنطرونة .

(نوب بس شورت لابس شكد ستحيت منة . ياكاع انشكي وبلعيني. توترت ووجهي احسة نار.)

جا قريب.. .وباس فهد . وراح .

حجيت بداخلي( ..يعني  جنت جوة مكدرت تبدل ملابسك .لو الا لمن جيت يلة كمت تبدل. شكد عيب) .

خلصت الممية وغطيته.

قبل لااطلع .كال بحدة بس عالكيفة..اني راح اطلع لبيت عمي  ديري بالج عالفهد. وثاني شي احنة كلنة حنبات بيتهم .مااريدج  تخطين خطوة  لباب البيت.واذا طلعتي راح اكسر رجلج .فهمتي.

ماحجيت شي.

آصف....سالفة الحيوان مناسيها.حسابج بعدين .

(.نزلت راسي.وضميت شفتي من الفشلة .)

آصف...بهدوء...ياما تصعدين تضلين هنا يم فهد.ياما تنزلين لغرفتكم  وتاخذين فهد.لاتتركي لحالة .

باوعت عليه وماحجيت شي.

آصف... بستهزاء. ضلي هنا هم فايدتنة تخدمين فهد.

طلع وعافني واني العن بي واكلة والله صدك حيوان حيواااااااان .حيووووووووااااان.الله ياخذك.

ردت اكسر كلشي بالغرفة بس كتمت غيضي وكلبي يفور.

رحت للشباك اخذ السيارة وطلع..

كلت فرصتي ماكو احد بالبيت ادور علة تلفون .لازم اخابر مهند او ابراهيم..

دورت بكل غرفة بس ماكو . بقت غرفة ام العم مالك.

رحت ولكيتة عالميز.ارتاحيت كلش . مابي رمز هم.

كمت دخلت الرقم وانتضرت يتصل .

اتصل ونتضرت هواية يلة كال .الووو.

نزلن دموعي لمن كال .الووو.

..ببجي .ممهنند.

مهند..سكت بعدين كال..شادن .

سكتت.واني ابجي.

مهند....شادن.وين انتي..انتي زينة. .منو خطفج . احجي لا تسكتين..احنة ميتين خوف عليج . كولي.

.بخوف.....ممهند اني ببيت مااعرف وين. ماادري ليهسة اني وين وبيا محافضة او مدينة .بس هيه اكيد بديالى.

مهند.... تعرفين احد ولد بينه تعيش هناك.

......اي اي اعرفها.اكيد ماما تعرفها كوللها. اريدك تخلصني من هذا السجن..همة همة هددوني يكتلوكم اذا اهرب او ياخذون ميان.

مهند.....لاتخافين علينة  منو همة.انتي زينة .

..... اني زينة .مااعرف بس همة بيت الصايغ. كللها مالك .ووكلها أدم وآصف ومراد..هية تعرفهم .

مهند.....شلون تعرفهم كولي هية شنو دخلها بيهم .

....مما اا..جان شخص يسحب التلفون .وكع كلبي .

باوعت  وراية .واني ميتة خوف. .منة . ياربي استر.

باوعت ونصدمت.