رواية مأمورية خارج السيطرة الفصل السادس 6 بقلم ياسمين رمضان

كانت واقفة بتاخذ انفاسها لكن بيجي صوت من وراها وقالت بخبث و ابتسامة...

_واضح الحب مولع في الدرة يا ليندا دا بقا ال وقفنا الشغل عشانو...

ليندا ابتسمت ليها وقالت....

_ لسة اللعبه بتبتدي يا ميار...

ميار بنفي/ لا واضح انها قلبت قصة حب مش حوار لعبه انتقام خالص..

ليندا بهدوء/ انتي عارفة انا هدفي اي كويس وكمان ادينا بنشوف اللعبة هتوصل بينا لحد فين وكمان مفيش حاجة بينا اساسا.

ميار / بس عمر مش سهل يا ليندا لو عرف انتي بتخطتي ل اي من قبل ما تعرفي مش هيسكت دا ابوه يا ليندا فاهمة يعني ايه ابوه؟؟..

ليندا بديق / ما هو لو عرف ابوه علي حقيقتو هيقف معايا..

ميار بسخرية/ تب سيبك من دي الي استحالة تحصل هل بقا هيقدر يسامحك لو في مشاعر بينكو بعد ما يعرف الحقيقة...

ليندا بضيق/ عايزة توصلي ل اي يا ميار تعالي سكه ودوغري..

ميار تنهدت وقربت منها و ضعت ذراعيها علي ليندا قالت بهدوء ...

_ انا عارفة أن مشاعرك بدأت تتحرك ناحية عمر بس انتي كدا بدخلي نفسك في الخطر وانتي عارفة كويس انو من الاول قبل ما نعرف انو ابن ماهر العاصي ال هو عدوك قولتيلي انا استحالة قلبي ينبض لحد من عيلة ماهر العاصي لكن الي شايفة عكس كدا يا ليندا حبك ليه هيخسرك انتقامك ل ابوكي نسيتي عمل في اي ولا لا...

ليندا نظراتها ظهرت عليها الحزن و الحقد والدموع بدأت تنزل من عنيها ببطء وافتكرت كل الي مضي من بعد اختفاء والدها ...

كملت ميار وهي بتمسح دموع ليندا بحنان وقالت..

_ انا مش بحرضك علي عمر يا  ليندا ولا عايزة اكرهك فيه بس مينفعش يكون في بينكم حب لان اعرفي لو حصلت انتي فاهمة كويس هيحصل اي بعدين احنا عايزين الحق و بالعدل وأبو لازم يتعاقب..

ليندا مسحت دموعها وقالت بجمود متحكم...

_ انا فعلا من وقت ما عمر ظهر وانا بعدت عن ال كنت بعملو بس لا مش هضعف ولا هقف حق بابا مينفعش ميكملش ولا ينتهي..

ميار بابتسامة/ هي دي ليندا ال اعرفها من اول يوم شوفتها قوية مبتخافش من اي حد بتعمل ال هي عايزة بدون نظرة قلق ولا رهبة مش كدا ولا اي يا مايسترو..

ليندا هزت راسها و ابتسمت بوجع و قالت..

_ الخطة هتكمل مكان ما وقفنا يا ميار ...

ميار بابتسامة لامعة قالت..

_ هو دا الكلام هجيلك بكرا بليل بعد الشغل تمام..

ليندا بهدوء/ تمام مستنياكي..

ميار اخدت بالها أن داليا جاية عليهم وراحت قالت بخبث ومكر وصوت عالي...

_ بس واضح انك عرفتي توقعي سيادة المقدم يا ليندا مطلعتيش سهلة زي ما فكرت ...

ليندا استغربت تحول كلامها لكن اتفاجئت لما شافت داليا وهي بتقرب منهم وبتقول بحده ل ميار ..

_ التزمي حدودك يا ميار اي ال بتقولي دا انتي مشوفتيش أن أصحاب عمر بيه هما ال خطتو انتي ال حصلك مكنتيش بالقسوة دي عملتلك اي عشان تكرهيها كدا ...

ميار بحقد/ عارفة لي خدت مكاني من عند مدام هويدا اول ما دخلت في الشغل عرفت تلعب عليها وتخدها في صفها وخدتكم كلكم لصفها ودائما العيون كلها عليها ...

ليندا كانت واقفة مصدومة مش عارفة تصدق إذا كان ال بتقولو دا حقيقي ولا تمثيل لكن قطع تفكيرها رد داليا علي ميار وقالت...

_ دا مرض انتي بقيتي مريضة يا ميار معقولة حقدك ليها يوصلك لكدة عشان كدة بسبب تفكيرك دا كلنا بعدنا عنك ومدام هويدا فضلت ليندا لانها مش زيك بتعمل اي حاجة بتلقائية مش بتحسبها زيك ومن انهاردة مش هسمحلك تكلميها بي اسلوبك دا تاني فاهمة وياريت تروحي بقا .... يلا يا ليندا ندخل جوا البنات بيسالو عليكي..

ومسكت ليندا من ايديها ومشيو لكن ليندا بصت وراها علي ميار بذهول شافتها بتبتسم وبتغمزلها...

ليندا ابتسمت ليها و ارتاحت ودخلت مع داليا القاعة عيونها كانت بتدور عليه و شافت عمر منشغل مع اصحابوو لكن داليا اخدت بالها وابتسمت وراحو قعدو مع روان و وسلمي علي ترابيزة .

سلمي بغمزة/ القمر اتاخر لي كل دا برا ..

روان بخبث/ بس اي اكلتو الجو من من العريس و العروسة..

داليا شافت ليندا وشها احمر من الخجل وقالت بضحك...

_خلاص بقا انتي وهي متكسفوش الأميرة بتاعتنا ..

ليندا بصتلها بحب وحضنتها...، داليا بدالتها الحضن..

سلمي و روان قلدوهم بطريقة مضحكة و كلهم ضحكوا سوي ...

روان بتعب مزيف/ هو الاكل هينزل أمتا انا جوعت مش قادرة..

كلهم ضحكوا عليها ...

ليندا بمزح / مفيش بوفيه هنا هو بس عصير مش اكتر زي ما انتي شايفة ....

سلمي و داليا كتمو ضحكتهم علي ال هيحصل من روان ...

روان بانفجار/ ايييي عصير بس لااااااا..

ولكن اخدت بالها أنهم بيضحكو عليها وفهمت أن ليندا كانت بتهزر...

روان بغيظ/ انتو باردين اوي انا ماشية....

ولسه هتقوم لكن سمعت صوت ميكرفون بيقول...

السادة الحضور، نسعد بدعوتكم لافتتاح البوفيه وتناول وجبة العشاء....

والكل اتجه واحدة واحدة الي مكان البوفيه ..

روان بفرحة / انا رايحة يلا ...

داليا بضحك/ مش كنتي هتمشي..

ليندا بضحك/لا ازاي مينفعش دي فرصة تفوت برضو.

روان بغرور/ قولتي حاجة صح يا ليندا يلا مين هيجي معايا ..

سلمي بضحكة/ انا هاجي معاكي يلا ...

داليا/ استنوني جاية معاكو يلا يا ليندا..

ليندا / لا روحو انتو مش عايزة ..

داليا / خلاص هنجبلك ونيجي هنا ..

ليندا بابتسامة/ مش عايزة بجد روحو انتو وانا هستناكو..

كلهم اتفهمو إصرارها وابتسمو ليها ومشيو ...

--************--

عند عمر كان واقف مع أصحابو ...

_ يلا مش هتيجي معانا يا عمر ..

عمر بنفي/ لا روحو انتو انا مستنيكو ...

رد الآخر بمزح....

_ اه نسينا أن سيادة المقدم مينفعش يقف مع الناس العادية وهيبتو تروح يعم وهو بيقف بيعبي الاكل لنفسو ...

كلهم كتمو ضحكتهم ولكن مرة واحدة شافو ابتسامة عمر جانبية وبيبص ليهم وهو بيعدل البدلة ولمحو مسد*س بتاعو وبيعمل نفسو اكنو هيطلعو لكن اترعبو وجريو بسرعة..

ارتسمت ضحكة خفيفة علي وجهو ولسة هيقعد شافها قاعدة سرحانة لوحدها ابتسم وراح لعندها....

عند ليندا كانت قاعدة سرحانة في كلامها هي وميار ولكن قطع تفكيرها عمر وهو بيقعد جانبها بدون ما يستأذن..

ليندا بذهول/ انت اي الي مقعدك هنا جانبي..وكمان قعدت بدون ما اقولك تقعد...

عمر ببرود/ مش انا ال استأذن حد عشان اقعد وكمان اقعد في المكان ال أنا عايزة ولا اي ....

ليندا بغيظ/ مغرور خليك قاعد انا هقوم... قامت 

عمر مسكها وقعدها تاني وخصلات شعرها جات علي وجهها عمر بتلقائية زاح خصلاتها ورا أذنيها وقال بمكر....

_ بتهربي مني ليه مش انتي كنتي موافقة علي الرقصة الي حصل بقا...

ليندا بتوتر من قربو ليها قالت ...

_ اهرب منك ليه ...

عمر بخبث/ اسالي نفسك ليه جريتي بعد ما رقصنا سوي مع أن الكسوف يعني ميلقش عليكي...

ليندا بغضب/ انت....

عمر بتحذير مزيف وحط صباعو علي بقها وقال...

_ اياكي انتي عارفة انا ممكن اعمل اي...

ليندا اتغاظت منو ولكن بيجي في عقلها كلام ميار واتحولت وقالت...

_ياريت تقوم بقا من جنبي لان ممكن حد يفتكر في حاجة بيننا...

عمر بخبث/ حاجة بيننا زي اي؟؟...

ليندا سكتت وبصت قدامها بشرود ..

عمر لف وشها لعندو وقال بهدوء ساحر ...

_ اي حد بس يفكر يجيب سيرتك بحرف انا هقف في وشوو و لو يقدر يواجهني...

ليندا بصتلو بتركيز ونبضات قلبها بدأت تعلي من كلامو الي حسسها بالأمان وهي معاه لكن قالت..

_ وانا مش هستني حد يتكلم عليا يا عمر بيه...

عمر قال بابتسامة...

_ بلاش عمر بيه قولي عمر وبس بدون رسميات..

ليندا بنفي/ ليه هقولك باسمك بدون رسميات هو في حاجة بينا..

عمر بهدوء تام/ هيبقي في..

ليندا بلعت ريقها بصعوبة وقالت ...

_ اي هو بقا يا سيادة المقدم....

عمر بابتسامة / هنبقا اصدقاء موافقة تبقي صديقتي..

ليندا قالت باستغراب....

_اصدقاء ازاي مش انت علي طول بتبقا مش عايز تشوفني يبقا كدا هتشوفني علي طول...

عمر بابتسامة هادئة قال...

_ كل ما بقولك كدا القدر بيجمعني بيكي يا ليندا...

ليندا ابتسمت وقالت بغموض...

مش يمكن تيجي تندم بعدين انك قولتلي نبقا صحاب..

عمر ابتسم و قال باستفزاز....

_ ما انا كده كدة هندم بس اعمل اي ...

ليندا بغيظ وقالت بتحدي...

_ مدام هتندم يبقا احب ارحب اول حاجة نبدا بيها صداقتنا يا عمر ....

عمر ابتسم علي خفتها اما هي لسه هتمسك كاس المياه وهترمي في وشو عمر بسرعة خافته مسكو منها وشرب المياه وفضل ماسك الكاس بايدو تحت نظرات اندهاشها من سرعته...

قال بدهاء وهو ماسك الكاس...

_ اتعودي دايما لما  تكوني عايزة تعملي حاجة متبينيش للقدامك هتعملي اي لان في الاخر هتكون رد فعلك وانتي شايفة الكاس في أيدي وهو فاضي كدة ...

ليندا باندهاش وسققت بحماس قالت بمرح...

_ واو تحب ارفعلك القبعة يا صديقي...

عمر ضحك علي خفتها وهي ضحكت وكانت ضحكاتهم طالعه من قلبهم بصدق واضح..

                    --********--

كان بيراقبهم من بعيد وابتسم بشر وقال...

_ تك توك تك توك...

                   --********--

داليا واقفة من بعيد وبتبستم  ليهم بحب وفرحانه... قطع لحظتها سلمي وقفت وراها وقالت..

_ واقفة بتبتسمي كدا لمين ...

داليا بابتسامة وشاوت ليها عليهم وقالت...

_شوفيهم مبسوطين ازاي مع بعض..

سلمي ركزت عليهم وقالت...

_ دا باين عليهم الانسجام اوي ال يشوفهم يوم القسم ميشوفومش وهما دلوقتي كدا ...

داليا ابتسمت ليها وقالت ....

_ امتا بقا نبقا زيهم كدا ...

روان وهي واقفة وراهم من غير ما يخدو بالهم وقالت بخفة....

_ لما نبقا نصحي من الحلم أن شاء الله....

داليا وسلمي اتخضوو منها واتفاجئوو أنها ماسكة طبق مليان اكل ...

سلمي بتريقة/ ما لو يبان علي جسمك ال قد العصاية دا كنا نقول ماشي لكن كمية الأكل دي بتروح فين انا معرفش...

روان / الله اكبر احسديني بقا ها ...

داليا بضحك/ نحسدك علي اي يا مشقة انتي احنا هنكدب علي بعض ما احنا عارفين انك هتخبي الاكل دا عشان انتي واختك تأكلو علي يومين...

روان بصدمة/ انا اعمل كدا عيب عليكو لا كدا اتهانت اوي انهاردة .. 

وراحت بسرعة ماشية من قدامهم و بعد دقايق   وجات قدامهم تاني لكن أيدها فاضية ...

داليا وسلمي بصدمة / فين الطبق ....

روان بفخر وهي بتشاور علي بطنها ....

_ تمت المهمة بنجاح ...

كتمو ضحكاتهم منها لانها مش هتتغير ابدا لكن هي فضلت واقفة ومش مهتمية بيهم و راحت الحمام ...

                       --**********-- 

وبعد ساعة بدأ الجميع بالرحيل وانتهي الزفاف وعمر ودع صحابو والعريس و ليندا هي واصحابها ودعت العروسة واصحابها .... والكل بدأ يروح لكن عمر وقف وشاف ليندا واصحابها مستنين وقال ...

_لينداااا.

ليندا بصتلو هي واصحابها وقالت بابتسامة...

_ نعم يا عمر في حاجة...

عمر ابتسم وقال... 

_ تعالو اركبو معايا اوصلكو بدل ما تركبو وانتو باالبس دا ...

ليندا بنفي/ نركب معاك لي وطريقك مش في طريقنا و مالو لبسنا بقا أن شاء الله ...

عمر بصلها و بص لصحابها ال اول ما بصلهم بصو لسما ... وقال بهدوء غير عن العادي...

_ اسمعي الكلام يا ليندا ويلا اركبو معايا بدل ما انتي عارفاني كويس...

ليندا باعتراض ولسة هتتكلم قرب منها وشالها قدامهم و بصو ليه بصدمة واندهاش وهي شهقت وقالت بغضب...

_ نزلني يعمر مينفعش كده ال بتعملوا دا ....

داليا و سلمي وروان واقفين مش عارفين يتكلمو هيبتو وقوتو مخليهم صامتين ومش عارفين يعملو اي...

عمر بصلها بخبث وقال...

_ هتركبي ولا لا....

ليندا بسرعة/ هركب نزلني بقا...

عمر ابتسم عليها و نزلها برفق وهي واقفة مش عارفة تخبي وشها من الكسوف والاحراح ال عملوا ليها قدامهم... ومشيت قدامو بغضب مكتوب وقفت قدام باب العربية وهو راح وراها و بصلها بانتصار وفتح العربية و شافت صحابها وهما بيركبو بيضحكو ضحكة مكتومة عليها وشها احمر و عليه علامات الغضب وركبت وبصتلو وهو بصلها وهو مستمتع بشكلها  و شغل العربية واتحرك في الطريق....

روان بتوتر/ عمر بيه...

عمر بصلها من المرايا وقال...

_ اممم ..

روان باحراج/ ممكن مياة..

عمر من غير ما يرد فتح التابلو من قدام ليندا وطلع ازازة مياة وادهالها...

روان / شكرا ...

عمر مردش وركز في الطريق...

ليندا باستفزار وهي عيونها علي الطريق قالت... 

_المفروض يا داليا الواحد يقول العفو علي الاقل...

عمر فهم أنها بتستفزه لكن مردش و قالت داليا بلطف.

_ عادي يا ليندا محصلش حاجة..

عمر قال بمكر ....

_ربنا يكملك بعقلك يا داليا...

داليا و سلمي فهموا أنهم بيكلمو بعض بصيغة غير مباشرة ف ضحكوا بصوت واطي... لكن قطع لحظتهم روان وهي بتنده تاني علي عمر باحراج شديد وقالت...

_عمر بيه ممكن اخر طلب معلش...

سلمي و داليا بصولها باستغراب...

عمر رد بتنهيدة وقال...

_نعم...

روان بخجل/ ممكن تقف عن أي بنزينة او اي محل عايزة ادخل الحمام ...

عمر بصلها من المرايا وقال ...

_ هو أنا مركب معايا بنت اختي صغيرة ولا اي...

داليا وسلمي ضحكة فلتت منهم ومسكو نفسهم بالعافية و روان بصتلهم بغيظ..

ليندا / يعني تعمل علي نفسها يعني  بتتطلب منك باحترام فيها حاجة دي...

عمر بصلها نظرة حادة وسكت وهي اتوترت من سكوتو وسرع لحد ما وقف عند بنزينة وقال ل روان ...

_ بسرعة يلا انزلي...

روان نزلت بسرعة وبعد ٥ دقائق ركبت العربية واتحرك لكن خد بالو في عربيتين ظهره و ماشين وراه عمر زود السرعة بدون ما يخليهم يحسو بحاجة عشان ميقلقوش... وبعد لحظات....

اتبعتت ليه رسالة علي تيلفونو وفتحوا ... ليندا كانت عيونها عليه ... عمر شاف الرسالة ونظراتو اتغيرت  مكتوب...

(" في هدية بسيطة مني هتقابلك دلوقتي يا سيادة المقدم علشان تفتكرها طول حياتك وتركز في شغلك بدل ما تدور عليا تشاو").

ليندا بصوت واطي / عمر في حاجة ؟؟..

عمر بصلها بدون ما يخليها تتوتر مسك ايديها وقال ...

_ انزلوا لتحت ... 

لكن كلهم مش فاهمين حاجة و مرة واحدة العربيتين سرعو جامد ومحاصرين عربية عمر من الناحيتين وبدأو يخبطوهم بقوة....

البنات صرخو جامد ونزلوا لتحت وبيخبوو نفسهم في بعض... والعربية بتيجي يمين وشمال عمر بسرعة عرف يسيطر وبص علي ليندا عيونو اتسعت بشدة و اتفاجئ من ال شافو....

الفصل السابع من هنا