رواية فصلية بنت الشيوخ الفصل الثامن والاخير بقلم مجهول
احمد بعد معاناة وصل لرقم ذياب وحصله واتفق يلتقي بي سمر صحتها تتدهور وعرفت نفسها حامل وبيوم جانت كاعده بالبلوكنه هيه وفهد باوعت اني حلمانه لو هذا تؤم روحي اخوي طلعت تركض حامل بشهر الثامن بس من كد مافرحانه باخوها نست حملها وصلت معقوله هذا احمد هذا اخوي هذا روحي لا ماصدك اكيد متوهمة احمد اتفقت اني ويه ذياب اشوفه وكعدنا بمكان وسولفنه وكالي سمر حامل وحالتها خطره السفر والتعب موزينين عليها لتضايقها اني بالبدايه صح تعاركت وعصبت وغلطت وسبيت بس كلام ذياب اثر بيه حيل كال انتم بعتوها بنتكم واني شتريتها كال اني ماقصرت وياها ونطيتها اسمي وصنتها وهسه حامل مني واني سجلت نص اسهم الشركة باسمها طبعا اني صدكته وكتله اريد اشوفها ورحت وياه لبيتهم طبعا بيتهم حيل جبير وضخم وعالطراز الحديث صح بيتنا هم ماقاصر وعدنا حدايق وبساتين بس هنا الحياه غير شكل توقعت اختي مرتاحة واسعد وحده بالدنيا انتظرتها بالحديقه وكلبي يدك سريع صارلي سنة ونص ماشايفها وبجيت عليها دموع دم كل ظني ماتت وتالي تطلع عايشة ويه عدوي معقوله مرتاحة معقوله ماحاسبها على ذنبي بقيت احسب لحد ماشفتها كبالي صح الملامح ملامح سمر بس مو سمر ذبلانه وضعفانه وحامل ماصدكت عيوني اخيتي
مانشدت الشمس عن حزن الغياب
علمتنا الشمس نرضى بالرحيل
ماهكيت الموت يجرحني جواب
لان شفتك في سما عمري اصيل
علميني يلي جڤوڤك سحاب
وضحكتكً غيث واهدابك نخيل
سمر حضنتنه معقوله احمد انته هنا ماصدك احند حضنها ويشم بيها ويبجي سمر معقوله عايشه خاف اني حلمان وبقو ساعات كاعدين بالكاع يسولفون وكل شويه تحضنه وتشمة وابوسه رجعتلي روحي حسيت هسة يلا كمت اتنفس يابعد كل غالي حمودي روحي تؤمي وبلسم جروحي احمد يبجي عليها سولفيلي شصار بيج ليش هيج وافقتي وليش ابوي كال ماتت هنا سمر بجت بقهر صدك احمد ابوي ليش كال متت مو هو نطاني فصليه ليش هاي جزاتي حضنها احمد لاتكولين فصليه شلونج انتي مرتاحة سكتت ليش سكتتي احمد اريد ارجع لاهلي لحضن امي اني مامرتاحة ليش احد ماذيج احجيلي كالتله لامحد ماذيني بس مابقى هنا بس اولد الطفل انطيهم اياه وارجعلكم احمد تفاجأ من كلام اخته عكس ماحجاله ذياب عرفها مامرتاحة وعرف ذياب جذب عليه كللها اني نازل بفندق تعاي وياي هناك نسولف خافت ماتكدر تطلع اكيد مايخليها ذياب باوعت فهد اجاها يبوس بيها وكعد بحضنها ويصيحلها ماما احمد هذا ابن ذياب باوعتله للاسف اي ابنه بس بالاسم بالطبع يختلف هو انيسي بوحدتي الوحيد الي صبرني على فراككم فهد جزء مني صار شلون راح افاركة مادري احمد هسه مو وكته الحجي كومي بالسلامه وميصير خاطرج الى طيب سمر حضنتنه احمد لتعوفني ابد ابقى وياي فدوة اروحلك باوعلها سمر ماراح اتركج وراح اكمل جواز امي واجيبها يمج لمن تولدين سمر ماممصدكة عبالها راح يتركها طفرت انتم تردون تعوفوني اكيد ماتردوني ارجعلكم شمرتوني ولاكلتو عندكم بنت وكامت تبجي اخوها حضنها لاتحجين هيج يانور عيوني والله بعد مانعوفج بس اهدأي شويه سمر باوعتله شلون عرفت مكاني منو دلاك رد عليها زوجج ابو فهد من البارحه اني التقيت بي هو جابني وياه وكال خلي والدتها تجي تبقى يمها سمر نصدمت معقوله هذا ذياب هيج تصرف ممصدكة جان دائما يهددها ويكولها نجوم السما اقربلج من شوفت اهلج سبحان الغيره راح احمد وتوعد لاخته يجيبلها امه ويرجع قبل ليخلص الاسبوع راح اخوها واخذ كلبها وياه ذياب جان يباوع ويسمع كلشي دار بيناتهم اجتي امه باوعتله ونقهرت عليه ماتكدر على فراكها مو باوعلها ودنك بس مو مهم اني المهم هيه ترتاح خليها تولد بالسلامة وتروح لاهلها بعد مالي حجة عليها تركته امه وراحت السمر جانت كاعده هيه وفهد يلعبون بلي تو دخلت ام ذياب وكعدت يمهم سمر فرحانه اليوم شافت اخوها عيونها تلمع من الفرحة ام ذياب حست بفرحتها اكيد من بعد هالفراك التقت باهلها الله يتممها عليج يابنتي ولو اعرف ابني مستحيل يعوفج بكلبها حجتها سمر كلتلها اليوم اجة اخوي احمد وقبل لتكمل كلتلها ادري سولفلي ذياب سكتت سمر من تسمع اسمه تفقد الامل حتى باهلها ام ذياب كعدي عندي موضوع وياج سمر كعدت كلتلها عندي امانه الج وهسه صار وكتها المحامي شويه ويجي ونطيج الاوراق توقعيهن سمر تفاجأت شنو اوراق شنو ام ذياب كلتلها ديما وصتني وسويتلي توكيل انقل المصنع وشركة تصميم الازياء الي حانت عيه تديرها قبل لتتمرض وصتني انقلهن باسمج سمر استغربت كلتلها لا هذا الشي مو من حقي من حق فهد ابنها اوله بيهم كلتلها ام ذياب فهد املاك ابو كلها اله شركاته والبيوت والمزرعه ممحتاج فهد بس انتي المحتاجتهن سمر كلتلها ماريدهن ولا راح اوافق عليهن اصلا اني راجعه لاهلي شسوي بيهن ام ذياب محد يعرف شنو منتظرج بالمستقبل امني حياتج انتي وابنج الجاي بالطريق اسمعي نصيحتي من يكول اهلج راح تلكينهم مثل ماعهدتيهم يجوز نظرتهم تتغير الج وكلام الناس لان كالو ماتت شلون حتواجهينهم سمر نصدمت بكلام ام ذياب وكلامها خلاها ترجع بافكارها يجوز اخوي بعد مايرجع ويجوز امي مراح تجي اكيد نسوني مو دفنوني بايديهم
للحكاية بقيه اريد اعرف ارائكم بالنهايه شراح تكون حزينه لو سعيده
البارت التاسع الاخيررر..
كعدت سمر تصرخ من الالم يومة لحكيني جانت يمها ام ذياب كعدت اسم الله شبيج كلتلها ماعرف الم ابطني وظهري بس انتي بشهر الثامن كلتلها ماعرف اجاهم ذياب على صياحها شافها سابحه بالدم شالها وركض بيها لسيارته وامه نزلت فهد عافته عند ماري وراحت وياهم طول الطريق تصرخ من الالم ذياب يمة هاي ليش تنزف ومرتبك وخايف والدته تهدأ بي ماكو شي يوم كول يالله انشاء الله ماكو شي سمر تشد على ايدين ذياب بكل قوتها وتصرخ دخلوها للعمليات الدكتور كلهم شكد الها حملها ذياب كله بدايه الثامن الدكتور احتمال الطفل ميعيش ذياب كله مو مهم اهم شي هيه دخلوها للعمليات وطلبو دم وذياب كلهم اني اتبرع بس دمة ماتلائم وياها هنا الدنيا سودت بعينه كعد بالكاع خلى ايديه على راسه حتى دمي ميطابق دمج اكيد مراح نكمل حياتنا سوى ياريتني ماقسيت عليج طفلتي البريئة ام ذياب تقرى قران وتدعي ساعه ونص يلا طلع الطبيب الطفل خلو بالحاضنه الدكتور كللهم البنيه جسمها ضعيف ومكدرنا نقطع النزف ونريد توقيع ولي امرها حتى نشيل الرحم ذياب بياس وقع شلون راح تكمل حياتها بعد الي صار المهم كللهم اهم شي صحتها ويعدين تفرج سولها العمليه بعد ساعتين جانت امها واخوها احمد وعلي يمها وذياب وامة من كعدت شافتهم كلتلهم الطفل مات مو مانتبهت لامها سمعت صوت امها لامامتت جتج بنيه تخبل سمر من شافت امها كامت تبجي وتصارح ليش هيج يوم ليش نسيتوني وينكم عني ياما صحت اريدكم تجون ياما بجيت ايام وليالي ليش هستوكم اجيتو ليش امها حضنتها وتبجي سامحني يمة والله حكم القوي مابيدي شي والله مرت عليه ايم سود بدونج الدكتور رجع كللهم نريد دم لازم احمد كللهم اني اتبرع واخذو من اخوها دم تبرعلها وطلعت من المستشفى ووالدتها بقت وياها صار شهر على ولادتها حالتها تحسنت ذياب منتظر اللحظه الحاسمة الي تروح زهرة البيت من البيت ويرجع السواد يخيم عليهم هو وفهد الطفله صحتها زينه سمر قررت تروح لاهلها ويه امها واخوها كلولها والدج مريض ماكلتلهم راح اتطلك قبل لتطلع منتظريها بالسيارة كلتلهم خلي اودع فهد دخلت للمكتب فهد بحضن ابوه ويبجي عليها حضنته وكامت تبجي كللها ماما شوكت ترجعين باوعت لذياب كلتله يمكن مارجع كام يصرخ وضربها كللها ماما ديما عافتني وانتي هم تعوفيني اني اكره شي اسمة ماما وصعد لغرفته سمر مقهوره عليه باوعت لام ذياب بوستها وبوست الطفله كلتله ذياب ماراح ياخذها منح لانج بعد متخلفين سمر نصدمت ليش كللها ذياب لان شالولج الرحم الله عوضج بهاي الطفله مستحيل احرمج منها سمر تنهدت شوكت تسوي عمليه فهد كاللها من يصير عمر الطفله اربع اشهر سمر اني ماراح اكول لاهلي على اتفاقنا بس منا الموعد عمليه فهد ابقى عد اهلي من يجي وقت عمليته ارجع نسوي عمليته وننفصل ذياب كللها وفهد مافكرتي بي كلتله مافكر بي ابوه قبل لافكر بي اني عافتهم وطلعت صعدت بالسياره بس كلبها معصور على فهد وصلت لاهلها لبيتهم القديم لذكرياتها ممصدكة رجعت خلصت من السجن وشافت اهلها وابوها نايم بالفراش شافها وكام يبجي طبعا سمر كلبها ملجوم من ابوها كلتلها انته جرحتني جرح ماله علاج يابه كللها بريلي الذمة قبل لاموت حضنته وتبجي لاتكول اموت بعيد يومك يابه بقه يومين توفى ابوها سمر بدت تشوف حياتها عد اهلهامو نفس قبل وميطلعوها وياهم ويخافون احد يسالهم هاي اختكم وين جانت جانت شارده وهسه عدها طفله وين زوجها سمر تذكرت كلام ام ذياب صح اهلها تغيرو يافرحت المادامت ليش شنو ذنبي اني شلت ذنب اخطاء غيري ولسه جاي ادفع الثمن قررت ترجع بس مو لذياب قررت ترجع تكمل شغل المصنع ودار الازياء الي جانت تحلم تصمم ياما صممت لديما من جانت تكعد وياها كعدت ويه احمد اخوها وكلتله اني مالي مكان بيناتكم احمد ليش هيج تكولين ليش يمر زوجتك واهلها وعماتي وحتى صديقاتي كلها تباوعلي نضرات استحقار عبالهم اني جنت مهزومة ورجعت وياي طفله احمد دنك وسكت سمر لاتندك يخوي مالك ذنب هذا قدري احمد وين ترجعين لذياب انتفضت من سمعت اسمه كالتله لا ارجع اكمل مشروع ديما ام فهد كتبته باسمي واني عندي خبره بالتصميم احمد كلها خوش اني اروح وياج وامشيلج شغلج واني هم عندي شغل هناك والمصنع انتي متدبري خليها وراي اهتمي ببنتج انتي ومرت الايام وسمر بلشت شغلها بالازياء والمصنع اخوها يديره واشترت بيت وسكنت بي هيه وبنتها واخوها مرات يجيهم ومرات يسافر كبرت بنتها وبيوم دك عليها تليفون رقم ذياب
سمر الو
ذياب طول صافن وبعدين جاوبها شلونج حمامه
سمر الحمد لله تمام
وشلونها بنتي ديما سمتها ديما على اسم ام فهد كلتله الحمد لله تمام
ذياب خابرتج فهد صحته من بعد مارحتي تدهورت حتى الاكل تركة وشلون راح يجي وقت العمليه
سمر كلتله انسى ارجع لسجنك
ماريدج ترجعين اريد ابقي يمج لحد ما نسوي عمليته سمر كيفت لان تحبه لفهد حيل مشتاقتله كلتله ياريت نطته العنوان وبالليل جابلها فهد فهد فرحان بشوفتها يحضن بيها ويبوس بيها ويشم بشعرها كللها ماما وين اختي شالتها خلتها بحضنه ذياب يتحسر عليهم يريد ياخذهم بحضنه ويكلهم سامحوني لكن ماعنده عذر فهد لازم حجابها ووكع من شعرها استحت ولبسته عشعرها استحت ولبسته عالسريع ذياب والله ورجع طال شعرج سمر اي كلشي يتصلح بمرور الوكت بس جروح البلكلب مالها علاج ذياب يعني ماراح تسامحيني سمر
موبيدي هالشي اقوى مني مالك مكان بكلبي فهد يباوع لشعر سمر كللها بابا هم عنده نفس هذا شعرج ضامة بالمكتب مرات اشوفه يطلعه يسولف وياه ويرجعه طبعا سمر افتهمت شعرها الكصته وبقى بحضنه باقي محتفظ بي ذياب قبل لايطلع كللها عندي طلب قبل لاطلب هاج شوفي هاي الاوراق باوعتله شنو اوراق مال شنو ذياب هاي الله عاقبني وطلع عندي مرض واحتمال ماطول راح اسافر اتعالج اذا متت اريدج تبرين ذمتي سمر ماصدكته من قرت التحاليل وتحويل الطبيب نصدمت صح تكرها بس بنفس الوقت ابو بنتها متقبل اذيته فهد امانته الله عندج كاللها وطلع سمر من كال هيج حسيت جبل صعد فوك صدري وحمل كلش جبير مالي طاقه اشيله وحدي بقيت اقرى قران وادعيه ويمت فهد وديما وكعدت كملت تصميم بنت الريف عرض ازيائي الجديد بس بالي يم ذياب صدك يموت اذا موجنت ادعي عليه يموت ليش هسه اختنكت من حسيت صدك يموت لاميموت هو انسان قوي ومتسلط مايضعف اكيد ونامت والصبح كعدت ايديها وحدهن راحن عالتليفون خابرت ذياب تتطمن عليه سافر لو بعده وبقو يتخابرون يوميه الصبح وبالليل تساله على صحته ويسالها على صحت الجهال سمر لاحظت فهد بعد مينشمر ويوكع وصحته زينه يعني الاعراض مال قبل اختفت سالت ذياب كلتله فهد شو ابد ماتجي حالته مال الغيبوبه ضحك كاللها سامحيني ترى فهد من الحبل السري ومن اخته اول ماولدتيها اخذناله وسويناله عمليه بس ماكتلج لان ماحبيت تعوفينه وكلت يمكن اكو امل ترجعين النه سمر يعني فهد مابي شي هسه ذياب اي مابي شي سمر لشوكت تبقى تخدعني وتخب تتملكني وبجت ذياب كله سامحيني بعد ماتنعاد ويجوز الله يحبج راح تخلصين مني سمر بدت تقلق على صحت ذياب مرات تتصل يطلعلها صديقه يكلها تعبان ذياب جاي ياخذ جرعات كيمياوي تنقهر وتكوم تبجي وتدعيله يتشافه بس صوت صديقه مؤلوف عدها عبالك سامعته قبل بس ماركزت بي مره اجمد جان كاعد يلعب ويه ديما وفهد ويباوع على سمر تفتر والجهاز بايدها سالها يضحك شبيج كالتله مابيه شي بس ذياب ميرد المفروض صار ساعه من طلع من العلاج ليش مايرد خاف صار بي شي احمد وانتي ليش مهتمة بلكي مات سمر قبل ليكمل طفرت اسم الله عليه وسكتت احمد ليش انتي من شوكت تقلقين عليه كلتله مادري احمد احس كلبي ينكسر عليه واطفاله شلون بيهم احمد انتي موجوده وبعدج زغيره تتزوجين الف واحد يتمناج حلوة وناجحه وعندج فًلوس سمر خزرته منو كالك اتزوج بعد احمد يضحك بخبث الارمله الصغيرة سمر شمرته بالمخده وبقو يتعاركون ويضحكون لحد ماتعبو احمد سالها سمر ليش مترجعين لذياب كلتله مستحيل بس اني متعاطفه وياه لان مريض وتذكرت ذياب واتصلت عليه جاوبها صوته تعبان كاللها اريد انام تعبان نقهرت عليه بقت كل شويه تخابره الصبح كعت قبل لاتطلع للمصنع نطت تعليمات للمربيه شلون توكل الجهال وتبدللهم وقبل لتطلع اتصلت على ذياب بقو يحجون ساعات نست نفسها عدها شغل بقو يسولفون شلون من ستفرو سوى وشلون من كاعدين هيه وبنيه امريكيه وشربت الخمر عبالها عصير وذياب بسطها ضحكت كلتله والله عباليستفرو سوى وشلون من كاعدين هيه وبنيه امريكيه وشربت الخمر عبالها عصير وذياب بسطها ضحكت كلتله والله عبالي عصيرذياب كللها انتي اطهر انسانه شفتها بحياتي ولو الله كتبلي عمر ماراح اطلكج سنر سكتت ذياب كلها اذا تعافيت ومامتت تسامحيني وترجعين للبيت سمر سكتت كلتله هو هذا المرض اله علاج كللها ماعرف اتمنى اتعا لج بس ماجاوبتيني عندي فرصه وياج حتلو باقي بعمري نص يوم وياج اكضي قابل سمر ترددت كلتله بعدين اجاوبك وسدت التليفون حست بروحها نست الشغل فكرها جان يم ذياب يتعالج لو لا اذا تعالج تكدر ترجع تعيش وياه لو لا تذكرت اهلها شلون استقبلوها وشلون خجلانين منها لان عدها طفله وتذكرت ذياب بكل مرضها هو يداويها تذكرت من يضربها شلون يمعد يسهر يمها ليالي ويبجي عليها تذكرت ياما بقت بالبرد ساعات بعناده وهو يبقى يمها يتحمل البرد تذكرت شلون ضربها بقسوه من غيرته عليها وعذرته كالت هو لان ديما خانته واخوي كتل اخوه طبعا هيج يصير متوحش وترجع تبجي تكول لا والله ماعذرك ولاسامحك خابرها امها تتطمن عليها وعلى الجهال وسولفتلها على ذياب ومرضه امها كلتلها انتي تحبي لايوم والله ماحبه اكرها كلتلها امها ليش من سالتج شلون يعاملج كلتي زين وياي وانتي اثار الضرب لسه بجسمج كلتلها لايوم عمره ماضربني منو كاللج كلتلها هو كلشي سولفلي وشلون قسى هو واهله عليج وشلون عاملج كخدامة ويضربج ويذلج يمر بس تبجي حذاب يمة جذاب كلتله والله انتي الجذابه يابعدعيون يوم انتي قرري لو تعيشين طول عمرج ذليله بدون رجال وسند الج وتحرمين بنتج من ابوها لو تسامحين وتخلين الماضي ورى ضهرج وتبدين حياه جديده ويه زوجج سمر انشاء الله افكر يوم وسدته باليل حاضنه فهد وديما وتغنيلهم ينامون اتصل عليها ذياب كللها هلا بالغاليه خجلت اهلا ابو فهد شلون صرت كللها باجر ارجع للبيت مشتاق الفهد وديما سمر بس انته بعدك مريض كللها قررت ماتعالج علاجي شوفتكمً وشوكت ماللهً راد ياخذ امانته هلا بي سمر يعني تموت روحك ذياب والمن اعيش روحي فاركتني من زمان سمر الخاطر جهالك كلها انتي تكفين وتوفين سمر سكتت بعدين كلتله الخاطري ذياب كلها كل الخاطر الج بس انتي ماترديني وهذا حقج سمر اوعدك احاول نبدي صفحة جديده بس انته تحسن وارجع ذياب يعني متطلبين الطلاك سمر ابتسمت لا ذياب الدنيا مالمته من الفرح كللها روحي رجعو للبيت من ارجع اريد اشوفكم موجودين سمر ترددت كلتله بس ذياب قاطعها اني صحتي ماتتحمل ترى باي لحظه اموت خل قبل لاموت اشوفكم كبالي واشبع منكم سمر بجت لتكول اموت اسم الله عليك دخل احمد اخوها لكاها تبجي حضنته وكلتله من نفيتوني وتخليتو عني رجعتلكم بس مالكيت حضن عدكم يحتويني بس هذا القاسي الاناني الي دائما كرهته من تركته ورجعت نفسه هو ماتغير متمسك بيه ويحبني مكاني مو يمكم مكاني يم الي اشتراني صح اذاني بس طلب السماح وسامحته انتم اذيتوني بس محد بيكم طلب مني السماح احمد مصدوم من كلام اخته بس ملامها صح كلها كومي اوديج لبيتكم اخذهم هيه والجهال للبيت وكفت كبال غرفتها القديمة تتذكر ياما نامت جوعانه وبردانه بيها ياما نضربت بيها بس محد جان يداويها بس هو نفسة ذياب ياما بقى للصبح برى اباب غرفتها بالبرد حاله من حالها ضحكت وكالت اكيد سامتحه بس لله يشافي يارب اول ماطبت لغرفتهم بدلت للجهال وبدلت ملابسها سدت باب الكنتور شافت ذياب كبالها تخبلت شوكت اجيت شوكت ها باوعت صاير زغران شعرك شمسويله زرع تفاجات باحمد وراها يضحك تعرفين منوصديقه الحميم الي يجاوبج من جان الاخ يسوي زرع شعراته وتنظيف بشره ذياب خزره يمعود ابوس ايدك راح انكتل سمر يعني انته مامسافر مو مريض ضحكتو عليه اكول الصوت مؤلوف عندي اني اعلمكم احمد طلع يركض بضحك اني رايح ابقو تعاركو سمر تركض ورى ذياب والله اليوم اموتك ماتخاف ربك لشوكت تبقى هيج تضحك عليه سحبها من ايديها وحضنها قوي حاولت تفك روحها منه مكدرتله باسها براسها وهمس الها باذنها احبج يا حمامتي انتي اطهر ذنوبي سامحيني سمر بخجل سامحتك بس بشرط ذياب باوعلها شنو الشرط تبقى اسبوع كامل تنام بغرفه العمال وحدك بالبرد بدون غطى ذياب كللها صار بس مو من اليوم كلتله لا من اليوم وفعلاً نام بغرفه العمال جان مستعد يسوي اي شي بس لاتروح من ايديه سمر بينها وبين نفسها معقوله الهلدرجة يحبني اذا قاوم يومين اني اسامحة وبقى اسبو ينام بغرفه العمال الي جانت اول ماجتهم تنام بيها جان كاعد يتعشون وفهد بحضنه وديما على متونه صاعده وغافين كللها حبيبتي ياجنوني اخذيهم نامو وشالتهم تنيمهم وهو كالمعتاد باسها براسها وطلع من الغرفه نام بغرفه العمال شويه وحس الباب نفتحت جابتله غطى كلتله صار تعديل بالعقوبه هاك غطى وضحكت سحبها من ايديها كافي خلصت عقوبتي وكعدها بحضنه يباوع لعيونها
لأنك بألتزامك مو من اهلك
وأخاف تشيل ذنبي مو من اهلك
منو بگـدي يحبك مو من اهلك
منو بگـدي يحبك من عشرتك
وتمنه ايصير أصبع من عشرتك
أنه شكضيت خايب من عشرتك
أعد بسنين عشرتنه وهي جروح
وأحس اويه النفس يطلع وهج روح
وخيرن گـتلي ودعني وهج روح
أروحن وين ما أگـدر هوى انته
وانه الماهان من أجلك هونته
إلي بدنياي شي واحد هو انته
وحرت بين انتركته ونتبعته😘😘😘
عاشت سمر ويه ذياب وفهد وديما وذياب عوضها عن كلشي مرت بي ويوم ًعن يوم يتعلق بيها اكثر خلصت قصتي اتمنى عجبتكم
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
