رواية غريبة في بيت الغامض الفصل الثامن بقلم سلسبيل احمد
- يا صباح الفلافل والحمص والبابا غنوج مين القمر الى واقف لوحده ده؟
حبيبة بصت وراها بسرعه: قمر مين يـحيـ ـوان يا ابنالـ...
سكتت بصدمه: هو انت !!!!
عاصم بصدمه: هو انتي !!!!؟؟؟
حبيبة بقمة الغضب: اقسم بالله انا لو الى في دماغي صح !!!
عاصم: والله العظيم انا اللي لو الـ في دماغي صح !!!
"بصت حواليها و ملقتش حد"
- انتي جاية مع عبدالعزيز و اسلام ها؟؟
= وانت مين الى قالك !
- زيزو ! هو فيه غيره
= تمام اوي
" الاتنين طلعوا موبايلاتهم.. ومحدش رد عليهم واتبعت لهم على الموبايل رسالة "
عند حبيبة: اركبي مع عاصم خليه يوصلك ياحببتي عشان عربية اسلام مش هتكفي.
عند عاصم: خلي حبيبة تيجي معاك بقا واتحركوا بسرعه عشان نوصل سوا معاكم لوكيشن الفندق.. نتقابل هناك.
حبيبة بصت له و زعقت: هي مين دي الى تروح معاك !!! انا اركب معاك ونسافر طريق 10 ساعات !!!!
عاصم بنفس النبره: انا مالي ياما !!! انا مالي انا مدبس فيكي اصلا و زي زيك معرفش حاجه!
- برضو تاني هيقولي معرفش حاجه !!! يعني ضحكوا عليك مرتين؟؟
عاصم خبط على راسه: عشان كده زيزو قالي معرفش اسلام اني جي !
حبيبة بذهول: مفروض اني اصدق الحركات البلدي دي!!!
- لا حول ولاقوة الا بالله يابنتي اقعديلك في حتة بقا انا الى اعرفه اني كنت رايح معاهم سفرية عاديه و اسلام مضايق فا جيت عشان ابقى معاه واعمله مفاجأة
= قصة تحفه بجد ابقى نزلها في الجرنال
- بقولك ايه هي باينه من اولها انا لبست فيكي خلاص اركبي اتفضلي
زعقت: هي مين دي الى تركب انت مجـ ـنون ولا ايه
= يا آنسه احتـ ـرمي نفسك شوية انا لسه مفطرتش ومش قادر على الفرهده دي
" حبيبة مردتش عليه وفضلت تكلم متولي مردش عليها!!!! ولا حد منهم رد .. ! "
عاصم بصلها: انجزي ياما النهار هيروح مننا لازم نتحرك !
= بقولك ايه !!! ما تغور في داهيه
انا مش هركب معاك ! انا اروح على عربية بحمـ ـار ولا اني اركب معاك
" عاصم سابها و راح ركب عربيته و دورها و مشي بيها و حبيبة مكانتش مصدقه الى بيحصلها ! "
>>>>>>>>>>>>>>>>>>>>>>>>>>>>>>>>>>>>>
' اللهم صلِ وسلم وبارك على سيدنا محمد '
|| في عربية اسلام ||
- انا مش فاهم برضو يا جدو مجتش ليه؟ مش انت قولت هتيجي معاك يا عمو؟
متولي بص له: اه .. ما تقوله يا عبدالعزيز
تسنيم اتكلمت: ركز في الطريق بس دلوقتي..
" تسنيم كانت قاعده قدام جمب اسلام.. و متولي وعبدالعزيز ورا في العربية بيتكلموا براحة"
- تفتكر حصل ايه؟
= مش عارف يا عبدالعزيز ربنا يستر.
لحسن حبيبة انا عارفها.
- ما ترد عليها طيب
= ارد عليها ايه انا خايف لمل نتقابل فى الفندق.
عبدالعزيز بمزح: ده لو جم سوا اصلا.
متولي: خططك سيئة جدا
عبدالعزيز بص له بإستنكار وهدوء: احسن من خططك
>>>>>>>>>>>>>>>>>>>>>>>>>>>>>>>>>>>
' سبحان الله وبحمده سبحان الله العظيم '
" بيدج الفيس بوك بتاعتي سلسبيل احمد ؛ عاصم وقف عربيته بعد ما مشي بيها يادوبك دقيقتين و رجع عند حبيبة "
" نزل من العربية و لقاها قاعده بضيق في الانتظار
راح قعد جمبها بهدوء وقلع نضارته "
- انا مش هعرف امشي واسيبك لوحدك انا مش متربي على كده.. حتي لو انتي غلطتي فيا.. مع اني مليش ذنب.
حبيبة بصت له وسكتت: انا هتصرف.. لو كلمت بابا هيبعتلي عربية عادي لحد عندي.. انا بس بفكر اسيب جدو لوحده وارجع القاهره ولا لاء.. بعد الحركه الى عملها فيا دي.
= متخديش الأمور كده.. وبعدين هتفضلي قاعده لوحدك لحد ما عربية تجيلك على الطريق؟
- احنا ملحقناش نبعد هي ساعه ونص او
ساعتين بالكتير
= ماشي و جدك.. مش هو مفروض مستنيكي؟
بصت له بنص عين: انت عايز بالظبط؟
- عايز اقولك ان الى حصل اول مره يمكن سوء تفاهم.. بس المره دي مش غلطتي
= تمام خلاص
- هتيجي معايا!
= انا مش متخيلة اني اركب معاك انت عربية واحده
- هو انا خارج من قاع الهامور قدامك؟ ريحتي رْفر يعني؟ ده انا لابس قميص وبنطلون بتمن كِليتي!
" ضحكت على جملته وفضلت ثواني تفكر مع نفسها"
- مش عاوزاك تتكلم معايا طول الطريق
بصلها بذهول: طول الـ10 ساعات!
ردت بتأكيد: ايوه! هقعد لوحدي لورا!
- ماشي.. انا بس امي مربياني زيادة عن اللزوم فا مضطر اسمع كلامك عشان اوصلك بدل ما اسيبك لوحدك لكن انا في الطبيعي لو حد كلمني كده
حبيبة بصت له بتوعد: ها هتعمل ايه؟
= هقوله الله يسامحك يلا اركبي.
" كتمت ضحكتها و ركبت معاه.. "
" و فعلا فضل ساكت طول الطريق بس ده لأنه لقاها بعد ساعه نامت...وبعد فتره وقف استراحه نزل من العربية و بص عليها "
- شكلك بريئ وانتي نايمه
ميديش الى بتعمليه ده كله
" خبط على الازاز كذا مره فا صحيت "
" فا شاور لها انهم واقفين استراحه. "
" نزلت بعد لما فاقت و عاصم كان قاعد على كبوت العربية بيشرب قهوة "
- صباح الخير ايه كل النوم ده
= انت بتشرب قهوه على الريق؟ عاوز يحصلك حاجه وانت سايق وتضيع زهرة شبابي!!
" خدت منه الكوباية "
- لما تفطر ابقي اشرب
= ايه التسلط الى انتي فيه ده!
- هو كده.. انا هدخل اجيب اكل
= طيب
- ايه الى طيب اتفضل روح هات بقولك انا مش هيستني يغم عليك واحنا على الطريق !
= اه فهمت تحت امر حضرتك..
" دخلنا احنا الاتنين وسيبتها تشتري كل حاجه وانا اشتريت باتيه جبنه ننجز الدنيا وخلاص خليها تعدي.. روحنا عند الكاشير انا طلعت الفيزا وهي طلعت فلوسها فا بصتلها "
- يعني اظن دي مش حركات
" حطيت الفيزا والحساب ادفع و ملامح وشها كانت بتدل ان فيه عاركه جديده هندخل عليها "
" خت الشنط فا خرجت ورايا بإندفاع "
- يعني اشتريت السوبر ماركت كله وانت رايح تجبلي حتة باتيه وفالاخر بتحاسبلي؟؟ هو انت ابن خالتي؟ ولا خلفتني ونستني
= خلفتك ايه !
رفع صباعه: انا لسه 27 سنه لو سمحتي !
وسنجل بالمناسبة
- وانا مالي !! اتفضل عرفني دفعت كام
= عيب بقا حركات المنايفه دي
- انجز
= امي مربياني بقولك! ولا قصدك ان امي مبتعرفش تربي.. لا لا لا مش ممكن كميه الغلط دي من الصبح انا ماشي لكن اهلي كمان؟ لو سمحتي يا حبيبة فيه حدود لكل حاجه.
" سابها و ركب بعد ما حط الحاجه في الكنبه الى ورا و ساب لها الباب مفتوح عشان تدخل "
" خرجت الحاجه و ركبت قدام فا ركب
وبصلها وهي جمبه "
" طلعت الحاجات وبدأت تقسم "
- هتاكل معايا بقا طالما دفعت
= اكل معاكي ايه.. انتي اكيد جايبه اكل ايجيبت انا راجل بفطر فلافل
- بقولك هتاكل
= لا مش هاكل و ده ايه ده كرواسون بستاشيو؟ لا انا مليش في الحاجات دي
" حبيبة بصتله وسكتت "
" بعد مرور دقايق "
- تحفه البستاشيو ده.. لا جامد.. مش هنحدق؟
= ده شيببسي بالخيار هيعجبك.
" مسك الكيس وبص له.. بالخيار فعلا.."
" بقلمي سلسبيل احمد فضلوا ياكلوا ولما خلصوا بدء عاصم يتحرك.. لحد ما وصلوا الفندق بسلام.. ومحدش فيهم قتـ ـل التاني.. الأمور كانت هاديه.. "
" لحد ما اسلام شافهم "
- عاصم ؟؟؟ و حبيبة !!
"حبيبة بصت لـ تسنيم الى كانت مداريه في اسلام"
اتكلمت بغضب مكتوم: جدو فين !
اسلام: طلعوا الاوض علطول اول لما وصلنا!!
حبيبة: والله؟ يعني انا مش هعرف اطلع له
" طلعت وسابتهم فا عاصم فضل واقف
وابتسم لتسنيم بإحراج "
- اهلا عاملين ايه اخبارك ايه يا تسنيم
اسلام بص له برفعة حاجب و زغده:
انت بتعمل ايه هنا!
" طب انا هسيبكم واطلع الأوضة "
عاصم: هفهمك والله اصبر كله من تحت راس جدك
" فضل يحكي لـ اسلام "
- انا عارف والله ان السفرية دي وراها إن!!!
= يلا حصل خير... بس تعرف.. طلعت لذيذة شوية
- امممم ماشي.. وبقولك ايه ملكش دعوة بتسنيم
غمز له: عنيا يا كوكو
اسلام: هقوم ازعلك يالا
ضحك: خلاص يعم.. فين مفتاح اوضتي؟
>>>>>>>>>>>>>>>>>>>>>>>>>>>>>>>>>>
' لا إله إلا انت سبحانك اني كنت من الظالمين '
|| في اوضة تسنيم و اسلام ||
- انت لسه زعلان؟
= كان مفروض تعرفيني
- متزعليش طيب.. انا مرضتش ابوظ خطه جدو
= جدو ده بخططه النص كم دي هيخلينا
نلبس في حيط
تسنيم ببراءة: اصل هما لايقين على بعض اوي.. حبيبة إندفاعيه و عاصم حساه هادي وعاقل هيعرف يفهمها و
قاطعها وهو بيمسك ايدها: عاصم ايه؟ عاصم هادي؟ بعدين انت لحقتي تعرفيه منين؟ بقولك ايه مش عاوزك تكلميه ولا تبصيله حتي! متبصيش لحد غيري انا للأبد
تسنيم ضحكت: حاضر
- متضحكيش.
حضنها وهو بيأكد عليها: انا مش عايزك ولا تبعدي عني.. ولا تركزي مع حد غيري
تسنيم رفعت عيونها ناحيته: انا كدا كدا
معرفش غيرك.. فا متقلقش انا هفضل معاك.
" و طبعا يوم السفر ده محدش نزل منهم.. غير حبيبة وعاصم الى لطشوا في بعض عند البحر. "
- انتي هاديه بقا وكده وبتقعدي على البحر؟
= انت تاني؟
- تاني ايه ياشيخه ده تالت و رابع
"ضحكت فا قعد جمبها"
= عملتي ايه مع جدك كلتيه؟
- جدو ده بيلبسني كل مصيبه والتانيه..
= طب يعني ما نجرب..
بصتله بجدية: نجرب ايه!
- انا قولت نجرب؟ بقولك بفكر اهرب تيجي نهرب؟ انا ههرب يمين يلا سلام عليكم.
" قام فا هي بصت على طيفة وفضلت
تضحك بهدوء "
>>>>>>>>>>>>>>>>>>>>>>>>>>>>>>>>>>>
' الله اكبر الحمدلله لا إله إلا الله استغفر الله '
|| في اوضة عبدالعزيز و متولي ||
- وبعدين عملت معاها ايه؟
= هعمل ايه يعني.. اهو مثلت اني تعبان عشان ترحمني راحت اوضتها وسابتني
- الواد عاصم شكله عجباه الخطه
= طب يا مسهل.. عاوز اللحق افرح بيها.. لحسن أكرم ابني ايده في الميه البارده قال يقولي سيبها براحتها يا بابا !
- انا اللي مش عارف اعمل ايه مع والدة اسلام
= هي كلمتك تاني
- هي علطول تسأل عنه
= ما تكلمه وتقوله يا عبدالعزيز!
- مينفعش يا متولي صدقني جربت اسلام مش بيجي كده هو صوته من دماغه
= انت خايف من ايه
- خايف يحس اني مش فاهمه اوي اني بضغط عليه يسبني ويمشي.. مانا على الخناقة الى عملتها معاه عشان يروح يشوف امه.. وفضل يومين معرفش كان فين.. طلع كان بايت بره
= وبعدين طيب.. هي قالتلك ايه؟
- بتسأل عنه.. وعايزه تيجي له
= خليها تيجي يا عبدالعزيز وخرج نفسك انت منها
- مع اني عارف انه لو شافها هيمشي ومش هيرجع غير لما تمشي من البيت.. بس ربنا يسهل بقا بيدج الفيس بوك بتاعتي سلسبيل احمد.
>>>>>>>>>>>>>>>>>>>>>>>>>>>>>>>>>>>
' اللهم اغفر لنا ذنوبنا و ارحمنا برحمتك يا أرحم الراحمين واعفو عنا '
|| في اوضة اسلام وتسنيم ||
" تسنيم كانت نايمه في حضن اسلام وهو حاطط ايده على شعرها و ماسك موبايله "
رفعت راسها: مش هتنام؟
ساب الموبايل: انتي كل ده مش عارفه تنامي؟
ردت بحماس: اه بفكر
بص لها: فيه ايه؟ خطه جديده؟
- اخر حاجه
ابتسم على دماغها: اتفضلي..
= انا عرفت من متولي ان حبيبة مش بتعرف تعوم ايه رأيك انا ازقها في المياه وانت تخلي عاصم ينقذها
اسلام ضحك جامد بغلب: انتي جدو أثر عليكي بخططه!! ايه يا تسنيم ده..
بصت له: وحشه؟ حساها حلوة.
اسلام: انتي غلبانه والله.. حبيبة شخصيتها مش كده
- انا متأكده انها هتحبه لو انقذها
= وايه مخليكي متأكده
اتنهدت وبصت له: عشان... انا حبيتك لما حسيت معاك بأمان لما انقذتني.. يعني كنت في الأول عندي إعجاب بحاول امنعه لما اكتشفت انك مش طايقني
اسلام حضنها: متقوليش كده.. انا بموت فيكي
" ابتسمت بحنان وحب وحضنته "
- وانا كمان.
" اكتمل أماني معاه.. بس كنت مضايقه ان أمانه مش كامل.. او راحته مش كامله.. لسه ناقصه حاجه.. لسه حاجه مضيقاه.. فا علطول في بالي اشوف حل.. بعد ما رجعنا من السفر.. حبيبة رجعت القاهره مع جدها.. وللأسف معرفناش نعمل اي خطط في رحله اليخت.. وانا دوخت بسببه و مقدرتش اكمل معاهم.. السفرية مكانتش احسن حاجه.. بس هل ده سبب يكون مخلي اسلام موده مقلوب! مش عارفه.. "
>>>>>>>>>>>>>>>>>>>>>>>>>>>>>>>>>>>
|| بعد مرور اسبوع ||
" بعد ما جدو قرر يخلينا نقعد في الدور الأرضي.. بقا حابب هو يفضل في شقة ليلىٰ.. فا في يوم بدري.. على الساعه 10 الصبح.. الباب خبط.. ولما روحت افتح كانت ست.. شكلها مش غريب عليا.. "
" قبل ما اتعرف عليها نزل جدو و قابلها ودخلوا.. وقتها افتكرتها.. هناء مامة اسلام!! كنت مصدومه.. اتكلموا شوية ولاقيته بينادي عليا.! "
" عرفنا على بعض.. وقعدنا انا وهي لوحدنا.. "
- مبروك على جوازكم ياحبيبتي
هزيت راسي بكسوف وإحراج: ءء أ شكرا لحضرتك..
- انا جاية انهارده.. وعندي أمل جديد بسبب وجودك
بصتلها بإستغراب: أ.. أنا!!
= ايوه..
- ازاي..
= انا سمعت كلام حلو كتير عنك
- بس.. حضرتك مش فاهمه انا معرفش اي حاجه اقدر اساعدك بيها انا حاولت صدقيني.. رفض يتكلم معايا خالص واضايق و..
قاطعتها: عمره ما هيتكلم.. بالنسبالة دي حاجه مش هيقدر يتكلم فيها..
= مش فاهمه!
- شوفي ياحبيبتي.. اسلام كان معتقد.. اني اعرف حد غير والدة.. و ده بسبب انه في البداية حصلت بينا مشكلة انا وسالم بسبب واحده.. و اتخانقنا سيبت البيت ومشيت وسيبت اسلام معاه.. ورجعنا بعد فتره.. وبعد فتره تانيه.. طلبت اطلق لما اكتشفت ان الحياة بينا مستحيلة.. ساعتها اسلام افتكر اني اطلقت عشان راجل تاني.. واني اتخيلت عنه مرتين.. وانا وقتها غلط لما سيبته تاني فعلا.. لكن انا كنت باخد علاج نفسي بسبب ابوه! كل مرة حاولت افهمه مكنش بيديني فرصة مش سامع غير نفسه.. وخايف يرجع يثق فيا.. بقاله خمس سنين.. بعيد عن حضني.. عارفه يعني ايه ام محرومه من ابنها.. وعايشه لوحدها طول الفتره دي!
" تسنيم كانت دموعها نازله بسبب انها
افتكرت مامتها"
- انا فاهمه.. وهساعد حضرتك.. قوليلي محتاجه ايه.
" مطلبتش مني غير اني اهديه.. واساعدها يسمعها.. دلوقتي بس فهمت خبىٰ ليه.. مفيش راجل هيحب يتكلم عن مامته بشكل وحش.. و يمكن هو مجروح.. و عنده شكوك.. بس خايف يثق فيها..
دخلت اوضتة وفضلت تشوف حاجته بحنين وتبص على صورة.. و اتفاجئت لما شافت صور ليهم سوا.. سمعت صوت الباب فا بصتلها اطمنها وخرجت بسرعه "
- تسنيم؟
" خرجت وبصتله وانا بتنفس بهدوء "
- وحشتيني.
" حضني وانا حاولت ابان اني عادي "
= وانت كمان
- مالك؟ انتي تعبانه.. وعيونك مالها كنتي بتعيطي
= اهدى بس مفيش حاجه.. انا عاوزك بس
" اتنهدت وكنت متلخبطه طب لمس خدودي بحنان "
- اهدي.. اهدي وقوليلي فيه ايه
بصيت له: في ضيف عندنا.. في اوضتك..
بصلها بإستغراب: ضيف مين؟
- ممكن ندخل؟
= ضيف مين يا تسنيم وفين جدو؟
- ممكن تثق فيا! ممكن تدخل وتدي لنفسك فرصه!
" اتحرك للأوضة.. وهو كان تقريبا متوقع لكنه برضو اتصدم لما شافها ! "
" عينه بسرعه لمعت و رغرغت لكنه اتكلم بحده "
- انتي بتعملي ايه هنا !!
بص لتسنيم: دخلتيها اوضتي؟؟
هناء: لو سمحت يا ابني اسمعني !
زعق: ابنك !!! انا مش مصدق انك لسه فاكره الكلمه دي من حقك اصلا !! او حتي من حقك تدخلي اوضتي وحياتي بالطريقة دي !!! تدخلي وقت ما تحبي وتخرجي وتسبيني وقت ما تحبي !!!
ردت بدموع: ياحبيبي افهمني اسمع مره
واحده في حياتك
= لاء !!! انتي مش هتجبريني اسمع !!
" كنت واقفة و دموعي نازله من منظره.. عمري ما شوفته في الغضب ده!! "
- انا مسبتكش بمزاجي يا اسلام! افهمني !
= انا همشي ولما ارجع مش عايز الاقيكي !
" خرج من الاوضة و هي فضلت واقفة بتعيط بحسره فا جريت ورا بسرعه "
" مسكته و وقفت قصاده "
- اصبر استني !
= انا وثقت فيكي !!!
اتكلمت بعياط: انت غلطان المره دي لازم تسمع!
رد بنرفزه: تسنيم !!!! انتي متعرفيش حاجه !!
- قالت لي! قالت كل حاجه.. انت الى متعرفش يا اسلام صدقني انت الى محتاج تعرف وتفهم
بصلها بسخرية: قالت لك! ضحكت عليكي وقالت لك انها كانت تعبانه؟
= انت مش بتسمع غير نفسك ليه !!! جرب مره في حياتك تسمع مش هتخسر حاجة انت عندك ام ! وبقالك خمس سنين بعيد عنها!!! عارف يعني ايه! يعني فيه غيرك بيتمني خمس ثواني ! امه ترجع يشوفها خمس ثواني بس ! وانت معاك فرصة وضيعت خمس سنين يا اسلام !!! انا مش قادره اصدق ولا استوعب
" تسنيم كانت بتتكلم وهي منهاره تماما.. الموقف كله جالها على الجرح! و في لحظه مبقاتش متحكمه في اعصابها "
= انت قولت انك وثقت فيا ! يبقي خليك واثق فيا للآخر.. وادخل.. واسمع.. هو انا لو غصب عني غلطت وعملت اي حاجه.. هتعمل معايا كده! مش هتسمعني وهتنهي كل حاجه!!
"فضل ياخد انفاسه ويحاول يهدي لأن دموعها المستمره ضايقته"
- طب اهدي..
ردت بحزن شديد: عمري ما ههدا! مش ههدا وانا حاسه بيك وعارفه انك مجروح.. وهي برضو!! وعشان ايه عشان ولا حاجه! انا سمحت لك تساعدني لحد ما بقيت كويسة.. وصلحت لي حاجات كتير!! انت كمان اسمح لي!! و اديها فرصة
عيونه كانت بدأت تدمع: اديتها مره.. اديتها فرصه لما سابتني اول مره و رجعت ! بس عملتها تاني يا تسنيم! رمتني وراها ومبصتش حتي عليا للمرة التانيه.. ادخل دلوقتي.. واتكلم واصدقها واثق فيها.. عشان الموضوع يتكرر.. والجرح يتفتح!! انا كويس من غيرها !! مش محتاج لها في حياتي اصلا !
دموعي نزلت وبصيت له برفض: انت غلطان.. انت عمرك ما هتبقى كويس.. وانا عمري ما هبقي كويسة!
مش هقدر اعيش معاك لو فضلت مقصر معاها!
