رواية غيرة اختي الفصل الثامن بقلم جمانه السعيدي
غاده...من بعد ماشفت صورتي الي دزها اليه زيد
عرفت زيد وهبه بدو الحرب عليه ايجوز ما متفقين
ايجوز واحد مل من الثاني مااعرف
بس ثنيينهم اتفقو بدون مايعرفون واحد بلثاني حتى يدمرون حياتي
ليش هذا الكره وهاي العداوه مااعرف
مع اني ابد مااذيت اي احد بيهم
للصبح ماكدرت انام افكر اذا زيد دز الصوره المرتضى
وحجا ويا عن علاقتنا قبل
شراح يكون موقفي ساعتها ااكيد اخسر مرتضى
الله لا ويفقكم ثنيينكم
بس ولله مراح اخسر وحدي
اذا دمرتو حياتي ادمر حياتكم ووحده بوحده بعد مااسكت
كافي لعبتو بيه طوبه
شنو اني حايط نصيص الكم
كل واحد عنده فشل لو عقده بحياته يطلعها عليه
اخذت صوره للكلام الي دزه اليه زيد
من غير الصوره ودزيته الهبه
وكتبتلها مثل ماانتي ادورين من ورا زيد
وتحاولين تصيدين مرتضى هو هم مل من عندج
وجاي يدور من وراج
طلعتي فاشله وماتكدرين تحافظين على خطيبج
لو بيج خير وزيد مقتنع بيج
مجان دزلي هذا الكلام
بيني وبين نفسي كلت يله خليها تعلك خليهم
واحد يطحن الثاني
بعد مادزيت الرساله رحت قربت على الغرفه
اريد اشوف ردت فعلها
اتصلت على زيد اول ماكال الووو نزلت علي غضب
كبل بدون صباح الخير
هبه...حيوان حقير اني تحجي عليه هيج اله اندمك
اني تضحك عليه
تكول اعوف هبه انت شنو بسوك الزلم وتكول اعوف هبه
لو ما حفيت تركض وراي حتى اقبل بيك
اليوم تجي اطلك
لو اروح ارفع عليك قضيه وابهذل احوالك
عبالي ادمي طلعت حقير وكل خير مابيك
اطلكني اليوم لو اسويها مصيبه عليك
اروح اشتكي عليك واخليك فرجه للناس
غاده...طب طبكت التليفون بوجها واسمعها تبجي بلغرفه
رجعت للاستقبال
واني ااكول حيل حيل ضوكي شويه من العذاب
الي تعذبته وانتي اضحكين عليه
عساج لا تهنيتي لا انتي ولا هوووو
جمانه السعيدي
بقيت كاعده للصبح ماكدرت انام من القهر
الساعه ثمانيه اجتني رساله من مرتضى
مرتضى...ضروري اشوفج اليوم اكو موضوع مهم
اريد احجي وياج بي
غاده...اني هم عندي موضوع مهم اريد احجي وياك
اليوم مااروح للدوام
اذا تكدر تطلب اجازه وتجي نطلع بمكان حتى نحجي
سوا
مرتضى....الساعه عشره اجي اخذج ونطلع
كعدت امي وابوي بس شافتهم هبه طلعو من غرفتهم
اجتهم تبجي
امي...الله يستر شكو من الصبح
هبه...اريد اطلك دقيقه مابقى على ذمة زيد
لو اطلكوني لو اكتل نفسي اليوم يعني اليوم
منا لليل اذا مالزمت ورقة طلاكي بايدي اكتل نفسي
ابوي.... غير اعرف شكووو ليش تطلكين جنتي فرحانه وشحلانج
هبه...مااريده هيه كوه مااريده اطلك يعني اطلك
واحد مهمل وبخيل وماله خلك الاي شي هاي واحنا
بعدنا على البر لو ازوجنا شلون
امي...غير يشتغل حتى يدبر فلوس الزواج
لو تردي يكابلج ويكعد ترا هذا مو حجي
ابوي...اهدي بنيتي مو هيج تنحل الامور
هبه...اذا ما يطلكني اقتل نفسي مااريده هيه كوه
مااريده خلصوني منه
نزل حسين من غرفته خير شنو هاي الهوسه من الصبح
امي...هبه تريد تطلك ماتريد زيد
حسين..ليش ياستار
هبه..مو كل واحد يفتح وياي تحقيق مااريده يعني مااريده
اطلك اليوم
لزم تليفونه حسين واتصل على زيد
حسين. صباح الخير اخوي شلونك
زيد...اهلا وسهلا
حسين...شكو ليش مزعل هبه
زيد....اعذرني انت صديقي واحبك ومااريد اخسرك
بس اني وهبه ما نصير واحد للثاني
بدون زعل كلمن يشوف طريقه
حسين...غير اعرف ليش شنو الي تغير
زيد....زعطوطه مو مال مسؤليه تتزعل على كلشي
ما يعجبها العجب
اني رجال فقير ماعندي فلوس
اجيب هدايا واطلعها سفرات رجال فقير
وهيه كل يوم عركه على هذا الموضوع
اني اشوف هذا الزواج مراح يكتمل
بدون زعل كل وأحد يشوف نفسه
بلنسبه اليه بعد مااريدها وهذا آخر كلام عندي
قفل التليفون
حسين...لا هذا الوضع ابد مو طبيعي
اكو شي مستحيل هذا التغير المفاجئ
امي...شيكول زيد
حسين....يكول مااريد هبه اتي وياها ما نتراهم ابد
نفسخ وكلمن يشوف نفسه
ابوي.. شنو هذا الحجي صار سبع اشهر مدري اكثر مخطوببن شنو يفسخون
جمانه السعيدي
هبه...مااريده اصيح بصوت اعلى مااريده
هيه كوه مااريده
اروح ارفع علي قضية طلال بلمحكمه اذا ما اطلكوني منه
ابوي...اهدي اهدي الي تردي يصير
ميخالف سهله
هبه...لاتكون جاي تهدني اذا منا لليل ما اطلكت
اكلب الدنيا عليكم
غاده.. اني كاعده اتفرج كلت بكلبي مثل ما تحاربوني
احاربكم واهد المعبد عليكم
اذا اخسر مااخسر وحدي
كلنا نخسر سويه
غاده....دخلت غيرت ملابسي وكلت الامي اني راح اطلع ويا مرتضى نتريك برا
امي...روحي بس من ترجعين احجي ويا هبه
هديها يمه اختج مدري شبيها
بلكت تكدرين تقنعيها
غاده...مالي شغل بيها هيه اعرف بمصلحتها
غاده...دخلت حضرت نفسي للطلعه مجنت متوقعه هبه دازه رساله المرتضى تطعن بيها بشرفي
اني جنت رايحه احجي ويا على موضوع زيد
مااريد يوصله كلام من واحد غيري ويخرب علاقتنا
اريده يسمع مني
وهو بكيفه يريد يقتنع يريد لا
بلاخير الزواج قسمه ونصيب
اجاني للبيت دك هورن طلعت علي
شفته ضايج حتى السلام من ورا خشمه
غاده....شكو ليش ضايج
مرتضى...نوصل ونحجي
رحنا مطعم مفتوح وخضار
كعد وضرب السويج حيل بلطلبه
غاده....احجي شبيك
طلع تليفونه وشوفني رساله هبه
قريته حسيت نفسي تلعب شنو من بشر هاي شكد حقيره الخاطر الله
تستاهل كلشي سويته بيها
غاده....اني جايه احجي وياك على نفس هذا الموضوع
بس اتمنى تسمعني للاخر
من اكمل كلامي انت حر تريد تقتنع تريد لا
المهم اني اريح ضميري
بس اهم شي لا تكول ضحكتي عليه
لان انت سئلتني اكو واحد بحياتج حاليا واني بوقتها مجان اكو اي احد بحياتي
انت ما سئلتني عن الماضي مثل مااني ما سئلتك عن ماضيك ابد
لو سألني بوقتها جان حجيتلك كلشي عن حياتي بس اني نسيت الماضي وبديت وياك من جديد
كنت مراهقه عمري ١٧ سنه لمن بدا زيد يدخل بيتنا
لان صديق حسين
زيد خطيب هبه اختي
كنت طفله ومااعرف اي شي ماعرف الصح من الغلط
تكرار زيارات زيد البيتنا خلاني اشوفه كل يوم تقريبا
وحتى اكون صادقه كنت معجبه بي
وكنت اعرف اي وقت يجي وافتحله الباب بس حتى اشوفه
هلكد ما يحجي عنه حسين
تعلقت بي اكثر
كنت مااشوف غيره بهاي الدنيا
بس هو الحقير حشاك كدر يعرف اني تعلقت بي
بدا يحجي وياي ويسمعني كلام حلو
بعدين انطاني رقم تليفونه حتى نتواصل اني ويا
اني ماعندي تليفون كنت اكتبله رسايل كتابه
حتى اتصال مااكدر اتصل بي
اخاف من اهلي
كل هذا الحجي اختي هبه تعرفه كنت احجيله عنه
بلنسبه الهاي الرساله الي اجتك هاي من اختي هبه
اني متاكده منها
جمانه السعيدي
بلنسبه للمقطع الي كاتبه بي يجيها البيت اهلها
وهما ما موجدين
هذا كذب اهلي ابد ما يطلعون كلهم من البيت
واني بلذات اذا طلعت لازم وياي لو امي لو هبه
هذا المقطع حتى تشك بيه مو اكثر
المهم ماطلعت ويا بس مره وحده
وهاي المره بلكوه بقيت نهار كامل اتوسل باامي
يله قبلت اطلع وحدي كعدنا بحديقه عامه
وهو صمم ناخذ صوره سوه كنت ماامنه بي ومصدكته
وافقت وعساني ما وافقت
حتى كلامنا ماكان عن الحب
كنت كل كلامي ويا اطلب منه يجي يتقدملي
وكان يتهرب بحجة اني صديق اخوج
شلون لو حسين عرف اني احجي وياج
واني ما مستعد للزواج حاليا
كفيلك الله الكلام الي بينا كلش تافه
من اذكره اضحك على عقلي شلون جنت معجبه بواحد مثل زيد
استمرت علاقتنا ٣ سنوات عافني بيهن ٦ مرات
بحجة اخوج حسين واستحي منه
مره عافني شهر ومره شهر ونص ومره شهرين ونص
ومره اربع اشهر وأخير مره عافني فد نوب
بدون مايقدم اي سبب
اثاري اختي التحفه صارت ويا بنفس الجامعه
وقررت توكعه بشباكها وتأخذ مني لان عجبها
وهو ما صدك ركض وراها وعافني
بشرفك هم سامع وحده تاخذ حبيب اختها
كنت اسئلها تشوفي هم تعرفين اخباره
وتكول لا ابد وهيه تبقى للصبح تحجي ويا
على الاقل كولي احجي ليش عايفتتي مااعرف راسي من رجليه
لحد ما تفاجئت حسين يكول زيد طلب ايد هبه
بقيت مصدومه شلون وليش
اتوقعت اكو اشتباه بلموضوع
بس انصدمت اختي اتاكدلي الخبر
لمن سئلتها ليش وانتي تعرفين اكو علاقه بينا
كالت هو يكول غاده شخصيتها ضعيفه وتخاف
مو مثلج قويه وما تخافين
كتلها ارفضي مايصير اختي تاخذ مني الانسان الي احبه
كالت لا
هاي مشكلتج هو يحبني ما يحبج
انهاريت ٣ ايام اني حابسه نفسي بلغرفه
ولا اكل ولا اشرب بس ابجي
من كد الصدمه انصدمت بااختي مو بي هو
اذا كان هو إنسان ناقص وقح هاي صفاته علي
بس اختي شلون تبعيني وتنطي بيه
من بعدها قررت انتبه عل نفسي تعرف اني عدت السادس مرتين بسببه
قررت ابدي من جديد وفعلا قريت وامتحنت ونجحت
هاي قصتي كلها
البارحه دزلي رساله
تعاي نرجع واعوف هبه
هاي الرساله اقراها حتى تتأكد من كلامي
اخير شي دزلي هاي الصوره
على اساس يهددني لو ترجعيلي وتعوفين مرتضى
لو ادزله هاي الصوره
اني بلنسبه اليه زيد ماضي وخلص
حتلو انت عفتني مستحيل ارتبط بي
لو ابقى طول عمري بدون زواج ماارتبط بي ابد
وقبل لا اكمل كلامي
اني من تعرفت عليك عرفت شنو يعني رجال حقيقي
فرق السما عن الكاع بينك وبين زيد
زيد ذكر وليس رجل
اما انت رجال ومن ضهر رجال
اني كملت كلامي اذا حاب نكمل اخليك بعيوني
واذا حاب تنسحب من هذا الوواج
مراح اللومك ابد اللك الحق تكمل او تنسحب
هذا زواج لازم يكون مبني على قناعه
حتى يستمر طول العمر
انتظرونا.....---------------------#غيرة
#اختي
البارت الثامن
جمانه السعيدي
غاده....باوع بوجهي وهو شكله كلش غاضب ومنزعج
كام من مكانها ومشى بدون ما يحجي اي كلمه
مشى وعيني ورا كنت اشوف خطواته تبتعد عني
واني انزف من داخلي
اكول بكلبي لا لا مرتضى لا تعوفني
ارجع الله يخليك لا تعوفني
لاتعوفني بعد ما تعلقت بيك مو ذنبي عندي اخت مريضه نفسيا
وزيد مجرد ماضي انت الحب الحقيقي بحياتي
بقت عيني ورا منا لمن شغل سيارته وطلع
احس كلبي انعصر
اريد اكوم مااكدر رجليه ما يشيلني
ليش هيج ما متوقعتها منك
ليش تعاقبني على ذنب بالماضي خلص وراح
بقيت كاعده بمكاني انتظره
اريده يرجع هلمره مراح اكدر اتحمل بعده عني
بس مارجع ليش ليش هيج مرتضى
تخلي هبه وزيد يخربون علاقتنا
كمت من مكاني واني احاول الملم نفسي
وادعي القوه بس بلحقيقه اني مو قويه ضعيفه
كلش ضعيفه
كمت امشي وصلت للباب اباوع بلكي رجع مرتضى
بس ماكووو
حقه مااكدر اللومه من حقه ينسحب
ااجرت سياره ورجعت للبيت مااريد ابجي
مااريد ابين ضعفي راح اكمل اذا مرتضى بحياتي
او عافني لان اني انسانه استحق اعيش واكمل
ابد مراح تنزل مني دمعه مااريد ابجي
دخلت للبيت بس شفت امي كبالي ماكدرت اكابر اكثر ماكدرت اسيطر
انهاريت بجي بحضنها
محتاجه امي محتاجه احجي الأحد.يفهمني
امي....شبيج ليش تبجين صاير شي بينج وبين مرتضى
ليش تبجين
ولله شلعتن كلبي انتي واختج عين الي ما صلت على النبي انحسدتن
غاده...بقيت ابجي بحضنها مااكدر احجي بس احس
البجي راح يخفف عني شويه
امي....ليش تبجين حبيبي
غاده...مابيه شي بس ضايجه شويه
امي....ضايجه ليش اتعاركتو انتي ومرتضى
غاده.... لا ما تعاركنا بس يمكن راح يعوفني
امي....ياستار ليش يعوفج
غاده....اكو سؤء فهم صار بينا
امي...اي احجي شنو خل ابوج يدخل ويحل المشكله
غاده....لا مااريد احد يدخل
امي...اي شنو المشكله
غاده....اكيد راح احجيلج بس مو هسه بعدين
امي....يايمه شجاجن هبه بقت تبجي لمن تعبت ونامت
وانتي كلمتيها لانخافين مرتضى عاقل مايعوفج
اني متاكده يحبج ومراح يعوفج
جمانه السعيدي
غاده....اروح ارتاح
امي...ليش ما تحجيلي شكووو راح ابقى بقلق
غاده....بعدين مو اليوم راح اصعد انام بغرفة حسين
لحد يكعدني اني اكعد وحدي
امي...اكوم ابخر البيت واشغل قرآن عين الي ما صلت على النبي
غاده...بدلت ملابسي وصعدت بغرفة حسين فوك
تمددت بس مجاي اكدر انام رغم اني البارحه
ما نمت للصبح بس التفكير كتلني هيج يعني
خلاص اني ومرتضى انتهى كلشي بينا
بهل سهوله يصدك كلام هبه وما يصدكني
زين هو شعلي بلماضي ليش يحقق وياي ااكيد هو هم عنده ماضي
اني لو عندي شي وبعدني افكر بلماضي مااقبل بي
ليش دخل حياتي وخلاني اتعلق بي
وليش يريد يعوفني بسهوله ليش يحاسبني على شي خلص وراح
يمكن هاي الغلطه راح ابقى اتحاسب عليها كل عمري
فتحت التليفون ورجعت أقرا كل المحادثات الي صارت بينا
من يوم تعرفنا لليوم
احبه وهو الحب الاول بحياتي
كلشي مر عليه قبل مو حب الحب الحقيقي مرتضى
هلمره اذا عافني مرتضى
تدمر نفسيتي من صدك
صعد حسين لكاني بغرفته
حسين...هااا خير اتعاركتن انتي وهبه
غاده...لا ماكو شي بس حبيت اغير مكاني
حسين...خوما ضايجه لو عندج مشكله
غاده....لا ماكو شي
حسين...ابقي هنا اني راح انزل جوه واذا تحاتجين
تحجين وتفضفضين اني موجود
غاده...فتحت اديه وحضنته وبسته
انت احلى اخ بهاي الدنيا
بقيت النهار كله فوك بغرفة حسين مانزلت منتظره
اي رساله او مكالمه من مرتضى
اريد اعرف شنو مصيري
راح نكمل لو نفترق
يمكن اني فعلا غلطانه لان ما حجيت كلشي من البدايه
بس ليش غلطانه
زيد ماضي وخلص واني من عرفت مرتضى
ماكان اكو اي احد. بحياتي ليش لازم احجي تاريخ حياتي
من البدايه للنهايه
منو انطا الحق المرتضى يحاسبني على الماضي
هو مجان موجود بحياتي قبل ليش يحاسبني
قابل اني اعرف راح التقي بي واحبه حتى ابقى منتظرته
من سابع المستحيلات كنت أتوقع راح التقي بمرتضى
مره ثانيه ويخطبني واتعلق بي
خلاص بكيفه اذا قرر يعوفني
مراح اتنازل راح اكون قويه واستجمع قوتي واكمل
ايجوز مرتضى مو نصيبي
جمانه السعيدي
سمعت امي تصيح عليه
خطيه اليوم وحدها تفتر بلبيت
نزلت جوه
امي....غاده ماما شبيج مو عوايدج تعوفيني وحدي
باوعت بوجها
خطيه امي بناتها ثنيينهن راح يطلكن قبل حتى لا يزوجن
ولله مصيبه
وابوي شلون راح يتحمل خبر طلاقنا ثنيينه
استفغر الله
امي...مو جاي احجي وياج
غاده...هاا ماما اجيت اساعدج
امي...احجي ويا هبه كعدت متخبله اله هسه اطلك
غاده....يمه عوفيها تطلك هسه احسن ماترجع عليج بطفل ومطلكه
امي...يااا ليش تطلك زيد خوش ولد
غاده....هيه اعرف بي هيه عاشرته وتعرفه كلش زين
لا اضغطين عليها
عوفيها تطلك هسه احسن زيد ما مقسوم الها
امي...عيب تطلك شنكول للناس
غاده...الناس شعليهم هيه مامرتاحع ويااا تتحمله
علمود الناس ليش يمه فدوه عوفي كلام الناس على صفحه الناس تحجي بكل الاحوال
الناس على رب العالمين تحجي
ترديها علينا ما تحجي
امي...الله يهديجن ثنيبنجن
غاده...اشتغل واحجي ويا نفسي امي ماراضيه على طلاك هبه شلون لو عرفت اني هم راح اطلك
الله اليستر من الجاي
اشتغل وافكر بمرتضى يوميه هيج وكت متصل عليه
عشر مرات واكثر
اليوم هم مفتقدني مثل مااني مفتقدته
هم اجي على باله هم يذكر سوالفنا اني ويااا
ياترى يفكر ينفصل عني لو بعده يحبني
ليش عافني بقلق
ليش ما خصم الموقف وكال ماريد اكمل وياج
ليش عافني بحيره
اتواصل ويااا لا مراح اتواصل وياا
اريده يختار عن قناعه حتى مايرجع يحجي بهذا
الموضوع مره ثانيه ابد
انشغلو اهلي عني باقي النهار بس حتى يقنعون هبه
تعوف شغلة الطلاك بس هيه مصممه
وزيد ابد ما حاول يصلح الموقف بينهم بقا ساكت
اعتقد لو يحبها من صدك جان اتصل أو اجا حتى يحجي ويا اهلي
يمكن هو هم يريد يطلك
حسين....جاي اتصل على زيد قافل تليفونه
راح اروح احجي ويااا
هبه...لا تحجي ويا ولا تتوسل بي اني اريد اطلك
وهذا آخر قرار عندي
جمانه السعيدي
طلع حسين من البيت تقريبا ساعه ورجع كلش ضايج
امي...هاا حجيت ويا زيد
حسين....يكول اطلك اني وهبه ما نتراهم
امي....يمه انحسدو جانو مثل الورد ليش هيج
العالم ضربتنا عين البنات ثنيينهن انخطبن
وكل وحده اخذت خوش ولد وابن ناس ونحسدنا
حسين....يمه ترا عادي تصير ليش الناس اخترعو
فترة الخطوبه حتى واحد يتعرف على الثاني
امي....اني ما مقنعه ليش ينفصلون اذا اكو مشكله
نحلها ماكو مشكله مالها حل
الناس توصل للكتل وترجع تتصالح
حسين....خليها على باجر ونشوف حل
هبه...اني اريد اطلك اليوم مااابقى على ذمته الباجر
حسين...خويه على كيفج مو هيج تنحل الامور
هبه....اله اقتل نفسي يله ترتاحون
ابوي.....كافي خلاص حسين اتصل على زيد خل يجيب الشيخ ويطلك
لو احنا نروح يم الشيخ ونطلك هناك
امي...يااا صدك
ابوي....اي صدك ماتريده شلون نخليها تموت
ونخسرها
حسين....صار
رن على زيد وصار الاتفاق يلتقون بيت الشيخ علمود الطلاك
راحو بليل كلهم امي وابوي وهبه وحسين البيت الشيخ
طلكو هبه
من رجعت هبه للبيت بقت اليل كله تبجي
ااكيد هاي الدموع ثمن غيرتها وحقارتها وياي
رادت تاخذ زيد باي طريقه بس حتى تحس هيه احسن مني
الشي الي ينبني على غلط ااكيد ينتهي بسرعه
الغلط ما يجيب غير الغلط
خلص هذا اليوم وكلشي ماعرفت عن مرتضى
مارد عليه لا ااي ولا لا
رحت للكليه ثاني يوم وبقيت عيني على الطريق بلكت يجي بس مااجه ولا سئل
ايجوز يريد ينفصل بس يستحي يكول رجعي
الذهب
من بعدها بدا امتحانات اخير السنه
حاولت شكد مااكدر اشغل نفسي للامتحانات حتى لا ضيع عليه هاي السنه
اجبر نفسي اقرا حتى ماافكر بمرتضى
بس كل لحظه بينا الها ذكرى حلوه
جمانه السعيدي
هبه بلكوه راحت للامتحانات شكله تعبان ومتغيره
عبالك مريضه
ما امتحنت كل الامتحانات نص امتحنت ونص لا
اني لا امتحنت كل الامتحانات
امي كل يوم تسئلني عن مرتضى لان هو ماكو يوم
مايجينا للبيت لو يتصل
كنت ارد عليها واكول علمود الامتحانات مايريد يشغلني عن دراستي
امي ماكانت مقتنعه بلرد بس سكتت
لان اني كتلها قبل يريد يعوفني
هيه افتهمت اكو خلاف بينا بس شنو أبعاد هذا الخلاف ما تعرف
يوم يجر يوم ومرتضى ماكووو
حتى ابوي انتبه الغيابه
ابوي....ليش مرتضى ما يجينا
غاده...عنده شغل
ابوي....خاف عنده مشكله ما متعود يغيب عنا هلكد
غاده...لا انشاء الله ماكو مشاكل
ابوي...اتصل علي
غاده....لا لا تتصل هو راح يتصل بيك
امي....اكو مشكله بينه وبين غاده بس ما تقبل تكول شنو
ابوي....صح اكو مشكله بينكم
غاده...لا ماكو اي مشكله انشاء الله
ابوي....ليش ما تحجين بابا ايجوز نكدر نساعدج
غاده....لا ماكو مشكله
كمت من يمهم مااريد يلحون عليه أكثر
غاده...ضجت ليش اني بقيت معلكه ليش
مايكول نفترق لو نبقى
شنو معنى هذا السكوت
طلعت التليفون وكتبتله بدون سلام كبل
غاده...مرتضى تعال اخذ الذهب
وحدد موعد الطلاك اتمنالك السعاده من كل كلبي
انت انسان محترم وتستاهل الخير
