رواية المعلمة شيكا الفصل الثاني عشر
لتنتفض سنيه
سنيه: بجد عاملين بكره محشي
سقط: اه محشي ولحمه
سنيه: يا فرحه قلبي
سقط: فرحه قلبك عشان المحشي ايه ده بتاكلي اد عشره ومش باين عليكي عشان غلاويه
محمد: انته يا حبيبي جاي وله ايه
سقط: جاي يا استاذ جاي
سنيه: هو ماله ده باكل من جيبه انا باكل كتير ولا قليل عيل سمج بس شكله حلو اوي يخربيت طبع الحسن اللي ف دقنه بيفكرني بنور الشريف ف زمانه بس برده هااجي بكره اكل المحشي واللحمه بس اجي بدري واحجز كرسي ده الناس هتبقي علي بعضها
انا كده خلصت اكل اروح بقي عند سيدنا الحسين بيقولو في واحده ست من الناس الهاي هاي بتوزع فلوس اه اروح اخدلي فلوس منها وبعدين اقعد شويه وبعدين اروح اتسحر وانام
اما شيكا فكانت تجلس مع والدتها واختها وباقي السيدات
شيكا: هنصلي العشا والتراويح وبعدين نبدء ف تجهيز الفطور
ام صلاح: انا هقور البتنجان
شيكا: كتير عليكي
أم صلاح: متخافيش انا ايدي مكنه وربك بيعين وخلي الفلفل للست نعمات عشان سهل عليها وشفاعه ونعناعه يوضبو الخضرا ويعصرو الطماطم
نعمات: بقولك يا شيكا كت بتفرج علي التلفون وشوفت واحده بتطبخ ف حلل اسمها حلل ضغط بتسوي اللحمه ف عشر دقائق
شيكا: طاب بتتباع فين
أم صلاح: بتتباع ف محلات الادوات المنزليه
شيكا: خلاص ابعت سقط يشتري حلتين كبار
أم كرم: بس اعملي حسابك أن الحلل ديه غاليه اوي
شيكا: ماهي لاكل الماءده يعني طالعه لاهل الله وبعدين مافيش حاجه بتخسر
شوقيه: خدي يا شيكا المبلغ ده مني انا ومحمد مساهمه ف الماءده
شيكا: مستوره الحمد لله
شوقيه: عارفه بس احنا عايزين نساهم في الثواب وله عايزه تاخديه لوحدك
شيكا: عارفه يا شوشو انا بفرح اوي لما بعمل حاجه خير اصل هو ده اللي باقي وايه رءيكم اجيب البت نسمه بت حلاوه القهوجي تساعد معاكم
نعمات: اه عشان تاكل الاكل ني
شيكا: احنا ف صيام يا حجه وبعدين اعملي حسابك من بكره مش هتنزلي تعملي الاكل
نعمات: ليه إنشاءالله
شيكا: عشان انتي طالعه عمره رمضان يا ام شيكا
نعمات بفرحه: بجد قوللي والله
شيكا: والله انا خلصتلك كل حاجه ودفعت الفلوس واشتريتلك اللبس ابيض ف ابيض وهتقعدي ف العمره ١٥يوم
نعمات: يا فرحه قلبي هعمل عمره وهزور الرسول عليه افضل الصلاه والسلام
شوقيه: ابقي ادعيلنا
الجميع: الف مبروك يا حجه بالله عليكي ادعيلنا عند الحبيب المصطفى صل الله عليه وسلم
نعمات: من عيوني حاضر ربنا يكتبهالكم جميعا
شيكا: إنشاء الله هتسافري بعد بكره
شوقيه: عملتي كده ازاي يا قرده
شيكا: بالتوكيل اللي نعومه عاملاه ليا
نعمات: ربنا يسعدك يا بت بطني
شيكا: هتنزلي هناك ف فندق ف منطقه اسمها محبس الجن عشان تبقي قريبه من الحرم وفي اتنين طالعين معاكي من الحاره أم ساره وام حسن وهياخدو بالهم معاكي
نعمات: دول ناس طيبين اوي وف حالهم
شيكا: بس امانه عليكي زودي ف الدعاء عند الحرم الشريف وكمان لما تروحي الروضه الشريفه عند الحبيب المصطفى صل الله عليه وسلم
الجميع: عليه افضل الصلاه والسلام
أم صلاح: هاتي الجردل ده يا ام كرم ياله غنو معايا
حجه يا حجه يا ام الشال قطيفه رايحه فين يا حجه يا حجه
نعمات: رايحه ازور النبي محمد والكعبه الشريفه
أم صلاح: حجه يا حجه يا ام الشال جرجاوي رايحه فين يا حجه يا حجه
نعمات: رايحه ازور النبي محمد وارجع علي الجناوي
فاطمه: يا فاطمه يا بنت نبينا افتحي البوابه يا فاطمه ابوكي داعينا
نعمات بدموع الفرح: فرحتوني والله ربنا يكتبهالكم جميعا
الجميع: إنشاءالله
شيكا: ياله يا حلوين التراويح ياله خشو اتشطفو عشان نلحق الصلاه
أم كرم: الله علي جمال رمضان صلاه وصوم وفطور وسحور ولمه الحبايب
أم صلاح: ليه هو انتي مش بتصلي ف الايام العاديه
أم كرم: بصلي طبعا انا قصدي علي التراويح ياسلام يارب تقبل صيامنا وقيامنا وراضي عنا يا ارحم الراحمين
شيكا: يارب
نعمات: قومو بقي
اما منجي فكان يجلس مع ماهر ونادر
نادر: ياله نصلي التراويح وبعدين نتفق علي الجهاز
ماهر: نتفق علي ايه احنا عايزينهم بشنط هدومهم احنا الحمدلله مش محتاجين حاجه
منجي: لا طبعا اخواتي لازم يتجهزو احسن جهاز
ماهر: والله ما محتاجين
منجي: خلاص هحطلهم حق جهازهم مع نصيبهم ف البنك باسمهم
نادر: ديه حاجه بتاعتكم انتم وانشاء الله بعد اذنك طبعا نعمل الشبكه وكتب الكتاب والجواز علي العيد
منجي: ليه بسرعه كده
ماهر: خير البر عاجله
منجي: خلاص اشوف امي وربنا يقدم اللي فيه الخير
نادر: انا عندي فكره حلوه ايه رءيك ناخد الجماعه ونروح الفيلا بتاعتنا وبالمره تشوف المزرعه والعرايس يشوفو لو عايزين يغير و حاجه ف الفيلا وكمان تتعرفو علي امنا أصلها عايشه معانا
ماهر: اه بس ياريت بسرعه أصلها طالعه عمره رمضان
منجي: ماشاءالله أنا كان نفسي اطلع امي عمره
نادر: هات الورق بتاعها وانا اخلصلك كل مشاركات ف يومين
منجي: ايوه بس هيا معندهاش باسبور
نادر: سهله اوي انته فاكرني قليل ف البلد وله ايه
منجي: العفو ياله بقي نصلي التراويح ونرجع نفرح الجماعه
وها هم يذهبون لصلاه التراويح
اما صبحيه وحسنيه كانو يجلسون مع والدتهم
نجيه: انا فرحانه اوي أن ربنا عد لها لكم يا بناتي عقبال ما افرح بيك يا منجي يا ابني
حسنيه: اللهم امين طاب ايه التراويح وجبت
نجيه: الله اكبر الله أعظم
ونترك الجميع ونذهب الي سنيه
سنيه: يارب يخليكي انا بجري علي يتامي
السيده: تعالي بكره قبل الفطار وإنشاء الله تاخدي لهم فطور وربك كريم
وبعد ساعه تنصرف السيده وتاءتي سيده اخري وتفعل معها سنيه نفس الشيء
وبعد أن ذهبت السيده الأخري
سنيه: هو لسه في حد جاي
السيده: اكترهم بييجو قبل الفطار وبيوزعو اكل وفلوس
سنيه بطمع: الله شكلي هعملي مبلغ محترم طيب يا اختي عن اذنك
لتتركها سنيه وتذهب الي منزلها
احط بقي الاكل ف التلاجه عشان السحور يا سلام لو رمضان يبقا طول السنه انام بقي شويه
اما شيكا والسيدات
شيكا: انا هروح اشوف سقط اكيد خلص الصلاه وهبعته يجيب الحلل وابعت لقط عند الخضري يجييب حاجه بكره
وبعد ساعتين يصل سقط
سقط: بحلل الضغط الكبيره اهي يا معلمه بس لازم اللي يتعامل معاها يكون فاهم احسن لا قدر الله تنفجر
أم كرم: انا بعرف اتعامل معاها عشان كت شغاله ف مطعم
وهنا يأتي لقط أيضا
لقط: انا جيبت كل الخضار المطلوب وعم بيومي الخضري حسبلي الحاجه بنص التمن عشان ياخد ثواب
شيكا: ربنا يكرمه اه صح يا اما انا جهزتلك عشر تلاف ريال ولو احتاجتي تاني كلميني احولك وكمان اول متنزلي المطار هناك تشتري خط سعودي بيبعو هناك الخطوط مشحونه نت ومكالمات الخط ب ٢٥٠ريال
شوقيه: عرفتي كل ده منين يا شكشوكه
شيكا: من جوزك يا فالحه
نعمات: مش عارفه اقولك ايه
شيكا: انتي ناسيه انك شريكه معايا ف المحلات وليكي فلوس كتيره
نعمات: ربنا يخليكم ليا يا يا بناتي صحيح ربنا عوضني بيكم عن المرحوم ابوكم
الجميع: الله يرحمه
أم كرم: ياله يا ام صلاح نجهز فطار بكره انشاء الله
شيكا: طاب ياله بسم الله انا هساعد معاكو
نعمات: تعب عليكي يا اما وقفتك ف المحل طولة النهار ووقفتك علي رأس الماءده
شيكا: مافيش تعب ولا حاجه هاتي التليفون ده يا نعناعه
شوقيه: تاني
شيكا: اصل كلام ف سركم عايزه اجوزها الواد لقط اهم مكلبظين زي بعض
نعمات: قصدك تكاتك
شيكا: حاجه زي كده ونبقي نعملهم سرير حديد عموله عند الفونص الحداد
