رواية المعلمة شيكا الفصل الخامس عشر 15 بقلم سلوي عوض

— ماهر: ابوس الدماغ الإلماظ ديه احلي ابو نسب ف الدنيا اما اروح افرح عروستي

— نادر: طاب ما دمنا هنكتب الكتاب ايه رءيكم نطلع كلنا عمره رمضان

— منجي: والله فكره حلوه

— نادر: وانا باءن الله هخلص كل الاوراق

— منجي: اهو هو ده بقي الخبر الحلو بحقيقي

— ماهر: طاب يا له تعالو نفرح الجماعه

لتيدخلوا جميعهم ليجدوهم يشاهدون التلفاز ولكن نجيه كانت تضحك بصوتا عاليا

— منجي: في ايه يا اما مالك كده الناس يقولو علينا ايه

— نجيه: اعمل ايه بس الواد ابن عادل إمام ده دمه خفيف اوي معرفش ليه اول مبشوفه بضحك من غير حتي ميبدء تمثيل

— حسنيه: معاكي حق يا امي دمه عسل

— ماهر: هو مين ده يا ماما اللي دمه عسل

— صبحيه: قابلي بقي نادر وانتي رءيك ايه يا عروستي

— صبحيه: فعلا دمه زي العسل سبحان الله ربنا صارفله حب ف قلوب الناس كلها

— نادر: كلامك صح

— حسنيه: امال ماهر ماله ده فنان يا بابا يعني الناس كلها بتحبه وبعدين هو يعني هيعرفني منين

— منجي: جري ايه يا عم ماهر

— ماهر: ما انا كمان بحبه

— منجي: هنقضي الليل ف بحبه ومبحبوش وننسي احنا دخلنا هنا ليه

— ماهر: اه صح عندنا ليكم خبر حلو إنشاء الله هنطلع كلنا العمره

— حسنيه: (تصفر) هو ده الكلام

لينظر لها منجي

— منجي: حقك عليا يا اخويا بس اصلي فرحت اوي

— نجيه: ماشاءالله عليكو ربنا يحميكم ويحافظ عليكو ويجعل كل حياتنا افراح

— صبحيه: بالمناسبه ديه بقي انا هعملكم كنافه بالقشطه والمانجه

— نادر: بتعرفي تعمليها

— نجيه: بناتي الله اكبر عليهم شطار اوي ف عمايل الاكل

— ماهر: والله امنا داعيلنا صح يا اما

— والدته: اكيد يا ابني طبعا عقبال منفرك بيك يا منجي يا ابني

— نادر: لاء يا اما اصل منجي لسه مطول اصل حكايته حكايه

— منجي: صدق أن عيل بايخ

— ماهر: وايه يعني لما يعرفو إنشاءالله هنفرح بيه عن قريب

وفي خبر حلو تاني منجي هيشتغل معانا ونوسع التجاره

— نجيه: صلاه النبي عليكو ربنا يبختلكم ويوسع عليكو واشوفكم احسن ناس ف الدنيا

— الجميع: امين يارب العالمين

— منجي: المهم عايزين نشتري ملابس الإحرام

— ماهر: الصبح ننزل السوق نشتري كل لوازمنا ويومين والورق يخلص وكله يبقي تمام ونسافر باءذن الله ونعتمر وبعدها نروح المدينه عند الحبيب المصطفى

— الجميع: عليه افضل الصلاه والسلام

— نجيه: وبالمره نشتري شويت حاجات للبنات ف جهازهم

— منجي: واجب برده

— صبحيه: عارفه يا اما في هناك عطور حلوه اوي انا شوفتها علي النت

— منجي: يعني الموبايل اللي اشتراهولك خطيبك نفعك

— صبحيه: اه والله يا اخويا ربنا يخليه ليا

— نادر: ويخليكي ليا يا قمر

— منجي: اه وايه كمان

— نجيه: متسيبهم يا ابني ماهم مخطوبين وبكره كتب كتابهم

— منجي: حاضر يا اما

---

وف الحاره كانت شيكا تتقلب علي فراشها

— شيكا: وبعدين معاكي ياشيكا ده مبقالوش يومين غايب وهتتجنني عليه قومي صلي ركعتين وادعي ربنا يكتب لك اللي فيه الصالح ولو فيه خير يقربه منك ياخبر ده انا نسيت هنعمل ايه بكره علي الماءده ياربي عليك يا منجي منسيني نفسي اصلي وابقي انزل اشوف هنعمل بكره ايه ما هو مش هينفع لحمه كل يوم لازم نغير للناس برده نعملهم فراخ وملوخيه وبطاطس ف الفرن اتصل علي عزيز الفرارجي يجهزلي ميت فرخه ويوضبهم والحمدلله عندنا بدل الفرن تلاته اكيد هيسعفونا ربنا يقدرني ويساعدني

---

وبعد أن صلت شيكا ركعتين لله استبدلت ملابسها ونزلت الي الحاره لتجد سقط ولقط يمسحون المحلات

— شيكا: بقولكم ايه سيبو اللي ف ايديكم وروحو هاتولي شوالين بطاطس وعشره كيلو ملوخيه وقفصين طماطم عشان فطار بكره

— سقط: حاضر يا معلمه بس هنعمل عليهم ايه زفر

— شيكا: فراخ انا وصيت عليها

— لقط: طاب ايه رءيك يا معلمه نخلي الكبد والقوانص ليوم تاني ونعمل معاهم سجق مزاليكيا يعني

— شيكا: والله فكره حلوه إنشاءالله نعمل كده

— سقط: ربنا يجعله ف ميزان حسناتك يا معلمه

— شيكا: ياله روحو بقي ومتنسوش حاجه السلطه

— لقط: حمامه يا معلمه

ويمر الوقت وبعد السحور يدخل الجميع لينامو

---

اما شيكا فها هيا قد جفاها النوم

— شيكا: مادام مافيش نوم انزل احسن اجهز حاجه الماءده

وتنزل بالفعل الي الشقه التي بها طعام الماءده لتبدء في تجهيز الطماطم والبطاطس وتجهز علي شيء

---

ثم يصبح الصباح

لتتصل علي الفرارجي

— شيكا: ايه الاخبار

— الفرارجي: كل حاجه جاهزه بس قولت ارن عليكي بعد الضهر تكوني صحيتي

— شيكا: طاب هاتهم وتعالي

— الفرارجي: حاضر

---

وبعد ذهب لها الفرارجي واعطاها الدجاج

فها هيا قد بدءت في غسيل الدجاج وتنظيفه

— شيكا: انقعه بقي بملح ولمون دوقيق عشان ريحته تبقا حلوه

---

وها هو اءذان الظهر

— شيكا: الحمد لله اصلي الضهر وأكمل الاكل

---

وبعد أن أدت فرضها تجد أن السيدات قد وصلو

— ام صلاح: ايه ده ديه المعلمه هنا

— شيكا: اه

— ام كرم: ايه ده ده انتي جهزتي كل حاجه

— شيكا: اه ناقص علي التسويه وعمايل السلطه

— نعناعه: طاب اطلعي انتي ارتاحي

— شيكا: والله ما جايلي نوم اديني بسلي صيامي معاكم

---

اما ف الأراضي المقدسه

فها هيا السيده نعمات تبدء ف العمره وهيا ف غايه الفرح والسعاده

— ام ساره: يابركه سيدنا النبي عليه الصلاه والسلام

---

وبعد أن انتهو من أداء عمرتهم

— نعمات: الحمدلله اعتمرنا علي خير تعالي بقي يا ام ساره نشتري شويت حاجات نوزعها ف الحرم

— ام ساره: ربنا يجعله ف ميزان حسناتك

— نعمات: امين يارب الله اكبر حمام الحرم تعالي ناءكله

— شيكا: بتي الله يسترها جابتلي اكل كتير للحمام

---

وتبدء نعمات ف اطعام حمام الحرم

— ام ساره: شايفه الحمام جميل ازاي

— نعمات: اه والله سبحان الله خلق وصور

---

وبعد أن انتهو من اطعام الحمام

ذهبوا ليشترو طعاما ليبدؤ توزيعه علي المعتمرين

— ام ساره: اقعدي بقي ارتاحي وخدي اشربي مايه زمزم بس ادعي قبل متشربي

---

لتبدء نعمات ف الدعاء

— نعمات: اللهم تقبل عمرتنا واجعلها شفيعه لي اللهم ارحم موتانا واشفي مرضانا واستر عرض ولايانا وأجمعنا بالحبيب المصطفى وشفعه فينا اللهم امين اللهم اجعلنا من الذين هم لا خوف عليهم ولا هم يحزنون واجعلنا ممن رحمتهم وسمعت دعاؤهم فاءجبتهم واجعلنا من عبادك الصالحين ربنا وتقبل دعاء

— ام ساره: احنا هنفطر المغرب هنا صح

— نعمات: إنشاءالله بس عارفه يا ام ساره انا نفسي افضل قاعده هنا وممشيش خالص القعده هنا بتريح القلب و تنوره

— أم ساره: اه والله عندك حق

---

وف الحاره نجد أن شفاعه تتحدث الي شيكا

— شفاعه: ايه يا معلمه شكلك تعبانه فاضل ساعه علي المغرب اطلعي ريحي شويه

— شوقيه: انا عارفه رأسها ناشفه كده

— نادين: يمكن يا ماما عشان تيته اول مره تسيبها

— شوقيه: يمكن يا بنتي

— شيكا: سيبكم مني انا مرتاحه كده

— شوقيه: طاب هاتي انا اكمل عمايل السلطه انتي تعبتي اوي

— شيكا: اديني بتسلي

— ام كرم: الرز خلص خلاص نبدء نغرف ونجهز

— شيكا: نص ساعه كده ونبدء نرص الاكل عشان يفضل سخن روحي يا نادين اندهيلي عمك السقط

— نادين: اوك

---

وبعد عده ذهبت نادين لإحضار السقط

— سقط: أوامر يا معلمه

— شيكا: وضب الترابيزات عشان نرص الاكل

— سقط (بحزن): حاضر يا معلمه

— شيكا: مالك في حاجه مزعلاك

— سقط: الأبله سنيه مجاتش النهارده برده

— شيكا: طاب مايمكن عيانه لا قدر بعد الفطار نبقي نروح نزورها ونطمن عليها

— سقط: بجد يا معلمه ربنا يخليكي لينا يا ست الكل

— شفاعه: شوف الواد شكله واقع لشوشته

---

وها هو قرآن المغرب

— شيكا: ياله بقي نرص الاكل

---

وها هيا تخرج الي الماءده

— لقط: معلمه شيكا نواره الحته

---

وبعد أن انتهو من توضيب الماءده

هاهيا صلاه المغرب ليبدؤا في تناول الإفطار

ولكن في اخر الماءده كانت تجلس سيده وبجانبها سيده اخري ولكن لا احد يعرف من هم

---

وبعد أن انتهي الجميع من تناول طعام الإفطار

السيده الغريبه وتدعي المعلمه نفوسه تذهب الي شيكا

— نفوسه: انتي المعلمه شيكا صح

— شيكا: اه صح تحت امرك

— نفوسه: كت عايزه اقعد معاكي شويه

— شيكا: تعالي اتفضلي المحل بتاعي هناك اهو

— نفوسه: ماشي

---

وبعد أن ذهبو الي دكان شيكا

— شيكا: تشربي ايه

— نفوسه: شاي محروق

— شيكا: حاضر

— شيكا: وانتي يا اختي تشربي ايه

— مساعده نفوسه: حاجه ساقعه

— شيكا: روح يا لقط هات الطلبات من القهوه

— نفوسه: شوفي بقي يا اختي أنا المعلمه نفوسه من سوق الجمعه وسمعت عنك وعن كرم اخلاقك وقولت اتعرف عليكي والصراحة من وقت ما دخلت الحاره والكل بيشكرو فيكي وبعدين كمان شوفت بنفسي

— شيكا: الله يكرم اصلك

— نفوسه: اسمعي يا اختي خدي مني دول مساهمه من ف الماءده

— شيكا: ايوه بس يعني

— نفوسه: يعني ايه هترفضي تحيه اختك

— شيكا: لاء طبعا العفو بس دول كتير اوي

— نفوسه: ربنا يقدرنا علي فعل الخير وضيافه ضيوف الرحمن

— شيكا: اللهم امين

— نفوسه: بس انتي ايه ماشاءالله طلعتي قمر قمر ايه ده انتي ملكه جمال يا اختي الرجاله عميو وله ايه

— شيكا: الرجاله ملهمش ذنب انا اللي برفض لسه ربنا ماءذنش

— نفوسه: استاءذن انا بقي وخدي ارقامي لو احتاجتي اي حاجه رنيلي بالليل قبل النهار

— شيكا: مالسه بدري اقعدي اتسحري معانا

— نفوسه: يجعله عامر يا اختي خليها مره تانيه

— شيكا: زي متحبي بس ابقي خلينا نشوفك

— نفوسه: إنشاءالله يا عسل

---

وبعد أن انصرفت نفوسه

ها هو سقط يقترب من شيكا

— سقط: ايه يا معلمه مش هنروح نساءل علي الست سنيه

— شيكا: ياله بينا

---

وها هم يذهبون إلى منزله سنيه

— شيكا: السلام عليكم يا اختي

— السيده: وعليكم السلام خير

— شيكا: احنا بنساءل علي الأبله سنيه

— السيده: سنيه يا عيني على اللي جرالها

— سقط (بخضه): خير جرالها ايه

لتقص عليهم السيده كل ما حدث

— شيكا: طاب وهيا فين دلوقتي

— السيده: ودوها المستشفى اصل حالتها صعبه اوي يا حبه عيني

---

— شيكا: لا حول ولا قوه الا بالله العلي العظيم بينا يا سقط علي المستشفي

---

ويمر الوقت وها هم يصلون الي المستشفي

— شيكا (للممرضه): لو سمحتي في عندكم واحده جات من القسم

— الممرضة: اه قصدك سنيه اهي جوه اهيه عماله تندب

— شيكا: شكرا

---

لتدخل لها شيكا

— شيكا: ايه يا ابله الف سلامه عليكي

— سنيه: فلوسي ودهبي وعفشي كلهم اتسرقو وبقيت علي البلاط

— شيكا: بقولك ايه تعالي نخرج من هنا وإنشاء الله هنعرف الحرامي وترجعلك حاجتك

— سنيه: بجد ولا بتضحكي عليا

— شيكا: لاء بجد ده حتي سقط واقف برا اهو

— سنيه: طاب هروح ازاي وهنام فين

— شيكا: هتروحي معايا الحاره وهتبيتي عندنا معايا ف اوضتي

— سنيه: كتر خيرك

---

لتاءخذها شيكا وتخرج من المشفي

— سقط: الف سلامه عليكي يا ابله

— سنيه (بحزن): الله يسلمك

— سقط: ايه رءيكم ندخل محل الحلويات دول بيعملوا جيلاتي حلو اوي

— شيكا: ماشي

---

وبعد أن اجلسهم سقط وذهب ليشتري لهم الايس كريم

— شيكا: الا قوليلي امال فين اهلك لمؤاخذه يعني ف السؤال

---

وها هو سقط قد احضر الايس كريم

— سنيه: انا مليش أهل ومليش حد خالص غير المرحومه اللي ربيتني وكنت بقولها يا امي أصلها كانت شغاله ف الملجاء اللي انا كنت فيه لاءني يتيمه ابويا وامي ماتو وانا صغيره وأهل الخير ودوني الملجاء لكن لما دخلت الاعداديه ابله اسعاد خدتني اعيش معاها وبقيت اندهلها ماما هيا كانت مطلقه عشان مش بتخلف وعيشت انا وهيا ودخلتني الجامعه وصرفت عليا وعيشت معاها سنين حلوه لكن فجاءه اتوفت بس كانت سايبه ليا الشقه وكاتباها باسمي وشويت دهب وفلوس ومن وقتها وانا عايشه لوحدي عشان كده قررت اني لازم احوش ويبقي عندي دهب وفلوس كتيره عشان مليش غيرهم