رواية المعلمة شيكا الفصل السابع عشر
— ام ماهر: يا جماعه متخافوش احنا ضيوف الرحمن مستحيل نتوه
— صبحيه: والله ما مصدقه وحاسه اني بحلم اخيرا هعمل عمره وازور الحبيب المصطفى صل الله عليه وسلم
— حسنيه: مافيش حاجه بعيد علي ربنا سبحانه وتعالى
— نجيه: يا سلام يا ولاد الجو هنا جميل وريحته مسك
— منجي: طاب ياله بينا يا جماعه عشان نعتمر
— ماهر: اهم حاجه خلي بالك من خالتي
— منجي: اكيد طبعا
— أم ماهر: امسك ايدي يا نادر عشان نعدي الطريق
— نادر: من عيوني تعالي انتي كمان يا صبحيه
— منجي: ربنا يجعل ايامنا كلها طاعه للرحمن
---
ونتركهم ونذهب الي الحاره
حيث نجد أن شيكا تجلس أمام دكانها وهيا تتذكر منجي
---
— شيكا: معقوله حتي متصلش يسلم أو يساءل وبعدين معاكي يا شيكا يعني هو شاغل كل تفكيرك وانتي ولا ف دماغه متعيشي حياتك وشوفي نفسك عمرك بيعدي والستات يتعجز بسرعه
— شيكا: علي رءي امك هتفضلي ترفضي ف عرسان لغيت امته ومتعلقه ف الحبال الدايبه
---
وهنا تسمع صوت سقط
— سقط: قولتي ايه يا معلمه
— شيكا: قولت ايه ف ايه
— سقط: يا معلمه ده انا بقالي ساعه برغي
— شيكا: معلش مسمعتكش بس قول كت عايز ايه
— سقط: مالك يا معلمه انتي تعبانه
— شيكا: راسي وجعاني شويه المهم كت عايز تقول ايه
— سقط: انا شاكك ف الواد ابوسريع صبي القهوه أنه هو اللي سرق سنيه
— شيكا: لا ياشيخ حرام عليك الظلم ده
— سقط: طاب والله هو اشمعنه يعني دلوقتي ظهرت النعمه عليه
— شيكا: مش فاهمه
— سقط: اول طاب بصي عليه وشوفي لابس ايه ده غير أنه اتحول من صبي القهوه لزبون لاء وايه مفطرش معانا علي الماءده فطر كباب وكفته ومن بعد الفطار وهو عمال يشرب ف شيشه ومشاريب
— شيكا: تفتكر كده
— سقط: هو كده والله العظيم
— شيكا: طاب اسمع روح خليه يجيبلي قهوه قوله المعلمه عايزاك انته اللي تعملها وتجيبها
— سقط: وبعدين
— شيكا: شايف تلاجه اللحمه الفاضيه ديه هنجمده فيها عشان يعترف ولو معترفش هنكلم الظابط
— سقط: تحت امرك يا معلمه
---
وهنا تتصل شيكا علي سنيه
— شيكا: تعالي علي المحل بسرعه عايزاكي
— سنيه: حاضر
---
وبعد أن أغلقت شيكا الهاتف مع سنيه
هاهو سقط يقترب منها
— شيكا: عملت ايه
— سقط: ف الاول كان معصلج بس انا فهمته انك عايزاه ف مصلحه مهمه
---
ثم ينظر تجاه منزل شيكا
— سقط: ايه ده اللي منزلها ديه
— شيكا: انا اتصلت بيها
---
وها هيا سنيه تقترب منهم
— سنيه: خير يا معلمه
— شيكا: عايزاكي تداري ورا الستاره ديه
— سنيه: ليه
— شيكا: هقولك ومش عايزه اسمع نفسك احنا كده تقريبا لقينا الحرامي
— سنيه: بفرحه بجد
— شيكا: قولنا ايه اصبري لما نتاءكد الاول
— سنيه: يارب يطلع هو وحاجتي ترجعلي بس عارفه يا معلمه انا اتغيرت وكله بفضل ربنا سبحانه وتعالى ثم بفضلك انتي وسقط انا خلاص حب الفلوس مبقاش مصيطر عليا ونفسي ابقي زيك والناس كلها تحبني وعشان تصدقوني انا لما ترجع فلوسي هساهم معاكم ف الماءده
— سقط: ربنا يهدي الحال طاب ياله استخبي الفار جاي اهو
---
وهنا يقترب منهم ابوسريع حاملا القهوه
— ابوسريع: اتفضلي يا معلمه مع اني اجازه
— شيكا: تسلم يا معلم ابوسريع كتي عايزاني ف ايه خير
— شيكا: ابدا كت عايزاك تاخد كام كيلو اللحمه دول للبيت عندك انته تستاهل كل خير
— ابوسريع: بغضب ليه هو حد قالك عليا شحات انا معلم يا حلوه ايه رءيك متيجي اتجوزك واستتك بدل ما انتي غرقانه هنا وسط السقط واللقط واللحمه وهاتي ربع مفروم حاره فقريه واهلها كلهم شحاتين وافقي بس انتي وانا اجيبلك شبكه محترمه
— شيكا: بجد
— شيكا: ايه أنته ورثت وله وقعت علي كنز
— ابوسريع: بغرور حاجه زي كده
— شيكا: وانا موافقه اتخطبلك بس اشوف عضلاتك
— ابوسريع: اللي هو ازاي
— شيكا: زي الناس افتح التلاجه ديه وطلع لي منها كل اللحمه
— ابوسريع: بس كده سهله اوي
---
ليدخل ابوسريع الثلاجه ليغلق عليه سقط الباب من الخارج
— ابوسريع: الباب اتقفل حد يفتحلي
— شيكا: وديت حاجه الأبله سنيه اللي سرقتها فين
— ابوسريع: حاجه ايه انا معرفش حاجه
— شيكا: خلاص خليك جوه لغيت متتحنط ياله سقط عشان نقفل الدكان ونطلع نريح
---
لتضحك شيكا
— شيكا: نتسحر الاول اصل انا مكلتش كويس علي الفطار
— ابوسريع: ايه الهزار البايخ ده انا كده هتخنق واموت
— شيكا: مش مهم هنبقي نترحم عليك
---
ثم تشير لسقط أن يغلق باب الدكان
ليسـمع ابوسريع صوت غلق الدكان ليصرخ
— ابوسريع: طاب خلاص استني يا معلمه انا اللي سرقتها
— شيكا: شاطر والحاجه فين بقي
— ابوسريع: العفش بعته لكن الدهب والفلوس زي ما هما مخبيهم ف القهوه ف صندوق يخص المعلم وكت هخدهم اشيلهم قبل ميرجع من السفر
— شيكا: مفتاح الصندوق فين
— ابوسريع: وهو يصرخ من بروده الثلاجه المفتاح تحت الرماله
— شيكا: روح يا سقط هات الحاجه
---
— ابوسريع: طلعيني بقي ابوس ايدك
— سنيه: مين ده اللي يطلعك خليك لما دمك ينشف بعد اللي عملته فيا يا حرامي ده انا كت هروح فيها منك لله
— ابوسريع: ما انتي الصراحه تستاهلي عندك الخير ده كله وعماله تأكلي علي مواءد الرحمن اللي معموله للناس الغلابه ده غير الشحاته ماهو اصل مال الكنزي للنزهي
— شيكا: وانته مالك هيا حره وده ميديكش مبرر انك تسرقها عاجبك كده لما تقصي كام سنه من عمرك ف السجن ومستقبلك يضيع ما انته كنت شغال بالحلال
— ابوسريع: ابوس رجلك سجن لاء انا خلاص حرمت وتوبت وربنا بيقبل التوبه انا مستعد اشتغل خدام تحت رجلكو بس سجن لاء
---
وهنا ياءتي سقط
— سقط: اتفضلي يا معلمه الحاجه اهيه
— شيكا: اديها لصاحبتها شوفي كده ناقص حاجه
---
لتتفحص سنيه اشياؤها
— سنيه: لاء الحمدلله كاملين
— سقط: اه يا خسيس بتسرق يا ابوسريع
---
— سنيه: بعد اذنك يا معلمه انا خلاص مسمحاه
— ابوسريع: ربنا يكرم اصلك
— سنيه: بس بشرط تكفر عن ذنبك وتتوب
— ابوسريع: والله بعد كده همشي زي الالف
— سقط: ازاي يعني
— شيكا: خلاص بقي وانا هضمنه
— سقط: اللي تشوفيه يا ست الكل
— شيكا: ياله روح شوف اكل عيشك
---
— سنيه: لو سمحتي يا معلمه انا عاوزه اشترك معاكم ف الماءده بحاجه بسيطه
— سقط: بذهول نعم بتقوللي ايه
— سنيه: ايه في ايه وكمان طول فتره الاجازه هساعد معاكو ف الطبيخ هو احنا هنطبخ ايه بكره
— شيكا: والله محتاره مش
— سنيه: خلاص نعمل مزاليكا وانا هشتري السجق والعيش
— شيكا: تمام واحنا عندنا كبد وقوانص
— سنيه: خلاص نزود عليهم تاني خلي الناس تاكل وتشبع ونعمل كمان جنبهم مكرونه
— شيكا: باستغراب ربنا يجعله ف ميزان حسناتك
— سنيه: اللهم امين
---
— سقط: انتي سخنه يا ابله سنيه
— سنيه: لاء انا بخير بس لما قعدت معاكم بصراحه حسيت اني ناقصه عماله اكنز ف الفلوس وفي ناس كتيره مش لاقيه اللقمه وبعدين الرزاق موجود اخاف ليه علي بكره هو ربنا سبحانه كان قصر معايا امبارح
— سنيه: وفي حاجه تانيه انا موافقه اتجوزك
— سقط: الله اكبر
— شيكا: مبروك الف بركه يبقي تعمل الشبكه علي العيد إنشاءالله
