رواية حين تتغير الاقدار الفصل السابع عشر بقلم سناء الهموندي
🚶♂️راح اعزف لحن🎶
💔بي ريح فراك🤕
✋ول فاگد محب خل يگعد بصفي🙇♂️ ❥ـــہہـ٨ــــــ٨ــــــہہـ٨ــــــــــ❥..
غلام : عماد انت شتحجي شدكول ابوي وين .
عماد : حجي محمد بلخستخانه اخذو .
غلام : لبست على السريع وأخذت عماد ورحت لعمامي واني اكلني الخوف حتى امي مكلتلهه وصلت لبيت عمي محمود دكيت الباب حيل طلعت مرت عمي خايفه عمه صيحيلي عمي بسرعه ...
.....خير ابني شصاير .
غلام عمه يرحم موتاج صيحي عمي الولد ....طلع عمي وابنه ماجد .
محمود : خير ابني شصاير .
غلام : بغصه عمي الحك ابوي محترك وناقلي للخستخانه .
محمود : ماجد امشي ويانه بساع .
غلام : رحنه أنا وعمي وماجد وصلنه سالنه على قسم الحروق ورحنه لابوي شفته نايم وجسمه مدهن ونينه تارس الردهات عمي من شاف ابوي كام يبجي بصوت وانا ضليت فاك عيوني ومصدوم من المنضر جسمي رجف وانا اشوفن صدر ابوي وصفحته كلهه مصلوخه صلخ وصوته يكسر الخاطر وهوه يصيح .
محمود : سلامات خويه ابو فالح لعدوينك إنشاءالله كوم خويه هلنومه مو الك وانت السبع .
محمد : بونين اخخخخ يا بويه اخخخخخ يارب دخيلك تعال يأبه غلام .
غلام : تقدمت على ابوي بس رجلي من كوه شايلتني وكفت يمه وكتله سلامتك بويه سلامتك يابو فالح كوم بويه لا تهد حيلنه تعرف انت السند الوحيد النه بعد الله سبحانه .
محمد :بتعب بسك ابني ماريدك تضعف أنا اريدك مكاني عبن انت الوحيد الاكدر أأمن امك وخواتك عنده انت كدهه .
غلام : اي والله يا بويه أنا اصير مكانك بس انت كوم بسلامه .
محمد : اخخخخخ يا علييي لك ابني أنا احسن بروحي مو صاحب طويله اريدك جبل مايهزك ريح .
غلام : بعد متحملت نزلت دمعه ومسحتهه وكتله يأبه أنا اتقوه بيك انت .....بقى ابوي بلخستخانه مقبلوا يطلعوا عمي طلب ارجع للبيت اجييب ملابس واكل لابوي وأبلغ عمي صلاح رجعت للبيت لكيت امي واكفه بلحوش تلوب اول ما فتت للبيت شافتني عيوني حمر وضايج اجتني بلهفه .
جوريه : خيرك يا بعد امك ليش وجهك مخطوف لونه .
غلام : بقهر مابيه يمه طلع سلطان باوعلي وبتسم .
سلطان : شبي سبعنه مهزوز .
غلام : فتت بانكسار طبيت بلحجره وأمي وراي تمشي هيه وسلطان خواتي يباوعولي من بعيد اجت امي لزمتني من ايدي وحجت بخوف .
جوريه : شصاير يماي عيني احجي لا تضم انا حاسه صاير شي مو احاجيك ارفع رأسك حط عينك بعيني وجاوبني .
غلام : باوعت عليه وعيوني انترست دمع بس مينزل ضال معلك بعيني حضنتهه قوي وكتلهه يمه انتي مؤمنه بالله وبحكمه ولازم تتقوين .
جوريه : بخوف ونعم باله احجي تره خوفتني .
غلام : يمه ابوي مكلوب عليه الكير وهوه حار ومحترك صدره كله وصفحه من خاصرته .
جوريه : لطمت على صدري يمه محمد ولك غلام يمه انت شتحجي يمه .
سلطان : بخوف وهسه شونه ابوي غلام .
غلام : امي كامت دك على رجلهه وتندب حضهه حرت اسكت بيهه يمه فدوه اروح الج اسكتي وخلي افهمج ابوي عايش الحمدلله وانا اجيت أخذ ملابس ولكمه اله وانشالله يومين ويرد .
جوريه : جا أخذني ليه خلني ابرد كلبي بشوفته .
غلام : يمه طريق بعيد وخواني ياهو الهم والله انا بس يصير زين اجيبه هنا .
جوريه : كمت سويت اكل وحضرت هدوم انطيتهن الغلام .
غلام : يمه خلي ايمانج بالله قوي ابوي محتاج دعائج .
جوريه : بجي وخنكه الله كريم .
سلطان : غلام اجي وياك اشوف ابوي .
غلام : لا سلطان امي تحتاجك ابقه يمهه ياله في امان الله .
جوريه : الله وياك يمه دير بالك على ابوك .
غلام مر اسبوع بلمستشفى وأبوي وضعه من سيء إلى اسوء الدكتور كال طلعوا وانتوا بلبيت اعتنو بي راح عمي جاب سياره واخذنه ابوي والطريق كله يون .
محمد : وديني يم امك بويه غلام .
غلام : اي بويه جا شون غير احنه انداريك ...أخذنا لبيتنه امي اول مشافته شبعت بجي وهوه يطيب بخاطرهه.
محمد : بسج يجوري لا تبطين جبدي بدموعج هذا أمر الله شني تعترضين عليه .
جوريه : حاشا لله بس انا مقهوره على حالتك .
محمد : الله كريم حبيبه قل لن يصيبنا إلا ما كتب الله لنا .
جوريه : ونعم باله ....رحت حضرت الغده بقى محمود اخو يمنه ولده ثنين جواد وحمزه هم بقو تغدو ويعاونون غلام بشيلت محمد عبن رجله وصدره حيل متاذي مرت الايام ومحمد ليله كله يصيح صياح من وره الحرك وانا الزم القران واكعد أقره على راسه صفيه كلولهه بس مكدرت تجي عبن اخوهه وره حرك محمد بيوم مضروب طلقه برأسه وميت اثر فصل عشائري ولد اخوهه ثنين حالتهم خطره فبقت يم اهلهه صار شهر على حرك محمد وفالح ما اجه اليوم من الصبح كعدت حلبت البقره وبعت حليبهه ودزيت علاج لمحمد حالنه كلش تعب امورنه تخربطت العيشه صعبه صارت علينه كوه تدبر ساتره علينه الكاع ناكل منهه وشغل الخوص خليت البنات يتعاونن عليه غلام وسلطان يرجعون من المدرسه كبل للكاع ومن الكاع لابوهم العصر يجيبولي الخضره احضرهه الهم حتى ثاني يوم يطلعون يبيعوهه اندك الباب طلعت هناء فتحته .
هناء : صحت ياهو .
فالح : بعنتكه أنا انا .
هناء : فتحت الباب ورحبت بيه يا هلا باخوي شونك خويه اخبارك بيت خالتي شونهم .
فالح : زين الحمدلله امي وين .
هناء : امي جوه يم ابوي .
فالح : ابوي هنا .
هناء : نست هوه ميدري بحرك ابو جاوبته اي جا وين يروح .
فالح : باوعتلهه صفح وفتت جوه لكيت ابوي نايم وجسمه محروك ويون وأمي تدهن بي .
جوريه : فالح يا هلا يبعد امك .
فالح : تقدمت سلمت على امي ورحت لابوي خيرك بويه شجاك .
محمد : هلا وليدي شسوي قضاء وقدر بلشغل وانا شايل تنكه الزفت وهوه حار فقدت توازني وكع عليه .
فالح : سلامتك بويه .
محمد : بتعب الله يسلمك .
جوريه : تمار معاف غلام على طول يساعده بكلشي بقى فالح يومين وبدت اسوالفه مثل كل مره يصيح على خواته وطلباته المتخلص .
تمار : كاعدين أنا وغلام نسوي بلخوص مال حديقتهم اتشلع بسبب العاصفه الصارت البارحه .
غلام : تمار اربط الحبل من يمك قوي .
تمار : ربطته بس من يمك بعد
غلام : لا كملته بقى بس وره البيت تكدر لو انخلي على باجر .
تمار : جاوبت غلام اي نسوي هسه شكو ورانه واجت شمس جايبتلنه ماي .
شمس هاي امي دزته الكم .
تمار : عاشت ايدج يا ورده .
شمس : ليش مجتي نوره وياك .
تمار : نوره امي تقري بيهه .
شمس : بابتسامه اني ماعرف أقره لان ممسجله مثل نوره .
تمار : اني اخلي نوره تقريج وياهه .
شمس : الله كريم .
غلام : ولج شموس عوفي الولد يشتغل عطلتينه .
تمار : شنو حضرتك تغار جي احجي وياهه تره احجي بحلكي مو بايدي بعدنه نحجي ونشاقه وطلع فالح وصاح على شمس .
فالح : شمسسسس لج اني وين دزيتج .
شمس : بخوف اااا شش شنو وين والله ماذكر .
فالح : مو اجي اسحل بيج الكاع هسه واذكرج .
جوريه : طلعت على صياح فالح شكو يمه شجاك .
غلام : شبيك فالح على كيفك وياهه .
فالح : معليك انت لتدخل لتصير براسي الاخ الحنون .
تمار : داخلي يغلي بس ما بيدي شي اسوي فاتخذت الصمت حل انسب لان اعرف بروحي أفقد من اتعصب .
فالح : أمشي ياله دفي الماي اريد اطب اسبح .
شمس : حار والله مكدرت اشيله .
جوريه : يمه بسك أنا هسه ادفيلك رحت دفيتله الماي طب سبح واجه كعد يمي عرفت كعدته بيهه أنه اتحم حم .
فالح : اكول يمه .
جوريه : كول يبعد امك .
فالح : جا وين واد الكاع صار شهرين مدزولي .
جوريه : ولك يمه هوه احنه مفتهمين شي شغل ماكو يادوب يسد علاج ابوك ويسد حاجتنه .
فالح : جا يمه أنا محتاج مصرف شنهي اضل هيج .
جوريه : شبيدي عليك متكلي .
فالح : بيعي الهايشه ونطيني .
جوريه : يااا يمه فدوه اروحلك الهايشه باب رزقي شون تريد ابيعهه .
فالح : زين مو عندج ملاوي بيعيهن يمه أنا كلش محتاج .
جوريه : يمه ما اكدر ذني ضامتهن للعوز .
فالح : جا هسه انه مامعتاز .
جوريه : غير اعرف لشنو معتاز .
فالح : شغله يمه .
جوريه : والله خليتني بحيره .
فالح : مو بلازم يمه ماريد .
هناء : اسمع فالح يحجي وانا اعرف نوايا فالح كضى عمره ميحس بينه ويفكر بس بنفسه .
سلطانه : هناء تعرفين اذا امي باعت الهايشه احنه نتبهذل .
هناء : اي والله صدك أنا اكول أحاجي غلام خلي يكل لامي شنو تبيعهه علمود شي ميسوه اكيد يريد يفخ فخ بيهن .
سلطانه : اكلج هناء كلي لامي خلي نروح لبغداد صار شكد مرايحين .
شمس : اي والله صار بلسنه من رحنه لبيت خالتي ضويه .
هناء : شون نعوف امي وابوي حالته تعبانه .
شمس : اي هم صدك لا لعد اني ماروح خطيه امي ..
جوريه : مر يومين وانا اشوفن فالح زعلان وضايج كلبي مطاوعني اعوفنه هيج كعدني الفجر كال .
فالح : انا رايح لبغداد .
جوريه : كمت سويتله ريوك تريك وحضرت جنطته كعد غلام وسلطان كعدو تريكوا واخذوا شلايف الخضره وراحو للسوك فالح هم كام شال جنطته وكال .
فالح : أنا رايح يمه .
جوريه : اوكف يمه كلبي منطاني اخلي يروح رحت جبت الملاوي لفيتهن بوصله ونطيتهن اله .
فالح : شنو هاي .
جوريه : مو كلت معتاز هاي الملاوي بيعهه واتصرف بفلوسهه .
فالح : بابتسامه ما انساهه الج يمه بيش اوافيج .
جوريه : روح يمه مودع بالله ورسله .
ضويه : مرت السنين وحياتي ماشيه جهالي كبرو صارو شباب بناتي كبرن كل فتره اروح للسلف يم جوري وشكم مره جبتهه البغداد هيه والجهال بكتهه كلش فرحوا بناتي هواي تعلقو بيت خالتهم فالح طوع بغداد ومن يجي من شغله يبقى يمنه ويه الولد صادق تعله بشغله وصار اله مقامه وفرقد مستشار وحالتنه الحمدلله زينه .
تهاني : رجعت من الدوام تعبانه اني ونهله لكيت فالح بلباب واكف وضايج من شافني خزرني تهاني صغيره فاتت ركض واني امشي على كيف فتت من يمه حجه على كيف .
فالح : يعني شوكت تتحجبين البعمرج كلهن تحجبن .
تهاني : تره اني صغيره بعدني صف اول متوسط عود من اروح للكليه اتحجب .
فالح : اي هاي هيه اني أحاجي خالتي واخليهه تكسر راسج وتحجبج .
تهاني : هزيت بايدي وفتت جوه .
ضويه : هلا يمه بدلي هدومج وغسلي حتى اصب غده .
تهاني : اي يمه ابويه اجه .
ضويه : اي اجه وخوتج هم .
ازهر : ها ولج كسول شكد اخذتي بالرياضيات ..
تهاني : بضحكه تدريسك مو زين اخذت 70 .
ازهر : والله صوجي اني اقريج اريد واحد يجي يتوسل ويقلد صوتهه عفيه ازهر قريني عفيه ازهر شتريد اسويلك بس قريني ..
تهاني : بضحك لا ما اكول بعد .
ضويه : جريت نفس راحه واني اشوف عائلتي متفاهمين وكلب على كلب الحمدلله والشكر يارب .
فالح : خاله أنا فايت انام لتصيحوني على غده .
ضويه : ليش يمه الاكل جاهز .
فالح : راسي مسطور من الطريق بعيد انام عود من اكعد اكل .
ضويه : براحتك يمه .
تهاني : احجي بكلبي شبي هذا هيج يخزرني شنو ماكله عشا .
فالح : فتت لحجره الولد نام سوه بيهه اني وأنور وازهر ومعتز .
انور : ها ابو الشباب متكوم تتغده .
فالح : لا انام والعصر اكعد اكل .
انور : براحتك بس لتنسه بليل معزومين بحنه تحسين .
فالح : اي انشالله نروح سوه طلع انور وكعدت افكر أنا لازم أحاجي خالتي واصارحهه بتهاني اي تهاني إليه أنا اريدنهه بس اخاف اكلهه ومينطوهه عبن صغيره هنوب بعد حتى ماكدر ابقى هنا لا احسن شي خل تكبر شويه وانا الم بعد على الفلوس العدي واشتري بيت صغير ياله افاتح خالتي .
غلام : يمه هاي الخوص الطلبتي بعد تردين شي .
جوريه : سلامتك يمه بس ضل يم ابوك خاف أنا التهي بلشغل وهوه يريد شي .
غلام : موو ردت اكلهه مو مواعد علي نطلع سوه بس سكتت عبن ادري امي اذا كتلهه اروحن اشتغل بلكاع بليل ماترضه وبلنهار منلحك مدرسه وسوك كعدت يم ابوي وداهرته شويه شني سالفه ابو فالح حلتلك النومه تره مشتاقين لطولك .
محمد : بتعب اخخخ يا غلام حيلي نهد وماضلي حيل وعمامك ما بيهم الزين اليدك الباب عمك محمود اجاله جم مره وكطع والبقيه غاسل ايدي منهم .
غلام : بويه مادامني اشم الهوه ماخليك بعازت أحد .
محمد : ردتك سند وعون الخواتك من بعدي امك فقيره ومالهه أحد صيرلهه حزام تشد الضهر بي اخوك الجبير ما اترجه شي منه واخوانك صغار يبعد ابوك خواتك لا تكسر بيهن .
غلام : لا تحجي هيج بويه انشالله تكوم بالسلامه .
محمد : بتعب الله كريم .
جوريه: ثاني يوم الصبح اجتي ام علي جايبه وياهه نوره تلعب ويه البنات غلام وسلطان راحو للدوام .
ام علي : خيه جوري تدرين البارحه شصار
جوريه : شصاير أم علي احجي .
ام علي : اجو خطابه على زمن .
جوريه : اي وشكو بيهه خيه خلهه تمشي بقسمتهه أنا بكدهه عندي تلاثه .
ام علي : ابوهه هم يكول بس انا خايفه .
جوريه : لا تخافين ولا شي شوفي البت اذا قابله توكلي باله .
ام علي : انتي هيج شوفين .
جوريه : أنا هذا رايي بعد انتو صاحبين القرار .
ام علي : اي صح اشوف هيه شدكول وعمامهه .
نوره : اجتي تركض يمه خليني هنا وانتي روحي العصر تمار يأخذني .
ام علي : يا شوف المفلوكه ولج جا وابوج شكله .
نوره : كليله يم عمه جوريه ميحجي .
جوريه : خليهه ويه البنيات شتردين منهه .
ام علي : اكوم ارد للبيت وعلي عود يجيبهه .
غلام : ردينه من المدرسه تعبانين امشي سلطان لا تتكاسل ورانه نروح للسوك .
سلطان : غلام والله تعبان .
غلام : جا شون يبعد اخوك اذا مطلعنه نتبهذل علاج ابوي ومصرف البيت .
سلطان : طبينه للبيت خوش جا بس خل نتغده طبيت وشفت نوره شون بنيه عسل حاسبهه بحسبه خواتي كتلهه هاي منو يمنه اليوم نواره ام عيون الشراره غلام خزرني .
غلام : جم مره كتلك متكللهه هيج .
سلطان شبيك اشاقيهه.
غلام : ممنوع .
سلطان : هوه شنو الممنوع .
غلام : فوت بلا حجي .
نوره : شونك غلام تمار ماجه وياك .
غلام : مدنج واحاجيهه لا ليش .
نوره : حتى ارجع للبيت ويا .
شمس : انتي مو كلتي ابقى للعصر
نوره : لا خطيه امي .
سلطان : ها نواره تردين ترحين امشي اوصلج للبيت .
غلام : بجديه اكعد اتغده أنا رايح اوصلهه لان عندي شغله ويه تمار ...اخذتهه لبيتهم والطريق كله تسال هذا شنو وهذا ليش وانا كوه اجاوبهه .
جوريه : مرت الايام والأشهر مثل كل يوم اصلي صلاة اليل وادعي ياله انام طولت بصلاتي ومحمد صافن عليه خلصت صلاة والتفتت اله كتله خيرك يابو فالح .
محمد : جوريه بروح ابيج كل ليله من صلين ذكريني ولو بدعاء عبنج طيبه وعلى نياتج .
جوريه: بخوف شلك بهل حجي محمد لا تخوفني أنا ماصدكت شويه ردت بيك الروح .
محمد : امانه اذا متت دفنوني بلنجف وديرين بالج على روحج وعلى الجهال صيريلهم اب وام وانا اعرفج كفو .
جوريه : جاوبته بخوف وبجي اسم الله عليك لا تحجي هيج إنشاءالله نربيهم ونشوف احفادنه سوه .
محمد : الله كريم اذا خلصتي صلاة تعالي نامي بصفي .
جوريه : خافت ينلجم جرحك .
محمد : انتي طيبين الجرح موش تلجمي تعالي يبعد ابوج .
جوريه : خليت مخدتي بصفه ونمت والخوف ماكل كلبي اكلني التفكير الحد منمت وفزيت صلاة الصبح اتوضيت وصليت ورحت كعدت الجهال يصلون واجيت لمحمد انده بي محمد محمد صحت مره مرتين تلاثه ماكو جسمي كله رجف لزمت ايده قالب ثلج ونفسه مكطوع صرخت صرخه باعلى حسي محمممممممددددد لااااااا لاااا مو هيج كالوههه محمممممممددددد .
شمس : توني اصلي واسمع صوت امي غلام ركض هوه وهناء وسلطان وسلطانه أنا الخوف اتملكني وكفت بمكاني وابجي .
غلام : طبيت لحجره امي وابوي لكيت ابوي لا ايد ولا رجل واني تصرخ بكل حسهه أنا بهل لحضه ماعرف شسوي ولا اعرف اتصرف ركضت على ابوي اكعد بي ماكو بويه كوم بويه لا تعوفني بعدني صغير يبوي صدك سويتهه ابو فالح على بختك كوممم ولككك يايابه يابويهههه .
شمس : مات ابوي مات واحنه مالحكنه نشبع من حنانه اني تبجي وتعيط وغلام وخواتي أنا ضليت مصدومه سلطان راح لبيت عمي ابو علي اجوه شافوا أبويه والعياط ترس البيت اني تكسر الكلب بونينهه .
يأتي الموت فجأة من دون مقدّمات؛ حيث يسرق منّا الفرحة والسّعادة، ويقلب حياتنا رأساً على عقب، فيخطف منّا أحبّتنا، ويفرّق جمعنا، ويُخيّم على قلوبنا الأحزا
