رواية خلف الابواب الفصل الثامن عشر والاخير
فاتن….
بعد ما فضلنا في سيارة الانتاج بسبب تقلب الأحوال الجوية.. ظلت رشا واقفه مكانها وتبص علينا بخوف،. وحسيت أن في حاجه مش طبيعيه.. واضح أن ظهرت لها أرواح جديده… ويا خوفي،. تكون في جثثe تانيه…
وبعد فترة رجع الجو جميل جدا وجت لنا رشا مبتسمة وقالت هنا افضل مكان لعمل الفيلم…
ويلا بنا عندنا شغل كتير ونزلنا مرة تانية من السيارة واتصل عرفه مرجان بباقي الطقم وجاء مهندس الديكور والمساعدين ومدير الاضاءه وبدأت رشا تقولهم ع المطلوب…
رشامنصور…
اخدت القصه من فاتن وقرأت التلخيص وبدأت اتخيل الديكورات والإضاءة والمشاهد اللي تتصور بالليل وطلبت من مهندسين الديكور عمل بيت من الخشب يبان أنه قديم.. وعمل مرجيحه من الخشب…أمام البيت..
وتركيب شجيرات تكون جافة ومتفرعة حوالين البيت وطلبت من عرفة مرجان سيارة تكون موديل قديم.. وفأس، ومنشار🗡️ وشويه أدوات خاصه بالحفرr..
وبدأ عرفه مرجان يتصل ب باقي الممثلين ويوزع الأدوار وكان موعدنا بعد اسبوع تكون كل حاجه جاهزة للتصوير…
وبدأ مصمم الملابس يأخذ المقاسات وطلبت منه تصميمات معينه يعملها وده غير بعض ملابس رعب.. التي تشبه ملابس السا'حرات.
وبعد اسبوع اجتماعنا كلنا وحضر عرفة مرجان ومعه سيارات برڤان للممثلين.. وسيارة كبيرة فيها الكوافير والميكاب ارتيست..
وبعد ما جهزنا لتمثيل المشهد الأول وكان بعد وقت الغروب بدأت المرجيحه تتحرك بسرعة وكل ما يحاول حد يوقفها تشتغل لوحدها بسرعه أكبر لدرجة أنها كانت بتتشقلب..
وطبعا محدش كان شايف الأطفال وهما بيتمرجحوا وشهياص هو اللي بيمرجحهم.. ويلاعبهم،..
روحت لهم وقولت بعد ما نخلص شغل العبوا زى ما انتوا عاوزين
وطبعاً البنات اعترضت وعاوزين يلعبوا حتي شهياص، قالي سيب هم يلعبوا.. هيجننوني، مش عارفه اشتغل منهم…
وفضلت اتكلم معاهم علشان اقنعهم وأثناء كلامي لقيت…
عرفه مرجان…
أخيراً هنبدأ شغل وبدأت ليلي تصور لقطات من الموقع وتنزل ع السوشيال ك نوع من الدعايه…
وأثناء تجربة تمثيل أول مشهد حصلت حاجه غريبه.. المرجيحه مش عاوزة تبطل حركة وكل ما نحاول نوقفها تشتدد، أكتر..
مع أن مافيش أى هواء والجو عادي جدا…
ولقيت رشا اتعصبتt.. ووقفت عند المرجيحه وفضلت تتكلم وتحرك ايدها وكأنها بتشاور ع حاجه ومتنرفزة،e ..
روحت لها أفهم في إيه!!!؟ لقيتها بتقولي أنا بتخيل مشهد استغل فيه حركة المرجيحه ك نوع من الرعبr.. وبتخيل المحادثه بين الأبطال…
قولت لها ده أنتي تنفعي ممثلة.. ده أنا صدقت أنك واقفه تكلمي حد.
أنتي هايلة…
ميرفت…
عملت أكل بزيادة علشان رشا وفاتن ومعاهم بنات من فريق العمل معاهم في الفيلم… جاين بعد الشغل يتغدوا معانا ولقيت برك رجع بدري من الشغل…
قولت له هو أنت مش ناوي تتجوز بقي… أنا عارفة أن عينيك من فاتن وأحنا عرفناها من سنين وهى صديقه أختك وانسانه كويسه جدا وكمان معجبه بك.. ليه متاخدش خطوة.
بدل ما حد يسبقك ويتقدم لها وساعتها تندم،.. لقيته بيقولي…
برك…
روحت البيت بدري لما عرفت أن فاتن جايه مع رشا واتفاجئت بأن أمي عارفه شعوري اتجاة فاتن…
قولت لها أنا كل ما اتشجع إني اكلمها أخافe ترفض،. وساعتها تبطل تيجي البيت بسببي… وهى ورشا يبعدوا عن بعض .
ورشا تزعل مني علشان خسرتهاr صاحبتها…
ميرفت…
خلاص أنا هفتح الكلام معاها وكأنك متعرفش حاجه وإذا وافقت انت كلمها وإذا رفضت هقولها أن في أكتر من عروسه بس أنا قولت اختار واحدة صديقه بنتي..وتبقي عرفانا…
رشامنصور…
أول ما روحت البيت لقيت ماما قالت ليا دخلي فاتن غرفتك بعيد عن زمايلكم عاوزة اقولها حاجه…
ناديت ع فاتن وقولت لها شكل ماما عاوزة تدبسنا في عمايل الأكل وفضلنا نضحك ولقيت ماما قالت ومالوا..
فاتن بنتي زيك بالظبط وأنا مامتها وعادى لما تطبخ ولا هتتكسفي من برك.. اعتبريه اخوكي، ولا اقولك أنا هجوزك برك واعمل عليكي حماة… علشان تعملي الأكل كل يوم..
فاتن…
اتحرجت من كلام طنط ميرفت وبقيت مش عارفه أرد… ولقيتها بتقولي مدام اكسفتي كدا يبقي في حد في حياتك..
قولت لها لأ والله مافيش حد.. ضحكت وقالت ليا طب يلا يا عروسة ابني خدي صاحبتك وادخلوا المطبخ ساعدوني…
وفرحت أوى ودعيت ربنا أنه يحصل فعلاً… أنا معجبه ب برك. من زمان..وبعد ما دخلت المطبخ لقيت برك دخل وكنت لوحدى وقالي
بتعرفي تعملي قهوة.. قولت له مش أوى أنا مش بشربها. أصلا. لقيت برك بيقولي…
بس أنا بشرب قهوة كتير.. اتعلمي بقي اومال لما نتجوز هتخليني اشربها بره ولا أروح للجيران يعملولي..
قولت له نعم.. جيران مين!!! أنا اعملك كل حاجه. وإياك تتكلم مع أى ست، غيري. وانا هتعلم عمايل القهوة واى حاجه بتحبها…
وابتسم برك وأنا اتفاجئت بالكلام اللي قولت له واكسفت أوى ووطيت، وشي في الأرض..ولقيت برك بيقولي.. حد يكسف من حبيبه..
ع العموم الاسبوع الجاي اكون عندك في البيت ومش هشرب القهوة إلا من إيدك أنتي… وخرج من المطبخ وفضلت اتنطط ودخلت رشا وهيصنا وطنط قالت ليا ربنا يتمم بخير بلغي ماما إني جايه لكم بكرة اكلمها في الموضوع وكل التفاصيل وأن شاء الله الاسبوع الجاي تبقي قراءة الفاتحة. ع طول خلينا نفرح بكم،.
شهياص..
فضلنا مع رشا ونساعدها لو احتاجت حاجه في الديكورات أو محتاجه أى حاجة خاصه بأشكال الجنn لدرجه كنا أوقات بنتشكل لها علشان نظهر أمام الناس وكانت تقولهم أننا معارفها وجيرانها وكانوا بيستغربوا من اشكلنا وازاى قدرنا نعمل مكياج بالدقة دي.
دمحا…
دوري في مساعدة رشا كان لو احتاجت حاجه وحد اعترض، كنت بقنع قرينة. وطبعاً كانوا بينفذوا،كلامها..
رشامنصور…
إحساس جميل أنك تلاقي كل اللي حواليك بيساعدك علشان تنجح، وبدون أى مصلحة،.. وبعد أكتر من تلات شهور انتهينا من تصوير أحداث فيلم "خلف الأبواب"...
وكنت خايفة، وقلقانه، جدا لأنه مشروع التخرج وفي نفس الوقت لو فشلتt مافيش حد هيوافق ينتج ليا أفلام تاني…
وبعد فترة انتظار مميته،.. أعلن عن نجاح الفيلم ونجحت في معهد السينما وبقيت مخرجه ونزل الفيلم ع الشاشات السينمائية وجاب إيرادات مكنتش متخيلاها وبدأت شركات الإنتاج تكلمني علشان تتفق معايا ع أفلام…
وعرفه مرجان قالي أنه هيخليني مخرجه الشركة واعمل كل الأفلام اللي هيتعاقد معاها…
وأجمل حاجه إني مكنتش بحتفل بنجاحي لوحدي.. كان معايا نعمان باشا وفريدة بنته وعزيز خطيبها وأحمد وأصدقائه والدكتور محمد وحتى زوجته وبنته اتفاجئت بهم جايين يباركولي ع الفيلم..
ورغم اللي شوفته إلا أن الخير اللي عملته رجعلي أضعاف..
وبعد روحنا كلنا حضرنا حفله نجاح الفيلم أنا وماما وفاتن وبرك وليلي وعرفه مرجان وباقي جروب الفيلم قررنا نتعشي كلنا سوي في سهرة نيلية…
واعلن برك ع موعد زواجه من فاتن والفرحه بقت أفراح.. حتى البنات أطفال المدرسة كانوا بيهللوا حوالينا..
ورغم أن كل باب دخلته كان في حكايات مخيفه. مكنتش متخيلة إني في يوم أعيشها.. لكني تعلمت حاجه مهمة..
أن وراء كل باب حكايه. بص حواليك هتلاقي وراء باب غرفتك، باب عمارتك، باب المصنع، باب الشركة، باب مستشفى…
حكايات كتير وناس كتير محتاجين اللي يسمعهم ويحل مشاكلهم،.
تمت بحمد الله
