رواية زوجة علي ورق الفصل الاول 1 بقلم هويدا زغلول

 في شقه بسيطه ملك قاعده قدام جوزها وبتقول ليه

ملك 

انا مش فاهمه  انت اتجوزتني ليه طلما مش عايز تقرب مني ربنا يعلم انا بحبك قد اي بقالي 6 شهور عايشه معاك في البيت زي اختك 

احمد 

انا مش بحبك ولا عمري هحبك ومش قادر اغصب علي نفسي أن أكمل في الجواز اكتر من كده 

وقبل ما نبدا الحكايه اعرفكم علي بطلتنا واللي اسمها ملك عايشه في شقتها معاه جوزها وفي يوم الباب خبط. وفتحت وكانت رقيه بنت عمها 

رقيه 

هو فيه اي يا ملك هو انا لازم اجيلك لحد هنا يعني يا بنتي عماله اتصل بيكي مش راضيه تردي عليا عليه هو تليفونك صامت ولا إيه 

ملك 

ادخلي يا رقيه معلش اصل أنا تعبانه اوي الفتره دي ومش قادرة اتكلم وكمان مش عارفه مالي علي طول نايمه ومش بقدر اتحرك من السرير

رقيه 

ايه ده هو حصل ولا إيه يبقا سلام للنونو سقفه وسقفه كمان يبقوا معنا 3 سقفات هنسقفهم للنونو اللي جاي في الطريق 

ملك 

بس بس ايه الكلام الغريب اللي انت بتقولي عليه ده لا طبعا مفيش الكلام ده وانا مش حامل ولا حاجه ومتاكده من كده 

رقيه 

ايه يا بنتي الكلام الغريب اللي انت اللي بتقولي عليه ده يعني ايه متاكده من حاجه زي كده هو انتي مش متجوزه ولا ايه 

ملك 

يوووو بقولك اي يا رقيه انا مش ناقصه كلام كتير لما ادخل اعمل حاجه نأكلها وكويس انك جيتي علشان ناكل سوا بدل ما انا كل يوم باكل لوحدي 

وبعدها ملك سابتها ودخلت المطبخ ورقيه كانت قاعده مصدومه من الكلام اللي بتسمعه وشويه ودخل احمد 

احمد 

ايه ده رقيه ازيك عامله ايه ايه يا بنتي عاش من شافك ما بتجيش عندنا ليه 

رقيه 

الله يسلمك يا احمد مفيش بس انا ببقا مشعغوله شويه وبعدين انا عايزه اعرف ملك ايه اللي حصل لها على طول بقت حزينه ومخنوقه وبتكلم معاها بتقولي ان هي بتاكل لوحدها في إيه 

احمد 

اه بتاكل لوحدها اعمل ايه يعني ما انتي عارفه الشغل وأنا على طول بكون موجود في الشغل وبعدين انا مش فاهم كلامك انتي عايزاني اسيب شغلي واجي علشان خاطر اقعد اكل معاها ولا اكلها بأيدي 

رقيه 

انا مقصدش بس يعنيانا بقول أني شايفه ملك مش طبيعيه مش ملك البنت الخفيفه اللي كانت على طول بتهزر وتضحك ومش فاهمه ايه اللي بيحصل بالظبط 

احمد 

بقولك ايه يا رقيه لو سمحتي ما تدخليش بين راجل ومراته عشان ما تحصلش مشكله كبيره انت سامعه ولا لا هو انت جايه هنا علشان تخربي عليا انا ومراتي 

رقيه قامت وقفت وبعدين قالت 

رقيه 

ايه الكلام الغريب اللي انت بتقول عليه ده هو انا ممكن اعمل حركه زي كده يعني وبعدين انت عارف ومتاكد كويس قوي ان انا بحب ملك ولا يمكن في يوم من الايام ان انا اجي عليها 

احمد 

يبقا طالما بتحبيها بلاش تدخلي في حياتها وتعملي لها مشاكل وانا شايف ان وجودك هنا ما لوش لازمه 

رقيه 

شكرا قوي يا احمد على الكلام اللي انت بتقول عليه ده وانا همشي دلوقتي احسن 

وبعدها اخذت بعضها ومشيت وهو دخل المطبخ وملك اول لما شافته قالت 

ملك 

ايه ده احمد حمد لله على السلامه خليك قاعد مع رقيه بره وانا هخلص الاكل على طول اهو 

احمد 

لا متشكر قوي يا ست هانم حلو قوي اللي انت بتعمليه ده ورايحه تسخني اهلك عليا واسمعي بقا لما اقولك اللي اسمها رقيه دي ما تدخلش البيت هنا تاني انت سامعه ولا لا 

ملك 

ايه يا احمد طريقه الكلام اللي انت عمال تتكلم بيها دي وبعدين هو انا كنت عملت ايه يعني انا ما قلتش لرقيه اي حاجه 

احمد

 اعملي حسابك لو فكرتي انك تكلمي رقيه وتحكي لي على اي حاجه مش هتعيشي على ذمتي لحظه واحده انت سامعه ولا لا 

في الوقت ده سابها ونزل وهي خرجت وقعدت بره وفضلت تعيط وبدات تفتكر اللي حصل زمان 

                        فلاش باك 

ملك داخله بيت عمها وكانت عماله تضحك وفرحانه ورقيه قالت ليها 

رقيه 

نفسي تدخلي البيت مره في هدوء مش على طول عامله دوشه كده في ايه يا بنتي اللي مخليكي مبسوطه كده 

ملك 

تعرفي مين قابلني على السلم وقال لي انه عايز يتجوزني احمد ابن زميل بابا 

رقيه

معقوله بالسرعه دي وبعدين هو انت تعرفيه يا بنتي علشان تفكري انك تتجوزي ده ما جاش عندنا هنا الا اربع خمس مرات وكان بيجيب فلوس فيها لحد دلوقتي ما اعرفش هو بيدفع الفلوس دي ليه 

ملك 

ما هو قالي يا بنتي قبل كده ان كان في شغل ما بين بابايا وباباه والفلوس دي بتاعه بابا بس بجد ما تعرفيش انا كنت معجبه بيه ازاي 

رقيه 

مش عارفه والله يا ملك بس انا بحس في عيونه كده ان هو مش سهل يعني وراه حاجات مخفيه بس هي ايه انا معرفش والله 

ملك 

هو انت ليه عامله معايا كده يا رقيه اي حاجه بتفرحني لازم تنكدي عليا فيها يعني بصراحه انا شايفاه مناسب وكويس 

رقيه 

براحتك يا ملك بس انا مش عايزاك ترمي نفسك في اي جوازه وسلام وترجعي تندمي عليها وتكوني مطلقه 

ملك 

بعد الشر يا رقيه تفي من بوقك ايه الكلام الغريب اللي انت بتقولي عليه ده هو كلمني ان هيجي ويكلم عمي في موضوع جوازنا عايزاك انت تكلمي مامتي جوه وتقوليلها ان انا موافقه عشان تقدر تتكلم مع عمي اصل انا هتكسف اقول الكلام ده 

رقيه 

ربنا يسعدك يا حبيبتي انا بحبك يا ملك وعايزه دايما اشوفك فرحانه ومبسوطه 

وبعدها فعلا احمد جه واتقدم والجواز تم على طول وطلعت ملك شقتها هي واحمد وقالت ليه

ملك 

على فكره انا زعلانه قوي يا احمد مش فاهمه ليه مامتك واختك ما جوش الفرح معقوله يعني ما يكونوش موافقين عليا 

احمد 

ليه بس يا ملك بتقولي الكلام ده انت عارفه ان بابا لسه متوفي من فتره قريبه وماما كانت بتحبه جدا وشايفه ان موضوع الفرح ما كانش هينفع دلوقتي وانا بصراحه كان نفسي اعملك فرح كبير 

ملك 

انا عايزه اقولك يا احمد ان انا معجبه بيك من زمان وفرحانه قوي انك جيت واتقدمت ليا 

احمد 

ربنا يخليك يا ملك بس انا عايزه اقول لك على حاجه ويا ريت تفهمي كلامي صح موضوع جوازنا جه على طول وانا عايز ناخد على بعض الاول قبل ما نكون زوج وزوجه 

ملك انصدمت من الكلام اللي سمعته وبعدها قالت 

ملك 

مش فاهمه كلامك يا احمد ايه الكلام الغريب اللي انت بتقول عليه ده يعني ايه ناخد علي بعض طيب ما هو يعتبراحنا نعرف بعض من زمان 

احمد باس أيدها وقال ليها 

احمد 

ارجوك يا ملك ما تزعليش من كلامي انا انسان صريح شويه وعايز ساعه مقرب منك قرب منك وانا مشدود ليكي جدا مش علشان شوفت بنت وحبيتها بس 

ملك 

تمام يا احمد مافيش مشكله طالما ده هيريحك انا احب اشوفك مرتاح 

وبعدها عاشت معاه وكان بيعملها دايما بتجاهل بس هي من كتر حبها فيه فضلت مكمله معاه 

         باك 

وفي شقه حمات ملك كانت قاعده هي وبنتها سحر 

سحر 

ابنك يا دوبك لسه كان طلع وشويه ونزل على طول هو في ايه بالظبط يا ماما ايه قلبت عليه ولا إيه 

فايزة 

والله ما انا عارفه يا بت يا سحر وبعدين الجوازة تمت بسرعه وجابها لنا هنا محدش عارف حاجه خالص انا مش فاهمه في ايه 

سحر 

طيب اسمعي انتي لازم تخلي البت دي تخدمك وتبقا تحت جناحك لحسن تتمرع عليكي ولا حاجة وتعمل علينا واحده 

فايزة

ومين قالك ان انا هديها الفرصه دي انا مش هسيبها تتهني وتفضل عامله لي فيها عروسه كده علطول 

سحر 

بس علي فكرة بقا في حاجة مش مريحاني في حكاية البت دي هو ليه بابا قبل ما يموت كان مهتم بيها اوي وكان بيبعت لها فلوس علطول ودلوقتى ابنك يتجوزها 

فايزة

ابوكي طول عمره كان حنين وطيب مع أي حد وبعدين هو كان بيبعت لها الفلوس عشان انتي عارفة إن أبوها كان صاحبه زمان وكان بينهم شغل ومعارف من قبل ما تتجوزي وتفهمي الدنيا دي

سحر

لا يا ماما بس الحكاية دي غريبة أوي والبنت دي أنا حاسة إن أبويا كان متجوز أمها في السر وعشان كده كان مهتم بيها وبيبعت لها فلوس

فايزة

ايه يا بنت الكلام اللي انتي بتقوليه ده انتي عبيطة ولا إيه أنا مش عايزة أسمعك بتقولي الكلام ده تاني وبعدين أنا أصلا مش طايقاها في البيت ومش هسيبها تتهنى وهوريها وهخليها تشتغل لي هنا في البيت من النهارده

سحر

بس خلي بالك يا ماما لحسن أحمد ممكن يزعل لو عرف إنك بتعملي فيها كده

فايزة

وأنا هخاف من أحمد يعني ولا إيه ده بيتي وأنا اللي أقول مين يعمل إيه ومين يقعد فين وأنا مش هسيبها فوق في شقتها عاملة نفسها عروسة ومش بتعمل حاجة

وبعدها فايزة طلعت فوق عند ملك وخبطت على الباب وبعدها ملك فتحت لها 

ملك 

أهلا وسهلا يا طنط نورتي هنا والله اتفضلي ادخلي 

فايزة

هو انتي هتفضلي قاعدة هنا يا ست هانم على طول ومش ناويه تنزلي تحت في شقتي تساعديني شوية ولا إيه لا انا معنديش الكلام ده 

ملك

طيب وهو حضرتك عايزاني أعمل لك إيه يعني يا طنط وانا اعمله قولي لي وانا عنيا ليكي والله 

فايزة

ماشي لما اشوف انتي هتنزلي تنظفي الشقة وتغسلي المواعين وتعملي كل حاجة زي أي واحدة بتعمل لحماتها

ملك

بس أنا مش متعودة إني أعمل حاجات زي دي انا كنت بحسب بعني حاجات خفيفه عن دي 

فايزة

حاجات خفيفه يعني إيه يا حبيبتي انتي لازم  تتعلمي وإحنا مش جايبينك هنا عشان تقعدي فوق وتعيشي مرتاحة انتي جايه بيتنا عشان تعرفي يعني إيه مسؤولية

ملك

خلاص حاضر يا طنط أنا هعمل اللي حضرتك عايزاه ومش هقولك لا علي حاجة ولا هزعلك مني 

فايزة

أيوه كده اسمعي الكلام من غير جدال وانزلي معايا دلوقتي عشان عندي شغل كتير ومش هقعد أكرر كلامي كل شوية

وبعدها نزلت ملك مع فايزة ودخلت الشقة وبدأت تنظف وتغسل المواعين وترتب المطبخ وسحر كانت قاعدة بتتفرج عليها وقالت 

سحر

على فكرة يا ملك أي واحدة بتشتغل لحماتها وبتعمل لها كل حاجة وانتي بقى لازم تتعودي إنك تعملي حماتك كل حاجة طالما بقيتي مرات أخويا

ملك

ما انا لازم اعمل لها كل حاجة يا سحر لانها  مامت أحمد جوزي وأنا عايزة أرضيها وأعمل لها كل اللي هي عايزاه

سحر

أيوه كده اسمعي الكلام وخليكي عارفة إن ماما مش بتحب حد يعاندها ولو سمعتي كلامها هتعيشي مرتاحة

ملك

أنا مش عايزة مشاكل مع حد وأنا من  نفسي انكم تحبوني وانا ابقي كويسة معاكم وأعتبركم أهلي

وبعد فترة كانت ملك لسه في المطبخ بتغسل المواعين وملامح التعب باينة عليها وقالت لفائزة 

ملك

أنا تعبت يا طنط اوي من كتر الشغل هنا هو شغل الشقة هنا ما بيخلصش وأنا بقالي ساعات واقفة في المطبخ ومش قادرة أكمل

فايزة

هو في شغل في البيت بيخلص يا بنتي ولا انتي فاكرة إن المواعين والتنظيف هيخلصوا مرة واحدة وتفضلي قاعدة بعدها

سحر

ما هي لازم تتعود يا ماما على كده بدل ما تفضل طول الوقت فوق قاعدة ومش عارفة تعمل حاجة

وبعدها في الوقت ده رجع أحمد من بره وطلع الأول على شقته فوق ولما ملقاش ملك بدأ يدور عليها ونزل تحت

أحمد

أمال ملك فين يا ماما أنا طلعت فوق ملقتهاش في الشقة

فايزة

دي جوه في المطبخ بتغسل المواعين وأنا خليتها تنزل تساعدني شوية بدل ما تفضل قاعدة فوق لوحدها

أحمد

وهي من إمتى بتغسل المواعين عندك يا ماما

فايزة

من هنا ورايح يا حبيبي هو مش ده بيت أمك والمفروض مراتك تنزل تساعد هنا وتعمل اللي عليها بدل ما تفضل قاعده فوق مرتاحة

أحمد

آه خلاص يا ماما اعملي اللي انتي عايزاه براحتك وأنا مش هتدخل بينكم

فايزة

أنا فكرتك زعلان ولا حاجة يا ابني عشان نزلتها تشتغل في البيت عندي هنا 

أحمد

لا مش زعلان اعملي فيها ما بدا لك وأنا طالع فوق

وبعدها أحمد طلع الشقة من غير ما يسأل ملك ولا حتى ينادي عليها وسحر بصت لأمها باستغراب

سحر

هو إيه ده يا ماما ابنك ماله بيتكلم عنها كده زي ما يكون مبسوط إنك ممرمطة البنت ومش فارق معاه إنها مراته

فايزة

والله مش عارفة يا بت يا سحر شكل أخوكي كده في حاجة ومش عايز يقولها وأنا من البداية حاسة إن الجوازة دي وراها سر 

سحر

وأنا كمان حاسة إن الموضوع مش طبيعي يا ماما خصوصا إن أحمد مش باين عليه إنه متجوز ملك عشان يعيش معاها زي أي راجل ومراته

فايزة

اسكتي دلوقتي وخلينا نعرف في ايه بعدين 

وبعدها ملك طلعت شقتها ولقت احمد 

ملك

انت جيت امتي يا أحمد انا مجحستش بيك يعني هو دخلت عند مامتك 

احمد 

ايوه لما رجعت وملقتكيش نزلت وماما قالت لي انك انتي في المطبخ قولت اسيبك 

ملك 

مامتك هلكتني يا احمد بس انا بعمل كده عشانك وبس مع اني عمري ما كنت بعمل كده في بيتنا 

احمد 

والله لو عايزة تستحملي انتي حرة مش عايزة ابقي قولي لامي انك مش عايزة 

ملك 

وانا قولت لك اني بعمل كده عشانك انت هو انت مش عايز تقدر اللي بعمله ليه يا أحمد 

احمد 

بقولك ايه يا ملك انتي عايزة ايه بالظبط انتي قولتي انك بتعملي كده وانتي راضيه خلاص استحملي 

قال كلامه وسابها ودخل جوه وهي قعدت تعيط بسبب كلامه ليها وتاني يوم الصبح احمد كان بيلبس وهي صحيت وقالت 

ملك

إنت إيه بتلبس بدرى ليه كده يا أحمد هو إنت هتنزل دلوقتي 

أحمد

أيوه أنا نازل عشان ورايا كام مشوار كده قبل الشغل ولازم أخلصهم بدري

ملك

بدري كده يا أحمد 

أحمد

مالك مستغربه ليه كده هو في حاجة وبعدين إنت بتسألي كتير كده ليه هو أنا لو نزلت بدري لازم أديكي تقرير عن كل خطوة بعملها

ملك

لا أبدا أصل أنا بس مستغربة منك مش أكتر لانك مش بتنزل دلوقتي يعني وكنت فاكرة إنك هتفضل شوية معايا قبل ما تروح الشغل

أحمد

لا يا ملك أنا عندي حاجات لازم أخلصها ومش فاضي أقعد الصبح اشرح لك أنا رايح فين وجاي منين

ملك

طيب ممكن انا منزلش النهارده عند مامتك أصل أنا تعبانة قوي ومش قادرة أعمل أي حاجة 

أحمد

والله عندك ماما ابقي اتصلي بيها وعرفيها إنك مش قادرة تنزلي وتساعديها النهارده عشان انا ماليش دعوة بالموضوع ده

ملك

طيب أنا بس كان نفسي تفضل معايا شوية  لكن خلاص طالما مشغول روح وربنا معاك

أحمد

تمام وأنا كده اتأخرت ومش عايز أفضل واقف أتكلم كده كتير انا ماشي 

وبعدها أحمد خرج من الشقة ونزل على طول وملك فضلت واقفة قاعدة مكانها ودموعها نزلت من غير ما تحس و عند أحمد وصل عند هند اللي هو متجوزها في السر وأول ما دخل عندها قالت 

هند

حمد لله على السلامة يا حبيبي إيه الغيبة دي كلها من اخر مرة كنت معايا من اسبوع بس مكنتش أعرف ناوي تختفي عني الأيام دي كلها 

أحمد

ما أنتي عارفة أني عندي مشغول طول الوقت والموضوع مش بإيدي يا هند

هند

 يا أحمد أنا عايزاك كل يوم معايا وبعدين إنت مش قايل إنك ما بتحبش مراتك ممكن اعرف ايه بقا اللي مخليك قاعد جنبها كده

أحمد

أنا أصلا ما بقعدش في البيت وإنت عارفة ده كويس أنا طول الوقت برا بسبب الشغل والمشاوير

هند

أمال بتروح فين يا أحمد أنا عايزة أفهم إنت طول الوقت بتقول شغل ومشوار وأنا مش شايفة حاجة بتحصل

أحمد

بقولك ايه يا حبيبتي أنا مش جاي أتكلم في موضوع البيت أنا جاي عشان الموضوع اللي كلمتيني عليه وعايز أعرف هنمشي فيه إزاي

هند

مش انا قولت لك يا حبيبي اننا هندخل شغلانه مع ابن خالتي هتغير حياتنا وانت قولت هتشوف موضوع الفلوس وتجمها 

أحمد

ما هو أنا فعلابحاول أجمع مبلغ كويس عشان ندخل فيه بس إنت ضامنة الشغلانة دي وضامنة الناس اللي هندخل معاهم ولا إحنا هنحط فلوسنا

هند

طبعًا ضامناه يا حبيبي بقولك ده ابن خالتي وأنا عارفاه كويس وهو شغال في المجال ده من زمان وبيجيب بضاعة من بره والبضاعة دي بتكسب كويس جدا

أحمد

والبضاعة دي عبارة عن إيه بالظبط عشان أنا مش بحب أدخل في حاجة وأنا مش عارف تفاصيلها

هند

قطع غيار يا أحمد هو إنت ما تعرفش إن تجارة قطع الغيار ممكن تعمل مكسب كبير ولا إيه

أحمد

لا أنا معرفش عن شغل قطع الغيار كتير لأن شغلي كله في المواد الغذائية ومش حابب أخاطر بحاجة معرفش عنها حاجة

هند

لا يا حبيبي إنت لازم تتنصح وتعرف إن فيه شغل تاني وحاجات تانية ممكن تعمل منها فلوس أكتر من شغلك اللي انت فيه ده 

أحمد

خلاص ممكن نستفيد من الفكرة دي وأنا هخلص اللي ورايا وأجمع المبلغ ونشوف ابن خالتك ده هيعمل إيه ويجيب لنا البضاعة إزاي والمكسب هيكون كام

هند

تمام يا أحمد وأنا واثقة إن الموضوع ده هيكون بداية خير لينا 

وعند ملك نزلت عند حماتها 

ملك

صباح الخير يا طنط هو ممكن أطلب منك اريح النهارده لاني تعبانة قوي ومش قادرة أعمل حاجة 

فايزة

يا بنتي هي البيوت بيبقا فيها راحة يعني إنت ما بتنظفيش عندك في شقتك ولا إيه ما كل البيوت فيها شغل ومسؤولية

ملك

ما هو انا بنظف يا طنط بس شقتي صغيرة ومش بتحتاج شغل كتير زي شقتك وأنا من الصبح حاسة إني مرهقة ومش قادرة أقف كتير

فايزة

معلش يا حبيبتي ادخلي بس كده ونظفي اللي وراكي ولما تخلصي ابقي اقعدي براحتك وأنا مش هطلب منك حاجة زيادة

ملك

حاضر يا طنط أنا هعمل اللي حضرتك عايزاه 

وبعدها ملك دخلت المطبخ وبدأت تغسل المواعين وترتب المكان وتنظف الشقة ولما خلصت شغلها 

فايزة

أيوه كده يا ملك أهو لما الواحد يشد حيله ويعمل اللي عليه الدنيا بتمشي من غير مشاكل

ملك

الحمد لله يا طنط أنا خلصت كل حاجة ولو حضرتك محتاجة أي حاجة تانية قولي لي

فايزة

لا خلاص دلوقتي اطلعي شقتك وارتاحي لك شوية

ملك

حاضر يا طنط ربنا يخليكي

وطلعت ملك شقتها وقررت تتصل برقيه بنت عمها عشان وحشتها 

ملك

الووو إيه يا رقيه إنتي فين يا بنتي ما بقتيش بتيجي لي خالص بقالك فترة وأنا نفسي أشوفك وأقعد معاكي هو في حاجة ولا إيه 

رقيه

أجي فين يا ملك هو إنتي ما تعرفيش إن جوزك طردني آخر مرة لما كنت عندك

ملك

طردك ازاي يا رقيه والله ما قاليش حاجة زي دي وأنا أول مرة أعرف الكلام ده ومش فاهمة ليه يعمل كده هو ايهاللي حصل يا رقيه 

رقيه

 طردني لما كنت بسأله ملك مالها وليه حالتها متغيرة كده ولقيته بيقول لي إن وجودي في البيت مالوش لازمة وإنه مش عايزني أجيلك تاني عشان كده مشيت بسرعه ومجتش عندك من ساعتها 

ملك

أنا ما أعرفش اي حاجة من الكلام ده يا رقيه بس أنا عايزة أشوفك إنتي وحشتيني أوي وأنا مش عايزاكي تبعدي عني كده 

رقيه

خلاص إن شاء الله يا ملك هبقى أجيلك بس لما الأمور تهدى شوية عشان مش عايزة أسبب لك مشكلة مع أحمد وبعدين هاي وهو مش موجود 

ملك

طيب إنتي عاملة إيه يا رقيه وحشتيني قوي وقولي لي أخبارك إيه وعمي عامل ايه 

رقيه

أنا كويسة يا ملك وكلنا بخير إنتي إللي عاملة إيه وإيه أخبارك مع احمد يا تري بيعاملك معامله وحشه برضو زي ما هو 

ملك

ماشي الحال يا رقيه أديني عايشة معاه ومبسوطة وكل حاجة ماشية كويس وبعدين انتي إني بحبه ومش عايزة غير إني أفضل معاه

رقيه

بس أنا عارفة صوتك كويس يا ملك وحاسة إنك حزينة ومش مرتاحة وكلامك مش مطمني أنا مش فاهمة في إيه بالظبط

ملك

مفيش حاجة يا رقيه أنا كويسة والله ومش عايزاكي تقلقي عليا يا حبيبتي 

رقيه

والله أنا مش عارفة إنتي بتعملي في نفسك كده ليه وليه بتسمعي كلامه في كل حاجة وسيباه يتحكم فيكي قوي كده وإنتي  مستحملة كل ده وساكتة

ملك

بقولك إيه يا رقيه أنا عايشة معاه ومبسوطة وبحبه ومقدرش أستغنى عنه وأنا قولت لك الكلام ده قبل كده ومش عايزة أفضل أتكلم في نفس الموضوع كتير 

رقيه

بس أنا خايفة عليكي يا ملك وحاسة إن أحمد مش سهل وإنتي يا بنتي طيبة وعلى نياتك وممكن تسكتي على حاجات كتير عشان بتحبيه وأنا مش عايزة أشوفك في يوم ندمانة

ملك

بقولك إيه يا رقيه أنا مش عايزة كلام من ده كتير لو سمحتي ولو أحمد زعلك قبل كده فمعلش حقك عليا أنا وأبقي تعالي لي لما تحبي

رقيه

إن شاء الله يا ملك ماشي براحتك اللي تشوفيه بس أنا مهما حصل هفضل خايفة عليكي ومش هقدر أبطل أسأل عنك

ملك

ربنا يخليكي ليا يا رقيه وأنا عارفة إنك بتحبيني بس أنا فعلًا مش عايزة أسمع كلام يخليني أزعل أكتر

وبعدها عدت الايام وفي يوم أحمد كان رايح عند هند وكان شايل معاه شنطة فيها الفلوس اللي جمعها ولما وصل قالت له 

هند

اهلا يا حبيبي وحشتني اوي وإيه الشنطة اللي معاك دي 

أحمد

جبت الفلوس أهي زي ما اتفقنا وقولت بدل ما أفضل مأجل الموضوع أكتر ناخد خطوة بسرعه ونشوف ابن خالتك والناس اللي هنتعامل معاهم بس هو فين بقى ابن خالتك اللي هنتفق معاه وهنروح نقابله

هند 

هو مستنينا هو والناس اللي هيتعاملوا معانا في الشركة بتاعته وإحنا هنروح لهم دلوقتي ونقعد معاهم ونعرف كل حاجة قبل ما نسلم الفلوس

احمد 

طيب تمام يلا بينا خلينا نخلص الحوار ده بقا ونشوف اخرته إيه 

هند

بس بقولك إيه يا حبيبي أنا ليا نصيب في الفلوس اللي هتطلع لك من الشغل ده ومش عايزاك تنسى إني أنا اللي عرفتك على الموضوع من البداية

أحمد

طبعا يا حبيبتي هو أنا أقدر أنساكي وبعدين إنتي عارفة أنا بحبك قد إيه وكل حاجة هتتعمل بينا بالنص ومش هظلمك في حاجة

هند

ربنا يخليك ليا يا أحمد وقولي بقى عامل إيه مع الست هانم مراتك التانية 

أحمد

تاني يا هند هتسألي عليها ما إنتي عارفة إني ما بطيقهاش ومش عايزها و عارفة سبب جوازي منها كويس وبقولك ايه مش وقت الكلام ده دلوقتي خلينا في الموضوع اللي إحنا فيه عشان ما نضيعش وقت 

هند

ماشي يا أحمد أنا بس كنت بس بطمن إن مفيش حاجة اتغيرت وإنك لسه زي ما إنت

أحمد

مفيش حاجة اتغيرت بيا هند وأنا عارف أنا بعمل إيه وعشان كده يلا بينا نروح نقابل ابن خالتك والناس عشان نخلص الموضوع ده

وبعدها مشيوا احمد وهند وراحوا لابن خالتها سامح اللي لما شافهم قام وسلم عليهم 

سامح 

اهلا وسهلا يا احمد بيه نورت الشركة ازيك يا هند والله لما قولتي لي ان جوزك عايز يدخل معايا شريك في الشغل انا اتحمست اني ادخله معايا 

احمد 

اهلا بيك يا استاذ سامح هند قالتلي علي الشغلانه اللي انت عايزنا ندخل فيها 

سامح 

والله هي طلبت مني اني اخدمك يا احمد بيه لانها بتحبك اوي وانا بصراحه وافقت علطول وقولت انها اختي واخدمها هي وجوزها بعنيا 

هند

ربنا يخليك ليا يا سامح يا ابن خالتي يا أصيل انا مش عارفة اقولك ايه والله علي وقفتك معايا دي

الفصل الثاني من هنا