رواية وجه اخر الفصل الأول 1 بقلم سما

-طب واتجوزتني ليه؟!

- مش لازم تعرفي..معرفتك مش هتغير حاجه..

- ضحكت بسخريه وقلتله: مش لازم!! يعني ايه مش لازم يعني انا  مش من حقي اعرف انت ليه عملت فيا كده ...طب قولتلي ليه؟ كنت اضحك عليا شويه حتي انت إيه يا اخي؟!

- مقدرتش يا هيام..كان لازم تعرفي كل حاجه..

- للدرجادي مش طايقني!!

- مش ذنبي ولا ذنبك..

- قلتله بوجع : امال ذنب مين؟! فرحتي اللي اتكسرت دي مين السبب فيها؟!

- نديم سكت وبص في الارض..

- رد عليا عملت كده ليه؟!

- سكت ثواني وقال: انا عارف اني ظلمتك بس اوعدك اني هعمل اللي اقدر عليه ومش هحسسك بأي حاجه..

- نديم!! قولي عملت كده ليه..

- مش هقول يا هيام خلاص انا  اتجوزتك والي حصل حصل..

- شديته من ايده وقلت: وانا لازم اعرف وحالا..

- نديم بضيق: حاجه متخصكيش يا هيام..

- متخصنيش!! يا بني ادم انت عارف انت عملت ايه انت جاي تقول لواحده يوم فرحها انا محبتكيش ومتجوزك لهدف في دماغي وتقولي متخصكيش..؟

- يا هيام اسمعيني انا مش هأثر معاكي في حاجه..

- رديت بعصبيه: اسكت مش عايزه اسمعك..انت فاكرني طايقه ابص في وشك دلوقتي عشان اعيش معاك..

- يعني ايه؟

- يعني انا نازله عندي خالتي دلوقتي وهقولها علي كل اللي قلته وهاخد بعضي واروح عندي اهلي..وخلي هدفك لنفسك مش انا اللي اجي علي نفسك عشان حد مش طايقني..

-  نديم مسكها من ايديها وقال:انت مجنونه راحه فين؟

-  زقيته بكل قوتي وقلتله: ابعد عني..اياك تلمسني..

-  نديم بعد عنها وقال: خلاص بعدت ممكن تهدي ونوصل لحل..

-  لا انت مش طبيعي..بقولك همشي..ومش هتشوف وشي تاني..

-  طيب وريني و راح عند  الباب وقفله بالمفتاح وخاد المفتاح من الباب..

-  افتح الباب..

-  مش هفتح..

-  افتح الباب عشان مصوتش دلوقتي..

-  هيام اهدي بالله عليكي مينفعش اللي هتعمليه..

-  مقدرتش امسك نفسي اكتر من كده ودموعي نزلت..ودخلت الاوضه وقفلت عليا...

قعدت علي السرير وبصيت لفستاني اللي كنت بحلم باليوم اللي هلبسه فيه وفضلت اعيط وانا حاسه اني تايهه ازاي يعني كل ده كان كدب..ده الشخص اللي كنت بتتمنيه السنين دي كلها يا هيام!!

- نديم كان قاعد بره في الصاله ومش عارف يعمل ايه..: طب ادخلها ولا اعمل ايه..انا مش عارف انا عملت كده ازاي...!!

>>>>>>>>>>>>>>>>>>>>>>>>>>>>>>>>>>

- بعد شويه مسحت دموعي وقلعت الفستان ولبست اسدالي خدت نفس عميق وفتحت الباب وطلعت...

- نديم اول ما رفع راسه وشافها قام وقف..

- بصتله بجمود وقلت: بص انا السبب اللي هيخليني هنا لحد بكره علي الاقل اني اعرف عملت كده ليه ودلوقتي..

- نديم هز رأسه وقال : هقولك..

- اتفضل.

- انا عملت كده عشانها..عشان اثبتلها اني حبيت بعدها واتجوزت واوجعها زي ما وجعتني..واعرفها اني خلاص مسحتها من حياتي..

- انت لسه بتحبها؟!

-  لا  خالص بس مقدرتش اتخطي الوجع اللي جوايا..

- ولما هو كده جيت وضحكت عليا ليه؟! استغليت حبي ليك ليه؟! اشمعنا انا يا اخي..فهمتني انك نسيتها ومعتش في بالك ليه..

- صدقيني معرفش انا كنت بفكر في ايه وقتها..

- انت عرفت تمثل كل ده ازاي؟ كنت بتقدر تقولي بحبك ازاي؟هااه؟

-  انا بجد مكنتش بمثل بس انا حاولت احبك انا قلت انا خطبتك وهديكي حقك..بس مقدرتش والعيب مش فيكي خالص..

- ومسبتنيش ليه؟

- عشان خالتي انا لو كنت سيبتك كنت هبوظ حاجات كتير كمان انا كنت عارف انك بتحبيني ومكنتش عايز اخسرك..

- بصتله بضيق وقلت: انت اكتر انسان اناني انا شفته في حياتي..

- انا مش اناني يا هيام انا لو اناني مكنتش قلتلك الحقيقة وكنت اتعاملت ولا كأن فيه حاجه بس انا مقدرتش اخبي اكتر من كده..

- لا انت اناني ومؤذي يا نديم..حتي في كلامك دلوقتي مؤذي اعترف انك غلطت متجيش تقولي انا معرفتش احبك..انت معرفتش تحبني عشان انت محاولتش تشوف الحلو اللي فيا..معرفتش عشان قلبك ده كله آسي وانتقام هتحب ازاي؟

- معاكي حق في كلمه قلتها..وانا استاهل اي حاجه تحصلي..

- بس انا مستاهلش..انا ذنبي ايه في الحياه..ذنبي ايه غير اني حبيتك وشفت فيك اللي اتمناه بس في النهايه العيب عليا..ده اللي اخده في الاخر بسبب قلبي..

- بالعكس يا هيام انت قلبك جميل وبتحبي بجد بس انا اللي غبي..

- طب وبعدين؟ إيه اللي هيحصل دلوقتي..هروح بيت اهلي من اول يوم الناس يقوله ايه..وخلاص كده هبقي مطلقه وتبقي حياتي اتدمرت بسببك..

- لا يا هيام انا مش هطلقك..

- لا كتر خيرك..بس للاسف انا مش هطيق اعيش معاك يوم كمان..

- بس مفيش حل تاني..

- يعني ايه؟ يعني ليه هضطر استحمل الذل ده؟!

- ذل ايه بس؟ مين قال كده؟

- فاكرني لما اشوفك قدامي هفتكر ايه او ايه اللي هييجي في بالي غير كسرتي..

- انا مش هخليكي محتاجه حاجه  يا هيام صدقيني وهنعيش وهنبقي مبسوطين..

- مش قلتلك اناني..اذا كان انت مقدرتش تنسي الوجع اللي جواك عشان بس سابتك انا هقدر اسامحك بعد ما كسرت قلبي؟!

- انا معترف اني غلط و كلامك صح..بس عندي حل..

- اتفضل..

- هنعيش مع بعض مده واعتبرني مش موجود..وبعدين هنشوف لو مكنش فيه حاجه اتغيرت هنطلق..

- هو الاكيد اني هطلق منك..بس ماشي عشان خاطر اهلي..اهلي اللي كان نفسهم يشوفوني  مبسوطه مع الراجل اللي اتمنيته..

- خلاص اتفقنا..وانا اسف..

- ضحكت بسخريه وقلتله: أسف!!  ضحكتني والله وانا برجع لورا خطبت في المزهريه ووقعت اتكسرت..بصيت للمزهريه وقلت: اهو ده بقي حالي بالظبط قولها انا اسف كده ولا هتأثر في حاجه لو قلتها ميت مره..لو عملت ايه حتي...

- نديم فضل باصصلها والندم باين عليه..ومقلش اي حاجه..

>>>>>>>>>>>>>>>>>>>>>>>>>>>>>>>>>>

تاني يوم نديم راح عند اوضتها وخبط علي الباب..

- قمت غطيت شعري وفتحت..

- مش هتفطري؟

- لا..

- ليه؟

- مليش نفس..

- بس انتي مكألتيش حاجه من امبارح..

- انا حره..

- انا عامل عليكي بس..

- شكرا..انا اجوع هدخل المطبخ واكل..

- تمام ولف عشان يمشي..

- وانا لسه بقفل الباب رجع تاني..

- سؤال بس..

- قلت بنفاذ صبر: نعم؟

- انت لابسه طرحه ليه؟

- وانت مالك..مش عايزاك تشوف شعري..

- نديم ضحك وقال: بس انا جوزك..

- لا مش جوزي..

- والله العظيم جوزك..

- ياعم انا شيفاك حد مضطره اعيش معاه فتره وخلاص..

- قديكي قلتي مضطره خدي راحتك كده بقي متخنقيش نفسك..

- براحتي انت هتشاركني..

- يستي انا غلطان..

- خلصت كلامك..؟

- يعني اه

- طرقنا بقي..

- امشي يعني؟

- ايوه مستني ايه..؟

- طيب..ابقي كلي الاكل حلو اوي..

- ان شاء الله..وقفلت الباب وقلت: ليك عين!!

>>>>>>>>>>>>>>>>>>>>>>>>>>>>>>>>>>

كنت نايمه فتحت عيني علي صوته..

-اصحي يا هيااام...

- قلتله بخضه: فيه ايه؟

- امي وصافيه اختي واقفين بره علي الباب..

- طب ما تفتح وانا هطلع وراك..

- بس...

- بس ايه؟

- الدنيا بره مبهدله اوي...

- قلتله بعدم فهم: وإيه اللي بهدلها؟

- عشان نمت امبارح فيها كمان هدومي بره..والمزهريه اللي اتكرست امبارح..

- انت ملمتهاش؟

- جيت ألمها امبارح صبعي اتعور قلت هبقي هلمها بعدين..

- هو انت مبتعرفش تعمل اي حاجه مفيده في حياتك؟

- لا بعرف..

- اسكت بقي..تعالي وريني عملت ايه طلعت وشفت منظر الصاله..بس رجعت تاني وفتحت الدرج وطلعت علبه الاسعافات وقلته: خد لازم تعقمه..

- نديم ابتسم وقال: شكرا..

- العفو وطلعت اشوف الصااله بصتله بعصبيه وقلت: انت مقتنع ان المنظر ده هنلحق نلمه؟

- امال هنعمل ايه؟

- علي ما نلم اصلا هيكونوا نزلوا..

- خلاص مش لازم نفتح..

- خش هاتلي اي حاجه الم فيها من المطبخ..

- اجيب ايه؟

- بصتله بنرفزه وقلت: مش عارف بنلم في ايه؟

- نديم هز رأسه وقال: لا

- هات الجاروف يا نديم..ايوا مانت مكنتش فاضي تعرف الكلام ده...

- قصدك ايه يا هيام؟

- قصدي اللي انت فهمته بالظبط..

- هو احنا مش هنخلص من السيره دي بقي..

- لا مش هنخلص يا نديم وانا مش هبطل افكرك باللي عملته فيا..

- خلاص عرفنا اني بوظت الدنيا..واتفقنا علي حل..

- لا انا متفقتش علي حاجه..ادعي اني اقدر اكمل معاك اسبوع اصلا..حاولت مش قادره..مش طايقه اتقبل اني عايشه معاك بعد اللي عملته..

- للدرجادي؟

- واكتر انا بقيت بكرهك يا نديم..

- مستحيل..

- لا مش مستحيل انت بقيت اكتر حد انا بكرهه حياتي..

- طب متقوليش كده في وشي يا هيام .

- لا هقول يا نديم..ومش هسامحك عايزني اخاف علي مشاعرك..دانت مفكرتش فيا دقيقه..

- ممكن كفايه..

- كفايه ليه شيفاك قاعد تاكل وتشرب والدنيا معاك زي الفل ولا فارق معاك...وانا قاعده جوه بموت من التفكير وحاسه اني تايهه..مصعبتش عليك؟

- نديم بعصبيه: خلاص بقي يا هيام..مين قالك ان انا اللي كويس..انا مش قادر اسامح نفسي..

- مش كفايه..

- عايزاني اعمل ايه؟

- معرفش بس انا مش عايزه اشوفك قدامي تاني..

- بس مفيش حل تاني..

- لا فيه..

- قوليلي الحل..

- انا همشي..

- تاني يا هيام..يا هيام فكري بعقلك بلاش تخربي الدنيا..

- منا عشان فكرت بعقلي..قررت اني اعمل كده وفيها ايه يعني اما اخرب الدنيا ما كل حاجه باظت خلاص...

- هيام بالله عليكي مينفعش..

- ليه؟خايف لتشمت فيك؟

- يا هيام والله هي معتش فارقه معايا..

- بطل بقي كفايه..

- صدقيني والله..

- مش هصدقك تاني يا نديم..

- طيب بس مش هسيبك تمشي..

- همشي يا نديم..ودلوقتي..