رواية سجينة في بيت ابو جوزها الفصل الاول 1 بقلم هويدا زغلول

في بيت منصور كان واقف قدام ابنه العريس وعروسته اللي لسه بفستان فرحها وهو بيزعق وبيقول 

منصور 

انت واخدها ورايح بيها علي فين انت فاكر انك انت هتاخدها وتعيش في شقتك فوق لوحدكم ولا إيه لا يا حبيبي انت هتقعد هنا ومراتك هتخدمنا 

مروان 

ايه الكلام اللي انت بتقولو ده يا بابا ازاي يعني عايزني اعيش انا ومراتي هنا وعندنا شقتنا فوق اللي انا عملتها بتعبي 

منصور 

انا قولت كلمتي يا مروان واعمل حسابك انت مش هتدخل عليها الا لما تعمل اللي احنا عايزينه 

وقبل ما نبدأ قصتنا اعرفكم علي بطلتنا اللي اسمها سمر وعندها 27 سنة وكانت متجوزة وجوزها مات وبعد فترة دخلت لحماتها وقالت لها 

سمر 

اعملي حسابك يا حماتي ان أنا جالي عريس وخلاص وافقت عليه وهتجوزه وعايزة أبدأ حياتي من جديد ومش هفضل قاعدة هنا أكتر من كده

الحما 

إيه الكلام الفارغ اللي إنتي بتقوليه ده يا بنت هو إنتي نسيتي إن جوزك لسه متوفي بقاله ست شهور ولا إنتي إيه ما عندكيش دم ولا إيه وإزاي أصلا تفكري في الجواز وكأن ابني ده ما كانش موجود في حياتك

سمر

وأنا ما عنديش دم ليه يا حماتي أنا بعمل اللي ربنا قال لي عليه وده شرع ربنا وأنا مش بخالفه وبعدين إنتي عارفة كويس قوي إني ما كنتش بحب ابنك وإن جوازي منه كان غصب عني وإنتي عارفة الحكاية دي 

حماتها

وعشان يعني أنا عارفة إنك ما كنتيش بتحبيه يبقا يوم لما ابني يموت تروحي تتجوزي مكانه على طول كده إنتي ما عندكيش دم ولا إحساس وكمان واحدة واطية وقليلة الأصل ومش مقدرة العشرة اللي كانت بينك وبين ابني

سمر

من غير كلام كتير يا حماتي لو سمحتي وبطلي الكلام ده وأنا مش واطية ولا قليلة الأصل ومش هقبل إنك تتكلمي معايا بالطريقة دي أنا لما شهور العدة بتاعتي خلصت يبقى من حقي أتجوز وأعيش حياتي وربنا هو اللي شرع ده وأنا مش مطالبة أفضل محبوسة معاكي هنا في قلب البيت ده وأنا أصلا مش عايزة أعيش هنا تاني

حماتها

يعني إنتي خلاص مصممه انك هتمشي ومرتبه نفسك علي كده 

سمر

أيوه همشي وهتجوز وأعيش حياتي وبعدين متقلقيش أنا هتنازل لك عن كل حاجة ومش هاخد أي حاجة تخص ورثي من ابنك ولا هطالب بأي حق من حقوقي يعني ما تقلقيش يا حماتي أنا مش داخلة على الجوازة دي عشان الفلوس ولا عشان الورث

حماتها

يبقا غوري في ستين داهية تاخدك وهو أنا يعني هكون عايزاكي ليه يلا روحي مطرح ما إنتي عايزة واتجوزي اللي إنتي عايزة تتجوزيه

سمر

تمام انا ماشيه ومش هنسى إنك في يوم من الأيام كنتي حماتي وربنا وحده اللي عالم أنا اتعذبت قد إيه في البيت ده

وبعدها سمر أخدت شنطتها وخرجت من البيت واتصلت بمروان

سمر

الوو ابوه يا مروان أنا كنت عايزة أشوفك إنت فين أنا محتاجة أكلمك في حاجات كتير حصلت ومش قادرة أقولها لك في التليفون

مروان

أيوه يا سمر يا حبيبتي أنا موجود قولي لي بس إنتي فين وأنا هجيلك علطول 

سمر

لا أنا اللي هجيلك  على الكافيه اللي كنا بنتقابل فيه زمان أنا هكون مستنياك هناك يلا متتأخرش عليا

وبعد شوية وصلت سمر للكافيه ولقت مروان جالها علطول وقعد معاها وقالت له 

سمر

أنا مش قادرة أصدق إن النصيب جمعنا تاني ببعض بعد كل اللي حصل وبعد ما رحت واتجوزت واحد تاني ورجعت أقعد لوحدي من غيرك

مروان

مش إنتي اللي سبتييني يا سمر وروحتي اتجوزتي واحد تاني وأنا فضلت لوحدي ومشيت من البلد عشان ما أشوفش حياتك وهي بتبدأ مع واحد تاني غيري

سمر

ما إنت عارف حكم عمي وعارف إنه هو اللي عمل فيا كده يعني هو أنا كنت عايزة أتجوز هشام بمزاجي ما إنت عارف كل حاجة يا مروان وعارف إني كنت عايزاك إنت

مروان

المهم إن اللي فات عدى والحمد لله إننا هنتجوز تاني يا حبيبتي ونعيش مع بعض وأنا مش قادر أوصف لك أنا مبسوط قد إيه إن أنا وإنتي هنكون مع بعض بعد السنين دي كلها

سمر

الحمد لله إن كل ده عدى وأنا مش قادرة أنسى اللي عمي عمله فيا بصراحة يوم لما جيت انت واتقدم لي ورفضك ووافق على هشام الله يرحمه

وافتكروا لما كان مروان اتقدم لها وعمها رفضه وبعده هشام إللي وافق عليه علطول 

#فلاش باك

في يوم سمر لقت عمها سامي داخل عايها وبيقولها 

سامي 

بصي يا سمر دلوقتي في واحد اسمه هشام متقدم لك وأنا مبسوط قوي بالجوازة دي لانه متريش اوي وغني وعيلته ناس محترمين وأنا شايف إن دي أحسن جوازة ليكي

سمر

ايه اللي انت بتقوله ده يا عمي هو إنت ازاي عايزني أوافق عليه ومروان متقدم لي وإنت عارف إني بحبه وعارف إننا عايزين نتجوز

سامي 

لا يا حبيبتي مروان مين ده اللي مش لاقي ياكل وبعدين هو إنتي فاكراني أنا هوافق عليه لبنت أخويا ولا إيه أنا هجوزك هشام والموضوع ده انتهى وأياكي أسمع سيرته على لسانك تاني

سمر

يعني إيه يا عمي إنت هتجوزني غصب عني وكأني ماليش رأي في حياتي ولا في الشخص اللي هعيش معاه كمان طيب ازاي وفي شرع مين 

سامي 

في شرعي انا وأيوه هجوزك غصب عنك عشان أنا عارف مصلحتك كويس قوي وإنتي عارفة إن أبوكي موصيني عليكي وأنا ما اقدرش أخالف الوصية اللي أبوكي قال لي عليها قبل ما يموت

سمر

بس أنا بحب مروان ومش عايزة غيره وإنت كده بتظلمني وبتجبرني أعيش مع واحد أنا مش عايزاه ليه عايز تعمل فيا كده 

سامي 

بقولك ايه كفاية كلام يا سمر والجوازة دي هتتم ومفيش رجوع فيها تاني انتي سامعة ولا لأ 

وفعلاً سمر اتجوزت هشام غصب عنها ومروان لما عرف كده أخد بعضه وسافر بره البلد وهو شايل في قلبه وجع كبير

وبعد فترة مات هشام  في حادثه وبعدها رجع مروان من السفر وابوه قاله 

منصور

اسمع يابني أنا عايزك تتجوز سمر يا مروان اللي إنت كنت عايز تتجوزها زمان فاكرها انا عرفت ان جوزها اتوفي خلاص 

مروان باستغراب 

اتجوز سمر أتجوزها إزاي يا بابا يعني وإنت كنت مانعني أتجوزها وهي بنت ودلوقتي عايزني أتجوزها بعد ما اتجوزت وعاشت مع واحد تاني وجوزها مات

منصور

أيوه عايزك تتجوزها لأني حسيت إنك تعبت نفسيًا لما سافرت بسبب اللي حصل وإنك لسه شايل جواك إنها اتجوزت واحد تاني رغم إنك كنت عايزها عشان كده عايزك تتجوزها 

مروان

بس يا بابا إنت ليه مصمم على الجوازة دي دلوقتي وإنت كنت أكتر واحد رافضها زمان

منصور

وفيها ايه يا بني هو مش إنت لسه بتحبها يا مروان وأنا عارفك كويس وعارف إنك عمرك ما نسيتها ولو لسه بتحبها يبقى ما تضيعش الفرصة دي

مروان

خلاص يا بابا اللي تشوفه أنا هعمله وهتجوزها طالما إنت شايف إن ده الصح

منصور

عفارم عليك يا ابني كده أنا اطمنت عليك وربنا يكتب لكم الخير

وفعلا مروان راح لسمر وقال لها 

مروان

أنا عايز أتجوزك يا سمر عشان عرفت إن جوزك اتوفى وعرفت إنك بقيتي حرة وأنا لسه عندي نفس المشاعر اللي كانت عندي ناحيتك زمان

سمر

وأنا مش مصدقة نفسي يا مروان إنك لسه عايزني بعد كل اللي حصل وأنا موافقة إني أعيش معاك وأتجوزك بس في حاجة لازم تعرفها أنا عشان اتجوزك انا مش هاخد أي حاجة من ورثي في  هشام وأنا هتنازل عن كل حقي

مروان

هو انتي يعني فاكرة إني عايزك عشان الورث ولا عشان أي حاجة تانية أنا عايزك إنتي يا سمر ومش عايز منك فلوس ولا ورث ولا أي حاجة غير إننا نعيش مع بعض ونبدأ حياتنا من جديد

سمر

متعرفش انا مبسوطة من كلامك ده ازاي والحمد لله إن ربنا رجعنا لبعض وإن اللي فرقنا زمان ما قدرش يفرقنا للأبد

مروان

من النهارده مفيش حاجة هتفرقنا وإنتي هتكوني مراتي وأنا هحاول أعوضك عن كل اللي فات

#فلاش باااااك 

وبعدها سمر ومروان كانوا بيجهزوا لفرحهم وعمها لما عرف اتخانق معاها وقالها 

سامي 

انتي ازاي يا بت انتي تعملي اللي عملتيه ده ازاي تسيبي بيت جوزك وتفكري انك تتجوزي واحد تاني 

سمر 

وفيها ايه يا عمي يعني لما اروح اتجوز واحد تاني هو ده مش حقي برضو ولا انت كنت فاكرني هفضل عايشه علي ذكري هشام اللي انا عمري ما حبيته 

سامي 

انتي اصلا واحده فقريه ولا عمرك هتشوفي يوم حلو في حياتك عارفه ليه يا سمر لانك اتبطرتي علي عيشتك مع هشام اللي كان مدلعك وكان عايز يجيب لك من السما حته 

سمر 

والله كلامك غريب اوي يا عمي انا أصلا مكنتش عايشه معاه انا كنت حاسه نفسي اني ميته بالحيا عشان كده مصدقت اني بقيت حرة ويمكن ربنا هو اللي عمل كده 

سامي 

طيب يعني كان المفروض علي الأقل كنتي خدتي نصيبك في الورث حقك من جوزك وبعد كده ابقي روحي في ستين داهيه مش تسيبي كل حاجه وتمشي كده حماتك قالت لي انك اتنازلتي عن كل حاجة 

سمر 

ايوه يا عمي اتنازلت عن كل حاجه عشان انا مش عايزة منهم اي حاجه وارجوك بقا سبني اشوف حياتي واعيشها زي ما انا عايزه 

سامي 

بقا كده يا سمر طيب اعملي اللي انتي عايزاه انا هسيبك وامشي وانتي حرة في حياتك يا بنت أخويا 

وبعدها سابها ومشي وبدات سمر تجهز لفرحها علي مروان وبعدها جه يوم الفرح وراح اخدها من الكوافير وقالها

مروان 

ايه القمر ده معقوله انا بقيت انا والقمر ده مع بعض وهبقي في بيت واحد انا مش مصدق نفسي 

سمر 

انا اللي مش مصدقه نفسي يا مروان بجد انت متعرفش انا حاسه بايه والفرحه إللي انا فيها عامله ازاي 

مروان 

حبيبتي ربنا ما يبعدنا عن بعض ابدا تاني يارب 

وبعدها روحوا البيت بعد ما اتصوروا ودخلوا البيت ولسه سمر هتطلع فوق علي شقتها هي ومروان وبعدها ابوه قال 

منصور 

استني عندك يا حلوه انتي رايحه علي فين كده 

مروان 

في ابه يا بابا احنا طالعين شقتنا مش المفروض اننا عرسان جداد ولا إيه 

ردت امه وقالت 

هيام 

هو انت متعرفش انك انت ومراتك هتفضلوا معانا هنا في الشقه يا مروان ولا إيه معلش يا بني اصل انا نسيت اقول لك علي الموضوع ده 

سمر 

يعني ايه هنفضل في الشقه معاكم هو مش المفروض انك مجهز شقتك يا مروان زي ما قولت لي 

مروان 

 ايوه يا حبيبتي الشقه فوق جاهزة تعالي نطلع يلا  

ولسه هيطلع هو وهي علي فوق راح منصور موقفهم وقال بصوت عالي 

منصور 

انت واخدها ورايح بيها علي فين انت فاكر انك انت هتاخدها وتعيش في شقتك فوق لوحدكم ولا إيه لا يا حبيبي انت هتقعد هنا ومراتك هتخدمنا 

مروان 

ايه الكلام اللي انت بتقولو ده يا بابا ازاي يعني عايزني اعيش انا ومراتي هنا وعندنا شقتنا فوق اللي انا عملتها بتعبي 

منصور 

انا قولت كلمتي يا مروان واعمل حسابك انت مش هتدخل عليها الا لما تعمل اللي احنا عايزينه 

سمر 

يعني ايه الكلام ده يا عمي وبعدين هو ايه ده اللي انتو عايزينوا انا مش فاهمه حاجه أبدا 

مروان 

ااا متحطيش في بالك يا حبيبتي وعلي العموم ابويا دلوقتي زهقان وانا مش هقدر اقف قصادة وانتي ادخلي دلوقتي عند ماما 

سمر 

ادخل فين يا مروان ازاي الكلام ده بس هو انا مش المفروض عروسه واني اطلع شقتي 

هيام 

هنا هتبقا شقتك يا حبيبتي وهتفضلي معايا فيها عشان تخدمينا انا وحماكي 

سمر اتصدمت من كلامها وخصوصا ان مروان مش عايز ينطق بكلمة واحده معاهم وبعدها حماتها قالت 

هيام

يلا يا سمر ادخلي جوا وغيري الفستان ده والبسي هدوم مريحة عشان عندنا شغل كتير من النهارده ومفيش وقت للدلع يا حبيبتي 

سمر

شغل ايه يا حماتي وأنا لسه داخلة البيت عروسة يعني هو من أول يوم هتخليني أشتغل ولا إيه 

هيام

أيوه طبعاً هو شغل البيت مش عيب يا بنتي وإنتي بقيتي مرات ابني يعني لازم تعرفي واجبك كويس ومش معنى إنك كنتي عايشة في بيت كبير إنك تيجي هنا وتقعدي مستريحة

سمر

أنا مش بقول إني مش هساعدكم يا حماتي بس اللي أنتي بتقوليه ده كأن أنا جاية هنا عشان أخدمكم مش عشان أعيش مع جوزي

هيام

إنتي هتعيشي مع جوزك وهتخدمي أهله في نفس الوقت وعايزة أقول لك من دلوقتي أنا مش بحب الكسل ولا بحب اللي تقعد طول النهار قدام المراية

سمر

طيب قولي لي بس أعمل إيه وأنا هعمله من غير مشاكل

هيام

أول حاجة ادخلي المطبخ اغسلي المواعين اللي من الغدا ونضفي الرخامة وبعدها اطلعي امسحي السلم كله من أوله لآخره وبعدها ادخلي الحمام الكبير ونضفيه كويس عشان أبو مروان داخل يستحمى

سمر

الحمام كمان يا حماتي

هيام

أيوه الحمام كمان وإيه يعني هو الحمام هينضف نفسه ولا إيه

سمر

حاضر انا هعمل كل اللي قولتي لي عليه 

وفعلا سمر اشتغلت من اوي يوم في البيت بتاع حماها وحماتها ومنصور قال لمروان 

منصور 

بقولك ايه انا مش عايزك تبص لها كده وهي صعبانه عليك خلينا نشف اخرتها معاها عشان متفكرش انها جايه هنا تعيش هانم 

مروان 

ماشي يا بابا بس تخفوا عليها انت وماما وبلاش اللي بتعملوه فيها ده عشان متهزقش من اولها كده 

وبعدها عدت الايام وسمر علي نفس الحال ومش راضيه تتكلم عشان خاطر بتحب مروان وفي يوم هيام قالت لها 

هيام

بقولك ايه يا سمر انا عايزاكي قبل المغرب  تكنسي الشقة كلها وتمسحي الأرض وتغسلي هدومي وهدوم حماكي وبعد كده تنشريهم ولو خلصتي بدري تعالي شوفي العشا هنعمل في إيه عشان لما يرجعوا يلاقو اكل 

سمر

وهو انا هعمل كل ده لوحدي برضو يا حماتي 

هيام

وهو أنا قولت لك اني هجيب لك عمال يعني ولا إيه إنتي مرات ابني والبيت بيتك زي ما قولت لك يعني مسؤول منك 

سمر

أنا من يوم ما جيت هنا وانتي بتقولي لي كلمة بيتك دي مع اني حاسه اني خدامه فيه ومش حاسه اني بيتي خالص 

هيام

بقولك ايه انتي هتفضلي طول اليوم تتكلمي بلاش كلام كتير يا سمر وروحي شوفي شغلك يلا 

وبعدها سمر دخلت المطبخ وهي بتحاول تتمالك نفسها وبدأت تغسل المواعين وبعد ما خلصت لقت هيام داخلة عندها 

هيام

ايه ده هي  ليه الرخامة عليها نقطة مية كده ايه القرف ده ياريت تمسحيها كويس وبعدين هاتي المقشة وابدئي في السلم

سمر

حاضر يا حماتي 

هيام

ومتقوليش حاضر وبس عايزاكي تنجزي عشان اليوم قصير ومش طويل للدلع ده 

وفضلت سمر علي الحال ده لحد في يوم ما حست نفسها تعبانة من كتر الشغل ولما خلصت لقت هيام بتقولها 

هيامخ

 روحي حطي الهدوم في الغسالة وبعدها امسحي الصالة عشان أنا شايفة التراب فيها

سمر

ايه الكلام ده بقا حرام والله كده أنا من الصبح وأنا واقفة على رجلي ومش قادرة أكمل خلاص تعبت 

هيام

إنتي هتشتكي من اولها يا سمر ولا ايه ده انتي لسه بقالك كام يوم بس معانا لحقتي تشتكي من الشغل 

سمر

أنا مش بشتكي بس أنا تعبت فعلا من كتر الشغل اللي علي دماغي ده 

هيام

ما هو ده النظام يا حبيبتي اي ست تدخل بيت جوزها لازم تستحمل وتعرف مسؤوليتها وبعدين إنتي مش كنتي عايزة تتجوزي مروان ابني اللي انتي بتحبيه 

سمر

أيوه كنت عايزة أتجوزه بس مكنتش عارفة إن حياتي الجديدة هتبقى بالشكل ده خالص وانا مش هقدر افضل مستحمله كده كتير 

هيام

اعملي اللي بقولك عليه وبلاش جدال

وبعدها سمر سكتت وكملت شغل البيت لحد ما اليوم خلص وكانت خلاص مش قادرة تحرك رجليها من التعب ودخلت الأوضة وقعدت على طرف السرير وهي بتتنفس بصعوبة

وبعد شوية دخل مروان وبص لها باستغراب

مروان

مالك يا سمر شكلك تعبان أوي ليه كده هو إنتي عملتي إيه طول اليوم 

سمر

هو إيه اللي بيحصل لي ده يا مروان معقولة أنا يحصل لي كده أنا من أول ما دخلت البيت وأنا بشتغل كأني خدامة عندكم

مروان

معلش يا حبيبتي يعني أنا هعمل إيه وإنتي شايفة أمي وأبويا هما اللي عايزين كده وأنا مقدرش أقول لهم إنتوا بتعملوا إيه لأن زي ما إنتي عارفة انا ما ليش حد غيرهم في الدنيا دي كلها

سمر

يعني إنت جايبني هنا عشان أشتغل خدامة يا مروان أنا ما كنتش أتصور أبدا إن ده يحصل لي خصوصا إني اتجوزتك عشان بحبك وكنت فاكرة إنك هتكون سندي

مروان

معلش يا سمر استحملي شوية وأنا مش عايزك تزعلي منهم وبعدين اعتبري نفسك في بيتك يعني إنتي لو في بيتك مش هتعملي شغل البيت

سمر

أنا كنت عايشة في فيلا وكان عندي خدم وناس بتخدمني أجي هنا أنا اللي أبقى خدامة ليه أنا كل ده عشان اتجوزتك لأني أنا بحبك

مروان

خلاص بقى يا حبيبتي مش عايزين نتكلم في الحوار ده دلوقتي وتعاملي كأنك بتتعاملي في بيتكم يا سمر أكيد يعني كنتي بتعملي كده مع والدك ووالدتك الله يرحمهم

سمر

ماشي يا مروان أنا هستحمل عشان خاطرك إنت بس بس لو مامتك فضلت تضغط عليا بالشكل ده أنا مش هسكت عشان خاطري يا مروان خليها تهدى عليا شوية عشان أنا تعبت

مروان

حاضر يا حبيبتي أنا هقول لها إنها ما تضغطش عليك جامد وإن شاء الله الأمور تهدى

وتاني يوم كان مروان في الشركة وقاعد مع ابن عمه سيف بيتكلموا في شغل الشركة ولما عرف ان مروان اتجوز بص له باستغراب وقال

سيف

انت بتقول ايه يا مروان انت اتجوزت سمر مرات هشام ازاي يعني انت اتجوزت أرملة زي دي وانت لسه صغير 

مروان

هو ايه اللي ازاي يا سيف وبعدين انت مالك انت أنا اتجوز اللي أنا عايزها ولا إنت بقيت تتحكم في حياتي كمان ولا إيه 

سيف

أكيد هتحكم فيك طبعا هو انت مش ابن عمي وأنا المفروض أقول لك على الصح والغلط واللي انت عملته ده أكبر غلط انك  تتجوز سمر مرات هشام

منصور

وانت مالك انت يا سيف وبعدين انا اللي جوزت مروان وسمر لبعض انت بقا عايز ايه بالظبط

سيف

ازاي يعني يا عمي وأنا عارف العداوة اللي كانت ما بينك وما بين هشام وعارف إن الموضوع ما كانش مجرد خلاف عادي وعشان كده أنا مستغرب إزاي مروان راح واتجوز ارملته 

مروان

عادي يا سيف وبعدين اللي انت ما تعرفوش إن أنا وسمر كنا بنحب بعض زمان وهشام هو اللي اتجوزها وأخدها مني ولما هشام اتوفى أنا رجعت لسمر واتجوزتها

سيف

لا يا شيخ بقى انت هتعمل عليا الحبتين دول وفاكر إني هصدق الشويتين اللي بتقولهم دول هو انت عمرك أصلا عرفت تحب يا مروان

منصور

سيف انت عايز ايه بالظبط وانت مالك انت ومالك ابن عمك خليك في حالك وما تدخلش في اللي ما لكش فيه

سيف

يا عمي أنا عايز مصلحتكم انتوا الاتنين ومش فاهم إيه غرضكم من الجوازة دي 

منصور

برضو ملكش دعوة يا سيف وخليك في حالك وما تتدخلش في حياتنا ولا في جوازة مروان ابني انت سامع 

سيف

بقى كده يا عمي على العموم أنا عارف كل حاجة بس ساكت بمزاجي واللي انتوا عملتوه زمان في هشام أنا عارفه وعارف ليه عملتوه وعارف ليه مروان اتجوز اللي اسمها سمر بعد موت وأنا مش عبيط ولا أهبل عشان أصدق أي كلام يتقال لي

مروان

بقول لك خليك في حالك يا سيف وابعد عننا ولو عايز ما تجيش الشركة هنا تاني براحتك احنا نقدر ندير الشركة بنفسنا

سيف

إزاي يعني وانت عارف إن ليا نصيب في مجلس الإدارة هنا يعني مش همشي وأسيب لك انت وعمي الجمل بما حمل وانت عارف إن ليا نصيب كبير هنا ويمكن أكتر منكم كمان وأنا مش هسيب الشركة ولا هسيب حقي فيها

منصور

اللي عندك اعمله يا سيف واحنا اللي عندنا هنعمله برضه ومحدش فينا هيخاف من التاني

سيف

تمام يا عمي علي العموم أنا قلت اللي عندي ومش هفتح الموضوع أكتر من كده دلوقتي بس خليكم فاكرين إن سكوتي مش معناه إني مش عارف

وبعد ما سيف خرج من المكتب بص منصور لمروان بقلق وقال

منصور

هو عارف منين حكايتنا مع هشام دي ما حدش كان يعرف اللي حصل بينا 

مروان

مش عارف والله يا بابا بس تفتكر ممكن يكون عارف حاجة من اللي حصل زمان

منصور

أكيد وإلا هو بيتكلم بالثقة دي كلها ليه لازم نعرف هو عرف منين وإيه اللي في إيده

مروان

بس يا بابا الموضوع ده بقاله سنين ويمكن هو بيحاول يخوفنا وخلاص

منصور

أنا مش مطمن له يا مروان وسيف عمره ما بيتكلم من غير ما يكون وراه حاجة

وفجأة بدأو يفتكروا اللي حصل زمان 

#فلاش بااااك

كان هشام قاعد مع منصور ومروان في مكتبه ومنصور بيتكلم معاه بعصبية 

منصور

اسمع يا هشام موضوع الشغل الأخير اللي انت اشتغلت فيه ده احنا لينا نصيب فيه والفلوس اللي دخلت بسبب الشغل ده المفروض يكون ليا أنا وابني نصيب منها

هشام

انت بتقول ايه يا منصور انت عارف انت بتتكلم مع مين ولا مش عارف

منصور

لا عارف يا حبيبي عارف إن أنا بتكلم معاك وإنت واحد من أكبر الناس اللي دخلت في شغل مشبوه في البلد دي 

هشام

اااه يعني أنا كده بقيت حرامي يا منصور طب لما أنا ابقي حرامي انت وابنك مروان تبقوا إيه شيوخ منصر 

مروان

بقول لك يا هشام قصر في الكلام وقول لنا من الآخر انت عملت إيه في فلوس البضاعة اللي خدتها وليه ما رضيتش تقسمها علينا

هشام

ما عملتش حاجة يا مروان والفلوس مش معايا اصلا ولو معايا انتو ملكوش حاجه فيها 

مروان

يعني إيه الفلوس مش معاك انت بتستعبط أنا عارف كويس إن الفلوس دخلت عندك وإنها وصلت لك كلها

هشام

قولت لك الفلوس مش معايا واعلى ما في خيلكم اركبوه

منصور

بقى كده بس انت كده بتفتح النار على نفسك يا هشام ولو الموضوع ده ما اتحلش دلوقتي هيبقى بعد كده مصايب كبيرة على دماغك

هشام

وأنا ما حدش بيهددني يا منصور واللي عندكم اعملوه انت وابنك

منصور

على العموم ماشي يا هشام احنا هنعرف نتصرف وهنعرف الفلوس دي راحت فين

وبعدها خرج هشام من عندهم مروان 

مروان 

هنعمل ايه يا بابا دلوقتي مع الزفت ده انا مش مرتاح له 

منصور 

هشام لازم يموت يا مروان واحنا لازم نخلص من الحكايه دي في أسرع وقت ممكن 

وبعد أيام منصور اتصل بواحد اسمه فتحي وراح له ومنصور قاله 

منصور

تعالي يا فتحي ادخل 

فتحي 

تحت امرك يا منصور بيه كنت عايزني حضرتك 

منصور 

ايوه أنا عايزك تخلصني من هشام بيه عايزك تفك فرامل العربيه بتاعته من غير ما حد يحس بحاجة والموضوع ده يخلص من غير دوشة ومن غير ما حد يعرف إن لينا علاقة بيه

فتحي

وانا تحت امرك يا منصور وهتصرف بالطريقة اللي تخلي الموضوع يبان كأنه حادثه عادية 

منصور

المهم محدش يعرف حاجة عشان لو الموضوع اتكشف هتبقى مصيبة علينا كلنا

وفعلا فتحي نفذ وفك فرامل العربيه لتاعت هشام وبعدها خرج هشام علي الطريق وفقد السيطرة عليها وعمل حادثه كبير واتوفي هشام

وبعد الحادثة سيف كان الوحيد اللي بدأ يشك في الموضوع ودخل علي عمه ومروان  وقال

سيف

أنا عايز أعرف حاجة واحدة وبصراحة انتوا ليكم يد في موت هشام انت يا عمي او انت يا مروان

الفصل الثاني من هنا