رواية جنون مراهقة الفصل الأول بقلم مجهول
قصة حقيقية و بيه عبره واتمنه الكل يستفاد منه
اسمي رقية عمري 27بشرتي حنطية طولي ١٥٦ شعري اسود وعيوني بني يعني مواصفات المرة شرقية ☺بوكت احداث القصة جان عمري ١٧
سنة
راح احجيلكم قصتي وشلون ظلمت نفسي وناس ظلموني بسبب تصرف مني غلط دمر حياتي .....
انة من الناصرية عايشة وية اهلي متكونين من 7 ولد 4 بنات وامي وابوي اني الزغيرة بيهم واجن مثل مايكولون اهلنة اصغر العنكود مدلل جنت مدللة من امي وابي ومانكر هم من اخوني ماعدى اخوي سالم هواي مشدد علي ويضوجني .. اني من صغري احب العمال اليدوية والحياجة وجنت احب اشارك بعمالي بلمدرسة ... وجنت اقررة قصص الحب ومتوقعة الحياة هيج ونهاية كل حب سعيدة وجنت احلم انو اهلي اخلوني اسافر ويعوفوني ع راحتي ومايدخلون بية ..اخلص من سالم اخوي .جنت سبورتية وحركة ولساني طويل وماخاف من احد طبعا بس من سالم .
.
المهندس عمر ..
عمري ٢٩ سنة ومن بغداد مواصفاتي ابيض وجسمي معضل وضخم وعيوني عسلي ...
جاني شغل ع قطعة ارض ب الناصرية وجان لازم انو اكون موجود اشرف ع شغل العمال وفعلا حضرت جنطتي وسافرت للناصرية ... ووبيقيت هناك وجان قريبة ع مكان شغلي مدرسة بنات اعدادية .. ولفت انتباهي بنية غير عن كل البنات جان تضحك بصوت عالي وتتمايع بمشتها ضليت ايام واني منتبهلها صراحة عجبتني ك اعجاب بس مو حب حاولت اعرف وين بيتها لو رقم تليفونها بس طلعت ماعدها تليفون لان بوكتنة ماجانت منتشرة المبايلات هواي كدرت اعرف رقم تليفوان اهلها الارضي وتصلت اكثر من مرة وجان متطلع هية
الحد مامرة تصلت طلعت هية وضليت احجي وياها الحد محفظت صوتها بحجة رقم غلط وهل سوالف
ضليت كل يوم اتصل ويصدف هية ترد علية وبقينة نحجي وسالتها شسمها ومن هل حجي وجانت سهلة بساع اجتي لطريق بس هية متعرفني منو اني ومكتلها اني المهندس للي بلعمارة الي مقابيل مدرستج ..
رقية: اتصل علة التليفون الاارضي مالتة رقم مال مبايل وضل يعاكس وكل يوم يخابر الحد مابدت علاقة حب اني وياه وندمجت وياه بساع ردت بس انهزم من سالم وشغل نفسي بشي ثاني .. ومرة من مرات ضل سالم يشك بية انو عندي شي ويسالني دايمن ويامن تحجين بتليفون واني اكولة وية صديقتي الحد ما لكفني واني احجي وية عمر وبوكتها شبعني كتل وهوة واهلي بس اني مكتلهم من الكاعد احجي وياه ضليت بلبيت مذلولة وزاد تعجرف مال سالم وضل ع اقل شغلة يضربني واهلي انطو الحق كلشي يسوي بية .. تعبت منة ومليت تصلت ع عمر وكتلة عمر بعد ماكدر اعيش وية اهلي مليت ومرمروني وحتة بطلوني من المدرسة ..
عمر: اصبري حبي شوية بس اظبط وضعي وراح اجي اخطبج استحملي شوية الخاطري ... وبهذا الوكت خلصت شغلي بالناصرية ورجعت البغداد ..
