رواية زواج من اجل الثأر الفصل الاول
مازن
مش عيب تقولي لجوزك في يوم دخلتنا انك بتحب حد غيره حد قال لك ان انا مش راجل
كارما
وانت ترضى على رجولتك انك تقرب من واحده مش طايقاك انا مستحيل احبك يا مازن وزقته وبغيظ قالت نجوم السماء اقربلك من انك تقرب مني
وقبل ما نبدا الحكايه اعرفكم بكارما اللي عندها 22 سنه وفي يوم كانت قاعده فى اوضتها بتعيط دخل عليها عمها عزيز وقال
عزيز
اسمعي يا بنت انتي هتتجوزي مازن غصب عنك ورجلك فوق رقبتك الدم اللي بين العيلتين السنين دي كلها مش هيتحول لرماد غير بجوازك منه
كارما
وانا مالي بالعداوه اللي بينكم انت عايز تدفني بالحياه ليه ذنبي انا ايه
عزيز
بنت انت كلامي واضح وهيتسمع مش ابوكي مش عايز ينزل مصر بحجه ان هو شغال بره انا مش هسمح ان هم يقتلوا ابني او يمسوا حد من العيله عشان لعب عيال
كارما
بس انت عارف ان انا وسالم بنحب بعض ليه عايز تظلمنا مش سالم ده ابنك بردو يا عمي ابوس ايدك بلاش الجوازه دي انت كده عايز ترميني في النار
عزيز
كلامي قولته خلاص يا اما عظيم بيمين ادفنك مكانك وان كان على سالم فرحه هيكون في نفس يوم فرحك على البنت ورد بنت خالته اهي دى اللى جوازتها تشرف تعرفي هي عندها كام قيراط ولا ابوها بيزرع كام فدان وعندهم قد ايه فلوس ابني مش هيتجوز غيرها وقفلي على السيره دي وجهزي نفسك يا عروسه وسابها ومشي
كارما
لا مستحيل سالم يتجوز غيري هو بيحبني زي ما انا بحبه
وبعدها دخلت الاوضه وبدات تفتكر اللي حصل
فلااااش بااااك
كارما كانت في اوضتها اتفاجئت بسالم داخل ومعاه تورته
كارما
سالم انت ايه اللي دخلك هنا دلوقتي الساعه 12:00 انت متخيل لو حد دخل وشافنا مع بعض انا وانت في الوقت ده هيعمل فينا ايه
سالم
انا جايب التورته دي وجاي اعيد عليكي وحبيت اكون انا اول واحد يقول لك كل سنه وانت طيبه يا كارما هزعل قوي لو حد عيد عليكي قبلي
كارما
انت بجد جايب التورته دي وجايلي في الوقت ده علشان تهنيني بعيد ميلادي ليه بتعمل كل ده
سالم حط التورته على الترابيزه وقرب منها وقال
سالم
علشان بحبك وعايزك تكوني مراتي وحبيبتي في اقرب وقت لو تعرفي يا كارما بحارب قلبي قد ايه علشان يصبر على حبك لحد ما تبقي حلالي
كارما
بجد يا سالم بتحبني يعني اهتمامك ده كله حب مش مجرد واجب عشان انا بنت عمك
سالم
لو هو بجد مجرد واجب كنت هعمله مره ومليون لا بس لو تلاحظي ان كل عيد ميلاد ليكي انا اللي بكون اول واحد جاي لك والمره دي عيد ميلادك مختلف لان التورته دي انا اللي عملتها بايدي وبمرح قال تخيلي ان سالم الغرباوي اللي شنبه قد كده في وشه دخل المطبخ وعملك التورته بايده وطلع من جيبه سلسله دهب وقال انت اغلى من اي حاجه دهب بس انا جبت لك دي علشان جواها صورتي وصورتك
كارما خدتها منه ولبستها وقالت
كارما
مش هقلعها ابدا يا سالم انا كمان بحبك قوي مستنيه اليوم اللي هكون في حلالك يلا بقى نطفي الشمع
سالم قطع التورته واكلها وقال
سالم
عقبال ما اكلك فى بيتنا وانتى فى حضنى وغمز بعينه ليها
كارما
ساعتها انا اللي هعمل لك كل حاجه بايدي وادوقك عشان تعرف ان انا ست بيت شاطره ده احسن عيد ميلاد اتعملى عشان عرفت ان انت بتحبني زي ما انا بحبك اوعى تطعني في ظهري يا سالم انا كبرت على ايدك انت
سالم
عمري ما اكون سبب في زعلك ابدا هفضل باصص للقمر كل ليله واشتكيله حالي لحد ما تكوني في حضني ساعتها بس هقول ايامي نورت بوجودك يا كارما
وكانو بيحبوا بعض اوي واول لما العم عرف بكده حاول أنه يبعدهم عن بعض
بااااك
كارما
سالم وعدني ان هو هيتجوزني انا لازم افهم ليه دلوقتي عايزه اتجوز غيري وطلعت من الاوضه وراحت عند سالم اللي اول ما شافها قال
سالم
ايه يا كارما اللي جيبك عندي في الوقت ده انت ناسيه ان ابويا موجود في البيت ولو شفنا مع بعض انا وانتي مش هيعديها بالساهل
كارما
هو سؤال واحد وعايزه اجابته انت بجد هتتجوز ورد بنت خالتك علشان هي اغنى مني مش انت وعدتني بالجواز
سالم
وانا عند وعدي ليكي يا كارما بس الظروف اقوى مني ومنك لو رفضت جوازي من ورد ابويا هيحرمني من الورث وهيستغنى عني مش هيخليني اشتغل في اي حاجه ساعتها قولي لي باي عين هاجي اطلب ايدك وهنصرف منين
كارما
احنا ممكن نهرب انا وانت ونتجوز ونحطهم تحت الامر الواقع عمي عايز يجبرني اتجوز انا كمان من مازن وانت عارف العداوه اللي بين العيلتين لان مازن فاكر ان احنا السبب في موت اخوه
سالم
طيب روحي دلوقتي اوضتك عشان وقت متاخر وانا هشوف حل في الموضوع ده بس عايزك تتاكدي ان انا بحبك وان ما حدش هياخد مكانتك في قلبي
كارما
انت اول راجل حبيته يا سالم واخر راجل كمان قلبي هيدق ليه ومش عايزه غيرك انت وسابته ومشيت
و عند مازن كان قاعد فى المكتب بيراجع ملف الصفقه دخل عليه عمر وقال
مازن
نفسي في مره تدخل تخبط على الباب دخل الطور الهايج ده هتخليني اخصملك سنه قدام
عمر
وانا نفسي تبطل نرجسيه وتعيش دور المدير انا ليا في الشركه دي زيي زيك بالظبط
مازن
بلاش تفرد صدرك قوي كده انا ممكن اسحب اسهمي في ثانيه وهخليك تبلط في شركتك براحتك
عمر
خلاص يا عم متبقاش قموص هو انا عملت حاجه اومال لما تسمع اللي انا جايلك علشانه هتعمل ايه هتوأدني
مازن
قولي يا وش المصايب قول انت محسسني ان انت بعد الشر بتيجي تقولي اخبار عدله
عمر
الست الوالده عرفت ان انت عايز تتجوز كارما الغرباوي بنت الراجل اللي قتل اخوك ومن ساعتها وهي اعلنت الحرب عليك
مازن
وايه المشكله ما دا المتوقع ما كدا كدا هتعرف وكويس أنها عرفت عشان لما اجيبلها العروسه مش تتفاجأ
عمر
يعني انت راجع من امريكا وشايف الالوان كلها والقماش كله يوم ما تتجوز تتجوز دي لا وايه بينكم عداوه وفي دم دا امك ممكن تتجلط انت ناسي ان هي كانت مواعده بنت خالتك بالجواز منك
مازن
بقول لك ايه انا من بعد موت ابويا واخويا مش عايز اي عداوه تاني عايز اعيش بسلام اصل انا هخسر ايه اكثر ان انا خسرته وان كان على امي انا هعرف احتويها لكن بنت خالتها بنت عمتها انا ما ليش دعوه اللي اتكلم يشيل مسؤوليه كلمته
وعند سالم دخل عند ابوه وبغيظ قال
سالم
اللي سمعته ده يا بابا انت بجد عايز تجوز كارما لمازن انت عارف ان انا بحبها وعايزها هي اللي تكون مراتي
عزيز
انت عبيط ياض ولا شارب حاجه اقفل الباب دا وتعلالى
سالم قفل الباب وقال
سالم
ايه يا حاج هو منفعش فى التمثيل ولا ايه ومش تقلق ابنك مش بيشرب انا متربي على فكره
عزيز
يا راجل ما لولا ان انت كنت شارب في الليله المشؤمه دي ما كانش حصل اللي حصل وبعدين كارما ايه اللي انت عايز تتجوزها مش انت اللي قايل لي اجوزها غصب عنها من مازن وانت تاخد ورد بنت خالتك علشان معاها فلوس اكتر
سالم
يا لهوي عليك يابا هو انت مش بتنسى لازم تفكرني بالليل المشؤمه دي وبعدين اللي حصل حصل بقى هتفضل تجلد فيا عمري كله وبدأ يفتكر اللى حصل
فلااااش بااااك
في المكتب مؤمن كان قاعد وسالم كان بيتخانق معاه وبزعيق قال
سالم
بس انا عاوز الصفقه دى يا مؤمن انت لو ملكش فى اللبش فانا موجود
مؤمن
سالم انت مش في وعيك دلوقتي ممكن لما تبقى واعي نتكلم ما تبقاش شارب فودكا وبتتخانق
سالم
طب مش تنسى ان احنا شركاء في الشركه دي النص بالنص اخوك سابك وراح امريكا علشان يدرس اداره اعمال وطبعا انا وانت اللي شايلين الحمل كله مش هنفضل نلعب في النظيف وبس كده احنا مش هنطلع السلم ابدا هنفضل في مكاننا
مؤمن
وانا مستحيل ادخل صفقه زي دي مستحيل احط فلوس في صفقه حرام زي دي مش انا اللي أبوظ شباب بلدي انت مش هتحلل الحرام
سالم
كل ده علشان بقولك نحط نسبه فودكا صغيره في القمح اللي بتصنع بيه العيش او نتعاقد مع شركه بتصنع العصائر ونحط نسبة 1 فى الميه بس انت عارف الارباح هتبقى عامله ازاي
مؤمن
الكلام خلص يا سالم لما تفتح شركتك الخاصه ابقي اقبل الصفقات اللي انت عايزها لكن طول ما انا شريكك وانت شريكي يبقى ياريت نحترم قرار بعض
سالم
تمام اللي تؤمر بيه يا مؤمن بيه وسابه ومشي
مؤمن
انا مش عارف هو بيفكر ازاي هي الفلوس لحست دماغه مش فارق معاه حرام من حلال مش كفايه القرف اللي هو بيشربه ده والله لولا ان الشركه محتاجه الاسهم بتاعته كنت زماني رميته بره الشركه من بدري
في الوقت ده دخل كريم ابو كارما عم سالم اللي كان سامع كل حاجه وقال
كريم
مؤمن يا ابني نصيحه لله لو الشركه هتعلن افلاسها بلاش يبقى عندك شريك ولو بنسبه 1% زي سالم ده بيضر مش بينفع هو ابن اخويا وانا عارفه اكثر منك
مؤمن
مش تقلق يا عمي انا مصحصح والله وبعدين كلها سنه واحده بس ومازن ينزل من امريكا هيكون خلص الماجستير اللي عايز ياخده في اداره الاعمال وانا هو نحط ايدين في ايد بعض والشركه هتكبر
كريم
طب يا حبيبي انا هستاذن انا بقا قبل ما كارما تقيم علي الحد
مؤمن افتكر ان سالم حكاله قبل كده عن حبه لكارما وبتوتر قال
بقول لك يا عمي هي بنت حضرتك دي لو حد قدم لها زي سالم هتوافق
كريم
مستحيل طبعا سالم ده بتاع بنات مش هيبص لكارما بنتي الا لو هو عايز منها حاجه يستحيل يتجوزها كزوجه هو عايزها زي البنات المعفنه اللي بتترمى تحت رجليه وبالفعل هو طلب ايديها مني بس انا رفضت سالم مش راجل ده عيل صايع عايز كل حاجه تجيله على الطبطاب همشي انا بقا ولو فى حاجه عطلت معاك كلمنى وسابه ومشي
مؤمن
سبحان الله فرق السماء والارض سالم وابوه عاملين زي النبته السامه لكن عمي كريم مختلف تماما عنهم
في الوقت ده سالم دخل عليه وبغل قال
سالم
انا نبته سامه وطلع السكينه من جيبه وقال هتمضي على الصفقه يعنى هتمضي انا مشيت فى النضيف ولسه واقف مكانى
مؤمن
انت بتعمل ايه يا مجنون وحط ايده على اللاب توب بتاعه وما خدش باله ان هو فتح الكاميرا بتاعت اللاب توب
سالم
هخلص منك عشان اتحكم انا في كل حاجه وضربه بالسكينه في قلبه ولما لقاه وقع على الأرض مش بيتحرك طلع يجري على برا
وتاني يوم راح كريم المكتب وكان مؤمن مرمي علي الارض وراح وشال السكينه منه
كريم
مؤمن مين اللي عمل فيك كده يا ابني
وبعدها دخل سالم
سالم
اي ده ليه يا عمي عملت كده معقول الغل والحقد يخليك تقتل الراجل
كريم
اي الكلام الغريب اللي بتقول عليه ده انا معملتش حاجه والله
سالم
ازاي كانت ماسك السكينه اهو معقول تقتل الراجل اللي لحم كتافك من خيرة
وبعدها كريم زقه ورمت السكينه وطلع يجري وفي الوقت ده هرب علي امريكا ومن يومها كارما موجوده في بيت عمها والكل فاكر ان اللي قتل مؤمن هو كريم
بااااك
سالم
دا انا بحمد ربنا أنه مسك السكينه ب ايدو وشال هو الليله كلها وهروبه برا البلد هو اللي جه في صلحنا
عزيز
عارف يا غبي لو كنت فضلت شريك لي في الشركه ومش ضيعت راس المال اللي حيلتنا كنت وصلت فين شايف مازن لما رجع من امريكا وصل الشركه فين بس هقول ايه المنحوس منحوس حتى لو علقوا على بابه فانوس
سالم
ما خلاص يا حج كده كده عمي ثبت التهمه عليه لما اسافر وساب بنته مش عارفين نوصل له ولا هو عايز ينزل عارف لو كان بعث لنا شويه من الشكاير اللي بيلمها كل شهر من شغله كنت هبقى حنين مع بنته
عزيز
بمناسبه بنته بقى ايه قصه الحب اللي بينكوا دى انت بجد بتحبها زي ما هي قالتلى
سالم
بحب مين يا حاج ده انا كنت بلعب بمشاعرها واحده جابتها ناقصه اهتمام فقلت ارويها شويه انا بس كنت عايزه انول المراد وارميها بس هي دماغها ناشفه كل اللي طالبه منك انك متتكلمش عن جوازي من ورد قدامها تاني عايزها تفضل فاكره ان انا العاشق الولهان اللي مستنيها ترجعلي علشان نتجوز
عزيز
ودا من ايه ان شاء الله بتفكر فى ايه اصل انا عارف ان دماغك دي سم وكل حرف بتقوله بيبقى وراه مصيبه
سالم
ولا مصيبه ولا حاجه كل الموضوع ان مازن مش هيستحمل انها تجيب سيره راجل تاني على لسانها وممكن يلطشها قال عمي يطخها رصاصه وبكده نكون ضربنا عصفورين بحجر واحد خلصنا من مازن وخلصنا من كارما ونقش احنا اللي بينهم
عزيز
هو دا ابني انا عارف ان انت وارث الذكاء ده مني انا احنا هنحط البنزين حوالين الكل وهنسيبهم هم يولعوا في بعض ونقعد نتفرج ونلم الغنايم في الاخر
وفي البيت عند مازن كان لسه راجع من الشركه وداخل على اوضته اتفاجئ بأمه وراه بتقول
سناء
جوازتك دي لو تمت انا مش راضيه عنها ولا راضيه عنك يا مازن لو كنت فعلا بتعتبرني امك مش مرات ابوك اتجوز نانسي وسيبك من بنت اعدائنا الدم عمره ما يتحول ميه ولا هيتردم الدم بيتعالج بالدم وبس
مازن
هو انت مطبقه على سلسال الدم ولا ايه بقول لك ايه يا ست الكل انت عارفه ان انتي على عيني وعلى راسي بس دي حياتي وانا حر فيها وهتجوز كارما بكره والدم ده هقفل بابه خالص
سناء
طب ونانسي اللي فضلت مستنياك السنين دي كلها لحد ما ترجع من امريكا وتقف على رجليك ده جالها عرسان كثير ورفضتهم علشان حطت امالها عليك
مازن
بس انا مش ادتها كلمه ولا قولتلها استنى اعتقد اللي قال لها تستنى هو اللي يشيل ذنبها مش انا عن اذنك عشان انا جاي تعبان ولازم اجهز نفسي علشان بكره هكتب الكتاب على كارما وهعمل اشهار وهتبقى مراتي وبتحدي قال وكرامتها من كرامتي واللي هيمسها بسوء انا اللي هتصدرله وسابها ودخل اوضته
سناء
ماشي يا مازن ياريتك انت اللى موت مش مؤمن دا كان زى الخاتم فى صباعي انت اللى على طول خلف خلاف معايا
وتانى يوم كارما كانت قاعده في الصالون وقدامها الماذون ومازن بس عينيها كانت بتدور على سالم اللى مكنش موجود وبهمس قالت
كارما
انا مش عارفه ايه اللي خلى مازن يوافق على الجوازه دي بسرعه هو ولا يعرفني ولا انا اعرفه
عزيز ضربها فى دراعها وبغيظ قال
عزيز
الماذون بقاله ساعه بيقولك امضي يا عروسه اللي واكل عقلك يتهنى بيه
كارما مضت وطلعت تجري على اوضتها قبل ما عمها يجبرها على حاجه تانى
مازن ببرود قال
اعتقد اننا كده عملنا اشهار وبقت مراتي ليه ممكن اطلع اخذ مراتي ولا عندك مانع يا عزيز بيه
عزيز
اتفضل يا ابني بيتك ومطرحك انت بقيت واحد مننا خلاص او انا هوصل الماذون على الباب وهخلي حد يطلع شنط العروسه في عربيتك اوضتها تاني اوضه على الشمال
مازن دخل الاوضه و لسه هيتكلم بس كارما سبقته وقالت
كارما
ليه اتجوزتني انت عمرك ما شوفتني اصلا كان ممكن تقفلوا باب الدم ده بعيد عني
مازن قرب منها وهمس جنب ودانها وقال
مازن
لينا بيت نتكلم فيه ولا تحبي نقضي اول ليله في بيت اهلك
كارما
انا بكرهك
مازن
لو اهلك مش علموكي ازاي تحترمي جوزك فانا موجود عشان اعلمك قدامي عروسه ولا تحبي اشيلك لحد البيت
كارما شدت ايديها منه ونزلت وركبت معايا العربيه ووصلوا البيت واول ما سناء شافتها قالت
سناء
منوره يا عروسه خشي برجلك اليمين وقربت منها وبمس قالت خلى نفسك طويل عشان انا مش هخليكي تتهنى يوم واحد هنا
مازن
عن اذنك يا ماما تعبان وعايز ارتاح وشد كارما ودخل الاوضه وقفل الباب وراه
كارما واقفه مع مازن في اوضه النوم وبتقول ليه
كارما
بقولك اي نزل ايدك من عليا هو انت استحلتها كل شويه تمسكني انت لا يمكن هتكون جوزي واقولك على حاجه بقى انا بحب سالم ابن عمي والجواز ده باطل وفي احلامك انك تلمس شعرايه مني
مازن
مانا عارف انه باطل وانتي شكلك واخده مقلب فى نفسك انا مش اتجوزتك حباً فيكي انا اتجوزتك انتقام من ابوكي عشان اللي عمله في اخويا وزي ما ابوكي قتل اخويا انا كمان هقتلك
كارما
اخرس قطع لسانك انا بابا مستحيل يأذي نمله ازاي ممكن اصدق ان هو يقتل بني ادم وبعدين على حد علمي ان انت كنت في امريكا فازاي متاكد ان ابويا هو القاتل
مازن
كاميرات المراقبه جابته في المكتب مع اخويا وما فيش ثواني ولو اخويا مقتول تقدري تفسري الموضوع ده
كارما
انا مليش دعوه بكلامك ده بابا ده احن واحد في الدنيا عليا وكمان هو مقتدر ماديا يعني معندوش دافع انه يقتل اخوك وربنا يعلم هو كان بيحب اخوك قد اي ولا يمكن يعمل الكلام الغريب اللي بتقول عليه ده
مازن قرب منها وزقها على السرير وحاصرها وبهمس قال
مازن
مش عيب تقولي لجوزك في يوم دخلتنا انك بتحب حد غيره حد قال لك ان انا مش راجل
كارما
وانت ترضى على رجولتك انك تقرب من واحده مش طايقاك انا مستحيل احبك يا مازن وزقته وبغيظ قالت نجوم السماء اقربلك من انك تقرب مني
مازن
انت اصلا مش ذوقي انا جايبك هنا بس عشان اذلك وأهينك وخليكي فاكره ان الخدامه مكانتها هنا اكبر منك
كارما
هو انت شايف ان من الرجوله الكلام اللي بتقولوا ده
وبعدها رفع ايدو وكان هيضربها بالقلم ولما شاف نظره الخوف في عينيها نزل ايدو بسرعه وكان عامل يبص في عيونها جامد وفي الوقت ده سابها وخرج وهي فضلت قاعده علي السرير تعيط وبعدين قالت
كارما
فينك يا بابا سافرت وسبت بنتك تتمرمط لو كنت هنا مكنش حصل ده كله
وعدى شهر على الاحداث دي وسناء كانت كل يوم تضايق في كارما وتلقح عليها بالكلام وفي يوم كارما كانت لابسه قميص قصير وسرحانه اتخضت لما سمعت حد بيفتح شباك الاوضه بتبص لقيته سالم
كارما
سالم انت اتجننت انت ايه اللى جابك هنا وازاي تدخل بالطريقه دى انا مبقتش فى البيت بتاعنا
سالم كان واضح أنه شارب لأنه مش متزن فى مشيته قرب على كارما وقال
سليم
تعرفي ان انا كل يوم بتخيلك معايا في السرير من يوم ما اتجوزتي وبصلها بتقييم وقال البياض والجمال ده عايزه ليا لوحدي انا واثق ان مازن مقربش منك وشدها عليه وحضنها غصب عنها
كارما
ايه الكلام اللي انت بتقوله ده اوعى كده عيب شكلك مش في وعيك الوضع ده مش صح كان قدامك فرصه ان انت تتجوزني بس انت فضلت تماطل لحد ما غيرك خدني
