رواية حين تتغير الاقدار الفصل الأول بقلم سناء الهموندي
نفتح معكم باباً من بوابة الزمان، في زمن كان يجمع بين الحب والتفاهم الحقيقي.
"ستمضي الأيام.. وتتخلى عن أشياء أدمنتها، ستترك أحداً وستخسر آخر، ستلغي حلماً، وأخيراً ستتقبل واقعاً. هكذا هي الحياة."
الحياة لا تمنح دروساً بالمجان؛ فقد تسلب الكثير منك مقابل أن تعلمك شيئاً واحداً لن تنساه ولن تمحوه الأيام. الأقدار مكتوبة لكل إنسان، فمهما تعبنا وحاولنا بناء أو رسم أقدارنا بأيدينا عسى أن نغير شيئاً منها، يظل ذلك مستحيلاً، لأن المكتوب على الجبين تشوفه العين، وفجأة يتغير كل ما بنيناه.
عن القصة ..
نأخذكم اليوم في رحلة مع قصة حقيقية تبدأ أحداثها من عصر الأجداد وصولاً إلى الأحفاد، وتغطي الفترة الزمنية من عام 1930 وحتى وقتنا الحالي. تحمل القصة في طياتها مزيجاً من الدراما، الحب، الظلم، الحزن، الفرح، العاطفة، ولا تخلو من المواقف الفكاهية.
تتكون الرواية من عدة أجيال وقصص متداخلة ضمن رواية واحدة، مع التركيز بشكل أكبر على حياة الريف والبيئة الريفية.
{{ملاحظة هامة }}
إلى كل المتابعين، نرجو قراءة الآتي بعناية:
في حال لم تعجبكم القصة أو وجدتموها مُمِلّة، يمكنكم مغادرتها بكل احترام دون تجريح، فكل كلمة تؤثر بشكل كبير على الكاتب سواء كانت مدحاً أو ذماً.
يُرجى أن يكون النقد -إن وجد- بأسلوب محترم وبعيداً عن التشكيك في مصداقية الأحداث؛ فجميع الروايات المنشورة حقيقية وأبطالها يشاركون في التعليقات، ولو كانت من خيال الكاتب لما اتردد بلافصاح عنها ابدا .
تحياتي لكم، وانتظرونا قريباً.
#حين تتغير الاقدار
#مشهد
#الكاتبه سناء الهموندي 🥀
حين تتغير الاقدار
تكلي الناس ضايج خيرك شبيك
ساكت مااكلهم واحجي عن همي
مايحتاج اسولف هو شي معروف
وين الكة الفرح والغالي مو يمي😔😔
يكلها ؛ وياج لااخر نفس يمج ، لحظهہ عنج ما اروح💛💍!
الحب حاڪم مُستبد ، والقلب تحت تٲثيره لا حول ولا❤️❤️ قوة ، 🖤🌻.
شمس : عفيه تمار لاتروح لدوام مو جنسيتك ضايعه والوضع حيل متخربط منو يعرف بيك ملتحق أو لا فدوه لا هاي شبيج شمس كل عقلج مااروح انتي تعرفين شنو الحكومه العراقيه واستخباراته تريدين اعرض اخوتي واهلي لتفتيش ويوميه مجرجرين واحد منكم وداعتج شمكتوب ع جبين تشوفه العين
رجعت من المدرسه افتح بدكم القميص قبل مااطب للبيت هاي عادتي بيتنه بنص البستان مالنه يعني ماكو أحد ف اول ما اوصل باب البستان الرئيسي ابلش افتح بدكم مال القميص حتى بسرعه انزع وبدل وتغده ارجع جوعانه لان اروح بلا اكل للمدرسه رجعت ك العاده اعرف كل خميس وره صلاة المغرب يجن خالاتي خطابه ويه خالتي هناء ال ابنه الي مااعرف عنه اي شي لان بغير محافظه يجن ويه خالتي هناء حتى بس يقنعون عمامي وجديتي حتى تأخذ وحده من عدنه لولدهه وخالتي كاتله نفسه علينه جابتنه بسره وتالي أصرت عليه وهاي 3سنوات هي رايحه راجعه تخطب طببت للبيت فاتحه دكم القميص شمرت الفكس مال الكتب ع قنفه ب الكليدور وطبيت للغرفه حتى انزع وتفاجى بخالتي هي وامي كاعدات واني من الصدمه الساني شكل كوه حجيت هلو خالتي اشو اليوم من وكت كته بعفويه وابتسامه بريئه ماادري هاي الابتسامه خالتي اعتبرته رد ب الموافقه لابنه😂 خالتي جانت تتغزل بيه اكثر من ابنه المشايفته غير مرات معدوده من جنه صغار هيه خلتنه بالهه من امي جابتنه امي تكول اول مسمعت بيه جبت توم بنات جتي ملهوفه وكالت ذني لولدي وضلت خالتي مصره على قرارهه بحيث حبيت إصراره رغم رفض عمامي وبيبي ام ابويه بس هي ضلت مجلبه بيومه طلبت من امي تبات يمنه بغرفة البنات حتى تقنعني لتمن خالاتي وبيبي جوريه ك العاده وخالتي هناء نازله ب ابنه ليث توصفه ب طوله الفارعه وغيرته ...
هناء: لج عيوني انتي والله ليث يخبل طول وسمار كون شوفي انتي تخطبي مني وروح ابوي غيور ونخوي واخو خيته والله تعيشين ملكه وياه ايدللج دلال انتي لو تشوفين من يطلع يصفن بنات بغداد بجماله الف وحده تتمناه العين الحاجب.. وركبته ..نبع ريحانه شطوله ...
أنا ضحكت على خالتي شون توصف بابنهه وبيبي جوريه كالت.
جوريه : بضحك اي بيبي صدك ركبته من شوفيهه تتخبلين بطولهه اقصد بجمالهه😂 ادري عفتي الوصف كله توصفين ركبته 😂😂😂 خالاتي واني وخواتي كمنه نضحك وهيه مستمره توصف ليث ودكول هاهيه قبلت مادامهه ضحكت وخالاتي واختي الجبيره كالوله جيبي نيشانج وتعالي قبل ميغيرون رئيهم😊
تمار: شوفي شمس أنا اجيت من الديره لبغداد لجل عينج فأنا أريد منج هسه صيرين سبعه وترحين تكلين لخالتج اريدن ارد ويه تمار عبنج شتاقيتي لهلج.
شمس : بستغراب ببب بسسس انااا شلون اكله هيج .
تمار: ماعرف مشكلتج دبريهه.
غلام : بنضرات منتوصف كميت الحب البيهه تقدمت النور وكتلهه باعي بعيوني خلني اترس كلبي بنضرات عينج .
نور: بخجل شجاك يغلام حجيك صاير يخجل .
غلام: نعم لازم تسمعين هلشي عبن حسبي حسابج أنا وره تمار ماخذج عبنج الي وماصيرين لغيري لو اعرف اسويهه مجاتل .
غلام : هلو تمار شلونك جيتك بسالفه مهمه تعرف معتز طلع من بغداد وجاي يم بيت صديق هنا اريد منك تساعدني نسوي مكان اله لان مطلوب ومشددين يدورون عليه كوه طلع وتعرف الاستخبارات والبعثيه ماكو خبر يخفي عنهم .
تمار: تدلل غلام انت مو تطلب انت تامر ومعتز تعرف بيه شكد احبه واحترمه .
غلام: شنو رئيك نسويله خندق بنص بيت حجي خليل تعرف حجي خليل ماعنده أحد بس هو وزوجته والمره متشوف عميه وحجي خليل ميعارض خوش رجال وهيج يكون معتز ب امان ابيته عبن محد يطب عليهم.
تمار: لا غلام مو خوش مكان اني وياك منكدر منروحله وراح نجلب النظر علينه تعرف البعثيه مينضم عليهم شي خلي بيتنه بنهاية الحديقه البرانيه القديمه احفر بصفه خندق محد يشك وبصفه الماطور ف اامن مكان اله ولو ادري معتز ميصبر. يضل خاتل الله يستر والله الوضع حيل يخوف.
جوريه :اشوف امي نايمه ونسوان عمومتي وعماتي كلهه اجت البيتنه كاعدات يم راسهه ويقرن ايات وأمي تشوخر أنا جبت الغده وكعدت اكل واباوع ضويه تبجي وأمي نايمه ونسوان عمي يحجن ياااااا شوف شوف امهه جايه تموت وهيه حايره بالاكل وبيهن يكولن خطيه متعرف صغيره أنا شمدريني شنو الموت هنا صدك امي مطولت نص ساعه وماتت امي ماتت الغاليه ماتت الحنيه وياهه😭😭😭
ابو محمد :يا جماعة الخير مادامكم ملتمين بهل مناسبه الطيبه أنا حاب اطلب ايد المحروسه بنت المرحوم صالح الصغيره لابني محمد .
محمد :أنا محمد عمري ٢٤سنه متزوج صار سبع سنين وماعندي خلفه متزوج بنت عمي ماعرف الصوج منين بس انا ذابهه على الله بيوم عزمنه ابن عم ابوي ابو صادق على عرس ابنه ورحنه نادي الواجب . ابوي فاچاني بطلبه ونقهرت بداخلي شلون ابوي يرضاهه عليه أخذ بنت طفله واكسر بختهه أنا شايف بنت المرحوم صالح صغيره سكتت وماكدرت أعارض واكسر حجايه ابوي كدام الزلم.
قصتنا تدور ب احداث تبين عدت أمور بيه توضيح الاشياء نجهله وننتقص منه ومرات نختار امر نتمنى لو ممختاري أو لو مختارينا نتمنى لو نكون اختاريناه بهاي القصه راح نشوف هيج أمور ونشوف نتائجه شلون اتمنى تستمتعون ب القصه وتتعضون منه ومتتعرضون لشخص متعرفون شنو ضروفه وحياته أكثر من بطل راح تشوفون كلهم معروفين من ارض الواقع صفاتهم جميله راح تكون نهايات مؤلمه لبعض الشخصيات بس يتركون أثر طيب ومثل مذكرت سابقا عجلت الحياه تسير لاتتوقف بعد رحيل عزيز........ القصه بيه اجيال لاتنصدمون كل انسان اله نهايه مثل ماله بدايه اطال الله ب اعماركم أنا راوية القصه حفيده جوريه بنت شمس انتضروني
مع الكاتبه سناء الهموندي 🥀
#حين تتغير الاقدار
#بارت 1
حين تتغير الاقدار
#الكاتبه سناء الهموندي 🥀
قصه حقيقيه واقعيه ميه ميه من واقعنا
سلاما على المتفائلين وفي اعينهم دموع قتلت رغبتهم بلحياة💔 🥀🎶
ثِق أنهُ سَيَسّتَجيبْ وسَتُصبِحّ ،قِصةّ جَبرِكَ أمَلاً كَبيّراً للآخريّنَ 💛.
راح نبدي وياكم ونفتح باب من بيبان زمان قبل وراح نشوف شلون جانو عايشين حياتهم
باب راح تلكون بي حياة الريف وبي حياة المدينه
باب راح يحجيلنه عن حياة أشخاص من سنه ١٩٣٤ الى وقتنا الحاضر يعني القصه اجيال وكُل جيل اله قصه اجمل من الي قبلهه واكيد الحياة لا تخلو من الحزن والفرح والفكاهة والتضحيه والانتضار. الحياة دروس وبعض الدروس حتكون قاسيه علينه ..
كل الي علينه نجتهد وننجح بدروس الحياة القاسيه ؟
استمتعوا معي برحله الزمن .........
في محافظه بابل:- 1934
جميله :-
يمه يمه وينج هذا الخبز كملته خلي ازهار تلمه وتحضر غده لجيه اخوتي عبني هلكت ومابيه بعد حيل الشي ..
ام جميله: فتهمنه انتِ بس استعجلي تراهم على
جيه حتى فرد نوب نصب ونتغده سويه ياله ولج ازهار كومي همي للغده .
ازهار: كايمه يمه وروح ابوي كايمه بس لا تصيحين عليه .
ام جميله : أصيح عبنج مامريحه كلبي مثل جميله وشالته كَلبي .
جميله : فدوه اغديلج يبعد كلبي ييمه أنا شعندي غيرج اباري بيها .
جميله :انا اسمي جميله اسم على مسمى الديره كلها تشهد بجمالي عمري ١٥سنه عايشه ويه امي وخوتي اثنين عباس وجاسم واختي ازهار وابوي متوفي الله يرحمه عايشين بأحد المناطق الجنوبيه ابوي مات وانا عمري ٧سنين وازهار ٦ ،
أنا تسلسل الثالث بالعائله اخوي عباس اكبر مني
بـ ٥ سنوات بعده يجي جاسم اصغر من عباس
بـ سنتين بعدها انا ونوب ازهار بعد وفات ابوي اخوتي لزمو شغل الكاع الحمدلله عايشين بخيرهه ناكل منهه ونبيع محصولهه بوقت الحصاد ويه طرت الفجر نطلع نحوش أنا وازهار وأمي وعباس وجاسم ويانه عباس من النوع العصبي وميتفاهم جاسم شوي احسن منه عباس على طول مشاكله ويه بيت الشيخ على الكاع عبن كاعنه بصف بستانهم اكثر
من مره رادو يشتروها وخوتي ماقبلو لهذا السبب صارت مشاحنات بينهم وحتى الماي كوه يوصلنه عبن الناعور صاير بتجاهم وهمه يوزعون المي على الأراضي اتذكر مره رحنه ويه طرت الفجر موسم حصاد تلثمنه ورحنه ممنوع وحده ذب لثامها وصلنه لكاعنه ونشوف كلها تزكي بزرعها اله احنه ماكو ماي نزكي زرعنه حجه اخوي وهوه متوقع وكال .
جاسم: أضن بيت الشيخ كاطعين الماي علينه
خلني اروح اشوفن شنهي السالفه .
عباس : خلك أنا راح اروحن اشوف وين يردون يوصلون بسوالفهم هاي عود شنهي مالهم سداد ورداد.
رحت امشي بالبستان وانا احسن نار ومشتعله بداخلي بس ما حجيت كدام اخوي عبن اعرفنه ما يتفاهم وصلت الكاع الشيخ وصحت .
عباس : صبحكم الله بالخير يالربع .
ابو شلتاغ رجال فلاح يشتغل عند بيت الشيخ: هلا وليدي كواك الله .
عباس : الله يكويك عمي اله شنهي ماكو ماي اليوم .
ابو شلتاغ بارتباك : مممم مكطوووع ابني
مكطوووع ممماكو اليوم ماي عبن الناعورة
مادور مادري شجاريلها .
عباس: جا شو كاع حجي جلوب بيها ماي وكاع
طلال هم بيها وحتى بيت عبد العزيز شفتهم يزكون وانا جاي بطريجي كلها تزكي .... شنهي القصه عمي احجيلي من الاخير .
ابو شلتاغ: ابني استهدي برحمانك وانعل الشيطان وروح منا هاي أوامر وانا عبد مأمور مابيدي شي عليك وروح ابيك الخير .
عباس : شوف عمي أنا اذا ما وكفت بيت الشيخ عند حدهم مايطلع اسمي عباس شنهي نابشين ويانه على هل كاع البيهه عيشتنه عمي هيه كوه مانبيع شنهي بلونه بلوه .
ابو شلتاغ: عمي بروح ابيك عبر السالفه أنا هساع امدلك مجره من كاعي وازكي زرعاتك بس ستهدي يعمي .
عباس : بعصبيه .. لاله يعمي انت شلك غرض انت رجال حالك حالنه بس انا ما اسكت عن حكي أنا اعرفن ضاوي ابن الشيخ جلوب على شنو ناوي جا هوه مو بغير ديره بيت اهله شنهي ما حلتله اله كاعي يروح يشتري بديرته ويجفينه خيره شره ...
ابو شلتاغ: عمي هذا ضاوي يدورله حرشه عبن يريد كاع بصف بيت عمه وماكو كاع غير كاعكم يا ابني لخاطر شيباتي عوفه خله يولي .
عباس: معناه يعمي تريدني البس شيلت امي واكعد أن سكتت عن حقي شلون ترضاها انت .
جميله : احنه مو بعيدين عليهم نسمع كلشي صار
صرنه نسمع ونطكطك من الخوف امي تقره ايات وتكله الجاسم
ام جميله : يمه بعد روحي روح لخوك لا يسويله سالفه.
جاسم : عوفي يمه خله يوكفهم عن حدهم شني مالهم رداد يوميه كاطعين الماي شوفي حتى زرعنه صار اصفر وذبل .
جميله : راح عباس لبيت عم ضاوي هم بيت شيوخ معروفين بكل الديره لحكه جاسم وكال ...ردن للبيت ردينه وهوه راح وره عباس ردينه وايدنه على كلبنه خافن يتعركون بيت الشيخ ما يسكتون امي حجت بخوف وكلبها يفرفح.
ام جميله: ولج يمه ازهار ركضي لبيت عمج خل يلحك اخوتج لا يتهاوشون وانا حيلي باد من الخوف عليهم.
ازهار: يمه فدوه اغديلج أنا تعرفين بيه ماحب بيت عمي لا دزيني خل جميله تروح.
ام جميله: يااا من كون سليمه وعليمن ماتحبينهم
شو عمج ماقاصر وياكم ويحبجن مثل بنياته ..
جميله: بسج يمه لا تعبين رويحتج أنا هساع اروحن وانشد عمي يلحك اخوتي عبن ازهار يتكاتلون وهيه مارايحه.
ازهار : جا مادامكم تعرفوني لا دزوني .
جميله : بسج رايحه أنا لبست عباتي ورحت لبيت عمي دكيت الباب طلعلي عيدان مستغرب جيتي .
عيدان : خيرج يبت عمي شصاير وهيج وجهج صاير اصفر وتلهثين .
جميله : عيدان عمي نايم كاعد .. فدوه صيحليا بساع .
عيدان : شكو احجي لا تبطين جبدي .
جميله : اخوتي راحو لبيت الشيخ عبن ضاوي ابن عمهم كاطع الماي علينه واخافن يتهاوشون بينهم .
عيدان: دشي جوه هساع اكعد ابوي ونلحكهم
جميله : لاله أنا اردن للبيت عبن امي اذا بطيت عنها يضل بالهه .
راح هوه يصحي ابو وانا رجعت للبيت ولكيت
امي تدعي واكفتلي بالباب .
ام جميله: ها يمه بشري لكيتي عمج.
جميله: اي يمه عيدان أخذ عمي وراحو وراهم .
ازهار: والله انا كلبي يوجعني واحسن بيت الشيخ ماراح يعدوها على خير عبن عباس مايقبل يبيع الكاع ليهم .
جميله : وانا مثلج بس بيت الشيخ مالهم دخل هذا ابن عمهم ضاوي مجالب ليهه ...
ضلينه كاعدين وايدنه على كلبنه لحد ماطبوا
اخوتي وسمعنه عيدان اتحم حم حطينه شيلاتنه على روسنه وفاتو جوه عباس صاير نار وجاسم حجه .
جاسم : عمي بيت شيخ ناس يخافون الله بس هذا ابن عمهم يدور حجه شفت ولد عمه شلون مارضو بالي سوا هل جاهل .
عباس : جا مادامهم يخافون الله مايردون ابنهم شنهي هيه غصب خو ما غصب كاعي وحر بيها خلهم يفكون عني .
ابو عيدان: بسك يعبيس كنالك بيعهه ليهم وتعال اخذلك هاي الكاع البصف كاعي شحلاهه.
عيدان : شنهي بويه قابل هيه السالفه جبر والله انا هذا ضاوي حالفله حلفه عبن سواهه بليه ملح وعباس حگه كاعده ومايريد يبيعها .
عباس : هذا اخر انذار أنا لو ما ولد عمه لا جان حطيت المنجل برأسه .
جاسم : خله يولي يخوي لا تحرك كلبك من واره واحد مايسوه فلس انت ما سمعت ابن عمه صالح كالك عوفه أنا اتصرف ويا لا تبتلي بي عبن هوه مريض على ياساعه يخلي رأسه ويموت.
عباس: عسى وخلصنه من جهرته .
جميله :-
مرت ايام واجت ايام وضاوي ما جاز من الحرشه بخوتي على مود الكاع كل يوم طلابه رجعت بذاكرتي اليومنه
(نرجع نكمل )وطبيت اسبح جان الجو حار كلش بعدني اسبح واسمع صوت قوي هوسه بره طلعت على السريع وأشوف عمامي يستعجلون با امي
حتى نطلع من البيت وأمي تملخ بوجهه وتبجي ام جميله :طركاعه وكعت عله راسنه منين جتنه هل مصيبه يربي دخيلك ابو عيدان شوفلنه حل
شلون تريدني اعوفن بيتي .
عمي ابو عيدان :عباس طول عمره شراني متكليلي عليمن هل ولد طالع فوك ما كاتل الولد هوه ابو الانه وميقبل يعوف الديره خلفله على صبيح ابن بيت حجي فلك اخذهم لبيت أجداده ابغداد هوه وجاسم.
جميله: رحنه البيت عمي واجه ابن عمي الصغير سولفنه كال
"جنه واكفين وجاي ضاوي كايل لعباس انت مسوي روحك رجال براسي روح انت لو صدك رجال مجان عباتك مفتوكه وضحك بستهزاء ويردد بالكلمه عبيس عباته مفتوكه ويضحك كدام الفلح ولزلم واكفه .
( عباتك مفتوكه هالكلمه معناها مس شرف بيها)
عباس ماتحمل الحجايه مضاربين عباس وجاسم كاتلين ضاوي وهوه مريض ماتحمل ومات بساعتها وهسه على اي ساعه نتوقع يدكونه .
ام جميله :بـ صياح وبجي يمه كرار كلي ولدي وين كلبي نار عليهم ولك يمه عبيس كتلك عوف الكاع ييمه هاي تاليهه يمه خسرتكم وخسرت الاول والتالي .
جميله: كرار ماتعرف اخوتي وين هساعهم .
كرار: والله سمعت صبيح ماخذهم لبغداد أجداده هناك لما نحل القضيه .
جميله :عمامي راحو حته يحلون السالفه راحو ساعتين ورجعو بيت الشيخ مقابلين يستقبلوهم ابنهم ميت ودمهم حامي .
~•~•~•~
في مكان اخر
ابو عيدان :- رحنه البيت شيخ وطلعو ولدهم ولد عمهم هدو علينه وصار مصايح لو ما ابن عمهم الجبير رجال يخاف الله طلع كالنه .
:- روحو عمي لا يسون دمكم طشار احنه طلابتنه ويه ولد اخوك اعتبر دمهم نهدر .
:- عمي كولو يالله ولد اخوي نمسو بحجايه موش حلوه .
:- عمي هساع رحو ويصير خير.
أبو عيدان :-
رجعنه للبيت والشيوخ الخذيناهم كالو خلهم
يكضون مصاب ابنهم ونروح عليهم .
جميله : نفس اليوم الراحو عمامي و طردوهم أهل الميت جانه خبر اليوم رايحين خارطين بيتنه بالتفك وكلبو السلف يدورون اخوتي ماكو اختفو واحنه عمامي مقبلو نرجع للبيت مر اسبوع واحنه لا ليلنه لليل ولا نهارنه نهار امي كالت .
ام جميله :- يمه انا اروح اجيب غراض من البيت شكل السالفه مطوله .
:- أي يمه الله وياج ديربالج يمه .
راحت امي وابن عمي عيدان ومرت عمي ثانيه وياهه اخذها واحنه ضلينه نضف ونساعد مرت عمي بالخبز امي وحنه صغار تعلم بينه كلشي مرت ساعه ونص جتي امي الوجه احمر وملخ وابن عمي فاير ويصيح اجه عمي وسأل عيدان شكو شصاير .
عيدان :بويه بيت عمي حاركي وصاير رماد اليوم لازم نفض السالفه ونروح نحركهم حرك .
عمي ابو عيدان: ابني همه اصحاب حگ عبن ابنهم مكتول لاتزيدهه علينه روح لعمامك خلهم يلمون الشيوخ واحنه اليوم لازم نحلهه .
جميله:لتمو عمامي وشيوخ الهه صيتهه ومعروفه بكل الديره من غير عشيرتنه وحتى ساده خذوهم وراحو لبيت المكتول راحو وره الغده وصار الليل ياله رجعو وأمي نتهت كلساع متخربطه من القهر اجو عمامي لتمو وصاحو امي وحجو وياهه عمي ابو طارق .
وعمي ابو عيدان حجو :ام عباس تدرين الولد الضاربي جاسم وعباس علمود الكاع ميت وهساع أهل الميت يردون دم ابنهم وحالفين يمين ولدج
اذا شافوهم ينكتلون وطلبوا اربع فصليات والكاع النكتل بسببها ضاوي ابن عمهم
وخلفله على الشيوخ الجتي ويانه حلوهه بفصليات بناتج ثنينهن .
:- ياااع خويه على بختك انا بشاربك.
أبو عيدان: جا يبعد اخوج خلهن يحملن ذنب اخوتهم بناتنه شذنبهن يتحملن ذنب مالهن بي يرحن خويه ضحي ببنياتج أقلها تعرفيهن يشمن هوه وبيت الشيخ هم ناس اوادم عتبريهن تزوجن و ولدج ميبقون بالمنطقه دمهم نهدر .
امي. كامت تبجي وتتوسل بعمامي واحنه نبجي وياها بس بعد لاهمه بيدهم شي ولا احنه نكدر نسوي شي سلمنه امرنه لربنا الحمدلله احنه مومنين بقدر الله سبحانه بس حجاية عمي قهرتني من يكول خلهن يتحملن ذنب اخوتهن عبن بناتهم مالهن ذنب
هوه حگه عمي بحجايته بس نقهرت عبن احنه يتامه ومالنه اب مثل عمي يدافع عنه ...
مرت يومين وأمي كعدتنه ويه صلاة الصبح صلينه ودعينه وهيه تبجي سوده عليه وكلساع وكالت .
:- يمه اريدجن ترفعن راسي وصيرن سبعات وشسمعن تعبرن وسكتن الله هوه ياخذ حگنه اريد كلهه تكول ونعم التربيه زين ماربت حضناهه .
بجينه واحنه لا حول ولا قوة باستنه وكالت
:- كومن نتريك سوه اليوم اخر يوم انتن وياي .
كعدنه تريكنه وراهه عمي اخذنه لبيت اليشخ وماعافنه اله جابو سيد وعقدلنه ازهار عقدولهه على ابن عم ضاوي بغير محافضه عبن ضاوي ماله اخ بس هوه وسبع بنات فنطونه لولد عمه وانا عقدت الابن عمهم الثاني بنفس منطقتنه ازهار زوجت شيخ معروف وآله مقامه ومكانته وانا هم ابن شيوخ شاب عمره بلـ٣٠سنه اسمه صالح مزوج وعنده اولاد خير من الله بدت حياتي الجديده بيت زوجي صالح انسان مؤمن يخاف ربه عاملني بكل حنيه ومحسسني انا جايه فصليه لا يعاملني حالي حال زوجته انسان مومن وموتقي أما بالنسبه لأمه وزوجته ما يسكتن واكفاتلي مثل السلايه بالزردوم سمموني بعيشتي تعبت كلش وانا مالي حگ احجي عبني فصليه على كلشي يحجون و متقبلو وجودي بحياتهم بس صالح جان الهم بالمرصاد مايرضه بالباطل ودائما يكلهم .
:- هيه مالهه ذنب بشي .
وحته اكثر من مره تعارك بالبيت بسبب ضلم اهله مرت ست اشهر على جيتي ... كاعده يمه اصبله جاي باوعلي وكال .
صالح:جميله انتِ فعلا جميله بكلشي بخلقه واخلاق يوم عن يوم تكبرين بعيني واحس ارد اضمنج عبن هواي ياذوج وماتحجين أنا أعرف انتِ شكد متحمله حجي اليغثوج وبذات امي اشوفهه شلون ماطيقج وتحجي عليج بس انتِ بسكوتج ثبتيلي انت مربايه وبنت اصول .
جميله: سكتت ودنجت راسي بخجل عبن استحي احجي ماعرف شجاوبه انا من أشوفنه شلون يدافعلي وميقبل بالغلط حسيته هوه سندي بعد اخوتي ويوم بعد يوم يكبر بعيني وماكدر احجي واشكيله اكول هوه ماخذ حقي وزياده وتردد كلام امي براسي خليج مضلومه مو ضالمه تعودت عليه وصار هوه كل حياتي ...
ومرت فتره وحبلت وحامي تعب وفوكهه تعب الزرع الكل يوم الفجر الصبح احضر ريوك واخبز بالتنور طين وناخذه ويانه و نطلع للحصاد ومن نرجع المن حطب واروحن انكل ماي من النهر و اطبخ وتنضيف وكثر الشغل عليه عبن أنا فصليه والفصليه لازم تبلع وتسكت كل نسوان حمويني وحته حمواتي يشتغلون بالزرع بس انا اتعب أكثر لأن حمل البيت عليه والخبز ..
وزوجه صالح صبريه دائما ذب عليه شغل الثكيل وانا اسكت ماكدر اردهم ..اجتني وكفت صفح وكالت ..
صبريه :جميله فوري التمر وعصري سوي دبس
وراهه تشرين السمج ينشف .
جميله: ان شاء لله بس خل وحده تجي وياي نعصر الدبس هواي ثلاث شلايف مالحك الهن
.
صبريه :عصري لحالج محد فارغلج جا شنهي بس انتِ حبله.
جميله: سكتت ونفذت بدون كلمه ولليل ياله كملت رحت لحجرتي ارتاح واجه صالح شافني تعبانه توه جاي من البستان موسم تمر ويتاخرون بالشغل من شافني مالي حيل كالي ..
صالح :خليج مرتاحه يبوي لاتكومين ماكل وشبعان بس ارد احط راسي و أناملي جم ساعه الفجر نطلع للبستان يجونه التجار يشترون المحصول.
جميله:الله يرزقكم عاد اسويلك جاي .
صالح :تعالي نامي حبيبه ماريدن شربت كهوه بالمضيف بس ارد انام .
جميله: نمنه و كعدت الفجر صليت وكعدت صالح صله وطلع وشرب بس جاي .للضهر واجه هوه وأخو حازم ..
صبينه غده تغدو وره الغده كاعدين كلنه كال .
صالح: الحمدلله هل سنه خير علينه أرباح زينه .
حازم :الحمدلله صدك يصالح أنا باجر طالع لبغداد عندي شغل علمود احول البيت الخذيته بغداد باسمي.
صالح :روح الله وياك مادري شماخذك للولايه جا شبيهه ديرتنه ماخذت بيهه .
حازم :أنا أريد ابني مستقبل هناك يخوي هنا مانكدر نشتغل غير بس بالزرع وانت تعرف أنا اريدن جهالي يكملون علامهم .
صالح : . الله يرزقك ويسهلك..اله صدك يجميله شلون صرتي البارحه جنتي تلوبين أنا كلت راح جيبين .
صبريه : شمالها جنها صل تسوي هيج حتى نخدمهه عيارت نسوان بعد .
جميله :صالح خزرهه سكتت وكالي روحي بحجرتج ارتاحي .
ام صالح : شجاك يمه خلهه تكضي شغلهه شنهي ييمه قابل اول وحده تحبل وتخلف من بين النسوان .
صالح : يمه أنا ماحاجي شي البت الليل كله أشوفنها مدوهنه وتتكلب مثل السمجه المزوهره وبعدين ييمه شنهي الشغل العدهه .
ام صالح : حب الماي فارغ خلهه تروح تنكل ماي تترس الحب .
صالح : أنا هساع ادزلي وحيد من ويلاد اخوتي يجيبون ماي .
جميله:عمتي عقجت وجها وهزت بديها ما عاجبها
واستمرت الحياة هيج ومضت ايامي
وكبرت بطني واجه موعد ولادتي اصعب ايام حياتي حتاجيت امي تمنيت اختي وياي لو اي احد من هلي يوم بجيت بي من القهر أكثر من الوجع وبعد ساعات جبت اول فرحه إليه ولد وسمينا مهدي صالح تخبل عليه وكل شويه ياخذه يشله ويشمه وهوه هم جان مدبدب واشكر يكولون يشبهني عيونه شهل وسيعه مهدي جان كل الوكت عد ابو وعمامه من صغير هوه وياهم ربه يجيبوا بس على كد الرضاعه اذا جاع وهاي همه هم معايفي يجيبون بحليب الجاموس ويشربوا نشنش أكثر وكبر وصار عمره سنه ونص وصار مثل خيال لابو وعمامه وين ميرحون وياهم عمامه يحبو وحته الحجيه بس زوجت صالح دائما تبعد جهالهه عليه ومتخليهم يلعبون ويا وذا راح يمهم طرده وهوه طفل ميعرف يضل يبجي يريد شي يلهو بي احد يلعب ويا ... مهدي صار سنتين
و المشاكل كثرت وصالح متحمل كل يوم ابنك والفصليه وحته مهدي مرات يصيحوله ابن الفصليه صالح شاف الوضع تغير والبيت متروس جهال وهوستهم ما شاء الله على الاربعين يخلفن البيت مينشاف من الجهال كال احسن شي اطلعج ابني بالكاع الفارغه البصف بيت اخو حازم بلش بناء
وانا روحي طارت واخيرا راح ارتاح وينسد باب عليه وحدي كمل بناء البيت بمعاناة جي هوه حالته مو كلش بنه البيت من طين وخوص بس حلو وبالنسبه اليه جنه مو بيت بنه بي غرفتين وحمام وتنور طين وسكف بصفه صار مثل مطبخ صغير وطلعنه وصار يوم يمي ويوم يم زوجته وممقصر بشي ويايه وكلش محترمني مره كاعدين انا ويا نتعلل سألته عن هلي.
جميله:صالح ماتعرف اخبار عن اهلي والله كليبي نار عليهم واخافن أسألك وضوج.
صالح : جميله انا صح اعزج واريد خاطرج بس يا بعد بيتي سدي الموضوع اهلج بخير و انا اريدنج
انتِ هم سويلي خاطر وتنسين الموضوع عبن إذا أحد سمعج تصير سالفه مو خوش.
جميله: نسد موضوع اهلي وماعرفت عنهم غير انهم بخير وازهار اسمع اخبارهه من حمواتي ونسوان حمويني حياتهه زينه ورجلهه يحبهه والهه مكانتهه عبن صارت مرت شيخ وهم جايبه ولد وهسه حامل استمريت بوقت الحصاد اروح الزرع يوميه الفجر ويه نسوانه كلهه هيج نطلع نحش من الفجر والضحى يلمون زلمنه الحصاد ومهدي ويايه وصالح هم ويانه نشتغل وهمه يلمو وياخذو للتجار يبيعوا ...
مرت فتره ...
وعرفت بروحي حامل مره ثانيه وصالح من يشوفني اتعب ميخليني اطلع للزرع بوكت يشوفني تعبانه يأخذ مهدي ويا وين ميروح حته لا يتعبني بطني كبرت واجه موعد ولادتي موقف كلش صعب من انت بعازت أحد ومحد يمك من أهلك ويطبطب عليك ويهون وجعك نعاد بيه موقف مهدي من جبته راح صالح جاب عمتي الحجيه ومرت حماي وجايبات الجده وياهن وجتي الجده وفحصتني كالت حمي مي عندج ولاده بس شويه طولين عبن الجاهل عالي
راحت مرت حماي تحمي ماي وانا الوجع اكلني اكل بين عليه تعب وماكدر اطلك وعمتي كامت تحجي عليه عبن مادفع الجاهل مالي حيل .
ام صالح : يا شجاج ولج جميله راح تخنكين الفرخ دفعي دفعه وحده .
جميله: ماكدر حجيه راح اموتن من الوجع .
ام صالح :كولي يا الله يا محمد ياعلي ودفعي
قويي ياله هيه شده وتخلص .
مرت حماي نهله: حجيه هذا المي حار .
ام صالح : جيبي يم ام علي خلنه نشوف جميله شتالياهه جا انتِ بمهيدي زركتي زرك شجاج هساع شنهي تدللين علينه هيه شيرادله الولاده .
جميله : مادري حجيه راح اموتن من الوجع البضهري ولج يمه لحكيليييييي ..
الجده: على كيفج وياهه حجيه البت مبين تعبانه .
ام صالح :جا شنهي تبيتنه هنا وشمالهه تعبانه والفرخ راح يختنك ياله صيحي يا الله يا داح باب خيبر .
جميله : ياعليييييييييي ...
الحمد لله جبت بعد تعب وجانت ولاده كلش صعبه اطلك بالساعات ياله جبت بنيه تخبل وسميناهه ضويه على البياض الشايلته اسم على مسمى عمتي تكلي .
ام صالح : يا شنهي ماواحد يشبه ابو جهالج عليج لونهم فاتح مطالعين على صالح اسمر وخشن.
جميله:اجه صالح وفرح بالبنيه كلش رغم هو عنده مناك خير من الله يكول ذني ادخل بيهن الجنه ويشيلن كبرتي الحمدلله حياتي استقرت بعد مصار عندي جهال وحمدت رب العالمين على كلشي لليل نهار اصلي وادعي ربي يحفضلياهم كبرتهم بدم كلبي بدمع عيني كبرت ضويه وأنه اخيطلها احلا الملابس عبن حازم اخو صالح جان يجيب قماشات من بغداد من نسابته خياطين معروفين بغداد يجيبلي وانا اخيطله هيه ومهدي ونهارهم كله ينكطون نضافه ماخليهم ناقصين حاجه اريد اعوضهم عن كل الحرمان العشته وهمه وصغار احفضهم آيات قصيره واحجيلهم قصص الانبياء هنا عمر مهدي صار ٥ وضويه سنتين وجبت بنيه ثانيه سميناهه جوريه ولادتهه جانت مثل ولادت ضويه صعبه بس ماشاءلله عليهه مثل الملاك شكلهه والبراءة البيهه متنوصف العيون بلون العسل والبياض البيهه عبالك كطن شكلهه نوراني وهادئه كلش اخاف عليها من العيوان عبن ياهو الاجه وكال شنهي انت تخلفين بس كيمر جا بقيلنه شويه ..
كعدت اربعين يوم بالبيت بعد الولاده ارتاح وطلع اربعينهه ورجعت اطلع للزرع و من اخذهه وياي للحصاد يسالني النسوان الويانه للحصاد يكللي شو هاي مالهه حس عكس ضويه جانت تكلب البستان بالصريخ اذا جاعت مهدي يلعب ويه الجهال هوه وضويه بالزرع احس الله عوضني واكرمني بهاي الجهال صارو جهالي كل حياتي ودوم اعلم بيهم يبتعدون عن الحرام ويتقربون الرب العالمين
بصلاة ودعاء ...البنات تعلقن بيه كلش و يخافن يعوفني حته بيت جدهن من يسوون ثواب وعمامهن يلتمون لو مرات هيج ابوهم يحب ياخذهم هناك مايقبلن يرحن اله اروح وياهن ياله يجن ابوهن من يأخذ مهدي يكلهن تعالن ميقبلن اله أنا موجوده ورايه يمشن ميفاركني من اكوم اساعد نسوان عمومتهن صبريه تحجي عليه بس انا ما يهلي افاركهن اليوم رحت عبن اعيالي مسوين ثواب .
مرت صالح صبريه: شنهي بنياتج مايهدنج جا احنه ماخلفنه وربينه ما واحد سوه سوايتهن شنهي قابل راح ناكلهن و هيج لابدات بسدج.
جميله :هنه يخافن يعوفني صبريه معلمات عليه مايهدني بيش ضاراتج قابل .
صبريه : ديلا كملي الصب الزلم كتلهه الجوع بلا هل حجي.
جميله :سكتت وتعوذت من الشيطان كلت اتحمل ساعه زمان ماريدن مشاكل صبينه وكملنه صب للزلم واحنه النسوان كلينه وغسلنه الماعين ورحت اصلي وهنه وراي شوكت ماصلي يجن يركضن يغسلن و يوكفن يصلن ورايه شسوي يسون ومن يجي ابوهن يطير بيهم يكلهن الله يبارك بتربايتجن وينرفع راسي بيجن وهنه يضحكن .
مرت فتره وبيوم كعدت الأذان الصبح صليت وعجنت وندكت الباب الفجر تو طار .. بعدهي الشمس ماطالعه استغربت منهو يجيني بهيج وكت صالح بايت عد شريجتي وكفت بسد الباب وصحت ياهووو .
صالح : أنا انا جميله فتحي الباب احبيبه لا تخافين .
جميله : فتحت الباب وتفاجات بجيته عبن هوه من يبات هناك يطلع بوجهه للشغل جاوبته هلا هلا بيك ابو مهدي .
صالح:صبحج الله بالخير حبيبه شونج .
جميله : تقرب باسني بجبيني بس بوسته احسهه بيهه وداع وجيته ماعاجبتني كلبي لجمني كتله خيرك يبعد هلي شصاير موجوع مضايج من شغله.
صالح : لاله جيت اشوفنكم شنهي الجهال ماكعدو .
جميله : لساهم نايمين .
فات للحجره باس الجهال واحد واحد وكالي.
صالح: ديربالج عليهم بروح ابوج ذول سلوتي .
جميله: رديت بخنكه ..شنهي يصالح تراك ضيجت خلكي بحجيك .
صالح : هههه لا تخافين بس انا شويه مخنوك مادري شجاريلي اليوم كعدت على ابوي بالطيف جن فرحان ويكلي اليوم تبات عدي .
جميله : اخافن جي صارلك هواي مارايح زاير كبره فدوه اغديلك لا تخوفني ان شاء الله مابيك اله العافيه ينور عيوني .
ودعني وراح وانا بين ما لميت البيت ختمر العجين جيمت التنور بالمطال عبن ناره حلوه ويبقي التنور طين حار وكعدت اخبز وكملت شفت التنور بعده حار كلت اذبن بي هذن البيتنجانات العدي بي يستون للغده على راحتهن عبن جوريه تحب البيتنجان المشوي كعدو الجهال لتمو يمي كملت جبت طاست الروبه وي خبز حار وتريكو
غسلتلهم مهدي عمره ٨سنين هنا وره مبدلته سأل
عن ابو كتله
:- راح لشغله ابوك
أنا هل ايام ماطلع للزرع عبن ماعدنه حصاد نتهى موسم الحصاد .
مهدي : يمه أنا رايح البيت جدي .
جميله : الله وياك يمه ديربالك على رويحتك ولا تعارك أحد عبن مابيه حيل طلايبك .
مهدي : اي يمه ما تعارك وروح جدي بس خلني اروح.
~•~•~•
في مكان اخر
ابو صادق: الكوه يخوي خيرك يبن امي اشوفنك
مو على بعضك انت متكعد هل كعده اله بيك شي .
صالح : الله يكويك ابو صادق لاتشيل همي ما فيني شي شويه احس بضيج بصدري شنهي صارلك سبوعين مختفي وينك.
ابو صادق: مو كتلك اروحن لبغداد أكمل شغلت المحل الخذيته اله ما كتلي شنهي المضيج صدرك .
صالح : مافيني يخوي تعالي اكعد يمي شوي
شعندك واكف .
ابو صادق : جيت خويه اااا اهااا هل كعدت احجي البصدرك لا تضم عني يبعد اهلي .
صالح : بحسره أنا خايف شلون أواجه ربي عبن ضلمنه هل يتيمات جميله واختها واحنه نعرف ابن عمنه الغلط .
ابو صادق : تعرف يخوي أنا من اول مارادو يجيبوهن فصليات اعترضت وكلهه حجت عني واذا. عليك كلنه نعرف انت مراعي الله بمريتك وما بيوم كدرت خاطرهه بكلمه .
صالح : الله يطمن كلبك يخوي تعرف انت اكرب واحد إليه من اخوتي وانا اريدن اكلك جميله وجهالي امانه بركبتك عبن هاي دنيه مانعرف شاضمتنه صبريه خوانهه واهلها موجودين اله جميله مالهه
أحد تعرف انت امهه صار سنتين من ماتت وانا مامخبرهه .
ابو صادق : بسك يخوي قبضت كلبي بهذا حجيك شمالك شو جنك العافيه وإذا على جميله وجهالك بعيوني احطنهم انت تعرف أنا شكد احترمهه الجميله عبنهه بت أصول بس حض ماعدهه خطيه .
صالح : كمت وحسيت بروحي مخنوك وصدري يوجعني اليوم وجع صدري مافكني.
ابو صادق : امشينه اخذنك ترتاح للبيت .
صالح : لاله اروحن اشوف هذا التاجر مواعده اشوفنه واردن لا تشيل همي .
ابو صادق : جا خلني اجي وياك .
صالح : براحتك جا مشينه عبن الزلمه على جيه.
ابو صادق : نمشي أنا وصالح ونسولف وضعه مو عاجبني كلساع فارك صدره فجأة وكف وكام يكح قوي وكع من طوله أنا تسودنت عليه كمت اصيح بأعلى حسي .
:- ولككككك صالحح شمالك يخويييي شجاك يلسبع اصحي بي مايرد عليه التمو شباب الديره بفزعه حملنا وخذينا للخستخانه بعيده هواي علينه واحد من المنطقه جاب الربل مالته خلينا وخذينا وساعتين يدك بينه وانا الطريق كله احجي ويا قريب مانوصل وجان اسمع
