رواية المعلمة شيكا الفصل العشرون
حلاوه: ماشي اللي يريحكم
وتمر ايام الشهر الكريم ونحن الآن في منتصف الشهر وها هيا سنيه قد عادت إلى مدرستها لتكتشف أن منجي قد قدم استقالته لتتفاجيء بهذا الفعل
اما شيكا فهيا تتقلب في سريرها
شيكا: الله النهارده ١٥رمضان منجي مرجعش ليه يمكن رجع علي المدرسه اكيد رجع من البلد علي المدرسه هو كده وانا هفضل كده محتاره انا هنزل المحل واستناه
وبعد أن نزلت محلها
سقط: صباح الخير
شيكا: صباح النور
سقط: عندنا شغل كتير الحمدلله
شيكا: الحمدلله بقولك ايه انا مافيش فيا مخ لاءي حاجه وضبو انتو الشغل
لقط: انتي ناسيه حاجه مهمه الحجه هتوصل النهارده بعد الفطار
شيكا: يا لهوي كت ناسيه كويس انك فكرتني عشان ابقي اروح اجيبها
سالم ★: اسماء جوه شغاله مع الجماعه بيوضبو الفطار
شيكا ★: والله ماعديتش عليهم وانا نازله
سقط ★: مالك يا معلمه في حاجه مزعلاكي
شيكا ★: هاه لاء مافيش انا بس عندي صداع
لقط ★: الف سلامه عليكي اروح اجيبلك قهوه
سالم ★: قهوه ايه احنا ف صيام
لقط ★: معلش نسيت
شيكا ★: انا هبقي بخير إنشاءالله
—
وها هيا سنيه قد عادت من المدرسه لتذهب الي دكان شيكا
سنيه ★: صباح الخير
الجميع ★: صباح النور
سنيه ★: شوفتي اللي حصل يا معلمه من الاستاذ منجي
شيكا ★ (بخضه): خير
سنيه ★: قدم استقالته من غير حتى مايسلم علينا
شيكا ★ (بوجع قلب): بتقوللي ايه ازاي
سنيه ★: والله ما اعرف يمكن حصلتله حاجه
شيكا ★: انتي تعرفي عنوانه ده بردك عشره واجب نطمن عليه
سنيه ★: ما الزملاء راحو البلد يساءلو عليه وعرفو أنه عزل وساب البلد ومحدش يعرف راح فين هو وأهله
سقط ★: غريبه اوي ديه يكون حصل حاجه وحشه لا قدر الله
شيكا ★: انا طالعه انام ومحدش يصحيني وابقو روحو هاتو الحجه
—
لتتركهم شيكا وتصعد الي شقتها وتدخل غرفتها وتبدء ف البكاء ثم تغط في نوما عميق
(في الحلم)
منجي ★: قومي يا شيكا انا جيت وحشتيني
شيكا ★: انته سيبتني وروحت فين
—
لتستيقظ فجأه
شيكا ★: منجي منجي يا تري روحت فين
(صوت خبط على الباب)
شيكا ★: تعبانه ومصدعه عايزين مني ايه
نادين ★: انا نادين يا خالتو افتحي عايزاكي ضروري
—
لتفتح لها
نادين ★: مالك مين مزعلك
شيكا ★: مافيش عندي صداع
نادين ★: انا عرفت أن عمو منجي قدم استقالته من المدرسه
شيكا ★: اه وعزل من بلده خلاص بقي
نادين ★: وانتي ليه تفكري ف الوحش إنشاءالله خير وبعدين لازم تقومي تشوفي شغلك وحالك انتي طول عمرك قويه وف رقبتك ناس كتير مينفعش تعملي ف نفسك كده
شيكا ★: انتي بتجيبي الكلام ده منين
نادين ★: عارفه يا شيكا يا اختي ف يوم كنت ف المدرسه... (تكمل الحكاية)
نادين ★: تاني يوم روحت المدرسه فرمته
شيكا ★: لاء كده غلط كنتي قولتي للمدرسه
نادين ★: مكانش هينفع... وبعدين اشتكيه للميس... ومن وقتها وهو ماشي جنب الحيط
نادين ★: وبعدين ازاي يعني متروحيش تجيبي تيته من المطار مش كده عيب
شيكا ★: عندك حق
نادين ★: قومي خدي شاور وياله ننزل تقفي ف محلك زي الأسد
شيكا ★: حاضر ربنا يخليكي ليا يا حبيبتي
نادين ★: ويخليكي يا احن خاله ف الدنيا
—
وبعد ساعه تنزل شيكا
عساكر ★: كتر خيرك يا بنت الاصول ربنا يراضيكي ويسعدك
نعناعه ★: المعلمه شيكا ست الكل
شيكا ★: متحرمش منكم
نادين ★: شايفه حب الناس
شيكا ★: ربنا يديمكم نعمه ف حياتي
شوقيه ★: انا فرحانه اوي أن ماما جايه النهارده
شيكا ★: أنا هعمل رز بلبن... وكمان هدبح عجل ونفرقه علي الغلابه
شفاعه ★: انا عايزه الكوارع
شيكا ★: خدي اللي انتي عايزاه
نعناعه ★: وانا عايزه الممبار
شيكا ★: حاضر
عساكر ★: امانه عليكي حتت لحمه حلوه لجوزي
شيكا ★: عيوني
شوقيه ★: يا حلاوه وانا هاخد ايه
شيكا ★: ادبحلك عجل من بابه
شوقيه ★: بهزر معاكي انا كفايه عليا اشوفك مبسوطه
—
وبعد المغرب
شيكا ★: ياجماعه محدش يمشي الحلو رز بلبن حلاوه رجوع الحجه وهنذبح عجل إنشاء الله
—
بعد ساعتين في المطار
نعمات ★: اتخيلي شوفت مين ف الحرم
شيكا ★: مين
نعمات ★: منجي الاستاذ منجي
شوقيه ★: هو لاقي ياكل عشان يطلع عمره
شيكا ★: ...
—
يصلوا الحاره
شيكا ★: هات يا سالم
نعمات ★: سالم مين
شيكا ★: هبقي اقولك بعدين
—
ذبح العجل
شيكا ★: عقبال الحجه الكبيره ونكون صحبه
نعمات ★: اللهم امين والله ما كت عايزه ارجع كان نفسي اموت واتدفن هناك
الجميع ★: بعد الشر
شيكا ★: فرقو يا ولاد ومتزعلوش حد
—
يصعدون البيت
نعمات ★: الله بيتي واحشني
نادين ★: ما انتي ما كنتيش عايزه ترجعي
نادين ★: ايه يا تيته جيبتيلي ايه حلو معاكي
نعمات ★: جيبتلك حاجات حلوه كتير اوي افتحي الشنط يا شيكا عشان نوزع الهدايا علي الناس
شيكا ★: انتي متاكده يا اما انك شوفتي منجي قصدي الاستاذ منجي
نعمات ★: اه والله يا بنتي بس يمكن حد شبهه ليه
شوقيه ★: أصله قدم من المدرسه وشكله عامله عمله وهرب
نعمات ★: طاب الحمدلله أنه دفع الإيجار
شيكا ★: انا داخله انام
—
نعمات ★: اختك مالها
شوقيه ★: ما انتي عارفه موضوع منجي
نعمات ★: طاب اسمعي لما تروح ف النوم هنرتب حكايه كده
شوقيه ★: خير
نعمات ★: لما تروح ف النوم قولتلك
شوقيه ★: وانتي مصدقه أنها هتنام ديه بس مش عايزانا نشوفها وهيا زعلانه
نعمات ★: طاب تعالي معايا نخش اوضتي
شوقيه ★: حاضر
—
وبعد ساعه نجد أن شوقيه تتحدث مع والدتها
شوقيه ★: ايه يا حجه ده انتي طلعتي مش سهله بس ايه فكره حلوه وقديمه تقريبا اتعملت ف معظم الافلام العربي
نعمات ★: يا ستار عليكي بت المهم هننفذها ازاي
شوقيه ★: سهله انا عندي واحده صاحبتي اتعرفت عليها واحنا الاعاره دكتوره كبيره ومتخصصه ف القلب وهيا هنا اجازه هتصل عليها وافهمها وهنروح المستشفى بتاعت خالها وهيا هتظبط كل حاجه المهم نفرح باختي عايزه اسافر وانا مطمئنه عليها
نعمات ★: من بقك لباب السما ياله اتصلي علي صاحبتك ديه خير البر عاجله وكلمي محمد جوزك يدي ميعاد للعريس
شوقيه ★: بسرعه كده
نعمات ★: ايوه علي السخان كده
—
اما منجي وأسرته فها هم قد عادو الي الزقازيق
منجي ★: اظن كده بقي نرجع بلدنا وبيتنا
ماهر ★: مافيش منه الكلام ده عندنا شغل كتير وده موسم
نجيه ★: ايوه يا ابني بس
والده ماهر ★: اخس عليكو عايزيني يعني بعد ماخدت عليكو وحبيتكو تسيبوني وتمشو كده بردك
حسنيه ★: متخلينا قاعدين لينا ايه هناك
منجي ★: طبعا علي هواكي القعده هنا
نادر ★: انته ناسي اننا لازم نوضب للفرح ده فاضل كام يوم علي العيد
نجيه ★: عقبال فرحتي بيك يا ابني وأشوف عوضك قدام عيني
الجميع ★: امين يارب
—
اما ف الحاره تدخل شوقيه علي شيكا الغرفه
شوقيه ★: شيكا الحقي امك تعبانه اوي
شيكا ★ (بخضه): امي
—
لتجري عليها مسرعه
نعمات ★ (بتمثيل): هموت يا شيكا قبل ما افرح بيكي
شيكا ★: متقوليش كده
شوقيه ★: احنا لازم ننقلها المستشفي
شيكا ★: انا هنزل اطلع العربيه من الجراج
—
وبعد ذهابهم الي المشفي
لتقابل شوقيه الطبيبه هبه وبعد الكشف علي نعمات لتخرج عليهم الطبيبه
هبه ★: الحجه قلبها تعبان في حاجه مزعلاها
شوقيه ★: أصلها نفسها تفرح باختي وتجوزها
هبه ★: لازم تعملو اي حاجه تفرحها حالتها صعبه اوي
شيكا ★ (بحزن): خلاص انا هفرحها كلمي جوزك يا شوقيه وخليه يجيب العريس اهم حاجه عندي صحه امي
