رواية ما ذنبي انا الفصل الرابع والعشرون بقلم أحلام السعدي
لا دارَ للمرءِ بعدَ الموت يسكنُها إِلا التي كانَ قبلَ الموتِ يبنيها فإِن بناها بخيرٍ طابَ مسكنها وإِن بناها بشرٍ خابَ بانيها لكلِّ نفسٍ وإِن كانت على وجلٍ من المنيةِ آمالٌ تقويها فالمرءُ يبسُطها والدهرُ يقبضُها والنفسُ تنشرُها والموتُ يَطْويها
ــــــــــــــــــــــــــــــــــــــــــــــــــــــــــــ
صاح يونس.... تعالو لكينا.
الكل راح واني فرحانة.راح اشوفة واشبكة.
فرحتي تلاشت من شفت. آصف شايلة بحضنة وصافن.وكاعد بالكاع. ودم بايدة. وفهد مايتحرك.
احس كلشي وكف بالدنيا. الهوة بلكوة اتنفسة.. مشيت بثقل يمة.. نزلت يمة اباوع علية. وجهة كلة اثار ضرب.
دموعي ينزلن.وآصف يباوع عالكاع وصافن.
الكل يريدون ويحاولون ياخذو منعنده. بس هو اقوه.ميعوفة.
يونس.... شوية شوية. يمكن لسا عايش.
دااخذة واشبكة اريد احضنة.
بس دفعني يونس حيل. ووكعت بالكاع.
ودفع آصف.... وخله فهد بالكاع.
ضل يفحص بي. واني وآصف ثنينة منصدمين ونباوع علية. وكلوبنة ترجف عن اي خبر.
اباوع الدم من بطنة. وآصف ايدة تجري دم. مدااعرف شنو وشصاير.
اباوع عليهم.... بس.
صاح يونس.... لساتة عايش.
كلنة باوعنة علية بصدمة وكال يلة بسرعة للسيارة.راح نخسرة. كلبة كلش ضعيف.
فتح قميصة وخلا عالجرح. اعتقد جان مضروب سجينة. شالة يونس. وخلا بالسيارة. والعم مالك وآدم راحو بسيارة ثانية.
واني وآصف صعدنة ثنينة بالسيارة..يونس.
جنة نمشي باقسى سرعة.. حتة للحضة حسيت راح نسوي حادث. بس ماجنت شايلة اي هم.همي الوحيد انو بس اريدة يعيش فهد.
صاح يونس بصوت عالي... شادن.
جفلت وكلت... تحتاج شي.
يونس... صالي ساعة اصيحلج.اخذي قميص آصف. ووكفي نزيف جرح ايدة بسرعة.
صرت ارجف حيل. وآصف مو يمنة. احس بغير عالم.صعب كلش. صعب حسيت بي. وشلون مااحس بي. اذا فهد احسة ابني اني ربيتة.
صرت افتح بالأزرار القميص. وهو يباوع عالفهد وصافن.
فتحتهن كلهن. ونزعت القميص. شديت قميصة بأيدة.
هو ضل لابس بس فانيلة تعلاكة.
باوعت علية.... آصف حبيبي تسمعني. لاتخاف. رب العالمين ردنيا سالم. وانشالله يارب يتعالج. لاتخاف.
وهو ولايهمه.ولا حتة نطة اي ردة فعل.
دموعي نزلن علة ثنينهم.
لزمت راسة وخليتة عالصدري.
اباوع علية... لازم ايدي. بايدة المجروحة. ويباوع عالفهد.
شلت ايدة من ايدي.وخليتها بحضني ولزمتها حتة امنع النزيف.
وصلنة للمستشفى.ودخل آصف وفهد للمستشفى.
دخل فهد للعمليات.. وآصف عقمولة الجرح. جان مضروب سجينة.
ضلينة ننتضر فهد.شوكت يطلع من العمليات..
بكلبي واني اناجي ربي. ياالله يارب. والله بعدة مشاف شي من حياتة. بعدة صغير حتة ينضرب. يالله عافينيا. يالله مالي غيرك يارب. ياستار . يارحم الرحمين.
جنت ادعي وابجي... واقرة قرآن.
صارت ساعة ولساهم محد طلع. وآصف كاعد بالكاع ينتضر وصافن عالباب. ومرتجي بالحايط.
صار ضوة وطلع شخص مبين علية عمرة بالاربعين ومبين تعبان هواية.
كلنة كمنة... بس آصف لسا عالكعدتة وعلة صفنتة بالباب.
يونس.... ها بشر دكتور..
حجة الدكتور.. بس يحجي بتعلثم. للأسف. نحنة جدآ نتأسف. الطفل ماكدر يتحمل البقية بحياتكم.
كنة وكع علينة الخبر مثل الصاعقة.
اني رجلية ميحملني وارجف. واباوع أصف يباوع عالباب. ونفس صفنته بس يبجي.
دفعت الدكتور بايدين ضعيفة.ودخلت للغرفة.
اباوع علية. واحجي ليش. وابجي. ليش يمة ليش كتلوك الي مايخافون الله. ليش عمرة بعدة متجاوز السنتين. ليش كتلوك. ليش كتلو طفل بريئ.
ركضت علية واحضن بي وابجي بصوت عالي واصيح ليش كتلوك الي مايخافون الله.
اباوع آصف كام.وكعد يمي. وشبكة حيل ويبجي.
اباوع للكل يبجي بسكوت حتة العم مالك. واول منزلت دمعتة. طلع بسرعة.من الغرفة.
جنت اصيح بعلو صوتي وابجي من الله ينتقم منكم ياجلاب. الله لاينطيكم العافية. ولكم ليش موتو. ليش. الله مارضاها.ولكم طفل بعدة بعمر الوردة.
جنت اصيح. ولك فهد كوم كوم. شوف ابوك شوفني اني. ولك كوم اني امك. الي ربتك. كوم شوف ابوك شلون وضعه ولك كوم. لاتختبر صبري كوم. اكعد عاد ادري بيك نايم.
شبكتة حيل وابجي. واصيح الله ينتقم منكم. واشهك.
اباوع عالممرضين يباوعون علية وتنزل دموعهم.موقف كلش صعب. هذا ابني شلون ماابجي علية.
جا آدم يريد ياخذة مني.حجيت بعصبية. عوفوني.عوفو شويه يمي.عوفو يم ابو. خلينه شويه بمه لاتأخذو عليكم الله.
كام آصف علكيفة. واخذة مني وحضنة ووكع بالكاع.
حضنة كل حيلة ويبجي.
واني حضنت آصف وفهد وابجي.
الله لايراوي كل ام. عالهيج يوم شفتة. ليهسة اتذكر هذا اليوم رغم مو ان مر علية ٤ سنوات. بس كلشي اتذكر بتفاصيلة. اصلا شلون ينسي هيج يوم.
غمضت عيوني لمن راد يشيلة مرة ثانية وينطي لآدم.
نطاهيا. واني اريد احضنة. بس آصف لزمني.
وودو مااعرف وين.
جنت حاضنة آصف وابجي.
دخلو علينة شمايل ومهند.
اول ماشافتنة هيج. كامت تبجي وتعيط. كمت يمها وشبكتها حيل واكلها. راح من ايدينة. كلة بسببي. ليش تركت ابني بهذا اليوم. ليش.
مهند يباوع علية ودموع بعيونة. عاد ستأذن منه وطلع.
...........
مرن هذن ال٣ ايام علينة مثل الجحيم. كارهين كلشي.والاصعب من هذا كلة.. بالايام ال٣. يجون بيت العم ثابت ويخلون اللوم علية وعلة آصف..
وهو آصف بلكوة متحمل. لايحجي ولا شي بس صافن.
بس حضر للدفن والفاتحة. بس ابد ماحجة. ولاسمعتة يحجي.
كعدت بالغرفة. واتذكر شلون جان يكلي ماما. او شلون جان يلعب ويشمر الاغراض. او شلون يعصبني ويخليني اركض ورا.. ويختل يم آصف حتة لااكتلة.
منو يتخيل انو اني راح اتعلق كل هالتعلق بي.منو يتخيل انو راح يصير هيج. لو اعرف راح يصير هيج من البداية جان نهزمت ولا اعيش هالعيشة.
جتي يمي هتوف وكالت كومي. اكلي شوية.. ولج شادن عيني زوجج شوية. داتشوفي مدايتحمل اي شي كومي. طيبي خاطرة بكلمة. وكليلة خل ياكل. صاله ٣ ايام ممخلي شي بحلكة.. كومي ماعرفتج هالكد ضعيفة.
. دموعي يجرن واشهك.
شبكتني وحجت..اششش يمعودة لاتزيدين جروح آصف كومي اكلي.اذا يشوفج ضعيفة هيج هو هم يضعف. انتي ماتعرفين شكد تأثرين علية. كومي حبي. كومي. جيبلة اكل خلي ياكل.
كمت بدون مااحجي.ودخلت للحمام ولبست ملابس سودة. ونزلت.
رحت للمطبخ وسويت اكل بصينية.
وصعدتة بالمكتب مالتة.
اني كلش اخاف من الغرفة المكتب بسبب الي صار بية..بس لازم اقصر خوفي.
دخلت واني كل همي يمة.
لكيتة كلعادة.كاعد عالكرسي . صافن عالمكتبه.
سديت الباب... وخليت الاكل عالميز.
جبت كرسي وخليتة يم كرسي مالتة.
حجيت... آصف ادري كلش صعب الي مريت بي. مو بس انت. اني هم.. اني احس نفسي جسد بلا روح.بس الحياة متتوقف.انشالله نجيب اطفال هواية. ونترس الغرفة لا مو الغرفه البيت. مستحيل نكدر ننسة فهد. بس لازم نتقوة علمود الي يحبونة. اهلك هم مداياكلون. وخايفين عليك لانك مداتاكل. لخاطري اكل.
باوع علية.... دار وجهة.
حجيت.... وحتة اني مااكلت. انتضرك تاكل انت.
رجع باوع علية.
حجيت... اذا متاكل اني هم ماكل وطبني طوب.
دار وجهة.
دااطلع.... لزم ايدي. وكال اكعدي.بصوت كلش هادئ.
بتسمت بلكوة.... وكعدت يمة. جنت اوكلة واوكل نفسي.
هو بلكوة يبلع اللكة ماالومة.الله يساعدة. تحمل هواية. واصعب شي لمن. احد يموت بحضنك.
هوة مو بس واحد مات يمة. لا ٣ ماتو يمة. اول شي امة ماتت وهية توصي.وابو مات ومرتة ماتت بحضنه وهذا الرابع فهد مات..
غمضت عيوني حيل حتة لاينزلن دموعي. بلكوة تمالكت نفسي.
........
آصف.... شادن.
با وعت علية ... عيون شادن.
آصف.... انتي وكفتيلي وكفة ام مسوتها وياية. انتي كلج علة بعضج. طيب نابع من كلبج. انت اطيب كلب شفتة بحياتي.كلبج ابيض. وصافي. اني دائما اضربجوااذيج. انتي تتحمليني وترجعين تحجين وياية وكانو شي لم يكن. ياشادن. احبج. شادن احنة.. وسكت.
ورجع يحجي... احنة لازم ننفصل.
جنت هادئة.. بس من كال ننفصل.تصنمت بمكاني واباوع علية.
آصف.... مااكدر.. مدااتخيل. مااكدر اتخيل انتي هم تروحين من ايدي. شادن فهميني زين. لازم ننفصل حتة تبتعدين عني. حتة لاتتأذين. لازم.
دايحجي.. اششششش.دخيل الله شداتحجي انت. انت مقتنع بلي تكولة.
آصف.... اي مقتنع لازم ننفصل. مااريدج تتأذين. اهلي ماتو بحضني ويمي. واني مدااكدر اتخيل انتي.
وسكت.
ورجع كال. انتي يصير بيج شي لاسامح الله.مااكدر. لازم تعذريني.
بدت دموعي تنزل وكمت من الكرسي. مايصير بية شي. وتعذرني اني. مااكدر اتركك.
دااطلع من الغرفة..
صاح... بحدة... شادن.
صرت ارجف... اني اعرف الي يريدة يسوي. لو يغصبني. بس مااكدر اتخلة عنة.
... آصف اعذرني. مستحيل اعوفك وحدك. مو انت نفس آصف الي عرفتة. ماجنت اعرف انت هلكد ضعيف.
آصف.... اني يومين واطلع للحشد. واريدج تروحين لااهلج.
باوعت علية... لابربك. من صدك..صدك انت تحجي. اذا اني مامتت بموت فهد. فاني اموت بلياك. افهمني. اني مستحيل اخليك تطلع للحشد.
آصف.....صاح بحدة.. مو بكيفج. باجر انشالله اجيب ورقة طلاكنة. وبعد باجر. لازم اطلع لحدود لسوريا.ويمكن ماارجع.
سكت....وحجه بهدوء. سامحيني شادن.
باوعت علية بعصبية...اسامحك مو.
رحت يمة وهو غمض عيونة. حجيت. اسامحك عله شنو اسامحك. والله اذا طلكتني واذا طلعت للحشد. بعمري مارح اسامحك. تفهم.ماراح اسامحك. آصف انت تريد تموتني.احجي كول.
. ولو تحبني شوية جان ماطلبت الطلاك.
لزمني حيل من ايدي وقربني الة.... ولج شنو مااحبج..بس مااكدر اتخيل انتي هم تروحين من ايدي. فهميني عاد.
حجيت بضعف.... ماراح اروح من ايدك. صدكني. آصف اني احتاجك. مااكدر بدونك.
قربني يمة وحضني... وباس راسي.
آصف..... ولج افهميني.
واني لساتني بحضنة.. بلة واذا تطلكني. تكدر تعوفني. تكدر تنساني. انت نفس الشي داتسوي. هم بعد ماراح تشوفني. آصف. كافي عاد مااكدر اموت اذا تبعدني عنك. انت ليش متفهم.
تنهد تنهيدة عالية....شادن. كافي تزيدين همومي وجروحي.اذا عندي خاطر الج. ننفصل. وبروح فهد وبداعتة عندج. ادري اني هم مااكدر بدونج بس لازم ننسة بعضنة.
صرت ابجي واشهك.كلبي نا ر هو كلما يريد يبعدني عن حضنة ارجع اشبكة. وابجي واشهك.
بصوت مبحوح.... لو تحبني صدك لازم تضل تتمسك بية. مو بس وكعت وكعة.عفتني ونسيتني.
آصف..... كافي شادن. ساعديني. اني مدااكدر اتحمل اي شي بعد. كافي.اني كل همي ادور علة كتال ابني.واكتلة.
دفعني عالكيفة... وطلع من الغرفة.
كعدت بالكاع وابجي. واشهك ليش ليش لعد خلاني اتعلق بي لهذي الدرجة. ليش مكتوبلي اتعذب اني .ليش.شلون اكدر انسا.
كلما اتخيل يروح للحشد. مااعرف شيصير بية. وكلبي نار.اتمنة اموت. ولا اشوفة بالحشد. ادري الي يروح للحشد وخاصتا حدود سوريا والعراق. كلها دواعش. و٢٠١٦ جانت هواية دواعش هناك. يروح وبعد مايرجع..
اني اعرف آصف جان شرطي قبل.بس ترك الشرطة.وكعد يتاجر بالذهب. كرهت حتة الذهب.مايجيب اله المصايب.
وجان متدرب تدريب خاص. يعني يعرف كلشي عن الحرب. بس هاي قبل لاتنزل الدواعش للعراق.
رحت للغرفة بضعف.. وكعدت عالسرير.
تنهدت ... يالله.. يارب.
ودموعي ينزلن.
انفتحت الباب.. ودخل آصف. باوع علية. وحجة بهدوء.حضريلي ملابسي اريد اسبح..
.. تعذرني مااكدر اطلعلك ملابس. لانك متصير شي بنسبة الي.
باوع علية وكال... استغفر الله. كومي واني محروك كلبي. كومي طلعيلي سلابات اريد اتسلبهن.
كمت ورحت للكنتور. طلعت تراكسود اسود. وهو دخل للحمام..
طلعتهن... وكعدت عالسرير..
ورة عشر دقايق... طلع وبيدة المنشفة ولابس بس شورت.
نشف نفسة... واخذ الملابس مني. ولبسهن.
ابد ماباوعت علية... ولا كانو هو بالغرفة.
بس احس نضراتة تباوع علية..
قرب يمي وكعد بصفي. تنهد.خلة ايدة عالركبتة.
.. شادن.. مااعرف شريد احجي اني مااريد شي من هاي الدنيا غير بس تسامحيني.
سديت حلكي امنع شهقاتي.
آصف.... من يوم ماجيتي لهنا. انت دائما تبجين.ومارتاحيتي ويايه ابدا. لازم ترجعين.
...... يلة تقبل اتزوج.غيرك.
باوع علية بصدمة.
مسح جبينة... وسكت.
حجيت... السكوت علامة الر..
دااحجي وكال... اششش نجبي. غير اطيح حضج.
.... بهدوء. مو انت راح تطلكني وتريد تنساني شنو شتغير.
بعصبية.... اشششش.
.... لعد تريدني اتطلك واظل مطلقة.
باوع علية بصدمة... وكال.تريدين تزوجين غيري.
..... انت اذا ماتريدني. فااني لازم اتزو..
جر ايدي حيل.وقربني اله..وهو يرص اسنانة.. طلاق مااكو فتهمتي....
دفعتة.... انت مخبل دخيل الله.
باوع علية... انتي راح تروحين لاهلج. بس طلاك ماكو. فتهمتي..
.... تريدني اضل معلقة.
آصف.... بالضبط.
سكتت... اني سويت هيج حتة يبقيني يمة وبهذا البيت. بس هو مصر علة انو اطلع من البيت.. ياربي شسوي يعني.
بعصبية... اناني.
باوع علية...وطلع من الغرفة.. وسد الباب بقوة.
..... صار الصبح.
وكعدت سوينة اكل.وكلنة اكلنة بس كلش قليل.
دخلت للغرفة اريد ارتاح انام. دخل آصف.
باوع علية وكال يلة تهيري.
باوعت علية بصوت يرجف... ووين وين اروح.
بدون مايباوع علية... لاهلج..
بعصبية..... مااطلع مااطلع من البيت لو تموتني. تفهم..
باوع علية... موبكيفج.
باوعت علية ورجعت ليورة..ودموعي ينزلن. آصف لاتسوي بية هيج.
آصف.... لتختبرين صبري. كومي تهيري.
.... جتفت ايدي. وكعدت عالسرير.
اباوع علية صار يلم بالملابس.
كمت وشمرت الملابس صوت عالي.. مااروح. كتلك مااروح.
باوع علية وعل الهدوم الي تطشرن.
آصف.... واذا وعدتج ارجعلج. بس مو هسة.
..... مايهمني اريد ابقى يمك. او بالبيت..
آصف... افهمي مايصير تبقين بالبيت. واني مو هنا.لان..
وسكت.
..... لان شنو. احجي.
مسح جبينة بعصبية. وكال. اخاف عليج مااكدر. هذولي بيت عمي مالك وعمي ثابت. مااضمن يبقوج هنا. انتي ماتعرفيهم زين.. لهذا لازم تطلعين لااهلج
...... اذا تعرفهم هيج ليش متكعدنة بيت وحدنه بي اني وياك.. حتى لانضطر نبتعد عن بعض.او تضطر تطلع للحشد.
آصف..... بوية انتي مخبلة. انتي صدك طايحة الحظ... لو اطلعج بيت وحد جان انتي هم ميتة وية فهد. ولج كافي مرمرتي كلبي.
نزلت بالكاع ابجي..
باوع علية وتنهد. دنة يمي. وباسني من راسي. وكعد يمي حضني..
آصف.... ولج انتي تحسبيني اني ارتاح اذا تطلعين لاهلج.. ولج والله نار بكلبي ابد ماتبرد. كلما اتذكر راح تطلعين لاهلج. لك انعل ابو الحب. الي سوة بية هيج.. ولج اني مسودن بيج. عينيني.. لازم تروحين. واوعدج اوعدج.راح ارجعلج سالم. وارجع للبيت ونعيش بسلام ونجيب اطفال. اني وعدتج.
شبكتة حيل وابجي.. وشوكت ترجع ها. كلي. شوكت. ليش تريد تأذيني حتة من تبتعد.
تنهد... وكال.... ٥ اشهر ٦ اشهر او سنة ماادري.
من حجة هيج صرت ابجي اكثر. واشبكة اكثر..
آصف.... يلة لمي غراضج.. ولاتعاندين.. واواعدج كلما انزل للبيت اجيج واشوفج.
بتعدت عنة وابجي واشهك والم بالغراض
هو يباوع علية... ويواسيني وارجع ابجي بالزايد.
كملت لم غراضي. خلة بالجنطة الفلوس هواية.
حجيت... مومحتاجة فلوسك. ماما ومهند َماراح يبخلون علية.
آصف....لاتدخلين يمكن تحتاجيهم. واخذي ذهبج هم.
حجيت بعصبية... الله يلعن ابو الذهب هم.. كل المصايب من ورا.. اني جان هسة عايشه بسلام. لو ما الذهب.جنت هسة عايشة بدونك وبدون فهد.
باوع آصف علية.... ونزعج من كلامي.
يعني صدك حقي لوما ابو سوة كل هالسواية جان ماشفت آصف بعمري. وجنت هسة عايشة وية ابراهيم احسن عيشة. ولا مريت بكل هالحزن.بس القدر. اخ من القدر..
كام اخذ الذهب. وخلا بالجنطة مالتي.
باوعت علية... وشلت الذهب وشمرتة.
باوع علية بصدمة... شادن ترة بلكوة لازم اعصابي. وياج. كومي لمي الذهب.وخلي بجنطتج.
جتفت ايدي... ووكفت.
آصف... بحدة.. لمي.
تنافخت... ورحت المة. اباوع اكو كلاده مكسوره.
لزمتة وخليتة بجنطتي.
بدلت وكملت ولبست الشال.
باوع علية وجا شبكني.
ضليت بحضنة... ومرت دقايق. وهو حاضني.
باوعت علية.. يعني مصر.
باوع علية... واشر براسة يعني.. اي.
غمضت عيوني حتة لاينزلن دموعي.
باسني يم شفتي وكال يلة.. احضر السيارة.
راح.....واني.
ورجعت ذبيت الفلوس.. والذهب. بالكنتور.
نزلت جوة.... وودعت هتوف وعمة حوراء. وعمة ملاك.
ورتيل.... ودعت آدم ويونس والعم مالك ومراد هم.
وطلعت للسيارة.
اباوع علية.... لكيتة كاعد بالسيارة وايدة مرجيها عالجام السيارة.ولابس ملابس شرطة.
دخلت للسيارة.... ومحجينة طول الطريق.
وصلنة للبيت.
دخلت من دون مااودعة.
سلمت عالكل... وعلة شمايل. وعلة مهند. ودخلت لغرفتي...ودخلت وراية ميان.
ميان... شادن شبيج آصف ينتضرج.
..... كليلة ماتريد تشوفك.
ميان.... خطية... ترة الي صالة مايرحم. روحي طيبي خاطرة بكلمتين. والله تندمين اذا ماودعتي.
صدك الي داتكولة.واني مااريد اندم. ادري اذا ماراح اوادعة راح اندم طول عمري.
طلعت ركض من الغرفة..وطلعت بالطرمه.
وحضنتة. وحجيت دير بالك عالنفسك.
.آصف.... لا تهمتين بية.المهم انتي.
.... آصف وعدني انك كلما تجي لبيتكم. تجينة.
آصف.... اواعدج.
بتعدت عنة.... وودعتة.
ودخل للسيارة.. حسيت روحي نسحبت من كلبي...لمن حرك السيارة..
شكرا لزيارتكم عالم روايات سكيرهوم
