رواية ما ذنبي انا الفصل الخامس والعشرون بقلم أحلام السعدي
سهرت أعين ونامت عيون في أمور تكون أو لا تكون فادرأ الهم ما استطعت عن النفس فحملانك الهموم جنون إن ربا كفاك بالأمس ما كان سيكفيك في غد ما يكون.
ــــــــــــــــــــــــــــــــــــــــــــــــــــــــــــ
بتعدت عنة.... وودعتة..
ودخل للسيارة.. حسيت روحي نسحبت من كلبي لمن حرك السيارة.
طبيت الغرفتي ودموعي ينزلن.
احس روحي داتطلع. طلعت عالسطح. وابجي بقوة.
دخلو امي ومهند وميان وشمايل. شادن كافي عاد تفاولين علية.
شلون ماافاول علية.. الي يروح لحدود سوريا والعراق. يموت. شلون متريدوني افاول علية.
ضل يهدون بية ويحجون وياية.عفتهم مالي خلك احجي.
دخلت بغرفتي. وباوعت عليها. اوووو صالي شكد مشايفتها.من يوم الي نخطفت. واني ماشايفتها.
وحتة محد فاتح غرفتي.
رحت يم السرير. وفتحت الي جوا.لكيت تلفوني.الي نطانيا ابراهيم.
فتحته مجان بي. شحن.
رحت خليتة عالشحن. اكيد حخابر آصف..
جنت فرحانة لانو ماكو اخذ هذا التلفون. واكيد راح اخابر آصف واسال عنة.
خليتة عالشحن. وفتحت الجنطة. الي جبتها وياية.
دااصفط بالهدومي. باوعت اكو الذهب الي خليتهن بالكنتور. والفلوس هم.
باوعت عليهن باستغراب. اني متأكدة خليتهن بالكنتور.
اكيد هذا آصف.
اخذت هدومة وهدوم فهد وخليتهن عالطاولة يم السرير مالتي.
خليت الملابس. وفتحت الجيب باوعت عليه.وكمت افرغ الملابس.
اه اه.هسة لو فهد عايش. يالله يارب رحمتك يالله.
مااادري بنفسي الة واني نايمة وحاضنة ملابس فهد واشم بيهن.
صار يوم..واني ادري اليوم يطلع. آصف للحشد. كمت بتكاسل.عزلت غرفتي. ونزلت جوة اكلت ورجعت. كعدت بغرفتي ونمت.
صارت الليل واني مالي خلك اي شي اسوي. ابد ماطبيت لغرفتي. لان تخليني اختنك.
بس من نعست رحت انام بيها.
كعدت مفزوعة من الحلم ولازمة ركبتي. وابجي واكح.
حلمت جاني شخص ملثم. وضل يخنك بية. والله العضيم للحضة حسيتة صدك. مو حلم وانما احلام اليقضة.
باوعت الساعة بال٢ بالليل. صرت اشهك وابجي.اباوع ايدية ترجف.
ركضت بكل سرعتي. واني ادور آصف. او اي شخص.
اباوع تذكرت اني هسة بيت اهلي مو يم آصف.
طلعت بالطرمه اتنفس شوية.
من فتحت الباب. انتفضت من البرد.. احنة بشهر ال2 وباردة كلش. والسما كلش مغيمة. وتخوف.
رجعت لغرفتي اخذت قمصلة.ونزلت للطرمه.
كعدت واني مثلجة ولابسة دشداشة وفوكوها قمصلة.
دعيت شوية. واني ادعي ربي. انشالله يرجع آصف بالسلامة.
تذكرت الموبايل.
رحت ركض بغرفتي. وركضت عالتلفوني.
اباوع للغرفة وتذكرت الحلم.. يالله شنو هذا الحلم الي حلمتة.
خليت ايدي علة ركبتي..واني احس مااكدر اتنفس.
طلعت للطرمه. اني جنت حافضة رقم آصف.. كلت علمود خاف يصير شي. حفضت رقم مراد وآصف.
اباوع.... يبوووو.طيب اني شلون نسيت انو الخدمة موكفة. والرصيد منتهي صلاحيتة.
كعدت اندب وابجي. علة حضي.
طبيت لغرفة ميان.بلكت الكة موبايلها الي نطاهيا مراد بالمهر..
باوعت لكيته عالميز.
رتاحيت شوية.
اخذتة وطلعت.
اباوع اكو محادثة مدزوزة.من مراد.
يكول بيها شلونها هسة شادن.
مجاوبة ميان والله يعني هسة خطية نايمة الله يساعدها.
مراد.... امين يارب العالمين.
اباوع عالمحادثة. كلها غزل وحب. بتسمت عالطيور الحب.
وتذكرت اني عله شنو جبتة.
رجعت للمرة ال٥ اطلع للطرمه.
اباوع. كام تصير.كراكيع. (برق او رعد).
اني اخاف كلش منهن. كعدت يم باب المطبخ.
ودخلت رقم آصف.ودك.
اني ادري ساعة متأخرة بس بلكت احصلة وارتاح شوية.
تصل.... الو آصف.
... الو. منو وياية.
... هذا الحارس الي يستقبل اتصالات المجهولة من آصف او من العائلة.
.. نطيني آصف اني زوجتة.
الحارس.... اهلا مدام شادن. انشالله تأمرين. بس هو مدايرد علة اي اتصال.
بلكت يرد علية.
الحارس.... حاضر.
ضليت انتضر الاتصال.وماكو.
وتصلت... بال١٥ مرة. وماكو. هو مو مغلق.هو يتصل بس ماكو احد يفتحها. قلقت عليه هواية.
نتفضت عالصوت الكراكيع يزيدن اكثر. وبدت تمطر.
تصلت عالمراد.
دك.... هلا حياتي.. الوقت متأخر. بيج شي..
ابجي... مراد.
مراد.... شادن.بيج شي. انت زينة.
حجيت.... اسفة مراد كعدتك بهل ليل.
مراد.... لا عادي شادن اني اصلا مانايم. كاعد.
. بخوف....مراد.آصف مدايرد عالاتصالات. هو يدك الرقم.بس ماكو احد ومو مغلق.
مراد.... ادري والله ياششادن..اني هم اتصلت عليه.
وماكو..بس هو هسة اكيد عالطريق الانبار. واليوم بالطقس كالو اليوم مطر بهاي المنطقة. فلاتخافين يمكن ماعندة شبكة.
....... مراد. اكلك يتصل ومايرد. شبيك انت.عن اي شبكة تحجي انت. اني كلش خايفة عليه.
مراد... والله ماادري. ماادري شسوي.
... مراد باب الغرفة مالتنة مفتوح.. شوفة. خاف نسة موبايلة او مااخذة ويا.
احسة تنهد وكال.. ان شاء الله. هسة.
كعدت انتضر..سمعت نفتحت الباب. ونطبكت.
ورة شوية كلت... ها مراد لكيت شي.
تنهد... اي ناسي موبايلة. او كولي مو ناسي وانما هو عايفه هنا.
واني اشهك..... والله.
مراد... ششادن لاتخافين علية.. ماطول وعدج يرجعلج. فهو يوفي وعدة.
.... مشكور ماقصرت. اشكرك هواية مراد.
مراد.... بالخدمة.ماسويت شي. اذا تحتاجين اي شي. اي اني بالخدمة. وامانة بركبتج والعباس عليج اذا تحتاجين شي وماتكليلي. انتي مرت الغزيز..
بتسمت... تسلم.تسلم مراد. انشالله يارب. يلة روح نام..ادري تعبتك.
مراد... لاتعب ولاشي يمعودة. اصلا كاعد اني.
نهيت الاتصال ويا. وكعدت شوية. واني اشوف المطر يزيد.
وكفت بالمطر واشهك. وابجي..
بس من صارت كراكيع حيل.. نتفضت. وعفت الجنون شوية. ورجعت. سبحت بمي حار.
بس مانمت بغرفتي. نمت بغرفة ميان.
كعدت من الصبح. واني اباوع عيوني كلش ثكال..نومي واحلامي كلهة تخوف. كلها عالآصف وعلة فهد.
اكلت شوية اكل.
مهند... شادن كافي عاد.شهل حزن. مشفتي وجهج شلون صاير. مشفتي نفسج هلكد تعبانة.. كومي خلي نتمشة شوية ترتاحين. خلينة نروح لكربلاء نزور ونبقى يومين هناك.. وشوية ترتاحين.كومي حضري نفسج. وانتو هم حضرو نفسكم..
الكل فرح... بس اني هم فرحت علمود راح ازور. وارتاح شوية. اريد انسا ولو شوية فهد او آصف.
حضرت الهدوم اباوع الجو. زين واشوة من البارحة بس كلش كلش باردة.
حضرنة كلنة. اباوع.. عالشمايل... والله وبطنج كبرانة.
شمايل.... اي اكيد . داكل هواية. حتة يتغذة زين.
... بتسمت عليها.
دخلنة للسيارة.... وشوية ونمت.
٤ ساعات ووصلنة.دخلنة للفندق. ورتبنة اغراضنة.
جنت كل الي يهمني ازور.
طلعنة بليل... جانت ليلة خميس.
اجواء كلش حلوة تخلي كل شخص يرتاح.
صلينة وكملنة وسمعنة دعاء كميل صليت لآصف والفهد وصليت لكل بيت عيالي.
ودعيت الله يجبليا سالم.
دخلنة للاسواق. هواية فرفرنة. وجان صدك يوم حلو. ونسيت شوية من معاناتي.
هواية اخذنة اشياء.
واني مااكدرت اخذ فلوس من مهند او امي. فاخذت من فلوس آصف.
شتريتلة ساعة ومحبس هو يحب المحابس والساعات.وشتريتلة. عطر.
وشتريت سلسال صغير كلش. حلو مكتوب حرف.آ.. بي. بس مهند ماقبل اله هو يدفع الفلوس.
جمدنة جمد كلش باردة والكل تمشي ووترجف.
مر شهر عالروحة آصف وهو ماكو اي خبر عنة. واني حالتي. من مستشفى لمستشفى.
عندي فقر دم حاد
طلعت من المستشفى.. واني حالتي اريد بس امان.. اريد دفو.. اريد آصف. اريد اعرف شنو هذا الحب الي سوة بية هيج.كل يوم يزيد حبي اله. ويزيد شوقي اله.
واهلي ابد مومقصرين وياية. يطلعوني ويطببوني. وشريد يجيبولي.
شتريت تلفون الي. ودزيت تلفون لبراهيم.
اليوم جان عزيمة بيت عمي. نفسهم بيت ابراهيم.
حاولت مااروح. بس امي ماقبلت. تريد ترجع كلشي لمجاريه.
دخلت لبيتهم.
وسلمت عالكل.
وسلمت عالابراهيم..اباوع علية. وكأنو شيء لم يكن..يعني عادي يسولف ويضحك. هو خطب.خطيبته بنت خاله.وهية حلوة.فرحتله هواية. الله يبارك بيهم..
اريد اروح اغسل وارجع..
دخلت للمطبخ. ودخلت اغسل عالسنك.
بس ستحيت اغسل هناك.. لان عمي موجود..هناك.
طلعت برة وغسلت..المغسله صايره يم باب البيت. اخذت موبايلي.وطلعت . وباوعت ابراهيم.
داادخل ووكف بطريقي.
باوع علية .آصف عافج.. وراح بعد مايريدج. هاهيه اخذ حاجته بعد.
باوعت علية. لاتدخل. هو راح للحشد. مو راح يتونس.
ابراهيم.... مااعرف شلون حبيتي شخص. عمة كتل ابوج. والله يالله.
بهدوء.... ودرت وجهي. غلطان. عمة مايدري هو ابوي.ولايدري. انو هو الي كتل اخو.
ابراهيم..... او حلوووو. طالعة لسان للقطه...صاافر.
باوعت علية يباوع علية بجراءة... ابراهيم اعقل اني متزوجة.عيب هالكلام.وعيب هالحركات. وانت هم خاطب.
ابراهيم.... اووووو مبينة هواية تحبي وماتنطين بب..لاشنو اسمة.ها آصف.. اني لمن خطبتج.ماعبالج علمود شي..علمود جمالج. جنت اباوع عليج.مو ك حب.. لا كمثل متكولين بس.شهوة.
فتحت عيني. واباوع علية.. بعصبية.. شلون تتجرء.
ابراهيم.... هذي الحقيقة. انتي كلج حلوة وجسمج كلش حلو..وصاافر مره ثانيه.
بعصبية... هي كافي عاد احترم نفسك. واحد منحرف.ومنحط.
داادخل للداخل. بس لزمني وكال.وصايرة تعرفين تحجين. اووو منين تعلمتي. اوووو من آصف مو.
اباوع علية متقرب كلش مني ويشم يم ركبتي.
فتحت عيوني واني اسمعة هيج يحجي. دفعتة حيل.ووكع بالكاع.
؛عفته. ودخلت يم امي... يلة اني اروح مااريد ابقى.
ماما ضلت وتريد ابقى.بس مابقيت.
وميان هم كالت اني هم اريد اروح.
بس ماقبلو نطلع الة نتغدة.
فالكل دايصلي. واني كملت. وكعدت. دك تلفوني.
اباوع..... رقم مجهول.
رفضتة وهم رجع دك نفس الرقم.
ميان.... شادن..شوفي منو.خاف عيالج.
حجيت... لا شيعرفهم برقمي هذا.
ميان... ماادري.
دك رقم مرة ثالثة... وفتحتة.
وطلعت بالغرفة.... اخت ابراهيم المتزوجة..
حجيت.... الووو.
سمعت صوت.... الووو. اطلعي من البيت ابراهيم لااجي افلش هذا البيت عالروسكم.
اباوع... عالشاشة بأستغراب.
بس اباوع عالنفسي بالمراية. دموعي تجري.
معقولة َمعقولة هسة يلة تذكرني.
.... وينج..
.بعصبية.. يعني صالك شكد مامتصل.. واول ماتتصل بية تحجي وياية بهل نبرة.وبعدين باشتياق.. شلونك شخبارك. آصف ارجع عاد مشتاقتلك.
سمعتة تنهد... مااكدر هسة. اعذريني. وبعدين مو هذا حجيي. اطلعي من بيت ابراهيم.
حجيت.... وليش. مو هذا حج.
وسكتت.... بعدين حجيت بستغراب.شلون تدري اني وين.
آصف..... لاتدخلين. اطلعي. واياج ثم اياج اشوفج يمة.اني تغاضيت مرة..بس هالمرة. اجيج واكسرج واكسرة.
بتسمت... لو تعرف شكد مشتاقة اسمع صوتك. تعال شوف حالي.وين صرت.
آصف.... تنهد اني مشعول جدي وهية تحجي هيج. وبعدين هدء شوية. شنو بيدي. اريد شوية ارتاح..مااريد اتذكر فهد.
..... وهسة انت هناك.. اصلا تحس نفسك اكثر تتذكر فهد وكل عائلتك.
آصف.... اي والله ادري. بس مااكدر اترك الحشد. لان اذا اتركة. يسجنونني.
..... لعد بس اريد اشوفك آصف حس بية. راح امو.
دااحجي وكال اششش.... لاتجيبين سيرتة.
وسكت بعدين... مشتاقلج.
بتسمت واني ازيد بالبجي..واني اكثر. آصف انت وين كلي.داتاكلون داتشربون. شلون هناك بالبرد.
آصف.... عالله.. رب العالمين. مايترك عبد من عبادة.الحمد لله والشكر..رغم كل يوم يموتون من عدنة بال ١٠ او ٢٠ شخص. ومثل وردة. والله تشيب راسج اذا تشوفين الي دايموتون.والله كلهم اصغر مني. وحتة عمرة ١٦ وال١٧سنة. واني ادعي الله اني وياهم.
بعصبية.... اشششش شنو هالحجي.
آصف.... الي كاتبة رب العالمين يصير.
ضلينة نحجي شوية.
...حجيت بهدوء.... آصف اريد اشوفك.
آصف.... مااكدر.
..... تنهدت.. عنيد وتضل عنيد والي يصير براسك تسوي.راح يضل راسك يابس. اريد اكلك. تعال اكلك. شلون عرفتني اني بيت ابراهيم.
آصف.... كل تحركاتج اعرفهن. وترة اليوم اني كلت تغاضيت عن كلام ابراهيم وحجيج.واذا مطلعين مناك باسرع وكت. راح تشوفين شي مايعجبج.
.... وشنو تسوي بلة.
آصف.... ربع ساعة اذا ماتطلعين. راح تشوفين شسوي.
سد التلفون.... اباوع. هو صدك حاجاني لو اني بحلم.
ياربي لو حته لو بحلم مااريد اكعد منة.
كعدت يم ماما.وصارت ربع ساعة. واني اكول مستحيل يسوي شي.
سمعنة صوت الباب تندك حيل.
كلنة كمنة وكل كالو ياستار شصاير.
فتح ابراهيم الباب... ونضرب بوكس.
وطلع مهند... ويريدون ياخذونهم.
اباوع الشرطة..تأكدت انو آصف هو سوة هيج. من دك تلفوني برقم مجهول.
ابو براهيم... انتو شلون تاخذو باي تهمة.
الشرطي..... بتهمة يتحارش ببنات العالم.
الكل يلطم ويريدون ياخذوهم.
... لا لاتاخذوهم.. خلص كلة هسة حطلع من البيت.
باوعو علية بصدمة.. والشرطة عافو مهند وابراهيم.
الكل يباوع علية.
بلعت ريكي وكلت ها شبيكم.
ام ابراهيم.... شنو شحجيتي.
....... هاا. لا هيج عاي.شي. يعني.ماادري. جنت بغير عالم وحجيت هيج.
اباوع الشرطة.ييرد عله اتصال موبايله. وكال. احنة نعتذر. طلع مشتبه بي. واحنة اسفين. طلع غلط بالعنوان.
باوعت جتي رسالة.
فتحتها... والكل مشغول بحجي وية الشرطة.
آصف.... اطلعي هذا البيت مو امان الج.اني مخلي الج حرس.. اخاف عليج من اي شي يصيرلج. لاتخافين اني دائما وياج.
اباوع يمنة يسرعة يم الباب.
اباوع.... حرس ثنين. اعرفهم هذولي. هذولي حرس الشخصيين لأصف. ومخلصين هواية اله..
ولوحولي بايديهم..
بتسمت ولوحت الهم.
ليش هيج يسوي آصف.
لبست عبايتي.وميان هم.وطلعنة من البيت.
وصلنة يم البيت مالتنة.
سمعت صوت.
ابراهيم... شادن.
.... بعصبية... ها خيرك انشالله.
ابراهيم... مفكرة مااعرف شسويتي. ولج اني تعلمين علية..
دايلزمني.. من ايدي.
بس نلزمت ايدة.
باوعت علية.... وبتسمت..
شكرا لزيارتكم عالم روايات سكيرهوم
