رواية حين تتغير الاقدار الفصل السادس والعشرون بقلم سناء الهموندي
ضحڪــــتك تخلــــق بڪــــلبي ألــــف دڪــــهه🥺❤💍
يعيبون الرجل حين يعشق أنثاه ويدللها وينسون أن الرفق بهن أعظم رجولة ❤️❤️💪
عكب ذيج العيون اندار الغير عيون شمالني ❤️
بارت قصير هديه لأحد المتابعين والمحبين للقصه ☺️☺️
انور : مرت يومين وانا مثل الكوه يصبر نفسه بعد متحملت خليت ورحت اجيبهه وصلت وكت غده سلمت على خالتي وسلطان والبنات سالت عليهه لعد وين هناء .
سلطانه : تخبز بلترك هسه اروح اكمل مكانها واصيحها الك .
انور : لا خليها أنا رايح الها .
سلطانه : خوش .
انور رحت تمشيت الها نعادت عليه لحضاتنه سوه وانا اطلب أيدها ابتسمت وكفت وراها وكلت كواهم الله مريتي .
هناء : بفزه يمه خوفتني .
انور : بضحك شنو اكو مره هيج تستقبل زوجها .
هناء : لا طبعا هلا بابو بيتي وتاج راسي .
انور : الله جريت حسره شكد حلوه الكلمه بحلكج ابو بيتي تذكريها كلتي باحلامك معقوله تحققت .
هناء : بخجل والله عاد انت كلشي مستحيل وياك يصير تبا للمستحيل .
انور : بضحكه قويه بتسمت وتقربت حضنتهه وبستها برأسها وكتلها تره ميت جوع صار تلث ايام مماكل من يوم عفتيني يا قاسيه .
هناء : وهيه تشلع الخبزه هاك اكل هاي مكسبه بس ليش تكلي قاسيه .
انور : اخذت الخبزه واكلتها بوياي هسه ياله ردتلي رويحتي من شفتج واكلت من ايدج شفتي انج قاسيه عبن ماتحسين بيه لا نومتي مثل الوادم ولا اكلتي من يوم رحتي .
هناء : بضحكه جا شون اعوفن اهلي صار اشهر ما جايتهم .
انور : حقج حبيبه بس منا ورايح اجيبج بيدي واردج بيدي .
هناء : كملت الخبز تغدينه بلخبز الحار وأمي مسويه باميه من كاعنه تازه تخبل بات انور بيت اهلي فرشتله يم الولد بليل وانا افرش .
انور : جا شنهي ما تنامين يمي .
هناء : طبعا لا شنهي انامن يمك كدام اخوتي والله لو اموتن .
انور : بتوعد وابتسامه جا خوش باجر نرد للبيت واطلعه من عينج .
هناء : الله كريم لباجر يحلها الف حلال ...ثاني يوم الصبح ردينه تلكتنه خالتي ضويه فرحانه بوستها وكعدت سولفتلها على اهلي وهيه تبتسم طبت نهله كالت .
نهله : اي شكو عليهن بنات الريف حضهن كاعد ورجال يعبدهن عباده .
هناء : بعصبيه شتقصدين ينهله .
ضويه : نهله تسكتين لو اكوملج .
نهله : شبيج يمه أنا أقصد على صديقتي بنت الفلاح تزوجت واحد من بغداد وهوه يموت عليهه .
ضويه : كامت على حيلها ونهله طفرت لحجرتها وقفلت الباب .
هناء : سكتت لأجل عين خالتي عبن كالت مسحيها بوجهي وباستني بس انا الها اله اطلعها من عينها مرت الايام والأشهر جابت تهاني بنيه وساكنه عدنه وتغورني بتهه وحتى لو ردت اوصل يمها متقبل وانا مدري شمالني ما حبلت رحت للدكتوره كالت مابيج شي اصبروا بعدكم جدد وشهر يجر شهر وانا كل شهر انذبح وانكسر من اعرف بنفسي مو حبله تهاني كلساع ذابتلها كلمه هيه واختها لو بنات خالت ابوها سموني بعيشتي ....بيوم اجه انور جايبلي لعابه حلوه تخبل انطانيها كدامهم كاعدين سوه بلهول جان تهاني تكول .
تهاني : سوده عليه خويه يلهي روحه بلالعاب شرايك اخطبلك صديقتي سهام الجنت كاتل نفسك عليهه بلكي تخلفلك جاهل يشيل اسمك .
انور : باوعتلها بخزره وباوعت ال هناء العيونها نكلبن حمر امي جاوبتها .
ضويه : اكول يمه ليش متكومين ترحين تحضرين لكمه لرجلج هسه يجي تعبان .
تهاني : عود اخذله منكم هناء مسويه كومه اكل مدري المن هل تبذير صدك لو كالوا شاف ما شاف .
انور : تهاني احترمي هناء احسلج تره احترامها من احترامي وانا ما اقبل أحد ينزل قدرها كدامي أو ورايه فاهمه بعصبيه .
ضويه : كومي لج شو انتي متحترمين كومي البيتج .
تهاني : بدموع شالت بتها وغراضها وكالت أنا بعد ما طبلكم عبن كلكم تكرهوني .
معتز : طبيت وسمعت تهاني تبجي ...هاي شكو شبيهه الحاروكه تبجي .
تهاني : حتى انت عليه أنا بس يجي ابوي اكله .
معتز : بضحك اي عفيه وانا هم اكله على العطابه التكببيهه.
هناء : داخلي مثل مي بارد نزل من دافعولي ربي مايرضه باطل حاشه لله اخذت بتهه وراحت زعلانه .
غلام : مرت الايام والأشهر وحياتنه يوم بعد يوم تصعب وتصير اصعب العيشه صعبه وكوه تدبر اباوع الأمي شون تعبانه واتكطع لو الخواتي الاحسهن محرومات من هوايه أشياء كلما تخنكني الدنيه اروح افتح بوفيتي واطلع قمصله نواره حياتي اشتمها واطفي نار شوكي بيهه قررت هل فتره ابني غرفه حتى اتزوج بيها وبس أكمل الغرفه اخلي امي تروح تخطبهه بعد ما اتحمل رجعت القمصله بمكانها وقفلت البوفيه وخليت المفتاح بجيبي طلعت بلحوش افتر واخطط للمكان الابني بي الغرفه اندك الباب طلعت فتحته لكيت تمار وخوانه انمار وكميل ونوره و حواء أنا نسيت الكل وصفنت بعيون محبوبتي هيه نزلت عينها عاد أنا هم استحيت من إخوتها فوتتهم جوه البنات ركضن على المرجوحه يلعبن ويه خواتي متعلمين كلنه سوه اكلنه شربنه لعبنه ماكو شي اسمه كبرتوا سلطان اقترح نلعب لعبه السفينه وكلهم تشجعوا اله تمار .
تمار : مرت الايام وانا اعد يوم يوم حتى أخطب شمس ما اتحمل بعد اشوفها بعيده عليه وفوكاها كبرت والعالم تتقدملها وانا لازم كل واحد يتقدم اروح اكله تره انا خاطبها واخرب كلشي صافن على حركاتها الطفوليه اليشوف طولها وجمالها وأنوثتها ميصدك هايه ممكمله ال14 اليشوفها يكول بنت ال 18بدت تحلى وتكبر بساع رغم ما هيه مو طويله ذاك الطول بس بالنسبه اليه مثل نبع ريحان وانا كلبي لازمه بيدي لا بعد كل هل صبر يجي واحد مال حاضر يأخذ تعبي والله اموت واموته الياخذها مني سلطان اقترح نلعب لعبه السفينه وانا صراحه رفضت عبن اعرف بيها فاهيه ومدبرها من هيه وصغيره تخسر ولازم اذا خسرت تجفص بلماي المالح ورجلها ثاني يوم اشوفها متشككه وتجري دم من كثر الملح ال بالماي ( الماي عباره عن بركه صغيره يتجمع بيها ماي قليل مالح بشده بحيث وره ايام يبس ويتكوم أكوام على شكل ملح يستخرجون منه الملح ) ....تمار . أنا بالنسبه اليه ما احب هل لعبه اباوع عليها واحجي شو هاي روحي وكولي .
شمس : اي عادي انت بس باوع علينه احنه نلعب .
تمار : هزيت ايدي وكلت اي مو أنا لخاطر جدي مالعب عمي امرنه لالله .
غلام : بابتسامه ها تجي .
تمار : امشي يابه امشي بس خلن بالجن هاي اخر مره عبن كبرتن وحدتجن مره لو متزوجه ابنها بطولها .
شمس : ضحكنه كلنه وانا حجيت على الفطره اي عادي اجيب ابني وأبو ونجي نلعب سوه .
غلام : لا بالله شكد فطيره هل بنيه اكو وحده هيج كدام إخوتها .
شمس : بابتسامه متروسه خجل أدركت غلطه الحجيته من شفت تمار شون خازرني وعيونه دم ساعتها ندمت وتمنيت لو غاطه بلماي المالح ولا فاكه حلكي بكلمه .
تمار : لا هاي البنيه اله تجلطني بفهاوتها ياله ترتاح ينعل بليسهه شون حركت دمي تريد بحجايتها راحو كلمن يجيب فلينه وكعدو يسون وهيه كل عاده متعرف تسوي سفينه والله لو ما اكول خطيه اعوفها تخربها وخل تجفص بلماي المالح بس اخخخ من كلبي مينطيني رحت يمها كعدت نص كعده اخذت منها الفلينه بعصبيه وعدلتها وسويتلها شراع ورتبتها وعيني مشلتها عليها بس حسيتها هيه صافنه عليه بخوف كملتها حجيت وانا مدنج على سفينه تعلمتي تمشيها بالماي مو .
شمس : بارتباك اااا اي اي تعلمت .
تمار : اكصه الراسي اذا فزتي .
شمس : باوعتله بحيره .
تمار : لا تصفين بعيني ما مستعد اجفص بمكانج بالماي هل مره عبن حجايتج اذتني .
شمس : بفهاوه هاااا يا حجايه .
تمار : شوفي شمس شايفه لنجوم الضهر .
شمس : حجيتها بفطره طبعا لا هوه منو شايفهن .
تمار : بنفاذ الصبر اللهم طولج ياروح لا اللهم صبرج ياروح ..المهم انجوم الضهر المشايفتهن اقربلج من انج تزوجين واحد ثاني .
شمس : هوه اني متزوجه واحد حتى اتزوج اثنين .
تمار : شلت ايدي وعصرت جفي قوي بنفاذ صبر على فهاوتهه حجيت بعصبيه شبه صياح شيلي سفينتج وروحي مناااا.
شمس : فزيت من صوته ونفس الوقت خفت درت وجهي ومشيت سريع رجع صاح .
تمار : وين تعالييي .
شمس :بخوف ااا ها صحتني .
تمار : أخذي سفينتج وروحي .
شمس : رجعت شلتها وركض وكفنه استعداد كلنه نمشي سفيناتنه غلام وتمار وعلي واكفين يباوعون ويصيرون الحكم النه غلام صاح عليه .
غلام : اباوع على نوره شون فرحانه افرح الفرحها اعرف بيها شاطره بهاي العبه اله شمس دائما هيه الضحيه صحت عليها بعد اخوج ركزي زين وعلى كيفج ما بينه حيل نكعد بليل ندورلج دهن لرجلج .
علي : بضحك لا ياخويه قصرت المفروض تشتري دهن وتجي لان اكيد اختك هيه الضحيه بهاي العبه .
شمس : ضحكو كلهم وانا مقرره هل مره افوز من كل ولا بد انطلقنه وانا دفعت سفينتي كل قوتي وصدك اول الضحايه أنا غركت سفينتي وكفت اباوع بلكي بعد واحد تغرك سفينته ويايه .
تمار : اول ما دفعت سفينتها وغركت ضربت على راسي لا ياربي هسه شون بيها والله اتخبل اذا داست بالماي ورجالها تتاذه خلصو العب واكيد حبيبتي هيه الخسرانه واكفه بنصهم وهمه يصيحون ياله ما ياله وهيه خايفه صحت عليهم ياله بسكم خل نرجع شنو صغار انتو .
سلطان : ماكو اليوم اله طب بالماي ياله .
نوره :بضحك حجيت هيج واباوع التمار شوف شيسوي اي صدك هيه خسرت لازم تمشي بخسارتها .
غلام : يمعودين كافي ياله كلمن لبيته .
انمار : لا هذا غش احنه متفقين الخسران يطب بالماي ويكسر الملح الفوك الماي برجله .
تمار : كافي عاد تره مصختوها واخر مره تلعبون هل لعبه حجيت كل هذا بس حتى يعوفن شمس بحالها بس وين منو يسمع كلها كامت تحجي سوه عاد علي كال .
علي : يأبه بدال ما تحجي طب بمكانها وفضها .
غلام : وعليمن تمار يطب أنا اطب .
تمار : بعده غلام يحجي أنا مثل الي مصدك شي ينقذ حبيبه نزعت الحذاء ( أجلكم الله)ورحت مشيت بلماي واكسر بلملح برجلي وأحس الماي ياكل بجلدي من كثر الملوحه بعدها رجعنا للبيت غسلت ورحنه أنا وغلام للكاع اشتغلنه ساعتين ورجعنه غلام عزمني بيتهم نتعشه سوه رحت ويا للبيت .
شمس : بعد موقف تمار السوا خلاني احس بالذنب تجاها ونقهرت عليه بس انا اريد اعرف شغله ليش من أشوفه احسن كلبي يكوم يوجعني ويدك حيل اسال نوره لو سلطانه لا لا سلطانه تضحك عليه باجر اسال نوره سمعت صوته ويه غلام وسلطان بلهول رحت ركض طلعت دهن زيت الزيتون من امي ورحت انطي وصلت للهول وستحيت اخذت الزيت ورحت كعدت بلحديقه بزاويه ضلمه صدفه طلع غسل رجله وشفته عاقج وجهه يمكن يحركن بي اي اكيد أنا مجربه هل شي تقربت عليه وانطيته الزيت الزيتون .
تمار : استغربت وكفتها كبالي سالتها شنو هاي بيدج .
شمس : زيت الزيتون خليه الرجلك كلش زين أنا دائما اخلي منه من سكتت مكدرت اكله من اخسر ستحيت .
تمار : شكرا ما احتاج بس كون توبين من هل لعبه لان من اشوفج تتاذين بيها أنا اتاذه اباوع بعيونها وسرحت بنضراتها إليه اول مره اشوها هيج تباوع بعيني وعيونها لمعت .
شمس : انت ليش تسوي كل هذا ويايه .
تمار : جريت نفس طويل وباوعت بتجاه الباب زحمه يطلعون تمار أو سلطان ويشوفوني وياخذون عليه غير نضره رغم احنه رابين سوه ومتعلمين بس شفتها واكفه كتلها وانتي مفهمتي ليش كل هذا اسوي .
شمس : لا والله .
تمار : رفعت حاجبي واستغفرت روحي يبنت الناس روحي يرحم موتاج لا تشلعين كلبي أكثر من ما هوه مشلوع .
شمس : يعني متكلي ليش .
تمار : خليها لوقتها .
شمس : طبيت جوه وحرت بكلامه أكثر من ما أنا حايره .
هناء : مرت الايام وتهاني عمر بنتها 5اشهر وحبلت مره ثانيه وهل مره زادت بكلامهه وسوالفها .
تهاني : فالح شوف اكلك أنا بعد تعبت اريد غراض للبيت حالي حال اختك مو انور جابلها تلفزيون شبيك انت .
فالح : كتلج ماعندي منين اجيب .
تهاني : والله وكت سوه اختك ام بنت الفلح برأسها خير وانا ارجع رجوع للفكر .
فالح : احترمي نفسج تهاني لتخليني اسحلج مو استخطيج علمود البطنج .
تهاني : ملخت نفسي وبجيت ورحت لبيت اهلي وجان ازحلك واوكع بلحوش و........
ملاحظه القصه راح تبدي بيها احداث ومفاجأة ممتوقعا
شكرا لزيارتكم عالم روايات سكيرهوم
