رواية حين تتغير الاقدار الفصل السابع والعشرون بقلم سناء الهموندي
الدنيا اسيوف بظلــوعي .. سنتها
وقوانين التعب لجلـــــي .. سنتها
الوادم تحتفل بآخــــــــر .. سنتها
وأنه ابجي اعله العمر راح منديه
تـهـالـكـت أعـمـارنا ونـحـن نـبـحـث عـن حـيـاة ..!🙂✨💔
تهاني : اجوي اهلي يركضون وانا اصيح من ضهري صارت كدامي هناء صيحت بكل حسي كله بسببها هيه تقصدت تبقي ماي هنا حتى اوكع ويموت ابني عبن هيه محرومه من الخلفه تغار مني ادري بيهه .
هناء : اني من سمعت هيج تحجي جنت واكفه يمهم عفتهه ورحت لغرفتي الحقيره تعيرني بالخلفه هوه بيدهه لو بيدي وره ربع ساعه اجه انور طب جنت كاعده أرتب الهدوم شافني ابتسم واجه حضني .
انور : أنا آسف ادري خواتي جاي يضغطون عليج وانتي ساكته لخاطري لهذا هسه شطلبين مني اسويلج .
هناء : مثل الي اجته فرصه وحبيت استغلهه مباشر كتله وديني للدكتوره اشوف ليش مخلفت صارلي سنه أكثر .
انور : مو حجينه بهل موضوع وكلنه منتفتحه يا عمري هوه ربج شوكت قاسم النه الطفل هلا بي .
هناء : نزلت راسي وكتله فدوه خل اروح .
انور : استغر الله يعني انا اكدر بعد اكول لا نهايه الاسبوع من ارجع من الدوام اخذج ونروح .
هناء : خوش راح انتضر وعدك .
انور : تمام .
هناء : حجيت متحملت صراحه خفت مهم يكون ابن اخويه البطنهه سألته شونهه تهاني .
انور : بابتسامه ام كلب الفطير مو بيدج بس السان ...لتخافين عليهه مابيهه شي شويه ضهرهه ماذيهه باجر امي تاخذهه للدكتوره حتى نطمان .
هناء : ثاني يوم راحت خالتي وأخذت تهاني والدكتوره كايلتلهه لازمهه راحه وتنام على ضهرهه فالح دك صدر وكال أنا اجيب وحده من خواتي داري تهاني وبنته سجى وفعلا قرر نهايه الاسبوع يوم إجازته يروح للسلف حتى يجيب وحده من خواتي أنا تخبلت شنو يجيب خواتي يخدمولهه بس سكتت لخاطر خالتي متكدر داري سجى و فالح وانا حالفه مالي شغل بيهم .
شمس : كعدنه الصبح نضفنه امي حايره بعمران مريض كلش صارله تلث ايام مصخن وصدره متنك حالته من سيء إلى اسوء وفلوس ماكو بالبيت غلام صارله أكثر من 10ايام منازل وحتى المصرف النطا الأمي خلص اضطرت إمي دزتني اجيب فلوس من خالتي ام علي افلوس الحصاد الي يبيعه تمار النه من غلام ماكو هوه يأخذ مكان غلام ويه سلطان وهل أيام سلطان عنده امتحانات مطالع للشغل ملتهي يقره بيت صديقه تمشيت مسافه شويه طويه بينه وبينهم بس داخل بستانه وبستانهم فقط وصلت دكيت الباب طلعت نوره .
نوره : هله بشمسه شعجب اليوم يمنه تعالي نورتينه .
شمس : لا والله كلش مستعجله امي دزتني على خاله .
نوره : اي دتعالي فوتي جوه امي كاعده تسوي اكل .
شمس : حجيت بارتباك هااا يعني ماكو احد بلبيت .
نوره : لا شبيج اخواني بالمدرسه ومرت علي بيت اهلهه .
شمس : جا خلني افوت أحاجي خالتي .
نوره : تعالي حبيبه .
تمار : توني اغفى كاعد من الفجر علمود الزرعات وسمعت صوتهه ضحكت وهمت روحي ورديت غطيت راسي رد اجاني صوتهه مثل صوت العصافير من الصبح تغرد تسال نوره اذا اكو احد موجود ضحكت وكلت همزين اول مره نوره تسويلي سالفه زينه وتكلللهه ماكو احد بعد اخوج اله اجيبلج كلشي تردي كمت من افراشي لبست فانيلتي و عدلت شعري بايدي وانتضرت شويه ياله اطلع طلعت واشوفه وحدهه عيوني صارت بكصتي شطلعهه وحدهه كل ضني أحد وياهه شفتهه بعدهه سولف ويه نوره بعدهه مرايحه الأمي صحت عليهه كلت انطيهه فلوس الحصاد واردهه ماريد يجي احد يشوفهه حتى لو اخواني ولد عمي اصلا لو بيدي اضمهه واقفل عليهه والله صحت بصوت شبه عصبيه شمس ..
شمس : واكفه اسولف النوره على حاله عمران وأجاني صوته رأسا التافيت بتجاه الصوت وكلت على كيف صحتني .
تمار : اي تعالي هنا شويه وكفت وتباوعلي صحت تعالي شبيج اجت تمشي بتردد وكفت مسافه عني ونوره واكفه تباوع أشرت النوره تروح راحت طبيت جوه بالغرفه وصحتهه مقبلت هزت راسها بلا عفتهه على راحتهه رحت جبت الفلوس وتقربت كلش هيه واكف يم الباب مال غرفه وتباوعلي تقربت ولزمت ايدهه وهاي اول مره الزم ايدهه وحطيت بيهه الفلوس بس احس روحي مو ملكي لا ملكهه هيه كتلهه هاي فلوس الحصاد وانتضري هسه أنا اوصلج لبيتكم وبعد ممنوع طلعين وحدج فهمتي .
شمس : هوه يحجي وانا احس كلبي راح يطلع من مكانه مادري شبي من يشوفه يكوم يدك حيل وما اسيطر عليه طلب هوه يوصلني وانا كتله لا ميحتاج أنا اروح .
تمار : بعصبيه لتعاندين ياله روحي سلمي على امي وتعالي اوديج بساع .
شمس :بعد مااكدر احجي رحت سلمت على خالتي وكتلهه جيت على نوره ورجعت للبيت وتمار ويايه يمشي مسافه متر كدامي وانا ورا لابسه عبايه امي براسي شويه كصيره عليه عبن أنا اطول من امي سألني .
تمار : شبي عمران .
شمس : جاوبته بهدوء ماعرف مصخن وصدره كلش متنك .
تمار : ماشي هسه نوصل وأخذه للمستشفى .
شمس فعلا وصلنه وطبيت انطيت المي الفلوس و كلتلهه تمار اجه وصلني واكف بالباب طلعت امي اله .
جوريه : هلا يمه تمار شونك .
تمار : هلا بيج خالتي شونكم عمران شون صار .
جوريه : والله يايمه حالته كلش تعبانه وخايفه عليه كلش .
تمار : لا انشالله ماكو شي لبسي شي يدفي ومشينه نروح نأخذه أنا وياج للمستشفى .
جوريه : اي والله ياريت تجي وياي عبن تعرف انت غلام ملتحق وسلطان بلمدينه يدرس ويه صاحبه وانا اخاف اكلفنك .
تمار : شسالفه خاله جا انتي مو تكولين انت ابني .
جوريه : اي والله يمه بمعزتهم طبيت لفيت عمران بجرجف وأخذنا أنا وتمار المستشفى هناك حطوله مغذي وابر شويه ردت رويحته طلعت الفلوس حسيتهن هوايه صدك حسبتهن طلعن فوك حكهن أضعاف طلعت حكنه واخذت الباقي ورحت لتمار واكف بلممر يستحي جوه متروسه نسوان انطيته الفلوس وكتله هاك خاله تمار هذني رجعهن لابوك وكله مو جوري التاخذ حك غيرهه .
تمار : شنو هاي خالتي تره هاي حقج لتحجين هيج تره صاعد السوك وهل طلعلج حصه زايد مو ناقص واحنه حالنه من حالج .
جوريه : لا ييمه هذا مو حقي وفدوه اروحلك اخذه لا تعبني تعرف بيه مراح اخذهن .
تمار : اوف اوف يا خالتي شالعه كلبي انتي ادري اكو ام متاخذ من ابنهه هذا مني مو من ابوي .
جوريه : ولو يكن يمه اخذهن والله يريح بالك ويرزقك بنت الحلال التريح كلبك .
تمار : بضحك جا أنا مراح أخذ بنت حلال اله منكم .
جوريه : بستغراب انت شتحجي يمه .
تمار : مو وكتهه خاله ادزلج امي للبيت تفهمج .
جوريه : من تعبهه على ابنهه ما خلت بالهه شي ضلت لليل وطلعو عمران وضعه تمام .
شمس : اجتي امي جابهه تمار وراح من الباب عمران وضعه الحمد لله احسن يلعب وأكل وره يومين صار احسن بيومهه سويتله بحت جاي اوكله واطب علينه فالح فرحنه بي وسلام وكلام تغدينه سوه وكعد يسولف .
فالح : يمه انتي تعرفين بتهاني حامل وقبل جم يوم وكعت وبطنهه متاذيه وهسه كايلين لازم تنام على ضهرهه ويرادلهه مدارات .
جوريه : يمه اصخام خو ما تاذت الجاهل تاذه .
فالح : لا الحمدلله عدت على خير بس كتلج لازم أحد يدير باله عليهه وانا دوام وخالتي متكدر ونهله دوام وتعرفين هيه وهناء مو صلح فكلت بالكي وحده من البنات تجي ويايه منا لنا تكوم على حيلهه .
جوريه : بداخلي ضجت بس البت تعبانه وحفيدي بخطر كتله اي يمه شوف منو من خواتك تروح اخذهه .
سلطانه : أنا ما احب اروح هناك صراحه اريد جيبهه هنا نداريهه .
فالح : لا الطريق مو زين عليهه .
شمس : عادي انا اجي وياك .
فالح اي يبعد اخوج جا حضري رويحتج باجر نطلع لبغداد من عبن عندي دوام .
شمس : وفعلا ثاني يوم انطلقت البغداد وهاي مو اول مره على طول اجي ويه هناء أو خالتي وصلنه استقبلتني خالتي وهناء احلا ستقبال كلش فرحوا بجيتي تهاني نايمه على ضهرهه بيت اهلهه سلمت عليهه وشلت سجاوي ابوسهه والعبهه فدوه خدودهه طالعات عليه هناء ضحكت وكالت .
هناء : اي حبيبتي اكيد طالعه تشبهج حتى بياضهه عليج .
شمس : هناء تحجي وتأكد على كلمتهه تهاني تباوع وتعقج بوجهه أنا بداخلي اضحك على سوالفهن كمت ساعدت خالتي وهناء واجوي الولد كلش فرحوا بيه سوالف وضحك حاسبتهم مثل اخواني ما اتقيد بوجودهم حتى حجاب مالبس خالتي شعلت تلفزيون وانا كابلته وكعدت اباوع مستغربه شي جديد عليه غديت سجاوي وبدلتهه ومكمت من كدام التلفزيون ومعتز يضحك عليه يكول .
معتز : انشالله بعد احسبوا عشر دقائق نشوف شمس طابه بالتلفزيون .
شمس : ضحكت من كلبي وكعد يسولف شون شاطر بالمدرسه اتمنيت لو اني هم مثلهم ادرس همه يقرون ويتناقشون شون حلو واني صافنه عليهم معتز كالي.
معتز : تحبين تتعلمين .
شمس : هزيت راسي بالهفه كالي .
معتز : تعالي كعدي كبالي اعلمج اجيت كعدت مسافه عنه وبده يعلمني الاحرف وانا ذكيه بسرعه لكفت منه كلهم متجمعين سوه واحنه مندمجين بالقرايه لحد ما كال .
معتز : ياله يا تلميذه شمس اليوم خلصن دروسج تعالي باجر هيج وكت .
شمس : ضحكت وكمت رحت بحجره نهله وأخذت سجى ويايه ونمت من تعب مرت حوالي تلث ايام وانا كلش فرحانه هنا معتز وازهر نوبات عمي صادق يعلموني احرف وشويه عمي وخالتي شرحولي على الفصال والخياطة حبيت الفكره كلش وهناء تحير شسويلي حتى تفرحني اليوم هناء وأنور راحو للدكتوره وتاخروا ضل بالي .
هناء : اليوم انور وفه بوعده واخذني للدكتوره وبعد فحص وكشف وتحاليل وروح وتعال بال 5ساعات الدكتوره كالتالي ماما انتي مومنه مقدر الله .
هناء : اكيد مومنه والحمدلله .
الدكتوره : شوفي بنتي نسبه زوجج زينه وقادر على الخلفه أما انتي فهذا الشي مستحيل .
هناء : مثل واحد وذبو بوجهه مي بارد صدمه عمري فدوه دكتوره اخاف اكو خطأ .
دكتوره : ماكو كل خطأ داكلج هذا الحايط يخلف وانتي متخلفين وكلي امرج الله .
هناء : درت وجهي ولاول مره بحياتي أنهار وابجي ادموعي مثل سجين محكوم موبد وافرج عليه ماسيطر عليهن مسحتهن وطلعت الانور لكيته واكف اول مشافني ابتسم من تقربت وشاف عيوني عكد حاجبه وتقدملي بلهفه العياده شبه فارغه لزمني وطلعنه بالممر وانا عيوني صبت وموكفت هوه تفاجأ بحالتي وحار شون يسكتني .
انور : لج اعيوني انتي شبيج فهميني شكلتلج الدكتوره .
هناء : هوه يحجي وانا كمت اشهك صاح بعصبيه .
انور : احجي شبيجججج لتخليني احرررررك العياده عليهم .
هناء : بقهر وشهكه انور طلكني .......
الى هنا ونختم بارت اليوم انتضروني بلاحداث المقبله
