رواية حين يجبر العشق الفصل السابع والعشرون
في عمق الجبل، حيث لا يصل ضوء المدينة ولا تُسمع سوى صفير الريح وهي ترتطم بالصخور، كان صبري الرفاعي يجلس داخل الكهف الذي اتخذه مخبأً له.
خارج الكهف، انتشر رجاله في دائرة واسعة، يراقبون المداخل والمسالك المؤدية إلى المكان، بينما بقيت الأسلحة موزعة بينهم في حالة استعداد دائم.
لكن صبري، رغم كل تلك الحراسة، لم يكن يشعر بالأمان.
كان القلق ينهش أعصابه منذ ساعات.
نهض من مكانه، أخذ يتحرك ذهابًا وإيابًا بقلق ثم أخرج ساعته ونظر إليها للمرة التي لم يعد يعرف عددها.
تأخر شاهين ورجاله أكثر مما ينبغي.
كان من المفترض أن تكون عملية تهريب شحنة السلاح قد انتهت منذ وقت طويل، وأن يعود شاهين ومعه الشحنة والمال، لكن الليل مرّ دون أن يظهر أحد.
ظل صبري يحدق في ظلمة الطريق المؤدي إلى الكهف، وكلما لمح حركة بعيدة، ظن أن رجاله قد عادوا.
حتى بدأت خيوط الفجر الأولى تتسلل إلى السماء.
عندها، ظهرت اضواء سياره تقترب من الكهف.....كان شاهين.!!!
نهض صبري فورًا، واتجه نحوه بخطوات سريعة، وما إن دخل شاهين حتى ساله بلهفه : اتأخرت كده ليه يا شاهين؟
طمّني إيه الأخبار؟
لم يجب شاهين فورًا.
كان التعب واضحًا على وجهه، وثيابه تحمل آثار الطريق، ثم تنهد وقال: للأسف يا صبري البوليس كبس علينا، والشحنة اتمسكت.
تجمد صبري مكانه واتسعت عينيه بعدم تصديق ثم اندفع نحوه، وأمسكه من ياقة قميصه بعنف.هادراً فيه بصوت جهوري زلزل جدران الكهف: إنت بتخرف بتقول إيه؟
شحنة إيه اللي اتمسكت؟
حاول شاهين إبعاده عنه، لكن صبري ظل ممسكًا به ، أجابه شاهين بصوت متعب: شحنتنا يا صبري... الشحنة والفلوس الحكومه مسكتهم ...
ترك صبري ياقة قميصه فجأة، وكأنه لم يستوعب ما سمعه هامساً بذهول : إزاي...
إزاي ده حصل؟! طب وإنت رجعت إزاي؟
تنهد شاهين، ومسح بيده على وجهه قبل أن يقول: هربت منهم بأعجوبة كل رجالتنا ورجالة رشدي الخيال اتصفّوا.
ظل صبري ينظر إليه في صمت والشك يلمع في مقلتيه المشتغلتين بنار الغضب تقدم خطوة نحوه، وقال ببط ساخر : يا سلام...
ثم ضحك ضحكة قصيرة خالية من أي مرح.: الشحنة تتمسك، ورجالتي ورجالة الخيال يتصفّوا، وإنت الوحيد اللي قدرت تهرب منهم؟
ثم اصدر صوتاً مستنكراً من حنجرته : خخخخ إيه يا شاهين إنت فاكرني بريالة قدامك؟
رفع شاهين حاجبه،وظل علي ثباته امامه .
فأكمل صبري بشك : ده أكيد ملعوب منك... إنت اللي أخدت الشحنة وعامل الفيلم ده كله عليّا!
ظل شاهين ينظر إليه لثوانٍ، وكأنه كان يتوقع تلك اللحظة تمامًا فهو اكثر من يعرفه وانه شكاك بطبعه ، اخذ نفس عميق ثم قال بهدوء: ولما أنا أخدت الشحنة إيه اللي رجّعني ليك تاني ...
ما أنا لو كنت سرقتها وهربت، كنت أخدت الفلوس والشحنة ومشيت. أو حتى لو عايز أخلص منك، كنت رجعت ومعايا البوليس علشان يقبض عليك.
اقترب منه وقال بنبرة أكثر جدية: اعقل يا صبري وفوق ، أنا دراعك اليمين. ومصلحتي من مصلحتك. أنا خسرت رجالتي في العملية دي زي ما إنت خسرتهم، والشحنة والفلوس ضاعوا قدام عيني.
ولو مش مصدقني، اتصل برشدي الخيال واسأله بنفسك. اتأكد من اللي حصل بدل ما تقعد تتهمني.
ظل صبري يحدق فيه طويلًا.
كانت عينا شاهين ثابتتين، وصوته لم يتغير، ولم يحاول الدفاع عن نفسه أكثر مما ينبغي.
وبعد لحظات، أخرج صبري هاتفه، ثم توقف قبل أن يجري الاتصال.
كان كلام شاهين منطقيًا...
فلو كان قد خانه فعلًا، فلماذا عاد؟
ولماذا يترك شحنة كاملة من السلاح والمال، ثم يأتي بنفسه إلى المكان الذي يختبئ فيه صبري؟
خفض الهاتف ببطء، ثم جلس على أحد المقاعد الصخرية داخل الكهف، ومرر يده على وجهه.: طب وإيه الحل دلوقتي؟
جلس شاهين أمامه مفكراً ...
رفع صبري عينيه إليه وقال بمرارة: أنا كده بقيت على الحديده. الفلوس اللي كانت جاية لي من الشحنة دي هي اللي كنت هرجع بيها البلد وآخد حقي من هاشم الرفاعي وابنه، هو وسلطان.
ساد الصمت بينهما ثم قال شاهين: لازم نفكر كويس علشان نلاقي حل.
حدّق صبري أمامه، وظل صامتًا لحظات.
كان كل ما خطط له طوال الفترة الماضية ينهار أمام عينيه؛ المال الذي كان يعوّل عليه، الشحنة التي ظن أنها ستمنحه القوة، والخطة التي كان يعتقد أنها ستعيده إلى الجنوب من جديد.
لكن شيئًا واحدًا لم يسقط رغبته في الانتقام.
ارتسمت على شفتيه ابتسامة باردة، وهو يقول: أنا مش هغلب.
رفع صبري عينيه نحو خيوط الفجر التي بدأت تضيء فتحة الكهف، وقال بثقة: الفلوس تروح... والسلاح يروح... إنما حقي مش هيروح.
ثم نهض ببطء، واستقامت ملامحه شيئًا فشيئًا بشر ثم تابع بصوت يحمل إصرارًا قاتمًا: وقريب أوي هرجع البلد علشان ارجع حقي ...
وساعتها هاشم الرفاعي وابنه وسلطان، كل واحد فيهم هيدفع تمن اللي عمله فيا.
نظر شاهين الي وميض الانتقام والكره اللامع في عينيه وايقن ان ساعه النهايه قد اقتربت ، تنحنح يجلي حنجرته وتابع بقلق من رده فعله : في حاجه كمان لازم تعرفها .
استدار اليه صبري وساله هو يضيق عينيه بترقب : ايه تاني ؟؟
بلع شاهين لعابه واجابه : سلطان سافر انهارده الصبح علي القاهره واخد معاه حور ....
تحولت عيني صبري الي جمرتين من نار وهدر فيه صارخاً : سافر الصبح !!!!
وانت لسه فاكر تقولي دلوقتي ؟؟؟
شاهين محاولاً امتصاص غضبه : انا نفسي عرفت متاخر بعد ما اتحركت من هنا واحنا رايحين نسلم الشحنه...
زار صبري يغضب جحيمي واخد يدور حول نفسه بجنون : اغبيا مشغل معايا شويه خ...مالهمش في الشغل ليهم في الوساخه وبس .....
.........................
ما إن أنهى صبري حديثه مع شاهين، حتى ظل واقفًا في مكانه للحظات، كأن الكلمات التي سمعها لم تجد طريقها إلى عقله بعد.
سلطان سافر إلى القاهرة... ومعه حور.
تلك الجملة وحدها كانت كفيلة بأن تشعل الدم في عروقه.
استدار بعصبية، وأخذ يذرع المكان ذهابًا وإيابًا، بينما قبضته تنغلق وتنبسط بجوار جسده، وعيناه تشتعلان بغضب لم يعد يعرف كيف يخفيه.
كيف استطاع سلطان أن يأخذها من أمامه ويغادر بها؟
وكيف لم يعلم بذلك إلا الآن؟
أخرج هاتفه بسرعة واتصل بعامر، لكنه وجد هاتفه مغلقًا.
ازدادت حيرته وغضبه، فأعاد الاتصال مرة أخرى، وحين جاءت النتيجة ذاتها، قذف الهاتف فوق الطاولة بعنف.
ثم لمعت أمامه صورة سارة.
ضغط على اسمها واتصل.
ظل الهاتف يرن طويلًا قبل أن يأتيه صوتها أخيرًا، مثقلًا بالنوم: ألو...
انفجر صبري في وجهها دون حتى أن يمنحها فرصة لاستيعاب المكالمة: وكمان نايمة يا روح أمك؟! طبعًاوانتي يفرق معاكي حاجة؟! نايمة ولا على بالك اللي بيحصل!
انتفضت سارة في فراشها، وجلست معتدلة وهي تمسح النوم عن عينيها: مالك في إيه؟! بتزعق ليه كده؟
جاءها صوته أكثر حدة، وقد بدا كأن غضبه يبحث عن أي شيء يصطدم به: مالي !!!!ما ضاع مالي وحالي ده انتي حتى ما تعرفيش أنا في إيه دلوقتي!
هتفت ساره بهدوء: طب اهدى وقولي حصل إيه؟
ضحك ضحكة قصيرة خالية من أي مرح، ثم صاح: اهدي ...اهدي والمحروس سلطان سافر القاهرة الصبح ومعاه حور!
تجمدت سارة للحظة، واختفى النوم من عينيها تمامًا وهتفت بخوف : ما انا عارفه هو انت عرفت ؟؟
ساد صمت قصير صمت كان كافيًا لأن يشتعل غضب صبري أكثر هسهس بنبره خطره صارخاً : عارفة؟!
ولما انتي عارفة، ليه مبلغتنيش أول ما عرفتي؟
ولا حبيب القلب راضي عنك علشان كده بقيتي تخبي أخباره عني؟!
حاولت سارة أن تقاطعه: صبري، أنا...
لكنه لم يترك لها مجالًا بل تابع بوقاحه : شكله قايم معاكي بالواجب ومكيفك ومظبطك على الآخر، لدرجة إنك نسيتي مين اللي ساعدك تفضلي جوه دار العامرية من الأساس!
احمر وجه سارة غضبًا، وردت بعصبية: احترم نفسك!
صمت للحظة، ثم جاء صوته أكثر قسوة: أحترم نفسي؟! بتقوليلي أنا كده يا وسخة؟! ليكي حق... أنا اللي عملت لك سعر وافتكرت إن ممكن يبقى ليكي لازمة، لكن طلعتِ زبالة .
انهمرت الدموع من عينيها، لكنها حاولت أن تتمالك نفسها: أنا معملتش حاجة!
هدر فيها بغضب اعمي : معملتيش؟! أومال إيه اللي عملتيه؟! كل اللي طلبته منك تعرفيني أخبار سلطان، وتفضلي عين لي جوه الدار. إنما انتي كل يوم بتثبتيلي إن الفلوس اللي صرفتها عليكي راحت على الفاضي!
ارتجف صوتها:حقك عليا بس غصب عني هانم اتغيرت ، شكلها خلاص مش عايزة تقف معايا ضد سلطان. وأنا لوحدي مش عارفه هعمل ايه ؟؟
خرجت من صبري ضحكة ساخرة، باردة على نحو جعلها تشعر بالخوف أكثر من صراخه:مش بقولك مفيش منك فايدة؟! حتى الولية الخرفانة اللي كانت معاكي من أول يوم معرفتيش تكسبيها لصفك!—
ساره محاوله استعطافه: حقك عليا... أنا مقصدش. بس اديني فرصة، وأنا هعمل لك كل اللي انت عاوزه. والله الغلطة دي مش هتتكرر تاني.
غلطة؟! قالها باستخفاف.
دي مش غلطة يا سارة... دي نتيجة. نتيجة إنك من الأول مكنتيش قد اللي أنا طلبته منك.—
ساره بدموع : ما تتخلاش عني يا صبري... أنت عارف إني مليش حد ، واحنا مصلحتنا واحده ....
ظل صامتًا لثوانٍ، ثم قال بجمود: ودي مش مشكلتي أنا ضيعت معاكي وقت وفلوس أكتر مما تستاهلي. ومن النهارده... كل واحد يشوف طريقه.
ومن اللحظه دي تغوري في داهية. ومش عاوز أسمع صوتك تاني.
ولو فكرتي تيجي علي سكتي، أو تعملي فيها ذكية وتلعبي من ورا ضهري...
توقف لحظة، ثم جاء صوته منخفضًا، مخيفًا:انا هدبحك وارميكي لكلاب السكك اللي شبهك ..ثم اغلق الخط.
ظلت سارة جالسة في فراشها والهاتف يرتجف بين أصابعها، تحدق في الشاشة السوداء وكأن بابًا آخر اغلق في وجهها.
هانم ابتعدت عنها...والآن صبري أيضًا تخلى عنها.!!!!
.........................
في صباح اليوم التالي ....
كان سلطان يغط في نوم عميق محتضناً حور بين ذراعيه ، مكبلاً جسدها بجسده بقوه وكانه يخشي هروبها من احضانه ...
تململ بانزعاج عندما رن هاتفه بالحاح ، مد يده نحو الطاولة الجانيه بجانب الفراش وتناول هاتفه ورد بصوت ناعس: الو ...
جاءه صوت ياسين معتذراً : اسف يا شيخ سلطان فكرتك صاحي ...
سلطان وهو مغمض العين : عادي يا ياسين هات اللي عندك ....
اجابه ياسين بتقرير: حبيب ابلغك ان شحنه السلاح بتاعه صبري اتقبض عليها وكل رجالته اتصفوا ما عدا شاهين قدر يهرب منهم .
فتح سلطان عينيه وقد تنبهت حواسه ونظر الي حور النائمه بجانبه قبل ان يتابع بصوت منخفض: ابن الكلب ازاي قدر يهرب منهم ...
ياسين باسف : للاسف هو ده اللي حصل .
زفر سلطان بحنق وساله : في حاجه تاني ؟؟
لا يا شيخ سلطان ، كل حاجه تمام وماشيه حسب اوامرك .
سلطان وهو ينهي المكالمه معه : تمام ، فتح عينيك كويس وبلغني بالتطورات اول باول.
اغلق الخط وعاد مره اخري يضم حور الي احضانه ، طبع قبله رقيقه فوق شفتيها التوتية المضمومة باغراء جعلها تتململ في نومها بانزعاج....
ابتسم بعذوبه وهو يضمها اكثر اليه وعاد ليكمل نومه ، الا ان رنين هاتفه صدح مره اخري ، تناول هاتفه وجد ان المتصل هارون الرفاعي ....
نهض من الفراش حتي يتثني له الحديث براحه و حتي لا يزعجها في نومها ...
فتح الخط واجاب هارون : ايوه يا هارون .
هتف هارون ببشاشه : صباح الخير يا شيخ سلطان ، شكلك مبكر وصاحي بدري .
سلطان بمزاح : ولا صاحي ولا نيله البركه فيك انت وياسين مش سايبني اتهني ...
تعالت ضحكات هارون هاتفاً بمزاج رائق : طالما فيها ياسين يبقي الاخبار الزينه وصلتك ، انا قلت افرحك معايا ، ضربنا ولد الرفدي في مقتل .
سلطان بمزاح : وصلت يا خويا وفرحت ...
ثم تبدلت نبرته الي نبره جاده : بس مش عاوزين فرحتنا تنسينا ان هو دلوقتي بقي زي الكلب المسعور وهيبقي عاوز ينتقم بشكل اقوي فلازم نبقي حاسبين كل حاجه كويس اوي لان الغلطه المره دي بفوره ...
وافقه هارون الراي وتابع بجديه وعيون تلمع بها عزم رجال الجنوب وصلابتهم : معاك حق يا خوي ، اطمن احنا المره دي اللي هنقضي عليه ونضف الجنوب منه وهنخاليه عبره للي زيه عيله الرفاعي الفرع العوج فيها بتقطعه مش بتعالجه .
اوما سلطان باستحسان : عندك حق ، وربنا يسترها معانا في اللي جاي ، المهم انت تخالي بالك كويس وما تعملش حاجه الا لما ترجع لي وانا ان شاء الله كلها يومين تلاته بالكتير وهرجع البلد تاني ...
هارون وهو يحذره : ترجع بالسلامه ان شاء الله بس خالي بالك من نفسك ومن حور عينك ما تغيبش عنها واصل يا خوي ، حور دي حته من قلبي دي بنتي مش اختي .
سلطان ونظراته مسلطه عليها وهي نائمه براحه في فراشه : انت هتوصيني علي مراتي يا هارون ولا ايه ، انا لو مقدرتش احمي مراتي يبقي ما استاهلهاش ولا يليق بيا اني كون كبير اهلي وناسي .
اطمن حور في حمايتي . ثم همس في داخله دي حور السلطان وقلبه .
انهي مكالمته ودخل الي الحمام ياخذ حماماً منعشاً ....
بعد قليل خرج من الحمام يلف خصره بمنشفه صغيره واخري في يده يجفف بها خصلاته ....
توجه نحو الهاتف الداخلي للجناح ، اتصل بخدمه الغرف لطلب الفطار ....
جلس علي طرف الفراش بجانب حور النائمه علي بطنها تغط في نوم عميق وخصلاتها مفروده علي ظهرها العاري بفوضي وانوثه ....
ازاح خصلات شعرها جانباً وطبع قبلات رقيقه علي عنقها من الخلف حتي جانب وجهها هامساً بصوت اجش : حور ...
اصحي كفايه نوم ....
حور السلطان اصحي يا كسلانه .
همهمت حور بنعاس وهي تعتدل تنام علي ظهرها : سبني انام شويه انا تعبانه .
سلطان وهو يطبع قبله حسيه ساخنه علي شفتيها جعلها تفتح عنيها تنظر الي وجهه الملامس لوجهها وهو يقبلها بنهم مستمتع مغمض العين مما جعل وجهها يتلون بحمره قانيه وهي تتذكر ما فعله معها بالامس ...
فصل قبلته اخيراً ولم يبتعد ، حدق في ملامح وجهها الخجله المصدومة بعشق وهمس بصوت اجس وهو يقرصها في وجنتها الحمراء : صباحيه مباركه يا حور السلطان .
رمشت حور بعيونها وهتفت بصوت منخفض خجل : صباح النور .
نظر سلطان الي ملامح وجهها المجهده بالرغم من احمرار وجنتيها الا ان الاجهاد واضح عليها، توجه نحو البراد الصغير الملحق بالجناح واحضر منه زجاجه عصير طازج وعاد اليها ...
جلس بجانبها وضمها تحت ذراعه القوي بحنان : خدي اشربي العصير ده علي ما الروم سيرفيس تجيب الفطار
نفت حور براسها وهي تضع خصله من شعرها خلف اذنها: لا مش عاوزه ، مش قادره
سلطان بحسم وهو يقرب الزجاجة من فمها : مفيش حاجه اسمها مش قادره وشك اصفر وتعبان ...
ثم ابتسم بخبث وتابع بوقاحه : وبعدين انتي لازم تتغذي كويس وتاكل سكريات علشان تديكي طاقه علشان تقدري تسدي قدامي ، معقول كده تفرفري مني من اول واحد؟؟ ده احنا لسه بنسخن وبنقول يا هادي....
ابتسمت حور وهي تعض علي شفتيها بخجل : سلطان ، كلامك ده بيكسفني .
سلطان بعبث وهو يطبع قبله حسيه علي عنقها : طب اعمل لك ايه الكلام ببكسفك والفعل برضه بيكسفك ، لا بقولك ايه جو الكسوف بتاعك ده هياكل معايا ، انا عاوزك تبقي فاجره معايا ...
شهقت حور بخجل وضربته في ذراعه بقيضه يدها وهي تزجره بعينيها : ايه اللي بتقوله ده عيب ، انا مقدرش اعمل كده...
سلطان بثقه وهو يضع زجاجه العصير الفارغه جانباً ويشرف عليها بجسده الضخم ويعتليها هامساً امام شفتيها بوقاحه : مفيش حاجه اسمها مش هتقدري ، معايا كل الممنوع مباح ، ...
مرر يديه علي جسدها العاري من تحت الفراش بفجور جعلها تأن بانوثه وخجل وتابع : انتي مراتي وحبيبتي ولازم ترضيني زي ما انا عاوز ، وانا عاوزك تبقي جريئه وفاجرة في السرير ، انتي بس سيبي لي نفسك خالص وانا هعلمك كل حاجة...
وكاد ان ياخذها في جوله عشق جديده الا ان الطرق علي باب الجناح عارضه : شكلهم الروم سيرفس جايبين الفطار ...
بعدما ادخل عربه الافطار ، وجد حور قد نهضت من الفراش تلف جسدها بالشرشف الابيض متوجهه نحو الحمام .
اعترض طريقها وهتف بعيون تلمع بخبث: ايه علي فين ؟؟
حور وهي تتحاشي النظر اليه : هدخل اخد شاور ...
اقترب سلطان بوجهه منها وتابع يعبث: طب ايه مش عاوزه نكمل كلامنا سوا تحت الدش ؟؟
دفعته حور في صدره بحنق : لا مش عاوزه انت ايه ما بتشبعش؟؟
سلطان وهو يعض علي شفتيه بوقاحه وعيونه تلمع بنيران الرغبه : وانتي يتشبع منك برضه يا حور السلطان .
ثم في ثانيه كان يحملها علي ذراعيه متوجهاً بها صوب الحمام ، فهتف حور معترضه: بتعمل ايه يا مجنون .
سلطان وهو ينزلها داخل حوض الاستحمام ويفتح الماء فوق رؤسهم : هوريكي الجنان علي اصوله دلوقتي يا حور السلطان ثم غاب معها وفيها في جوله عشق مجنونه يثبت لها قولاً وفعلاً كم هو مجنون بها .
..،،،،،،،،،،،،،،،،،،،،،،.
في دار العامريه ....
كانت ماجدة تجلس وحدها في غرفتها، شاردة الذهن، حين انفتح الباب فجأة ودخل عامر بخطوات غاضبة، وأغلقه خلفه بعنف.
رفعت عينيها إليه، فالتقطت على الفور الغضب المشحون في ملامحه.
سالته بقلق : مالك يا عامر في إيه؟ داخل كده ليه؟
ظل واقفًا لحظات، يضغط على فكه بعصبية، قبل أن يقول بانفجار: أنا خلاص... ما بقاليش قيمة!
اعتدلت ماجدة في جلستها : يعني إيه؟
ضحك عامر بمرارة: يعني مفيش ليا كلمة في الدار دي! اللي اسمه ياسين ده بيتصرف كأنه هو شيخ العامرية، وأنا شغال تحت أمره!
اقتربت منه ماجدة بهدوء، بينما تابع هو بانفعال: عمال يديني أوامر، مرة أروح هنا ومرة أتابع هناك، ومرة يقولي أبلغ فلان وأمنع فلان... زيي زي أقل عامل أو موظف عنده! ولما كلمته وقلت له: إنت فاكر نفسك مين علشان تكلمني بالطريقة دي وتديني أوامر؟ رد عليا بمنتهى البرود وقال لي دي أوامر الشيخ سلطان.
ثم ضرب كفه بالأخرى في غضب: سلطان أخويا انا يأمن لياسين علي فلوسه وامور المشيخة ياسين الغريب اللي شغال عنده وأخوه موجود؟
وضعت ماجدة يدها على كتفه وربتت عليه محاولة تهدئته:اهدى... ومتعملش كده في نفسك.
ثم نظرت إليه طويلًا قبل أن تخفض صوتها:
بس على فكرة أنا مش مرتاحة للي بيحصل ده.
التفت إليها عامر بسرعة:إنتِ كمان حاسة بكده؟
هزت رأسها ببطء: أيوه. أنا حاسة إن في حاجة غلط.
ثم اقتربت أكثر وقالت: أنا حاسة إن سلطان شاكك فيك يا عامر ومش مأمّنك.
تغير وجهه برعب : شاكك فيا؟!
اردفت ماجده بخبث: طب فكر فيها. إيه اللي يخليه يمسك ياسين الغريب كل حاجة، ويسيبه يتابع كل كبيرة وصغيرة، وأنت أخوه موجود؟
صمت عامر فاستغلت ماجدة صمته وأكملت:وكمان في حاجة تانية مش فاهماها أمك هانم.
سال عامر بفضول : مالها أمي؟
ماجده بغل : من إمتى وهي بتتصرف بالشكل ده مع حور؟
قطب عامر حاجبيه بعدم فهم : قصدك إيه؟
اجابته ماجده بغل : من ساعه ما عرفت إن سلطان مسافر مع حور، لأول مرة متعملش مشكلة. لا اعترضت، ولا حاولت توقفهم، ولا حتى قالت كلمة تضايقهم. بالعكس قالت له: تروح وترجع بالسلامة.
ثم مالت نحوه وهمست: ولما أنا اتكلمت، بهدلتني!
ابتسمت ماجدة ابتسامة صغيرة خالية من الطمأنينة:مش بس كده أنا حاسة إن سلطان بيقفل الدائرة حوالينا واحدة واحدة.
ساد الصمت بينهما.
وبدأ القلق يظهر على وجه عامر بوضوح.
قال بصوت منخفض خائف : عندك حق...
ثم جلس على طرف المقعد ووضع يديه على رأسه: طب والعمل هنعمل إيه لو سلطان فعلًا شاكك فيا، واتأكد إن في شغل بيني وبين صبري ساعتها أنا مش عارف هيعمل فيا إيه.
نظرت إليه ماجدة طويلًا ثم قالت بهدوء مخيف: يبقى إحنا لازم نتصرف.
رفع رأسه إليها متسائلا: نتصرف إزاي؟
اقتربت منه وجلست أمامه، وعيناها ثابتتان عليه :لو سلطان عرف الحقيقة إحنا هنروح في خبر كان. وساعتها انسى المشيخة، وانسى الثروة، وانسى كل حاجة.
ارتبك عامر: قصدك إيه؟
لم تجبه فورًا تركت الصمت يضغط عليه، ثم قالت بجبروت : لازم نخلص من سلطان.
اتسعت عيناه في ذهول ونهض واقفاً هاتفاً بصدمه : إنتي اتجننتي؟!
اقتربت منه أكثر وزجرته بغيظ: وطي صوتك!
عامر برعب : نخلص من سلطان إنتي عاوزة تلفي حبل المشنقة حوالين رقبتي
قالتها ماجدة بثبات: محدش هيفكر إنك أنت اللي عملت كده.
تسال عامر بخوف : إزاي يعني؟!
ماجده بعيون تلمع بدهاء : سلطان عنده بدل العدو اتنين وتلاتة. أولهم صبري، وكل الشكوك أصلًا هتحوم حواليه. وعندك سارة، وغيرهم كتير.
صمتت تترصد رد فعله علي كلماتها ثم قالت بنبرة أكثر خبثًا: إحنا ممكن نخلص من الاتنين مع بعض سلطان وصبري.
حدق بها عامر، عاجزًا عن الكلام.فتابعت:سلطان يتقتل والموضوع يتلبس لصبري، ونبقى كده ضربنا عصفورين بحجر واحد!!!!
ارتجف صوت عامر: اللي بتفكري فيه ده جنان ....
ماجده بغضب : جنان علشان بفكر في مستقبلنا.
ثم أمسكت يده تضغط علي نقطه الطمع والجشع داخله : لما ده يحصل ساعتها أنت هتبقى الوريث الوحيد لثروة أبوك،والمشيخة وفوق منهم ثروه سلطان كمان ...
قال عامر بطمع : بس ده لازم له تخطيط... ومش أي تخطيط.
ابتسمت ماجدة بثقه : عارفة وعشان كده لازم كل خطوة تتحسب كويس اوي ...
ظل عامر صامتًا، لكن فكرة أخرى خطرت في ذهنه، فقال بخوف: طب وافرضي... فرضًا يعني... إننا قدرنا نعمل اللي بتقولي عليه
نسيتي إن ساره حامل في ابن سلطان؟
وحور ممكن تكون هي كمان يعني حتى لو سلطان راح، ثروته في الآخر هتروح لولاده.
ظهرت في عيني ماجدة لمعة غريبة، وقالت بثقة: اطمن... أنا عاملة حسابي.
توجس عامر من نبرتها.: حسابك في إيه؟
اردفت ماجده بشيطنة : حور انا عارفه هعمل معاها ايه ، هحط لها حاجه تمنع الحمل في اكلها.../
ثم أضافت بنبرة باردة: أما سارة فليها حساب تاني.
نظر إليها عامر بريبة:إنتِ ناوية تعملي إيه؟
ابتسمت ابتسامة صغيرة:العيل اللي هتولده سارةأنا ناوية آخده وأربيه.
تجمد عامر في مكانه واتسعت عينيه بعدم تصديق : إيه؟!
ماجده بلا مبالاه : اللي سمعته.
عامر برعب حقيقي : يخرب بيتك يا ماجدة! إنتِ بتقولي إيه؟!
قالت وهي تتحدث وكأنها رتبت الأمر في عقلها منذ زمن: إحنا بقالنا كتير بنحاول نخلف ومفيش فايدة. وأنا عاوزة يبقى لي عيل وانا فكرت كتير ولقيت ان ده الحل وابن سارة في النهاية من دم العامرية. وسارة نفسها خطر علينا، ومش هينفع تفضل موجودة بعد كل اللي عرفته وشافته.
نظر إليها عامر طويلًا، وكأن المرأة التي أمامه أصبحت فجأة غريبة عنه.
قال بصوت خافت:أنا... إزاي ما كنتش واخد بالي من كل الشر اللي جواكي ده؟
ضحكت ماجدة بسخرية، وقالت:شر؟
ثم اقتربت منه وقالت بتبرير شيطاني : ده مش شر يا عامر دي شطارة.
والشاطر هو اللي يعرف ياخد حقه من الدنيا كويس أوي.
نظر اليها عامر بخوف وقلق فبادلته هي النظر بجبروت ....
لكنها لم تكن تعلم أن كل كلمة قالتها...
لم تكن حبيسة هذه الغرفة وحدها.
فعلى الجانب الآخر من الباب، كانت سارة واقفة في مكانها، وقد تجمد جسدها بالكامل.
كانت قد جاءت إلى عامر تبحث عن أي مساعدة بعد أن تخلى عنها صبري وهانم ولم تكن تتوقع أن تسمع شيئًا كهذا.
وضعت يدها على فمها حتى لا يصدر عنها صوت.
ثم أخرجت هاتفها ببطء، وبدأت التسجيل.
كل كلمة كانت تقع على قلبها كصفعة جديدة.
وحين انتهى الحديث، أوقفت التسجيل، وأغلقت هاتفها، ثم تراجعت خطوة للخلف
استدارت بهدوء، وعادت إلى غرفتها كما جاءت...
فقد أصبحت الآن تحمل سرًا قادرًا على إسقاط ماجدة وعامر معًا ولكن عليها التفكير جيداً في استغلال هذا الدليل القوي لصالحها .....
......................
في القاهره ....
كان سلطان يجلس علي كرسي امام الشرفه الزجاجيه العملاقه ينظر الي جمال نيل القاهره الساحره ليلاً ، وحور تقبع داخل احضانه يطعمها قطع الفاكهه بدلال ....
تعالت ضحكات حور بحلاوه جعلت دقات قلب سلطان تدوي بصخب من عذوبتها فسالها : ايه اللي بيضحك اوي كده ...
حور بمشاغبه : اصل بصراحه شكلنا عامل زي اللي ممسوكين اداب واحنا ملفوفين في الملايه كده ....
ضحك سلطان وتابع بعبث: اتكلمي عم نفسك لو سمحتي اعمل لك ايه ما انتي الي معذبه نفسك هو في احلي من الملط زيي كده .
حور وهي تضع قطعه فاكهه في فمه : لا شكراً مش عاوزه انت الواحد مش هيعرف يجاريك في قله الادب .
سلطان بعبث : اصبري عليا وانا هخاليكي تتفوقي علي الشيخ سلطان نفسه ...
ضحكت حور بيأس منه : مفيش فايده فيك
اقترب منها سلطان يضع قطعه من التفاح في فمه يحثها بنظراته علي ان تاكلها من شفتيه ، خجلت في باديء الامر ولكنها استسلمت لحزم نظراته وتناولتها من فمه واتبعها بقلبه شبقه علي شفتيها : احلي مره اكلت فيها تفاح ..
نظرت له حور بعشق لا تصدق ان حلم عمرها قد تحقق واحبها الانسان الوحيد التي لم تعشق سواه وشبت علي عشقه وبدون مقدمات طوقت رقبته بذراعيها وضمته بقوه فبادلها سلطان العناق مستنشقاً رائحه سعرها النديه وهمست حور بعشق: بحبك يا سلطان ، ومش عاوزه حاجه من الدنيا دي غير اني اكون جنبك .
زاد سلطان من قوه ضمه لجسدها داخل احضانه وتابع : وانا كمان بعشقك يا حور ، امتي وازاي مش عارف ...
ثم اخرجها من احضانه واكمل وهو ينظر الي عينيها بعشق : بس اللي اعرفه انك اقتحمتيني وخالتيني اعشقك من غير ما تعملي حاجه ، وعلي قد عشقي ليكي علي قد ما انتي بقيتي نقطه ضعفي الوحيده اللي مستعد افديها بروحي ...
وضعت حور اناملها علي طرف شفتيه وهمست بعشق : بعد الشر عنك يا حبيبي انا ماليش وجود من غيرك ، ربنا يخاليك ليا وتفضل ضهري وسندي العمر كله....
قبل سلطان اناملها الموضوعة علي شفتيه وتابع بجديه : انا عاوزك تاخدي بالك من نفسك كويس اوي ، ومش عاوزك لما نرجع تاكلي او تشربي من ايد اي حد اكلك وشربك اعمليه بنفسك وانا هحدد لك خدامه معينه هي اللي تشوف طلباتك...
حور بقلق : حاضر بس ليه انت خايف من حاجه ...
سلطان وقد تبدلت ملامحه للخوف عليها : انا مش هخبي عليكي في واحده من اللي شغالين في المطبخ شافت ماجده مرات عامر وهي بتحط لم حاجه في النسكافيه اللي دلقته في الارض بعد كده لما شافتها وبعدها جت قالت لي
حور بخوف وقلق: طب وايه الحاجه دي وهي عاوزه تاذيني ليه
سلطان وهو يضمها داخل احضانه كي يطمئنها : ما تخافيش من حاجه طول ما انا موجود ، واعرفي انك مش المقصوده ، انا المقصود وعاوزين ياذوني فيكي بس انا مش هسمح لحد انه ياذي شعره منك طول ما انا عايش ....
انا بس عاوزك تثقي فيا وتسمعي كلامي وتنفذيه بالحرف الواحد وفي نفس الوقت اتعاملي عادي مع الكل بشكل طبيعي مش عاوزين نلفت نظرهم علشان ما ياخدوش حذرهم ...
خرجت حور من احضانه وهمست بشقاوه كي تبدد القلق والخوف البادي علي ملامحه وتشنج جسده : بس كده امرك يا شيخ سلطان!!!!!
سلطان بعيون داكنه وهمس اجش : عرفتي ان انا ليا نظره وان الدلع والفجور يليق بيكي يا حور السلطان ..
تعالت ضحكات حور علي حديثه ثم تسالت ياستغراب عندما حملها بين يديه متوجهاً نحو الفراش وفي يده طبق الفاكهه : انت رايح فين بطبق الفراوله ده .....
سلطان بعبث بعدما مددها علي الفراش وازاح المنشفه من حول جسدها فطهر جسدها الانثوي المزين بعلامات ملكيته الحمراء والزرقاء : هعلمك طريقه جديده لاكل الفراوله يا حور السلطان ....
ثم اقتنص شفتيها في قبله جامحه سلب فيها انفاسها واغرقها في بحر عشقه يعلمها فجور عشقه المتيم بها ....
...................
