رواية حين تتغير الاقدار الفصل الثامن والعشرون بقلم سناء الهموندي
الأرواح التي تشبهنا تعرف كيف تخاطب أرواحنا 🥀
🤘بلا كلمات مشاعرنا ليست حروف تكتب
أو كلمات تقرأ إنما هي أحاسيس تلامس قلوب💙
❤️ نابضة وتشعر بها نفوس صادقة🥀
نفوس صادقة لا تجرح المشاعر بل تقدرها✋
😔 عقول تفكر في الكيان وليس المظهر العام ☝️
قلوب تعطي الأمان والحب الذي لا يقدر بمال 💫
انور : شنووو .
هناء : طلكني انور أنا مافيدك طلع كلام تهاني صحيح أنا وحده عاكر .
انور : صوتي اختفى وماعرف شسوي بسج عاد بالبيت نتفاهم .
هناء : لا انور مو بسني اكلك طلكني وخلص كلمن يروح بحال سبيله .
انور : صرت أعصاب احاول اسكتهه متسكت لزمتهه من ايدهه قوي وكبل للامام طببتته كوه متقبل فوتي نزور انا وياج اعرف كلبج محروك بعدين نحجي .
هناء : لا ماريد اريد ارجع للبيت .
انور : فوتي هناء لتشلعين كلبي فتنه للامام الكاظم عليه السلام لزمت الشباك وهيه بايدي اخاف لتروح مني اخاف عليهه أكثر من روحي شفتهه لزمت الشبك وبجت بجي مردت كلبي وخلتني حتى أنا ادموعي تجري وياهه مسيطرت على نفسي شون اشوف روحي كبالي تتعذب وانا مابيدي شي اسويلهه بسج أبويه انتي اكيد هاي الدكتوره متفتهم أنا باجر اخذج لغيرهه ونتأكد وممنوع تحجين لاي احد على كلام الدكتوره .
هناء : اور تكلي الحايط يخلف وانا لا يعني اايس يعني مراح اصير ام انور تعرف شنو معناته انحرم من الضنه وانا مو قليله اصل احرمك انت هم من الضنه وانا ما مستعده ازوجك وحده شاركني بيك اموت والله اموت وبجيت مره ثانيه .
انور : بابتسامه واخيرا طلعت عندج مشاعر تعترفين بيهه لا والغرب انج تبجين معرفتج هيج ضعيفه أنا زوجت هناء القويه الماتعوف حقهه وحق خوانهه تذكرين من جنه نجيكم شون تلزمين اخواني واحد واحد تكتليهم اذا اذو اخوتج أنا اريدج مثل قبل قويه هناء بعدنه باول حياتنه وانا مراح اايس راح اضل اراجع بيج لحد ما نخلف شلي بال ضنه اذا مو منج هناوي .
هناء : كلامه مثل مخدر لجروحي مسحت وجهي وكتله وإذا مرت السنين وماخلفت وانت ردت جاهل وهذا الشي حقك بس انا ما مستعده وحده شاركني بيك اذا تحب عوفني وروح تزوج وخلف حجيتهه بغصه .
انور : طلعنه من الأمام وكتلهه شسوي بجاهل واني بنتي .
هناء : ابتسمت بالم رغم عيوني مغوكه دموع تمشينه بافرع بغداد هدوء الليل ويه جمال بغداد سكن المي وخلاني شويه استرخي ونفسيتي شويه احسن .
انور : باوعت ساعه بال 10ها حبي نرجع للبيت .
هناء : اي تاخرنه كلش وخطيه شمس كالتالي لا تتاخرين .
انور : ياله لعد امشينه وبعد ما اوصيج عيوني انتي لتحجين كلشي اليسالج كولي كالت ثنينكم مابيكم شي بعد هوه الله شوكت كاتبلنه هلا بيه .
هناء : دنجت وكتله ماشي رجعنه للبيت ولكيت شمس منتضرتنه خطيه طمنتهم ورحت لغرفتي من البجي ما حسيت اله وانا نايمه .
تمار : وره جم يوم دزيت امي تحجي ويه خالتي على شمس بس من يجي غلام أنا أحاجي راحت امي وانا مثل السمجه المتزوهره الوب اروح واجي ونوره وكميل كاعدين يباوعون عليه باوعت لنوره وكتلهه اكلج شعجب صار جم يوم مترحين لشمس مو من عوايدج.
نوره : وانا كاعده اخيط بثوبي جاوبته شمس مو هنا .
تمار : رأسا التفتت عليهه شنو مو هنا جا وين .
نوره : بعدم الا موبالا صارلهه سبوع بغداد .
تمار : بعصبيه شكلتيييييي ومنو سمحلهه تروح البغداد وليش اناااا مادري .
نوره : والله مادري تجي امي واسالهه بس بصفتك شنو لازم تعرف كل هذول .
تمار : بصفتي خطيبهه شنو نسيتي أنا من كبل رايدهه بس ردتهه تكبر شويه .
نوره : بفرح صدك يعني شمس تجي يمي .
تمار : باوعتلهه صفح وكتلهه عايز شاركيني بيهه .
نوره : بضحك الله عليك استعجل بالعرس .
تمار : استغفر الله شحجي وياهه باله متحملت ورحت وكفت قريب على بيتهم انتضر امي شوف شكايليلهه .
ام علي : وصلت لبيت جوريه وبعد سلام وكلام سالتهه على فضه شنهي شو ما تبين هل ايام .
جوريه : ملتهيه بعرس بتهه ومهدي صار شهر لافي عليهه .
إم علي : مو هل اكولن ماكو .
جوريه : اكوم اسويلج استكين جاي .
ام علي : تعالي كعدي خيه أنا جايتج اليوم على شغله واتمنه ما ترديني .
جوريه : غالي والطلب رخيص انتي تامرين امر خيه احجي شعدج .
إم علي : أنا اليوم جايه اناسبكم واطلب شمس لتمار وانتي تعرفين تمار يا ام فالح ما يحتاج اوصفلج صفاته .
جوريه : خيه كبعي واخذي تمار انطي وانا مغمضه بس انتي تعرفين لازم اسال خوانهه وعمامهه وخوالهه .
ام علي : خوش خيه اسبوع ورديلي خبر انتضرج أنا اكوم عبن اعرف هسه تلكين تمار ياكل بكلبه اكل .
جوريه : خيه من ناحيتي هيه اله بي انتي تعرفين الأصول .
ام علي : جا شون حقج خيه ياله أنا اترخص .
جوريه : الله وياج حبيبه .
تمار : واكف يم شجره النارنج وكلساع ارفع راسي للسمه وادعي يقبلون ومنا كلبي فاير شون تروح بيت خالتهه وكله ولد أنا باجر من الصبح اروح اجيبهه واجي وشيصير يصير اجت امي تقدمت عليه ها يمه بشري .
إم علي : يا عزااا هاي انت ولك يمه هيه هاي عمله واكفلي هنا شني ماعدنه بيت تنتضرني بي .
تمار : يمه احجي بداعت ابوج شكالوا .
ام علي : خل نوصل للبيت وأكلك شمالك طايره الدنيه .
تمار : امشي ويه امي واستغفر وهيه كلساع تباوع عليه وتبتسم لما وصلنه طلعت روحي اول مكعدت صحت بنور جيبلهه ماي شربت وكالت ارتاح يمه خالتك انطتك بقى اخوانهه وعمامهه .
تمار : مصدكت من الفرح بست راس امي وكتلهه سهله يمه أنا احجي ويه خوانهه اهم شي خالتي وهيه حجيتهه بكلبي هيه لحد الان أنا ممصارحهه بمشاعري تجاهه شيجيب باجر اروح اجيبهه لا والله ليش باجر هسه اروح اي هسه بعدهه مصايره ساعه بال10صبح الحك رحت على سريع بدلت هدومي وخليت فلوسي وهويتي بجيبي وطلعت لامي كتلهه يمه أنا رايح لبغداد .
ام علي : بتفاجا ياااا شسوي بغداد .
تمار : حرت شكللهه كتلهه علمود التعيين يمه شبيج نسيتي .
ام علي : يا تعيين يمه .
تمار : يمه مو عمي فرقد كال اكو تعيين حراسه بيت الوزير وكالي انت الراح تصير الحارس الشخصي البيتهم .
ام علي :ها اي صح وشني انت هسه تروح .
تمار : اي يمه لا تعارضيلي فدوه اروحلج وبلغي ابوي ياله في امان الله .
ام علي : الله وياك يمه دير بالك على حالك .
تمار : انطلقت البغداد وبعد طريق بعيد وصلت قريب المغرب رحت على المقهى اليكعدون بيهه الولد اعرفهم على طول بيهه وصدك لكيت ازهر هناك ومعتز رحبوا بيه واصروا اروح وياهم للبيت اتعشه وانا بس اريد اوصل و اشوف شمس الولد خوش ولد بس انا من الله أتحسس من معتز واغار على شمسس منه وصلت لبيت ابو انور فوتوني الولد بلاستقبال وكعدنه شويه ومعتز كال .
معتز : مره خصتك عيوني تمار البيت بيتك بس ربع ساعه اروح اعزل ويه الوالد واجي .
تمار : براحتك حبيبي بقى بس ازهر وازهر كلش سبورت شقاجي إذن كمت توضيت وصليت .
شمس : كاعده انوم سجى نامت وكمت رحت توضيت وصليت كلت اساعد خالتي عيب طبيت للمطبخ وأشوف نهله تبسبس ويه خالتي شافتني سكتت وطلعت هناء صلي طبيعتهه طول بصلاتهه خالتي ابتسمت وكالت
ضويه : خطيه تمار ابن ام علي جاي .
شمس : صدك مصدكت رحت بالهفه اشوفه اشتاقيت كلش لاهلي والريحت سلفنه رحت طبيت للاستقبال مموجود احد بس هوه وازهر من شافني كام وكف مصدوم تقدمت عليه وسلمت بالهفه واسأله على اهلي واحد واحد عليك الله تمار إمي شونهه وعمران وسلطان وخواتي كلهم شونهم نوره شونهه هوه جان مكتفي بكلمه وحده فقط زينين وصافن بعيني أنا من لهفتي نسيت نفسي وآله شويه احضنه عبن شفت بيه ولايتي شميت بي ريحت اهلي من وعيت على نفسي وهوه متفاجا ويباوع الأيدي الازمه أيده قوي واحجي واهز بيهه ومامدري بنفسي فشلت من روحي من طبوا معتز وعمي صادق وأنور هوه راسن خزرني واشرلي اطلع طلعت ركض خفت من خزرته .
تمار : تفاجاة برده فعل شمس صرت نار بالزمت ايدهه ونفس الوقت خجلت بسلامهه الحار ولهفتهه شو هاي اكلتني اكل بالسلام شمالهه هنا أثرت عليهه بغداد شو هناك سلام عليكم كوه تطلع منهه كعدت ويه الجماعه وبعد سلام وحجي وعشا وانا منضر شمس كدامهم بلا حجاب ميروح من بالي وياكل بيه اكل كلت لازم احاجيهه بس شون يربي طلعت للحوش بحجت اروح للحمام وكفت بالحوش بال 10دقايق استحيت وفتت جوه عمي كال .
صادق : شوكت انشالله ناوي داوم .
تمار : والله يا عمي هوه أنا جيت على عمي فرقد شوف شيكلي وشنو المطلوب .
صادق : خير انشالله .
تمار : الله كريم الولد اصروا نطلع نغير جو وفعلا طلعنه وللساعه بال 11رجعنه للبيت شفت شمس حاطه بت فالح بحضنهه وكاعده بالمرجوحه تهزهه على كيف عفت الولد طبوا جوه وانا تقدمت وكفت يمهه وكتلهه شوفي شمس اريد منج ترحين الخالتج وتكليلهه أنا باجر ارجع ويه تمار لبيتنه عبن شتاقيت لامي كلش وماكدر اعوفهه أكثر ولحي عليهه حتى تقبل ترجعين وياي .
شمس : هوه يحجي وانا صافنه عليه عبن ما مادري ليش هيج يكول وليش هيج يسوي .
تمار : حجيت وانا صاك على سنوني سمعتي لو اعيد .
شمس : لا لا سمعت .
تمار : عفيه بالشاطره وهسه راويني عرض جتافج وروحي كلي لخالتج والاخوج شفتهه لابسه حجاب كدامي وانا كمت افور يعني ولد خالتهه عادي متحملت وكتلهه بعد اذا شفتج محاطه شي على راسج كدام ولد خالتج لا كصه لراسج وانطي للواويه .
شمس : حجيت بكلبي شبي عصبي وهيج يحجي وكلما يشوفني بلا حجاب وكال أكص راسج شنو راسي راس دجاجه .
تمار : وانا ااشر الهه براسي ياله روحي كلي الخالتج حتى الصبح نطلع أثناء مجاي نحجي اجه انور ضحك وكال .
انور : ها تمار بس لا شمس جلبت بيك حتى ترجع .
تمار : ضحكت وكتله بعد بنت خالتك وانت تعرفهه مطول بال تروح المكان وضل هواي .
شمس : ضحكت بداخلي وكلت خرب بليسي هاي أنا هيج شسوي امري لله اروح الخالتي صدك رحت بلغت خالتي وخالتي مقبلت اروح وحدي ويا كالت أنا أهم اريدن اجي هناء توسلت بيه
هناء : شعنج رايحه ابقي بعد جم يوم عيد ونطلع واونسج .
شمس : لا ارجع للبيت عبن كلش شتاقيت لامي وللبيت واريد اعيد وياهم .
هناء : براحتج كلبي جا يجوز أنا تجيكم ثاني يوم العيد
شمس : ثاني يوم توجهنه لديرتنه كعدت بصف خالتي وصلنه تقريبا ساعه 10 .
نوره : كاعده بالزرع احوش البانيه حتى انيبسهه مدنجه وصار فوك راسي خيال رفعت راسي بهدوء وجان اشوف
شكرا لزيارتكم عالم روايات سكيرهوم
