رواية ما ذنبي انا الفصل التاسع والعشرون بقلم أحلام السعدي
البارت ٢٩
#ماذنبي_انا.
للكاتبه احلام السعدي.
ـــــــــــــــــــــــــــــــــــــــــــــ
أرى الناسَ يَهْوَوْنَ الخلاصَ من الردى وتكملةُ المخلوقِ طولُ عناءِ ويستقبحونَ القتلَ والقتلُ راحةٌ وأتعبُ ميتٍ من يموتُ بداءِ.
ـــــــــــــــــــــــــــــــــــــــــــــ
باووعنة علبيت بصدمة..
هتوف......بصدمة . شنو هاي منو مسوي هيج..
اباوع عالآصف..يباوع عالبيت ببرود..ولا كانو صاير شي..
صعد فوك واني لحكتة..
صعد لغرفتنة..
فتحت الباب..كلي بهدوء. شوفي ذهبج موجود لو لا..
فتحت الجرارات.... ماكو ولا اي قطعة منهن.
..... بخوف.... آصف ولا قطعة مخلين..
آصف.... انتي لابسة شي لو لا.لو كلهن. نباكن..
.... لا والله كلشي مالابسة.ذبيت كل ذهبي من مات فهد.
باوع علية... ولزم راسة بعصبية..
طلع تلفونة.... وطلع من الغرفة.
اباوع عالغرفة كلها عبارة عن خرابة. همزين ممكسرين شي..بس الملابس والعطور كلهن بالكاع.
والبردات واكعات..
شنو هاي.معقولة آصف يعرف شصار...جان هادئ.. وعبالك متوقع يصير هيج...بصراحة شكيت بي..
نزلت جوة... اني وهتوف ومراد وعمة حوراء.. كمنة نشتغل بالبيت ونعزل بي.وجا آصف ويانة..
وعمة حوراء هم مبيوك منها فلوس وذهب.
شتغلنة بي.. لساعة بال٣ بليل. يلة كعدنة..
عاد طبيت للحمام وسبحت..
.... كلنة كلش تعبنة..
داامشط شعري.ودخل آصف. باوع علية. وكعد عالسرير... خلة ايدة جوة راسة..
محجيت شي... ضليت ساكتة..
مشطت شعري.وكعدت عالسرير..اباوع آصف نام.
اليوم جا كلش تعبان. وباجر انشالله من ال٧ يطلع لبغداد.
اووف شلون حيرتاح باجر انشالله لو ياخذ عطلة..
بستة بخدة ونمت بعيد عنة. حتة ياخذ راحتة بنوم.
اول مخليت راسي عالمخدة.. نمت.
حسيت بي يقربني يمة ويبوسني بركبتي.
حسيت بانفاسة نتضمت.. انفاسة بركبتي.
نمت.
وكعدت عالصوت تنبيه الموبايل..
هو بسرعة كعد..
كعد وتثاوب.... مبين نعسان كلش.
كعدت وكلت... صباح الخير..
باوع علية..... ورجع راسة عالرجوة السرير.. صباح النور حبيبتي..
بتسمت وحجيت..احضرلك ملابسك والاكل.
باوع علية... وكام. لا رجعي نامي اني هناك اكل. وعلة الملابس موجودات رجعي نامي.
باوع عالغرفة كلها..ورجع باوعلي. باسني من خدي . نامي رتاحي..
بتسمت انشالله... بس اذا تحتاج شي كلي.
اشر براسة بمعنة اي.
نمت..... وحسيت بي يبوسني ويكلي مع السلامة.
باوعت علية بعيون ناعسانه وبتسمت..مع السلامة.
راح. ورجعت نمت. احس نفسي صار ١٠ ايام منايمة..
عالنفس اليوم..
كعدت .. وهتوف راحت لزوجها.
وصارت بليل نتضرت آصف. ماكو..
دكيت علية كال حتاخر..
سويت بيتزة اني وعمه حوراء.وسوينة معجنات.
مراد... كلش جاع. بس كال ننتضر آصف.
نتضرنة... وماكو. عاد اكلنة وبقينالة.
رحت دااشرب دواية.
صعدت لغرفتي... واخذت الكبسول.
وهستوني داابلع نفتحت الباب.
اني خفت....وخليت الكبسول وراية. وخليتة بجرار..
باوع علية.... ومبين كلش تعبان..
باوع علية وبتسم... ورفع ايدة.
بتسمت... وحضنتة.
آصف.... اه كلش تعبان اليوم.حضريلي الاكل.بسرعة كلش جوعان.
بتعدت عنة وخليت ايدي عالعيوني. وحجيت من عيوني.
بتسم..
دااطلع وكتلة. آصف الملابس حضرتلكياهن بالحمام..
اشر براسة... اي.
سويتلة اكل...... واني افكر البارحة منو سوة هيج.
والمصيبة كلما اسال مراد او آصف..يغيرون الحجي ويكولون ماادري. مع انو متأكدة يعرفون كلشي. بس مااريد اضغط عليهم الي بيهم مكفيهم.
سمعت صوت صياح. آصف..شادن.
خفت من هالصوت... حجيت..ربي سترك.
ركضت عالغرفة.
وفتحت الباب.
باوعت وبلعت ريكي.
باوع علية... وباوع عالكبسول. شنو هذن.ومنو كلج تبلعيهن.اني حذرتج مو..
حجيت... آصف اهدء... بس اسمعني.
حجة بهدوء....اشششش.تعالي.
ضليت بمكاني وارجف.
خنزر بعيونة وكال تعالي. بحدة.
بلعت ريكي.... تقربت يمة ونزلت راسي..
رفعلي راسي بايدة بعصبية. احس رادت تنخلع ركبتي.
وكال.... كلامي ليش مينسمع.
سكتت....واني احس راح اوكع بأي لحضه.
صاح بصوت عالي. كلامي ليش مينسمع كولي.
دفعني.
منا جتي عمة حوراء..ومراد..عله صياحه.
وكالت شبيكم يمعودين.. متجوزون من عراكم.
باوع عليها...... وكال بعصبية.انتي مو رحتي وياها. اني مو كتلج اي حبوب تاخذهن تكليلي..
باوعت علية..... ورجعت باوعت علة آصف. ياحبوب..
آصف.... بعصبية... كليليها لست الخانم.
كمت وحجيت...... بخوف.. آصف.هية معليها. اني اخذتهن بدون علمها.
دايضربني... وكف مراد ومخلا يمد ايدة علية.
وعمة حوراء سحبتني وراها.
باوع علية آصف.. وكال بعصبية.ولج عفت اهلي وعفت كلشي من وراج.. ومستعد اعوف اي شي تريدي انتي. واخليج دائما سعيدة وياي.. ولج انتي بيمن تجازيني. ولج كلما اكولج اسمعي كلامي. تروحين وتسوين العكس.. اكلج سوي هذا.تروحين تسوين العكس.. ولج ليش كليلي.ليش.
لزم راسة... وكال حتخبل حنجن. ولج.تعرفين خطورتهن عليج.. انتي خبلتيني ولج جننتيني. ولج هذن الي داتسمميهن يموتنج.
باوع علية بعصبية...... من شوكت تزقنبيهن كولي.
باوعت علية.... بخوف وحجيت.صالي اسبوعين.
آصف... اسبوعين واني يا غافل. الك الله.اسمعي دااكلج.. منا وجاي.ماكو دكتور وماكو طلعة. اخليج مثل الجلب هنا.وطفل بعد مريد.وصفك بايدة. مااريد
فتهمتي.
طلع. من الغرفة وسد الباب بقوة.
كعدت بالكاع ابجي. وحاضنتني عمة حورا..تهديني.
باوع مراد علية. وخلة ايدة عالخاصرتة. ولج شادن ليش هلكد تجفصين.كافي عاد ترة آصف مدايتحمل اي شي. ترة كل هذا فوك طاقتة..تريد اعرف تريدين تموتين نفسج.بس كليلي.وتريدي يسكت. فتهمي ياشادن عاد. انتي بس بقيتي بحياتي.وتعرفين اذا صالج شي. شيسوي بروحة. كافي عاد. ارحمي بحالة..
باوعت علية... وحضنت عمة حوراء اكثر وابجي.
عمة حوراء. مراد مداتشوفها شلون حالتها.عوفها يمة خليها. روح.
طلع وسد الباب قوي.
عمة حوراء...تنهدت تنهيدة عالية. كومي كومي. كعدي عالسرير.واني راح اسويلة اكل.
كعدت عالسرير....وصافنه.
حضنت المخدة..... ابجي.
ورة. نص ساعة. نفتحت الباب.وباوع علية.
تنهد.... وسد الباب.
فات للحمام.
ورة شوية نفتحت باب الحمام.ودخل للغرفة. مشط شعرة وخلة عطر..
ساكتة ودموعي تجري. وبس اباوع علية.
هو يباوع علية ويرجع يباوع عالمراية.
كعد عالسرير وتنهد.
لزم ايدي... جفلت. باوعت علية. ونزلت راسي.
قربني اله.وحضني. بهدوء. اشششش لتبجين.
حضنتة اكثر .....صرت ابجي اكثر..
صار يمسد عالشعري. كافي عاد. اسف مراح اعصب عليج بعد. اششش. انتي غلطتي.واني ميت مرة اكلج هذا لمصلحتج.وهذن الي تبلعيهن مو كل مره تكدر تاخذهن. هذن بيهن خطورة. كلش.اششش لتبجين.
... وباوعت علية.
خليت ايدية ورة ركبتة..وحضنتة من ركبتة.
آصف.... .. ناقصج حنان مو.
ضربتة بايدي عالصدرة.. ودفعتة.شكد قليل ادب.
آصف.... لا هسة اشوفج قلة الادب عالحقيقتها.
تقرب مني............
نمنة من ساعة بال١١... من وكت..
واني افكر بعد ايام ويروح للحشد. ياربي رجعليا سالم..
اذا راح للحشد يونس ومراد يضلون هنا.
مراد كمل جامعتة وينتضر تعين بالهندسة.
واني خايفة.... لان البيت كلش اخاف منة ولساني مو متعودة علية.
كعدت الصبح ساعة بال١٠. باوعت عالسرير..ماكو آصف..
كمت... وسويت الغدة. وفات العم مالك..
فتحتلة الباب... وكتله يااهلا وسهلا عمو..
باوع علية... وكال هلا.
ودار وجهة..
فات للبيت... وباوع علية.. وكال... عمتج وينها..
موجودة اصحيلكياها واجي..
صحتلها... وكامت ترحب بي.
فتت لغرفتي جنت داادور ملابس فهد. بالجرارات.. وفتحت الجرار الاول. باوع..اكو البوم.. اول مرة اشوفة...كلش حلو تصميمة..
لزمتة... وفتحت اول صورة..
باوعت... هذن الصور الي صورناهن بالمهر شمايل.
اباوع... عليهن. لمسته كلش جريئة. والي يشوفهن..ماادري شراح يكول عليهن.
اباوع صورة صورة. وابتسم. هذن الصور..ورة يوم. هو عترفلي بحبة.
رجعت باوعت عالاول وحدة.وقريت وراها مكتوب...
(كل زهرة مصيرها النحول..و الذكرى تبقى ولاتزول).
باوعت عالثاني.
وراها مكتوب.. اغنية اني اعرفها.. وسامعتها.
(تنتضر كلمة احبك.... شايفك مشغول فيها.... كل شي بوكتة حلو... ليش مستعجل عليها..... بكرة هية الي تجيك... وتمر كل لحضة عليك..... انت بس طولي بالك... كل شي بوكتة حلو....)
والثالثة.. كاتب هم مقطع من هاي الاغنية...
(في ثواني... في دقايق.. في شهر... ولا سنة... الكلوب هية الي تحكم.. ماهو انت او انا....ينولد حبك واحبك.. واعشقنك ياروح كلبي... انت بس طولي بالك... كلشي بوكتة حلو....)
(خلنا نفهم بعضنا... كبل مانهوة نضيع... مابعد برد الشتاء ا..... الا نسمات الربيع... ووعدك كلمة احبك.. منها مايملي كلبك... انت بس طولي بالك... كلشي بوكتة حلو...).
اباوع عالكل صورة كاتب شعر او مقطع من اغنية. كلش فرحت من هذن الكلمات..
تنهدت.. . ودرت عالورقة الاخيرة.
جان فهد.... اباوع ورة الصورة.. مكتوب. مقطع من اغنية.
(ياناس ارحمو بحالي..... من ايدي راح الغالي.... سافر وماسال عني... واخذ ويا كلشي مني... صار الحزن موالي...)...
(ودعتة بكلبي نار... ودعتة واني المحتار... ردت اكلة لاتسافر.... لليحبك خلي خاطر... ابقه يمي للتالي...)
(تركني وراح بعيد... بس ندامة شتفيد... اه لو تنزل دمعتي وضلت بصدري حسرتي.... بس القهر صوفالي....)....
قريت الاغنية..جانت عباراتها تبجي الصخر.
كعدت بالكاع ابجي..وحاضنة صورة فهد.
حسيت اريد اعيط اختنكت.. اريد اطلع كل الي بصدري.
فتحت موبايل.. وفتحت اليوتيوب.. وكلت خلي اشوف هاي يااغنيه.
سمعتها.... وياريتني ماسمعتها.خلتني.ابجي اكثر.
كلش هاي الاغنية حزينة وتبجي.
ضليت حاضنة الصورة. وابجي.
الصورة عبارة عن. آصف مخلي فهد بحضنة. وثنينهم ضاحكين..
غمضت عيوني..اريد اسكت وماابجي.. مااكدر.
فتحت الالبوم. لكيت صورة فهد واكف وفاتح رجليناتة.ومطبك ايدناتة. وضاحك.وشعرة مكنفش.. وورة مكتوب شعر.
صرت ابجي واشهك.واني اباوع عالصورة.
فجأه نفتحت الباب..باوع آصف.
شجابة اليوم من وكت. تذكرت اليوم جمعة يجي من الضهر.
باوع علية... وعلة الصورة.
ونزل يمي... باوع علصورة. واني ابجي.. كال شبيج.
لزمني حيل وحضني.
مسحت دموعي... اريد اباوع علية. ضل حاضني وميخليني اتحرك.
آصف.... اه اه ياشادن..مدااكدر مدااكدر انسا.وين مااطلع وين مااطب.اتذكر ضحكاتة وبوساتة. ليش حرموني منة الله يلعنهم.. ولج طفل شيريدون منة.
غمضت دموعي حيل.اني محروك كلبي. واريد بس اعيط.
كومني... باوعت عالخشمة احمر.. وعيونة حمر.
كال... كومي كومي. روحي يم عمة حوراء. كملي الاكل.روحي..
كمت.... ومسحت دموعي.غسلت وجهي..
وفتت بالمطبخ.
جان جايب. سمجتين. ومقبلات. اكيد ثواب لفهد وام آصف ومرتة وابو آصف.
واحنة مسوين اكل خير من الله..
اكلنة... والعم مالك.. ماطايق يشوفني.. كلسا يتأمر جيبي هذا وجيبلي ذاك.
واني اكلة... انشالله.
وفوكاها بنتر وبعصبية. وآصف يهديني ويكول اصبري راح يروح.... خلي.يمون.
كعدت بالمطبخ... وجتي عمة حوراء.
وكعدت يمي.
جانت موعلة طبيعتها.
حجيت... عمتي .. شبيج..خيرج.
باوعت علية.. وتنهدت ... وكالت رتيل.
حجيت . شبيها رتيل.
عمة حوراء... يكول مالك. راجعلها مرض السرطان. وهم راح يرحون لتركيا.
حجيت....من صدك تحجين انتي.
صح هية جانت تأذيني. وتقهرني بكلامها. بس كلشي ولا الموت. هية خطية وعدها اطفال..والله دعيتلها بكلبي الله يكومها بالسلامة.
عمة حوراء... اي والله لهذا جا مالك لهنا..
... ..... بس عمة... جان خابرة ليش جا..
عمة حوراء.... مو هذا الحجي.. جا يريد يقنع آصف يرجع للبيت. لان البيت ماكو احد بي. لان حتة عمتي.. حتروح لتركيا مدري للهند. والبيت ماكو احد بي يبقة.
..... ها بس آصف مستحيل يقبل.
عمة حوراء... والله ادري.. راسة يابس.. والله هو حقة....ماالومه..
.....وهسة شنو الحل.
عمة حوراء.... والله دايريد يقنعني الي اريد ارجع للبيت. حجيتلة مستحيل. ماافوتله للبيت هذاك.
..... وهسة شراح يسوون..
عمة حوراء.... والله علمي علمج..
.... والله كلش قهرتني رتيل.
عمة حوراء... مو بكدي. هية طيبة لوما امها.وبنات خالاتها اشجان وافنان. والله رتيل عالنيتها.
... شنسوي بعد. مالها غير بس الدعاء.
عمة حوراء.... اي والله.
كمت... واني كلش منقهرة عليهم.شلون واطفالها وين يروحون لو لاسامح الله صار بيهم شي. لا اسم الله انشالله كلشي مايصير بيها..
فتت للغرفة... وكعدت. كلبي حركني. عليها..
صح البيت الي عشت بي اول شهور وية آصف..
وجنت اكرها كلش.... بس هسة اتمنة ارجعلة.
. جنت كلش اشتاقله ومرات ابجي لمن اتذكر الذكريات وية فهد بي.
اكو ذكريات حلوة... وذكريات مرة بيهن.
مرن يومين .... وسافرو. كلهم وبقو الحرس..وبيت العم ثابت بي...
واليوم آصف يروح للحشد..بجيت واني اشوفة لابس هدوم الحشد..
وكتلة ماغيريت رئيك. آصف. اذا صار بيك شي لاسامح الله... والله اموت اني.. افهمني. ليش تريد تموتني.
آصف..... كافي عاد شادن. اني ماريح اقاتل.. اني والله بعيد عن القتال. اني الشرطي مو حشد...ف لا تخافين...
حضنتة حيل... وابجي. واكلة والله شرطي.
تنهد وكال... والله.يلة حتأخر..
طلع بسيارتة وجبينة ورا مي. واني بس ابجي..
عاد عمة حوراء... صاحت. شادن كافي تفاولين علية.روحي ادعي الله يجيبلجيا سالم.. روحي. لاتضلين تبجين علية. ولج موزين والله مو زين.
مرن خمس ايام واني لا ليلي ليل ولانهاري نهار.
ودائما اخابرة. ويحجي وياي.. عاد شوية ارتاح.
مرن ١٠ ايام... وونتضرت جيتة..
اول مشفتة.... ركضت علية.. وشبكتة.
وهو يباوعلية..... ودموع بعيونة.. ويبتسملي...
عاد رتاحيت شوية.
كعد وسولف ويانة..
جانو موجودين عمة حوراء. وشمايل وهتوف ومهند وغسان ويونس ومراد..
صار هذا البيت نتجمع بي..مو بالبيت الجبير..
جنة نضحك ومنسين هموم الدنيا.
عاد كام آصف.... اريد اسبح وارجعلكم.
اشرلي تعالي.. وراي.
بتسمت..
ورحت صعدت ورة..
وحجيت حضرتلك ملابسك..
باوع علية... وكال شبيج ليش هلكد هاملة صحتج ليش هيج. ليش هلكد وجهج ذبلان.
باوعت علية ونزلت راسي.
حضني حيل..... وكال وعديني. تهمتمين بصحتج. وعديني.
سكتت واني احضنة اكثر..
.آصف...وعديني.
.... اواعدك اواعدك انشالله..
بتسم... وكال روحي حضري الاك.ل هاي العشرة ايام اريد اطلعج بيهن لبغداد او كربلاء او نجف . او وين متريدين..
بتسمت..... اي تلاثتهن..
باوع علية.... وعقد حواجبة.. شنو داخلة عالطمع. اني لو كتلج محافضات العراق جان كلتيهن كلهن امشي امشي.حضريلي الاكل.
بتسمت..... انشالله.
نزلت ليجوة..
سمعت صوت بنات...اعرف صوتهن كلش زين..
فتحت الباب بعصبيه.. وحجيت شعدجن هنا انتن..
