رواية حين تتغير الاقدار الفصل التاسع والعشرون بقلم سناء الهموندي
أيها الحظ الجميل..
اقترب منا وعانق قلوبنا المنهكة ولو لمرة ولا تخف فنحن نستحقك ونحتاجك بشدة.
نوره : تفاجات بغلام واكف فوك راسي ومبتسم بحكم بستانه وبستلنهم واحد بصف الاخ ومسيجيهن بسياج واحد فيكدر يفوت من بستانه عادي واحنه على طول محتشمات لان نعرف ولد خاله جوريه متواجدين بالبستان وكذالك بناتهم نفس احتشامنه واكثر تفاجات بغلام ليش واكف كبالي ومبتسم نص ابتسامه وكال بصوت شبه مخفي .
غلام : شعجب وحيدج بالبستان .
نوره : جيت احوش بانيه حتى انيبسهه وخواتي كل وحده باشغله وكميل جان ويايه بس راح يجيب ماي .
غلام : تحم حمت حتى اعدل نبرت صوتي عبن شوفتهه ضيعلي علومي كتلهه نوره ممكن احجي وياج شويه .
نوره : بارتباك اااا اي احجي غلام .
غلام : ياله ليش اسمي بشفايفهه يختلف نعلت الشيطان وكتلهه شنو رايج بيه .
نوره : بفطره ماشالله عليك حلو وحباب وخوش ولد وكل العالم تحبك .
غلام : دوختني بوصفهه سألتهه وانتي .
نوره : أنا شنو .
غلام : لا هيج المهم وين الستره مالتج الجنتي على طول تلبسيهه .
نوره : ضاعت من زمان .
غلام : ابتسمت وكتلهه صراحه اني اخذتهه .
نور : كمت وكفت وباوعتله متفاجاه صدك انت اخذتهه .
غلام : اي عجبتني قماشهه ثخين اتغطه بيهه بالدوام .
نور : بفطره يا غلام فشله تره هيه مال بنات وبيهه ورد أنا اجيبلك مال أبويه لو تمار احسن .
غلام : ضحكت من كل كلبي على فطرتهه معقوله محاسه بمشاعري تجاهه جاوبتهه لج نور مو مهم مال بنات مال ولد المهم الستره الج والهم بيهه عطرج .
نور: حست انو تمار ناصب عليهه كتله لا عليك الله غلام اذا الستره عندك رجعهه والله اذا تمار يدري يكسرني .
غلام : شحده يمد أيده عليج غير اموته كتل حجيتهه بضحك اكو واحد يمد أيده على مرتي وام جهالي .
نور : كمت لا انطي ولا اخذ وكفت متصنمه وهوه صافن بعيوني ومبتسم صفح .
نوره : عفيه غلام لتحجي هيج لا يجي كميل يسمعك .
غلام : سمعي نور اريد منج جواب قبل ما امي تجي تخطب .
نوره : يا شتخطب تخطب منو .
تستمر القصة أدناه
غلام : تخطب عمتج غير خليني اكمل كلامي ولتقاطعيني انا احبج من اول ما صرتي بالدنيه انتي مسجله باسمي .
نوره : صافنه بعيونهه الشذريه على غلام وغلام المسكين جان متصور هاي النضرات نضرات قبول متوقع بجواب نوره الي بعيد عن سواله تماما جاوبته عفيه غلام الستره يا ترجعه يا لا تلبسه كدام تمار واخواني من ترحون تزكون الزرعات تره كتلي يصير عمل شعبي .
غلام : باله هاي شحجي وياهه أنا جاي اصارحهه بحبي واطلب ايدهه وهيه حايرتلي بالستره لج نوره عوفي الستره لا تخليني البسهه واجي بيهه لبيتكم .
نوره : مو هيه صغيره عليك متكفيلك .
غلام : فورت اعصابي برودهه مدري فطرتهه عطت بيهه جاي اكلللجججج عوفي الستره ركزي وياي انتي ترديني يولا اذا ادز اني توافقين نور احجي لا سكتين اروحلج فدوه .
نوره : احساس مخربط خوف على فرحه على ارتباك معرفت احجي شي درت وجهي ومشيت .
غلام : دمي فار من عافتني ومشت مسافه والتافت عليه وكالت .
نوره : اريد زفتنه بالسياره الرف .
غلام : ردت بيه الروح بجوابهه تقدمت عليه بعدني اول خطوه وهيه ركضت من كدامي ضحكت ونفس الوقت الفرحه الاني بيهه متنوصف يارب تمملي على خير شلت جنطتي ورحت لبيتنه تلكتني امي بست راسهه وانا ابتسامتي ما بطلتهه وأمي تباوعلي وتبتسم لضحكتي سبحت وصليت وتغدينه فاتحت امي بالموضوع الخطوبه طلبت تروح تخطبهه .
جوريه : كلش فرحت بطلب غلام وين الكي احسن من نوره بس ضليت حايره اكله على ام علي اجتي طلبت شمس كلت لا اسكت لان هيه طلبت مني تمار يكله لغلام قريب العصر اجتي ضويه وشمس ضويه محمله مسواك للعيد كل عيد تجيني وتجيب شغلات للجهال وحتى من كبرو ما بطلت عادتهه رغم معارضتي للموضوع اله هيه تزعل اذا حجيت أجلت سالفه غلام بعد ما تفض سالفه شمس .
تمار : بعد ما رجعت وجبت شمس نفسيتي ارتاحت هسه اكدر اتنفس براحه عرفت غلام نازل اجتي عدله لازم افاتحه بالموضوع وصدك مثل كل مره اجه غلام عليه ومرات أنا اروحله ونروح نكعد على النهر الصاير بنص البستان كاعدين أنا ويا ونباوع بالنهر انعكاس القمر والنجوم بالماي سولف هوه على شغله وانا حجيتله على تقديمي للجيش .
غلام : تمار بس خطوتك هاي صعبه انت متعلم على شغل الكاعد والحسابات شلك بهل خطوره يا خويه .
تمار : لا يخوي أنا هذا مبتغاي وصراحه حاب اكون نفسي بنفسي حتى اخليك صير خال جهالي حجيتهه بجديه وابتسامه وحطيت ايدي على جتفه توقعته راح يكوم ويصربني بوكس ادري بي ماعنده تفاهم بالعرض ايه والضرب بس تفاجاة برده فعله من ضحك وكال .
غلام : اتشرف بيك خويه كبع وأخذ أنا نفسي انت تصير خال جهالي وانا اصير خال جهالك حجيت وطبطبت بقوه على ضهره .
تستمر القصة أدناه
تمار : اخ الله كطعت خلفتي هيج مراح تصير خال تره بس اني اصير خال جهالك .
غلام : يعني انت ماعندك مانع اناسبك .
تمار : وانا اكدر امانع غير هسه تغتالني وتشمرني بالشط .
غلام : بضحك عفيه بالبطل فاهم الموضوع كلش زين .
تمار : تصافحنه ايد بايد وكتله مبروك عليك انا .
غلام : لا حبيبي مبروك عليكم أنا .
تمار : ضلينه نشاقه ونخطط للمستقبل وحتى قررنه جهالي وجهاله واحد للاخ رجعت للبيت وثاني يوم امي بلغت أبويه حتى ياخذ عمامي واتقدم الشمس وفعلا قررنه نهايه الاسبوع نروح نكطع حق امي فرغت غرفتي ونكربت خوش كربه دك شغل بالبيت تعديلات وترميمات صبغت الغرفه وعدلتهه ...
شمس : امي فاتحتني بموضوع خطوبه تمار إليه وانا مشاعري متخربطه خوف وقلق وفرح لان أنا اخر فتره حسيت بشعور غريب تجاه تمار سكتت واستحيت احجي ثاني يوم اجه غلام كعد ويايه وحجه .
غلام : تقدمت بست راسهه وحضنتهه هاي مو بس اختي هاي بنتي كتلهه حبيبه اخوج امي كلتلج تمار طلبج مني وانا ما يهمني راي اي واحد غيرج وقبل ما تجاوبين احب اكلج مستحيل تلكين واحد مثل تمار مو لان صديقي لا الله شاهد بس تمار كفو يكونلج سند ومايحتاج اضل اكلج واعددلج صفاته وهسه يا اختي الخيار الج أن كلتي اي أو لا فخلي بالج أنا وياج بكل خيار تختاري .
شمس : هوه يحجي وانا تنعاد عليه ذكريات الطفوله شون يضحي بروحه علمودي واذكر نضراته رجعني صوت غلام من ذاكرتي .
غلام : اعوفج تفكرين براحتج احسن كمت اريد اطلع وهيه كالت .
شمس : الخيار الكم انتو شنو شوفونه صح أنا اقبل بي.
غلام : ابتسمت وطلعت بلغت امي تنطي موافقه لام علي وأمي مقصرت ردت الموافقه .
جوريه : ضويه عاتبتني تريد شمس لواحد من ولدهه بس انا نطيت حجايه لام علي وانا مو استصغار بولد اختي لا الله شاهد بس تمار ربه على أيدي ومستحيل الكي مثله .
شمس : ركض الأسبوع ركض واجوي بيت ابو علي وعمام تمار وعماته وانا لبست نفنوف كلش مرتب ونازك اخذتليا هناء من بغداد وشعري اكتفيت اعوفه على طوله عمامي حضروا الخطوبه قرو الفاتحه وصاحوني بغرفه لبست عبايه فوك النفنوف وكعدت جان كاعد الشيخ اليكطع النه مهر وعمي صلاح وعمي محمود وأبو علي وعمه لتمار وتمار وفالح وغلام وسلطان تقدم غلام لزم ايدي وكعدني بصفه وبصف عمي محمود بده الشيخ يقره ويسألني وانا اجاوبه غلام كاعد ولازم ايدي ومن اسكت يهمسلي لتخافين أنا يمج لحد ما تم العقد باركولنه وصوت الهلال أعلن عن بدء حياتي الجديده ويه فارس أحلام طفولتي حمدت الله وشكرته طلعى الشيخ وطلعوا كلهم ويا بقه بس غلام وتمار واكفين طبت امي وخالتي وام علي غلام حجه بشقه .
تستمر القصة أدناه
غلام : لتفتت على تمار ورفعت حاجبي ها خير شو وكف شنو حلتلك الكعده ياله خلصت فلوسك راوينه عرض جتافك .
تمار : راح اسكت عبن هم أكبر مني وهم صرت خال جهالي .
غلام : ضربته بشقه على ضهره وكتله وهاي الخلفه وكطعناهه ارد اشوف شون سويني خال الجهالك .
شمس : الواكفين كلهم ضحكوا عاد تمار كلللهم .
تمار : ياله عيني لو طلعون تخلونه شويه ويه مرتي لو اخذهه واروح .
غلام : لا محزرت يا حبيبي انا الراح اخذك واروح لزمته جتف بجتف مثل ما العريس يلزم مرته وطلعت وصحت شبيكم متهلهلون وهمه مصدكوا بالهلاهل اخذت تمار وطلعت وكتله شبيه زوج اخليك تنفرد باختي هوه أنا اخاف على روحي منك .
تمار : الله كريم يا ضالم الك يوم وتوكع بايدي اله اخليك تكمز وما تنوش .
غلام : ضحكنه من كل كلبنه وكلساع ويكلي بس خمس دقايق اشوف مرتي وانا ارفعله بحاجبي بنفي واستهزاء وهوه من بده ياكلني وانا ميت ضحك بداخلي .
شمس : احلا خطبه جانت خواتي واخواني كلهم حواليه حتى هناء اجتي بس جانت مهمومه مو من عوايدهه .
هناء : بعد الدكتوره الرحتلهه أخذني انور الدكتوره ثانيه ونفس الكلام داخلي اتحطم بس انور معافني وحلف أنه مكتفي بيه وميريد جهال انور اخر سنه اله وازهر سنه ثالثه ومعتز اول سنه جامعه كلهم يدرسون ومثقفين بس معتز متعمق بالسياسه هوايه مثل عمي فرقد وأنور يحاول يبعده شكد ميكدر حاولت اتناسه الموضوع الحمل أو اتناسا بس شينسيني اذا كلساع وحده لازمتني يااااا ما خلفتي شنووو بعدج محبلتي بس لا عاقر صارلج شكد متزوجه فوك السنه وبعدج وهاي التكلي يمعوده خاف صوج رجلج وهاي التكلي زوجي وخل يخلف خطيه ليش يبقى هيج وانا نار واحترك محد يحس بالانا احسن بيه محد يحس بضيني أنا شنو بايدي بعد خطوبه شمس رجعت للبيت ويه بيت خالتي تهاني اهدء شويه رجعت الحياتي الطبيعيه وانا كل شهر اطلع مو حامل انصب مناحه على انور طلكني وروح تزوج وهوه متفهم وضعي ومقدر مشاعري ..
غلام : بعد خطبه شمس وتمار امي طلبت تروح تخطب نوره بس انا كتلهه لا اريد ابني غرفه واكملهه ياله وفعلا بلشت باجازتي استغليتهه وبديت ابني بنيت الأساس وصعدتهه للنص سويتهه غرفه جبيره لازم اسويهه الهه شي يليق بيهه مثل رقتهه اريد اوفر الهه كلشي وماريد شي ينقصهه رغم أنا ما عندي بس جنت لام جم فلس وبنيت امي من شافتني وصلت على النص انطتني فلوس هيه لامتعن للعوز وكالتلي.
جوريه : تصرف بيهن كمل الغرفه وجيب نور يمك باسرع وقت .
غلام : انتي شتحجين يمه ردي فلوسج فدوه اروحلج شون تردين أمد ايدي وأخذ تعبج وحق خواتي .
جوريه : ليش هيج سوي يمه هذه تعبك التنطينيا لميته الك .
غلام : ولو كان هذن ملاتج انطيج ياهن حتى تتصرفين بيهن يمه لا تخليني احس روحي مثل فالح لا عبالج ناسي عملته بيوم باع الهايشه شيلي فلوسج أنا ما متوازي أكمل على راحتي واخطبهه .
تستمر القصة أدناه
جوريه : بدموع والك يمه والله اريد افرح بجهالك يمي اخوك بالسنه مره ما اشوفن جهاله .
غلام : انتي بس ادعيلي كلشي ماريد منج غير الدعاء كمت بست راسهه وطلعت للكاع اليوم اخر يوم إليه باجر التحق ثاني يوم التحقت للدوم وانا كاعد صفنه جيبني وصفنه توديني خاف ما يقبلون خاف هيه ما تقبل لان أنا ما متاكد من جوابهه إليه اذبهه على الله وهوه يسهلي .
شمس : تحدد موعد عرسي بعد شهرين وتمار يحوص علينه خصوص بعد ما التحق غلام كلساع جاي وأمي تكعد بنصنه وهوه مكضيهه يتاف اف وكلساع ياشرلي اطلع بس وين اني أشوفه حتى راسي استحي ارفعه اليوم اجه وجايبلي دشداشه بريسم لون ذهبي فاتح كلي .
تمار : كومي لبسي أشوفه عليج .
شمس : استحيت والتفتت الأمي باوعتلي وكالت .
جوريه : كومي يمه شوفي عليج عاشت ايدك يمه تمار ذوقكك يخبل .
تمار : اي والله ذوقي حلو لو مو حلو ما اختار بنتج بس يا خاله سهليلي أمر وخل ابقى وياهه خمس دقائق اشوف الله شخالق وشمبدع احجي بكلبي وابتسمت طبت احلام وكالت.
احلام : اجت عمه فضه كاعده بذيج الحجره .
تمار : والله شكل امي اليوم داعيتلي وصدك طلعت خالتي جوري وره شويه طبت شمس تشع بالثوب الكالب ويه لون عيونهه حاطه شيله على راسهه طبت تفر براسهه دور على امهه رادت تطلع من ملكت امهه كمت بطفره وحده وكفت كطعت الطريق عليهه هيه راسن عيونهه غرغرت لزمت ايدهه وحجيت بصوت ناصي كلش شبيج عيون تمار انتي ليش خايفه .
شمس : حجيت بخوف اول مره نبقى سوه اريد امي.
تمار : طكيتهه بضحكه لا هاي واكفه منج ولج يا امج أنا امج وانا ابوج وانا كل ديرتج .
شمس : ايدي كامت ترجف وأحس كلبي راح يوكف اذا امي درت كاعدين بس انا ويا اله تمسح بيه المراح كتله عفيه خلي اروح الأمي حجيتهه بتوسل .
تمار : لتضوجيني شمس أنا زوجج واخاف عليج من روحي معقوله تخافين مني لزمت ايدهه قالب ثلج صايره وترجف هدئتهه اروحلج فدوه اتقبلي الوضع لازم تتعلمين عليه وانا وعد مني مستحيل ااذيج لج انتي النفس اكو واحد ياذي نفسه رفعت ايدهه بستهه فزت وجرتهن مني بس انا تمسكت أكثر بيهه وجريت فوطتهه فتحت شعرهه وهيه متصنمه اكبالي وفاتحه اعيونهه العسليه بقوه جريت خصله من شعرهه وجريت نفس طويل رويت بيهه عطشي وكتلهه كل خصله تطلع ويشوفهه غيري احترك حرك شمس امانه بعد لتذبين الربطه كدام احد اذا تردين تاذيني فالتلبسين حجاب كدام احد أنا احجي وهيه بس تهز راسهه شكلهه غراني حبيت اتجرء واتقرب أكثر منهه لزمت راسهه بعد ما جنت امسد على شعرهه وتقربت منهه أكثر توني ادخل بعالم خيالي وياهه وندفع الباب وطبت احلام صاحت .
احلام : شمس امي تكول خل شمس تجي سوي جاي لخاله فضه .
تمار : استغفرت ونعلت الشيطان وصرت اعصاب بارود متحملت وكتلهه اكصهه الأيدي اذا امج خلتني اكعد وياج دقيقه وحدنه بس مفوتتهه بستهه بخدهه بعصبيه وطلعت .
شمس : شعور جديد ومختلف اول مره اعيش هيج شي عرفت امي متقصده دزت عليه حقهه تخاف علينه وتمار مصدك غلام التحق ثاني يوم اجانه رحت لكيت سلطانه تسوي جاي وتضحك كتلهه شكو كالت .
سلطانه : جلسه خاصه بين امي وخاله فضه .
شمس : امشي ناخذ الجاي ونفتهم السالفه وفعلا اخذنه الجاي وبعدنه تونه نطب ونسمع شغله فاجاتنه ثنينه أنا وسلطانه ضلينه وحده فاكه عينهه على الثانيه .......
الى هنا ونختم بارت اليوم انتضروني بلاحداث المقبله حبايبي اتفاعلوووووا رجاء
