رواية سجينة في قصر الاسد الفصل الثاني 2 والاخير بقلم هويدا زغلول

عند رفعت كان قاعد على الارض وجنبه ميرفت بيغيرو حجر ل صبري اللى قال 

صبري 

هو انتم فاكرين بقعدتكم تحت رجلي هحن عليكو  وبص على رفعت وقال القاعده ناشفه خلى مراتك تقوم ترقص وتلبس حاجه من الاطقم الزفره اللى مدكناها 

رفعت 

ترقص وتلبس ايه انت بتقول ايه يا معلم صبري هو  الحجر اللي انت بتشربه ده فيه حاجه ولا ايه .

صبري طلع مسدس من جيبه وقال 

صبري 

هترقص ولا تتشاهد على روحك لو فاكر ان انا مش عارف قذرتك كلها تبقى غلطان وعارف ان ريم مش بنتك اصلا وانت اللى خاطفها من ابوها 

ميرفت 

ايه اللى انت بتقوله دا ريم بنتى طبعا انا اتساهلت معاها ودلعتها كتير عشان كده هربت لولا كده كان زمانها مراتك دلوقتي 

صبري زقها برجليه وقعها على الارض وبسخريه قال 

صبري 

اوعي تفتكري ان انا ابن امبارح ده انا في السوق من بدري وعارف الديب مخبي ابنه فين انتوا لسه في البدايه وكانت اول حاجه ليكوا خطف ريم الراوي من ابوها مش كده ولا ايه يا رفعت 

رفعت اتفاجأ أنه عارف كل حاجه عنه وبالأخص خطف ريم وبدأ يفتكر اللى حصل 

           فلااااش بااااك 

رفعت كان واقف قدام فيلا الراوي وبغل قال 

رفعت 

الناس الاكابر اللي زي دي عايشه حياتها واللي زينا على طول شقيانين وعمرنا ما هنوصل لربع اللى عندهم 

احمد 

ابوس ايدك انت واثق من الخطه بتاعتك دى انا مش عايز اخسر شغلي هنا الناس الصراحه ذوق معايا جدا وكرمني اخر كرم ومعتبرني واحد منهم مش مجرد شيف 

رفعت 

انت طماع كده ليه عايز تلهف العسل كله لوحدك ما قولتلك خلاص هعمل المصلحه وهحلي بقك بقرشين من اللي هيطلعوا 

احمد 

طب ليه انت عايز تخطف البنت دي لسه مولوده وأمهما ماتت وهي بتولدها انا كنت بتكلم معاك كلام عابر مكنتش عارفه ان انت هتستغل ده 

رفعت 

اديك قولت امها ماتت وهي بتولدها يعني ابوها هيدفع دم قلبه عشان يحافظ على بنته يعني اي رقم اطلبه عشان ارجعله بنته  مش هيتردد ان هو يدفعه وبعدين ملك خايف كده ليه هو انت اللي هتخطف البنت ولا انا 

في الوقت ده وصلت ميرفت وكانت لابسه نقاب علشان تغطي ملامح وشها وقالت 

هو انت هتفضلوا واقفين كده كتير وبصت على احمد وقالت مش انت قلت ان ابوها مش موجود ما يلا نستغل الفرصه قبل ما يرجع من بره ونتمسك 

رفعت 

مالك يا وليه عامله في نفسك كده ليه قطعتيلي الخلف انا قولتلك تتنكرى مش تتحولى زومبي كده البنت هتتفزع منك

ميرفت 

قطعت لمين الخلفيه يا سبعى دا انت مش بتخلف أصلا وبعدين النقاب دا عشان لو حد فيكوا اتكشف ما حدش يعرفني والا والله هطربقها على الكل 

رفعت 

اكتمي الله يخربيت لسانك ده يلا يا عم انت كمان شوف هتدخلنا من انهي باب خلينا نخلص المصلحه ونمشي وزي ما قلتلك لا تعرفني ولا اعرفك وبرضو هحلي بوقك 

احمد 

طب تعالوا ورايا هنخش من الباب اللي ورا ده ما حدش بيستخدمه كتير وكمان هو قريب من اوضه ريم هانم 

ميرفت 

بقى عيله بشخه لسه مولوده مش بقى لها كتير واسمها هانم  

احمد 

طب تعالوا ورايا وبطلو كلام كتير أنا اللى جبته لنفسي الناس مدتلى ايديها وانا عضتها 

رفعت 

ما تبطل مناحه بقى وولوله زي النسوان ولا انت عشان عايش في العز  ده كله افتكرت نفسك صاحب البيت انا ممكن في ثانيه اطلع ابلغ عنك واقول ان انت كنت بتحرضنى ان انا اخطف السنيوره بتاعتهم  

احمد 

يا اخي حسبي الله ونعم الوكيل فيك وفي امثالك انا عرفت ليه ربنا منع عنك الخلفه ومنع عنك الرزق ده انت الشيطان مش يجي حاجه جنبك واخدهم فعلا عند اوضه ريم 

ميرفت شالت ريم وبصتلها بغيظ وقالت 

ميرفت 

سلسله دهب عليها اسمك و حلق دهب كل ده وانت لسه في اللفه ده انت هتبقي كانت اليانصيب بتاعنا دا انا هخلى ابوكى يوزنك دهب ويدفع فديه عشان ننوسة عين أبوها بقا انتى يا مفعوصه هتاخدى العز دا كله ليكي لوحدك 

رفعت 

يلا يا وليه بقا حد يشوفنا وبدل ما ندخل دنيا نتعلق من حبل المشنقه 

احمد

اخلصو بقا انتو ناوين على موتى اتكلو على الله قبل ما حد ييجي 

رفعت مسك ريم وقال 

احمد 

من انهارده أسمك بقا ريم رفعت السعيد مش ريم الراوي وبشر قال أخيرا اصطدت الفرخه اللى هتبيض دهب 

           بااااك 

رفعت 

ولما انت عارف كل حاجه ايه لازمته المسلسل اللى انت عامله دا دا انا صدقتك 

صبري 

ما انا بقولك انى فى الكار دا من بدرى يعني انت عاوز تقنعنى أن البونبايه أم عيون زرق بنتك يا جربوع 

رفعت

طب وايه لازمته الغلط مش تحسسنى انك أمام مسجد ما انت عينك عليها عشان حلاوتها وبما انك كاشف اللعبه من الاول فأنت عارف انها هتقش حاجات كتير 

صبري 

اسمع اما أقولك البنت دى تلزمنى مش هسمح للجسم الغزال دا حد يدوقه قبلي حتى لو هموتها لو مش ليا مش هتبقي لغيري 

ميرفت 

قتل انت عاوز تقتل انا برا الموضوع دا انا أخرى خطف لكن اقتل لا انا بخاف ربنا 

صبري 

يا شيخه ربنا يقوى إيمانك وطلع المسدس من جيبه وبغل قال والله لو ما لميتى نفسك انتى وجوزك لأخليكو تتشاهدو على روحكم انتو الاتنين سامعين 

رفعت 

اللى تشوفه يا باشا إحنا معاك قولى بس نعمل ايه وأحنا معاك 

صبري 

نشوف شجرة الدر بتاعتى فين وساعتها هاخدها على أقرب مأذون ويا تلبس الفستان يا تلبس الكفن أهو كله ابيض وهى واختيارها 

فى الفيلا عند رامى دخل الاوضه على ريم لقاها قاعده زى ما هى والأكل زى ما هو وبتنهيده قال 

رامي 

وبعدين يا ريم تعبتيني معاكي هتفضلي صايمه عن الاكل لامتى مش تعبتي من المناهده 

ريم 

انت مين سؤال صريح وواضح وعاوزه اجابه انت تعرفني منين أصل مش معقول تتجوز واحده من اول مره تشوفها فيها إلا لو كنت عارفها كويس كمان

رامى مسكها من دراعها وبغيظ قال 

رامي 

هو انتى غاويه تعب ليه هو انا عاملتك وحش انتى اللى لاويه بوزك ومش عارف مالك 

ريم زقته وضربته على دراعه بغيظ وقالت 

ريم 

تصدق انك بجح محسسنى انك مقعدني فى فندق خمس نجوم انت حابسني هنا وقافل عليا الاوضه بالمفتاح انت واعى 

رامي 

عشان خايف عليكي يا غبيه انتى مش بنتهم انتى اسمك ريم رحيم الراوى والكلاب دول خطفوكي وابوكي مات من حيرته عليكي 

ريم 

انت بتقول ايه انت واعى للى بتقوله ازاى دول مش اهلى انت اكيد بتضحك عليا 

رامي طلع موبايله وفتح فيديو لحظة خطف رفعت وميرفت ل ريم وقال 

رامي 

اتفضلى شوفي انا مش كداب الكلاب دول خطفوكي وابوكي كان في الشركه اسمعي وشوفي بعينك وبعد كدا احكمى 

ريم ماسكه الموبايل وبتتفرج وهى مصدومه وقالت 

ريم 

عشان كدا عمرى ما حسيت معاهم بالحب وبدموع قالت كانو على طول بيضربونى وبيهنونى واخر حاجه جايبنلى واحد عجوز اتجوزه غصب عني 

رامى

وغلاوتك عندى هدفعهم التمن غالى انا سايبهم يغلطو براحتهم عشان لما العجل يقع سكاكينه تكتر وساعتها مش يبقالهم قومه 

ريم 

اوعى كدا خدلك ساتر انت محدش حضنك وانت صغير ولا ايه عندك نقص عاطفي 

رامي 

انتى مكسوفه بجد يا ريم وفتح فى الضحك وقال مش لايق عليكي الصراحه انتى شبه عبده موته أصلا حركات البنات دى مش منسباكى 

ريم 

طب يا كازانوفا عصرك وزمانك المفروض الخطوه اللى بعد كدا ايه  ولا انت هتفضل فى دور السجان كدا كتير 

رامي قرب منها وهمس جنب ودانها وقال 

رامي 

ممكن نلعب عروسه وعريس نفسي العبها من أول ما شوفتك وبقيتي على ذمتى قلبي عطشان وعاوز يتهشتك 

ريم 

على فكره انت قليل الادب انا كان قصدى على رفعت وميرفت هتعمل ايه انت دماغك شمال كدا ليه 

رامي 

انا مستغرب انك تقبلتى الموضوع بسرعه ومش كدبتيني 

ريم 

احساس جوايا طول عمرى سلعه بالنسبة ليهم بيعرضونى واللي يدفع اكتر يبقي الكسبان تعرف ان اخر واحد دا كانو عاوزيني انزله بقميص دانتيل وبسخريه قالت كانو عاوزينه يقيم البضاعه صح  وتبقي على عينك يا تاجر 

رامي

والله لاوريهم الكلاب دول نهايتهم عندى هما اللى بدأو اللعب وانا اللى هنهيها 

ريم بصتله بتوتر وقالت 

ريم 

انا جعانه وبصراحة اكلك وحش اوى وريحته مقرفه انت بتجيب المكونات منتهية الصلاحية ولا ايه 

رامي مسكها من قفاها وبغيظ قال 

رامي 

هى دى شكرا بتاعتك يا شبر ونص انتى تعالى يختى المطبخ تحت وريني روح الشيف الشربيني اللى جواكى وبصلها بتقييم وقال انا اصلا شاكك فيكي اصل رد فعلك على الاحداث اللي حصلت دي غريبه

ريم 

المفروض اتصدم يعني واقول لا دول اهلي اللي ربوني انا كنت بحاول الاقي سبب مقنع للمعامله اللي كانوا بيعاملوني بيها كنت حاسه ان في حاجه غلط الاهل بيبقوا سند وبيخافوا على عيالهم بس دول كانوا بيبيعوني فلا مش مصدومه فيهم انا شوفت معاهم اسوء صوره ممكن عقلك يتخيلها 

رامي 

طب ليه مش حاولتي تهربي من البدايه ليه استنيتي لما جبتي اخر افترضي مكنتيش قابلتينى

ريم 

عشان كنت فاكره أنهم اهلى ضيف على كدا اني وحيده معنديش اخت او صاحبه او حد أفضفض معاه وينصحني يمكن ده اقوى سبب خلاني اول ما قابلتك اتشعلقت فيك زي الغريق اللي بيلاقي قشه يتشعلق فيها

رامي مسك ايديها وباسهم وقال 

رامي 

وانا افديكي بروحي يا ريم عمي وصاني عليكي قبل ما يموت وانتي وصيه عمي وشاور على قلبه وقال والمتخلف ده حبك بنكدك

ريم 

ما تبعد بقى شويه هو انت عايز تبوس وخلاص وبعدين انت كنت مستني مني ايه اخدك بالحضن واقولك زوجي قره عيني وبشر قالت ده انا الود ودي اجيب سكينه وأشقك نصين زي البطيخه انا حقيقي مشفتش انسان حلوف زيك بني ادم براس كلب

رامي 

الكلام دا ليا أنا صح وقرب منها وهو بيخلع حزامه وقال لو هما مش ربوكى فجوزك حبيبك هيمشيكي على العجين مش تلخبطيه ها كنتى بتقولي ايه بقى

ريم 

ما هو مفيش انسان طبيعي هيعمل اللي انت عملته انت حاططلي حديد على الشباك وبتقفل عليا بالمفتاح

وتحطلي الاكل وتطلع تقفل عليا برده انت كمان عيشتني فى عذاب نفسي حسستني ان انا مجرمه وبقضي فتره عقوبتي في السجن كان ممكن تحكيلي من غير الدراما دى 

رامي 

طب قدامى يا حلوه على المطبخ انا بقى همارس عليك سلطه سي  السيد وعاوز طاجن ورق عنب بالكوارع وشوية كرشه من إيديكي الحلوين دول

ريم 

دا فى احلامك انى اعمل الكلام دا انا أخرى اكل بس إنما الطبخ مش سكتى 

رامي 

امال عاملالى فيها حكم فى توب شيف ليه والاكل وحش يا رامي اكلك زفر يا رامي وطلعتي واحده نايتي اهو خدى يا بت

تانى يوم ريم صحيت بدرى ووقفت فى المطبخ عشان تعمل فطار دخل عليها رامى وقال 

رامى 

تعرفي دى اول مره حد يتعب نفسه ويصحى بدري علشان يعملي فطار هو انا مهم عندك يا ريم

ريم 

وبعدين بقى في الكلام بتاعك ده انت عايز توصل لايه هو انت مش ملاحظ ان علاقتنا مع بعض واخده وضع مش طبيعي

رامي شالها وحطها على رخامه المطبخ وقرب منها وبهمس قال 

رامي 

قوليلي ايه اللى  مش طبيعي لو فاكره ان انا باقي على جوازنا علشان انت وصيه عمي تبقي غبيه وعاميه كمان

ريم 

ممكن تديني فرصه كل حاجه حصلت بسرعه محتاجه وقت استوعب انا مش بكرهك يا رامي انا حاسه معاك بالامان وده اول طريق الحب بس اديني مساحتى استوعب التغييرات دى مش متعوده على الحنيه والدلع دا 

رامى طلع من جيبه سلسله ولبسها ل ريم وبمكر قال 

رامي 

كان في دماغي مليون طريقه رومانسيه البسك بيها السلسله دي بس حاضر هديكى مساحتك فين بقا صباح الخير بتاعتى 

ريم 

صباح الخير وسع بقا خليني انزل عيب كدا وبتوتر قالت أوعى تفقد السيطرة انا بقولك اهو والا 

رامي قطع كلامها وباسها من خدها وقال

رامي 

والا ايه ها وبعدين هي دي صباح الخير بتاعتي واعملي حسابك ان ده هيبقى روتين بتاعنا يوميا وقرب من ودانها وهمس اما بالليل بقى فهننام مع بعض في نفس الاوضه واوعدك ان انا هكون محترم

ريم 

روح على شغلك يا عم الله لا يسيئك انت ملبوس ولا ايه ما الفتره اللي فاتت كنت محترم انت ايه اللي جرالك

رامي

الحق عليا انى مش عاوز اخوفك منى وبصلها بتقييم وقال ما تسيبك من بيجامه ميكي ماوس اللي انتي لابساها دي وتلبسي حاجه حلوه لجوزك حبيبك ده انا حتى منقيلك هدومك كلها على ذوقى وغمز بعينه ليها 

ريم 

انت مش هتجيبها لبر على شغلك يا رامى ايه الإنحراف اللى على الصبح دا 

رامي 

خلاص اهدى كنت بنكشك ومسكها من شعرها وقال السلسله دى لو اتقلعت هعلقك على باب الفيلا مهما حصل أوعى تقلعيها هاتى بقا الفطار عشان متأخر اوى وسابها وطلع 

ريم 

اقسم بالله ملبوس يا عليه جن ومسكت السلسله اللي عليها حروف اسمها وقالت بس رومانسي وجنتل في نفسه اوي ابن الايه أما افطره عشان يمشي حاسه ان دقات قلبي هتفضحنى هو انا حبيته ولا ايه 

فى الشركه عمر كان قاعد فى المكتب وبيتكلم فى التليفون بزعيق وقال 

عمر 

ما انا معتمد على شوية حلاليف قاعده في الفيلا عنده بقى لها فتره مش عارفين توصلوا ليها يا كلاب اقسم بالله لو حطت ايدي على واحد فيكم لأصفيكم واحد واحد

صبري 

وانا اعرف منين طيب ان هي في الفيلا مكنتش اعرف ان هو هيلاقيها بالسهوله دي

عمر 

عشان انت غبي شاطر بس انك تلعب بديلك وتبص على النسوان يمين وشمال قسما بالله يا صبري البنت دي لو مش شرفت عندك خلال 24 ساعه اتشاهد على روحك

صبري 

يا عمر بيه اسمعنى بس هطلعها من الفيلا ازاى اكيد حاطط كاميرات مراقبه كدا هنروح فى ستين داهية 

عمر 

مش شغلى حتى لو مخبيه في بطن الحوت اتصرف وهاتهالى وقفل الموبايل فى وشه ومره واحده قام رامي الموبايل فى الحيطه وبغل قال لا يا رامي اللعبه مش خلصت مش هطلع انا من المولد دا غير ما اقشه كله 

عند صبري كان قاعد مع رفعت اللي سمع المكالمه كلها وبتوتر قال

رفعت 

هنعمل ايه دلوقتي ابن عمها ولقاها واحنا مش قده ده ممكن  يخلص علينا واحد واحد ومحدش هيحاسبه 

صبري ضربه بالقلم على وشه وقال 

صبري 

علشان انت واحد غبي لو كنت مامن المكان كويس مكنتش هربت ولا كان ابن عمها لقاها وطالما هي معاه في الفيلا وهي محاولتش تهرب وترجعلك يبقى عرفت الحقيقه 

ميرفت 

طب هنعمل ايه دلوقتي انا مش هكرر الغلط تاني اللعبه بتوسع مننا طلعوني بره عنكم

صبري طلع المسدس وضرب طلقه عدت من جنب ودنها وبشر قال

صبري 

لا يا روح امك كلنا فى الهوا سوا هنطلع دلوقتي على الفيلا وهناخد مقصوفة الرقبه دى على المخزن اللى فى الصحراوى عمر بيه ادانى مهله ٢٤ ساعه بس قسما بالله روحكم قبل روحى 

رفعت 

بقا الحيوانه دى حياتنا مرهونه عليها تقع تحت ايدي بس وانا هطلع عليها القديم والجديد بنت ال 

صبري

زمان دلوقتي إبن عمها نزل الشركه ودى فرصتنا يلا قدامى نشوف السنيوره وبشر قال ماشي يا ريم شكلى اتساهلت معاكى بس ملحوقه 

في الشركه عند رامي كان قاعد في المكتب بيراجع ملف الحسابات ومعاها عمر اللي كان بيبصله بغيظ وقال 

عمر 

انا مش فاهم ايه لازمتها انك تراجع حسابات خمس سنين كاملين هو انت شاكك في حاجه ولا ايه اول مره تعملها

رامي 

فى اختلاس بقيمة ١٠ مليون زى ما توقعت فى خاين وسطنا بيصرف سنويا ٢ مليون من ميزانية الشركه بحجة أنه بيدخل موارد 

عمر 

خاين ايه يا عم جو المسلسلات دا تلاقيك مأڤورها ولا حاجه ولا انت شاكك فى حد ولا ايه دنيتك 

رامي 

لا مش مأفورها يا عمر انا صاحي كويس جدا بس سايب الموضوع بمزاجى عشان انا لدغتى والقبر 

عمر 

طب يا عم الجامد طمنى عنك وعن المزه بتاعتك لسه حابسها برضو ولا أطلقت سراحها 

رامى 

الحمد لله بقينا زى السمنه على العسل تعرف يا عمر الواحد لما يكون نيته خير ربك بيعدلها من عنده 

عمر 

ايوه يا عريس ها هنسمع الأخبار السعيده امتى وبمكر قال ولا الموزه مطنشاك ومش مدياك ريق

رامي 

ولا مطنشانى ولا حاجه وقريب هتسمع الأخبار السعيده مهما كان انت صاحب عمرى ويهمك سعادتى على مكتبك بقا وسيبنى استفرد بالملف دا اشوف ايه اللى بيحصل من ورا ضهرى 

عمر 

البت دى لازم تكون عندى الليله لازم اكسر شوكتك يا رامى مش هخليك تتهنى بحاجه ابدا

عند ريم كانت قاعده فى الصالون بتشرب قهوه وبتوهان قالت 

ريم 

معقوله هتتختم وردي بالسرعه دي يعني خلاص ابن عمي لقاني وعرفت انهم مش اهلي الحقيقيين وبسخريه قالت اكيد مش هتقفل على كدا انا مش مطمنه لسكوتهم دا 

في الوقت ده رفعت وصبري دخلوا الفيلا من الباب اللي ورا وشافوا ريم قاعده في الصالون وبتشرب قهوه 

ميرفت بسخرية قالت 

الله دى عاشت الدور بسرعه وبقت هانم وبغل قالت ياما نفسي اقطع من لحمك بس فى ناس عوزاكى 

ريم 

انتو دخلتو هنا ازاى وايه اللى جابكم أصلا فاكرين ان كدبتكم هتدوم انا خلاص عرفت كل حاجه 

صبري قرب منها وهمس جنب ودانها وقال 

صبري 

بجد كدا اللعب على المكشوف وانتى مش متخيله انا عاوزك ازاى اكتر من اى وقت 

ريم 

ابعد عنى يا حيوان يا زباله واعمل لاخرتك دا انت رجلك والقبر انت راجل مقرف 

رفعت قرب منها وضربها بالقلم وقال

رفعت 

لا يا روح امك انا مش هموت بسبب واحده زيك وطلع منديل من جيبه وحطه على بوقها وبغل قال تعبتيني يا شيخه انتى ايه عامله زى القط بسبع ارواح 

ريم حست انه هيغمى عليها حطت ايديها على السلسله وبهمس قالت 

رامي 

رامي الحقني هيموتونى وبعدها اغمى عليها 

صبري طلع موبايله واتصل على عمر وقال

صبري 

كله تمام يا كبير هطلع على المخزن اللى على الصحراوى زى ما انت عاوز رجالتنا كلها هناك وهنستناك 

عمر 

برافو عليك يا صبري ليك عليا عموله زياده عشان الاخبار الحلوه دى اطلع بيها بسرعه من عندك وانا هجيلك حالا لازم اشوف المزه وأدوق لحسه من العسل بعد كدا حلال عليك انت و الرجاله 

صبري 

خيرك سابق يا باشا وقفل معاه الموبايل وبمكر قال ليلتنا صباحى يلا يا زفت بسرعه قبل ما روميو العاشق يوصل وخدو ريم وطلعو من الباب اللى دخلو منه 

عند رامي كان بيتكلم مع أسر فى التليفون وقال 

رامي 

اسر انا شاكك فى عمر لان هو اللى ماسك الحسابات وبالصدفة بفتح خزنة المكتب لقيت ملفات مسروقه 

اسر

يااخي حمد لله على السلامه ياما حذرتك منه كتير بس انت اللي مديه الامان لدرجه ان هو ضحك عليك وفهمك ان انا اللي بحقد عليه ما اعرفش ازاي وانا اصلا في مجال غير مجالكم خالص 

رامي 

وبعدين يا بغل انت هتفضل تعايرنى يعنى انا محتاجك يا اسر عاوز اعرف عمر آخره ايه اكيد خطط لحاجه اكبر من أنه يسرقنى أو يلبسنى قضية مخدرات 

اسر 

يا عم وانا عمرى ما هسيبك وبغرور قال ليك الشرف أن المقدم اسر الجارحى صاحبك يكش يطمر فى أهلك وتبطل تقول على الدبور نحله هتاخد منها عسل 

رامي 

ممكن تبطل نرجسيه وتقدر الموقف اللي انا فيه لو سمحت انا بتكلم بجد في حاجه غلط في عمر وبعدها افتكر ريم وبتوتر قال معقول يكون هدفه من البدايه ريم اصلا من بعد ما عرف ان هي معايا مش بطل اسئله عنها

اسر 

وانت زي الجردل بتحكيله كل حاجه انا مش عارف انت ازاي مامن لشخص زي ده ده اسمه غباء 

رامي فتح اللاب توب وبتوتر قال

رامي 

استنى بس انا حاطط جهاز تتبع في سلسله وملبسها لريم والموقع قدامي مش الفيلا يا اسر ده على الصحراوي وبذهول قال ريم اتخطفت من بيتي

اسر 

ابو معرفتك السودا اقفل يا عم دا انت عامل زى المغناطيس المصايب بتقع عليك زي الرز انزل بسرعه امشي ورا اللوكيشن وانا هجيب دعم واحصلك 

رامي قفل الموبايل معاه ونزل بسرعه ركب عربيته وساق بسرعه عشان يلحق ريم وضرب الدريكسيون بغل وقال 

رامي 

يا ريتني كنت سلمت الفيديو وهما بيخطفوا ريم للشرطه وقفلت الباب المعفن دا انا ازاى فكرت ان سكوتهم ده ضعف اما اشوف اخرتها معاكو ايه يا ولاد ال 

فى المخزن عمر كان قاعد على الكرسي وحاطط رجل على رجل وعينه على ريم اللى رابطينها بحبل من السقف وموقفينها على كرسي وبمكر قال 

عمر 

لو وزنك ازيد شويه كان الكرسي اتكسر وهوب هتطلعي فوق مش حارمك من حاجه خطف واتخطفتي اهانه واتهنتي ودلوقتي متقمصلك دور عشماوي

ريم

حرام عليك عملت انا ايه لكل ده شيل الحبل من على رقبتي ونزلني انت ازاي بالشر ده هموت مش قادره اتنفس

عمر وقف وقرب منها وفضل يلف حوالين الكرسي وقال

عمر 

عارفه يا ريم ان رامي هو السبب فى إلى انتى فيه دا لو مش كنتى بنت عمه كنتى هتعيشي حياه طبيعيه 

صبري 

مش حرام نرمى النعمه يا بيه طب نزلها ندوق انا والرجاله الحلويات دي وبعد كده علقها تاني وشفيها لو عايز

رفعت بصلهم بخوف وقال 

رفعت 

احنا كده هندخل في حيطه سد لو جرالها حاجه بغض النظر عن هي بنت مين بس دي جريمه قتل الموضوع بدا يكبر مننا

عمر طلع مسدسه وحطه فى وش رفعت وقال 

عمر 

طالما خايف يبقى ملكش مكان عندي وبعدين انت جاي تتوب دلوقتي ما خلاص الطريق اللي مشينا فيه مش فيه رجوع 

ميرفت 

بس عدم الامؤاخذه يعنى هتستفاد ايه لما تموتها بالطريقه دى انت بتشنقها ما تخليها عايشه وتساوم ابن عمها يا هى يا الشركه وساعتها اكيد هيتنازل 

عمر 

انا عاوز  أذله رامي مش بيتكسر بسهوله النهارده فتح ملف الحسابات واكتشفت ان في ملايين مسروقه من الشركه سهل جدا انه يعرف مين اللي ورا السرقه دي مش دي نهايه اللعبه اللي انا راسمها

فى الوقت دا وصل رامي ودخل براحه عشان محدش يشوفه واتصدم لما شاف ريم متعلقه بحبل من رقبتها 

وبذهول قال 

اه يا ولاد ال ورحمة امى ما هرحم حد فيكو وطلع موبايله يرن على اسر سمع صوته من وراه بيقول 

اسر 

على طول طلقك حامى كدا ما تصبر يا عم وطلع مسدس اداه ل رامي وقال خد دا حمايه ليك ومش تدخل استنى اما نشوف الحفله دى هتمشي ازاى عاوزك تسمع وتتعلم اخد الحق حرفه 

رفعت 

فين سبع الرجاله إلى عامل فيها دكر أصلا ولا هيعرف يوصلك بس كان نفسي يجي يشوفك وانت متعلقه كده زي سيخ الشاورما انت مش متخيله كم واحد في المكان ده مستني يتغدى عليكي 

ريم 

ليه بتعملوا فيا كده انا عملت  ايه فيكم كل ده علشان الفلوس خدوها مش عايزاها بس سيبوني في حالي 

عمر زق الكرسي اللى ريم واقفه عليه وبخبث قال 

عمر 

اوبس سورى يا قطه خبطه خفيفه أوعى تكونى خوفتى دا احنا لسه بنسخن تعرفي يا ريم صوت ابوكي وهو بيتحايل علينا علشان بس  يسمع صوتك كان بالنسبه ليا زى الكروان 

رفعت 

هو الصراحه دفع كتير اوى عشان ياخدك بس البحر بيحب الزياده بس يا خساره فلفص مننا بدرى 

صبري 

عارفه لو كنت اتجوزتيني كان هيبقى حالك افضل من ده بكتير كنتى هتبقي فى حضنى وبتدلعى اخر دلع وغمز بعينه ليها 

رامي مش استحمل وطلع المسدس وضرب طلقه فى رجل صبري وقال 

صبري 

موتك على ايدي يا كلب واللي يبص لمراتي بعين اصفيله التانيه  وبص على عمر إلى اتفاجأ بوجوده وقال اه يا خاين يا كلب ده انا مسلمك رقبتي ووثقت فيك

عمر 

معلش بقى يا رامي انت اللي مغفل الدنيا دي زي الغابه يا تاكل يا تتاكل وبصراحه كتير عليك الفيلا والشركه فلو خدت حاجه صغيره منها مش هتضر يعني

رامي 

نزلها وخليك راجل وواجهنى انا عاوز منها ايه بتستقوى على واحده يا عمر هى دى الرجوله 

عمر وقف جنب ريم وقال 

عمر 

انت عارف لو انا شديت الكرسي ده ايه اللي هيحصل مراتك هتسافر فوق مش كان وحشها ابوها ونفسها تشوفه اخص عليك يا رامي عايز تحرمها من انها تشوف ابوها

رامي 

هتموت يا مجنون وبص على ريم إلى مسستسلمه للى بيحصل وبخوف قال لو على موتى مش هسمح أنه يجرالك حاجه 

عمر بص على رفعت و صبري وبشر قال 

عمر 

مش هترحبوا بالضيف ولا انتو عايزين يقول علينا أن احنا بخله 

اسر ضرب طلقه فى الهوا وقال 

اسر 

خلى حد يقرب كدا كدا انتو مقبوض عليكو متلبسين ورجالتكو اللى كانو برا وفرحانين بيهم كلهم اتكلبشو 

عمر 

اسر الجارحي منور يا سيادة المقدم جاي تشوف اخر الفيلم تشرف وتنور طبعا وزق الكرسي اللي ريم واقفه عليه

رامي 

لا ريم وفى ثوانى زق عمر على الأرض ووقف تحت رجل ريم عشان تتنفس 

عمر

دور البطوله اللى انت عايش فيه من زمان دا نهايته وحشه اختار يا انت يا هي

ريم 

سيبني يا رامي انا ما ليش مكان في الدنيا دي انا مش عايزه اعيش انت ملكش ذنب هو يمكن على وصيه بابا فانا بحلك منها انت عملت اللي عليك وزياده

اسر بص علي رامي وبخوف قال 

اسر 

خليك ثابت يا رامي اوعى تتحرك انت لو اتحركت رجليها هتخونها وهتموت وبص على عمر وقال صدقني نهايت اللى  انت بتعمله ده هتزعلك جامد قبل اللي انت لفه على رقبه ريم وعايز تموتها مخنوقه هيتلف عليك مش هتفلت مني المره دي يا عمر

عمر حط المسدس في وش رامي وقال

طب ما انا كده كده ميت ليه هو يعيش وضرب طلقه جت في قلب رامي  وبغل قال سلام يا صاحبي كنت على طول بتحكي ان امك وابوك وحشوك اديني حققتلك امنيتك

رامي وقع على الارض وريم اتشعلقت فى السقف وعينها على رامي إلى سايح فى دمه وبهمس قالت 

ريم 

انا أسفه انا السبب فى دا كله ياريتنى موت من زمان ولا انى وصلتك لمدة

اسر بسرعه زق عمر على الأرض ومسك رجل ريم وبص على عمر وقال 

اسر 

هقتلك يا كلب ورحمه امى هموتك ليه تغدر بيه دا وثق فيك يا حيوان وسلمك روحه تقوم تاخدها منه 

عمر 

طول عمركم انتم الاتنين اعلى مني وبتجبوا عليا انت بقيت مقدم وليك نفوذك وهو  واكل السوق وعلى قلبه قد كدا طب وانا فين ووقف قدام اسر وحط المسدس فى وشه وقال طالما صاحبك عزيز عليك قوي كده حصله اتشاهد على روحك يا اسر 

رفعت خاف من إلى عمر بيعمله وبهمس قال 

رفعت 

ينهار اسود دا لبسنا فى الحيطه انا لازم اعمل اى حاجه أنا مش عاوز اتعدم لو كنت اعرف ان الموضوع هيوسع قوي كده ما كنتش خطفتها من الاول وطلع مطوه من جيبه ووقف ورا عمر وضربه فى دراعه وبغل قال منك لله هنتعدم بسببك انت ايه 

ميرفت جريت على ريم  وجابت كرسي وطلعت فكتها وأسر نزلها على الأرض ومسك عمر وقال

اسر 

هقتلك يا كلب والله ما هخليك تعيش حتى لو دي اخر حاجه هعملها في حياتي

ريم جريت على رامي وحطت ودانها على صدره وقالت

ريم 

النبض شغال يا اسر بس ضعيف دكتور بسرعه لازم نلحقه رامي مش هيموت

اسر  شاور  للرجاله إلى معاه وقال

اسر 

خدوهم من وشي ومحدش يقرب من دا وشاور على عمر انا جايله وبالفعل اتقبض على عمر وميرفت وصبري ورفعت

ريم 

إسعاف بسرعه النبض ضعيف لازم يروح المستشفي هيموت لو فضل كدا 

اسر شال رامي وركب العربيه وريم معاه وساق بسرعه على المستشفى 

عدى سنه على الأحداث دى ورامي لسه في غيبوبه وريم جنبه وكانت بتحلق ليه دقنه وبدموع قالت 

ريم 

سنه يا رامي في غيبوبه هونت عليك تسيبني الوقت ده كله لوحدي انت عارف ان انا ماليش غيرك ونشفت وشه بالفوطه وقالت تعرف ان الدكاتره اللي هنا دول اغبيا بيقولوا ان انت ميت اكلينيكيا وان الاجهزه هي اللي مخلياك تعيش بس قلبي بيقول انك هتقوم مش بعد ما احبك تضيع مني

في الوقت ده دخل اسر وشاف ريم وصعبت عليه وقال 

اسر 

انت كده بتعذبيه يا ريم انتى ناسيه ان الدكتور قال إنه خلاص مجرد ما يتشال الجهاز دا الجسم هيموت المفروض يتدفن يا ريم كل ما تتقبل ان رامي خلاص كل ما يبقى افضل ليكي بدل ما انت معشمه نفسك على الفاضي

ريم 

مستحيل انا قلبي بيقولى أن  رامي هيقوم وهيبقى كويس الدكتور ده مش بيفهم مش معنى ان هو في غيبوبه ان هو ميت

اسر 

انا كنت جايه اقول لك ان كلهم اتحكم عليهم بالاعدام ما عدا ميرفت ورفعت خدوا مؤبد لان لولا أن  هما ساعدونا كان زمان انا وانت ميتين دلوقتي

ريم 

وانا اللى كنت فاكره أنى صعبت عليهم طلعو بيعملو كدا عشان يهربو من الاعدام وبانهيار قالت ياريتنى ما شوفتك يا رامى ولا قابلتك ياريتنى ما اتولدت فى عيله عندها شركه انا كرهت نفسي وكرهت حياتى كلها 

اسر 

اهدى يا ريم كله مقدر ومكتوب وبعدين محدش بيختار حياته تمشي ازاى دا ربنا بيكتب حياتنا كلنا من قبل ما نتولد مش تحملي نفسك فوق طاقتها ولو كان مكتوب ان رامي يموت بالطريقه دي ما حدش يقدر يمنع قدر ربنا

ريم حضنت رامي وبدموع قالت 

ريم 

انت مش هتموت سامعنى خلاص كلهم اتحاسبوا اللي تحاسبني معاهم انا ذنبي ايه انا اتعلقت بيك وحبيتك من قلبي يا رامي انا مش عاوزه الشركه ولا الفلوس انا محتاجاك اوى انا هموت من غيرك سامع 

اسر 

بالله عليكى مش تصعبيها عليا انا مش عارف اعمل ايه افهمي بقى رامي مات خلاص لازم ادفنه هتسيبيه لما يتحلل قدامك عشان تقتنعى أنه مات 

ريم زقته وحضنت رامي ومسكت فيه وقالت 

ريم 

انت عايش يا رامي مش هتموت انا هعيش لمين قولى بس قوم بقا 

رامي 

هقوم ازاى وانتى كابسه على نفسي كدا هموت مخنوق يا بنت المجنونه 

ريم رفعت راسها وبلهفه قالت 

ريم 

رامي انت كويس صح انت عايش انا مش بحلم وأغمى عليها وهى فى حضنه 

رامي 

ريم انتى يا بت نهار اسود هو احنا بنسلم شيفتات انا أقوم انتى يغمى عليكي 

اسر 

اسر 

أقسم بالله طول عمرك نحس مش عارف اباركلك انك فوقت اخيرا ولا اواسيك عشان ريم

ريم 

انت متعرفش كنت حاسه ان هيحصلي اي لو روحت مني 

رامي 

انا عهد عمي أن هلقيكي ومش بعد كل ده اسيبك وامشي متعرفيش انا عملت اي عليان ادور عليكي 

ريم 

بحبك يا رامي 

رامي 

وانا بموت فيكي

ريم 

انا عايزه اطلب منك طلب انا عمري ما شفت بابا وهو عايش عايزاك توديني قبره 

رامي 

اكيد هعمل كده اول لما اقدر امشي علي رجلي هوديكي عندو 

 

وبعدها رامي بقي كويس وخد ريم وراح قبر عمه وبعدها  عاش معاه ريم اسعد ايام حياته 

تمت بحمد الله