رواية الخاله سكينه الفصل الثاني
وقبل ما نبدأ، نوحد الله ونصلي على خير خلق الله سيدنا محمد ﷺ.
اللهم صلِّ وسلم وبارك على سيدنا محمد، صلاةً تحل بها العقد، وتفرج بها الكرب، وتقضي بها الحوائج
من جوة فيلا سكينة وبعد أذان المغرب كانت سكينة قاعده في وسط الفيلا ومربعة لانها بتلعب يوجا وجنب منها وهو مربوط اشهر مدرب يوجا في العالم كله المدرب الهندي سري سري رافي شانكار وحوالين منها رجالتها والفيلا كلها في حاله سكوت مخيف لغاية ما ينزل بوشي من الدور الثاني ويبص للمنظر اللي قصاد منه و راح ناحية طرقعها وقرب منه وقال
طرقعها هو في اية
طرقعها
ست الكوكب الخاله سكينة بتلعب يوجا
بص بوشي للهندي اللي مربوط وقال
ومين اللي مربوط دة
طرقعها
دة المدرب بتاعها سري بري
بوشي
لا الف سلامة عليكم
ويحاول بوشي انه يعدي من رجاله سكينة لكن طرقعها قاله
ما ينفعش تعدي قصاد ست الكوكب
بوشي
لية هي بتصلي
هنا سكينة قامت وقفت وقالت
طرقعها خد سري بري وارمي في الزريبه لغاية ما اخس وانزل الكرش اللي طلع دة
طرقعها
تحت رجلك يا ست الكوكب تعيشي ودوبي مدربين
سكينة وهي بتمسح العرق اللي مش موجود اصلا وبتقول
اخلو الفيلا
وبصت سكينة ل بوشي اللي قال
مسا النور عليكي يا سكينة
سكينة
بقي انت عايز تعدي قصاد مني وانا في جلسة الويجا
بوشي
ويجا ومين الاهطل اللي قال لك ان الويجا بتنزل الكرش
سكينة
قريت بوست علي الفيس بيتكلم عن الويجا وحرق الدهون علشان كدة خطفت احسن مدرب ويجا في العالم
بوشي
لا برافو حقيقي انتي عبقريه
سكينة
شكلك بتتريق عليه يا ابن عارفه
بوشي
طبعا بتريق دة انتي كنتي قاعده وعاملة زي بياعه الجرجير
تبص له سكينة بغضب شديد وقربت منه وبوشي خاف وقال
انا لازم امشي علشان عندي تصوير سلا،،،،،،،
لكنه سكت لان سكينة مسكته من ودانه وبدات تسحب ودان بوشي وقربت بوقها من ودانه وقالت
أنا سكينة عارف معروف من اغني اغنياء اسكندرية تقول علية بياعة جرجير
اتوجع بوشي وحاول انه يبعد عنها وهو بيقول
يا سكينة بقي. حرام عليكي سيبي وداني من كتر شدك فيها بقيت شبة ودان الفار
سكينة
انت تستاهل قطع لسانك بودانك
بوشي
لية بس كدة.
سكينة
عشان قليل الادب ولسانك طويل . وماحدش رباك ومش بس كدة لا انت كمان. عيل سنسبري
فبص لها بوشي مستغرب اللي هي قالتة وقال
شوفي انا هاسمحك في كل اللي فات بس عايز اعرف يعني اية بقي عيل سنسبري دي
سكينة تسيب ودانة وتقول
دة انا بشتمك بالانجليزي يا حمار
بوشي باستهزاء
لا وانتي بصراحة كابتن في الانجليزي. دة انتي خارجة من اوله ابتدائي. ياسكينة
سكينة
كذب انا خريجة الفرنسا شنازلزيا. والشهادة متعلقة في اوضي
فيضحك بوشي باستهزاء وقال
دي الشهادة اللي كانت معموله قرطاس ومحطوط في فلافل
وضحك وسابها ومشي وراح ناحية باب الفيلا ومسك مقبض الباب ولسة هيفتح الباب قالت سكينة
رايح فين يا. بوشي
بوشي
عندي تصوير . ما انتي عارفة ابن اختك. فنان،،،،،،،،
فتكمل سكينة الجملة مكانة وتقول
جربان
فيبص لها وهو مضايق فتقول وهي بتبص له من تحت لتحت
فنان جربان. يعني بالانجليزي. مطر ميلو
بوشي باستهزاء
ولما انا مطر ميلو . لية عايزا تجوزيني بنتك اتوبيس بالعافية.
سكينة بحدة
بنتي اسمها برديس. يا كلب المعيز
وتبص له بحزم شديد واصرار رهيب
وهاتجوزها يعني هاتجوزها.
بوشي
دة علي جثتي يا سكينة
ويفتح باب الفيلا ويخرج من الفيلا ويقفل الباب وراء منه. فتروح سكينة بسرعه ناحية الموبيل بتاعها وتتصل ب زوبيع اللي كان قاعد مع شله مساطيل وحاطط دماغه جوة الكمودينو بيسحب دخان الحشيش بمناخيره وقت ما الموبيل رن طلع دماغه برة الكمودينو وقال
كلنا ناسين ومش فاكرين وعلي العهد احنا مستلوحين. ويا منجد علي المرتبه
وهو يقولها واللي مع يكرروها وراء منه ويمسك موبيله اللي عمال يرن واول ما فتح سمع صوت سكينة اللي هي خالته هو نسيت اقول لكم ان سكينة ليها اخت تانية اسمها هياتم وزوبع ابنها المهم اول ما زوبع داس اوكية سمع صوت سكينة بتقول
ساعة يا زفت عقبال ما ترد
زوبع
يا خالتي انتي لسة رنة دلوقتي حالا. وبعدين انا في جلسات المحبة
سكينة باستهزاء
جلسات اية يا ابن المجنونه
زوبع
المحبة. اللي بنحب بعض فيها حبة حبة بتاعت صباح الزين يا مهندس خير. شربت العصير
سكينة بعصبية
ولا. بطل رغي مبرشمين وخلي الرجالة تجهز ويقابلة بوشي
زوبع
والله حرام عليكي اللي انتي عايزا تعملي في بوشي دة
سكينة بحدة
جري اية يا ابن هياتم. ماهو السبب. هو اللي خلاني اضحك علية عشان يتجوز بنتي
زوبع
تقومي تعملي علية الحوار دة. هو الجواز بالعافية يا ناس
سكينة بانفعال شديد
زوبع. بطل رغي وانجز بوشي قرب يوصل لمكان التصوير ومش عايزا حرف واحد من اللي دار بينا يوصل له والا
فتسكت سكينة فيخاف زوبع ويقول
والا اية
سكينة
انت عارف
زوبع
لا ماعرفش. وكل مرة تخوفيني
ب والا دي وما عرفش اية اللي بعديها
سكينة
يبقي خلاص. نفذ بدل ما عمل معاك. الا . واخواتها
زوبع
طيب لو،،،،،،
سكينة بانفعال شديد
لو. حرف شعلقة في الجو. يا روح امك. ها تنفذ ولا اخلي امك توزع كنافة علي روحك يوم الجمعة الجاية
زوبع
ما بحبش الكنافة
سكينة بتهديد صريح
نخليها توزع صوابع زينب خطيبتك
زوبع خائفا
اية بس متعصبة لية. يا خالتي
سكينة بانفعال اكتر
اخلص يلا. وروح قابل بوشي دلوقتي
زوبع
طيب اكمل الجلسة يا خالتي
سكينة
قولت دلوقتي
زوبع بزهق
حاضر حاضر، ،،،،،،،،،
ومن جوة قاعة افراح كبيرة وفيها معازيم كتير وكاميرات تصوير ومخرج. يقعد بوشي في الكوشة وجنب منه قاعده عروسة بفستان الفرح لكنها لابسة نقاب ابيض وكان بوشي باصص لها ومستغرب وهنا يقف قصاد منه زوبع ويقول
جاهز للمشهد اللي جاي يا فنان
بوشي
جاهز. بس مستغرب المشهد
زوبع
لية بس
بوشي
هو في عروسة تقعد في الكوشة لابسة نقاب وفوق النقاب طرحة.
زوبع
اصل الفيلم دة هاينزل في رمضان
بوشي
في رمضان في رمضان
زوبع
مالك يا عم مستغرب لية كدة
بوشي
اصل اللي اعرفه ان الافلام بتنزل في العيد الصغير ورمضان دة بتاع المسلسلات ولم التبرعات وبيع فيلل الكموبدنات
زوبع
دة الجديد بقي احنا هنعمل فيلم رمضاني يتعرض بعد رامز ويخلص قبل مسحراتي شارعنا ما يصحي
بوشي
طيب قولي مين الممثلة اللي جنبي دي
زوبع
دي النجمة الهندية شاروخان
بوشي بص للعروسة تاني وقال
مين يا خويا. شاروخان ازاي شاروخان دة راجل
زوبع
نزل منه ستات. وبعدين بقي كفاية اسئلة وركز في المشهد اللي جاي. عشان دة اهم مشهد في حياتك واللي قبلينا قالة. صاحبك اللي يصاحبك ولا صاحبك اللي ما يصحبكش ويبخت اللي ييعطني ويعيط معايا ولا يضحكني ويضحك فوقيا ويا منجد علي المرتبه
بوشي جاله صداع من الكلام اللي قاله زوبع وزوبع قال
فهمتني يا صاحبي.
بوشي
يخرب بيتك. الجملة اللي انت قولتها دي جابت لي حول
زوبع باعلي صوت عنده
حضرو ل مشهد كتب الكتاب ودقو الطبول واعلنو الفرح في كل الفصول ونادو علي الماذون
واحد من مساعدين زوبع ندهه وقال
الماذون يدخل
ودخل الماذون الي القاعة وقعد قصاد بوشي والعروسة وقال زوبع
يالا كله في مكانه. دور كاميرا. و 3.2.1. أكشن
دخل بتاع الكلاكيت وقال
مشهد كتب الكتاب اول مرة من فيلم
العيش الحاف احلي من شد اللحاف
فيلم رمضان اللي جاي
وضرب واحدة كلاكيب
وتبدا مراسم كتب الكتاب والكاميرا تصور كل اللي بيحصل وكانت المراسم زي كتب الكتاب الحقيقي وخلص الماذون الكلام اللي بيتقال وقال ل بوشي
امضي يا فنان علي عقد الجواز. عشان المشهد يخلص
فيمضي بوشي علي العقد وبعد ان يمضي يشوف اسم برديس بنت خالتة سكينة في خانة العروسة فيتصدم ولكن الماذون يخطف منة ورقة الجواز ويقلع العمه والذقن ويشوف طرقعها ويطلع يجري طرقعها وهو بيقول
مبارك يا عريس
بوشي باستغراب
طرقعها الماذون وبرديس في خانه العروسة يبقي دي
وبص للعروسة المنقبه اللي قاعده جنبه اللي رفعت النقاب وشاف برديس فقال وهو مصدوم
انتي
وفجاة يقف قدام بوشي واحد اسمه فؤاد ودة من العيله وسلم عليه وخده بالحضن وقال
مبارك يا عريس
فيزقه بوشي بعيد عنه ويقول
انت بتعمل اية هنا واية مبارك دي
فؤاد
بعمل اية. بحضر فرحك علي برديس
ويحضنه فؤاد تاني فيزقه بوشي تاني ويقول بزهق
يا عم اوعي فرح اية انا بصور فيلم رمضاني حتي اسال زوبع
ويبص بوشي علي زوبع اللي خرج من القاعه بسرعه بوشي لسة هيجري وراء منه لقي العيلة كلها داخله القاعه وبيسلمو عليه وياخدو بالحضن ووسطهم سكينة في ايدها رشاش وبتقول
الف مبارك يا جوز بنتي
بص لها بوشي بغل شديد وقال
جوز بنت مين. انا ماتجوزتش حد
سكينة
ازاي بس دة كلة حاجة متصورة وكتب الكتاب تم وبرديس مراتك علي سنة الله ورسوله
بوشي
دة كذب. وغش انا كنت بصور فيلم سيما
سكينة ضاحكا وباستهزاء
سيما رجعت حرة لينا ومصر اليوم في عيد
بوشي
اتريقي براحتك لكن برديس مش هاتبقي مراتي بالعافية. وبنتك طالق
فتضحك سكينة كمان مرة.
ما ينفعش انت تطلق
بوشي باستهزاء
اومال مين اللي ينفع يطلق أنتي
سكينة
ولا انا
بوشي
اومال مين هيطلق الماذون
سكينة
العصمة في ايد برديس وانت ماضي وموافق علي كدة
بوشي بغضب
كدة. طيب مش هاتخش علية ولا هاتلمس شعرة مني واللي عندك اعملي . يا سكينة يعني بالانجليزي. بق بق
سكينة بغضب
لا هاتخش عليك وهاتلمس شعرك كله وتخلف منك عيل وهاسمي دق دق
بوشي وهو باصص في عيون سكينة بتحدي
عافية يعني
فتحط سكينة رشاشها الالي في وش بوشي وتقول
اة عافية
فيبص بوشي للرشاش ويقول وهو مرعوب
تحبي اجيب لك عيل دلوقتي. ولا تستني 9 شهور وتاخدي حاجة نظيفة
ويبص بطرف عينه لنسوان العيلة ويقول
ما تزغروطو يا ولاد الكلب
فكل النسوان يزغرطوا في نفس واحد و بوشي يبص لخالتة والرشاش اللي في ايديها ويقول
نزلي البتاع دة بقي. ماتخلنيش اقطع الخلف
نزلت الرشاش وقالت ل بتاع
الدي جي
شغلنا اغنية سلون ارقص عليها مع عريس بنتي وياسلام لو عندك اغنية بحبك يا حمار
بوشي
دة انا الحمار دة مش كدة
سكينة وهي بتحط الرشاش علي بطنه وبطن بوشي وبدات ترقص
وهو في هنا حمار غيرك
بوشي وهو بيرقص وبيعيط قال زي الحمار
اة اة اة اة ،،،،،،،،،
وبدات العركة الاسكندراني اصل بوشي مش هيسكت والمفترية سكينة مش هتسيبة وبكرة اقول لكم حصل اية سلام
