رواية فراشة في جحر الافاعي الفصل الثاني بقلم تراتيل
نفرض شگگتهن خاف مااطيبَ!
شگ الثوب فوگ الميت شفاد
______
_______
طلعت بطانيه وشلناها اني ويا بلبطانيه
حطيناها بلبدي واخذناها للمستشفى بقت مرة حماي بلبيت يم جيهان واني وعمتي رحنه وياها كعدت يمها خليت راسها بحضني
الطريق كله هيه تشهگ وتعصر بايدي
وشفايفها ترجف تهمس بس صوتها يشخط
بي النفس ويصير شهگة قربت وجهي منها
واعصر بأيدها
تركيه: شتردين هاي اني يمج لازمة ايدج
لا تخافين وصلنه بس اصبري شويه
بقت تشاگف مشاكف وطلعت منها حچاية وحدة
سهام: بنتي.
وغفت ويبست ايدها بأيدي شخرت باخر شهگة
واني احرك بيها واضرب وجها اريد أمل اريد
بعد بيها نفس
تركيه: لا لا سهااام باعيلي اصحي سهام
خيه ولج سهاام بتج وين تعوفيها شو گعدي
مابيج شي حبوبتي كومي
كمت اضرب بأيدي على السيارة اريد احد
يجيني الطريق صار شبعده
اباوع الوجها شاحب شفايفها زرگ نزلت
دمعه من طرف رمشها الي مطبوگ
وايدها بعدهي بأيدي
اول ما وصلنه نزل حماي يباوع بوجهي
عيوني چبود من البچي شايله ايدها يم كلبي
بسرعة جرها مني شايلها ودشداشتة صارت
حمرة من الدم ايدها واكعة ويصيح حتى احد
يجي يساعدة اني وعمتي نمشي ونعثر ورى
بس ماكو نگطعت ورگتها من الشجرة وخلص
وكتها مالها خبزة بعد بلدنيا راحت سهام
خذناها جثة بلا روح للبيت بس طبينة لگيت
محمود واگف باب المطبخ متانينه حطها حماي
بلمطبخ مغطي وجها عمتي تصيح وتبچي مرت حماي
تملخ بروحها هيج صارت عزيزة على الكل بلحظة
محمود شگ دشداشتة ويصيح بأسمها
ويبچي مثل الطفل
محمود: ولججج سهااام هيج تعوفيني
سهااام گعدي يبعد روحي كلشي مارايد منج
بس گومي بتج هاي منو الها سهام
يحچي وحاضنها وماد طولة ويا طولها
يبچي وكلنه نبچي ويا
امها ملخت روحها ابوها الي اجو يشوفون بتهم
جايبة اجو شافوها جثة
شوية والتمت الناس والخبر صار ينتشر بلقرية
ويجون الجيران واهلها وخوالها وخواتها
اخذوها للمغتسل وبلشت الفاتحة اخت الطفلة
حاضنتها على كلبي اشمها ابوسها كلبي محروم
صار سنين جيهان گاعدة يمي تبچي على بچينه
ماشوف غير خوات سهام هجمن علية يجرن بلطفلة
_هاااي موتت اختنه جيبيها خلي تموت
من وراها كله من وراها وراكم سهام راحتتت
تركيه: اتقن الله شنو هل حچي طفلة شنو ذنبها
امر الله هذا
_اييي حلالج اجتج على الحاضر
ورجلج ضل على كلبج راحت بيها كبش فداء اختنه
لا انتِ ولا هل طفلة تعيشن بخير وتسلمن من ادينه
حضنتها على گلبي حيل وشردت منهن للغرفة
الطفلة تبچي تريد ترضع
تركيه: شنو ذنبج يايمة هيج ينحچي عليج
بعدچ حتى اسم ماعندج ويردون يموتوج
وصيت شكو وحدة جايبة تجي كل شوية
ترضعها لمن گضت الفاتحة كمت اشربها
بلخاشوگة ماي وشكر لحد ما جابولها حليب
وسياسة حتى ارضعها، فاتحت محمود باسم
للطفلة
محمود: اجتي وجابت وياها الحزن
مااسميها اسم عادي
تركيه: لا تكول هيج شنو ذنبها
صگبة: مالج غرض هاي الطفلة جابت
وياها الفگر وبچيتها طلعت روح سموها
مأسي
تركيه: الله اكبر عمة مأسي شنو القصة
جيهان: خلي نسميها قمر حلوة جنها قمر
هيه
محمود: لا نسميها شَجن
تركيه: بس گول يا الله
محمود: مالج غرض اني نزلت دموعي على
سهام من وراها هذا اسمها بعد
انجبرت اسكت لان مالي حق احچي اخاف
منهم ياخذوها نوب مني بقيت اداريها
ويا جيهان وجيهان وياي ابد ما تغار منها
اول ما ترجع من المدرسة تغسل وتاكابلها
علما اكمل شغلي واخذها منها كم يوم گعد گال
محمود: اني هذا البيت يخنگني مااكدر بعد
اعيش بي كل مكان اشوف بي روح سهام
واتذكرها راح ارجع للمدينة
تركيه: تبهذلنة كل يوم بمكان
محمود: انتِ مو صايرة هواي تجادلين مالج
شغل وين مااروح ترحين وياي
هزيت راسي بـ اي فترة رجعنة للمدينة
وهم تعب الشيلة والنقل والهوسة واللغوة كلها نعادت
مشت الايام شجن صار عمرها اشهر ياخذها
الخوالها يشوفوها بس من ياخذها چنه ماخذ
روحي مني تعودت عليها اضل اليوم كله
مثل الطير المذبوح الوب عليها لمن تردلي
مصرف گطعة عليه صار يشح عليه
كلما احاجي يكول ماعندي منين اجيبلج
بركبتي ثنين الطفلة مصاريفها هواي وجيهان مدرسة
صرت اخبز ابيع للجيران اطبخ اسوي اي شي حتى
ادبرلهن فلوس واشوفه عنده بس ما ينطيني
يجيب ويضم بقيت على هل حال سنتين
محمود: راح اتزوج وحدة من العرب حمدولي
بيها وهم خياطة حتى تساعدنة
تركيه: مامحتاجة مساعده مستورة الحمدلله
شلك بيها المرة
محمود: اريد طفل اني اريد ولد
تركيه: بكيفك
صدك خطبنالهيا طلعت گصيرة ومو حلوة
واكبر من عنده بهواي وابد شكلها مو مريح
گلت يلا ما احكم على شكلها بلكت تطلع
زينة بس طلع العكس
صار العرس وجابها يمنه طلعت حية من جوة تبن
مسمومة وشرانية حيل اسمها (شاذية)
حاطة گورها من گوري وگور بناتي
حتى شجن الي عمرها بس سنتين تتعارك وياها
ابسط المواقف التهيت عنهن اشتغل جيهان تدرس
هيه مفصلة قطع قماش وعايفتهم بلگاع
اجتي شَجن تلعب وجرت القماش
موديته الها كنت بلمطبخ اسوي الغدة محمود
راح يجي رن مسامعي صرخت الطفلة ركضت عليها
لگيت خدها احمر وتصرخ فاحطة من البچي
شاذية: اشتعلت روحها الأمج يا حيوااانه
هسة اني شلون راح ارجع المهن هااا
نهمشت روحي حسيت گلبي نملخ مني
من شفت شجن غاصة بلبچي ماعرفت شلون
صفگتها كف فرو لراسها
تركيه: ايدج هاي اذا انمدت بعد على
وحده من بناتي اكسرها الج سمعتيني؟؟؟
شاذية: لج هاي تضربيني؟؟؟
والله لربيج يا تركيه والله هينة ماتعديلج
بقت تگمز كأنها شاذي وتصرخ وتشيل روحها وطخها بلأرض مااهتميت سحبت شجن الحضني اسكتها
كعدتها يم جيهان ورحت اكمل طبخ وهية تركع
بلبوب وتغلط وتتوعد بيه
خلصت شغل رحت الغرفتي حضنت بناتي
وكلت شجن ونومتها دخل محمود للبيت
هيه حتى ما سلمت عليه گبل سردتله الجزء
الي ضربتها بي
شاذية: تقبلها محمود بس تطلع تضربني
وتسب اهلي اني تالي عمري انذل
وانضرب وبيتك ليش هيج شنو ذني
لان حاچيت بتها يگلك كفرت لو سبيتها اني
اذا هيج الوضع ماابقة هنا كل يوم مذلوله ومكتوله
تحچي وتبچي صاح بصوت عالي بأسمي طفرت
واني ابچي من چذبها ومن خوفي منه
محمود: صدك ضاربتها؟
هزيت راسي بـ اي خزرني بس ردت ابرر
ردت احجي ما لحگت شفت نعاله طاير عليه
نضرب بوجهي ركضت للغرفة گعدت ودموعي
ماتوگف ليش اني هلگد ضعيفة لان ماعندي اهل؟
لو لان اخاف اخسر بناتي؟
عبالي لهنا وخلص الموضوع اجتي جيهان يمي
تمسح دموعي وتباوعلي
جيهان:: روحي تحترگ كل مااشوف
امي تنضرب لو تنهان امي شايله حزن يكفي بلد
عبالها مااسمع بچيها بليل من تنوم شجن وعبالها اني نايمه لو من تلولي الأختي وراها ينگلبن نعاوي
دللول يمه الولد دللول
عزيز على گلبي من غير ما گول دللول يمه
نام مرتاح دللول يايمه الولد دللول
وعدوك عليل وساكن الچول
يا يمه الزمان وياي جاير
يعوف الشبعان وبالفقير حاير
أنا الما شفت راحة ولا فرح مَر عليّ
شلت الهم صبية وظل يربى إليه
يا يمه المهد ينهز والگلب موجوع
ونومي شحيح ودمع العين مسچوب
نضحك بلوجوه بس الگلب مشلوع....
گعدت كدامها اتلمس وجه أمي ابتسم الها حتى اشوفها تبدل
دموعها بضحكة بس هذا الشي خلاها تزيد بچي ما تنقص
شوية ودخل ابوي لازم الواير بأيدة تراجعت لورى
شاهگة من عصبيتة وعيوني تتنقل بينه وبينها
لا مااريد اشوف مااريد اسمع ليش اني بينهم
باوعت للباب شفتها واكفة مبتسمة بشماته
ومكتفة اديها اكيد هية بسببها تقدم امي شمرتني
يم شجن وهو صار يضرب بيها تخلي اديها يم ايدة
تريد تصد الضربات وتريد توگفة حتى ما نشوفهم
تركيه: بس خلطلع البناات اووكففف
محمود: تكليلي اي مووو ماخايفة
عووود طلعتت عينج هاا احجييي
ماجانت دافع عن نفسها بس جان كل همها
اطلعة حتى مانشوف
مشت الأيام على هيج حال 9 شهور ما حبلت بقى
يراجع بينا علاقتنه بيها سطحية حيل لحد ما حبلت
واخيرا طلع بيها ولد ومن عرف ابوي جاب الذبايح
وعزم گرايبنة كلهم وخاف جان مدللها سواها شيخة
على روسنة تاكل وتمسح اديها بلگاع وتگوم
لحد ما جابت وشمرت الطفل علينه جيهان
صارت تهتم بي ويا شجن رغم تدرس
وتمتحن بس صارت تساعدني على الاقل باخوانها
فترة ورى ولا دتهابعد مرد الاربعين هم طلعت حامل
وهم المشاكل زادت والگال والگلت
وهية تخيط للنسوان 24 ساعة على مكينتها
وكلشي مكربسته براسي وفلوسها تضمهن الها
تشتري ملابس وذهب
لمن بيوم اجتي وحدة منزبوناتها شافت جيهان
وچلبت الـ شاذية انطوني بتكم
شاذية: اي اخذوها بس يجي ابوها اگله
تدللين گبعيها واخذيها
تركيه: هوة الحچي بكيفچ بتي صغيرة
ماازوجها هسة مامتوازين
_خاله برد شني قحط بتج هسه هية
منو الملكة اليزابيث
شاذية: مالج علاقة بيها اخذي الحجي
مني اني انطيج
_حبيبتي ما تقصرين بس لا بطلت
ماريد اذا الام هيج تنگط سم البت شتطلع
خيه الله يعينج شلون متحمله
طلعت بس هيه ما نست السالفة بقت ضامتها
اول ما دخل محمود جرته وياها وحچتله
شاذية: بنتك بعد كبرت وصار يجوها خطابة
والبنية مثل السچة كلشي يعبر عليها
ليش يفوتها القطار انطيها احسن الها والك
هم تخفف مصاريف وصرف وهم ترتاح مستوره
محمود: والله كلامج صح بس شنو منو خاطبها
شاذية: ام فيصل زبونة عندي خوش مرة
وخير من الله وانت هم اسأل عليهم
محمود: هاا لا لا ماريد غريب مانعرف
شني ماشني اني اجه احد گرايبي طلبها مني
شاذية: وما حچيت ليش ساكت
محمود: مو اني گلتلهم صغيرة وتدرس
شاذية: يووه هسه واذا تدرس شتحصل
ما عليك امشي وراي وعرسها
تركيه: شاذية هاي افكارج شيليها من
راسج بنتي صغيره ماازوجها
شاذية: دخيلج سكتي سكتي ترديها تعنس
اني ازوجها وعن قريب....
شكرا لزيارتكم عالم روايات سكيرهوم
