رواية لا أمان لك الفصل الثاني 2 بقلم ورود الخالدي

يعمر::::

ثاني يوم كعدني صفوان من وكت لان ورانه يوم طويل ..شكد توسل صفوان بابويه وكله خلي نسوي العرس بالقاعة ونحجز بفندق بس ابويه مقبل..كله ماكو عرس بقاعة لان يريد يعزم اهل المنطقة كلهم ويسوي عرس وطبخ بالبيت ابويه من النوع العنودي اذا كال لا ..يعني لا..اضطرينا نسوي العرس بالبيت رغم بيتنا جبير والاستقبال مالنا هم جبير وضخم بس مكفه الناس من صارت الزفة ماكو محط رجل ابيتنا الصاله جوه مليانه نسوان وبنات وجهال والاستقبال مليان زلم جماعة ابويه وجيرانه وعمامي وخوالي واصدقاء صفوان ومنقذ حتى من صبينا العشه هلكت واني انكل صياني وذوله جماعتي الصقاط مقبلو يجون للعرس ولا واحد منهم لفه..بسيطة اني الهم ..كولشي ميغزر بعيونهم..صدك صحبة كاس وونسه مو مال وكفة ورد جميل بسيطة ومن خلص العشه زفينه ..صفوان لغرفته واني بقيت يم الناس الي بالاستقبال وره العشه الناس خفت بقو بس كرايبنا ونسوان بالصاله هم من عماتي وخالاتي وبناتهن وبعد كم وحده ما اعرفهن يمكن اقارب العروسة..بينما جنت فاتح الثلاجة دا اطلع بطاله مي ..التفتت حسيت نفسي انصدمت من شفتها كاعده ع التخم بصف سناري اختي ودتسولف وتبتسم..هاي شنو معقوله هاي هيه نفسها لو اني متوهم..سديت الثلاجه وباوعت زين ..خررب هيه نفسها..لا..لا ممعقوله هيه نفسها واذا هي شتسوي ابيتنا ومنين تعرفنا ومنو عازمها اصلا..يجوز مو هيه يجوز وحدة تشبهها..طلعت من المطبخ طلعت موبايلي وباوعت ع الصور..مستحيل هي نفسها حتى شعرها نفسه وملامحها نفسهن..راح اتخبل ..رجعت للمطبخ اريد اتاكد منها هي ممنتبهتلي ملتهيه تسولف ويه سناري..بس اني اريد اتاكد..ادنيت يم الباب وكفت يم الدرج بحيث..اشوفها متشوفني وتاكدت انه هي نفسها من المداليه الي ع ركبتها مداليه بيها فراشة سوده نفسها الي لابستها بكل الصور..يعني هيه مو وحدة تشبهها عقلي طار من راسي شتسوي ابيتنا ..هاي الصاقطة وشعدها لازكة بصف سناري وتدك سوالف خررررب كلبي كام يفور متحملت اشوفها تسولف ويه اختي  طلعت من المطبخ..افكر بسرعة ..شفت اموري ابن طالب ابن خالي صحته

روح صيحلي سناري بسرعة كلها يعمر يريدج بالمطبخ. 

راح يركض جتي سناري

اول مفاتت للمطبخ جريتها:

سناري ترحين هسه ركض لهاي البنيه الجنتي كاعده يمها تسولفين تكوليها تطلع هسه من بيتنا بكرامتها ..واحترامها لا افوتلها افلش وجهها كدام العالم؟؟

ياااا..شبيك يعمر..هاي يابنية الي تفلش وجهه!

البنيه الجنتي هسه كاعده بصفها ام نفنوف المشجر ام كذيلة ع عيونها!

ام نفنوف المشجر!!..قصدك امنية!!؟؟؟

امنية ...قندرة . هسه ترحين اطرديها فورا لا اتصرف غير تصرف كدام العالم؟؟

ليش..ليش يعمر انته منتبه عليمن دتحجي؟؟

اي منتبه روحي طرديها بسرعة ؟؟

هسه غير اعرف شمسوية امنيه واطردها!!

بدون متعرفين كتلج طرديها وخلص واذا مطلعت اجي اجرها من شعرها واشحتها للشارع

عزززة..هاي شدتحجي شبيك يعمر تريد تفشلنا كدام اهل نازك؟؟

كتلج طرديها بدون نقاش..

وعفتها وطلعت للحديقه احس نفسي مختنك ..هاي شجابها لبيتنا يصير هذا مالك الناقص ..كلها عدهم عرس وروحي شوفيه بالعرس ..بس ممعقوله يتصرف بدون ميكولي..المهم خلي تطلع من بيتنا واعرف شلون اتصرف ويه مالك اذا دازها واذا مطلع دازها هم اعرف اتصرف ويه الي عازمها للعرس 

امنية::؛

تعشينا وخلصنا عشه وبقينا كاعدين بالصاله مال اهل صفوان طبعا بيتهم يخبل كولش مرتب وحلو ومثل مكالت ماما مبنين حالتهم فوك الممتازة من البناء والاثاث ومساحة البيت والمنطقة الكاعدين بيها..وبينما دنسولف اني وسناري اخت صفوان اجه طفل صاحها وكلها 

يعمر يريدج بالمطبخ

هي كامت وكالت:

من رخصتج امنية اخويه يعمر صاحني..دقيقة وارجعلج

وراحت وره شويه رجعت وجهها مكلوب وكالت:

امنية ..اريد احجي وياج بس موهنا تعالي يم الدرج؟؟

ليش شكو!!

والله ما ادري بس تعالي اكولج حجاية فدوة!!

اي اجي بس انتي شبيج وجهج مخطوف خوفتيني..

رحت وراها..

وكفنا يم الدرج كالت:

والله ما اعرف شكولج بس اخويه يعمر كلي اطردج..من البيت مالنا؟؟

شنو؟؟

اي والله هو هيج كلي مدري شبيه صاير عصبي كلي خلي تطلع من بيتنا لا اجي اسحلها سحل كدام الناس؟؟

سناري دتتشاقين لو ناصبة عليه منو الي يسحلني؟؟

والله هو هيج كال مدري ليش حتى مفهمت هو ليش هالكد عصبي وهيج يحجي انتي شمسويتله!!

ياااا..شمسويتله ليش اني وين اعرفه حتى مسويتله اصلا مشايفته قبل ..

لعد ليش يريد يطردج؟؟

يمعوده خاف متوهمه موعليه!!

لا هو كلي عليج 

حسيت كلبي انعصر يربي شنو القصه شنو يطردني شنو يسحلني هذا شبي شمسويتله اني اصلا ما اعرفه ومشايفته اخاف متوهم لو اكو فد غلط لو سوء تفاهم..زين هسه شسوي اروح اكول لماما واخليها تكلب الدنيا عليهم لو اروح اكوله شنو القصة اخاف الولد متوهم واكبر الموضوع اكثر من اللازم..اي اروح اسألة شكو بيها ..ليش يطردني شنو خايفة منه وما اسأله..سناري خطية بس تباوع بوجهي ومستحية لان بهالموقف فكتلها:

هو وينه اخوج يعمر خلي احجي ويا اخاف اكو فد غلط بالموضوع..

هااا..هو بالمطبخ تعالي..مادام محد يمه. 

رحت وراها..ملكيت احد بس نسوان ديصفطن بالمواعين..هي باوعت بره ورجعت؛

ذاك هو واكف يم الباب 

طلعت..بره..شفته واكف ..طبعا اول مره اشوفه ابد ميشبه صفوان ..اطول منه..ولحيته وشوارب ثخان نازلات ع شفته..وشعره من الجوانب خفيف ولابس قميص..مخطط وبنطرون اسود فكتله بسرعة

العفو..اخويه انت يعمر؟؟

التفتلي بسرعة..اول مشافني عبالك يعرفني:

هاي بعدج هنا..مو كلت لسناري كوليلها خلي تنقلع!!

اخي انت تعرفني متاكد انت قاصدني اني ..!!

لعد قاصد ابويه امشي منا ولي!!

كوة صبرت ع نفسي ومبجيت فكتله:

انت شبيك مخبل..شمسويتلك اني ..اصلا ما اعرفك..

جان صوتي عالي هو بسرعة لزمني من ايدي حيل ومشه بيه ركض اني ما اكدر اركض بسرعته لان اصلا اكزل بمشيتي حسيت نفسي راح انجبح ع وجهي زمخت بيه:

وين ماخذني هد ايدي

لج امشي ولتحجين وياي كدام الناس لا افلش وجهج..

هد ايدي..هدني؟؟

بس مهدني اخذني بممر وره بيتهم بيه..مشكله بيه مراوح مال سبالت وبيه براميل وغراض ..يعني مثل الترك اول موصلنا..هد ايدي وزمخ بيه:

منو دزج..مالك دزج للعرس؟؟؟؟!!!

مالك منو؟؟

اهووو..سوت نفسها متعرف مالك..ماشي منو عازمج للعرس وشدخلج لبيتنا؟؟

انت مخبل والله مخبل شنو منو عازمني..ومنو هذا مالك الي تحجي عنه؟؟

هههه..مالك..صديق ملازم علاء..بس لا ملازم علاء هم متعرفيه!!

ملازم علاء..منو..؟؟

اهوووو..ملازم علاء ابو٦اوراق!!

٦اوراق شنو..انت شدتحجي بالضبط؟؟

طلع موبايلة من جيبه فتحة وشوفنياه وكلي:

هذه منو انتي لو غيرج؟؟

شفت الصوره حسيت كلبي وكف كوه طلعت الحجايه من حلكي:

ه..هذه..ص..صورتي..ش..شتسوي بجهازك؟؟

همزين اعترفتي هاي صورتج..

ا..اي..هاي..هاي صورتي..شتسوي بجهازك..امسحها..امسحها بسرعة

هو اتقرب مني ولزمني حيل من زندي وكلي:

هاااا خايفة ع صورتج ؟؟؟!!!!.تره صورتج مو فد نمونة..موجوده عد مالك وعد ملازم علاء وعد براق يعني متوفرة ..بكل مكان..

منو ذوله الي تحجي عنهم وشتسوي صورتي عدهم!!

شوفي بطلي هاي الكلاوات واذا خايفه ع صورتج ليش ادزيها للشباب ..اصلا!!

اني ادزها للشباب؟؟؟..اكل خرة ...حيوان!!

من كتله اكل اخره تحركت ايده ولزم شعري حيل ردت اصرخ كلي:

ديري بالج اتصرخين والله ادفنج هنا..اطلعي من بيتنا..باحترامج..لا..قسما بالانبياء ..هسه افضحج فضيحة هنا وصورج للخايفه عليهن اعرضهن بالبلازما للشباب الكاعدين  بالاستقبال..

وهدني حيل خفت من عيونه ومن صوته مبين يحجي من كل عقله..عفته وركضت دموعي وحدهن جرن افكر اروح احجي لماما واكولها عن تصرفه بس شكولها..قابل منين جاب صوري وماما اذا عرفت هو طاردني تكلب العرس عليهم عزة وصدوك انفضح ..بس يمكن هذا الولد مكبسل ..لان يحجي حجي مفهمته واصلا ممترابط ما اعرف منين جاب صورتي ومنو مالك وملازم علاء وهذا الثالث نسيت اسمه..امشي وافكر..بالاخير كلت هذا مو بوعيه اي الي اعرفه عنه هو واحد ساقط وسايب ومهتلف واحتمال مكبسل فعلا ويجوز يسويلي فضيحة كدام العالم ..اطلع من بيتهم وارجع لبيتنا وباجر الصبح من تجي ماما اسولفلها كولشي ويصير خير..بس شلون اطلع الدنيا ليل وماما هسه يضل بالها ..اذا طلعت..رحت لسناري كتلها:

سناري هذا اخوج مدري شبيه يحجي شيش بيش يمكن شارب لو مكبسل مدري شبيه ..مخلي باله يمي ويردني اطلع من بيتكم اني راح اخذ تكتك لو تكسي واروح لبيتنا بس فدوة من..تسال ماما كوليلها..امنية ضاجت وراحت للبيت ولتخليها تقلق..باجر يصير خير منريد الناس تنتبه ع تصرفات اخوج المخبل..

اخذت جنطتي وطلعت ومخليت ماما تشوفني لان ملتهيه تسولف ويه خالات صفوان..ومن طلعت شفت تكتك صعدت..ويا..بس شنو الطريق ..كوله احس وجهي نار..واريد اطكها للبجية بس لان بالشارع حابسه دموعي كوه وطبعا بيتنا مو كولش..قريب تقريبا ثلث ساعة بالتكتك ..يله وصلت لبيتنا اني مخليه خيط زغير بالباب لان بيتنا من الكدام ممر طويل  ومن يجون جهال جيرانا يدزوهم ع الخياط يدكون بالباب محد يفتحلهم لان منسمع الباب بيتا صاير جوه والممرطويل ع طول بيت ام حسام جيرانا جريت الخيط وفتت بس دخلت للصالة هديت دموعي وكمت افرفح يربي صورتي شجابها عنده وكمت ادور على موبايلي  بالبيت مثل المخبلة نفشت القطع مال القماش وضليت ادور ودموعي يجرن..

يعمر:::

شفتها اخذت تكتك وطلعت..بس من راحت حسيت  اكو فد غلط بالموضوع.شبيها شو مسويه نفسها متعرف لاملازم علاء ولا براق..غير صديقها شلون متعرفه واصلا من شافت صورتها بجهازي وجهها انخطف حيل تفاجأت وصرخت بوجهي ..شتسوي صورتي بجهازك وامسحها بسرعة مدري ليش حسيت اكو فد غلط بالموضوع فعلا..ومن لزمت زندها رجفت شفتها بسرعة وعيونها لمعن  عبالك محد لازمها قبل..شبيها هاي مو زين مني طردتها ومفضحتها وشجابها لبيتنا..كلت اخابر مالك افتهم منه اتصلت عليه بسرعة رد:

هله يعمر..

هلو مالك..

شعجب متصل مو اليوم عرس صفوان شنو تريد نجمع ونطلع؟؟

لا ..بس خابرتك اسألك ع البنيه الي اتفقنا عليها..ردت اعرف شسويت مسويت!!

ههه..شسويت يعني انطيتها الفلوس..واتفقت وياها اصلا..قبل خمس دقايق جنت اسولف وياها 

من كال خمس دقايق عرفته يجذب!! فكتله:

هااا..جنت تحجي وياها قبل خمس دقايق!!

اي جنا فاتحين كامرة لك شلابسه..من فتحتلي كامرة سيت مال نوم احمر يملخ..هنيالك عمي..لو عندي ٦اوراق فلا افوتها..

ها..قبل خمس ..دقايق فتحتلك كاميرا ولابسه سيت احمر مو؟؟

اي واتفقت وياها ع ليلة السبت ع الاحد

انت..وين هسه!!

بالبيت بس راح اطلع اروح ع مصطفى::

لا لتطلع اني جايك..شغله تفيدك بيها فلوس!!

ماشي مادام بيها مالات انتظرك!!

عرفته..يجذب يكولي جنت احجي وياها كاميرا قبل خمس دقايق ولابسه سيت نوم احمر..شلون رهمها والبنيه هستوها طلعت من بيتنا..اووف نار وشتعلت بكلبي ..احسه طرحني زوج وضحك عليه بسيطة اني اعلمه بس ليش يجذب عليه شنو الفلم!!بسرعة رحتله للبيت عفت العرس والعالم ورحتله لان  كلشي اتحمل بس الجذب ما اتحمله..اول مفتحلي الباب كتله تعال وياي..صعدته وياي وحركت كتله:

مالك اريد رقمها..

اي رقم!!

رقمها مو تكول جنت احجي وياها ع الواتس يعني رقمها عدك!

يمعود شتسوي برقمها مو كتلك اتفقت وياها وهاي هيه..

خابرها هسه كدامي!!

ليش يعني..

كتلك خابرها. 

معندي رصيد!!

خابرها من جهازي..

يعمر شو صاير عصبي شبيك!!

مديت ايدي جريت مسدسي وكتله:

خابرها..لك كواد اني تطرحتي زوج!!وتجذب عليه شكالولك ..طلي وتجرني من اذني!!

على بختك نزل المسدس..صدك جذب جار مسدسك عليه ع مود بنيه متسوه فلس..

ماشي..مصدكك..كول شسمها البنيه  الي اتفقت وياها..

هااا..اسمها..اسمها!!

هااا متعرف اسمها!!

لا..لا اعرفه شلون ما اعرفه....اسمها..اسمها هداوي!!

يله خابرها لهداوي كدامي؟؟

مو هسه..اقصد يمكن نامت!!باجر اخليها هيه تخابرك..

عصبني هالكد ميجذب زمخت بيه:

مالك احجي الصدك لا بطلقه وحده افلش راسك واشمرك للجلاب ..بالجول..منين هاي البنيه الشوفتني صورها..!!

هو خاف من شافني صاير نار رأسا اعترف:

اكولك..بس لتصير عصبي اكثر..

لك احجي

شوف اني بصراحة ما اعرفها صعدت تكسي لزيونه ولكيت الموبايل بالكشن الورة جان طافي شغلته..عد اهلي وفتحته حتى رمز مابيه وبصراحة كلبت بيه وفتحت الاستوديو لكيت الصور عجبني ونقلتهن لجهازي..وكلت بنيه حلوة ويفيدني صورها..ومن شفتك تحجي ..البارحة..كلت احصلي منك كشة فلوس بهالصور!!

خرررب لك تحجي صدك انت جايبلي صور بنيه متعرفها وتضحك عليه بيهن..ومن..فكرت تاخذ مني فلوس..مكلت منين اجيبلة البنيه صاحبه الصور!!

كلت ادبرلك اي وحدة من معارفي واطلعلك اي عذر عن البنيه ام الصور سافرت تمرضت اهلها مقبلو اي عذر وهيه تصفه!!

صفني الحجي مالته ومن عصبيتي ردت اخلي طلقه براسه..فعلا..ومن شافني اريد اضربه كلي:

ع بختك..يعمر انت صاحبي وخويي واحسبها عليه والله اجيبلك احلى منها..حتى لو تريد اختي اني حاضر بس نزل المسدس..

نزلت ايدي وكتله:

الموبايل وين مال البنيه خو مبعته  

لا مبعته ..لان مجابلي سعر شاشته مفطوره ..ورخيص..

خرررب يعني عرضته للبيع::

لا عندي موجود..

والصور المن رسلتهن بعد. !!

محد والله بس الك رسلتهن ليش انت مهتم للصور انت تعرفها!!

شوف تروح تجببلي الموبايل ..وشكو صوره بجهازك تحذفها واذا تطلع صورة من صورها..يحرم عليه حليب  امي اكتلك خلاص؟؟

ماشي. رجعني لاهلي هسه انطيك الجهاز وامسح الصور..

ورجعته للبيت..انطاني الجهاز..اخذته ورجعت لاهلي حايرشلون اتصرف زين ..البنيه راحت ..شفتها طلعت كدامي شلون راح اشوفها وانطيها جهازها واكولها اكو فد سوءتفاهم..بقيت كاعد بالسيارة اتصفن حاير شسوي شلون موقف هذا وشلون جفصه تفشل بس لا تطلع من كرايب العروسه وتعال يعمي حلها..وتذكرت سناري جانت تحجي وياها..اول مفتت صحتها:

سناري ..هاي البنيه الي طردتها..انتي تعرفيها ..!!؟؟

يكول تعرفيها شلون ما اعرفها غير اخت نازك🤭🤭

اخت نازك منو!!

امنية اخت نازك مرت صفوان!!

خرررب..صدك تحجين..اخت نازك؟؟؟

اي..بس اني مشايفها قبل؟؟حتى من رحنالهم كم مره مشفت بس امها وعمها واختها المريضة الزغيره!!

اي هيه متطلع ومتختلط ومتجامل..ابد ..حيل حبابه  بس ليش طردتها خطية شمسويه!!

ممسويه شي اني مطي وزمال وتاهت عليه..الامور!! زين هي شكالت من طلعت!!

مكالت شي خطيه بس العبرة خانكتها وكالت لتحجين لماما بس كوليلها امنيه ضاجت وراحت للبيت....هذا اخوج يمكن مكبسل لو شارب يحجي شيش بيش باجر يصير خير ..

او امها شكالت من شافتها طلعت!!

مشافتها..ملتهيه لحد الان تسولف ويه خالاتي عبالها كاعده يم البنات بغرفة ماما..

ماشي..اذا سألت لهيها اني رايح اجيبها واجي..