رواية ولاد السلايف الفصل الثاني
ح(2)
ولاد السلايف
من تاليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
خلصت حلقة امبارح علي فضل لما فتح باب اوضة سامي ولقي سامي واقع علي الارض فجري فضل ناحيتة وبدأ يهز في وهو قلقان علية جدا. وينادي باعلي صوت عنده
سليم. نور. الحقوني، ،،،،،،
وبعديها بساعتين. من جوة شقة مفروشة يقعد ايهاب علي الركنة الموجودة في الريسبجين وكان مولع سيجارة وقدام منه تقعد يسرا وتبص له وتقول له
هاتفضل قاعد ساكت كدة
ايهاب
نعم يا يسرا. عايزا اية
يسرا
عايزاك تروق كدة وتفك
ايهاب
ما انتي ما شوفتيش ليلة امبارح وسامي وسط عياله وهما ملمومين حوالين منه ولا كانهم شايفين امهم
يسرا
انت يعني كنت عايزاهم يعملو اية واحدة سيباهم بقالها 20.سنه. اول ما بشوفوها يجروا عليها. كان لازم يحصل كدة ولو كنت مستني مشهد غير اللي انت شوفته امبارح دة تبقي غلطان
ابهاب
طيب علي الاقل كانت المفاجاة دي وقعت سامي. لكن دة فضل يرقص وسط عياله ولا كانه شافنا
يسرا
عمل الصح. مهما كان موجوع مستحيل يبان قدام منكم انه اتكسر
ايهاب
بس انا مش هارتاح الا لما اشوف كسره قلبه وحسرته وعياله اللي تعب في تربيتهم بيبعدوا عنه واحد وراء التاني
يسرا
والله يا ايهاب انت غريب بقالك 20 سنه. عايش حياتك. اشمعني دلوقتي جاي تاخد حق مامتك من سامي
ايهاب
طول الفترة اللي فاتت وانا مش ناسي حق امي. بس كنت في الاول محتاج استغل فلوس ورث الهام واشغلها واكبرها واعمل بدل المليون 100. وفعلا طلقتها منه وخدها وسافرنا واتجوزنا. والفلوس زادت وزادت. ومن ناحية تانية قهرت سامي تبقي مافيش منها قومه بعد ما يربي عياله 20 سنه. وفي الاخر يبقوا بح. مش موجودين في حياته. مش تبقي قاضية برضو
يسرا
يا ساتر. كل دة سواد جوة قلبك ناحية سامي.
ايهاب
ماهو لما امي تكون هاتموت علي ايد سلفتها وسلفتها تكون السبب في انها ما تخلفش غير عيل واحد يبقي دة اقل حاجة تحصل لابنها. انه يموت بقهرته
يسرا
نفسي تحكي اية اللي حصل بين مامتك ومامته
ايهاب
هاحكي. لك. مع اني ما بحبش افتكر الايام دي ،،،
ونرجع بالاحداث لكام سنة وراء ومن جوة شقة اربع اوض وصاله تقعد ام ايهاب واسمها نادية مع ايهاب اللي كان لسة عيل عنده 12 سنه وكانت بتاكله بايديها في بوقة ودبما بدلعه فيدخل عليها الشقة ابوة ايهاب واسمه معتز ابو الذهب. ويبقي الاخ الوحيد لشوقي ابوة سامي. وكان معتز باين عليه الضيق الشديد ويبص لنادية ويقول لها
تبقي عارفة ان امي عاملة عملية في عينيها وما تنزليش تشوفيها عايزه اية
نادية
اصلي تعبانه ومش قادرة
معتز
والله العظيم وجالك امتي التعب دة. ما انا دخلت لقيتك بتضحكي وتهزري مع الحيلة ابنك
نادية
والله انا حرة هو النزول لامك دة بالعافية
معتز
لا. بالذوق بالاصول يا بنت الاصول
نادية بعصبية
معتز. بلاش تلقيح. انت عارف اني بنت اصول ولولا ان ابويا المعلم حامد. الجزار بيحب ابوك ما كنش جوزني ليك ابدأ. ياللي كنت بتاخده اللحم شكك. من عندنا
معتز بمنتهي العصبية
لمي لسانك بدل ما
نادية مقاطعه له
بدل ما اية. معتز قصر في ليلتك. والبيت المخروب دة في واحدة غيري. ولا هي هانم تصحي وقت ما تحب وتنزل وقت ما تحب وماحدش يعرف يكلمها. اية هو انا كنت الخدامه وهي بنت الباشا
معتز
يا ولية يا مفترية صباح رغم انها. لسه في اول حملها وتعبانه الا انا ليل ونهار عند امي
نادية
وماله يا خويا ماهي حبيبتها وسر الاثنين مع بعض. انت ناسي يوم ما صباح اتخنقت معايا ووزقتني ووقعد وسقط اللي بطني ومن ساعتها ما حملتش تاني. امك كانت معها ومطلعاني غلطانة
معتز
ما انتي كنتي غلطانة فعلا وانتي اللي ضربتيها الاول. وهاتفضلي لغاية امتي مشيله صباح ذنبك وانك ما خلفتيش تاني بسبب الخناقة دي.
نادية
هو انت نسيت ساعتها الدكتور قال اية
معتز
لا مش ناسي بس الدكتور قال انك شيلتي حاجة تقيلة ودة اللي سقطتك. وبعدين انتي ساعة الخناقة وقعتي علي ظهرك. مال الظهر بالخلفة بطلي بقي افتري علي صباح
نادية
ايوة ايوة. ماهو انا اللي لازم في الاخر اطلع بنت ستين كلب انما النحنونه اللي الفوق هي الاميرة بنت الامراء.
معتز
لا حول ولا قوة الا بالله
نادية
لا كدة مش كفاية. اتحزبن علية كمان. اوعي تكون فاكرني عبيطة. انا عارفة انك ساعتها اتفقت مع الدكتور يقول كدة علشان خايف من اخوك الكبير
معتز
شوقي. هو في اطيب من شوقي ولا سامي ابن شوقي اللي ديما ابنك بيضربه رغم انه اكبر منه
ايهاب في اللحظة دي اتكلم وقال
هو انت لية يا بابا كدة ديما بتحب سامي دة اكتر مني
معتز
علشان عيل متربي مش زيك دلع امك ليك خلاك اناني وقليل الادب ما تحبش الا نفسك
ايهاب
سامعه يا ماما. بابا بيقول اية
نادية
سامعه. هو علي طول كدة كاسر نفسي ونفسك
معتز
والله انا كرهت العيشة معاكي علي طول نكد وخناق. عيشة تقصر العمر.
ويسيبهم معتز ويدخل اوضه فتعيط نادية وتبص لايهاب وتقول
هايموتني بقهرتي نفسي مرة يجي في صفي زي ما شوقي ديما في صف مراته صباح ومقويها علية
فياخد ايهاب صباح في حضنه ويقول لها
طيب بس يا ماما ما تيعطيش بكرة اكبر واخد لك حقك ، ،،،،،،
**اللي عايز يتابع القصة دي كاملة هيلاقيها صوتية علي اليوتيوب قناة حكايات منص ومي **
وتعدي الليلة ويطلع النهار. وتسمع نادية باب الشقة بتاع صباح وهو بيتفتح فتجري بسرعه تفتح باب شقتها وتقف علي الباب لصباح وتقول لها
اية نازلها
صباح
هي دي صباح الخير
نادية
صباح الزفت عليكي وعلي دماغك
صباح بعصبية
ما تلمي لسانك هو كنت عملت لك حاجة
نادية
يا بت يا كهينه. دة لسة الساعه ما جتش عشرة نازله الصبح ليه كدة عند حماتك علشان يقولو عليكي بنت الاصول اهه ماسيبتش حامتها وقت ما كانت تعبانه
صباح
والله انتي مخك تعبان وانا مش هارد عليكي
نادية وهي بتمسك صباح من شعرها تقول
انا مجنونه طيب والله ما انا سيباكي
وفضلت نادية تضرب صباح في بطنها وكانها قاصدة انها تسقطها وصباح تصرخ وتصرخ وكل دة قدام عين ايهاب وطلعت حماتهم وفرقت ما بينهم وكانت صباح بتصرخ من الوجع وهي ماسكة بطنها لانها فعلا سقطت ،،،،،،،،،،،
ومن جوة عيادة خاصة يقعد شوقي ابوة سامي قدام الاوضة المحجوز فيها مراته ويدخل عليه معتز بقلق شديد ويقول له
شوقي مراتك عاملة اية
شوقي
سقطت. والبركة في مراتك اللي كانت السبب
معتز
والله يا خو،،،،،،
شوقي مقاطعه له
الكلام مش هايودي ولا هايجيب اللي راح. انا بس اطمئن علي مراتي وهانقل
معتز
تنقل تروح فين
شوقي
البيت بتاعي
معتز
دة لسة علي المحارة
شوقي
اقعد علي المحارة احسن ما تحرم من عيل تاني من عيالي او اصحي الاقي مراتي ميتة
معتز
ولية انت اللي تخرج من الييت. دة بيتك واللي لازم تخرج هي
شوقي
معتز بالله عليك ما تخرب علي نفسك. مراتك هاتتعدل لما احنا نمشي
في هذة اللحظة يقف سامي وهو شاب قدام عمه وكان مضايق من اللي عملته مرات عمه فبص له شوقي وقال
سلم علي عمك
لكن سامي ما يسلمش وكان باين علية انه مضايق فيقول شوقي بحدة
حسك عينك في اي يوم من الايام تشوف عمك مهما حصل بينا وما تسلمش علية. فاهم. سلم علي عمك وبوس ايده كمان
فيسلم سامي علي عمه ويبوس ايدة كمان ويقول
ازيك يا عمي
فياخده معتز في حضنه وهو يقول
ليك حق تزعل. بس وغلاوة ابوك عندي لصلح غلطتي، ،،،
ويطلق معتز نادية ويوديها عند ابوها. هي وابنها ايهاب اللي شبط فيها وبعد ما تخرج صباح من المستشفي وتعرف من حماتها ان معتز طلق نادية خدت شوقي ونزلو شقة معتز وقالت صباح
وانا مسامحة في حقي روح ردها لو مش علشانها هي علشان خاطر ابنك اللي حرام يتحرم منك
معتز
بعد اللي عملته فيكي
صباح بطيبة
ياما بيحصل في بيوت العيلة هانقف لبعض علي الواحدة. روح ردها يا ابو ايهاب ربنا يهديك دة قله خراب البيوت
معتز
وعهد الله ما ترجع دقيقة واحدة علي ذمتي. ام قلب اسود دي. ،،،،،
وفي نفس اللحظة كانت نادية قاعدة مع ايهاب وبتبص له وتقول له
تلاقيها طبعا دلوقتي فرحانه انها خربت البيت صباح بنت الكلب. ماهو علي قلبها زي العسل
ايهاب
ازاي نهون علي بابا يسبنا كدة
نادية
ابوك عبيط تلاقي صباح مليت ودانه بكلامها السم ما انا عرفها يتغير مني وبتكرهني. انا حاسة اني هاموت مقهورة والسبب صباح منها لله.
وتعيط نادية بحرقة وايهاب يطبط عليها فتبص له في عيونه وتقول
عارف لو مت وما جبتش حقي من صباح وعيالها لتبقي ابني ولا اعرفك.
ونرجع تاني للشقة اللي فيها ايهاب ويسرا. وايهاب بيقول
وعدي تلت سنين بالظبط وامي انقهرت جامد علي نفسها وابويا ما سالش فينا وماتت وكانت وصيتها الاخيرة اجيب لها حقها واحرم الفرحة علي صباح واللي منها
يسرا
بس اللي انت حكيتة. وقولته فمامتك هي اللي سقطت سلفتها
ايهاب
وفيها اية ما هي سقطت امي قبل كدة. يعني كان لازم امي تاخد حقها.
وفي اللحظة دي يرن موبيل ايهاب فيخرج الموبيل من جيب بدلته ويلاقي المتصل بي الهام فيقول بزهق
يادي القرف
يسرا
مين
ايهاب
دي الهام.
يسرا
طيب ما ترد عليها
فيرد ايهاب قائلا
ايوة يا الهام
صوت الهام
هو انت فين
ايهاب
مع واحد صاحبي بيعمل عملية. في حاجة
الهام
اختي ميرفت اتصلت بيا وقالت لي ان سامي تعبان اوي ونقلو المستشفي
ايهاب
لا. مش عايزه يموت كدة بسهوله. لازم احرمه من عياله الاول
الهام
ايهاب انا مش هسامح نفسي لو سامي حصل له حاجة بسببي
ايهاب
متخافيش هاخلي احسن دكاترة في مصر يعلاجو علشان يفضل عايش. ابعتي انتي بس عنوان المستشفي في رساله
وينهي ايهاب المكالمة ويبص ليسرا. فتقول له يسرا باستغراب
عايز تعالج سامي
ايهاب
طبعا. علشان اتمتع بعذابة. المهم عايزك تجهزي.
يسرا باستغراب
اجهز. لية
ايهاب
علشان عايزك تتجوزي سليم
فتبص له يسرا باستغراب شديد وتقول
سليم ابن سامي
ايهاب وهو بيضحك
هو دة
ومن جوة اوضة نوم مودة تجلس مودة علي سريرها وتمسك موبيلها وتتصل علي موبيل ابوها سامي وكان الموبيل مع فضل اللي كان في المستشفي المحجوز فيها سامي وبص فضل للموبيل وقال لنور اللي كان جنب منه
مودة بتتصل
نور
اوعي ترد عليها. علشان ما تجيش دي عروسة والنهاردة صبحيتها
فضل
ما احنا لو مرديناش هاتقلق
نور
طيب هات الموبيل وانا هاكلمها
وياخد نور الموبيل من فضل واول ما يفتح تقول مودة
كدة برضو يا بابا ما تتصلش بيا. وتكون اول حد يبارك لي
نور بصوت حزين
مودة انا نور.
مودة بقلق
وانت اللي بترد لية فين بابا
نور
بابا نايم
مودة
من امتي بابا بينام دة كله. فين بابا يا نور
نور
نايم يا مودة علشان طول الليل ما نمش امبارح
مودة
كان زعلان. مني صح
نور
وهايزعل منك لية بس.
مودة
ما تضحكش علية هو زعلان مني وعلشان كدة خلاك انت اللي ترد علية
نور
والله ابدا. بابا طول الليل فضل صاحي وما نمش غير بعد ما صلي الفجر. واول ما يصحي هاخلي يكلمك
مودة
ماشي يا نور. اكيد بابا هايصحي علي صلاة الظهر ماهو مش هينام ساعة الظهر كمان
نور بارتباك
باذن الله هاخلي يكلمك ساعة الظهر
وينهي نور المكالمة ويقف الدكتور المعالج لسامي قدام فضل فيقول له فضل
الجلطة اللي جت له عديت علي خير
الدكتور
الحمد لله عديت وبقي كويس وكلها كام ساعة وتقدروا تشوفو
نور وفضل فرحا
الحمد لله.
فضل
اومال فين سليم لما نفرحوا
نور
هو انت نسيت انه رجع الشقة يجيب فلوس.
فضل
اة صحيح، ،،،،،،،
ومن جوة شقة سامي كان سليم خد فلوس من دولاب ابوة ولسة بيفتح باب الشقة علشان يخرج لقي قدام منه يسرا وهي لابسة حجاب و بتبص له وتقول
مش دي شقة السيد رجب
سليم وهو معجب بيها جدا
لا. والله واضح ان حضرتك غلطانه في العنوان
فتبص له بسرا وتقول
طيب ما تعرفش ممكن الاقي ازاي
سليم
هو العنوان اللي معاكي اية بالظبط. لان ما فيش حد في شارعنا اسمه السيد رجب
فتخرج يسرا من شنطة ايديها عنوان مزيف فيبص سليم في العنوان ويقول لها
الصراحة انا ماعرفش العنوان دة فين
يسرا وهي بتقرب من سليم وبتبص في عيونه
شكرا
ولسة هاتمشي قال لها سليم
ممكن اساعدك توصلي العنوان دة
فتبص له يسرا وتقول
ياريت حاكم انا مش من هنا وارتحت لك وعايزاك تساعدني
ويقفل سليم الباب وينزل مع يسرا وفي اللحظة دي ترن علية خلود خطيبته فيبص للموبيل فتقول له يسرا
ماترد لو رقم مهم بيتصل بيك
سليم وهو بيبص لها اوي
دة رقم مش مهم
ويكنسل علي خلود، ،،،،،،،،،،،
واحنا دلوقتي جوة اوضة خلود وخلود بتتصل تاني مرة علي سليم وسليم كنسل برضو فبصت للموبيل وقالت لنفسها بقلق
يوووووو يا سليم دة انت عمرك ما كنسلت عليه ياتري في اية بس يكون عم سامي حصل له حاجة. اما اتصل علي نور.
وتدور في الموبيل علي رقم نور ومتلقيش الرقم فتقول لنفسها
انا غبية هلاقي الرقم ازاي وانا عامله ضبط مصنع للموبيل
وتدخل ميرفت ام خلود للاوضة وتبص لخلود اللي كانت سرحانه فتقول لها ميرفت
خلود عماله اندهه عليكي. وانتي ما بترديش لية
فتبص خلود لميرفت وتقول لها
معلش يا ماما ما سمعتش. بقولك يا ماما مالقيش معاكي رقم نور او فضل
ميرفت
لا. مش معايا غير رقم سليم. دة حتي رقم سامي اتمسح من عندي
خلود
طيب وبعدين
ميرفت
في اية.
خلود
بتصل علي سليم ما بيردتش وخايفة يكون حصل حاجة لعم سامي.
ميرفت
بعد الشر علي سامي. ان شاء الله يكون بخير. مع ان اللي حصل منه زمان يخليني افرح في بعد ما خان اختي الهام
وجاب واحدة زباله علي فرشتها
خلود
عم سامي اطيب خلق الله يعرف يخون
ميرفت
انا نفسي وقتها ما صدقتش. بس الهام كانت بايته عندنا علشان ماما كانت تعبانه والساعه 2 بعد نص الليل رن تيلفون البيت،،،،
ونرجع بالاحداث لكام سنه وراء ومن جوة شقة ابوة الهام تجري ميرفت اخت الهام ناحية تيلفون البيت اللي كان بيرن وترد قائلا
الو
صوت ست
ممكن اكلم الهام
ميرفت
اقول لها مين
الست
واحدة عايزا مصلحتها
وندهت ميرفت علي الهام وجت الهام وردت وفضلت الست تتكلم وتتكلم لغاية ما وصلت لاخر الكلام وقالت
وهي دلوقتي في سريرك بقميص النوم
وخلصت المكالمة وطبعا الهام جريت غيرت هدومها وميرفت قالت
استني انا جاية معاكي. ,,,,
ومن قدام باب شقة سامي. تقف الهام ومعها ميرفت وتخيط الهام بمنتهي العصبية وميرفت تقول لها
اهدي شوية مش عايزين فضايح
ويفتح الباب سامي ويبص باستغراب لالهام ويقول
الهام. جاية لية في ساعه زي دي. حماتي حصل لها حاجة
ولكن الهام تزق سامي بعصبية وتفتح الباب وتدخل لاوضة نومها وماتقليش علي السرير الا عيالها الاربعه. فتبص لعيالها وتبص لاختها فيقول سامي
الهام في اية
وفي اللحظة دي يسمعوا صوت حركة في اوضة الاطفال فتروح الهام بسرعة هي وميرفت ناحية اوضة الاطفال وتفتح الهام باب الاوضة علشان تلاقي واحدة ست بقميص النوم فتعيط الهام ويتصدم سامي ويقول للست دي
انتي مين ودخلتي هنا ازاي
ويبص سامي لالهام ويقول
والله. العظيم ما اعرف مين دي
الهام
علشان دي منيم عيالك الاربعه في اوضتنا
سامي
صدقيني والله انا.......
الهام بحرقة
طلقني،،،،،،،
ونرجع لاوضة خلود. وميرفت بتقول لخلود
وبعد كلام كتير. ومحاولات فاشلة للصلح بين الهام وسامي اللي حلف انه ما يعرفش الست دي دخلت الشقة ازاي. وان عياله هما اللي جم يباتو معه في الاوضة ليليتها لان النور قطع وهما خافو من الظلمة. طلق سامي الهام وظهر ايهاب في حياة الهام وبعد ما خلصت شهور العدة اتجوزت الهام من ايهاب وسافرت والباقي بقي انتي عرفا
خلود
ولية ما يكنش في حد قصد انه يفرق بين عم سامي وخالتي الهام
ميرفت
ومين بس هايكون لي مصلحة في كدة
وفي هذة اللحظة يرن موبيل خلود وتكون المتصله مودة فتبص خلود لرقم مودة وتقول باستغراب
مودة بتتصل يا ماما
ميرفت بقلق
يا ساتر استر كدة سامي حصل له حاجة. ردي عليها شوفي اية اللي حصل
وترد خلود
خير يا مودة. عم سامي حصل له حاجة
مودة
بابا ماله يا خلود
خلود
هو انتي ما تعرفيش انه تعب امبارح وراح المستشفي
مودة بعصبية
ازاي دة حصل ولية ما حدش يعرفني. وهو بابا محجوز فين ،،،،،،
وفي هذة اللحظة يفتح باب اوضة نوم مودة ويدخل سمير عليها وهو مبتسم ويقول
اهو سيبتك ليلة بحالها يارب بقي تكوني فوقتي كدة ورجعتي مودة القمر اللي انا عارفه
مودة وهي بتنهي المكالمه وبتبص لسمير وتقول وهي بتعيط
بابا تعب امبارح واتنقل المستشفي
وتروح مودة ناحية الدولاب وتحط ايدها في الدولاب علشان تطلع هدوم خروج تلبسها فيمسك سمير ايد مودة ويقول لها بعصبية
ممكن اعرف انتي بتعملي اية
مودة وهي بتبص علي ايد سمير اللي ماسكه ايديها وتقول
رايحة المستشفي لبابا اطمئن عليه
سمير بعصبية
هو انتي عبيطة ولا هبله ولا دماغ اهلك فيها اية
مودة باستغراب
سمير انت بتتكلم لية كدة معايا.
سمير
هو في عروسة تسيب عريسها نهار صبحيتها وتنزل تتسرمح في الشارع
**اللي عايز يتابع القصة دي كاملة هيلاقيها صوتية علي اليوتيوب قناة حكايات منص ومي **
مودة بعصبية وهي بتبعد ايد سمير عنها
انا مش بتاعت سرمحه. انا رايحة المستشفي لبابا. علشان هو تعبان وانا السبب في تعبه. دة
سمير بعصبية
ما خلصنا بقي. من الحوار ابن الكلب دة. كل شوية انا السبب انا السبب اية.
مودة
انت اللي اية. لو مامتك اللي تعبت يوم صبحيتك واتنقلت المستشفي كنت هاكون انا قبل منك. وهاقول لك لازم نبقي جنبها
سمير
انتي بقي. انما انا مش هانزل يوم صبحيتي الا علشان ادفن انما شوية تعب دة كدة دلع نسوان وانا ماليش في دلع النسوان.
مودة وهي بتبص لسمير من فوق لتحت
انت ازاي كدة. دة احنا مكناش بنسمع لك صوت في الخطوبة كنت مخبي كل السواد دة فين
سمير وهو بيضرب مودة بالقلم وبيمسكها من شعرها
جري يا بت انا جوزك وبدل ما تحمدي ربنا اني لميتك وانتي معدية التلاتين وتفضلي عايشة تحت رجلي. زي الخدامه بتردي علية كلمه بكلمه
في هذة اللحظة يسمعوا صوت خبط علي باب الشقة وصوت ليلي ام سمير بتقول
افتح يا سمير وبطل فضايح صوتك جايب اخر الشارع
فيبص سمير لمودة ويقول
عجبك كدة فرجتني علينا الناس في اول يوم
ويروح ناحية الباب ويفتح الباب ومودة بتبص له وتعيط، ،
وفي نفس الوقت كانت يسرا بتودع سليم وبتركب تاكسي وسليم بيبص عليها وبيضحك وبيقول لها
هاكلمك علشان اطمئن عليكي
وتضحك يسرا وتقول
هاستني مكالمتك.
ويمشي التاكسي فتخرج يسرا الموبيل بتاعها وتتصل بايهاب فيرد ايهاب ويقول لها
حصل
يسرا
حصل والواد بقي في جيبي
ايهاب
الله ينور عليكي ودلوقتي بقي لازم تدوسي عليه جامد وتخلي الزبون يقع ويدور علي الماذون
يسرا
عيني.
ايهاب
وعايزك تبعتي لنور جواب تعين
يسرا
فين
أيهاب
في شركتي.
يسرا
انت هاتشغل نور عندك
ايهاب
وبمرتب ما يحلمش بي
يسرا
ولما يعرف انك انت صاحب الشركة
ايهاب
الفلوس هاتخلي يعمل نفسه ما يعرفش
ويضحك ايهاب بشر مخيف، ،،،،،،،،،،
ومن جوة شقة سمير يقعدوا عيلة سمير امه واخوة ومرات اخوة وقدام منهم مودة وهي بتعيط وفي حضن حماتها ليلي وبتقول بحرقة
اهو انتم سمعته الحكاية كاملة غلط في اية انا بقي علشان اسمع منه كل الكلام والاهانه دي
ليلي
لا. يا حبيبتي. سمير هو اللي غلطان والغلط راكبه من فوقو لتحتو
كوثر
انتي جاية علي سمير اوي يا حماتي. برضو دة عريس واول ليلة لي يعيشها في النكد دة. ماله هو باللي رجعت واللي تعب
محمود جوز كوثر
ممكن تسكتي انتي وعندك كلمة حلوة قوليها ما عندكيش اسكتي
كوثر بكهن
هي كدة كلمة الحق ديما توجع. انا هاخرج وسايبهالكم
وتخرج كوثر من باب الشقة وتروح ناحية سمير اللي كان قاعد قدام باب الشقة وتقعد جنب منه وتميل كوثر علي ودان سمير وتقول بصوت واطي يشبة وسوسة الشيطان
كان عليك باية من الهم دة كله
فيبص لها سمير ويقول
وهو انا كنت اعرف انها نكد كدة
كوثر
ما انا قولت لك بلاش دي وخد اختي داليا. اهه بيضاء وقمر وتحب الضحك زي عينيها
سمير وهو بيبص لكوثر
يا رتني سمعت كلامك. بس خلاص بقي فات الاوان
كوثر
اوان اية بس اللي فات دي داليا نفسها فيك وبتحبك اوي ولو فكرت بس فيها هتلاقيها قدامك
سمير
تفتكري داليا ترضي تتجوزني بعد ما اتجوزت مودة
كوثر
ترضي ماترضاش لية. هي تلاقي زيك. بس انت قول اة وانا اجيبهالك لغاية عندك
سمير
وتعيش مع ضره
كوثر
تعيش يا خويا والله تعيش والست النكدية اللي زي مودة يوم ما تحب تضربها اضربها بست زيها وهي تنعدل قال تسيبك نهار صبحيتها وتنزل. لا مش كدة وبس دي كمان عماله تقوم عليك امك واخوك مش تحمد ربنا انها لقيت راجل زيك
سمير
خلاص كلمي داليا ولو وفقت هاكتب عليها بكرة
كوثر
هو دة الكلام يا سمير مش مودة وقرف
وتقوم كوثر من جنبه وتنزل شقتها وهي بتضحك، ،،،،،،،
